|
لو خيروني بين ود اللمين ومريم دردوق لأخترت الأخيرة ...
|
تعرفوا ليه؟؟؟
مريم بنت دردوق فنانة من مدينة بربر
تغني في كافة المناسبات الخاصة والعامة
على نظام ( بالساهلة فقط )
يعني حتى لو جيت وقلت ليها يا استاذة مريم بكرة عندنا
حفلة سماية لكن الفلوس لي اخر الشهر
تقول ليك يا زول عوجة مافي
اضف الى ذلك صوتها الطروب
ودغمستها للدلوكة بطريقة احترافية
انتهى .............
|
|
|
|
|
|
|
|
Re: لو خيروني بين ود اللمين ومريم دردوق لأخترت الأخيرة ... (Re: ود الباوقة)
|
اذكر ان احد اقربائنا من مدينة بربر اعطي حقنة
عن طريق الخطأ كادت ان تودي بحياته
والاسرة قررت عمل كرامة بذبح تورين وثلاثة خرفان
وان تكون الحفلة في المساء بالاستاذة مريم دردوق
ذهب اليها رهط من القوم بغرض الغناء في تلك المناسبة
حلفت بالتكتل حبوبتا ما تشيل ولا مليم واحدة
وجاءت وغنت بلوشي الى مطلع الفجر
| |
|
|
|
|
|
|
Re: لو خيروني بين ود اللمين ومريم دردوق لأخترت الأخيرة ... (Re: ود الباوقة)
|
Quote: تعرفوا ليه؟؟؟
مريم بنت دردوق فنانة من مدينة بربر
تغني في كافة المناسبات الخاصة والعامة
على نظام ( بالساهلة فقط )
يعني حتى لو جيت وقلت ليها يا استاذة مريم بكرة عندنا
حفلة سماية لكن الفلوس لي اخر الشهر
تقول ليك يا زول عوجة مافي
اضف الى ذلك صوتها الطروب
ودغمستها للدلوكة بطريقة احترافية
انتهى .............
|
أخي العزيز ود الباوقة متى تحترمون عقولنا؟؟؟ انقاصك لابداع محمد الامين انقاص لمقام الفن السوداني من خليل فرح وكرومه حتى اخر عنقود فيه فكفى بالله
| |
|
|
|
|
|
|
Re: لو خيروني بين ود اللمين ومريم دردوق لأخترت الأخيرة ... (Re: Elmosley)
|
Quote: أخي العزيز ود الباوقة متى تحترمون عقولنا؟؟؟ |
استاذنا الموصلي
يا اخي الكريم المسالة ما فيها اي نوع من عدم
احترام عقولكم
يلا عاين
هس في احلي من السمك المشوي
في ناس ما بتحبو
وفي ناس ما بتاكلو كلو كلو
اها نسوي معاهم مشاكل ونقول ليهم تاكلوه غصبا عنكم
وانت تعلم جيدا العلاقة الطردية بين المعدة والاذن
شكرا استاذنا
| |
|
|
|
|
|
|
Re: لو خيروني بين ود اللمين ومريم دردوق لأخترت الأخيرة ... (Re: ود الباوقة)
|
Quote: تعرفوا ليه؟؟؟
مريم بنت دردوق فنانة من مدينة بربر
تغني في كافة المناسبات الخاصة والعامة
على نظام ( بالساهلة فقط )
يعني حتى لو جيت وقلت ليها يا استاذة مريم بكرة عندنا
حفلة سماية لكن الفلوس لي اخر الشهر
تقول ليك يا زول عوجة مافي
اضف الى ذلك صوتها الطروب
ودغمستها للدلوكة بطريقة احترافية
انتهى ............. |
مستوى عاوز علاج بالكى
كلام لايصدر الا من امثالك ..
فعلا مفروض يكون سيدك البشكير ..والله صحى
| |
|
|
|
|
|
|
Re: لو خيروني بين ود اللمين ومريم دردوق لأخترت الأخيرة ... (Re: Haju Muktar)
|
تتصور ياود الباوقة بتتعلم من الأيام دي انا سمعتها في بداية السبعينات في زواج خالنا عبد الرحيم محمد الشيخ وفي مدينة الدامر من اسطوانة أحضرها اصحاب العريس من الخرتوم(التي اصبحت الخرطوم فيما بعد ولوجنا اليها) وقررت ان أحفظها حرف حرف ولزمة لزمة ومازلت ارددها بيني وبين نفسي طبعا وفي بعض الأحيان بحضور صديقي المرهف د. ودعبود الذي أعجب بصوتي وقدمنى للغناء في حضرة كل من ودسعيد وودتوم وود الطيب .
سقت هذه المقدمة الطويلة طالبا منكم "العيون النوركن بجهرا"
وشكرا
| |
|
|
|
|
|
|
Re: لو خيروني بين ود اللمين ومريم دردوق لأخترت الأخيرة ... (Re: عادل عبدالعزيز عبد الرحيم)
|
Quote: هس انت لو بقيت فنان ونحن من المعجبين بفنك
وجيناك لاقامة حفل وفلوسنا ناقصة بتوافق تغني
ولا بتقول لينا تموها وتعالوا ؟؟ |
أنا لوفنان عند أغاني زي بتتعلم من الأيام وزاد الشجون وشال النوار وغنيت الملحمة
يمين ما أغني ليك بلاش لو مدحت في البرعي انت قايل الأغاني دي جات بالساهل عشان يغنوها ليك بلاش؟ طوالي أقول ليكم تموا قروشكم وتعالوا
ياخي قيقم بتاعك دا بالهردبيس حقو دا شال نص قروش مهرجانات الحكومة عايز محمد الامين يغني ليك بلاش أو بقروش ناقصة؟
قوم لف
| |
|
|
|
|
|
|
Re: لو خيروني بين ود اللمين ومريم دردوق لأخترت الأخيرة ... (Re: محمد الامين احمد)
|
ود الباوقة .. انت يا زول جادي .. ههههه .. والله ابواللمين ده زول راقي ورائع جدا .. ما بقصد انك تسمع ليهو بس على الاقل انزل الراجل منزلو .. ابواللمين قامة من قامات هذا الوطن .. وما اعتقد انو اي زول بينكر انو احد عمالقة الفن في السودان .. اما القلت عليها دي فانا والله ما سمعت ليها وما بقدر احكم على غناها (بضم الغين) ..
ما مشكلة كدى سمعنا مقطع والجماعة ديل بيحكمو ليك ..
دمت بعافية ..
| |
|
|
|
|
|
|
|