ازيك يا هندسة .. ياخ أنا محيراني حكاية كلنا ناس حارين وبنفعل بســـرعة الزول دا باقي ليهو شوية ويكســـر الجماعة ديل ... والله صحي بالرغم من ذلك انتزع مني ضحكة كنت محتاج ليها بشـــدة
تحياتي
11-04-2012, 11:58 PM
زياد جعفر عبدالله زياد جعفر عبدالله
تاريخ التسجيل: 11-15-2005
مجموع المشاركات: 2348
عزيزنا طارق سلامات سائق اللموزين كان زول جاد و صادق وأمين . و بعد ما قبقب الراجل وكتم نفسو كان بي جدو عايز يدقش البنت . والله عافي منو . لك التحية أخ طارق
العامل الشمطه ولدنا من بحرى (حلة حمد والشعبيه) صلاح عمر "ود الكجه" راجل فنان وغناى ولاعب كره حريف لعب بالكوكب وزول أخو أخوان ,,, الجماعه ديل لو لو ماحصلوا وقالو ليهو نحنا جماعة الكمره الخفيه كانو مُشرفين الحوادث...
اخي عبد الكريم
عشان تعرفونا
بحري طرالوه ولكن يمكن ان تكون لقاوه كما في الفيديو اعلاه
مشكور اخي عبد الكريم علي المعلومه
ونطمع في المزيد من المعلومات عن هذا الرجل
وهل هو مقيم بالخارج حتي تاريخه
ومتي تم فيلم الكاميرا الخفيه هذا
وبعد دا كلو جبت المعلومه من وين من الصلو ؟؟؟؟؟؟؟
11-12-2012, 08:35 AM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: ونطمع في المزيد من المعلومات عن هذا الرجل وهل هو مقيم بالخارج حتي تاريخه ومتي تم فيلم الكاميرا الخفيه هذا وبعد دا كلو جبت المعلومه من وين من الصلو ؟؟؟؟؟؟؟
** إبن خالى .. ** سلام ومساءك خير.. ** صلاح عمر "ود الكجه" نسبةً الى والده الذى كان يعمل بمركز شرطة بحرى .. ولقبه الآخر (صلاح قُله) . ** إتربى بين حلة حمد منزل جده ومنزل والده بالشعبيه.. ** لعبنا كوره فى بحرى مع بعض .. وكان يلعب بفريق الهلال بالشعبيه ومنه إنتقل للعب للكوكب البحراوى .. (الكلام دا زمن الجوز 3 فرد والدسته 18) ** إلتقينا فى الثمانينات مرةً اُخرى فى الغُربه بدبى إذ كان موظفاً ببلدية دبى - وفنان الجاليه السودانيه بدبى قبل ظهور البكاسى ونجوم شنو داك مابعرف.. ** هذا الفيديو قبل سنتين تقريباً..[/red ** لايزال يعمل بتاكسى دبى.. ** زول فنان ... وقلبو حار.... وكان لاعب كوره حريف ..... وصاحب نكته (يذكرك بكل ظرفاء بحرى) .... وصديقى.....
## أها يا إبن خالى قصرنا معاك والزول دا بيعرفك أنك طارق ساكسفون أخو عامر ميرغنى ....... (ودام الود بيننا)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الامين موسى البشاري
زياد جعفر عبدالله
عبدالمنعم الزين
Osman Musa
omer osman
walid taha
ساميه حامد
الصادق خليفة
عبدالكريم أحمد الامين
شهاب الفاتح عثمان
فيس بوك
تويتر
انستقرام
يوتيوب
بنتيريست