|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: صلاح جادات)
|
يا جماعة وين محمد حامد جمعة ؟؟؟ لقد طالت غيبته خاصة في مثل هذه الاحداث مع العلم ان المحاولة الانقلابية كان يجري لها التخطيط منذ فترة طويلة والاجهزة الامنية علي علم بها من قولة تيت ولضخامة القادة المشتركين فيها فضلت الاجهزة الامنية ارسال رسائل للانقلابيين توحي تلك الرسائل بانها علي علم بحيث تتفركش الشغلانة ذاتيا من غير اي شوشرة او خسائر ومن ثم اخذت في اصطياد الانقلابيين كل علي حده ولقد نجحت بقدر ضئيل ولم تثني الرسائل او غيرها الانقلابيين عن المضي قدما في مخططهم كما كان يتوقع النظام ومع هذا لم يرتعب النظام لانه يمسك بكل خيوط اللعب من خلال الضابط الكبير واعوانه فاين كان محمد حامد جمعة في الفترة الماضية ومع اي طرف ؟؟؟ مع العلم ان الضابط الكبير تربطه علاقة قوية بمحمد حامد جمعة كما نوهنا سابقا
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: صلاح جادات)
|
الأخ صلاح جادات
تحياتي - يبدو أن الإرهاصات لن تتوقف حيث تابعت نشرة الأخبار الرئيسية بتلفزيون السوداني عندالعاشرة ,
لم يتطرق مطلقاً التلفزيون لاي خبير عن المحاولة التخريبية المزعومة
وكان النائب الثاني لرئيس الجمهورية هو فاتحة الأخبار وكان كل حديثة عن حمايةالمرأة بمناسبة مؤتمر أفريقي منعقد بالسودان هذه الايام . فقلت يا لله ناس لبنى وصفية وفتاة الكبجاب وهندوسة آخرهم ما تابعين لنساء السودان ولا شنو ؟
يا رب الناس دي مشت وين يا صلاح ؟
بحيراوي
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: osama fadlalla)
|
الأخ فرانكلى/
أشكرك جزيل الشكـر فى الصدع بالحق.. وهـذا الرجل يريد ان يلبس رداء الكبرياء الذى لا يلبسـه سوى الرحمن.
ما فى اسوأ من ان تتهم بالعمالة للكيزان.. لقد تعرضنا فى هـذا المنبر لإساءات وتلفيق أكاذيب من هوامل السياسـة.. لم نرد عليها.. ولكن لا احد قال لنا فى وجهنا اننا كيزان..
المطلوب من الزول بسيط واسهل من شراب الماء.. اما ان يثبت ما قاله، أو يعتذر. ولو تصور اننا نترك حقنا فهو واهـم.
ومعذرة للأخوات والاخوة.. الزول الجايين فى بوسته كذب فى حقنا.. ولا يهمنى ان تقرأوا لشخص كذاب فالحرية مكفولة للجميـع، ولكن شئ من الإعتبار للاخـر وحقه فى
تبرئة نفسـه مطلوب..
-
--
-
--
لا أترك حقى لأى كان.
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: GAAFER ALI)
|
Quote: ابو الريش حايم في كل بوستاتي طيب بوستات الدولارات دي ما عتبت عليها ليه ؟؟؟ اهلك الكيزان قالوا ليك دي ما ترفعا ؟ ها ها ها شفتا شغل الكيزان واضح كيف ( معقولة كل البوستات في الصفحة الاولي ما عدا بوستات الدولارات دي صدفة ولا ايه ؟ لانها مؤجعة للكيزان ) معقولة كل البوستات ماعدا اكثر بوستين متحركات ولا يمكن ان اغفل عن اي شيء يكتب بهما هذا اذا كان قصد من الملاحقة التنبيه ) كدي ادينا طلة في الببوست ده |
الاخ جعفر علي..سلام وتحية انا قريت المداخلة دي والكاتب هو الاخ صلاح جادات والفهمتو منها انو ابو الريش دا كوز.. والزول دا ما جاب اي دليل على الكلام دا..وفي نفس ألوكت كلامه فيهو تحدي لابو الريش واستفزاز واضح اها أخونا ابو الريش بقا مباريهو في كل بوستاته (بناء على طلبه الموجود في المداخلة الفوق دي) انا حاولت أوصل رسالة للأخ ابو الريش اني متعاطفة معاهو ومع مطالبته. بحقه.. الاخ صلاح جادات عاوز يخرب سمعة الراجل ويطلع فيهو إشاعة انو كوز..ما تخرب الصفحة كان خربانة اهم خربان البوست ولا خربان سمعة الناس ؟ اتمنى من الاخ صلاح جادات انو يراجع صوت الحق داخله ويعتزر للأخ ابو الريش من الاتهام الشنيع الاتهمه بيهو..وربنا يبعد العزة بالإثم
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: رشا سالم)
|
Quote: ومعذرة للأخوات والاخوة.. الزول الجايين فى بوسته كذب فى حقنا.. ولا يهمنى ان تقرأوا لشخص كذاب فالحرية مكفولة للجميـع، ولكن شئ من الإعتبار للاخـر وحقه فى
تبرئة نفسـه مطلوب.. |
Quote: البقول لينا امو ما ولدتو لسـه. |
الاخ ابوالريش عفوا لو فهمت كلامي بتدخل بينك وبين جادات او طلب التوقف من المطالبة بحقك .. واعتقدت اني ثبت حقك في المطالبة بنفي التهمة او اثباتها.. ولكن كل ما طلبتها منك هو المسافة الفارغة التي تضيفها بين سطورك.. فهي مرهقة للمتابع وبالذات لمن ندخل من الجوال . واكيد ما فرضنا عليك شي او امرناك بشي والعياذ بالله .. انما كان طلب مكلل بالعشم ومسبوق برجاء... واكيد لك الحق في عدم الاستجابة. وكما انك ليك الحق في ان لا يهمك ما نقراء..لينا الحق ان نقراء ما يهمنا ... وكنت اظن ان لنا الحق علي الاقل في تصفح مريح. عموما لك ما شئت اخ ابوالريش.. ولنا الاسكرول داوون الي ما لانهاية .. ولله الحمد والمنة.
Quote: الاخ ابوالريش رجاء خاص .. ما دايرة اقول ليك وقف المطالبة بحقك .. لكن رجاء بس المسافة الطويلة البين سطورك حاول الغيها.. بس عشان خاطرنا نحن البنحاول نقراء البوست ونبداء في النزول لي اسف البوست الي مالا نهاية. |
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: Abureesh)
|
Quote: الاخت العزيزة جميلـة، شكـرا ولما قلت للأخ الذى سخف مطالبتى المشروعـة بحقى، ان البول لينا امو ما ولدتو/ فلم تكونى ولا الاخوة الاخرين مقصودين، لأن حديثكم كان رجاء وليس (قول)..
المهم يا اخت لقد اصابنا فى هـذا المكان الكثير من الاذى.. وقد طفح الكيل.. والتعدى والهجوم وارد فى لحظات ضيق افق او طيش، ولكن غير المقبول ان تاخذ المعتدى العزة بالإثم ويتمادى ويتكبر ويرفع انفه فى الفارغة.. واى شخص يتهم ويلفق الكذب ويسيئ ولا يكون موضوعيا ولا يعتذر، ويرفع انفه فى السماء، فلن أدعه يكتب حرفا وهو مرتاح (ما دام عندى باسوورد). وكما قلت لهذا الشخص فلا اعتقد انه يريد المشاكل، ولكنه سوء التقدير وجهل أقدار الناس.
وارجوك سامحينى يا جميلة فلن اترك هذا الشخص حتى يعتذر او يأتى بالدليل على ما اتهمنا به.. |
شكرا ابو الريش ..تسلم كتير وحقا تحرسوا ولا بجيك .. كامل تضامني معك في المطالبة بحقك .. وخصوصا ان التهمة كبيرة .. ورفقا بالاسكرول لول
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: الصادق صديق سلمان)
|
Quote: تهمة شنو يا جماعة ؟؟؟ |
سلام ود الباوقـة...
يا اخ عمـر نحن خلينا ليكم البلد من 25 سنة.. لسبب واحد وهو عدم سفك المزيد من الدماء.. بعد دقيتو صدركم وقلتو نحن بس البحلوا مشاكل البلد.. وطردتم باقى الشعب الما متفق معاكم من الخدمة المدنية وغيرها.. لم تتركوا لنا سوى خيارين.. نشيل السلاح او نخرج من البلد.. (أنسوا حكاية نتفق معاكم ونخش فى نظامكم دى). وفى زمن الغفلة والإستهبال (معذرة للفيتورى) ظهرت معارضـة كسيحـة وجاهلة وعبيطـة.. لا تعارض الحكومة إلا فى إطار إينعل ابوك وإينعل امك يا بشير.. خرج منكم الترابى فاحتضنوه، ولا اراهم الا محتضنى صلاح قوش اليوم.. معارضـة تسيـر بدون بوصلـة ولا رؤيـة ولا اهداف.. مثلكم يضيقون بالراى الاخر، ولا يحتملون اى نقد او رأى مخالف، والتهمة عندهم جاهـزة فكل من لا يتفق مع ارائهم الفطيـرة فهو إنقاذى.. هـذا زمن الفقـر الفكرى والعوز المنطقى والأنيميـا الثقافيـة. صلاح جادات هـذا كان ينشر معلومات ويساهـم فى تنوير الناس، ولكن فى اول اختبار ديمقراطى سقط واعتمد اسلوب الكذب والتلفيق مما قدح فى اهدافه من الاساس.. لان الديمقراطية لا تتجزأ، وفاقـد الشئ لا يعطبـه.. فقد اتهمنا للعمالة لنظامكم الإنقاذى لأنه لا يحفظ كلمات سوى هـذه. يستطيع بها مقابلة الحجة بالحجـة.
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: ود الباوقة)
|
أبو الريش .. حقكـ أوووع تخليهو! مش أبو الريش براهو كمان أنا بقيف مع أي زول داير يوقف اتهامات مجانية هنا! كان يخت تلاتة كيلو متر مداخلة ولّ يعمل الدايرو!!
كل الناس لو عملت كـدا من زمان والناس ساندت الموضوع دا ما كان في واحد الليلة قال للتاني يا ( ) بدون ما يكون عندو إثبات!!
_ كلامي برضو ما عشان جادات صاحب البوست أو الاتهام ح أقول نفس الكلام لو كتب البوست بكري أبو بكر همسلف!!
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: الصادق صديق سلمان)
|
Quote:
أبو الريش .. حقكـ أوووع تخليهو! مش أبو الريش براهو كمان أنا بقيف مع أي زول داير يوقف اتهامات مجانية هنا! كان يخت تلاتة كيلو متر مداخلة ولّ يعمل الدايرو!!
كل الناس لو عملت كـدا من زمان والناس ساندت الموضوع دا ما كان في واحد الليلة قال للتاني يا ( ) بدون ما يكون عندو إثبات!!
_ كلامي برضو ما عشان جادات صاحب البوست أو الاتهام ح أقول نفس الكلام لو كتب البوست بكري أبو بكر همسلف!! |
أحييك يا ود الصايم الأصلي
وخليك عليهم بالمرصاد
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: عادل الباهي عبدالرازق)
|
مداخلة لي في بوست الاخوين ابوالريش وصلاح جادات .. رجاءاً رأيت إدراجها هنا لتعلقها بهذا البوست مع بوستات أخرىQuote: القضية ما في الدخول في بوستات جادات أو كون الدخول فيها "فياقة"
والاشكال الحاصل هو في التهم البقت مجانية لدرجة بعيدة جداً ومع ذلك لا يريد راميها الإعتذار أو الإثبات ويعمل فيها "مطنّش"
المشكلة الكبرى تكمن في القرّاء غير المتابعين
واحد يقرأ لجادات ويصدق ما يأتي به جادات فطبعاً ح يصدق تهم جادات المجانية بكوزنة أبوريش ودي بسهولة تجد طريقها للفيسبوك والتويتر ويبقى بكرة كلام لا يقبل الجدل.
بكرة يجيك واحد مواليد 1996 يقول ليك : "فلان دا كوز كبير شوف مكتوب عنه شنو في الفيسبوك وتويتر وسودانييزاونلاين"
الغريبة البعض يطلب من أبوريش الكف عن "مط" البوست" ويعمل فيها ما بهمه تهم جادات في حق أبو ريش وأبوريش ياكل ناره بس ما يشوشر عليهم القراءة
لو في شوية منطق كان المروض الناس العايزة تقرأ لجادات أن تنصره ظالماً بأنّ ينهي موضوع أبوريش إمّا بالإثبات أو الإعتذار حتى تحافظ بوستاته على نسقها الطبيعي
لكن ما دام تهم جادات في حق أبو ريش ما بتهمهم فأبوريش أيضاً ما بيهمه عايزين يقرأوا أم يتونسوا ويظل يطارد جادات حتى أحدى الفعلين, إثبات أو اعتذار |
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: محمد علي البصير)
|
البوست بقي تحفة ها ها ها شفتو اخر المهازل من كترت الضرب ؟ الكيزان بقو حقانيين وبطالبوا بان تأخذ المعارضة حقها معقولة يا فرانكلي عقلك بهذا الضعف ؟ فرانكلي وزمرته بدافعوا عن حقوق معارض يا اخ انتو من مصلحتكم صلاح جادات يتهم المعارضين ويفتنهم ويفركشهم فهل يعقل ان تقيفوا ضدو ؟ البديهي ان تقيفوا معه لانه بكل بساطة بحقق ليكم اغراضكم اليس من مصلحتكم ان تكون المعارضة كذابة وماعندها مصداقية وغيرها ......... ؟ الكيزان بقوا ناس حق وصحابة عديييييل يا ابو الريش صلاح جادات اتهم بكل انواع التهم ومنها غواصة مدسوس علي المعارضة بل واقسم القائل انه صادق وين كنتوا لماذا لم تنبروا للدفاع عنه والمطالبة بحقوقه ؟ ها ها ها العوض وود الصايم وبريمة هل اخذتم بحقكم من جادات ؟ ( معقولة تضيعوا حقكم وتحرضوا الغير علي اخذ حقه ده بسمو شنو ؟ المسألة واضحة ) بريمة انت اتهمتني باني شيوعي بل وتماديت في ذلك وقلت ان اكثر من شخص يكتب بباسوردي فهل اثبت ذلك ؟؟؟ بريمة اتحداك جيب للناس التهم الكلتها ليك ( حبل الكذب قصير ) اهو عصام دقداق ( في نفس هذا البوست ) اتهمني باني مؤتمر شعبي وفي غيري بكتب بالباسورد بتاعي هل طالبه احد من المتداخلين في هذا البوست بالاثبات ؟ انها حملة لايقاف جادات المنبر ( خوفا من كشف مزيدا من الغواصات ) وهو اخطر اسلحة النظام ولو لاهو لسقط النظام من زمن واهو فشل هذا الانقلاب الذي نحن بصدده السبب فيه غواصة واهو الكيزان واذيالهم يريدودن لنا ان نفقد الاهلية حتي لا يصدق الناس كل ما يتعلق بالغواصات وهذا كان دأبهم منذ ان بدأنا في الكتابة زمان قلنا ليك يا ابو الريش شغل الكيزان واضح اهو شفتو وضح كيف في هذا البوست ؟ انت تسب وتلعن في الكيزان وهم يناصروا فيك وبشدة ( وشايفك وصفت المعارضة بما لم يقله مالك في الخمر .. واكيد تحت ستار الحق يقال ) الحق لا يتجزأ .. ( ما شفتا الكيزان خلوا مصالحهم وداسوا عليها في سبيل الحق الكيزان بقي همهم العدل الشامل حتي المعارضة يجب ان يبسطوا فيها العدل ) عاش العدل عاش الكيزان ( الصوف بتجز والريش بتنتف والكوز ما بختشي )
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: محمد عبد الماجد الصايم)
|
Quote: أنا بقيف مع أي زول داير يوقف اتهامات مجانية هنا! كان يخت تلاتة كيلو متر مداخلة ولّ يعمل الدايرو!! |
يعني بس عشان قلنا رافة بنا بندخل من الجولات احيانا جيتوا كلكم هجمتوا هجمة رجل واحد لول.. والله حقارة سناير منكم بس .. وكان المطالبة بالحقوق الا بالمط ..... يا ابو الريش مط المداخلات وانا بقتبس مداخلاتك واعملها رد ممطوط .. تضامنا معك في المطالبة بحقك.. اها يا سناير .. ان شاءالله كدة ما قصرت معاكم.
وبصورة جادة .... اعيد تاني زي ما كتبت في المرتين القبل دي .. من حق الاخ ابو الريش المطالبة .. والتهمة شينة وكبيرة .. وواجب علي جادات النفي والاعتذار او الاثبات .
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: المسافر)
|
Quote: اخي ابو الريش
يا اخوي الاتبلبل يعوم
توكل على الله وادخل وخلي الباقي على الله |
يا ود الباوقة ســـــــلام
حسـي أنت فرقـك شــنو من جادات
ابو الريش يقول ليك ما جا ماشـي و لا ح يجي جنب المسـتنقع , تقول ليهو عــوووووم
يا ود الصايم تحياتي
ياخي من حـق ابو الريش أن يطالب بحقـو في الإعتذار و نقف معه في ذلك لكـن المســافة الممطوطة دي متعبه خالص و مملة لبعض القراء فهل القصد أن ينصـرف هؤلاء البعض عن بوسـتات جادات
يا جادات ســـلام زول يعتبر وصفـه بأنه كوز تهمة فلما تصـر على موقفك
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: Elmosley)
|
الاخ امين علي الشيخ لك التحية شيء بديهي الغواصة يكون له خط معارض واضح . سمو غواصة ليه وخلينا من خط معارض واضح في ناس رفعوا السلاح عديل وقاتلوا النظام لسنين عدة وبعد ده نجح النظام في تجنيدهم . عادي النظام تمكن ومازال بسبب اقوي اسلحته الغواصات ومسالة الدليل تكلمنا عنها كثير واكدنا نحن ما بنتهم زول ساي راجع البوستات القديمة عن الغواصات
Quote: الأخ الكريم صلاح تحيه واحترام والله لا اعرف الأخ أبو الريش إلا من خلال كتابته هنا وللحق لديه خط معارض واضح وقوي ضد كل ما يحدث في السودان الآن اتمني وحتي لا تهتز ثقتنا نحن الذين نقرأ له أن تعتذر له إن كنت لا تملك دليل إدانته |
| |
|
|
|
|
|
|
Re: سري للغاية وخطير جدا من هو الضابط الذي افشي سر الانقلاب الفاشل؟ (ص (Re: الصادق اسماعيل)
|
والله في البوست دا كلو .. ممتعني الصادق اسماعيل .. الزول دا ارتده .. الناس قالو المط دا قاعد يمط ليهم جوالاتم .. قام مطاها ليهم مرتين .. ههههههه مش زمانك قلت ليكم .. يوما ما سيغني اطفال العالم لحنـا واحد ..؟ شابكننا المنطق .. والكلاكلة اللفـة .. بس بعد كدا يا الصادق فاضل ليك حاجة واحدة .. تجيك هبـة عبد العزيز من دبي ** وتقوليك كما قالت لاسلافك الاولين :
Quote: تمبس بصراحة لايستهويني اسلوبه |
الصادق اسماعيل بصراحة لايستهويني اسلوبه
ـــــ ** والله الشهرة الح تلقاها هبـة عبد العزيز من دبي ، صلاح جادات وتراجي مصطفى وآمنـة مختار ما لقوهـا .. الجدير بالذكر انو هبـة عبد العزيز .. هي هبـة عبد العزيز .. وهي من دبي .. وذلك في بوست الماسورة طارق جبريل بتاع القراء .. بوست لقراء سودانيز أون لاين
في اي زول عندو سؤال .؟ ..
| |
|
|
|
|
|
|
|