و لامرأة في المدينةِ عشبٌ فصيحٌ و دارٌ من الصندلِ الشبقيَ و نارْ . و على الباب مزلاجه الخشبي - و بعض الروائح عالقة من أياديٍ بعمر الرغائبِ - لامرأة في المدينة عشبْ و للريح في عشبها وطران : ابتغاء الندى .. أولاً ثم .. فرط التسكع . ….. لامرأة في المدينة عشبْ و لها وجرٌ لكلابٍ سلوقية الركضْ .. و النهشْ . و حمائمها ما تزال بحال التهيؤ و حائط مبكىً لها - خبأته جميلاً جميلا - و تطلق في ليلها غيمها باتساع الصلاة .. تيممه شطر ما يُستحثُ و ينحرها شأنها المشتهِي يخلف في عُري بهو ملذاتها وحمة فوق باب التوغل : ( أيا هيت لك ) ……. لامرأة في المدينة عشب و طارقها الماء يحثو جُثُوّاً علي رقعة الوقت إجزاءه الأكسو/ هايدرو هجينٌ من الضوء و الحزحزات و ظلٌ .. يراوح مزولةً تتأرجح بين إختباءٍ وشيكٍ لـ ( هلْ ) ؟؟ و انتهاءٍ سميكٍ بـ ( كيف ) ؟؟ ـــــــــــــ في ليل 26 / 5 / 2012
ود الصايم الأصلي .. تعرف يا كوتش .. و انا لسه بمبونز كنت متكيف كيف من النجيلة بتاعت بلاعتنا .. كانت بلاعه كبيره خلاص .. بره الشارع و جواها جردل . البيستحمى يطلع " ينقُف " موية حمامو .. كيف قامت نجيلة سمحه و خضرا حوالين البلاعه أم موية صابون دي .. العلم عند الله - الصابون زمان زاتو كان كويس .. مافيهو كيماويات .. بيكون الفيهو هناي : سماد - شويتين عرفت إنه إسم نجيلة ده بلدي و ما كويس .. إتعلمت كلمة " عشب " .. لقيتا ليك ظابطه في السلك .
تاني من هنا و لي قدام .. جنس عشب واحد ..
...... ليه بنبسط و انشكح لما الاقي ليك حاجه ؟؟ مع إنك فاكي و هناي .. لسانك و لسان بشير التنقاري : واااااحد سليط و طاعم و صادق .
10-13-2012, 08:48 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
أولاً بالتبادي أخوك بقى حريف قهوة . زمان قايل ناس القهوة ديل بتاعين مكنات و حنك ضارب ساكت .. أتاريها القهوة دي حاجة بتي كـلـب خلاص .. !! دي حاجه .. الحاجة التانية ياخي بتكيف أنا من جدعاتك في الكتابة .. حريفه يا بت و بتعرفي كيف تتوري شعرة الجلد .. - ما بلقى جنبكم في الامارات دي دوا للصلعه ؟؟ .. جلحاتي ماشات لي ورا شديد ياخ -
أووووووه .. أستاذنا مسعود .. ياخي حياك الله وين ما كنت و كيف ما كانت حالك .. ( لو لم تذنبوا لذهب الله بكم ، ولجاء بقوم يذنبون ، فيستغفرون الله ، فيغفر لهم ) أو نحو ذلك من الحديث القدسي .. هسه أخوك تاكل على الكلام الجميل ده .. و متيقن بأن " اللهُ أكبر " مِن أن يأخذني بجريرة البوح .
.... ثم ياخي ليك شوق و وحشة يا رجل يا حلو
10-13-2012, 08:28 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
أووووووه .. أستاذنا مسعود .. ياخي حياك الله وين ما كنت و كيف ما كانت حالك .. ( لو لم تذنبوا لذهب الله بكم ، ولجاء بقوم يذنبون ، فيستغفرون الله ، فيغفر لهم ) أو نحو ذلك من الحديث القدسي .. هسه أخوك تاكل على الكلام الجميل ده .. و متيقن بأن " اللهُ أكبر " مِن أن يأخذني بجريرة البوح .
.... ثم ياخي ليك شوق و وحشة يا رجل يا حلو
10-13-2012, 08:40 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
ود الزبير ياخ إنبهل بهلتك ساكت .. آمنتك كورك ليها بت اللزينا .. أنا غايتو آمنتي أضانه تقيلة شويه بعيد عنك .. قدر ما ننبح .. لا حياة لمن تنادي .. المشكلة في التعب يا قريبي .
صباح الخير يا معاوية
10-13-2012, 08:21 AM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
يسعد صباحاتك يا إقبال .. و النور نورك ياخ , قلنا نتفكفك من الفينا ده .. أهو ربك رب الخير سخّر لينا ( أوضة كواريك ) نبهلها فيها .. - قالوا اليابانيين عندهم حاجة زي كده .. أوضه عازلة للصوت في اي ملف في طوكيو .. تدخل جواها تكورك قدر ما الله أداك .. تجي مارق منها " متفشي " -
يديك العافية يا إقبال .. و إن شا الله في ميزان حسناتك .
10-13-2012, 08:39 AM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
تعرف يا اب ليفه .. أنا ظنيتني ديناصور من نوعٍ ما .. يا كمان رضعتني ديناصورة .. قمت بقيت زي عمك طرزان " ربيب القرود " .. المفردات الماشه تبقى أحفورية دي بتسحرني يا عمران ياخ , بحس إنها الحاجة الوحيدة الحقتنا شديد و مميزانا . وسط هيلمانة المندلق علينا من الثقافات البيض المحاوطانا دي .. و المتمكنة من الميديا رغم فراغها .. - إتذكرت بمناسبة كلمة فراغها دي عندها استخدام لذيذ و سفيه و توووووش في الصميم عند حبوبتك الزلال .. يقوم زول يهبشها مثلاً في كلام ما عجبها .. طوالي تصرف ليهو احد : هيييي فراغك - ليوم الليلة ما عرفت الفراغ ده قاعد وين .. :) .. لكنه تعبير بيقع ظطططط .. في حتتو . أي كلام تاني ما كان ح يكون أبلغ . شفت ؟؟ فاللسان السوداني ده يا ابن خالتي أنا شكلي ماشي أهابشو أكتر و اعمق .. نتفرغ ليهو عديل , يا غِرِقْ .. يا كمان غِرِقْ .
كنت بنشر في شوية مواقع عربية ما عليك بيها .. بصرف ليهم لسان سوداني راضع لبن امه .. في الاول إتضايروا شوية .. بعد بقيت اشرح ليهم الغميس من الكلام .. قاموا بقو بدل يقولوا شيتن فيهو الفايدة .. يجوا يدوني ليك : يا شفيف .. يا رهيف .. قمت خليتهم .. بلا شفيف بلا طياره .
كيمو بتاع بلاد بره .. إزيك يا ابن خالتي , و العيال و الدوحة و عادل و و و و بعدين انا شن خبرني بشبق الصندل ؟؟ .. لقيتو كده أنا . و بطِّل تحكها لامن تجيب الدم .. :)
في هذا البلد يا كمال : ( تعيش السلاحف في سبع ليال و يعمر البعوض دهورا ) أو زي ما قال علي المك
التحايا ليك ياخ و شاكر سؤالك و تفقدك
10-13-2012, 04:50 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا عماد السلامات جملة والبركة فيكم ياخ في الماتو ياخ . بت البتول سمحة سماحة جد . والله العظيم يا عماد تلفونك شلتو من ياسر طيفور وبعد ما جيت السودان حاولتو جاوبني وأحد أسمو عبدالجليل تاجر شطة . بعدها مشيت أدي الفاتحة في عمك بعشوم الترزي جوار نادي ديم التعايشة . وهناك سألت الناس عنك . قالوا رحلتو حتات الكلام الدقاقة .
ياخ عليك الله قوم لف خلاص جيت راجع للخمج ؟ علي الحلف الكلمة دي ما في زول بكون ختّ ليها بالو غيري، ولا في زول بكون عارف معناها غيري انا وانت وصلاح اخوك واحتمال ابو ساندرا قال ينقف قال ياخ مشتاقين والله
10-14-2012, 11:02 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
وهبه يا كبير .. ههههههههههههههههه أتاريك نقاف و نحنا ما جايبين خبر ؟؟ هو يعني الناس ديل طلعو كلمة تانية لنقف البلاعة غير كده ؟؟ يكون ( غَرف البلاعة ) يا ربي ؟ . ما ظابطة برضها ياخ ..
يا وهبه يا صديقي .. ياخ ليك الشوق و الله .. والله ليك شوقه كبيره يا رجل .
10-13-2012, 07:27 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
أتمنى و المنى لا تسمع يا عماد و انا وحدي فرقت بي الليالي اه من حالي فمتى يا صاحبي !!!؟ عد ياخ إلي الشاطي فسيتجنبها الاتقى الزيك كده فهات كاساً تروي ظميّ الحزين فالدنيا دار (زوال) و أنت تدري يا ضنين فلتشهِد الدنيا على نور الثناء و البشريات ومافي فجراً ما عقبو ليل و مافي (تعب) مالقى (امنتو) .
يلم الله مشتاقين فلنحي فوق تلك الربوات ياخ
10-13-2012, 09:22 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
الاخ عماد تعبك زايل ان شاءالله ماعارف اذا كنت بتتوقع انوالزول يمر هنا ولاينتبه للعشب بينما البلاعة ونجيلتها الخضرااااء وماتلاهم يعجبوهو عجب شديد.. دا الحاصل بى غايتو وان شاءالله بت البتول ود مساعد بخير اينما كانت
انا اكيد انو المكان يحتاجك جداً وانت البتخلى البلاعة تعجب
10-13-2012, 11:06 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
Quote: تعرف يا عماد .؟؟ كم مرة قريت العنوان ... واستخسرت قراية الجوة البوست. كلما اقرا (بجد) بستمتع اكتر بفكرة اني حاقرأ شئ جميل أكتر من قرايته زاتها ...
يا أحمد موسى -بعد اذن عماد- قال محمود درويش: (الطريق إلى البيت أجمل من البيت) أو حاجة زي كدا لكن الطريق إلى بيت عماد وبيته كلاهما أجمل
10-14-2012, 00:06 AM
عامر تيتاوى عامر تيتاوى
تاريخ التسجيل: 01-14-2006
مجموع المشاركات: 3328
يا وهبه علي بالحلال انا وقفت فيها قبلي ما أقرأ مداخلتك وإتذكرت أيامنا البنلعب في الرملة لما البحر ينزل، نحفر الجمامات و"ننقف" بي يدينا لما الموية تبقى صافية كده زي "وجّع" عمدة الرويان بالنّز.. ___ يا عمدة كل مرة أقول أجيك في البوست تشغلني عنك "المحفزات" ؛)
10-14-2012, 01:42 PM
Elmosley Elmosley
تاريخ التسجيل: 03-14-2002
مجموع المشاركات: 34683
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Emad Abdulla
Egbal Elmardi
معاوية الزبير
حاتم الياس
عمران حسن صالح
تيسير عووضة
محمد عبد الماجد الصايم
حمد عبد الغفار عمر
حبيب نورة
وضاحة
كمال سالم
Osman Musa
محمد حيدر المشرف
عبدالوهاب علي الحاج
سفيان بشير نابرى
Ahmed musa
احمد الأمين على إدريس
عامر تيتاوى
Yassir Tayfour
Elmosley
Muna Khugali
فيس بوك
تويتر
انستقرام
يوتيوب
بنتيريست