|
|
 تاني .. إنكســــــــــــــــــر
|
كما كان متوقعا.. الراجل انكسر..كسرت عدوك
الاتفاقات الكان برفض فيها كل مره والتانيه
البي سببها بكي إدريس عبد القادر.. وسافر عبد الرحيم حسين
للخرطوم زي سبعه مرات
والقال فيها الطيب مصطفي مالم يقله مالك في الخمر
كلها بل اسواء منها.. البشير قال يوقعها اليوم
أم بارح سلفا... انهي الاجتماع المشترك
وقال لامبيكي والبشير .. نحن ما عندنا حاجه نناقشها تاني
الاتفاقات دي.. يا إما الجماعه ديل يقبلوها ( بضبانتها)
بدون تغيير ونوقع عليها.. او نحن حنسافر بكر نصف النهار
قبل سلفا ما يطلع من القاعه البشير قعد يكورك
( لكن يا سلفا ما عصرت علينا كتير)......!!!
حسب الاخبار من أديس.. الراجل وجماعته
قاعدين الليل كله يتناقشوا
يوقعوا ولا ما يوقعوا
وفي الحالتين ماهي التبعات
وفي النهايه قرروا انه التبعات الداخليه
بقدروا عليها أكتر من الخارجيه
واليوم الصباح البشير اتصل علي أمبيكي
وكلمه بإنهم حا يوقعوا علي الاتفاقات كلها
ما عدا ابيي
وطالب امبيكي انه نسبة ال 50% من بترول أبيي المعلقه
حتي الاستفتاء تتم قسمتها بين الخرطوم وجوبا
لانه ما عندها معني تكون معلقه
أمبيكي وحكومة الجنوب رفضوا
واصبح الامر معلقا
البشير لم يشر الي حقوق للمسيريه في ابيي
كل كلامه كان عن نصيب الخرطوم في البترول المنتج
اعضاء الأمن المرافقين للبشير رفضوا طلب ممثلي المسيريه
للقاء البشير
الجماعه حردوا وقعدوا في غرفهم
نشوف الطيب مصطفي حا يكتب شنو عن الانبطاحه الجديده دي..!
ودقي يا مزيكه
|
|
 
|
|
|
|
جلال نعمان
فيس بوك
تويتر
انستقرام
يوتيوب
بنتيريست