|
|
 الاستنارات في قيادة السيارات !!
|
واظنكم كلكم بتسوقوا بالطريقة دي !
بالله شوف ال تييييييييت دي لافي كيف ؟ اتعلمتها وين دي يا تيييييييت تييييييت
اساسا مفروض عجلة ما تسوقها و @&£!؟"@&£؟،'¥€$^*¥€$
|
|
  
|
|
|
|
|
|
|
 Re: الاستنارات في قيادة السيارات !! (Re: داليا الكباشى)
|
وبعد ما كنتا بلوم زميل البورد على الكواريك والنقة البتكون مدورة في اثناء سواقتو للعربية،
ظناً مني انو الزول الوحيد في الدنيا البيعمل الحركة دي ):
رجعتا بذاكرتي للوراء كدا ، ولقيت انو كل السودانيين المروا علي في الحياة دي
بيتحولوا الى كائنات عصبية وقنابل موقوتة بمجرد ما يقعدوا في كرسي السائق
ويمسكوا الدركسون !!
بابا : يعني انا اقيف ليك عشان انت تمشي ؟؟ والشارع حقي وانت الغلطان ؟!
راجل عمتي : والله العظيم الناس ديل بيدوا رخص ساااااي بالواسطات
راجل جيراننا (عندو بوكس) : @&£?!*^%#$€¥>< يا تيييييييييييت !!
| |
|
|
|
|
|
|
|
|
 Re: الاستنارات في قيادة السيارات !! (Re: ABUHUSSEIN)
|
ياخ ززززبحتنا بي مداخلتك الواحدة دي !!
( البوست دا عائلي ولا للعامة) ( تقرا بصوت زول بيحاكي ليهو زول باستعوار) ^_^
ابو حسين بيسوق بتهور وهدوء في نفس الوقت !
ما بيكورك ولا بيشتم .. لكن عادي لو زول قفلوا في الطريق
ممكن يوقف ليهو العربية في نص الشارع .. والباقي ما تغير لوووووووول ((:
| |
|
|
|
|
|
|
|
|
|
Re: الاستنارات في قيادة السيارات !! (Re: tmbis)
|
المقصود (انصرافيتك ) وليس (انفصاليتك)
معليش الايباد بيصحح براهو (:
والنبي فيك كان تجيب سيرة مصباح علاء الدين هههههههه ((:
لكن شنو رأيك في التامين؟ تشفير عالي الجودة والله (:
| |
|
|
|
|
|
|
|
|
 Re: الاستنارات في قيادة السيارات !! (Re: داليا الكباشى)
|
- إحصائية قطرية رصدت أن 98% من الحوادث الكبيرة سببها الموبايل ، تحدثآ أو كتابةٍ
- القطري سائق ماهر جدآ ، ومؤدب جدآ في الطريق ومتعاون
- الشوام متوترين وغير متعاونين
- الهندي دغيل وغير متعاون بالمرة ، وبالعكس ينتظر منك العون
- النساء تفاداهن ما إستطعت لا تسوق بخلفهن ولا بحذائهن
- في الخرطوم الذوق منعدم تماما في الطريق العام
- وفي الخرطوم الامهات مهانات جدا بالشتائم لانجالهن السواقين
| |
|
|
|
|
|
|
|
|
|
Re: الاستنارات في قيادة السيارات !! (Re: أبو ساندرا)
|
اجراءات القيادة بسلامة في الخرطوم :
لا تمشي ورا بتاع تكسي ولا تخلي بتاع التكسي يمشي وراك
ما تمشي في شارع فيهو ركشات وحاول انو الركشات ما تمشي في الشارع البتمشي فيهو انت
ابتعد عن بتاعين الحافلات لانو معظمهم بكون سايق بدون فرامل وممكن يتف فيك السفة عادي ويقول ليك معليش ما شفتك
لا تنخدع وتعتقد انك اصبحت مشهورا لان الكثير من الناس يرفعون ايدهم اليك فالعكس صحيح فهم يشتمونك وشرطة المرور التي اعطتك رخصة قيادة
النصيحة الاخيرة : اعتبر كل السائقين الاخرين مجانين وانك العاقل الوحيد
| |
|
|
|
|
|
|
|
|
|
Re: الاستنارات في قيادة السيارات !! (Re: داليا الكباشى)
|
تحياتي وسلامات عزيزتي داليا التمبوكباشية
Quote: رجعتا بذاكرتي للوراء كدا ، ولقيت انو كل السودانيين المروا علي في الحياة دي
بيتحولوا الى كائنات عصبية وقنابل موقوتة بمجرد ما يقعدوا في كرسي السائق
ويمسكوا الدركسون !! |
كان كدا
يبقوا ( كل السودانيين - 1 )
بينزل على ( برود ) الدنيا كلو عندما أمسك دركسون ... وماسك الدركسون منذ 1984
ليس لطيبة مني أو لأى بعد روحاني
إنما لأنني أخاف إن جاريت من أخطأ في حقي أن أفقد أعصابي ... وإن فقدت أعصابي قد أرتكب حادثاً أكون أنا ضحيته أو من معي في السيارة
سميها ( الأنانية الحميدة )
____________
في مرة من ( المرارت ) كنت سائقاً وبجانبي السيدة الفضلى ( بعلتنا اللدودة ) ، صديقتك سعدية
سيارة بجانبي .. تصرفت ( سائقتها) تصرفاً بليداً كدت بسببه أن أرتكب حادثاً
إلتفتت سعدية بذعر تجاه السائقة ودون أن تشعر قالت لي
" أديها كلمتين يعلموها الذوق في السواقة "
فرددت عليها بهدوء
" ياخ زولة سمحة قدر دا يدوها كلمتين كيف ؟؟"
فحولت كل غضبها صوبي
" طيب نحنا لمن كنت بتدينا كلام وما كلمتين كنا شينين ولا ( عواليقك ) دي أسمح مني ؟؟ "
| |
|
|
|
|
|
|
|
|
|
Re: الاستنارات في قيادة السيارات !! (Re: عاطف عمر)
|
سلام يا داليا
أنا غايتو بتنشن تنشة شديدة وشتائم للآخر لحدي ما يوم حرمنا برضو قالت لي بتشتم آباء الناس ليه
ممكن يكون أبوه متوفي وتكون بتشتم ليك في زول متوفي ما عندو ذنب بعدها خفت المسألة عندي شوية
وبتنشن أكتر لما يكون قاعد جنبي زول نقاق لأنو أنا بكون عايز اشتم شوية وهو بمنعني بالقصص حقتو دي
عشان كدا أنا بشيل معاي شطرطون على طول أي زول نقتو تزيد بجنب العربية وبلصق ليهو خشمو من الأضان للأضان
بس يا داليا الدولارات واليوروهات والاسترلينيات الفي مداخلاتك دي حكايتها شنو الظاهر عليك رطبتي
| |
|
|
|
|
|
|
|
|
|
Re: الاستنارات في قيادة السيارات !! (Re: حمد عبد الغفار عمر)
|
| Quote: بس يا داليا الدولارات واليوروهات والاسترلينيات الفي مداخلاتك دي حكايتها شنو الظاهر عليك رطبتي |
دا الحاجات الانت بتكون عايز تقولها عشان كدا بتقفل للزول الجمبك خشمو بالشطرطون
ويستحسن في الحالة دي تقفل ليهو اضنيهو برضو (:
تحياتنا للمدام شريكتي في المأساة (:
| |
|
|
|
|
|
|
| |
داليا الكباشى
tmbis
ABUHUSSEIN
أبو ساندرا
محمد إبراهيم علي
عاطف عمر
حمد عبد الغفار عمر
فيس بوك
تويتر
انستقرام
يوتيوب
بنتيريست