|
|
 يا وليد رأيك شنو في الحضري أمبارح؟؟
|
طبعا يا وليد ح أتكلم معاك بصفة العارف بي مهام الحارس وبعيدا عن اللقطات التلفزيونية وحماسة جمهورنا المسكين والساذج لمجرد أن الحضري أوهمهم بحب المريخ وإستفذاذ الهلال..
تصدق يا وليد لو قلت ليك أمبارح الحضري كان أسوأ لاعب؟؟
حتصدق لو قلت ليك الحضري هو من أعاد الهلال للسيطرة على المباراة؟؟
ح تصدق لو قلت ليك الحضري نظم لعب الهلال وجاط لعب المريخ؟
أرجو إنك تكون لاحظت للحضري..المعروف يا وليد إنو الهجمة تبدأ من حارس المرمى..سواء بالتنظيم أو بالمرتدات..
أمبارح الحضري كل الكرات كان بيقوم بي اﻹرسال الطويل لي دفاع الهلال..نعم كللل الكرات..
يستلما دفاع الهلال مرتاح ويبدأ تنظيم الكورة الممرحلة..
عكس جمعة جينارو اللي كان في معظم اﻷوقات بيمرر باليد..وإنت كحارس يا وليد عارف براك ميزة إنو الحارس لو مرر بي يدو ممكن تعمل شنو..
ح أجي لي أحداث المباراة إن شاء الله من زاويتي..
تخريمة
النجم اﻷوحد من الفريقين كان نزار حامد..ولااا تمريرة غلط طيييلة الشوط التاني..
|
|
  
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: عمر الفاروق)
|
| Quote: النجم اﻷوحد من الفريقين كان نزار حامد..ولااا تمريرة غلط طيييلة الشوط التاني.. |
لو ختينا في الاعتبار انو دي اول تجارب عبد الرحمن كايا فكايا كان نجم المباراة بدون منازع ..ومعاهو العجب من المريخ كانوا بيستحقوا جائزة نجومية المباراة ..
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: عمر الفاروق)
|
Quote: تخريمة
النجم اﻷوحد من الفريقين كان نزار حامد..ولااا تمريرة غلط طيييلة الشوط التاني.. |
امبارح ياعمر واحد مريخابي قاعد جنبي في الاستاد قال لي :
والله نزار حامد ده ما فضل ليهو إلا يفتح ليهو دكان عديييييييل في سنتر الميدان هههههههههه
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: omer osman)
|
يا عمر المشكلة ما كانت في الحضري، المشكلة في الجهاز الفني
لو لاحظت جمعة بدأ تمرير الكورة باليد في الشوط التاني (يعني دا توجيه المدرب)
لكن (ولدنا) ريكو ما وجه الحضري، كأنه كان راضي عن نقل الكورة بأي طريقة لمنطقة دفاع الهلال وخلاص (أو ترك المهمة لجبرة)
جبرة دا وضعه شنو يا مريخاب في الجهاز الفني؟؟
مع أول هزيمة جاية، المريخ موعود بانفجار نووي (بسبب الكوجين العملته الصحافة الحمراء بفرض جبرة على الجهاز الفني)
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: Ashraf el-Halabi)
|
الحضري كان ممتاز وانا لو كنت محلو كنت بتصرف كده
خصوصا مع فريث نصو بالضعف ده
لاحظ انت ووريني ياتو كورة مشتركة في الوسط تحصل عليها لاعبي المريخ
اظن ولا واحدة
وكمان لاعبي وسط المريخ كانو مندسين ورايحين
عندي انا الحضري يستحق نجومية المباراة
واتمنى عودة امير كمال سريعا للمريخ
بالنسبة لنزار حامد كاون كويس لكن ما كان ممتاز
هو لاعب مجهودو وافر وبمتلك الكورة كتير وبتحرك كتير
لكن قرايتو عند الدفاع تعبانة جدا وده فرق بينو وبين عمر بخيت
انفرد مهاجمي المريخ اكثر من مرة بسبب نزار تحديد
حتى القون الجا نزار عندو فيه دور ولو عمر لاعب ما كان بجي
لانو مصعب لعب الباص مرتاااااااااااااااااااااح جدا وما كان في زول ضاغط معاه
نزار لاعب مهول وهو ما ينفع كارتكاز
طبيعتو كده
هو لاعب تحضير وامتلاك
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: Hussein Mallasi)
|
يا معاوية عجب صاح قونو سمح لكن هو واحد من أسباب تعادل الهلال وراحة دفاعه..رمضان أداني إحساس إنو قونو كان صدفة بعد كمية الفرص اللقاها بعد داك..
كايا ولد حلو وأعصابو حديد وبيتفرغ لي لعب كورة قدم ما أيييي شي تاني ودي ميزة..لاعب رايق وبعيد عن اﻷضواء
..
ياابو الشوش برضو وين دور مدرب الحراس..
أمبارح التصوير ما جاب لينا كنبة الفريقين ولا جاب صور المدربين والجهاز الفني..يبدو إنو ماف كاميرا مقابلة..
يا عمر نزار بتاع الشوط التاني كان عجييب..حايم في النص براااهو..ومرقت الباشة ريييحتو
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: عمر الفاروق)
|
يا وليد عشان كلامك ده انا أضفت نزار الشوط التاني..
نزار ما لاعب إرتكاز دفاعي. .
الحضري يا وليد كورتين مهند بيطلعو بيهو بدونو ما كانت بالخطورة ديك..
الحضري تألق في كورة واحدة هي الضربة الرأسية بتاعت المدينة أو خليفة..ردة فعلو كانت فعلا عجيبة وسريعة..
غير كده ما عمل شي ملفت غير اﻹستفذاذ..
جمعة لو بطل النفض لي قدام ده ما بتجيهو عوجة
الحضري ماشاء الله عاجبني فيهو لياقته وحفاظه على تكوينه الجسماني..
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: طلحة عبدالله)
|
يا سحس ياخ ما أظن في مقارنة ..نزار لاعب مهاري بعكس منقستو اللي بصراحة كنت بشوف إنو لاعب عنقالي..
منقستو لاعب مجهوده وافر في وسط الميدان ولياقته تمكنه من لعب اربعة أشواط بنفس واحد بعكس نزار اللي لياقته يا الله يا الله بتسعفو يتم شوطين..
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: عمر الفاروق)
|
يا حمد صدقني شوتات مهند ما كانت بي الخطورة دييك ..إمكن التانية كانت اصعب لكن كمان ما تنسى كانت من مسافة بعييدة وكافية جداً لي إنو الحارس ممكن يقراها حتى بعد تتشات ويقرر على أساسها..ياخ الكورة من شدة ما كانت ساهلة لمممن الحضري شالها بي اليد القريبة (يدو الشمال) ..اللقطة تلفزيونية أكتر منها كورة خطيرة والحضري شاطر فهم نفسيات المشجع السوداني ولقطة زي دي ممكن بعدها الحضري يعفص شعار المريخ بالجزمة وماف زول ينضم,,
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: عمر الفاروق)
|
سلام عمر الفاروق
بي نظرة شمولية اكتر للمبارة رأيي أن المباراة كانت جميلة خصوصاً بعد تخلي لاعبي المريخ عن الضرب المتعمد واللعب في الأجسام
أما بالنسبة للهلال فالهلال تغير لعبه للأفضل وفي بناء الهجمات والتحركات من العمق والأطراف كانت جميلة ولكن مازالت عندنا مشكلة
قلب الدفاع يا عمر الفاروق.
جمعة جنارو يستحق أن يواصل اللعب في حراسة مرمى الهلال فيما تبقى من مباريات في الممتاز والكونفدرالية
جمعة كان في الموعد ويعتبر من افضل الحراس في السودان خصوصاً رشاقته ماشاء الله وصغر سنه وشجاعته المتفانية
في محاولاته للحصول على أي كرة عابرة مهما كانت خطورتها على حياته أو جسمه.
أتمنى له التوفيق
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: أيمن دياب)
|
Quote: يا فاروق عايزين رأيك برضو في اللقطة الجميلة لاستلام جمعة للكورة المعكوسة من الطرف اليمين.. في الشوط الأول..
استلام غير عادي.. داير بي جسمو في الهواء مع الكورة.. دي أفتكر إنها أجمل لقطة في المباراة.. |
فعلا لقطة جميله وهذا الاعب مكسب على الاقل يكون بديل للمعز وسوف يكون بديل جيد في حال تم دعمه ومنح الثقه
وايضا الحضري عمل لقطة جميله قام بيمنه عاليا واخرج الكره بيساره لقطه حلوه شديد
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: وليد عبد اللطيف)
|
لو داير رائي يا عمر في اخطر الكرات الحقيقة والتي تعتبر هدف محقق وتم اخراجها باعجوبة
كورة اكانقا الشوط الاول
شاتها بالبوز في الزاوية اليمين في جحر الفر زي ما بقولو
خطورة الكورة دي تتمثل في
انو الهجمة كانت ممتحركة وحص تسديد في المرمى ضربت في لاعب مدافع وعادل وحصل دربكة
في حالة زي دي بكون الحارس مركز مع الكورة الاولى الاتشاتت واتحرك على اساسها بالتالي بفقد تمركزوا الصحيح ولانو الكورة لسع في محيط الخطورة ما بكون عنده وكت يعدل وقفتو بالطريقة السليمة
زيادة على انو تجمع عدد من المدافعين والمهاجمين اما الحضري وحجبو الرؤية تماما
زيادة على انو ايكانقا لعب الكورة بالبوز .. وبالمناسبة الكورة الملعوبة بوز اصعب كور في اخراجها ولو ما لاقت كفت اليد ما بتمرق .. وعادة الكورة البوز بتكون تقيلة ليه ما عارف حتى لو ما كانت قوية وسرية
زيادة على انو الكورة كانت باردة وطبها الكورة الباردة بتكتل حيل الحارس والحراس يتعاملون مع الكور السريعة بلقائية لكن الكور الباردة عاوزة قرار
اخر شي الحضري بسبب الثافة شاف الكورة في الخط الموازي ليه وكانت ردت فعله 10/10
تليها مباشرة الضربة الراسية بتاعة بكري المدينة
تاني يا عمر كورة خطرة شالها الحضري بدون ما يلمها
انفراد مباشر لزولكم الجاب القون في الشوط الاول
الحضري مرق في وكت حرج وبتوقيت سليم قفل المرمى من زولكم وشتت ليه تفكيرو وخلعوا فلعبها في الاوت
| |
|
|
|
|
|
|
|
|
|
Re: يا وليد رأيك شنو في الحضري أمبارح؟؟ (Re: وليد محمد المبارك)
|
سلام ود الفاروق ووليد والجميع
قبل شوية كان في اعادة لمباراة هلال اهلي الشهيرة في الفين وسبعة
ركزت على اداء الحضري و خاصة بداية الهجمات و توصيل الكورة للمهاجمين لا حظت انو ياها طريقتو من زمان لكن تطورت
إلى حد ما ضربات الحضري كانت ضعيفة مقارنة بالآن ويادوب ما كانت الكورة تعدي خط الوسط بقليل
الآن شوتة الحضري سواء من الكورة الثابتة أو المتحركة عادي بوصلها لمهاجمين جوة طمنطاشر
حدثني لصيق بالمريخ وتدريباته انو الحضري تعود يتدرب لوحده قبل او بعد التمارين على الحكاية دي -شوت الكورة من مرماهه وتوصيلها لحتة معينة في منطقة الخصم
بغض النظر عن نجاح طريقته دي من عدمها لكن بتديك لمحة عن طريقة التفكير المحترفة و تطوير النفس
قارن ببعض اللاعبين السودانيين الأصغر من الحضري الكانوا مشاركين في نفس المباراة و اين هم الآن كرنقو وعلاء جبريل مثالا
من ناحية تانية تحسرت على يوسف محمد الفين وسبعة وعكسياته الخطيرة و المضبوطة بمعنى الكلمة
سانيه حتى الآن اميز من يلعب برأسه يفتقد لمن يعكس له الكورة
كاريكا برغم مجهوده الخيالي في الاختراق من الأطراف للأسف لا يعكس الكورة بطريقة سليمة و يحاول يهدف غالبا
اعتقد لولا دخل الطاهر حماد ما كان سانيه احرز قونه
لو كنت مكان غارزيتو ح ابني خطتي على راسيات سانيه و ادرب التيم كلو يعكس ليه
ما معقول عشرة ضربات ركنية ورا بعض ولا واحدة تجي قون
| |
|
|
|
|
|
|
| |
عمر الفاروق
Maawya Hussein
omer osman
Ashraf el-Halabi
وليد محمد المبارك
Hussein Mallasi
حمد عبد الغفار عمر
الصادق صديق سلمان
وليد عبد اللطيف
محمد البشرى الخضر
فيس بوك
تويتر
انستقرام
يوتيوب
بنتيريست