|
Re: يبدو ان المريخ سيحرز كاس الكونفدرالية هذا العام (Re: وليد محمد المبارك)
|
حبابكم , الشفت كبفك واحوالك ان شاء الله المريخ يجيبها عارف الكونفدرالية دي عشان تشيلها هم 6 مباريات , ممكن تنهزم في اربعة منهم وبرضو تشيلها , خلي تتعادل :) !!
والدوري الان اقرب للهلال لكني لا افقد الامل فيه حتى اخر دقيقة نظرية القرقور والصاج بس :)
انا مقتنع تماما ان ريكاردو مدرب جيد ومن قبله من المدربين رادان وكروجر والكبير فيستر وعندي قناعة تماما ان اي واحد فيهم للمريخ افضل من اي مدرب سوداني
الهلال خصم به ضعف خطوط , لكن به خامات جيدة , سانيه يجيد الراسيات والهدف لم ياتي عبث عندك نجم المباراة الليلة عمنا العزيز الحضري رائع , لكن حتى قريب اكثرية ترفض عودته والبعض كان يريد الاعتداء عليه فتامل كيف هو الاعز اليوم
للامام امل وخطوات والتوفيق من عند الله , واجب المشجع الاساسي التشجيع و الموازرة .. حبابنا سوا ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
Re: يبدو ان المريخ سيحرز كاس الكونفدرالية هذا العام (Re: محمد البشرى الخضر)
|
يا وليد
كهلالابي كنت اعتقد كدا برضو لو الهلال ما اتصدر المجموعة - لو المريخ اتصدر فالكأس له ولو الهلال اتصدر الكأس حقو الكلام دا ما خوف من الفريق الأول في المجموعة التانية ولكن عملية بتاعت نفسيات اللاعبين انفسهم والبطل بطل وكلو مرة الهلال بجي التاني في المجموعة وبتطلع في المربع الذهبي
ولكل حدث حديث ان شاء الله
الصادق
| |
|
|
|
|
|
|
Re: يبدو ان المريخ سيحرز كاس الكونفدرالية هذا العام (Re: أسامة البلال)
|
بل الصراحة يا اسامه البلال
لولا رعونة العجب وتوفيق قونكم وحظه الكبير لانتهي الشوط الاول باربعة اهداف جميعها يحرزها العجب وجميعها من انفرادات مباشرة بالمرمي
ولو العجب ارتفع للمستوى الشوط الاول فقط مفروض تترشو رشة تاريخية خلاف الانفرادين للعجب وكلتشي في الشوط التاني
| |
|
|
|
|
|
|
Re: يبدو ان المريخ سيحرز كاس الكونفدرالية هذا العام (Re: الصادق صديق سلمان)
|
سلام يا وليد..
المريخ أقوى من الهلال "كالعادة"..
لكن لم يكن هناك داعي لإقحام ضفر، والاحتفاظ ببلة جابر على دكة البدلاء
كان ممكن من البداية يلعب : نجم الدين في متوسط الدفاع إلى جوار باسكال، وينزل بلة جابر طرف أيمن
وضفر ده يتخارج يمشي يشوف ليهو فريق تاني، ياخ ده كبكبي لمن بهناك، ومن قولة تيت عاوز يعملا فينا بالفاول العمله مع مهاجم الهلال
في كرة كان ممكن يستخلصا بكل سهولة لو عندو رأس زي الناس
غايتو من أسي :
كشف مشاطيب المريخ : ــــــــــــــــــ ضفر ـ فيصل موسى ـ فيصل العجب ـ مصعب عمر
| |
|
|
|
|
|
|
Re: يبدو ان المريخ سيحرز كاس الكونفدرالية هذا العام (Re: محمد البشرى الخضر)
|
يا ود البشرى
الفريق المالي ما اقوى من الهلال وفاع المريخ احسن من دفاع الهلال باشواط والدليل اغلب هجمات الهلال على مرمي المريخ من ضربات سابته سددها مهند
لكن اغلب هجمات المريخ انفراد مباشر بالمرمي ولو العجب الصغير ارتفع للمستوى كان لوحدة مفروض يحرز اربعة اهداف في الشوط الاول جميعها انفرادات تامه بالمرمى
صحيح مشكلة المريخ في الارتكاز عشان كده قلت يا ريت لو ولدنا المعوق بتاع المورد يدخل فورمة
| |
|
|
|
|
|
|
Re: يبدو ان المريخ سيحرز كاس الكونفدرالية هذا العام (Re: وليد محمد المبارك)
|
اطراف المريخ يا ولي مشكلة ونقطة ضعف و ثغرة واضحة .. الشغيل والسعودى وقلق مستواهم ثابت وعلى أقل تقدير بؤدوا واجباتهم .. الباشا مستواهو ما ثابت .. وكذلك فيصل العجب ..(كورة أهلى شندى مثال) والمريخ بدون فيصل العجب لن يصل المباراة النهائية الا بالحظ .. لكن الكورة البنعرفها بتقول كده .. الا بتألق لافت لقلق والباشا او احتمال وارغو "ما شفتو لسه" الامر الذى لا يمكن الرهان عليه ..
ربنا يسهل يا مان ..
| |
|
|
|
|
|
|
Re: يبدو ان المريخ سيحرز كاس الكونفدرالية هذا العام (Re: إسماعيل التاج)
|
يا اسماعيل ما نوم في العسل
الفريق الوحيد المؤهل يهمسنا الهلال والمريخ لن يمر بمباراة اصعب من مباراته الاولى مع الهلال التي لعب فيها 70 دقيقة بعشرة وتجاوزها وكانت مع اقوى فرق الكونفدرالية الان حسب تصنيف الكاف
لايوجد فريق سيقابل المريخ اقوى من الهلال يا افكاتو لذلك لا توجد همشرة المشكلة انو الهلال ستظهر فيه مشكلة اصابات وبدات تظهر وكلها اصابات تدريبة في مشكلة في تدريب الاحمال في الهلال يجب معالجتها بسرعة
| |
|
|
|
|
|
|
|