|
|
 غرقان الخمر عيان ولافنان؟!#
|
بالمناسبة دي ما دعوة لاباحة شراب العراقي ولا المريسه ولا العسلية والكجومورو و لا تكون من الحاجات اللي بتجمع الناس لكين في في فترة الستنيات كانت سلوك أجتماعي وجلسة السكر بتجمع الناس صح ممكن نتلم علي شاي المغربيه أو صنية العشا أو حتي عند ست شاي ما شرط تكون وطنية يا خي ديل الحبش برضو أهلنا بعدين زي ما بقول عماد (عماد التور )وحيدردكشنيري الزول اللي ما بشرب زول ما منتج أو حاجة ما عندها تصالح داخلي والله بالكلام خربونا بيهو طبعا زمان في أخر التمنايات كان الزول اللي بيجي الجامعة الاسلامية مفصول من جامعة الخرطوم أكيد علماني وسكير وكمان بتاع بنات ما تسألوا ليه رفدكم من الجامعة حمدو في بطنو المهم ما في أي خيار غير الجامعة الاسلامية وكمان العرض كويس ح تكون في كلية تانية لكين في نفس السنة الدارسية لدفعتك ما كان في مفر قلنا خلاس الدنيا جاتنا بضهرا المهم دخلنا الاسلامية لكين بأخلاق وطبائع طلاب جامعة الخرطوم بس هنا في نوع من الحرمان من الجنس الطيف الدفعة كلها من بعض الدول الافريقية وكمان مستوي الاشكال تلقي زول شكلو معقول ما في مش جميل دي مستحيله طبعا في الدفعة كلها دي يعني من الصباح كنت بمشي بتفرج في بنات الاحفاد الثانوية بعدا بجي كلية القرود اليوم طويل كان لازم تحفظ كل سنة أربع أجزاء من القرأن الكريم غير كدا عندا مجموعة مقدرة من الاحاديت النبوية للرسول (ص) قضيت تلاتة سنين زي السم لكين عدت المهم نرجع لمسألة الغرقان في السكر عيان ولا فنان عارف ح أتعرض لحملة شراسه من الكل لكين بالجد نحن في ورطه تخيلوا رجعت نفس ليالي الزمن الجميل بأختلاف نوع الشرب بقي عرقي وأيام الفلس عيش المصانع بقت متقدمة جدا والطائرات حاملة البهجة أخر صيحة في اللبس و تعرفوا مرة في طايرة بتيبع عراقي ركبا توسان لانو شاغل بوزع في منطقة المعمورة غيرو من المستورد الذي يباع في بعض مناطق الخرطوم الراقية جدا يعني عشان تلقي عراقي في الرياض مشكلة لكين ممكن تحصل ويسكي أمريكي أسمو عندنا هنا أبو كبايه وبعض الاحيان في نوع أسمو المارشال دا لازم تكون عامل سندة كويسه وألا ح تنوم من أول القعدة الفودكا دي بقت بالالوان أول مرة أشوف فودكا بنيه كنت مع طيارين روس في الطايف وفنان الليله كان لإلإلإلإلإلإ دي شراب من اليونان المتاكسه و زي الشري القديم بس تقيله شويه وكمان بتشبه البراندي المصري لكين قوية ثقافة شراب الخمر اليوم ما هي عادة أجتماعية بقدرأنها تجمع صغير للميول الواحد لازال يوم الخميس دا يوم ابهجة الاممي في كل العاصمة القومية ومحاكم النظام في العاصمة القومية كلها في يوم الاحدابيكون 89% من القضايا اللي قدامه سكر وتعال شوف الجلد مرة في واحد بس مرة علي مجموعة أصدقاء وشرب بس كاسين حادوا قال للعسكري لو عارف كنت ح أنجلد والله أصحي قدام القاضي الليله ! طبعا الشاعر بيقول لا تنزل الاحزان ساحتها تنزل نزول كمان بالصور تبكي كدا لحدي ما تموت وما في حل ولا في زول يقوليك ألله يرحمك
أنا حافظ الابيات دي بقوم أقولا قبل الجعراه الرهيبه حقتي
أ.نت كقطرات الخمر المعتّق.. تروين حزني..
وتثملين ليلي..وأنا كالفراغ الذي يملئ القلوي...
وكالقلوب الفارغة من الإيمان أقضي لحظات ثملي دون جسد...
وحيداً في كومة الليل..
ولا أبصر طريقاً ولا أبصر أملاً..
كظلٍ ممّدد على الأرض أجد ما يبكيني..من ذكريات..
وسوء المصير وأنت..
كقطرات الخمر المعتّق..
تروين حزني وتثملين ليلي
يفارقني الوجود إلى ما دون رجعة..
ليبقى لي جسد لا روح فيه..
وآثار لبقايا ورودٍ زابلة وخواطر مريرة لم يبق لي..
سوى حروف اسمك أرتبها بعشوائية وهمجية كما أريد...
جاعلاً منك عشقاً يقطن في حبل الوريد..
ثمّ.. أصرخ بلهفة حين تتداخلين بيني وبين نفسي حين تمتزجين بدمي...
ناظراً بعينين مطفأتين للظلام فأجدني..
بين توابيت الحلم وأسماء المنسيين
تتهدل عليّ ستائر الغياب فأرجع باكياً
لأفكر بالسكون الذي تداخل بين ذراة الجسد الممزق
فأرمي نفسي على ظلّي باكياً من حقيقة الواقع خائفاً من مراودة الأحلام
لي ثانيةً ثمّ أضيع في نشوة السكر لتأخذني إلى أوراقي القديمة
فأتناثر فيها باحثاً لأجد نفسي أو عمّا أضاعني فأجد الماضي
ينتظرني بسيف جلاّد وقسوة الزمن
فأمر عليه الدموع وصمتٌ يخنقني وشيء من النسيان..
لكن.. رغم النسيان أسمع عزفاً على أوتار الذكريات
وحزناً يملئ فراغاً بين تلك الإيقاعات رغم النسيان...
هنالك أصابع تملئ مابين أصابعي من فراغات تمسك بالفراغ
تتشبّث بالذكريات فأنفض آثاراها عن يدي
لتلبسني كخيال عاشق ذاهباً لحلم،
هارباً من حلم آخر.. وأنت....
كقطرات الخمر المعتّق تروين حزني
وتعتلين جبهة ليلي وأنا... دي لشاعرشاب أردني
ودا مع نهاية القعدة في واحدين بيعطفوا معي بكي رهيب لحدي ما الواحد يدخل في من الحزن الشديدة تاني يوم يضرب لي تلفون يا خي والله قتلتنا بالبكا أمس نحن كنا مالنا ما بتكون في أجابة غير والله صحبتك فنانة أنتو ناس جملين من حركات النفاق الاجتماعي بتاع السكاري ديك تعرف في حالات الواحد بيكون عندو قناعة دي ممارسه كلها شر من كل النواحي لكين الضعف الانساني والادمان كمان ديل مشكلة حقيقة ويظل السؤال في محالو هل غرقان الخمره عيان ولا فنا ن ما عارف لكين في حاجة كدا غريبه عند السكاري أسمها لحظة التجلي يعني لحظة كدا عجيبه فيها كلو متع الدنيا لكين ألله يتبوا عليهم .!!!
زهجت من كل الجاحات دهورا عجيبه نعمل شنو ونقول شنو !
أمكن يكون بالجد عيان والمعالج منو والعلاج شنو و بيها ولا بي حاجة تاني يا خي أنا ذاتي في حالة جنون كدا
(صدرك ما لا يقال
وحين تُهذِّبه يتقطَّع حبلُ الكلام
فتبقى وحيداً: تطل هنا
وتطل هنالك
واسمك ذاك القميص على ظهر روحك يخشى سقوطك في الترَّهات
فهل تتبرأ منه؟...
وكيف؟
وهم من يسمُّونك الآن
لا أنت
لا ذكرياتك
لا مَن سَجَنتَ. )
جزء من نص للشاعر ماجد القيبه..
دي حالتي .............!
|
|
  
|
|
|
|
|
|
|
 Re: غرقان الخمر عيان ولافنان؟!# (Re: زهير عثمان حمد)
|
ههههههههههههههههههههه يا سارة علي
دي قلبتي فيها الهوبة.
غايتو نقول الحمد لله الختينا الشغلة دي وربنا ما يرجعنا ليها تاني اكاااان دا الختمام.
ياااااخ دي حالة صعبة خلاص... انا متحير في الناس البيقعدو معاك ديل بيقعدو كيف؟... قايتو الا تكون انت العليك العرقي... وهم الشراب واستحمالك.
وما عندكم جيران يا كافي البلا.
نصيحة من زميل قديم خبير في التعامل مع هذه الاشياء.. كان في ايام شبابو بيقوم ليهو بقزازة ونص بتاعت جاك دانيل اسكتو ساكت،
وحاتك لا بكينا لا شاكلنا، المهم النصيحة:
انت محتاج ليك لوقفة من الشراب لمدة سته شهور وكان قدرت تواصل يكون تمام
وان لم تقدر تواصل، ارجع اشرب شرابك بعد السته شهو ما تم، لكن حاول نظم يعني ما تسرف. once a week
وبنا يوفقك
| |
|
|
|
|
|
|
|
|
|
Re: غرقان الخمر عيان ولافنان؟!# (Re: عمر عبد الخالق سعيد)
|
زهير سلامات
بلدياتنا شغال كهربجي
زول مزاج وروقة ...ومحبوب لي كل الناس
يوم جبته ركب مروحة في البيت والكهرباء كانت قاطعة ....
المهم الكهرباء جات بعد المغرب ... والمروحة اشتغلت لكن لفت غلط وبقت تودي الهواء للسقف بدل تنزله تحت
اها قمت مشيت ليه في البيت لقيته بدأ البرنامج المسائي .... دقيت الباب ودخلت .. بعد السلام قلت ليه ياخي المروحة الركبتها قبيل لفت غلط وعايزك تمشي تصلحها
عاين لي كده وقال لي الناس دي كلها لافة غلط ... بقت على المروحة ...
دحين انت الوحيد اللافي صاح يا زهير ... والناس دي كلها زي مروحتي ديك
| |
|
|
|
|
|
|
|
|
 Re: غرقان الخمر عيان ولافنان؟!# (Re: rani)
|
اححححححححححححححححححححي،
لكن ما قطعت نفسي يا أبو الزهرا.
يا اخي لا نقطة لا شولة لا سندة لا محطة !!!؟؟؟
الوآحد فوووووووو، لحدي آخر سطر !!!؟
نحن كبرنا ونفسنا دا بقى في تلتلة، دحين بالرآحة.
| |
|
|
|
|
|
|
| |
زهير عثمان حمد
سارة علي
rani
عمر عبد الخالق سعيد
معاوية المدير
فيس بوك
تويتر
انستقرام
يوتيوب
بنتيريست