|
|
 الــ (10) أسباب لفوز الهلال على المريخ يوم الخميس وكل مرة
|
هلال مريخ قمة في حد ذاتها بغض النظر عن فروقات النقاط الستة دوريا
او موقف الفريقين في الكونفدرالية
لذا كهلالابي احب فريقي واتمنى له النصر والتوفيق دائما
رايت ان اكتب ما راه من اسباب ستننصر هلالنا العظيم على وصيفه ان شاء الله
أولا : مقابلة الخشونة الزائدة من لاعبي المريخ بلعب رجولي يمنعهم من التعدي على اقدام لاعبي الهلال
ثانيا : اللعب الجماعي والتمرير الساهل للزميل وخاصة في خط الهجوم ( مهند مثالا)
وعدم اضاعة مجهود اللاعب بلا فائدة ( بكري المدينة مثالا)
ثالثاً : التأمين الدفاعي الجيد ومراقبة كلتشي والباشا وقلق مراقبة لصيقة وبالذات كلتشي
رابعا : التعامل مع تاثير نتيجة هذه المباراة على اللقاء الافريقي وترتيب المجموعة الكونفدرالية
خامسا : التشجيع المثالي من اول المباراة دون توقف مهما كانت النتيجة من قبل الحضور
سادسا : جمعة جينارو ( سبت دودو الجديد) لابد ان يعلب هذه المباراة كي يستمر حتى أخر الموسم
سابعا : ضرب التكتل الدفاعي للمريخ والذي انتهجه ريكاردو في لقاءاته الاخيرة بتنويع اللعب من الاطراف
ثامنا : إستغلال الضربات الثابتة والركنيات بطريقة جيدة ةالاستفادة منها
تاسعا : تهيأة من ينفذ ضربة الجزاء ( غير مهند وسادومبا) حيث انهم محفوظي الطريقة
عاشرا : التهديف من على بعد ومباغتة الحارس ( قالو الخضري لا يرى من بعيد)
نسأل الله أن يحقق لنا الفوز دائما
وينتصر هلالنا سيد البلد في كل مرة
أ
|
|
  
|
|
|
|
|
|
|
|
Re: الــ (10) أسباب لفوز الهلال على المريخ يوم الخميس وكل مرة (Re: حبيب نورة)
|
يا جمال...ما تخليهم يغلبونا...ياخ....ما فيها حاجة...
خليهم ينتشوا شوية...ويمشوا المرة الجاية لي عطبرة كداري
نحن بهمنا نفوز عليهم في مباراة المربع الكونفدرالي
وبس...
يوم الخميس...مفروض يلعبوا ليهم بي ناس محمد عبدالرحمن ومحمد احمد
وعبدالرحمن كايا....والمهاجم المانع داك
بتاع الامل عطبرة ...ناس سادومبا وسانييه...وكاريكا
ما يدخلوا التشكيلة زاتو ديل مش كانوا في انديتهم بيلعبوا ضد المريخ...
ممكن برضو نلعب ليهم بكري المدينة...يقطع نفس خيل كم قصيدة منهم
المباراة الجاية دي حقوا الهلال يخت التشكيلة حسب الوزن
ومنعة الرجل....عتاولة بس...الناس ديل ناس ضرب وكسير..
وما بعيد يكونوا منشين علي كراع حريف...
| |
|
|
|
|
|
|
|
|
|
Re: الــ (10) أسباب لفوز الهلال على المريخ يوم الخميس وكل مرة (Re: keiga2000)
|
جمال السنوسى سلام موضوعك فى السلك وهجمومنا إن شاء الله يبسطنا ونحنا ما بنرضى بشىء غير الثلاثة نقاط رغم أن التعادل يكفينا !! يا حليلك يا بشة!! ورغم كده سانية رجل الثوانى ومحقق الامانى حايزيد الفرح والتهانى (وحا نلف لف جد يا حبيب نورة وأنا خايف تجدع بالبندورة ) اللهم أنصر الهلال نصراً مستحقاً لعباً ونتيجة .
| |
|
|
|
|
|
|
|
|
|
Re: الــ (10) أسباب لفوز الهلال على المريخ يوم الخميس وكل مرة (Re: بشرى مبارك ود السقاى)
|
Quote:
جمال السنوسى سلام موضوعك فى السلك وهجمومنا إن شاء الله يبسطنا ونحنا ما بنرضى بشىء غير الثلاثة نقاط رغم أن التعادل يكفينا !! يا حليلك يا بشة!! ورغم كده سانية رجل الثوانى ومحقق الامانى حايزيد الفرح والتهانى (وحا نلف لف جد يا حبيب نورة وأنا خايف تجدع بالبندورة ) اللهم أنصر الهلال نصراً مستحقاً لعباً ونتيجة .
|
ود السقاي
برلوم البورد الفات القدام والجداد
ياخ انت جميل يا هلالابي يا اصيل
عليك الله حصل يوم شفت ليك كمساري قيافة مريخابي
الاناقة زرقاء منذ ان خلقت هذه الدنيا
والأبيض لون السلام
سلام يا جدع
| |
|
|
|
|
|
|
|
|
|
Re: الــ (10) أسباب لفوز الهلال على المريخ يوم الخميس وكل مرة (Re: جمال السنوسي)
|
Quote: ود السقاي
برلوم البورد الفات القدام والجداد
ياخ انت جميل يا هلالابي يا اصيل
عليك الله حصل يوم شفت ليك كمساري قيافة مريخابي
الاناقة زرقاء منذ ان خلقت هذه الدنيا
والأبيض لون السلام
سلام يا جدع |
يا جمال السنوسى سلام يا زوول أنا برلوم هنا لكن (أقدم من الكسرة فى المنتديات الاخرى ) وأنا بشجع فى الهلال قبال(ما أكون كمسارى !!) ههههههههههههه!!!! .
والله يا جمال السنوسى لو نقلت ليكم ما كتبته من قصائد ومسادير ومواضيع وتعليق عن مباريات ورد على الوصيفات تقرو تلاته شهور فى مواضيعى !!! يا زول إنت عارف مشرفين المنتديات (من الوصيفاب المريخاب ) لما يغلبو فينى حيله بعمل لى شنو ؟؟؟ بحظرونى !! حصلت لى مرتين فى منتدى العيلفون وثلاثة مرات فى منتدى دار جعل وتدخل الهلالاب وهددوا بالمقاطعة الشامله للمنتديات أو رجوع العبد الفقير !!! وفى كل منتدى أنا فيهو مافى وصيفابى بخليهو بدون رد وبى مسدار أو يزيد ومرات تصل المسادير عندما يظهر بعض الوصيفاب تصل الى أكثر من 30 وهناك من الاخوات (بت الخدر ) فى منتدى دار جعل والله دى عندها مسادير تخلى المريخاب الوصيفاب يقولو الروووب عديييل ويهربوا وحدث ذلك أكثر من مره .
ختاماً اللهم أنصر الهلال وفى حالة الانتصار إن شاء الله أعدك فى بوستك ده بمسدار كارب .
| |
|
|
|
|
|
|
|
|
|
Re: الــ (10) أسباب لفوز الهلال على المريخ يوم الخميس وكل مرة (Re: Azhari Mohamed)
|
Quote:
المريخاب سلام
جمال السنوسي طلعهم من العنايه المركزه وتم عليهم تاني عشرة
حبيب نورة وتاج السر و ود الشيخ والبقيه ما تقومو نفسكم بي عشرة جمال
روووووقك واحلي يا جيمي الخميس بكرة
|
ازهري
البطيخاب ديل مجهزين مكنتهم من هسه
زي
نحنا بتاعين كاسات خارجية الممتاز ده محلي
خلاص حنتسد في الكونفدرالية
التحكيم بغلبنا
الحظ معاكم يا هلالاب
خليناكم غلبتو عشان جمهوركم ما يكسر الاستاد
وهلم جرا
اسباب جاهزة للتبرير
| |
|
|
|
|
|
|
|
|
|
Re: الــ (10) أسباب لفوز الهلال على المريخ يوم الخميس وكل مرة (Re: جمال السنوسي)
|
الكورة مدورة أولاً
وبكل المقاييس فالهلال ليس هو سيد البلد
فالمريخ سيد البلد مما إتولد
وقائده جمال الوالي نعم الولد
وجمال الوالي حكمة وأدب
والمريخ جاب كؤؤس بالجو عدد
ونجمه سمى ولابد من يغلب
إبداع وفنون متعة وطرب
أحمر لهب وأصفر ذهب
أتمنى فوز المريخ على الهلال ويهزمه هزيمة نكراء
وأتمنى للمريخ كأس الكونفدرالية
معقولة؟ يا أخي النادي الأوحد في السودان الذي شرف الكرة السودانية في كل المحافل
بل وتوجها بكؤوس محمولة جواً بمعنى نضرب الخصم ونقتلع منه الكأس في عقر داره
كلما ما ـمناه وهو الأهم تقديم مستوى كروي يعيد للأذهان أمجاد الكرة السودانية
| |
|
|
|
|
|
|
|
|
|
Re: الــ (10) أسباب لفوز الهلال على المريخ يوم الخميس وكل مرة (Re: عزالدين آدم علي)
|
Quote:
الكورة مدورة أولاً
وبكل المقاييس فالهلال ليس هو سيد البلد
فالمريخ سيد البلد مما إتولد
وقائده جمال الوالي نعم الولد
وجمال الوالي حكمة وأدب
والمريخ جاب كؤؤس بالجو عدد
ونجمه سمى ولابد من يغلب
إبداع وفنون متعة وطرب
أحمر لهب وأصفر ذهب
أتمنى فوز المريخ على الهلال ويهزمه هزيمة نكراء
|
عزالدين
شايفك شاعر بعظمة
وبتحلم صاحي
اخر فوز كان بي بشة صغيرة
الليلة بي ساني كبيرة
بس طلب صغير
ما تشرد بعد الكورة
تعال عشان نقرا احلامك بعد الكورة
| |
|
|
|
|
|
|
| |
جمال السنوسي
Dr.Elsadig Abdalla
حبيب نورة
nazar hussien
نور الدين عثمان
تاج السر محمد حامد
keiga2000
بشرى مبارك ود السقاى
أسامة عبد الجليل
Gaafar Ismail
عمر عبد الخالق سعيد
MOHAMMED ELSHEIKH
Azhari Mohamed
Abdlaziz Eisa
عزالدين آدم علي
صلاح أبودية
عبدالله كع
وليد عبد اللطيف
ضياء الدين ميرغني
فيس بوك
تويتر
انستقرام
يوتيوب
بنتيريست