|
|
 فى الأمارات فجر يوم6/اكتوبر ( مجبرا )
|
بإذن واحدا أحد سأصل الأمارات فجر يوم 6 من شهر 10 القادم مرافقا لابنتى الدكتورة معزة بسبب جلوسها لامتحان افتكر اسمو MRCPH وذلك يوم 9/اكتوبر المنعقد بفندق هيلتون ابوظبى شارع الكورنيش ,,,,,,,,,
ومجبرا دى لتعذر حصولها على تأشيرة الدخول منفردة ,,,,,,,,,,, الدخول للامارات انشاء الله تعمدت ولرغبة الدكتورة سوف يكون عن طريق مطار دبى لرغبتها فى الإستفادة من اليومين قبل الإمتحان فى التحصيل والقراية ومزيد من التركيز لأن تقريبا كل الأهل والمعارف مقيمون بأبوظبى والعين والمرفأ وكان لمو فيها الفى راسها بطير واقامتنا بالدولة حتكون مدة اسبوعين فقط ,,,,,,,,, وللعلم انا كنت مقيم بدولة الأمارات فى الفترة من 97 وحتى 2001 تقريبا ,,,,,,,,,,,,,,,, وارجو من الجميع الدعاء لها بالثبات والتوفيق والنجاح الباهر
|
|
 
|
|
|
|
|
|
|
 Re: فى الأمارات فجر يوم6/اكتوبر ( مجبرا ) (Re: ALGARADABI)
|
شاكر كتير ليك يا أخى ,,,,,,,,,,,, والله ناس المكتب فى دبى قالو لينا كدة والجهة الممتحنة قالت على كل ممتحن ان يصل موقع الامتحان بطريقته الخاصة والمهم ادخلت جوازى مع جوازها وافتكر وافقت سلطات الهجرة على منحنا فقط اسبوعين ودى كفاية جدا ,,,,,,,,,, واهو يا اخوى ننجما شوية بس انشاء الله يكون جوكم اتصلح شوية من الرطوبة والسخانة والكتمة وكل ما اتذكرها بشيل هم
| |
|
|
|
|
|
|
|
|
|
Re: فى الأمارات فجر يوم6/اكتوبر ( مجبرا ) (Re: ALGARADABI)
|
Quote: الأخ صلاح
تحياتي
هذه المعلومة غير صحيحة
يمكن للدكتورة الحصول على التأشيرة بكل سهولة في حالة لم تسمح لك ظروفك
لأي مساعدة 00971505899500
التعديل لتصحيح الرقم |
هي يا انت بقيت بترد على التلفون ....واللا بتمقلب الراجل
الاخ الفاضل اهلين بيك ومراحب بوطنك القديم ....وتاكد لو قابلتك مشكلة في حكاية المرافق دي فدي اكيد قانون سوداني جديد من
السودان وخزعبلاتو ما الامارات بلد الخير ادامها الله لاهلها كما عهدنا بها
اها لو شيخنا القردابي دا ما ردا اتواصل معانا واي مشكلة نحن مستعدين
حتى لو حابه مساعدة بالاطلاع على نموزج امتحانات قديمة فنحن ممكن نتواصل مع احدهم ونساعدها ما في مشاكل باذن الله
ومرحب بيك وبس تجي ورينا هاتفكم بالخاص حتى نتواصل
ومني محبتي
| |
|
|
|
|
|
|
|
 Re: فى الأمارات فجر يوم6/اكتوبر ( مجبرا ) (Re: نعمات حمود)
|
شكرا جزيلا للاخت نعمات
والله حكاية امتحانات قديمة فى نفس الموضوع عجبتنى شديد ,,,,,,,,,,, وممكن جدا تستفيد منها ,,,,,,,,,,, والله انا لما حنيت عليها من القراية الكتيرة وافتكر ما عندها مشكلة لكن برضو الخوف حاصل
وبالمناسبة ابنتى الدكتورة معزة كانت الأولى على شهادة الأساس والرابعة فى الشهادة السودانية بنسبة نجاح 94.6 % وتخرجت من جامعة الخرطوم سنة 2009 واكملت فترة الامتياز والخدمة الوطنية وتتصورى حتى الآن لم يتم تعيينها فى وزارة الصحة وتعمل الآن بمستشفى تقى التخصصى الخاص بامدرمان عشان تطور نفسها وما تزهج وتنسى الشغلانية ,,,,,,,,,, ومرة اخرى اطلب من الجميع الدعاء لها بالثبات والنجاح وممكن يا اخت نعمات ترسلى الامتحانات السابقة على ايميلى [email protected]
ومرة اخرى لك شكرى وتقديرى
| |
|
|
|
|
|
|
| |
صلاح الدين ابراهيم الفضل
ALGARADABI
مجدي عبدالرحيم فضل
نعمات حمود
فيس بوك
تويتر
انستقرام
يوتيوب
بنتيريست