|
|
|
 Re: معقول يا غارزيتو !! (Re: nadus2000)
|
والله يا ود البشري صاحبي
انا شايف المشكله كلها في خليفه كان جايط اللعب شديد وما عارف يعمل شنو وبالعكس يوسف محمد كان ماسك كويس بس شوف جوطة خليفه والغريبه قعدوه لي اخر المباراه
مفروض يطلع خليقه ويرجع نزار حامد مع عمر لانو خليفه نشف ريق عمر وجلطات مبالغه يطلعو الكوره من قونا يرجعها تاني
الله ستر بس الهلال اليوم كعب وما لعب اي كورة
| |
 
|
|
|
|
|
|
|
|
Re: معقول يا غارزيتو !! (Re: abas)
|
| Quote: بعدين يوسف محمد دا ما لقيتو لينا فيه صرفة لسة ؟ |
البركة في النقطة يا ود البشرى
تخيل ان يوسف محمد
لاعب لم يتم شطبه بسبب عدم وجود فلوس لتغطية عقده
فاوضوه في تخغيض المبلغ فرفض
حاولو يلمو فلوس وما قدرو
كل هذا في فترة التسجيلات الصيفية
فجأة يرجع المدرب .............صاحب السلطة المطلقة
ويرجع يوسف محمد اساسي
اها دا يقول عليه شنو؟؟؟؟؟؟
وفعلا لا نص ولا دفاع
| |
|
|
|
|
|
|
|
|
|
Re: معقول يا غارزيتو !! (Re: Al Sunda)
|
اخونا محمد وضيوفه الكرام
لكم التحايا
المشكلة فى المدرب و الذى بدات اشك فى انه فعلا يمشى على هوى بعض النافذين فى الادارة
عموما زى ما قلت البركة فى النقطة الجاتهم من الله و كل المنى ان يكون المدرب شجاعآ
فى المستقبل و يضع حدآ لاشراك يوسف محمد طالما انهم كانوا يسعوا للفكاك منه فى الفترة الماضية
| |
|
|
|
|
|
|
|
|
|
Re: معقول يا غارزيتو !! (Re: حيدر بشير)
|
خليفه لعب بعد غيبه وماقدر يغطي غياب علاء الدين وايكانغا كان لاعب باك شمال ..يعني عمر كان لاعب شبه وحيد عشان كدا انكشف الدفاع ..
غارزيتو شكلو ما واثق من خيارات الدفاع المتاحه عندو وشايف انو يوسف افضل السيئين في غياب علاء الدين
| |
|
|
|
|
|
|
|
|
Re: معقول يا غارزيتو !! (Re: الزبير صالح الزبير)
|
Quote: معقول يا غارزيتو !!
|
طيب ما تمشي تبقي مدرب إتا وكت ما معقول ؟؟
الما معقول شنو يعني ؟ ما ياهو ذاتو الفسيخ الشفناهو في المباراة الفاتت
قدام المريخ وقلنا ليكم أبو الهل دا بى طريقتو دي بدق الدلجة قبل يصل دور
الأربعة .
قال معقول قال
لا والله أحسن تمشي تبقي مدرب إتا ياخ .
اوفففففففففففففففففففففف
| |
|
|
|
|
|
|
|
|
|
Re: معقول يا غارزيتو !! (Re: طلحة عبدالله)
|
ود البشرى
انا ما معاكم ونفس كلامي القلتو لي وليد..
الهلال ما ح نقول كان متميز ولا ح نقول لعب كورة ..
لكن الهلال ما كان كعب..
وقياساً بي كورتنا برة فياهو ده حالنا في المباريات الخارجية بل الحقيقة إنو أفضل من حالنا..
ضييعوا ..ضييعنا..
الفرص تكاد تكون متساوية بالنسبة للأهداف المضمونة المضاعة ..
لو في زول مفروض يكون عليهو ملاحظة فهو سانية ده ..الزول دهأرهق الهجوم حقنا بي صورة غريبة وعجيبة وما مستعد يمرر باص مضمون لي أي مهاجم ..
وجود هيثم مهم ماف كلام ..بس صدقني النتيجة إيجابية والأداء فوق الوسط عموماً ..
المشكلة في الطريقة المصر عليها غارزيتو ودي العايزا مراجعة لأنو غارزيتو بدا يفقد بوصلة معرفتو لي قدرات لاعبينو ودي مشكلة ..
يعني اصلو ما ممكن توكل لي إيكانغا اللاعب النشط والنحلة في وسط الميدان مهام بتاعت لاعب طرف شمال في وجود معاوية فداسي أو مهند..
وما ممكن تحرر خليفة اللاعب صاحب الإمكانات المحدودة عشان يعيس في الأرض فساداً..
بس عموماً إنتابني شعور غرييب جداً تجاه أدء بعض اللاعبين وتملكني إحساس غريب إنهم بيلعبوا وفي بالهم هيثم مصطفى ودعمهم ليهو ضد الإدارة ..
حسيت إنو الهلال تعمد الخروج بالنتيجة دي ..لا يخسر لا يفوز لكن ما يلعبو ...
| |
|
|
|
|
|
|
|
|
 Re: معقول يا غارزيتو !! (Re: عمر الفاروق)
|
تصدق وتامن بالله دخلت البوست دا عشان اعلق واقول
انت يا ود البشري عمر الفاروغ لسع مافي استلطاف بينكم لانه جاني احساس بانكم مستبيضين بعض كونك بتفتح بوستات بتهم الفاروغ وما بشوفه من المعلقين
اول ما فتحت البوست عمر الفاروغ اضاف المداخلة الفوق دي
لكن النجيضة انا مستبيضكم الاتنين بي هلالكم
| |
|
|
|
|
|
|
|
|
|
Re: معقول يا غارزيتو !! (Re: اساسي)
|
Quote:
حسيت إنو الهلال تعمد الخروج بالنتيجة دي ..لا يخسر لا يفوز لكن ما يلعبو ... |
ههههههههه
معني كلامك يا أبو عمير أنو الهلال الكحيان دا خاتي نتائج المباريات في جيبو الوراني
يفوز متي ما شاء ويتعادل كيفما أراد وربما يخسر إذا رأي ذلك .
لا والله حكومة والناس أهالي ..
......
من أين يأتي الهلالاب بمثل هذه الأساطير ؟
| |
|
|
|
|
|
|
|
|
|
Re: معقول يا غارزيتو !! (Re: طلحة عبدالله)
|
عظمة يا هلال و عظمة يا اسياد البلد
تعادل ايجابي خارج ارضك وعدم هزيمة قرابة التمانية شهور جوة وبرة - ما شاء الله - وبعد دا احنا زعلانين وما راضين وما عاجبنا وكان لقينا فيك فرصة يا غارزيتو بنمسكك الباب
زي دي عند جماعة وصيفابن و ضلن لينا كدي نقارتها كانت في السما و ناس يا ملك ويا اباتشي و يا زعيم و عظيم و يا بلا بلا بلا كانت ما تديك الدرب
الحمد لله الذي اعزنا بسيادة البلد و ريدة سيد البلد و سيدها وخلانا ما بنرضى الدنية و الكورة النية
شكرا شباب اسياد بلد ما عاجبهم العجب ووصيفاب الفرحانين بالني وسايبين النجيض على المرور
وجاييكم إن الله هوّن
| |
|
|
|
|
|
|
|
|
|
Re: معقول يا غارزيتو !! (Re: صبري طه)
|
| Quote: لو في زول مفروض يكون عليهو ملاحظة فهو سانية ده ..الزول دهأرهق الهجوم حقنا بي صورة غريبة وعجيبة وما مستعد يمرر باص مضمون لي أي مهاجم . |
كان في انانيه متعمدة بين سادومبا وسانيه لولاها لحسم الهلال من اول خمسة دقائق من المباراة ...الانانيه وعدم التفاهم بين سادومبا استمرت لحدي نهاية المباراة واتمني من دائرة الكرة والمدرب ان تحل ما بين اللاعبين او اجلاس احدهما في الكنبة لمصلحة الهلال
| |
|
|
|
|
|
|
|
|
|
Re: معقول يا غارزيتو !! (Re: Maawya Hussein)
|
سلامات نادوس
حقيقة المباراة اكدت اهمية وجود صانع لعب لو هيثم أو من بمستواه خير وبركة بالعدم على الأقل مهند
يا كاريكا عديل كدة يلعب صانع لعب و يهاجم بتلاتة احدهم بكري المدينة زي ما عمل نهاية الشوط التاني
لكن يخليها سليقة كدا ساي ما ممكن
يا عبس
خليفة وقف من اللعب فترة طويلة لكن بعد دا يخيل لي لو عديل لعب مكان يوسف محمد كان ح يكون احسن على الأقل من ناحية دفاعية
ياخي نمرة عشرة دا جرى بي يوسف لامن قال بس
يا سندا نقول بس الله لينا
زي اي شي في البلد غلط وما مفهوم
سلامات حيدر بشير
الكوتش عندو نظرية عايز يطبقها و يخلي طابع لعب الهلال هجومي لكن ما عارف هل لغاية اسي ما قدر يعرف امكانيات لعيبتو ولا الحكاية شنو
حتى حكاية ايكانغا يمشي الشمال دي ما مفهومة يا معاوية
مش كان مهند على علاته خيار افضل أو حتى معاوية فداسي و يخلي ايكانغا في النص
يا حبيبها بي المستوى البيض دا قالعين نقطة من الفريق الدخلك صم وير الوزة هنا فيييي بلدك لولا ربك ستر
الآز يوشوال شنو يا الزبير يا خوي
الجديد يا البشاري من شدة ما تغينا وبقينا نغلب برة الدرون بقى ما برضّينا
عقبال تصلوا المرحلة دي بعد عمر طويل إن شاء الله
تنظير...
اسياد بلد بتفاهموا مع مدربهم, مالك انت
حمدالله ع السلامة يا حمودي
خليفة بس يرجع باك يمين و ينجلد يوسف والما شطبوه
الامور بتستعدل
يا ود الفاروق
قياسا بمستوى التيم المنافس ياخي ديل دفاعهم راقد سلطة بس ما لقى اليسوطها كويس
وقياسا بأداء الهلال ونتايجه الخارجية من زمن الإتحاد الليبي لي سيركل باماكو, دي اسوأ كورة تتلعب
وبتفق معاك في تشكيلة غارزيتو هي السبب في ضياع التلاتة نقاط و وضع التلاتة مدافعين تحت الضغط طوال زمن المباراة
وبالله تاني استلطفني معاك عشان اساسي يسكت
اساسي دا شنو اسي
يعني اي واحد ما علق في موضوع بهمو معناها مستبيض سيدو !!
انت مريخابي يا زول :)
| |
|
|
|
|
|
|
|
|
|
Re: معقول يا غارزيتو !! (Re: محمد البشرى الخضر)
|
غارزيتو براهو غارزيتو والبرير وهيثم مصطفى وعلاء الدين كلهم ما مسؤلين ويستاهلو الجلد الهلال شكلو حيضيع بطولة ما عندها سيد للمرة االتانية .. 2007 حرب الارباب ضد المعز و 2012 حرب البرير ضد البرنس والجديد في الامر ان سيد البطولة ممكن يبقى المريخ لانو المجموعة التانية دا يلتخو بيهو دا
| |
|
|
|
|
|
|
|
|
|
Re: معقول يا غارزيتو !! (Re: الزبير صالح الزبير)
|
يا ود البشرى الهلال فيهو 13 لاعب كرة قدم غارزيتو يركز لينا معاهم واحتمال نجيب الكأس
1- المعز
2- سيف مساوي
3- بويا (لو فيي زول عندو رأي فيهو يمشيهو لي) 
4- فداسي
5- علاء الدين
6- عمر بخيت
7- نزار حامد
8- هيثم مصطفى
9- إيكانغا
10- مهند الطاهر
11- مدثر كاريكا
12- سادومبا
13- ساني
ويعفينا من باقي الحشو الفي كشف الهلال
| |
|
|
|
|
|
|
|
|
|
Re: معقول يا غارزيتو !! (Re: الزبير صالح الزبير)
|
تلطاشر بس يا مورتا ؟ ما عصرت عليهم لكن
علاء الدين كرتو في جيبه ستحيل يلعب تلاتة كور بدون يقيف
كدا باركها وشف طريقة دخل بكري و خليفة و حارس احتياطي للمعز و تاني اتين تلاتة كدا
يا الزبير انت بقيت هلالابي ولا شنو يا معلم
كونك تشوف نتيجة زي دي بيض فدي عزة و فنجرة وتغا ما شفناها إلاّ عندنا
مرحب بيك ياخوي :)
| |
|
|
|
|
|
|
|
|
|
Re: معقول يا غارزيتو !! (Re: محمد البشرى الخضر)
|
ما تعصر علي يا ود البشرى كفاية أنا اساسا عصرته على روحي في بوي
غايتو لو اتعصرنا شديد في موضوع مدافع (مساك يمين) صالح الامين للامانة ما شفتو كويس بس لو فيهو رقشه ممكن نصبر عليهو
خليفة وبكري المدينة ديل واحاتك لو جونا في الدافوري ما بعزلهم الا كان يلعبو مع حسبو زاتهم شبهو
| |
|
|
|
|
|
|
|
|
|
Re: معقول يا غارزيتو !! (Re: الزبير صالح الزبير)
|
اها يا مورتا خليفة دا بالذات النكلمك
ايام كامبوس كان بختو اول حتى البرنس حتى اي تسعة لاعبين
وكان بلعب في خانات الباكين الإتنين و في النص كمان ومجمل اداؤه جيد جدا نعم في شوية طرشنة و مرات بشوت الهوا
الوقفة اثرت عليه ربنا يحلنا من يوسف بالسلامة خليفة ياهو باكنا اليمين إن شاء الله
يا زبير عارفك الله يسالني عارفك قاصد الاداء
لكن انت دقست براك وكتبت النتيجة و بامانة الحتة بتاعة انو دا تغا اسياد بلد فرضت نفسها وكدا
فما تحكها ياخ
| |
|
|
|
|
|
|
| |
محمد البشرى الخضر
nadus2000
abas
Al Sunda
Maawya Hussein
حبيب نورة
الزبير صالح الزبير
الامين موسى البشاري
طلحة عبدالله
محمد عبد الماجد الصايم
عمر الفاروق
مرتضى احمد عبد القادر
فيس بوك
تويتر
انستقرام
يوتيوب
بنتيريست