|
|
 العلاقة بين ندى ومحمدالبحر ومحمود عبد العزيز
|
العلاقة بين ندى ومحمود عبد العزيزومحمد البحر
يا رحيلك
ندى هى حكاية بورتسودانية ضمن روايات تلك المدينة بورتسودان
فتاة لا تعرف بماذا تصنفها هل هى فتاة شوارع اما انثى ليس لديها عنوان اما ماذا تكون ندى ما نعرفه عنها انها فى زمن ليس زمنها
تجوب الشوارع بحث عن شى مفقود بالنسبة لها لا يعلم عنه احد غيرها محبوبه لكل مواطن فى مدينة بورتسودان موجودة فى كل مناسبة فى احدى النوادى البورتسودانية وخاص اتحاد الادباء والفنانيين
وهى صديقة دائما لهذا الاتحاد .
رحلت ندى ورحل معها اجمل نكتة بورتسودانية
كانت صديقة لكل قادم الى مدينة بورتسودان من الفنانيين تشاركهم سكنهم حتى مغادرتهم مدينة بورتسودان وكانت صديقة شخصية للشاب الانسان الفنان الجميل محمود عبد العزيز.
حكى لى بان محمود أحيا حفلة الكرسمس فى مسرح بورتسودان وعندما صعد المسرح قال يا جماعة انا ما عارف انا ماجيت بورتسودان ولا شنو؟
استغرب الجمهور وكان سوال محمود لفقده ندى التى كانت دائما ما تجلس معه خلف الكواليس حتى يصعد المسرح.وعندها عرف محمود بان ندى قد فارقت الحياة وغمره الدمع والبكاء بصوت عالى حتى أبكا من فى صالة المسرح وطلب من الجمهور انا يقف حداد على روح ندى .
كما أدمعت عيناى أيضاً عندما سمعت الخبر
تلك هى العلاقة البين محمود وندى ومحمد البحر
الحب الجميل فى مدينة تهبنا الحنان والحب الكبير بورتسودان مدينتى.
|
|
 
|
|
|
|
|
|
|
|
Re: العلاقة بين ندى ومحمدالبحر ومحمود عبد العزيز (Re: محمد المسلمي)
|
Quote: كانت ندي من معالم مدينة بورتسودان وكانت محبوبة من الجميع كلنا فقدنا ندي
اسأل الله ان يدخلها الجنة ويعوضها عن مافقدته في الدنيا انه سميع عليم
الاخ محمد البحر حبابك عشرة ياجامع يارغيب |
الاخ/ محمد المسلمى
رحلت ندى وحملت معها كل الاشياء الجميلة رحلت وحملت معها طيبة بورتسودان وسماحة اهلها
رحلت برحيلها لبس سوق بورتسودان الاسود فقد كانت صديقة للكل....
عضو اساسى فى احدى السنمات وهى حضور فى المقاعد الاولى
اكثر ما كان يدهشنى معرفتها لى اسماء ابطال الافلام الهندية اسمهم ثلاثى
واسماء الاعبين وخاصه لاعبين فريق الهلال فقد كانت تزورهم عندما يكون معسكرين فى فندق سمار ماز
ياااااااااااااااا الله
لها الرحمة والمغفرة
ابقى طيب المسلمى اخوى
| |
|
|
|
|
|
|
|
|
|
Re: العلاقة بين ندى ومحمدالبحر ومحمود عبد العزيز (Re: محمد البحر)
|
الاخ محمد البحر لعلك بخير ندي السر كانت حبيبة الكل كنت أمزح معها عندما نلتقيها علي الشاطئ واسألها عن حالها
وكان اصحاب الركشات يتسابقون لترحيلها الي اهلها لانها تجزل لهم العطر اللهم اغفر لها وارحمها
الحمدلله انك اصبحت زميل في البورد وفكيتنا من السياسة وجبت لنا سيرة من نحب
| |
|
|
|
|
|
|
|
|
|
Re: العلاقة بين ندى ومحمدالبحر ومحمود عبد العزيز (Re: محمد المسلمي)
|
| Quote: وكان اصحاب الركشات يتسابقون لترحيلها الي اهلها لانها تجزل لهم العطر |
بمناسبة الرقشات واصحاب الرقشات وحبهم لندى
شدنى منظر سيرة عدد خمسة رقشات خلف بعضهم بصورة منتظمة عند مدخل الكبرى جوار السكة الحديد وفى ساعة متاخرة من الليل حوالى الحادية عشر
واستغربت جدا وغلبنى الفضولة وعندما اقترب عرفتها ندى بضحكتها الجميلة البرئة من داخل احدى الرقشات
وعندما سالت من الحاصل ردت هى بكل طيبتها....
(الرقاشه الوهم ديل قالو الا يوصلونى كلهم)
وبعد الحاح صحبى لواحد من اصحاب الرقشات ان يوصلنا فقدكنا ذاهبون فى نفس الطريق وعندما سالنا من تلك الحركة قال بالحرف الواحد البت مبروكة والتركبه معاها بكرة يومو بكون باسطة من الصباح. وقد حلف على ذلك الكلام.
| |
|
|
|
|
|
|
|
|
|
Re: العلاقة بين ندى ومحمدالبحر ومحمود عبد العزيز (Re: Salah Abdulla)
|
Quote: يا بحر و مسلمي
المرحومة دي كان عمرها كم، و اهلها وين؟
و كيف كانت بتشارك الفنانين سكنهم الى أن يغادروا بورتسودان؟؟
كدي وضحوا لينا القصة عشان ندخل معاكم في الصورة زيادة. |
الاخ الدكتور سيف النصر لعلك بخير نذي عليها رحمة الله من زوي الاحتياجات الخاصة وتتكلم براها وتبلغ من العمر حوالي مابين 35 و40 لاتوزي احد وهي من معالم المدينة تجلس امام الجامعة واحيانا شاطئ البحر وفي صواني المرور ووتتحدث مع الوالي ومع المواطنين وكل الولاية تحبها توفت قبل 4 أعوام بضربة الشمس
| |
|
|
|
|
|
|
|
|
|
Re: العلاقة بين ندى ومحمدالبحر ومحمود عبد العزيز (Re: Salah Abdulla)
|
Quote: يا بحر و مسلمي
المرحومة دي كان عمرها كم، و اهلها وين؟
و كيف كانت بتشارك الفنانين سكنهم الى أن يغادروا بورتسودان؟؟
كدي وضحوا لينا القصة عشان ندخل معاكم في الصورة زيادة. |
الاخ الدكتور سيف النصر لعلك بخير نذي عليها رحمة الله من زوي الاحتياجات الخاصة وتتكلم براها وتبلغ من العمر حوالي مابين 35 و40 لاتوزي احد وهي من معالم المدينة تجلس امام الجامعة واحيانا شاطئ البحر وفي صواني المرور ووتتحدث مع الوالي ومع المواطنين وكل الولاية تحبها توفت قبل 4 أعوام بضربة الشمس
| |
|
|
|
|
|
|
|
|
|
Re: العلاقة بين ندى ومحمدالبحر ومحمود عبد العزيز (Re: Salah Abdulla)
|
| Quote: عايزين نعرف علاقتك إنت بيهم (محمود + ندى ).. |
العزيز صلاح/
هى علاقة الروح والمكان اصوات النوارس كلات الميناء اصوات الكيرنات وصرير عجلاتها
الفه البوح للبحر.....
بالنسبة للمرحومة ندى هى علاقة القلب فندى ايقونة الحب البسيط زهد الدنيا بساطة الكلام
يتعامل كل قادم الى مدينة بورتسودان بانه معاقه ولكن نحن فى مدينة بورتسودان نجزم بانها المعرفة تاريخ بورتسودان اسرار البحر وتفاصيل الميناء فهى كتابة لتلك المدينة الساحرة.
اما العلاقة بمحمود الولف الحنيين لتلك المدينة فمحمود يحن لبورتسودان وهو فيها
لذا يتجدنا نبادله الحنين بالحب .....
تحياتى
ابقى طيب
| |
|
|
|
|
|
|
| |
محمد البحر
أمجد الزين
محمد المسلمي
سيف النصر محي الدين
فيس بوك
تويتر
انستقرام
يوتيوب
بنتيريست