ده حال العظماء يا ويتني يا هيوستن .. الأداء ده بيخليك عايشة وسط الناس 200 سنة لي قدام .. ياخ انا حبيت الزولة دي بي صورة غريييبة .. لكنه حال العظماء من الفنانين التمرد على الحياة العادية والصراع مع الذات .. أجزم بي إنو أي زول فيكم بيكون سمع الأغنية دي جغلومية مرة ..لكن أجزم إنو في كل مرة الواحد فيكم بيسمعا بي إحساس مختلف ومتزايد وكأنو أول مرة يسمعا .. ما عارف لي الجماعة ديل بيذكروني بي محمود عبد العزيز ..نفس الإبداع ..نفي الحياة ..نفس التمرد..والشعبية الجارفة ..
تخريمة: الأهداء للجميع بي فرز ..:) انا كده كفاي ..
08-30-2012, 08:16 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
يا سلااام يا الصادق.. عارف انا بي سبب الأغنية دي إشتريت سماعتين كبااار زمان ..كنت بعمل جو كده حق ترطييييبة ومع الصوت والموسيقى بعييييش لي جو كده خرااافي .. ده ما صوووت ..ده جرررررس رسمممممي والله ..الزولة دي حنجرتها ملياااانة وترياااانة بي لغتنا البسيطة..
08-31-2012, 01:02 AM
omar altom omar altom
تاريخ التسجيل: 07-15-2007
مجموع المشاركات: 921
إقبال جماهيري..:) يا زولة انا لو ما خايف يقولوا درعتها كان قلت محمود فايتا بي هناك مسافة .. الحوت ده انتو مستهونييينو كده لييي ياخ ؟؟
بالنسبة لي لقب الخالة وإن هي كانت فعلاً قدر خالاتي ويحق لي اناديها بي الخالة :) لكن الموضوع ما كان عندو علاقة بي العمر والشكل .. هو مجرد لقب شبابي نتناوله مع بعض الفنانين عن نفسي اتناوله لي الفنانين البرتاح ليهم ..هو لقب كان يطلقه أولاد الثورات على الراحل محمد احمد عوض وينادوهو بي الخال ..
08-31-2012, 04:17 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: ده حال العظماء يا ويتني يا هيوستن .. الأداء ده بيخليك عايشة وسط الناس 200 سنة لي قدام .. ياخ انا حبيت الزولة دي بي صورة غريييبة .. لكنه حال العظماء من الفنانين التمرد على الحياة العادية والصراع مع الذات ..
سلام ياعمر وضيوفه. ملاحظة مهمة شغلت الكثير من النقاد حول :ليه سلوك المبدعين بيدو ميالا للتمرد او في بعض الاحيان بنشوفو غير طبيعي؟. وتوصلوا إلى أن المبدع بيكون عندو شخصيتين - ما إنفصام – لكن شخصية للمبدع في اللاوعي وشخصيته الطبيعية بيكونو في حالة مناكفة او تضاد سلس(Smoothing conflict)، يعني هارموني عديل، شفت حكمة ربنا كيف؟ . ويتني ومايكل وبوب مارلي في الحياة اليومية بيكونوا أشبه بألاطفال، والحاجة دي ممكن تكون ملاحظة بشكل أكبر في الراحل مايكل وبدرجة أقل في ويتني وبوب، لكن في المسرح بيصبحوا عباقرة وسحرة. بوب مارلي ما قرأ لكن اشعاره ممكن تضاهي شكسبير! ويتني دي زي الظاهرة الما بتكرر إلا مرة واحدة كل الف عام. أغنية " ساحبك أبدا" دي بقدر ما كانت محفزة للوجدان كانت بتعبر – يا للمفارقة – عن جزء من مآساتها: لمن تحب إنسان ويترسب في وجدانك ويصبح جزء من الخلايا ومكونات الدم والبلازما، بصبح من الصعوبة جدا إنك تطلعوا من جواك بدون كلفه باهظة . وده تحديدا الشيء الحصل للحورية ويتني. اما أغنية " Share my love " الجابها الصادق دي بتأكد إنو تدرج طبقاتها الصوتية ممكن تغطي إتنين اوكتاف وإنها ممكن براحة تغني فوق الخمسة خطوط وأربعة مسافات( المدرج الموسيقي) وبتلقائية محيرة. ودي حتة ما جارتها فيها إلا ، بدرجة أقل، الاسطورة باربرا سترايسند. حتى قيل إنه : إذا صرخت ويتني وبارابرا فإن قوة وحدة صوتيهما كفيلة بأن تكسَر نوافذ عمارة زجاجية من 50 طابق!! حازت على 6 جوائز غرامي وجائزة افضل إلبوم سبع مرات على التوالي حتى انها دخلت موسوعة غنيس للارقام القياسية لكونها " الفنانة الأكثر حصدا للجوائز على مر العصور"*
-- *The "Guinness Book Of World Records" lists Whitney Houston as music`s "most awarded female artist of all time" ... محبتي
Bittersweet memories, That is all I'm taking with me الذكريات الحلوة ومرة زاد الرحيل. -- التعازي موصولة لصاحبي الراستا كريمو في كندا ومحبي الحورية في كل مكان.
محبتي
08-31-2012, 07:38 PM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
سلام سيد البوست و ضيوفو فعلا فقد عظيم الخالة ويتني كانت ولا زالت واحدة من المفضلات عندي. رأي عابر: ويتني كانت on top of her game لحدث ما عرست المسخوت بوبي براون، من يوما ماشة من سيء لي أسوأ.
حولااااااا يا سفيان ..إنت جادي في سؤالك ده؟؟ مووياالغة ياخ.. معقولة في زول كان بيشق شارع المدارس صباحاً ومساء وما يضرب بوش ابو الجكس؟؟؟ اخوك قرا بكار المتوسطة يا نابري :) بالمناسبة سؤالك عن مجذوب أونسة واللحو ده سؤال ساااهل شديد ياخ..شوف ليك حاجة صعبة تخلينا نختلف في الذوق الفني :)
09-01-2012, 11:53 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الفاتح ميرغني: ياخ مداخلتك مرييحة وهي تمااااماً ما عنيته من فتح البوست (ولي فيه مآرب أخرى ..)
ياخ فعلاً الحالة الإبداعية عند الجماعة القلتهم ديل بتخليهم شخصين مختلفين ..والكلام ده والله الحاصل لي محمود عبد العزيز بالضبط وبرضو الكارثة الإسمو أبو وديع جورج وسوف..
Quote: ملاحظة مهمة شغلت الكثير من النقاد حول :ليه سلوك المبدعين بيدو ميالا للتمرد او في بعض الاحيان بنشوفو غير طبيعي؟. وتوصلوا إلى أن المبدع بيكون عندو شخصيتين - ما إنفصام – لكن شخصية للمبدع في اللاوعي وشخصيته الطبيعية بيكونو في حالة مناكفة او تضاد سلس(Smoothing conflict)، يعني هارموني عديل، شفت حكمة ربنا كيف؟ . ويتني ومايكل وبوب مارلي في الحياة اليومية بيكونوا أشبه بألاطفال، والحاجة دي ممكن تكون ملاحظة بشكل أكبر في الراحل مايكل وبدرجة أقل في ويتني وبوب، لكن في المسرح بيصبحوا عباقرة وسحرة. بوب مارلي ما قرأ لكن اشعاره ممكن تضاهي شكسبير!
ياخ والله شكراً كتييير على الكلام القييم ده ..وارتحت في كنكوجي إنو لقيت زول فهم مقاصدي ..ويجيك أبقوتة يقول ليك العمرة والزوغة والعيار حبتين ..
09-01-2012, 11:54 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
الصادق اسماعيل
omar altom
Egbal Elmardi
abuguta
سفيان بشير نابرى
الفاتح ميرغني
عمران حسن صالح
عثمان مكي
Abdlaziz Eisa
فيس بوك
تويتر
انستقرام
يوتيوب
بنتيريست