|
|
|
 Re: قــرار عام، أي زول/ة ما شايل جركانة في السودان يعاقب بالشروع في ال (Re: آدم صيام)
|
مسألة الموت بعدم صحبة الجركانات ده مخالف للتوكل تماماً ويمكن تتبع تاريخو السوداني بكل يسر:
فقد ورد في كتب التاريخ أن الجيش السوداني الغازي لمصر (المؤمنة) بقيادة عبدالرحمن ود النجومي لقي حتفه وكان أحد أسباب نفوقه قلة الجركانات المحمولة مع الديش!
كما وانهزم جيش الخليفة ود تور شين لعدم توفر فكرة الجركانات أيضاً بل ولا حتى توفر القرب والسعون.
لذا مسألة (عدم التفكر حتى الآن!) في حمل زوادة ماء مع الفرد السوداني أنى يسير هي مسألة جذورها تاريخية بحتة، وتؤكد كيفية تفكير الفرد السوداني لدرجة أنه يفقد نفسه في شربة موية! وهذا يدل على غفلته الماحلة ليس في التفكر فيما حوله بل في التفكر في نفسه الواجب عصمتها من الهلاك.
رعاة يموتون في الفلوات بنقص الجركانات!
مزارعون يموتون بين الوديان بنقص الجركانات!
مسافرون (خاترين) يموتون بنقص الجركانات!
منقبو الذهب والمعادن الهبطرش يموتون لدرجة تملأ الكتاحة جيوب سراويلهم بنقص الجركانات!
بائع عجور في طريق الخرطوم ربك ليست بمعيته جركانات!
المسافرون الوحيدون الذين لا يموتون بنقص الجركانات هم السائقون وذلك لاستخدامهم مياه اللديترات!
وجيوش عرمرم يموتون في الليلة الواحدة سبعين مرة أيضاً بسبب وفرة الجركانات!
فقد منح الله عبيده المغفلين في السودان التمور والبصل والفوم والذرة بأنواعها والبافرة والموز ولكنه انتهي بمعادلة كيماوية عكسية في الجركانات! فانتشر الفشل الكلوي وأصيبوا بالجفاف، لدرجة أن الناس خلقتهم التي فطرهم عليها الله قد تغيرت، فبدت شلاليفهم مشنقة وأسنانهم مخلعة وإن سكنوا كافوري.
كثير من السودانيين الذين مروا على هذا البوست مروا شمشرة في معرفة استخدام كلمة (الجركانات) وكان عشمهم الذي يشمونه قدحة أن يتناول البوست موضوع الجركانات الواردة في مخيالهم ولكن أتحداهم بعد هذا التحذير الجركاني أن يحملوا معهم في المستقبل جركانات !
الدول الحارة في جنوب شرق آسيا والتي تقع في خط متوازي و السودان كل شعوبها يحملون بمعيتهم وبصورة يومية جركانات مياه ومظلة.
فهل سيرعوي الموطنون ويحملون معهم جركانات أم ينتظرون قراراً عاماً يحاكمهم بالشروع في قتل أنفسهم بسبب نقص الجركانات؟
| |
 
|
|
|
|
|
|
|
 Re: قــرار عام، أي زول/ة ما شايل جركانة في السودان يعاقب بالشروع في ال (Re: آدم صيام)
|
| Quote: كثير من السودانيين الذين مروا على هذا البوست مروا شمشرة في معرفة استخدام كلمة (الجركانات) وكان عشمهم الذي يشمونه قدحة أن يتناول البوست موضوع الجركانات الواردة في مخيالهم ولكن أتحداهم بعد هذا التحذير الجركاني أن يحملوا معهم في المستقبل جركانات |
ضحكتني لا من بقيت اتلفت حولي مايقولو الزول دا اتلحس..
تفتكر رغم الخلوات الحارقة الشبهة ما بطولم ولو بنظرات حادة ؟
حقيقة دي مأساة حقيقية يتعرض لها البشر في السودان وقد أهلكت الكثيرين ..
عندي ود عم شاب كان في الفلوات دي ..
جابو على النقالة واجريت له عملية قرحة معدة مستعجلة ..
الجراح قال لو انتظر ساعة كان راح فيها ..
برضو رجع تاني رغم النصائح ..
أي عمل ما يكون مدروس واتخذت فيه حيطة كافية لحماية سلامة الإنسان دي تكون النتائج .
| |
|
|
|
|
|
|
|
|
|
Re: قــرار عام، أي زول/ة ما شايل جركانة في السودان يعاقب بالشروع في ال (Re: محمد على طه الملك)
|
عندي ود عم شاب كان في الفلوات دي ..
جابو على النقالة واجريت له عملية قرحة معدة مستعجلة ..
الجراح قال لو انتظر ساعة كان راح فيها ..
برضو رجع تاني رغم النصائح ..
أي عمل ما يكون مدروس واتخذت فيه حيطة كافية لحماية سلامة الإنسان دي تكون النتائج .
ود الملك حمدا لله على سلامة الشاب
بكون قالو ليهم البموت بالطريقة دي الجنة عدل!
ياخ الحالة بتاعة الجركانة دي دايرة ليها دراسة متكاملة لمعرفة الفكرة الفي شكل وردة دي
بتاعة أنو الواحد يروح في غضب الله بسبب نص لتر اتش تو أو شنو؟
الكفتيرة الواحدة دي بتغلي في 6 دقائق و22 ثانية بالظبط
الإنسان ده عبارة عن كيس موية ساكت لما يتعرض لحرارة السودان الفوق 40 درجة دي بتبخر في رمشة عين
الناس ديل قايلين نفسهم مخلوقين من ضلع إلبــل ولا شنو؟
| |
|
|
|
|
|
|
|
|
 Re: قــرار عام، أي زول/ة ما شايل جركانة في السودان يعاقب بالشروع في ال (Re: آدم صيام)
|
نقلا عن عمكم الفيس بك
لكن صراحة احترت في نوع القرار الذي يمكنني إصداره!
إلا أن تعليق شوقي حسن فضل كان قاتلا:
| Quote: عندما يكون الوطن برميلا للزباله والشعب ذليلا فسيان ان تجلس داخل البرميل او خارجة وهذا اختار التأقلم مع واقعة فجلس حيث يجب ان نكون كلنا جلوسا فهذا مكاننا نحن الشعب السودانى الخنوع .... ولا باس من حفل خيرى ندعو له من بين اكوام الزباله نستجدى فيه آخرين ان يمنحونا شىئا من كرامة النفس |
| |
|
|
|
|
|
|
|
|
|
Re: قــرار عام، أي زول/ة ما شايل جركانة في السودان يعاقب بالشروع في ال (Re: آدم صيام)
|
تحياتي آدم وعيدك مبارك
إصراري على اصطحاب بعض من المياه كلما خرجت من المنزل ما زال يعرضني - في الشارع وبين المعارف - للسخرية بدعوى قلة الإيمان وعدم التوكل وأسمعها بكثرة "أصلك ماشي العربي ولا ماشي دنقلا قبل الزلط".
يعاتبك البعض على شراء زجاجة مياه بجنيه ويعدها إسرافاً وتضييعاً للمال بينما لا يتحرج هو أن يشتري بأضعاف الجنيه علبة سجائر. فأيهما أولى ؟
| |
|
|
|
|
|
|
|
|
|
Re: قــرار عام، أي زول/ة ما شايل جركانة في السودان يعاقب بالشروع في ال (Re: Hani Arabi Mohamed)
|
إصراري على اصطحاب بعض من المياه كلما خرجت من المنزل ما زال يعرضني - في الشارع وبين المعارف - للسخرية بدعوى قلة الإيمان وعدم التوكل وأسمعها بكثرة "أصلك ماشي العربي ولا ماشي دنقلا قبل الزلط".
يعاتبك البعض على شراء زجاجة مياه بجنيه ويعدها إسرافاً وتضييعاً للمال بينما لا يتحرج هو أن يشتري بأضعاف الجنيه علبة سجائر. فأيهما أولى ؟
العزيز/ هاني عربي محمد كل عام وترفلون في خير و(موية صحة)
سفرتي عام 2009 طرحت فكرة لناس بيتنا أنو يغلوا الموية في قيروانة كبيرة والصباح يعبوها في قناني ويشربوا وما في داعي زاتو للتلاجة البتربي الكروش وبتخلي باقي الجسم في عدم تناسق! نحن مستوطنا بصورة سرمدية القارديا والبلهارزيا والفشل الكلوي.
أدوني ليك عين سلاخية إلا استنجدت بزوجتي الأجنبية حتى رخوا الأبنص، أها من اليوم داك سموها الدكتورة!
الغريبة، يوماتي يغشونا ، موية الصحة ويني يا أخوانا!
سموها (موية الصحة) في السودان كيف ما يدخلوك في بند الفلهمة والطنقعة الفارغة
الموضوع ده وأشباهه كتيرة داير خجة مانعة حتى تسقط الجعولية البتودي المقابر دي.
| |
|
|
|
|
|
|
|
|
|
|
Re: قــرار عام، أي زول/ة ما شايل جركانة في السودان يعاقب بالشروع في ال (Re: Mohamed Moatasim)
|
( قيروانة )
ياسلام عليك ياخ........كلمه من الزمن السمح
الكريم محمد المعتصم شكراً لمرورك موية الصحة
إنت عارف أخوي!
إذا كانت نسبة الماء في جسد الإنسان 70% فالمعادلة تثبت أنه عبارة عن قيروانة ولكن كثيرة الثقوب!
سعدت لمرورك الزاكي
* لا تمشٍ في طريق من طرق الحياة إلاً ومعك سوط عزيمتك وإرادتك لتلهب به كل عقبة تتعرض طريقك.
نيتشة
نيتشة الطيب، نسى أن هناك سودانيين يمشون في طريق خالي من الجركانات!
| |
|
|
|
|
|
|
|
|
 Re: قــرار عام، أي زول/ة ما شايل جركانة في السودان يعاقب بالشروع في ال (Re: آدم صيام)
|
البرطمان، البرلمان "الجركان: تختلف الأسماء والوعاء واحــد!
اليومين ديل لو طرشقتوا غنبلة تحت الكراسي والطاولات داخل قاعة الاجتماعات الرئيسة ولا بسمع زاتو
كلهم على إطلاقهم بي أحمد منو الطاهر داك مشغولين بشنو يا ربي!؟
تجدد الجدال بين برلمان حزب البشير والصحة حول "الواقي الذكري"
وفي نفس الوقت في مسرح الواقع التراجيدي..... تابع النقاط.....
وفاة وإصابة 124 شخصا وانهيار آلاف المباني في فيضانات بالسودان
أعلن في الخرطوم عن وفاة وإصابة 124 شخصا في أنحاء متفرقة بالبلاد، بسبب السيول والفيضانات التي اجتاحت البلاد مؤخرا. وقال المهندس إبراهيم محمود حامد، وزير الداخلية السوداني، في تصريحات صحافية أعقبت استماع مجلس الوزراء لتقرير المجلس الأعلى للدفاع المدني أمس، حول آثار السيول والأمطار والفيضانات بالبلاد، إن 16 ولاية من ولايات البلاد تأثرت بالسيول والأمطار. وأضاف أن السيول تسبب في وفاة 68 مواطنا غرقا، وإصابة 56 آخرين، وأدت إلى انهيار 45 ألف منزل كليا وجزئيا، وإلى تضرر 616 مرفقا عاما و224 متجرا، ونفوق 36 ألف رأس من الماشية، وتلف 20 ألف فدان من المزروعات. وقال الوزير إن معظم المتضررين يقطنون في مجاري السيول والأمطار والأماكن المنخفضة، وإن مجلس الوزراء وجه بإيجاد ترتيبات لترحيل هؤلاء المواطنين من هذه الأماكن.
وفي ولاية الخرطوم، أعلن الدفاع المدني مقتل 12 شخصا غرقا في «حفر وترع وخيران» خارج النيل. وقال اللواء عبد الله عمر حسن، قائد قوات الدفاع المدني بالولاية، في تصريحات صحافية، إن إدارة الدفاع المدني بالولاية تلقت 63 بلاغا، وإن السيول التي شهدتها «قرى الجموعية» جنوب مدينة أم درمان أدت لانهيار 76 منزلا انهيارا تاما، وغمرت آلاف الأفدنة من المزروعات، وتأثرت 200 منزل بسيول منطقة سوبا جنوب الخرطوم.
الشرق الاوسط
البرلمان ومجمع الفكة زاتو (الواقي الذكري أو الأنثوي) ده تخصصوا فيه في أي مرحلة من مراحلهم الدراسية
عشان يتطنقعوا فينا!
الناس ديل هل درسوا نفس منهج السودان المرينا بيهو نحن ولا ده منهج ستي فلة الجديد؟
يا أخي شغلكم في موت الغرق السببو إنتم مش المطرة
ود مش (غداء وغدر) إطلاقاً ده إهمال متعمد لأن الكثير الكثير من حكومات العالم الرشيدة أنشأت وزارات ووحدات وإدارات دائمة اسمها (إدارة شئون الطوارئ والأزمات)!!!
والله أنا بديت أشك في أن البرلمان ممكن يكون نقل رغباته الجنسية الاستمنائية في رمزية الواقي الضكري إلى حلبة البرلمان لتزجية الوقت في دوام البرطمان الطووووويل ده!
الواحد بعد الاستمناء بحوار الواقي الضكري ده يتنخم ويبول وما يستنجي زاتو ويشيل ليه كم كمبيالة ويمشي بيتو حامد وشاكر!
الدنيــا بخيـــرها!
B]
| |
|
|
|
|
|
|
|
آدم صيام
محمد على طه الملك
Abdlaziz Eisa
Hani Arabi Mohamed
Mohamed Moatasim
فيس بوك
تويتر
انستقرام
يوتيوب
بنتيريست