|
|
 مسؤول كبير .. و 4 فتيات .. و رمضان ..
|
Quote: أصدرت محكمة جنايات أركويت شرق برئاسة مولانا إبراهيم محمد خالد حكماً بالجلد (08) جلدة والغرامة (0002) جنيه لمسؤول ولائي كبير وأربع فتيات تم ضبطهم في أوضاع فاضحة داخل شقة بالخرطوم شرق في رمضان، وتعود تفاصيل القصة إلى أن معلومات توفرت للأجهزة الأمنية بوجود شقة بالمعمورة يمارس فيها الدعارة وتمت مداهمة الشقة بموجب أمر تفتيش، أسفرت المداهمة عن ضبط المسؤول ومعه الفتيات الأربع وبالتحقيق معهم اتضح عدم وجود رابط شرعي بينهم، وبناء على ذلك تم فتح بلاغ في مواجهتهم تحت المادتين (551)، (251) ممارسة الدعارة والأفعال الفاضحة، وبعد أن استمعت المحكمة لأقوال شهود الاتهام الذين أكدوا للمحكمة ضبطهم للمتهمين الـ(5) داخل شقة قامت باستجواب المتهمين، وبناءً على حيثيات القضية توصلت لمخالفتهم للمادتين (551)، (251) من القانون الجنائي وأصدرت في مواجهتهم حكماً بالجلد والغرامة.
آخر لحظة |
|
|
 
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: ولياب)
|
مسؤول كبير ؟؟؟؟؟
واتجلد ؟؟؟
أبت تتفهم لي والله
هو بالله المسؤولين الكبار ديل لو بتحاسبوهم من زمان
كان البلد دي وصلت للدرك دا
المسؤول الكبير دا لو عنده قريب ليهو من بعييييييد ووقع الوقعة دي
بي تلفون بطلعه
غايتو
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: عبداللطيف خليل محمد على)
|
تحياتي للجميع
الله يلعنك يا إبليس
الزول دا صبر يبل الآبري ما عندو
وكما ذكر زميل المنبر أعلاه قصة مسئول كبير وينجلد دي ما بتتبلع والله
القصة دي محتاجة لتوضيح وتقصي أكبر من كدا
ويا ريت آخر لحظة تتم أجرها وتكثف البحث الدقيق
حيث حسب علمنا المتواضع أن هناك حالات تلبس خطيرة قوي تم حفظها في أضابير الأمن فقط.
بحيراوي
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: البحيراوي)
|
| Quote: أصدرت محكمة جنايات أركويت شرق برئاسة مولانا إبراهيم محمد خالد حكماً بالجلد (08) جلدة والغرامة (0002) جنيه لمسؤول ولائي كبير وأربع فتيات تم ضبطهم في أوضاع فاضحة داخل شقة بالخرطوم شرق في رمضان، وتعود تفاصيل القصة إلى أن معلومات توفرت للأجهزة الأمنية بوجود شقة بالمعمورة يمارس فيها الدعارة وتمت مداهمة الشقة بموجب أمر تفتيش، أسفرت المداهمة عن ضبط المسؤول ومعه الفتيات الأربع وبالتحقيق معهم اتضح عدم وجود رابط شرعي بينهم، وبناء على ذلك تم فتح بلاغ في مواجهتهم تحت المادتين (551)، (251) ممارسة الدعارة والأفعال الفاضحة، وبعد أن استمعت المحكمة لأقوال شهود الاتهام الذين أكدوا للمحكمة ضبطهم للمتهمين الـ(5) داخل شقة قامت باستجواب المتهمين، وبناءً على حيثيات القضية توصلت لمخالفتهم للمادتين (551)، (251) من القانون الجنائي وأصدرت في مواجهتهم حكماً بالجلد والغرامة. |
اربعة .. اربعة يا مفترين هو الكبير ده ...كبير الله Conveyor Belt واللا مركب مكنة اتوماتيك ?
وتم ضبطهم الخمسة .. وفي وكت واحد .. وحسب النص الشرعي ( المكحلة في المرواد) ...بالعربي كدي كيف يعني ؟ كدي اهبشو لينا ده عمر دفع الله يتفنن لينا كدي بي رسما لينا عشان نقدر نفهمها
وبعدين الجماعة ديل شغالين كام ساعة الجماعة راجين يتبين ليهم الخيط الابيض من الخيط الاسود .. هو نهار السودان ده بقي قدر نهار القطب الشمالي واللا شنو ؟
زاللا الموضوع شنو بتين الزول الشال القواله وداها (للاجهزة الامنية ) .. وسريعين النهمه بتاعين الامنية ديل شالوها صره وخيط وودوها للقاضي .. ومولانا طلع ليهم امر الضبط والاحضار .. وحلك لمن لقو ليهم عربية وبعدين ... طبعا العساكر لا بتجسسوا ولا بتحسسوا .. دقو الباب بي ادب .. وجاهم تور الجر فتح ليهم الباب ... والناس ديل شغالين .. لا نفسهم بنقطع .. ولا بحوعو .. ولا بعطشوا يكوسو ليهم مويه يشربوها .. ولا حتي الواحد فيهم بمشي الحمام ساي يغير راس الطلمبة الغاطسة .. علم الله واسع .. ديل بياكلو شنو قدوقدو ؟
واللا يا ربي .. كانو العساكر ديل كان ملبدهم واحد اكبر مده قرعتو واخونا داك عمل حميل .. نطط الجماعة علي زولو ده ..بعد داك قاموا هو وعساكرو كاسوا يرتبو امورهم
انا المحيرني في شريعة ناس السودان الانقاذيه دي حكاية دعارة .. وحكاية اعمال فاضحة .. قدر ما قريا ما عرفت دي شنو .. ودي شنو ..
فالفاهمين فيكم اخدو فينا الاجر واشرحوها لينا واكان خايفين من كاروهات بكري ابوبكر .. اغمتوها لينا بالماسنجر ينوبكم ثواب
ومره واحده تموا جميلكم .. عشان انا بس داير اعرف الشريعة قالت One-on -One دقوهم .. سمح الكبير المربع ده دقوهو كيف ..بالكربون.. واللا رزعو ليك 320 جلده ؟
غايتو اهلنا صدقو القالو المابتخافو خاف الله فيهو
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: Elbagir Osman)
|
Quote: Quote: أصدرت محكمة جنايات أركويت شرق برئاسة مولانا إبراهيم محمد خالد حكماً بالجلد (08) جلدة والغرامة (0002) جنيه لمسؤول ولائي كبير وأربع فتيات تم ضبطهم في أوضاع فاضحة داخل شقة بالخرطوم شرق في رمضان، وتعود تفاصيل القصة إلى أن معلومات توفرت للأجهزة الأمنية بوجود شقة بالمعمورة يمارس فيها الدعارة وتمت مداهمة الشقة بموجب أمر تفتيش، أسفرت المداهمة عن ضبط المسؤول ومعه الفتيات الأربع وبالتحقيق معهم اتضح عدم وجود رابط شرعي بينهم، وبناء على ذلك تم فتح بلاغ في مواجهتهم تحت المادتين (551)، (251) ممارسة الدعارة والأفعال الفاضحة، وبعد أن استمعت المحكمة لأقوال شهود الاتهام الذين أكدوا للمحكمة ضبطهم للمتهمين الـ(5) داخل شقة قامت باستجواب المتهمين، وبناءً على حيثيات القضية توصلت لمخالفتهم للمادتين (551)، (251) من القانون الجنائي وأصدرت في مواجهتهم حكماً بالجلد والغرامة.
آخر لحظة |
في الحديث الذي رواه مسلم عن أبي هريرة -رضي الله عنه- عن النبي – عليه الصلاة والسلام- أنه قال: (من نفَّس عن مؤمنٍ كربةٍ من كُرب الدنيا نفَّس الله عنه كربة من كرب يوم القيامة، ومن يسَّر على معسرٍ يسَّر الله عليه في الدنيا والآخرة، ومن ستر مُسلما ستره الله في الدنيا والآخرة)
ونعم بالله،
لكن، لا هذا المسؤول ولا حتى النساء اللائي ضبطن معه غير مستورين حال..
كيف؟
القول السائد أن الله يعفي في الأولى ويمهل في الثانية ولكن الثالثة لا هوادة فيها (التالتة ثابتة)
هذا الرجل لا يستح ويظهر الفاحشة، بل في نهار رمضان وكمان طماع وخامي الدجاجة وبيضها معاً
نسال الله للرجل الستر والمغفرة والهداية وللنساء الستر والعفاف بعد نيل العقوبة المستحقة الدنيا..
وهنالك سؤال؟
هل لم يزل المسؤول يحتفظ بوظيفته الكبيرة؟ ألم يأتي ضمن الأحكام التي صدرت بحقه مثل ذلك؟؟
وإن لم يصدر مثل حكم بفصله عن وظيفته الكبيرة، هل سيعود لمكان عمله بعد شهرين رافعاً راسه (وماداً قرعته) كأن شيئاً لم يكن..
هل بين الفتيات مسؤولة صغيرة أم كبيرة وهل لم تزل تحتفظ بوظيفتها؟
اسئلة تحتاج لأجابات من الصحيفة وحبذا لو تكرم مصدر النشر (مشكوراً) بالمتابعة حتى نكون أكثر جدية في طروحاتنا وتعليقاتنا..
تحية وإحترام للجميع..
| |
|
|
|
|
|
|
|
|
 Re: مسؤول كبير .. و 4 فتيات .. و رمضان .. (Re: الطيب عبد الرحيم خلف الله)
|
هذه المحكمة والقاضي والأجهزية الأمنية تعمل على أسس غير دستورية ..
الدستور يحمي خصوصية كل الشقق في المعمورة (الكرة الأرضية) ولا يفترض الدستور "رابطة شرعية" استباقية لديانة المواطن لأنه يحمي حرية الدين
وعمل الأجهزة الأمنية جمع المعلومات وتحليلها وليس شمار الضللة دي شقة شنو وديك ما بتعرف لى ملاح الرجلة ...
خبر منحط يدل على انحطاطنا القانوني والسياسي والإعلامي ... وهنيئًا للأربعة بنات ما استطعن نيله من هذا المسؤول في هذه المهزلة ...
ولابد لليل أن ينجلي ... ولا بد للقيد أن ينكسر ...
... المهم ....
| |
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: عبد الواحد أبراهيم)
|
| Quote: القيد ينكسر أكتر من كدا كيف يا تبارك |
لامن الزيك يا ود المدير ... يفهموا انهم ما عندهم الحق في الحكم على سلوك الآخرين بإنهم قيدهم منكسر ..
دا قيد ذهني ... وحاليًا مصدرو نوع تعليقك دا ... لأنو دا المنطق البيستند عليهو قانون النظام العام في ممارسة الإنحطاط ...
... المهم ....
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: محمد مصطفي مجذوب)
|
تحية عيدية لود المجذوب ...
كلامك ذكرني السكران الذي تم جلده في الخرطوم وطلب اعطائه شهادة مكتوبة باتمام الجلد بحجة انه من ام درمان ويخشي الا تفك السكرة ويتم القبض عليه في امردمان ايضا..
بعدين حكاية التبضع في البنات لا تختلف في تقديري عن تبضع النظام في المبادرات وواضح ان المسئول الكبير هو غير محصن ويمارس (انقاذيا ) التبضع ( التململي ) في البنات عسي او لعل يستطيع التمكن (من تمكين ) من احداهن ليعيش في ثبات ونبات (انقاذي)..
نعيش ونشوف... لك الاحترام..
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: عبداللطيف خليل محمد على)
|
عبداللطيف سلامات
| Quote: دقو الباب بي ادب .. وجاهم تور الجر فتح ليهم الباب ... والناس ديل شغالين .. لا نفسهم بنقطع .. ولا بحوعو .. ولا بعطشوا يكوسو ليهم مويه يشربوها .. ولا حتي الواحد فيهم بمشي الحمام ساي يغير راس الطلمبة الغاطسة .. علم الله واسع .. ديل بياكلو شنو قدوقدو ؟ |
فى شنو ياجماعة انا اصلو كنتا مسافر دحين اشرحوا لينا الكلام الفوق دا شنو ؟؟؟؟
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: انس عمر)
|
Quote:
هذه المحكمة والقاضي والأجهزية الأمنية تعمل على أسس غير دستورية ..
الدستور يحمي خصوصية كل الشقق في المعمورة (الكرة الأرضية) ولا يفترض الدستور "رابطة شرعية" استباقية لديانة المواطن لأنه يحمي حرية الدين
وعمل الأجهزة الأمنية جمع المعلومات وتحليلها وليس شمار الضللة دي شقة شنو وديك ما بتعرف لى ملاح الرجلة ...
خبر منحط يدل على انحطاطنا القانوني والسياسي والإعلامي ... وهنيئًا للأربعة بنات ما استطعن نيله من هذا المسؤول في هذه المهزلة ...
ولابد لليل أن ينجلي ... ولا بد للقيد أن ينكسر ...
... المهم ....
|
شكراً تبارك وبارك الله فيك يا ابني
مواقفك صامدة لا تتبدل حسب الاهواء والتوجهات السياسية العاضة هذه الايام
قولك خنجر في خاصرة الساسة والسياسة وفي ذاكرتي ما جرى لدكتور عمر محمود خالد!!
رحمتك يالله !!!
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: بخاري عثمان الامين)
|
فى الحقيقة لو مسؤول (كبير أو صغير ) أحترم نفسو وفى هذه الفترة وتحديداً فى الشهر الكريم على الاقل كل المسلمين فى السودان فى أمر رمضان حتى أصحاب الاعذار تجدهم حريصين على مساعدة الصائمين حتى لو بالموية الباردة !! هذا الشخص مريض وقع فى من هم أكثر منه مرضاً فوجد الجزاء المناسب بالتشنيع به وفى العيد وفى المواقع الاسفرية وفى أخطرها رغم الحجب من السودان .
| |
|
|
|
|
|
|
|
|
 Re: مسؤول كبير .. و 4 فتيات .. و رمضان .. (Re: محمد إبراهيم علي)
|
.
سيد البوست ومتداخليه الاكارم
تحية وتقدير ,,,,
في تصوري لو المسئول ده كان مسئول ماظن حيتصرف بالطريقة دي !!
وكل الكلام الدار هنا ما تناول عقوبتوا (( الشرعية )) باعتبارنا بلد بحكم بالشريعة
لانو لو الزول ده متزوج وده المرجح يكون حاصل عقوبتوا بتكون (( الرجم ))
طبعا لو في تطبيق فعلى للشريعة
النقطة التانية للناس العادين أو المسئولين لشهر رمضان الكريم حّرمه خاصة
بنتمني الناس تراعيها _ يدوا نفسهم شهر إجازة _ مع ملاحظة قبل رمضانين
تقريبا علقنا هنا في بوست أتكلم عن مسئول كبير ضبطوا في نهار رمضان
مع طليقتوا !!! وهنا برضوا مسئول وفي شهر رمضان
فعليكم الله أعملوا العوزينوا بس الشهر الكريم ده أخدوهوا إجازة .....
تحياتي
| |
|
|
|
|
|
|
|
|
|
Re: مسؤول كبير .. و 4 فتيات .. و رمضان .. (Re: عبد الناصر الخطيب)
|
لو كان الفاعل زول عادي او حتى مسؤول كبير بس في حزب تاني
كان الناس اتعاطفت معاهو.. الواقع يقول ان الزول دا ارتكب كبيرة
في نهار الشهر الفضيل
لكن ما فعله الزميل الصحفي علي البصير اورد نفسو موارد الهلاك
لمن كشف اسم المتهم.... وما ننسى انو الرسول عليه الصلاة والسلام
قال ما معناه ادرأوا الحدود بالشبهات.. وان الشرع ينص على طريقة معينة
لاثبات الزنا... مهما الانسان ارتكب من ذنوب يبقى ليهو حقوق ما بتسقط بارتكابه هذه الذنوب
وعلى الزميل علي البصير طلب السماح من من كشف اسمه على الملأ
| |
|
|
|
|
|
|
| |
عبداللطيف خليل محمد على
محمد إبراهيم علي
ولياب
مناهل عبد الله مصطفي
Yassir Tayfour
البحيراوي
محمد مصطفي مجذوب
Hani Arabi Mohamed
جمال السنوسي
محمد مختار جعفر
هشام عباس
osman righeem
ابوحراز
Elbagir Osman
الطيب عبد الرحيم خلف الله
تبارك شيخ الدين جبريل
معاوية الزبير
عبد الواحد أبراهيم
حسن حماد محمد
AMNA MUKHTAR
بخاري عثمان الامين
بشرى مبارك ود السقاى
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست