منذ رجوع أبوي للسودان بعد ما قضى معاى قرابة السنه في الولايات المتحده الحاج قلب علي السودان
الكهربه تقطع اكورك
أحضر الزباله فى الاكياس عربية الزباله ماتجى والغنم والاكلاب انكتو الوساخه الهيجه او قول مافى قروش ليهم
اجيب العيش غضبان لأنو كل يوم بصغروا مقاسو
بتاع اللبن اغب كم يوم عشان المطره ولا اللبن اقطع عشان البهايم غارزات أوووك البيت كل في غضب الله الغنم يأكل الجنينه الحله كلها تقيف
اجيب الحجار للرادي بتاعو البقعد اتونس بيه في الشارع ألقى الحجار ضاربه اشاكل بتاع الدكان وأقول لي ناس البيت تانى ماتشترو منو ده حرامي
التراب اقوم والعراقي والتوب البتقته بيه أبقوا لونم بني شكله اليوم داك كل لانو دائر ابلهم في الصابون القي المويه قاطعه من الصباح
المطره تصب اوتخفف التراب والسخانه المويه تتلمه قدام البيت الحاج ادور ردم الشباب افتحو الباب عشان انادوه للاكل اقول ليهم أمشو ماداير كيف ناكل فى العفن ده
اقول اقعد في الجامع افرق اقفلوا الجامع بعد الصلاة
داير انوم بدري ازعاج واللفزيون اوضيوف من غير مواعيد
محاسن ازييك الايام دي موجه تكفير وعلى والدك المحترم ان يختار بين جنة الغرب ونار بعض الائمة الذين قالوا بان من يحوز الجنسية الامريكية فهو كفر تحياتي لكما
08-27-2012, 06:39 PM
محاسن أحمد محمد محاسن أحمد محمد
تاريخ التسجيل: 10-26-2008
مجموع المشاركات: 1151
عارف يا أبو ساندرا والله أبو الايام دى عندو حاله نفسيه قال ما بقعد ولا يوم وانا هسع جاده اجيبوا طالما دى رغبتو اه ابوى كجن السودان اوعه تكون كجنته قطر أو كان كدى بنلقى ليك مخرج اديتنا درس الصديق فى حالة الضيق
08-27-2012, 11:44 PM
Elmosley Elmosley
تاريخ التسجيل: 03-14-2002
مجموع المشاركات: 34683
الاستاذة محاسن سلام بوست جميل السيد الوالد يعنى بقى من "جماعة التفكير فى الهجرة" وعاوز يخلى البلد ل"جماعة التكفير والهجرة" ويهج غرب!! بس يقول ليهم إنو يحيحتفظ بالجنسية السودانية عشان ما يكفروه الجماعة وما يقول إنو كفر بالسودان (بلد المشروع الحضارى) عشان ما يعتبروه مرتد... يهج غرب والف مرحب بيهو فى الوطن الآمن...
منان
08-28-2012, 00:28 AM
وضاحة وضاحة
تاريخ التسجيل: 01-16-2005
مجموع المشاركات: 9116
ربنا يديهو الصحة والعافية جيبيهو راجع جيبيهو راجع لي بلد تلتين ميزانية وزارة الصحة بتنصرف على كبار السن وحتى مشكلة القعدة في البيت في ليها حلول كتيرة وربنا يساعدك في خدمتهم ورعايتهم يارب
08-28-2012, 06:55 AM
Mohd Ibrahim Mohd Ibrahim
تاريخ التسجيل: 01-19-2004
مجموع المشاركات: 2234
الغريبة يامحاسن ابو زوجتي العكس تماما ..شرد من بتو في ماسيتيوشيس ابا يفعد نهائي..رجع السودان شغال حملة مضادة لامريكا..دي بلد دي... كوباية الشاي فيها بخمسة دولار..واكتر حاجة مزهجاهو عشان تضرب تلفون تدخل خمسماية رقم,,,تمشي الدكتور لبطنك يرجعك لدكتور قلب ..وهكذا.... اتمنينا يقعد شوية مافي اي فايدة....
08-29-2012, 02:57 AM
محاسن أحمد محمد محاسن أحمد محمد
تاريخ التسجيل: 10-26-2008
مجموع المشاركات: 1151
أستاذنا العذيذ منان تعرف أبوى شكلو كده مكفرنو مكفرنو لانو جد جد المعاه كملت من الحال الفى السودان أو جايباه جايباه طالما دى رغبتو كل سنه انت والاسره بخير
08-29-2012, 03:05 AM
محاسن أحمد محمد محاسن أحمد محمد
تاريخ التسجيل: 10-26-2008
مجموع المشاركات: 1151
وضاحه الحبيبه كيفك فعلا سويته في نفسي براي والنقله بى صراحه كانت كبيره وهو زول فنان واكتر حاجه عجبتو اهتمام الأمريكان بالزول الكبير اومافي زول شغال بالتاني وكل ما نطلع معاه او هو طبعا الجلابيه والعمه والعكاز باقى عليهم عشره اجو اسلمو عليه واصوروا معاه
08-29-2012, 03:13 AM
محاسن أحمد محمد محاسن أحمد محمد
تاريخ التسجيل: 10-26-2008
مجموع المشاركات: 1151
و تسلمي وتسلم لينا حبيبة الكل خالتي علويه ويكفي العنايه والاهتمام القدموه لى خالتى علويه لقت العافيه في البلد دى سلمى لى عليها لقاية ما اديها طله وأكيد اول اجازه حاجيب ابوى معاى
الاستاذ Mohd Ibrahim
الظاهر أنتو الحاج قفلتوه فى البيت عشان كده زهج نحنا كنا بتطلع أبوي كتير وأي برنامج كبير علي مستوي واشنطن كان حاضرو اى ندوه ولا امسيه ثقافيه كان فى نصها او تلفون شنو ده كان بتكلم بالاسكايبى
08-29-2012, 04:11 AM
موسى أحمد مروح موسى أحمد مروح
تاريخ التسجيل: 12-25-2010
مجموع المشاركات: 428
الاخ الصديق مروح كل سنه وانت طيب أكيد الفنان فى حالة انتفاضه مستمره عاشق للجمال ده ابوى أو طبعا أ بوى كان أول الحاضرين لامسية تشين كتابك اوكان دئما اسالنى مافى برنامج الاسبوع ده والله زول جميل ربنا اديه الصحه والعافيه
ألاستاذ معاوية الأرباب تسلم كتير لا أسكت ساكت ده عندوا حكاوى تشيب الراس بس خليه لمن اجى او بى رواقه نطلع العندو كل بس هسع زى ماقلته ننقزوا اول حاجه او نمرقوا من الدبرسه الدخل فيها دى واكيد حاستحق اللقب
08-30-2012, 01:49 AM
محاسن أحمد محمد محاسن أحمد محمد
تاريخ التسجيل: 10-26-2008
مجموع المشاركات: 1151
يا سلمى الحبيبه ازيك مشتاقه ليك كتير والله أو زى ما بقولوا حبوباتنا لا جفى لا حفى بس دوامة واشنطن لكن حتسمعى صوتى قريب او يا سلمى شيخوخة شنو البتتكلمى عليها يختى كدى عاين لى الصوره دى واحكمى الحاج موتتطلع وعاشق للجمال يختى أخير تحجزى لى صديقنا معاوية الأرباب مضمون
أما أخونا المسافر واضح انو حالتو سأبه خلاص لى درجة دخلوك واسطه فلابد من اعادة النظر فى طلبو
خالد العبيد اخونا وصديق االطفوله الحاج جاى جاى لكن صاحبتك الحلبيه دى ما بتحب الغربه ويا خالد ما تدى فرصه للناس اكفروك واسمع كلام اخونا المسافر تحياتى لاسره current=41c5b04e.jpg" target="_blank">
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محاسن أحمد محمد
Elmosley
أبو ساندرا
Mannan
وضاحة
تبارك شيخ الدين جبريل
Rawia
Mohd Ibrahim
موسى أحمد مروح
المسافر
معاوية الأرباب
سلمى الشيخ سلامة
خالد العبيد
فيس بوك
تويتر
انستقرام
يوتيوب
بنتيريست