|
|
|
 Re: أعذرونى يا ناس ...... وحنّو على .... والكاتب بشرى مبارك ود السقاى (Re: بشرى مبارك ود السقاى)
|
| Quote: الاخوان الاعزاء بجمييييع المنتديات التى أشارك فيها تحياتى وأشواقى ولاشك أن غيابى عنكم (أضنانى ) |
هلا
ولكن
ارجو ان لا تكون( كاتب ، ومسرحى ، ومخرج وممثل وصحفى مقيم فى بريطانيا )
كما اخر لان البلد لا تحتمل ( غايتو المراقة هى غيابى عنكم اضنانى ) دى المراقة وحيات الرب
عموما باقى الموضوع عبارة عن حريق فى حريق غايتو الله يستر من الجايات
ولا كــــــــــــــيف
قاسم المهداوى
| |
  
|
|
|
|
|
|
|
|
Re: أعذرونى يا ناس ...... وحنّو على .... والكاتب بشرى مبارك ود السقاى (Re: قاسم المهداوى)
|
Quote: [
هلا
ولكن
ارجو ان لا تكون( كاتب ، ومسرحى ، ومخرج وممثل وصحفى مقيم فى بريطانيا )
كما اخر لان البلد لا تحتمل ( غايتو المراقة هى غيابى عنكم اضنانى ) دى المراقة وحيات الرب
عموما باقى الموضوع عبارة عن حريق فى حريق غايتو الله يستر من الجايات
ولا كــــــــــــــيف
|
والله لاعلاقة لى بالمسرح ولا الاخراج ولا صحفى لكن لى علاقة سابقة بفتح البلاغات وختم الجوازات وعمل التأشيرات وتصديق الضمانات !! والان عملى برضو له علاقة بالامن وحفظ النظام فى شركات الامن الخاص فى بيريطانيا وشكراً على مرورك !!! الكتابة عند ضباط الشرطة السابقين هواية وليست مهنه وأتمنى أن تكون هوايتى غير مزعجة لكم وتحياتى مره أخرى .
| |
|
|
|
|
|
|
|
|
|
Re: أعذرونى يا ناس ...... وحنّو على .... والكاتب بشرى مبارك ود السقاى (Re: Muna Khugali)
|
يا منى خوجلى تحياتى ما تزيدى الحكاية يوم وتخليها يوم 21 إكتوبر !! وشنو مواضيعى فى الراكوبة ما عاجباك والله شنو ؟؟ ما علقت نامن فترتى !!! قصدى 20 موضوع مع المداخلات لاننى لا أريد أن أكتب مواضيعى دون أن أتداخل مع الاخرين !! زى يوم العيد الواحد بياكل (لقيماتو ولقيمات الجيران وكذلك الشاى ده عندنا فى السقاى فى صالون المبارك ود إدريس ) وكل سنه وإنتو طبيببن !! بمناسبة الزيادة بتاعة اليوم دى يا منى خوجلى أقول ليكم نكته !! عندنا واحد فى الحله بتاع محن وعندو بقالة وشعال معاهو عامل إسمو (خميس ) فمره واحد من الزباين دخل فى غلاط من صاحب الدكان فقال له القروش سلمتها لى جمعة !! فرد عليه يا زوول الزول زدتو يوم !! أوعه تكون القروش جبتها زايده كمان !!!!.
| |
|
|
|
|
|
|
|
|
|
Re: أعذرونى يا ناس ...... وحنّو على .... والكاتب بشرى مبارك ود السقاى (Re: انور التكينة)
|
شكلنا كدة موعودين بصديق مهدي جديد 
مبدئيا كده حبابك في هذا الحوش بس نصيحة أخوية كثرة البوستات وكثرة الردود لا تدل علي أن العضو كاتب مرموق
أو مثقف والناس هنا جنها وجن الزول المعاط معليش أعذرني لصراحتي أسع نحن دخلنا شنو يعزموك ولا تلعب سكج بكج؟
دا أسموا إهدار باندويث في الفاضي ، لو كل عضو دا جاء فتح ليهوا بوست واحد في اليوم يحكي فيها مغامراتوا
ماحنخلص فبليز راعي في ناس هنا عندهم أرتفاع في ضغط الدم وسكري وفشل كلوي .
| |
|
|
|
|
|
|
|
|
|
Re: أعذرونى يا ناس ...... وحنّو على .... والكاتب بشرى مبارك ود السقاى (Re: المكاشفي الخضر الطاهر)
|
الاخ الكريم ود السقاي الف مرحب بيك في سودانيز وان شاء الله يطيب لك المقام وعذرا للترحيب المتاخر
ـــــــــــ
لدي ملاحظة بسيطة علي عناوين مواضيعك , وهي كتابتك اسمك في عناوين مواضيعك , وللاسف هي عادة تنفر الناس من قراءة المواضيع لا حاجة للشخص لوضع اسمه واقحامه اقحاما في عناوين مواضيعه لان الاسم تلقائيا ينزل مع الموضوع وعند فتح الموضوع يكون الاسم علي يمين الشاشة , لذا لا داعي لكتابته مرة ثالثة داخل العنوان , البعض علق علي هذا الامر سابقا بانها عادة نرجسية
, اظن ان الامر لديك بسيط وتلقائي لذا اعذرني علي هذه الملاحظة
| |
|
|
|
|
|
|
|
|
|
Re: أعذرونى يا ناس ...... وحنّو على .... والكاتب بشرى مبارك ود السقاى (Re: اساسي)
|
ود السقاي مرحب بيك و كل سنة و انت طيب
انت ياخوي داير الحق و الله الجنبو
اولا اذا كانت دي عينة بوستاتك اسمح لي اقول ليك انت بالجد اضافه عددية و ليست نوعية لهذا البورد و أصحابك
ديل بيجاملوك ساكت.
ثانيا في ناس هنا ليهم اكثر من عشرة سنوات و ما فتحوا 20 بوست لكنهم أثروا حياتنا الإسفيرية و استفدنا
من مواضيعهم غاية الفائدة يعني القصة كيف و لا حوجة هنا للكم.
ثالثا و الله أنا مستغرب إنت بتلقي الزمن دا كلو وين عشان تفتح البوستات دي كلها
غايتو أنا ما لاقي زمن أمر حتي علي العناوين و بحتاج كتير ( أصرج ) من بعض البراميل الفارغة التي
تحدث جلبة عشان أكسب زمني في المفيد من البوستات.
فبالله يا أخوي اتوهط كدا و روق المنقة و حضر موضوعك و جهز ردودك و كشّف ما يكون في زول سبقك عشان أنا و غيري
ما ( نصرج ) و طوالي نجي خاشين ودا بديك مشاهدات زيادة.
أنا عندي معيار لجودة البوستات ( حقي براي ) و هو إنو لو كان البوست غير خبري وعنوانه خالي من الإثارة و التشويق
و الصور و الفيديو طوالي أضرب عدد الردود في 20 عشان تديك عدد المشاهدات فلو كانت أقل من حاصل الضرب أعلم أن هنالك
ما يجب مراجعته.
و تاني مرحب بيك
| |
|
|
|
|
|
|
|
|
|
Re: أعذرونى يا ناس ...... وحنّو على .... والكاتب بشرى مبارك ود السقاى (Re: جمال السنوسي)
|
شكراً لكم جميعاً على مروركم ولاشك أن التعليق على الموضوع يساعد الكاتب كثيراً على معرفة الامزجة والاذواق !! فتجد من يقدّم لك الدعوة للحضور لجدة لكى (يجرك خمسين )!!!! وتجد من يقول لك ذنبنا شنو تحكى لينا برنامج العيد عندكم وتلعب سكج بكج أو سيجة أو كشتينة ما عندنا بيك شغله وما فى داعى (تهرينا )!!!!! ومنهم من يقول عندو معيار خاص يزن به البوستات وعلى العموم كلو يصب فى خانة الاطلاع والتعليق ومنكم نستفيد !! وختاماً لا أغادر إلا أن أشكركم جميعا على المرور والذى بمقياس المواضيع مرور مقدر ومشكورين عليه وبارك الله فيكم .
| |
|
|
|
|
|
|
| |
بشرى مبارك ود السقاى
قاسم المهداوى
حافظ انقابو
باسط المكي
محمد البشرى الخضر
Muna Khugali
انور التكينة
عادل الباهي عبدالرازق
Elmosley
المكاشفي الخضر الطاهر
اساسي
Moawia Mohammed
جمال السنوسي
فيس بوك
تويتر
انستقرام
يوتيوب
بنتيريست