والله ووالله يا حبـــــيبــــــــو يا نادر بقيت ما بستحمل اشوفك في شاشات التلفزيون ..وجعك حار يا نادر بس ما غالي على ربنا ..ياخ ربنا يرحمك ..إشتقت أسمعك ومشيت فتشتك في صوت عمر التقانة لأنو شوفتك وانت ما بيناتنا حاجة صعبة ..ليس المقام مقام مقارنة فالبون واسع وشاسع ودفء صوتك لا يملأه كائن من كان يا راقي..لكنها الحوجة والحوجة فقط فكلما أشتاقك أبحثك عنك فيهم لأني ما عدت اتحمل أن أنظرك وأنت غائب.. واحشنا يا حبيـــــــــــــبو ياخ ..وواحشانا الإبتسامة .. وواحشانا حركتك وانت بتقول ظروفنا المرة تتبدل ..وطعم الريدة يبقا عسل وتخت اصبعك في طرف لسانك مع إبتسامتك الساحــــــرة يا ســــاحر.. نادر النادر ..مكانك شاغر وحتتك فااااضية حبيبو ..
08-26-2012, 02:41 AM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
نادر جرح لن يندمل لكل محبي فنه الفريد. مسخ لينا الغنى, قبل ما أشوف البوست ده جابو تسجيل لي أغنية من أغاني و أغاني زمان في النيل الأزرق و الله ما قدرت أواصل مشاهدتها... نادر خلى البكاء ضل مبارينا و الحزن ذاته بقى ما بيرحل يالطيف. لم أشاهد أغاني و أغاني هذه السنة و نادر مغيبه الموت... ربنا يرحمه و يسكنه الفردوس الأعلى.
تحياتي.
08-26-2012, 07:34 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: جابو تسجيل لي أغنية من أغاني و أغاني زمان في النيل الأزرق و الله ما قدرت أواصل مشاهدتها...
نفس الحال يا فردوس..في الغالب ومع كل من رحلوا من الفنانين لمن يجيبو ليهم أغنية بقعد أستمع ليها ..مع نادر خضر غلبني عديييل..ومتى ما جابو المرحوم نادر خضر بحوول القناة .. ياخ انا لحدي أسة مستغرب كيف قدر أعضاء فريق أغاني وأغاني مواصلة المشوار بعد تقديم حلقتين على أضعف مستوى لتبيين فقدهم الجلل في عرض مسرحي هزييل ..
Quote: مسخ لينا الغنى,
الغنا مسخ بي مرض محمود وغيابه عن الساحة وبي وفاة نادر رحمة الله تغشاه..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
فردوس جامع
فيس بوك
تويتر
انستقرام
يوتيوب
بنتيريست