|
|
 هيثم مصطفي ظالم ام مظلوم ؟
|
اتي للهلال يافعا صغيرا امضي شباب عمرة في نجيل الهلال الاخضر احبته الجماهير واعطته اجمل الاوسمه والالقاب واصبح اسمه مرتبطا بالفن والابداع ..ابدع وافني لاعبا واداريا ومدربا وموجها لزملائه داخل وخارج الميدان ..حمل شارة الكابتنيه لمنتخبي السودان والهلال سنينا عددا وعين سفيرا للنوايا الحسنه ..لم يفارق الهلال طيلة مسيرته الكرويه ولم يساوم بالمال ..
ثم ..
بدأت المشاكل تتفجر بين النجم المحبوب واداراة ناديه بعد مباراة المريخ المشؤومه والتي لقي فيها مالقي من اهانه واساءة جارحه اخرجته عن طورة ..اصطدم بمجلس التسيير واتهم بانه هو من يقود المدرب ميشو ..اعلن اعتزاله ثم تراجع ..اتهم مجلس البرير الجديد باستهدافه ..ثم رد عليه المجلس بالتمرد ..الي ان وصل الحل الي طريق شبه مسدود واصبح مصير هيثم في الهلال شبه مجهول ..
فهل اخطأ المجلس في حق هيثم ام أخطأ هيثم في تاريخه ؟ وهل كان للاعلام دور بارز في تاجيج هذا الصرا ؟ هل للارباب ايد في ما يحدث للضغط علي البرير من خلال الجماهير ؟
|
|
  
|
|
|
|
|
|
|
 Re: هيثم مصطفي ظالم ام مظلوم ؟ (Re: Maawya Hussein)
|
سبحان الله يا معاوية ..شأننا كجهور هلالي محب لهذا الكيان أن يكون إحساسنا واحد..يبدو إننا كتبنا عن الموضوع في نفس الوقت ..أخوك ما بيكون مخطط لي حاجة معينة في راسو بيفتح موضوع جديد وتووشك من الراس للبوست وعليه ما شوفت موضوع ده إلا بعد عملت إرسال ..فمعليش حبوب ..
كتبت ليك الكلام ده عشان ما نشتت الجهود وما عندي مانع يكون بسوتك هو الأساسي لي تناول الموضوع وتوحيد الأفكار عشان نطلع بي نتيجة نقدر نفهم بيها راي الجمهور ..
ومبدئياً بقول ليك إحساسي وتاريخ هيثم وحبه للهلال بيقول غنو هيثم مظلووووم..
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
| Quote: ومبدئياً بقول ليك إحساسي وتاريخ هيثم وحبه للهلال بيقول غنو هيثم مظلووووم.. |
الموضوع محتاج لي اظهار حقائق اكتر من عواطف يا عمر وفي اسئله كتيره محتاجه لي اجابه
هل شعر هيثم انه اكبر من البرير والمدرب ومساعده ودائرة الكرة ؟
اعتذارات هيثم المتكررة عن اداء مباريات خارج العاصمه وتعلله باسباب واهيه ؟
خروج هيثم من المعسكر المتكرر وسفره للعمرة اثناء فترة اعداد مهمه
اصطدام هيثم ببعض رجال مجلس الادارة
هل تكبر هيثم علي المدرب ولم ينصاع لاوامره
هذا من جانب هيثم
ومن جانب البرير والادارة والتدريب
هل شعر البرير ان هيثم من ابناء صلاح ادريس ويريد التخلص منه باي ثمن
هل احس البرير ان جماهيرية هيثن تفوق جماهيرته في الهلال واراد انهاء سطوته علي جمهور الهلال
هل يحمل خالد بخيت وحمد كمال وابوشامه رواسب وخلافات قديمه وشعروا ان وقت الحساب قد اتي
هل يستهدف مدرب مقتدر بشهادة الجميع لاعب يمكن ان يصنع له مايريد
لو لقينا اجابه علي الاسئله دي ممكن نصل لي نتيجه
| |
|
|
|
|
|
|
|
|
 Re: هيثم مصطفي ظالم ام مظلوم ؟ (Re: Maawya Hussein)
|
سلام يا بشمهندس معاوية
.....
هذا الموضوع به خلافات حتي بين جمهور الهلال
فيهم من يرى
حان الوقت لاعتزال البرنس.. وتكريمه
وهنالك اخرون اصابتهم عقدة البرنس
......
ودوام الحال من المحال
....
هنالك نجوم لمعت واعطت ثم اختفت ولكن تبقي البصمات تضئ
خطوات السيرة العطرة عبر التاريخ
......
ولكن الفتي ادمن الهلال وكلما مضي الزمن يعود به الوراء
لا انفكاك من انانية النفس وسوء التقدير
وتلك فطرة في عامة البشر
..........
والرياضة اصبحت بيزنس قبل العواطف والانتماء
وخاصة كرة القدم
....
قد حان وقت الرجل للترجل!!!
.....
ابو احمد
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عبد العظيم احمد)
|
يا عبد العظيم :
| Quote: قد حان وقت الرجل للترجل!!! |
ويترجل لييي؟؟؟
زول قادر على العطاء ومستواه زييي ما هو ..هيثم مصطفى التسعينات ياهو زاااتو هيثم مصطفى 2012 غستلام وتمرير باصات قاتية ما بيحتك مع الخصم صاااح وما بينزل ويطلع مع اللاعبين برضو ممكن اقول ليك صااح ..لكن ياها دي كورة هيثم مصطفى بتاع التسعينات زاااتو ..
يعني بالدارجي كده هيثم ده لو عايزنو يترجل كان ترجلوهو مننن التسعينات ..
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
عمر سلام
يترجل لكي لا يعرف الهلال الخلاف..
عرفنا الهلال
وحدة واحدة
...متماسكة .. لا صحوة ولا نخوة ولا والي ولا توالي...
حتى الجمهور واحد
موج ازرق وبس...
البرس صار هذه الايام الحيطة القصيرة
اوشماعة الاخطاء
.....
اذا انتصرنا .. بفضل الله ثم البرنس
واذا انهزمنا .. عدم وجود البرنس
...... والمدرب والبرنس
والبرير والبرنس
الخلاف يدمر معنويات اللعيبة جميعا
.......
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عبد العظيم احمد)
|
سلام يا شباب
والله انا بشوف انو هيثم قادر علي العطاء لي سنيين قادمه
لكنو ظلم نفسو
وزي ما بقولوا البجيب ليك بودي منك
ربنا يسهل علي هلالنا بس
ياهو دي حركات الاداريين من زمان ما تغيرت مع مرور الزمن ولا اختلاف الادارات واختلاف الازمنه والامكنه
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: abas)
|
سلام يا عباس
في عصر الاحترافيه مافي حاجه اسمها دا لاعب هلالي ولا مريخي ..هيثم شعر انو ما مرتاح في الهلال وانو قادر علي العطاء لسنوات قادمه ..مفروض نحترم رغبتو ونديهو مجال يواصل في اي فريق تاني ممكن يقدر امكاناتو ..ومممكن ناخد العبر من الدوري المصري القريب مننا دا لاعبين كتار شافت ادارات الاهلي والزمالك انهم ما حا يقدموا ليها جديد وابدعوا في اندية تانيه واخرهم كابتن الاهلي احمد حسن
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
سلام يا معاوية وعيد سعيد ليك و لضيوفك هنا
شوف يا صاحبي مافي زل بقعد في حته كم طاشر سنة و يكون مظلوم
دي حاجة اصلاً ما عايزة شرح لا شي ذاتو .
بعدين دوام الحال من المحال يا صاحبي.
يا عمر يا فاروق قلته لي ياهو ذااااتو بتاع التسعينات!!!
هسي أنت مقتنع بالكلام دا!!!؟ متين عليك الله هيثم التسعينات
كانو بلعبوهو شوط احد!!!؟
يا عمر يا زول استهدي بالله ياخ !!!
انا مرات بمشي اتفرج في فريق النجوم الدوليين اها بلقي ليك
عيسي صباح الخير و عاطف القوز و مرات حسن حامد و مرات ابو عنجة
و مرات طايشين داقين كفر صاح الصاح بس ما بحتكو مع الناس و ما بنزلو
بطلعو مع الناس زيهم زي عمك هيثم بتاع التسعينات دا ... اها المعني
يتم تسجيلهم مرة اخرى!!!؟
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: سفيان بشير نابرى)
|
يا نابري يا اخوي الله يرضى عليك ما تلوولوو لي كلامي..
انا وعن ماهدات ومتابعات لي هيثم شايف إنو كورة هيثم ما اتغييرت من ما جا الهلال ..بل بالعكس الفترة الاخيرة يعيش فيها هيثم مستوى كروي ممتاااز وخلينا نعمل إصحائيات لي هيثم التسعينات وهيثم الألفينات .. هيثم منو البيلعب شوط واحد يا اخوي؟؟؟ هيثم لحدددي الموسم الفات والهلال على اعتاب النهائي الأفريقي لاعب الموسم كامل..هيثم كان جاري دوري محلي ممتاز وكأس وجاري أفريقي أندية وأمم تاني شنو ليك؟؟
اسألك سؤال العارف بي لكورة يا نابري؟؟ تفتكر البيخلي هيثم يعتزل شنو ومهند الطاهر ما يعتزل لو انت زول بتفهم كورة ؟؟
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
يا فاروق كلامك شنو الو لوتو!؟
يازول كلامك ياهو ذاتو و ذمبلاتو انت قلته ياها كورتو بتاعت التسعينات لا ما قلته!!!
و قلته ياهو هيثم الما بحتكه مع الناس و لا بطلع و لا بنزل معاهم ولا ما قلته!!!
الواحد يلولو كلامو براهو و يجي يلو لونا ليهو نحنا!
بعدين تعال هنا:-
Quote: هيثم لحدددي الموسم الفات والهلال على اعتاب النهائي الأفريقي لاعب الموسم كامل..هيثم كان جاري دوري محلي ممتاز وكأس وجاري أفريقي أندية وأمم تاني شنو ليك؟؟
|
كلامك دا ما صح ولا شي هيثم من قبل الموسم الفات بقي في مرات كتيره يطلعوهو
و اقول ليك حاجة ؟ الما بيطلع في الهلال لفترة طويلة هو عمر بخيت
و في المريخ بدر الدين قلل و المشاركة المستمرة دي(في الدوري الممتاز - كاس السودان - البطولات
الافريقية) اثرت على مستواهم الاتنين - دي ذكرتها ليك عرضاً سااااي-.
بخصوص سؤالك البيخلي هيثم يعتزل و ما يخلي مهند يعتزل
ما عندي ليك اجابة و اضحه بس اهو انت كدا بديت سؤال
مهم في معرفة من هو الظالم و من هو المظلوم دا لو كان
يقينك قوي اني بعرف كورة و علاقتي كويسه بمجتمعه و بي
اسرارهم و لدي صداقات فيها.
ممكن تسأل نفسك السؤال دا؟
اهو العجب ليه سنين طويلة كابتن المريخ و كابتن للفريق القومي ليه ما اجهتو مشاكل مع إدارة
المريخ أو مدرب المريخ؟؟!
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: سفيان بشير نابرى)
|
Quote: اهو العجب ليه سنين طويلة كابتن المريخ و كابتن للفريق القومي ليه ما اجهتو مشاكل مع إدارة
المريخ أو مدرب المريخ؟؟! |
ياشباب عيدكم سعيد
لا توجد مقارنة بين العجب وهيثم فى الحاضر,,العجب نضب معينه عن العطاء,,ادارة المريخ فقط تاركة العجب
وتبحث عن الكبتن البديل,,السعودى وقلق لم يكونا البديل للعجب,,لو لم يكن جل فريق المريخ من الاجانب
لحصلت مشكلات فى الفرقة,,المريخ فريق اجانب سهل القيادة لاى يافع
ناخد مبارة القمة الاخيرة مثالا ,,الهلال كان فى اشد الحوجة لهيثم,اى تمريرة له فى ظل المهاجمين الانا شايفهم ديل
بتكون هدف,,,لو هيثم مسك 3 كور اثنين منهمن هدف,,مافى باصات وصلت صاح للمهاجمين,,,
مشكلة هيثم مع الجاهز الفنى,,,تصفية حسابات قديمة,,,
انا بنصح هيثم للرحيل الى اهلى شندى
وبنصح العجب للبحث عن عمل,,لان وجود جبرة وابراهومة لا يفسح المجال فى جهاز التدريب
مع الوضع المائل للبلد الوالى سيذهب بما حمل,,
تحياتى
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: abuguta)
|
اها يا عمر الفاروق اهي الولوة أمها بت عم ابوها:-
Quote:
لا توجد مقارنة بين العجب وهيثم فى الحاضر,,العجب نضب معينه عن العطاء,,ادارة المريخ فقط تاركة العجب
وتبحث عن الكبتن البديل,,السعودى وقلق لم يكونا البديل للعجب,,لو لم يكن جل فريق المريخ من الاجانب
لحصلت مشكلات فى الفرقة,,المريخ فريق اجانب سهل القيادة لاى يافع
|
ابقوته (قنبلة الحب الموقته) عيدك اطيب
المقارنة دي انت فهمتها كييييف؟
المقارنة فقط في الوضع بين الاعب و الادارة و المدرب و الاتنين وضعهم في نادييهم سيم سيم
و اهو كتر خير العجب قااااعد بدون مشاكل و عارف ادارتو بتفتش عن كابتن بديل (حسب افادتك)
لا عكنن جو لا حرد لا نحنا كجمهور حسسونا بمشاكل .
فياخ ما تلف الكلام ساي و خلي البوست يعرف الظالم من المظلوم.
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: abuguta)
|
يا نابري:
اللولوة بدت مننن الحتة دي..
Quote: يا عمر يا فاروق قلته لي ياهو ذااااتو بتاع التسعينات!!!
هسي أنت مقتنع بالكلام دا!!!؟ متين عليك الله هيثم التسعينات
كانو بلعبوهو شوط احد!!!؟ |
وأوول حاجة خليك مقتنع تماااما انا كلام ما مقتنع بيهو اصصلو ما بكتبو ..هيثم التسعينات بالمناسبة ما كان بيبدا أساسي عاااادي جداً ..بالنسبة لي انا دايماً بوصف هيثم مصطفى ده بي إنو زيي الآثار..كل ما قدمت وطال عمرها كل ما كانت قيمتها أكبر..هيثم الكييرف حقو في الهلال ماشي في الطالع ومستواهو ماشي في الطالع ..كل الضوضاء اللي حصلت حول هيثم مصطفى وكل الإنتباهات اللي حصلت حول اداء هيثم مصطفى وحوجة الهلال لي هيثم مصطفى بتمشي في تزايد سنة بعد سنة ..وممكن بي بساااطةكده ترجع لي جرايد التسعينات وجرايد 2007 مثلاً وجرايد 2008 وجرايد 2011 مثلاً وح تفهم يعني شنو هيثم لسسة بي خيرو ..
طبعاً كلامك بتاع هيثم من الموسم الفات بيلعب شوط واحد دي ما ح اعلق ليك عليها لأني ح افترض إنك زول مريخابي ما متابع للهلال ..وبرضو ح افترض إنو إنت بتقصد الشوط الواحد ما بين 75 لي 80 دقيقة !!!ومجرد إستبدال هيثم في أي وقت بعد الوقت ده فمعناها هيثم لعب شوط واحد..
بالنسبة لي سؤال هيثم ومهند فده سؤال إجابتو وااااضحة عشان كده إنت غلبك تجاوبو ولأنو إجابتو أكيد ح تدعم موقف هيثم ..
الإجابة يا عزيزي وبكل بساااطة ماااف حاجة تخلي هيثم يبطل كورة حسب مواصفتو دي لأنو معظم الناس اللي بتنتقد هيثم وبتدعم المدرب غارتيزو ماسكين في حنك إنو هيثم مصطفى بلياقته وطريقة لعبه لا يستطيع مجاراة خط الوسط اللي بيعتمد فيهو غارتيزو للحد البعيد في القوة والسرعة ومساندة الدفاع بعد ما بقا بيلعب بي تلاتة مدافعين ..أها يلا الحنك ده بتفشلوا نظرية إنو غارتيزو بيعتمد على مهند كلاعب أساااااسي في خط الوسط في حين إنو مهند لا يملك أييي من مواصفات خطة غارتيزو ولا يدعم فكر غارتيزو ولااا مهند الممكن تقارنو بي هيثم مصطفى في دعم وتمويل المهاجمين !!!مهند يتفوق فقط على هيثم في الحل الفردي المتمثل في التسديد لكن مهند لا يحتك مع الخصم لا يساند الدفاع لا يلعب الضربات الرأسية لا لا لا ..يبقا هنا يا عزيزي الفاضل بتضح ليك نظرية المؤامرة لحرق وتدمير كرت اللاعب هيثم مصطفى ..
بالنسبة لي سؤالك عن العجب فيا سفيان والله ما اتوقعتها منك صدق؟؟؟؟؟ ولحدي أسة حاسي بيك سألت السؤال ده وانت عارف إجابتو أكتتتر مني ..
بس للضمان ح أدييك مثال بسييييط من الحياة العملية فكر فيهو واديني رأيك ..
في معظم الشركات الكبييرة بتلقى موظفين وإدارين عباقرة أقوياء مصادمين وأصحاب خبرة مهولة ورغماً عن كده بتلقاهم عااادي جداً بيقصقصوهم من الشركة دي ..في حين إنو وفي نفففس الشركة بتلاقي موظفين كحيانيين ولابديييييين وصانيييين وممكن ماف مدير زاااتو عارفهم شغالين شنو ولاااا بيجيب خبرهم ورغماً عن كده بيكون قاعد ومستقر في الشركة دي لحدددددي ما ينزل المعاش براااهو وبي إختيارو ..
وقع ليك ؟
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
بالمناسبة يا نابري رييحتني في زلقتك لي معلومة العجب كابتن الفريق القومي دي !!
وعشان برضو ما تجي تلولوي لي كلامي وتقنعني بي حاجاتك فنظريتك دي ح تدعم إنو معز كابتن الفريق القومي وعلاء الدين يوسف كابتن الفريق القومي وقلق كابتن الفريق القومي !!!
فدحين يا اخوي ما تحشر العجب ده ساااي كده في قصة إنو قائد المنتخب دي سمح؟
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
| Quote: فياخ ما تلف الكلام ساي و خلي البوست يعرف الظالم من المظلوم |
طيب ياسفيان
اخليك ل ود الفاروق,,دا وانا شايف بوستكم دا لو ما لحقوا معاوية
مايل على لونين احمر وازرق,,مش ظالم ومظلوم
العجب مثل الوالى غير مصادم
وهيثم مثل صلاح ادريس يحب المصادمة
دا الفرق
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: abas)
|
معاوية و الجميع كل سنة وكل عام و انتم طيبين ويعود عليكم العيد بالخير واليمن والبركة .
بدر الدين داؤود الشهير ببطة ... لاعب الهلال السابق
قال لنا بالحرف الواحد ,, انه سبب خروجه من الهلال و الغتاتة الحصلت عليه كانت سببها هيثم مصطفى
هيثم مصطفى يتدخل في شئون الادارة و يتحشر في اي شيء
لي درجة انه بعض المراة يتدخل في شؤون المدرب ويضع التشكيلة ويأمر اللاعبين بفعل مالا يستطيعون فعله
نعم انا مريخابي لكن ما عندي شغلة بالكورة السودانية كتييير "المحلية" ومعظم وقتي اتابع فيه الدوريات الاوربية
لكن دائما اتمنى واتحمس عندما يلعب احد فريقي القمة خارجيا
و الله انا ما عشان مريخابي قاعد اقول الكلام ده , لكن دي حقيقة , ولكم ان تتقبلوها او لا تقبلوها
هيثم مفروض يدي فرصة للشباب , اكيد في شباب في اطراف السودان البعيدة مازال لم يتم اكشافهم
لكن مجرد أن يتم ذلك من المفروض هيثم يديهم الفرصة .
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: الرفاعي عبدالعاطي حجر)
|
| Quote: هيثم عنيد ومتمرد ودكتاتور. |
حسب المقربين من هيثم انو زول راسو ناشف وعنيد ..لكن شخص مهذب وفاهم وواعي ودبلوماسي ..حسب اخر الاخبار اليوم ان هيثم انصاع لقرار مجلس الهلال ووافق علي الجلوس مع لجنه المساءله المكونه من احمد ادم
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: abuguta)
|
سلامات يا ابوقوته
من ناحية قوة شخصية وروح قيادة هيثم بتفوق علي العجب (العجب زول مسالم) لكن من ناحية عطاء وانجازات العجب ما بقل من هيثم في شيء ..هيثم فنان والعجب فنان هيثم بيصنع اهداف والعجب بسجل اهداف ..شخصية العجب ما اظن تديهو فرصه قدام في مجال الكورة وشخصية هيثم ممكن تاهلو لي حاجات كتيرة لو نهي حياتو في الملاعب بي ذكاء
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: سفيان بشير نابرى)
|
| Quote: بعدين دوام الحال من المحال يا صاحبي |
ولو دايمة لدامت لمارادونا !!!
ــــــ
صامويل إيتو صانع بعضاً من إنجازات وإعجازات البارسا استغنى عنه المدرّب في أوجّ عطائه ...
فليذهب هيثم مصطفى كما ذهب غيره ... عادي زي الزبادي ...
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: صبري طه)
|
سلامات يا صبري
مرات المقارنه بتكون مجحفه في حق بعض اللاعبين ..في اللاعبين بيتشطبوا لي سوء السلوك ..وفي غيرهم لي قلة العطاء ..وفي غيرهم اخطاء اداريه وتجريبيه ...واسباب تانيه كتيره لكن اكيد ما كلها بتتطابق مع بعض عشان ناخدا مقاس ..مشكلة هيثم الاكيده ما قلة عطاء ولا تقدم في السن في حاجات كتيره اتداخلت مع بعض وفي خبثاء دخلوا في النص واستغلوا الموقف
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: سفيان بشير نابرى)
|
سلامات ياسفيان وكل سنة وانت طيب
عطاء اللاعب ما بتقاس بي عمر معين وكتير من اللاعبين اتالقوا وهم سن الاعتزال (سكسك ..ميلا ..الدوري المصري مليان ..) عطاء اللاعب بتوقف علي انضباط اللاعب ومحافظتو علي نفسو ..وهيثم ما شاء الله من اللاعبين المنضبطين والمحافظين وممكن يقدم الكتير للهلال ..والاستدلال انو هيثم والعجب في الفترة الاخيرة كانو بيلعبوا جزء من المباراة دا ما دليل تقدم في السن لكن رؤية تدريبيه لي لاعب عائد من اصابه او توقف لفترة طويله ..والدليل علي كلامي دا انو العجب في مبارتي المريخ الاخيرة كان في بداية التشكيله واكمل (علي مااظن) مباراة هلال الساحل وخرج تكتيكيا في مباراة الهلال الاخيرة
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عبد العظيم احمد)
|
كل سنة وانت طيب يا عبد العظيم
Quote: هنالك نجوم لمعت واعطت ثم اختفت ولكن تبقي البصمات تضئ
خطوات السيرة العطرة عبر التاريخ |
للاسف لو رجعت لي للتاريخ حا تلقي اغلب النجوم الاتغنت باسمها جماهير الهلال انتهت مسيرتا الكرويه بصورة مأساويه ونادرا ما اعتزل لاعب او نجم وهو معزز مكرم وخرج وهو مرفوع علي اكتاف الجمهور ومقيم من الادارة ..ما تعرف الحاجه دي عُقم اداري ولا تفلتات لاعبين وجهل جماهيري ولا اصلا دا الوضع الطبيعي لي نهاية النجوم
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Maawya Hussein)
|
عارف ياعمر
اول مره اتفق مع المريخاب ديل لان كلمهم منطقى وبخش الراس
هيثم لاعب له عطاءه ولكن عامل السن واصبح غير مفيد لطريقه او خطه المدرب ولكنه تمرد على الاداره, المدرب والجهاز الفنى
سلوك هيثم مرفوض ولكن كان رئيس النادى الطيب عبدالله كان تم فصله من اول الموسم
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Mohamed Doudi)
|
هذا ما خطة عمنا عمر علي حسن رئيس الهلال السابق بخصوص قضية هيثم في بوست مجاور
Quote: هل اقول لك كما قلت سابقا لصديق متبرم (اللي مش عارف يقول عدس) ؟
(الولد) ضاع خلاص .. ولن ينفع الهلال بشئ حتي لو كان علي حق وحتي لو عاد ..
وقد شطبت (انا القدامك ده) الامير صديق منزول .. وهو عشقي وحبي في الكرة ..
وشطب غيري عبدالخير وزكي صالح وجكسا وقاقارين والدحيش وامين زكي
وغيرهم من افذاذ اللاعبين .. وشطب عبد المجيد منصور وحده تسعة عشر
لاعبا وهم يقفون بالهلال عند المركز الثاني في بطولة الاندية الافريقيه ..
وكانت الدنيا تقوم ولا تقعد ثم يعود الشاطب والمشطوب الي مدار الهلال وسوحه
ولايخرجون منها حتي الممات ..
واذا عبث عابث بهيثم فقد كانت مسئوليتنا ان نحافظ عليه .. فإذا استكبر وسدر في
شغل الهلال بقضيته فإن من شأن القافلة أن تسير خاصة في هذا الوقت الذي لا يضر
فيه بالهلال شئ سوي الانشغال بما هو دون الهدف .. وهذا ما يريده اعداء الهلال .
هيثم اعطي .. وكذلك غيره اعطي .. وضرب امثلة رائعة في مسيرته ولكنها لم تكن
لتجعله فوق سقف اللاعب المبدع .. وفوق غايات الهلال .. وانا كمتابع عن قرب
لجهد الادارة وجهد الكبار في المحافظة عليه .. لا اجد افضل من هذا القرار في الوقت
الراهن .. ولا اكثر منه عقلانية .. وليذهب هيثم الي لجنة التحقيق بما لديه ضد من
يتصور انهم يعملون علي اقصائه .. دون ان يشيع هذا التوتر بين المشجعين العاطفيين
فيسيروا المواكب ليقولوا ان هيثم خط احمر .. .. طيب والهلال اليس خطا احمرا ,,
انك لاتهدي من احببت .. وليتهم يعلمون انه ليس من اجل شخص واحد يُجر الهلال الي
كل هذا العراك غير الهادف .. وينجرفوا بقضيتنا الي مزالق تصرفنا عنها او تشتت
جمعنا .. وتضعف قوة الهلال التي لايجب ان تربط بذهاب هيثم ولا بقائه
ويظل هيثم سيدا حتي يولد لها سيد اخر .. ويظل ولدنا ولو احدث شروخا في الهلال
ويظل غارزيتو صاحب القول الفصل في من يلعب .. حتي ولو تجني علي هيثم ..
عمر علي حسن
|
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Maawya Hussein)
|
معاوية وعمر سلامات،
يا فاروق سيدا أقل عطاءاً من سيدا الأمس، ولكن، هايلايِّت آن أندرلايِّن ولكن، سيدا يجب أن يكون أساسي في أي مباراة، لأنه بكل بساطة، بالرغم أنه ليس بسيدا الأمس، إلا إنه هو صانع الأهداف الوحيد في الهلال وفي السودان، مافي أحسّن منه؛ هل سادمبا بدون هيثم هو سادومبا في وجود هيثم؟ بالتأكيد لا.. في حالة وجود هجوم الهلال الحالي، الهلال يحتاج لسيدا لتمويل هذا الهجوم الكاسح..
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Maawya Hussein)
|
معاوية كل عام وأنت بخير وربنايحقق الأماني وأولها فوز الهلال بالكنفدرالية وهو أهل لها
بالنسبة لهيثم مصطفي فظالم أو مظلوم مرحب به في حاضرة دار جعل مدينة شندي قلعة الصمود والتحدي وإن شاء الله يجد التكريم الذي يناسبه وأهو الفريق ما غريب عليه والأرباب حبيبو.
بغض النظر عن إتفاقي وإختلافي مع مناكفات عمر الفاروق وسفيان أقول إن مجلس الهلال يبدو كان مبيت النية لهيثم وإلا كانت هناك طرق أخري لحل الخلاف خاصة إن رئيس الهلال الحالي البرير بونية هو الأولي بالمحاسبة والإيقاف وقالوا فاقد الأخلاق لا يعطيها
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: أسامة البلال)
|
يا سر يا طيفور..
الأمس دي بتين عشان نجيب الشواهد ونقارن ونوريك هيثم ..
هيثم يمر بي أسوأ فترة بتخليك فعلاً تحس إنو ما هيثم الأمس وانا في نظري الأمس دي كانت لحدددي الموسم الفات ..ودي سببا ما فني سببا نفسي والاجواء المللبدة بي غيوم الترصد..
كدي يا طيفور بي روااااقة كده تعال وريني هيثم الأمس كان بيعمل شنو وهيثم الأسة ما قادر يعملوا؟؟
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
هيثم كشجر الصندل كل ما اطرقته يعطي رائحه جميله
هيثم كل تمر عليه السنين يزداد تعتيق ولو قصر عمره داخل الملعب حتى ولو لعب خمسه دقائق
يعرف كيف يوظفها لمصلحة الفريق
كلامي دا ما مبني على العواطف او لي اي شي اخر
لان للان لم اجد لاعب يلعب بنفس فكر هيثم التسعيانات زي مابقول اخونا عمر الفاروق
هيثم مصطفى مظلوم يامعاويه
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: وليد عبد اللطيف)
|
| Quote: هيثم مصطفى مظلوم يامعاويه |
ليس لدي أدني شك في ذلك يا وليد...
وتبرير البرير يؤكد ذلك:
هيثم تعدي لفظيا علي العقيد
والعقيد قدم استقالته واراد
ان يفتح بلاغ في هيثم...لذلك
جمدنا نشاط هيثم...حتي يسحب
العقيد إستقالته....وهو وشأنه
بشأن البلاغ...
هسي دا بلاي تبرير رئيس نادي تربية بدنية...
ومركب ليه مكنة (أخلاق الهلال...ومبادي الهلال)
هل مباديء وأخلاق الهلال هذي مكتوبة في صحايف
تتلي علي الناس؟؟
ولماذا هبطت هذه المباديء فجاة...لشطب او تجميد
نشاط لاعب...أعطي الهلال جل سني عمره وعرقه.
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: nazar hussien)
|
الامر ليس فى من الظالم ومن المظلوم وقبل هذا السؤال هل نعتقد جميعا بان البرير جاء ليقصى هيثم لو افترضنا جدلا انه من مجموعة الارباب وينفذ بعض الاجندة الخاصة به و لو انى اشك فى ذلك لحب الارباب الكبير للهلال وانه ارفع من ان يتآمر ضد الهلال ..
البرير والمدرب اكثر الناس حرصا على وجود امثال هيثم من اصحاب الخبرة الكبيرة ليس حبا فى هيثم ولكن حبا فى الانتصارات وفى ثبات الفريق وان كان هيثم يؤدى هذا الدور فبلا شك انهم سيفعلون كل ما بوسعهم لأبقائه ..
هل تجمعت عوامل تدنى مستوى هيثم فى الفترة الاخيرة بالاضافة الى ملاسناته المستمرة وتصريحاته الغير مسئولة تجاه ادراة الهلال ومدربه ورفضه اللبع والتمر على التدريبات .. هل اصبح هيثم بحكم سنه عاجزا عن اداء الدور يطلبه منه المدرب حسب رؤيته الجديدة وهى من حق المدرب فى ان يلعب بالطريقة التى يختارها وبالتالى يختار لها من يحسن به الظن لتنفيذها على الوجه الاكمل ..
هيثم رمز من رموز الهلال ولكن عليه ان يكون كذلك وان يتحلى بالصبر فى معالجة مشكلاته المختلفة مع الادارة ومع المدرب .
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: ناجى أحمد البشير)
|
Quote: هيثم تعدي لفظيا علي العقيد
والعقيد قدم استقالته واراد
ان يفتح بلاغ في هيثم...لذلك
جمدنا نشاط هيثم...حتي يسحب
العقيد إستقالته....وهو وشأنه
بشأن البلاغ... |
والله ووالله انا ما مضايقني في الزوبعة دي كلللها غير البرير الطارح نفسو بتاع أخلاقيات ده !!!
البريييييير؟؟؟؟؟؟؟؟؟؟؟؟
وبيتكلم عن الألفاظ؟؟؟ والأخلاق؟؟؟؟؟؟
أها دي ما حاجة بتستفز عليكم الله؟؟؟؟
طيب كدي يا برير ورينا إنت إمتثلت لي تجميد نشاطك كرئيس نادي ؟؟؟؟
يعني بي نظريتك دي مفروض هيثم ما يمتثل لي تجميد نشاطه ويقول ليكم انا أحترم كباري وأتصرف مثلهم والبرير كبييري وعليه لن أمتثل لتجميد النشاط ..
ياخ سكككتو لينا البرير الجاهل ده عليييكم الله..
اللهم إني صائم ياخ
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: عمر الفاروق)
|
من يكسب الصراع البرنس أم الرئيس والمدرب !؟
يبدو أن أزمة قائد فريق "الهلال" السوداني البرنس "هيثم مصطفي" تتجه نجو منحني آخر فربما ألقت باللاعب خارج أسوار القلعة الزرقاء بعد قرابة العقدين من الزمان قضاها اللاعب بشعار النادي، أو ربما تسببت فى إقالة المدرب الفرنسي "غاززيتو " بل وقد تُطيح حتى بالرئيس "الأمين البرير"حتى وإن كان منتخبًا.
الأزمة الأخيرة
أخر الأزمات في مسلسل قائد الأزرق كانت قبل مباراة الفريق أمام نده اللدود ومواطنه "المريخ" في الجولة الثانية للبطولة الكونفدرالية أما بطلها فكان مدير العلاقات العامة بالنادي العقيد "حسن محمد صالح" وحسب شهود عيان فاللاعب تهكم لفظيًا بشكل جارح في حق "العميد أمام عدد من اعضاء مجلس الإدارة وبعض العاملين فى استاد "الهلال"، ولم ينتهي المشهد هنا فقام المدرب الفرنسي "غارزيتو" بطرده من الملعب ولم يتطور الأمر لفتنه لعدم تضامن عدد كبير من اللاعبين مع القائد "هيثم" فضلاً لغياب الجماهير التي تؤاز البرنس بشكل علني بل ويختزل بعضهم "الهلال" فى شخص "هيثم".
قرارات الرئيس والمجلس
تداولت عدد من المصادر الإعلامية أنباء تؤكد على
انه بعد الحادثة الأخيرة قرر رئيس النادي "الأمين البرير" إرسال خطاب رسمي لاتحاد الكرة السوداني بشطب اللاعب لكن منعه تدخل بعض اعضاء مجلس الإدارة والضغوط الكبير من الجماهير التي كان يمكن أن تطيح به من على كرسي رئاسة النادي ولولا ذلك لما تراجع الرئيس عن قراره.
ولكن ذلك لم يعني السلبية ففد طفح الكيل و قرار المجلس في بيان رسمي تجميد نشاط البرنس لحين مثوله أمام لجنة التحقيق وعدم السماح للاعب بمزاولة نشاطه مع الفريق حتى يمتثل القرار وترفع اللجنة توصياتها لمجلس الإدارة ليصدر قراره النهائي في هذا الصدد، وأكد رئيس النادي في تصريحاته لأحد الصحف المحلية بأن على اللاعب أن يختار ما بين تقديم الا‘عتذار العلني عما بدر منه أو مغادر النادي أو المثول أمام لجنة التحقيق لتوضيح موقفه وبعد ذلك تقرر اللجنة ما تراه مناسبًا.
وجاء نص بيان الإدارة حول "هيثم مصطفى" كما يلي:
"لقد ظل مجلس إدارة الهلال في حالة اجتماعات متواصلة طيلة الفترة الماضية، وذلك من أجل إعداد فريقكم للمنافسات المحلية والأفريقية ومناقشة كل التقارير الفنية والمشاكل من أجل حلها، ونحب أن نؤكد لجماهيرنا الوفية، إننا في مجلس الإدارة صبرنا كثيراً في الفترات السابقة من أجل بناء فريق قوي مستقر يدافع عن الهلال محلياً وخارجياً .. فريق قوي بأبنائه البررة الأوفياء ولكن للصبر حدود.. ونفذ صبرنا بعد أن تمادى كابتن الفريق في سلوكه المعادي ومعه بعض المتلفتين. ولكننا صبرنا من أجل إصلاح الحال ولكن للأسف الشديد تمادى كابتن الفريق في غيه خلال الفترات السابقة وظللنا نسكت على هذه الأشياء من أجل انصلاح الحال.. ولكن للأسف الشديد تمادى وكنا نصبر حيث أنه أساء السلوك مع أحد أعضاء المجلس في رحلة المغرب وتجاوزنا عن الموضوع.. وأيضاً تمادى مع أحد أعضاء اللجان وتلفظ معه بألفاظ غريبة ولكننا احتوينا الأمر من أجل مصلحة الهلال وسيره في مساره الصحيح وأيضاً تمادى في تجاوزاته مع المدرب جارزيتو وعدم اعترافه به كمدرب وعدم سفره مع الهلال في مبارياته الولائية باعتذارات غير مقنعة، وخلق العديد من الإعذار الواهية حتى لا يشارك في المباريات وجاء تصرفه الأخير في المران المهم لمباراة المريخ في بطولة الكونفدرالية وأساء التصرف والسلوك مع أحد أبناء الهلال ووجه إليه ألفاظ أقل ما يقال عنها أنها غير مقبولة لا يمكن نشرها ، بحضور أعضاء المجلس والمكتب التنفيذي وكان سلوكاً غريباً ودخيلاً على الهلال وخرج بدون استئذان من التمرين. ولأن للصبر حدود ولا نريد الآن الخوض في كافة التفاصيل وجاء قرارنا بالتجميد لنشاطه مع الفريق مع تكوين لجنة للتحقيق معه حتى يدافع عن نفسه وسنعمل بتوصيات هذه اللجنة بكل حيادية.ونؤكد لجماهيرنا الوفية أن الإعداد للمرحلة المقبلة يسير وفق ما هو مخطط له ونناشد هذه الجماهير بالوقوف خلف لاعبيها وعدم الالتفات لصغائر الأمور وسيبقى الهلال خالداً بقيمه وموروثاته التي توارثناها جيلاً عقب جيل".
الجماهير تدعم البرنس !
ببان الأدارة فجر غضب الجماهير فنظم عدد ليس بالقليل مسيرات احتجاجية أمام عدد من مقار الصحف الرياضية السودانيو مساء أمس الجمعة لتؤكد على رفضها قرار مجلس إدارة النادي بإيقاف القائد وخضوعه للتحقيق بعد ما بدر منه اتجاه العقيد "حسن محمد صالح"، وشددت هذه الجموع على أن "هيثم مصطفى" يُعتبر خط أحمر موجهين رسالة تحذير في بيان رسمي موجه لمجلس إدارة النادي من شطب البرنس من كشوفات النادي.
وجاء نص البيان الذي أصدرته روابط جماهير الهلال كما يلي :
" إلي جماهير الهلال الوفية نخاطبكم اليوم بعد أن بلغ السيل ألذبي وبات السكوت علي استهداف قائد الفرقة الزرقاء هيثم مصطفي ضربا من المستحيل ونحن الذين وجدنا أنفسنا في موضع العاشق للأزرق والعاشق لقيمة وجمالياته وأخلاقياته واضحي لا هم لنا سوى الدفاع والتمسك بموروثات الهلال التي أصبحت علي وشك الانهيار بسبب هذا المجلس الذي تم انتخابه للحفاظ علي الاستقرار وليس افتعال المشاكل وخلق مايزعزع المجتمع الهلالي في مرحلة تتطلب تضافر الجهود وليس الخوض في مستنقع المؤامرات في وقت نحلم فيه نحن كجماهير هلالية بتحقيق بطولة ترضي طموحاتنا والتي لم يعرها المجلس ادني اهتمام ولا اعتبار وفضل ممارسة هوايته المحببة في محاربة القائد الذي لا تخفي تضحياته إلا لمن أبي وحاول طمس الحقائق التي ظهرت عنوانا لكل ذو بصيرة وإدراك علي 17 عام من العطاء ولم يراعي المجلس أيضاً ولهوانه مكتسبات الوطن ولا مصلحته وهو يصدر هذا القرار في حق كابتن السودان الذي يدافع عن شعاره ويبدو أن هذا المجلس ورئيسه لا يعلمون أن الهلال علي مر تاريخه كان رائداً للحركة الوطنية وعنواناً للمواقف المساندة للوطن في شتي قضاياه وكان الأولي لهذا المجلس أن يحل مشاكله الداخلية ويبحث عن عودة أمينه العام ونائب الرئيس بدلاً عن ترصد احد الأفذاذ عبر التاريخ وبدلاً عن تصفية الحسابات.. نحن لسنا ضد مبدأ الحساب ولسنا ضد الحفاظ علي موروثات الهلال ولكننا ضد مثل هذا الاستهداف الباين بكل أشكاله ".
وعلق مجلس إدارة "الهلال" على هذه المسيرات والبيان بأنهم لن يتعاملوا مع هذه المجموعة كونها لا تحمل أي صفة رسمية للحديث باسم جماهير و روابط الأزرق وتعاملهم مقصور على الروابط الشرعية فقط المسجلة رسمياً في النادي.
هيثم يتحدث لكن !؟
من جانبه تحدث "هيثم مصطفي" مع ـكثر من جهة من المقربين منه اللإعلاميين وأقطاب النادي عما يحدث له فى النادي من إستهداف طيلة الفترة الماضية مستدلًا على ذلك بتصرفات "البرير" و"غارزيتو" معه فضلاً عن وجود بعض الشخصيات التي تتعامل مباشرة مع الرئيس من خارج المجلس تنقل له بعض الوشايات والأخبار المغلوطة عنه، وتساءل البرنس بغضب عن عدم تحرك كبار "الهلال" ووقوفهم بعيدًا عن النادي في موقع المتفرجين دون التدخل لإيقاف ما يتعرض له من استهداف والمشاكل الدائرة الآن بينه وبين الرئيس والمدرب ؟ واعتبر أن ذلك منهم بمثابة عدم تقدير لعطائه لسنوات وكأنهم يباركون ما يجرى.
بداية الحكاية
جدر الإشارة إلى أن الصراع بدأ بين المدرب واللاعب منذ بداية الموسم الحالي عندما قرر "غارزيتو" بأن "هيثم مصطفى" غير جاهز بدنيًا للمشاركة مع الفريق فيما اعتبره الكثيرون بما فيهم اللاعب نفسه أنه استهداف له وأن هناك مؤامرة على البرنس من دائرة الكرة، وزاد الأمور اشتعالًا أن "غارزيتو" تحدث إلى "هيثم" في أكثر من مناسبة ليوضح له بأنه صاحب القرار فى النادي فى إشارة من المدرب إلى انتهاء هيمنة القائد "هيثم" على الفريق وهو الأمر الذى كان معروفًا وظاهرًا للعيان.
النتائج تدعم الفرنسي
تحدث "هيثم" للإعلام مع تفجر الأزمة وأعلن بأنه سيعقد مؤتمرًا صحفًيا ليوضح فيه الحقائق ويكشف أسرار الاستهداف الذي يتعرض له من قبل المدرب الفرنسي وجهات آخري فى النادي بعد مباراة الجولة الأولى في الدوري السوداني الممتاز أمام المنافس التقليدي المريخ"، ولكن الظروف دومًا لم تساعده في ظل النتائج الإيجابية للفريق فالأزرق بقيادة "غارزيتو" يمضي بشكل جيد نحو العديد من الالقاب فهزم الأحمر في ديربي السودان وهو في حد ذاته بطولة خاصة كما أنه يتصدر المنافسة بفارق 6 نقاط عن "المريخ" إضافة لأن الأزرق وصل إلى مرحلة المجموعات فى بطولة الكونفدرالية الأفريقية معوضًا اخفاق الخروج من دوري الأبطال.
المنتخب أعاد هيثم
جاء اختيار مدرب المنتخب الوطني " محمد عبد الله ماذدا" للبرنس كضربة قوية لرئيس الأزرق "الأمين البرير" والمدرب الفرنسي كما أن تألق "هيثم" وقيادته لصقور الجديان للفوز على منتخب زامبيا بطل القارة السمراء 2012 فى منافسات الجولة الأولى لتصفيات أفريقيا المؤهلة إلى كأس العالم شكل وسيلة ضغط كبيرة على النادي، فالبرنس الذى خرج محمولا على الاعناق بعد مباراة المنتخب التي لُعبت فى استاد "الهلال" من أعداد كبيرة من الجماهير أكدت بأن اللاعب أكبر من أن يستهدفه رئيس لا يحظي بالإجماع ومدرب أجنبي يمكن أن يغادر بعد أي هزيمة كما هو الحال فى الكرة السودانية وحتى العربية.
خطأ كبير من القائد
يمكن القول بأن الدعم الجماهيري اللامحدود قد أصاب القائد بالغرور أكبر دليل على ذلك عندما قرر الفرنسي تبديل اللاعب فى الشوط الثاني لمباراة "الهلال" أمام "الأهلي شندي" فى بطولة الدوري الممتاز ولحظة التبديل وقف المدرب يُصفق للاعب لحظة خروجه إلا أن "هيثم" فاجأ الجميع ورفض مصافحة المدرب الذي كان يمشي في اتجاخخ لتحيته على المستوى الذي قدّمه وتجاهله وذهب مباشرة إلى غرف الملابس وغادر بعد ذلك الاستاد بدو إذن.
ولكن بمباركة بعض اصدقاء اللاعب اعتذر هيثم لمدربه حتى لا يتم استهدافه بشكل أكبر في موقف لن يكون من السهل تبريره، وواصل بالفعل البرنس تدريباته مع النادي حتى الحادثة الاخيرة والتي ربما تكون كما يقول المثل بمثابة "القشة التي قصمت ظهر البعير".
من يكسب ؟
يُراهن "البرير" على نتائج الفريق المميزة هذا الموسم فالفريق حتى الآن سجله نظيف من الهزائم ومن ثم ففكرة شطب اللاعب قد يكون الآن الأجواء مناسبة لتحقيقها، ويأمل في أن تكون الجماهير هي السند الأول له وتقنع بأن "الهلال" أفضل بدون "هيثم" وقد يُسهل مهمته الألة الإعلامية التي تدعمه على طول الخط.
ولكن على الجانب الآخر القائد "هيثم مصطفى" يُراهن على تاريخه الكبير مع الفريق واختيار مدرب المنتخب "ماذدا" له دومًا، بالإضافة للمساندة الجماهيرية له والتي تُعتبر أكبر داعم لموقفه بشكل قوي بل ويعتبر البعض منهم أن "هيثم" بهذه الجماهير فوق "الهلال" نفسه ولديهم يقين بأن شعبية اللاعب الجارفة ستكون هي فى الفيصل فى هذا الصراع.
قول
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Maawya Hussein)
|
Quote: معاوية كل عام وأنت بخير وربنايحقق الأماني وأولها فوز الهلال بالكنفدرالية وهو أهل لها
|
وانت بخير يا اسامة وربنا يحقق الاماني ان شاء الله
بي المناسبه صلاح ادريس جزء اصيل في مشكلة هيثم ومستخدم الخلاف دا كورقة ضغط علي البرير وساعي انو القضية دي ما تنتهي الا والبرير خارج اسوار الهلال ..
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Maawya Hussein)
|
| Quote: معاوية وعمر سلامات، |
وعليكم السلام ياياسر
علي حسب تسارع الاحداث فدا تقريبا حايكون اخر موسم لهيثم في الهلال ..الناس بعد دا تعصر علي نفسها وتبدا تهيء نفسها لي هلال بدون هيثم ..وان شاء الله حواء الهلال ولودة
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Maawya Hussein)
|
على ذمة قوون : البرنـس يعلـن اعتزالـه الكـرة عقـب لقـاء اثيوبيـا
ذكرت صحيفة قوون، ان قائد المنتخب ونادي الهلال البرنس هيثم مصطفى، سوف يعقد مؤتمرا صحفياً عقب الفراغ من مباراة منتخبنا الوطني الاول امام نظيره الاثيوبي في التصفيات المؤهله لنهائيات الامم الافريقية التي سوف تستضيفها جنوب افريقيا مطلع العام المقبل.
...
وقال نفس المصدر، ان القائد هيثم مصطفى سوف يوضح المؤمرات التي ظل يتعرض له منذ يناير الماضي وحتى سبتمبر الحالي ومشكلاته مع دائرة الكرة والمدير الفني الفرنسي غارزيتو ومجلس الادارة.
وذكرت صحيفة قوون، ان البرنس هيثم مصطفى سوف يعلن اعتزاله الكرة في ظل هذه الظروف على الرغم من مقدرته على العطاء لعدة سنوات.
| |
|
|
|
|
|
|
|
|
 Re: هيثم مصطفي ظالم ام مظلوم ؟ (Re: Maawya Hussein)
|
السلام عليكم يا شباب ..
والسلام لصاحب البوست معاوية حسين والمتداخلين ..
نسبة لابتعادي عن البورد لفترة طويلة جدا .. وعدم المتابعة للبوستات .. طرحت بوست يتعلق بالمشكلة الراهنة بين هيثم والمجلس الحالي للهلال بقيادة البرير ..
ارجو يا معاوية والجميع قبول عزري عن البوست فهو ان كان يناقش نفس القضية لكن انا ضد تشتيت الجهود في اكتر من بوست
اعذرني يا معاوية لعدم معرفتي بالبوست واللا لما كان افترعت بوست جديد .. لكن يقيني ان المشكلة وعمقها تحتاج للمناقشة من عدة جهات ووجهات نظر مختلفة كما تكتب الصحافة الرياضية الان يجب ان نكتب ونكتب
هذا بمثابة اعتذار عن عدم معرفتي ومتابعتي للحاصل بداخل البورد ..
وح اظل متابع معاكم وجهات النظر المتعددة في البوست القيم ده .. وبي نفس الطريقة ح اظل متابع في البوست الاخر وجهات النظر الاخرى واتمنى ان نصل الى الهدف المنشود مع سرعة تواتر الاحداث في النادي وحول اللاعب .
تحياتي يا شباب
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: tmbis)
|
باشمهندس معاوية شكرا ليك ولي ضيوفك
لاعب بامكانيات ومهارات هيثم صعب تعويضو ومن الصعب جدا بروز مثله في الهلال قريبا ، وهو لاعب مهاري من عينة حازم امام في مصر وطارق التايب في ليبيا ومحمد نور في السعودية .
نجي لي سؤالك .. اعتقد اللي خلي هيثم يتخطي في دائرة الضوء غيرتو والحماس الزايدة عن اللزوم لـ الشعار ويمكن يكون اخطاء بس للبرير مآرب اخري ولقاها فرصة فبالتالي البرنس مظلوم مظلوم مظلوم
| |
|
|
|
|
|
|
|
|
|
Re: هيثم مصطفي ظالم ام مظلوم ؟ (Re: Maawya Hussein)
|
اعتقد ان صلاحية هيثم كلاعب قد انتهت
اين خالد مسعد ؟
اين ماجد علد الله
اين مصطفى النقر
اين حامد بريمة
اين علي جعفر
هؤلاء كلهم كانوا نجوما في عالم المستديرة ولكن لكل اجل كتاب
هيثم مصطفى ترجل اليوم قبل الغد حتى تكون ضمن سجل الافذاذ في عالم المجنونة
ترجل يا رجل
الزمن ليس في صالحك
شكرا صاحب البوست
| |
|
|
|
|
|
|
| |
Maawya Hussein
عمر الفاروق
عبد العظيم احمد
abas
سفيان بشير نابرى
abuguta
الرفاعي عبدالعاطي حجر
احمد محمد بشير
Mohamed Doudi
Yassir Tayfour
أسامة البلال
وليد عبد اللطيف
nazar hussien
ناجى أحمد البشير
tmbis
فيس بوك
تويتر
انستقرام
يوتيوب
بنتيريست