|
|
 إستهداف لنص محدد بمشاعر عموم الكلام...(مسرحية من تاليفي)
|
| Quote: صاروا يطيرون فرحاً فيه بمقدم غيمة، مجرد غيمة |
(نداء يخرج من طرف المسرح..بهيم وكانه لرجل في فجوه)
إيييه ياتاج السر تاج المدينة، القصة كبرت..كبرت ..كبرت..الكلام ماعاد في الجدوى..والبلد بقت تفرح بي شوفة غيمة ساي..
كلفتونا..كلفتونا..كلفتوك..
يظهر صاحب الصوت يحمل دناًً به برطمان وعقرب حي...ولمبة جاز والمسرح خلفت الضوء..
يرفع صوته بجهر غير مزعج ..معطيا ضهره للجمهور..
البلد عجين، تخين..
قرجاح في سماهو فر..
عليك هموم ترزح ..
الدرق شال غيمة فر..
غاب التلت وجا اب زعانف
خلينا في البرقد..
نشرب هواء الغرف..
السحلب ترك اتر المدينة ورا..
شن جاب لجاب ..درب الغبش ترياق..
خلينا في المطرة عنفا بلا هوريب..
هوريب ياهوريب ..منك طال الشوف..
شرق البلاد انفرا..
غرب البلاد ماضرا..
نيافة الابطر..بارودة بتذخر..
بضرب في البحر..هولب هولب هولب
ترك الكمنجات زاغ..
عشرين ولد غابو..
جرس البحر ماغاب..
امية كن جاتو..
كهربة الغلا الفنجاط..
سحلي سحلية..
خليني ارقد صوف..
خلينا في الماروق..
ترك المريق ممحوق..
سلبنا ليهو قوافل..غير تشتاش بلاد ما لقينا..
ذكرانا في الشوك..بين القضارف والرماش..
حريف الليل ماجن..
خليتك في الابواب..تكتح كبابي الشاي..
تمشى على المهلة..تقدل علاماتن..
تشرب من القيفان شراب حميم اليف..
تشوف عيون زرقاء وشالا ابيض خفيف..
هميم كبير الوش..
عيونا انجبرت..
دقنو حترب حترب..على المديدة سديد..
شن قالك القعو..
ربيع سمسار ظريف..
ظريف خفيف حباك..جعلتو ديم حلال..
خدام على ريح جان طفر غرق سربات الحلة..
مالك كيف تعزف على نفس النسق..وقد ملكت فؤادي..
ضروك كلاب القيامة..
ضروك ولاد الحرام..
اكلوك ولامن وجع..
كن جرت المسالب..
كن خمرت المريسة..كنا شوفنا يوم..كنا شفنا يوم..
(يسدل الستار)
دكين...
الاهداء الى الاصحاب يوسف محي الدين في نواحي العين..مروان العبادي في نواحي الحارة السابعة..الكناني في نواحي ولاية تنسي...
--------------------------
كتالوج:
(يُقرا النص اعلاه اكتر من خمسة ستة مرات ورا بعض ..وصدقوني ما كلام فارغ وكلامي ده مابقع البحر)
|
|
  
|
|
|
|
|
|
|
|
Re: إستهداف لنص محدد بمشاعر عموم الكلام...(مسرحية من تاليفي) (Re: كمال سالم)
|
العزيز كمال سالم..
لايجب الاستهتار بالنص اعلاه ..
ولايجب النزول بمستوى اي حوار حول مقاصد المسرحية اعلاه..
للنص دلالات عميقة جدا ..ثرية جدا..ذاخرة جدا..يمكن الالتفاف حول العبارات باكثر من زاوية لرؤية المقاصد..
واكرر مرة اخرى..
اقرا النص اكت رمن مرة لتكتشف سره الباتع الكامن في تكرار المفردات وبحر الشعر..
عميق مودتي كثــــــــــــــــــــــــــــــــــــــيراً من تضخم الذات
مع هذا النزق لامعنى للتراجع نحو الحياة ففي البرزخ متسع للأمل ومتسع للحفاة
ألبسوهم تيجاناً وامنحوهم بعض الثناء ليعودو حافلين بإحتراف الموت .
المتعبون وحدهم يعرفون الاستجمام وحمى النساء وحب الحشود والالتصاق والغزل.
المتعبون وحدهم يعرفون حتفهم.
وحدهم يحترفون الغرق يصدحون بالشهوة في حِجر الأمهات إذ لا يرجون إلا الله .
اسقط في يـــــــــــــــــــــــــــــدي...
جاءونا بالعنف المتبقي من غريزة الغابة
جئناهم بما تبقي من غريزة الحضر
أعْطَوَّنا بعض الألقاب
أعطيناهم كل الشرعية والاستسلام
وشكري وامتنان بلا حدود للمرور..وكل سنة وانتا طيب..
| |
|
|
|
|
|
|
|
|
|
Re: إستهداف لنص محدد بمشاعر عموم الكلام...(مسرحية من تاليفي) (Re: DKEEN)
|
غربال المشاهد تم..
شبال عبيرها هزم..
غرب المشاعر دوكة في قدال حماك باروكة..
سمح الراس هجم لي بوكا..
قال لاقول عديل هنبوكا..
ختا الصرمة تم وابوكا..
شررررر..
خاتمة المجد تبراكا
انتا القول عديل خلاكا
زمني الفتو فوت فاتاكا..
لي الصبر منجور تقول معاركا..
شررررر..
همبول في اللم تمساح..
خشابو هيم كتل الجناح..
ضربو الهم عديل شيل الصبر نتاح..
جر الرصاص جبخانةقال لي تاح..
شررررر....
شديد اللمة خد بال الخرف
انجم شيل الصبر قولو ملمة
هبش في الحريم قبل تنجما
عاين في اليمين واقرص بنات العمة
ماتكيل في الرماد ..خم الخراب بي همة
اركز للتجيك عاين قبل تنخما...
هييييييييع...
------------
على الحرام
ما اخدت معاي دقيقتين
| |
|
|
|
|
|
|
|
|
|
Re: إستهداف لنص محدد مشاعر عموم الكلام...(مسرحية من تاليفي) (Re: محمد على طه الملك)
|
مشكورة حوبتك ياقريبي..
النص الذي اعجبك واقتبسه جادت به قريحة مروان العبادي قبل عشرة أعوام ونيف..لك وله التحيات ...
النيل عوج راس المحلة قد الحلة بي جوز موية غرق حلة.
فكفكناها أبت تنحلا، شلنا شوالنا بي فد ردمة طرف البحر انسلا..
قام الكبري كورك في الخلوق:يا أمة كيف نبني البيوت وسط الدميرة الجنة..
عم الشر في البر والبحر ياذمة وينك وين رقاب الذمة..
خمشوها الدبابين،،،رحالة ماغايبين..فاتو على الجنان..
صلوا صلاة الغايب على صمد السودان..
| |
|
|
|
|
|
|
|
|
 Re: إستهداف لنص محدد مشاعر عموم الكلام...(مسرحية من تاليفي) (Re: DKEEN)
|
ابدا بيك...
يا خطوه في الرحله المعاك...
جوه الزمن..
نفس الطريق...نفس المحطات
والمطارات...والمدن...
ماشي فيك...
جواي هتاف...لافتات معلقه..بالكلام
مكتوب عليها..وطن...وطن...
وطن ..وطن..وطن..وطن
شايف..الشوارع...بنزفن...
نيلين...بعد عمر التلاقي اتقسمن...
خايف عليهن يرجعن..
لي الخضرة من احضان جروفن
يجمعن..
خايف عليهن يرجعن...
زمن السكوت..حيشان..وحيطان..
من سراميك..يلمعن...
في الضل..وجنب الباب...وتحت الحيطه..
اطفال ..باقي زول..حتي الطيور..سابن فروعك
وهاجرن...
صبرن جميل...يا الله يا رافع السما...
وفارش الارض...يا مافي غيرك...
يرفع البلا...والمحن...
ابدا.. بيك...
هاك الهتاف...
ادينا من عندك...وطن...
ادينا من عندك...وطن...
==================
08/23/2012
========================================
| |
|
|
|
|
|
|
|
|
|
Re: إستهداف لنص محدد مشاعر عموم الكلام...(مسرحية من تاليفي) (Re: عبد اللطيف بكري أحمد)
|
اب عاج اخوي
كل سنة وإنتا طيب...
الفوضى التي عمت لايمكن احتمالها وأي زول بكتب كلام طبيعي في هذا الوسط يمكن اعتبارو غير طبيعي....
انتخماروا سوق شنتافي ..
ساق القوافل عدم المراكيب طرف الصلاة ..
حامدوك وسوط العمدة قربت المسافات وكثيرا...
بيدق في تلودي انخما..
كيف الملام يابشكير خفيف انخما...
شبال في الديوم عضم الخلا وخمام..
شافنا وشاف الخلوق هندام...
دل دل دل دل..
###### طرف الحلة قام اندل..
اللاسلكي. اللاسلكي يارب العباد وصل..
خلي السلكي يمسك فس الغسيل ينحل ...
مالك والوطن الليلة وين الحل...
(دقيقة ونص)
| |
|
|
|
|
|
|
| |
كمال سالم
محمد على طه الملك
salah ismail
فيس بوك
تويتر
انستقرام
يوتيوب
بنتيريست