|
|
|
 Re: على هامش القمة (Re: د.محمد حسن)
|
في الجناح الخاص
- كرتي تفتكر الزول ده حيدينا
- والله يا سعادتك شكلو زعلان مننا
- ياح زعلان في شنو؟ نحن كويسين معاه
- بصراحة يا سعادتك نحن ما كويسين معاه
- كيف الكلام ده ؟
- نحن زمان وقفنا مع صدام انت نسيت الرائد يونس
- ايوة بس ده كان ايام الشيخ ونحن ما لينا دخل
- طيب نحن هسة ما لابدين مع نجادي
- لكن انت عارف نجادي وحزب الله وبشار ديل بتاعين الاسلام
- يا سعادتك اسلام بتاع شنو نحن طوالي لعبنا اشتر
-طيب دبرني
- لو عايز دبرتي اعمل زغبير من نجادي
- بس كدة ناس الدوحة بزعلو
- ما يزعلو ...... هم لحد الان ما ادونا ريال
- والله كلامك صاح .. هسة والله مع الزنقة دي قربنا نركب التونسية
- قالوا شذاذ الافاق حيقوموا بعد العيد
- يعني شنو؟
- يعني حاول مع الجماعة ديل قبل العيد ده يضخوا ليك
| |
 
|
|
|
|
|
|
|
|
Re: على هامش القمة (Re: د.محمد حسن)
|
- الو مصطفى ازيك
- اهلين سعادتك . بركة الاتذكرتنا
- ياخ انا ما نسيتك
- انت حلقت لي
- انا عايزك في استشارة .. القصة دي جاطت شديد وانا ما عارف اعمل شنو؟
- انت رجعت ؟
- انا لسة في مكة
- دعيتي
- والله ىدعيت جنس دعا .. بس بايظة .. والجماعة ديل عملوا رايحين مني
- شوف انا بديك راي بس ترجعني
- برجعك ونص
- بيع الكيزان واقلبها
-- يازول؟!!
| |
|
|
|
|
|
|
|
|
|
Re: على هامش القمة (Re: د.محمد حسن)
|
- يا مستشار خليني من الانقلاب لانو ده بجيب هوا .. انا عايز دقة سريعة
- شوف انت خش على طويل العمر بالسيول والامطار .. حاجات زي دي بدو فيها
- ياخ دي مكنة ما بتقسم معاه ولو قسمت حيديني خيم وبطاطين وحليب المراعي .. نحن عايزين دولاااااااااااااااااااااااااار
- انت قول ليه اديني الريالات وانا بشتري الخيم والبطاطين
- تفتكر برضى
- انت جرب .. وبعدين اعمل ليك شوية دراما
- كيف يعني دراما .. يعني اجيب ناس ربيع طه؟
- ربيع طه شنو والله تجيب ربيع طه كان طارت عليك يقبضوها .. جرب ناس طاش
- وديل الم فيهم وين صلاح غريبة ودق نهائي
- جرب الشفيع وراق والا ود الباوقة
- عليك الله يا مصطفى ما تملاني فقر
- ياخ انا قصدي خش عليه واعمل انك زعلان من بشار ونجادي لانهم بذبحو في السنة
- ياخ كدة بشار بزعل
- ياخ ما يزعل هو اصلو قطرو صفر بعدي زي ما قال غبوش العب بوليتيكا
- ياخ تبول في سريرك ايران لو زعلت اجيب سلاح من وين
- انت لو قرطت مع زولك ده مشاكلك كلها بتتحل وما بتكون عايز سلاح
- انا حامشي ليه للمرة الاخيرة .. لكن والله يقول لي ياخ اقعد معانا في جدة الا ...
| |
|
|
|
|
|
|
| |
د.محمد حسن
فيس بوك
تويتر
انستقرام
يوتيوب
بنتيريست