|
|
|
 Re: عندما ترفض السفارة الامريكية منحك التاشيرة!!! (Re: احمد خليل)
|
You can try again after sometime ...On the interview they will explain the reason why they rejected your application ..If you are able to correct your fault you may try again ..but take my advise .If you want to get a visa apply from Khartoum ..You will not believe but it much easier there
Good Luck
| |
 
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: احمد خليل)
|
You can try again after sometime ...On the interview they will explain the reason why they rejected your application ..If you are able to correct your fault you may try again ..but take my advise .If you want to get a visa apply from Khartoum ..You will not believe but it much easier there
Good Luck
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: احمد خليل)
|
أخونا أحمد سلام ...
أنا ما خبير تماما بالمسالة لكن العارفو إنو الزول البعمل معاك المقابلة للتاشيرة من حقو يديك ولا يرفض ليك و ما ممكن تتظلم منو و لا تشتكيهو لانو المسالة في الأخر بتخضع لتقدير شخصي .... لكن ممكن تقدم تاني و تجيب حيثيات تقنعو ( كان هو كان غيرو ) إنك ماشي و راجع ما ح تكسر ركبة لمن تجي أمريكا و دي مشكلة التاشيرة الوحيدة انك تقنع الزول القدامك ده انك ماشي و راجع ...
| |
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: أمين محمد سليمان)
|
| Quote: لكن ممكن تقدم تاني و تجيب حيثيات تقنعو ( كان هو كان غيرو ) إنك ماشي و راجع ما ح تكسر ركبة لمن تجي أمريكا و دي مشكلة التاشيرة الوحيدة انك تقنع الزول القدامك ده انك ماشي و راجع ... |
اهم شيء انك تقنعوا بانك راجع من امريكا. و الاقناع ما حنك ساى.
خلى صحبك يجيب خطاب من الجهة الشغال فيها. و يكون كويس لو كان الخطاب بيقول ان فلان ده ح نديه اجازة من يوم كدا....ليوم كدا. و تكون الايام مناسبة لمواعيد اخده التاشيرة و سفره لامريكا. طبعا ده لو صحبك جاى زيارة. لو جاى دراسة فدى (بالجد) على مزاج القنصل. و عموما ما بيحبوا يدوا زول يقول عاوز يمشي امريكا يقرا انجليزى بس.
بيحبوا الجوازات المليانة تاشيرات من دول اخرى...و ده بيدل على ان الزول ده بيسافر و بيرجع السودان تانى
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: Kostawi)
|
قصة الرفض مابس عند السفارة الامريكية فكل القنصليات الاوروبية بترفض تدي التاشيرة حتى لو جبت خطاب من العمل وكشف حساب ورصيد في البنك وتامين طبي يغطي دول السفر وحجز فنادق وتذاكر ذهاب وإياب وبعد ياخدوا رسوم التاشيرة يردوا عليك بالرفض مصحوب بخطاب اعتذار فيهو انهم مامطمنين بانك حاترجع ..ماعارف الواحد يعمل شنو عشان يطمنوا ؟ وليه بياخدوا رسوم التاشيرة مادام الرد هو الرفض ؟..بقو حرامية زي الكيزان ..
والله الواحد لو مشى مفروض مايرجع كيه ليهم ...
تحياتي ،،
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: Salah Abdulla)
|
Quote: قصة الرفض مابس عند السفارة الامريكية فكل القنصليات الاوروبية بترفض تدي التاشيرة حتى لو جبت خطاب من العمل وكشف حساب ورصيد في البنك وتامين طبي يغطي دول السفر وحجز فنادق وتذاكر ذهاب وإياب وبعد ياخدوا رسوم التاشيرة يردوا عليك بالرفض مصحوب بخطاب اعتذار فيهو انهم مامطمنين بانك حاترجع ..ماعارف الواحد يعمل شنو عشان يطمنوا ؟ وليه بياخدوا رسوم التاشيرة مادام الرد هو الرفض ؟..بقو حرامية زي الكيزان ..
|
قبل سنتين تقريبا مشيت السفارة الامريكية وعملته فيزا كنت ماشه مؤتمر يومين وراجعه... الراجل بتاع الفيزا بعد ما سلّمته عليه ولقيته شاب صغير، قمته كسرته حاجز المقابلة بي اني قلت ليه "انت بالله الحتقرر اني حأمشي ولا لأ"... اخونا بعداك قعد يضحك، وسألني ماشه عشان شنو، انا جاوبته وانا متأكده انه ولا سمعني لأنه كان بعمل في الكومبيوتر انه خلاص ادوها الفيزا، في ظرف تلاته يوم جا جوازي لاحقني بالبريد مختوم...
اها قمت قدمته بعدها بكم شهر لناس بريطانيا، وكنت سايقه معاي ولدي محمود... وكان عندي مؤتمر برضه، والسفرية برعاية جامعتي في بريطانيا وعندي خطاب منها... وولدي صغير اتجرس لما سافرته براي امريكا قمت قلت اسوقه معاي المرّه دي... قووووموا يا الانجليز ارفضوا... وطبعا بلعوا قروشي... قمممممته اول شي فتشته عن اي رقم/ايميل/فاكس اي شي حقهم وكتبته لي رسالة زي السم... رسلتها في السفارة في الرياض ونسخة لوزارة الخارجية ونسخة للجامعة، وقلت ليهم انكم انتو ما عندكم احترام لمؤسساتكم زاتها، وانا داعياني جامعة بريطانية وانتو ناس عنصريين وانتو حراميه (طبعا التذكرة راحت في غضب الله والمؤتمر راح)... وقلت ليهم انه اصلا طريقتكم غلط والامريكان احسن منكم، وبسهولة ادوني فيزا... المهم اني اتفشيت وشاكلتهم، بعد يومين جاني اتصال قالوا لي رسلي الجواز بتاعك... وادوني الفيزا  .. اها يا اخونا احمد خليل، زي ما نادر بقى بنصح اي زول يترفض ليهو فيزا، قول لصاحبك ده رسل ليهم رسالة وشاكلهم فيها...
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: الزبير صالح الزبير)
|
الخواجات برضو بشتغلوا بالمظهر, خاصة الامريكان!
تمشي مهندم و تظهر انك واثق في نفسك و تكون لطيف مع الموظف- كما اشارت اخت اعلاه- و تكون مرتب, غالبا ما يعطوك الفيزا.
هم عايزين يعرفوا ان وضعك في بلدك المسافر منه, مثلا السودان, جيد بحيث انك سترجع و لن تمكث في امريكا او بريطانيا اوغيره فحاول اديهم الانطباع دا!
البس هدوم جديدة- الامريكان الواحد لو ماشي معاينة بمشي يشتري هدوم جديدة مخصوص عشان المعاينة حتى لو يرجعها للدكان بعد المعاينة- واحلق حلاقة وجيهة و محترمة و تحدث بثقة. و يستحسن لو عملت ليك معاينة مع احد اصدقائك بالاسئلة المتوقعة, طبعا لن تستطيع معرفة الاسئلة, لكن بس انك عملت بروفة حا تخليك واثق في اجاباتك اثناء المعاينة.
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: smart_ana2001)
|
سلام يا جماعة و كل سنة و انتو طيبين
اواخر سنة ٢٠٠٧ مشيت السفارة الامريكية في استوكهولم عشان اقدم لفيزا لمؤتمر في نيوجيرزي
بتزكر اول حاجة عملتها قبل يوم الانترفيو و بعد ما جهزت كل الاوراق المطلوبة مشيت عملت معاينة ميدانية (reconnaissance) لموقع السفارة (عشان الخلعة و كدة)
لقيت نفس السيناريو بتاع موقع السفارة القديم في الخرطوم لما كانت في شارع على عبد اللطيف هناك برضو قافلين الشارع
المهم عاينت الوضع و رجعت البيت و يوم الانترفيو وصلت في مواعيدي و بعد اجراءات التفتيش من البوابة دخلوني صالة الانتظار
اول حاجة بتسلم المستندات كلها و تدفع القروش و بعد داك تنتظر دورك لحدي ما ينادوك و الغريبة الصالة كانت مليانة لكن معظم الناس ما كانو سويديين (شرق اوربيين و لاتينوز) السويديين او اي من يحمل الجواز السويدي عندهم برنامج خاص مع الامريكان Visa Waiver Program
طبعا شفت ناس كتار ادوهم رفض و انا قاعد راجي دوري و المهم اقل من نص ساعة كدة نادوني
وصلت الكاونتر موظف القنصلية بعد ما اتأكد من شخصيتي قال لي انت ماشي المؤتمر شكلك حتلاقي ناس كبار في المجال بتعاك
كان بيتكلم معاي و بيوقع في الفورمات بعد داك سألني من بروفيسور امريكي شغال في جامعتنا السويدية قمت قلت ليهو احنا القسم بتاعنا ما فيهو زول بالاسم دا
قام سأل الموظف الجمبو و بقوا الاتنين بتونسوا معاي عن صاحبهم البروف في النهاية اتضح انو تبع الجيولوجيا
كانو مفتكرنها حاجة واحدة مع قسم الجيوديسيا حقنا لحدي ما شرحت ليهم الفرق
بعد داك بكل ظرافة قال لي امشي كمل باقي قروش الفيزا (بتدفعها في حالة قبول الطلب)
و خلي الحاجات دي معاك لحدي ما نتصل بيك (من ضمنها الجواز بتاعي) ادوني ورقة فيها ايميل و ارشادات قالو رسل الC.V بتاعتك حسب الارشادات المكتوبة في الورقة دي
وGood luck with your conference
المستندات المكتملة بتساعد لكن الحكاية في الاول و الاخر بتعتمد على موظف القنصلية يعني لو ارتاح ليك بيديك الفيزا otherwise حيديك رفض و ما في زول بيسألو لانو عندهم عندهم في القانون فقرة بتقول
(all applicants for nonimmigrant visas are intending immigrant until they show that their overall circumstances would be adequate to compel their return home after visiting the U.S)
بالاضافة لورقي بتاع الجامعة من المسجل و المشرف و شهادة التفاصيل بالكورسات و الـ invitation letter و ايصال التسجيل من ناس المؤتمر
اتخيل لي اكتر حاجة خدمتني انو كان عندي شهادة اجازة من الشركة الكنت شغال فيها في السودان لانو كان موضح فيها اني عندي تفريغ للدراسة (مع انها كانت بدون مرتب و بعد داك بستة شهور شاتونا برة)
على حسب معلوماتي الزمان الرفض بتاع Business and Tourist B1/B2 Visas ما كان بيمنعك انك تقدم تاني في اي وقت و من اي مكان
عندي واحد صاحبي رفضوا ليهو في استوكهولم و ادوها ليهو في الخرطوم
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: الخير محمد عوض)
|
قدم ليهم وانت مستغني وبطنك طاااااامة من المشي لي بلدهم...
بس تأكد انك مليت الفورم سليم وارفقت الاوراق العايزنها
وفي المقابلة البلاقيك اهرشو؟؟؟ كان قال ليك التأشيرة بتاخد
اسبوع ....قول ليه لا لا يفتح الله اديني جوازي...
بعد المعاينة التأشيرة بتاخد اسبوع اصلك انت مؤشر لي
الي جنة عدن؟ لومني كان ما اداك ليها في يومين
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: nazar hussien)
|
ألأخ/أحمد خليل كل عام وأنت والمتداخلين مك بكل خير.
Quote: والله الواحد لو مشى مفروض مايرجع كيه ليهم ...
|
عند مقابلة القنصل بركز معاك فى الحتة دى زى ما تفضلوا ألأخوان وما بسألك سؤال مباشر كله بالأيحاء الناس ديل التقول قاريين علم نفس.
سافرت قبل فترة وكانت ألأسئلة بتتركز فى الحتة دى وإذا العائلة موجودة فى البلد ألأنت مسافر منه غير وطنك وما مسافرين معاك بساعد كثير فى ذلك.....عموماً ماطولوا معاى كثير لآن أوراقى كانت كلها جاهزة والحمدالله وأنا نفسى ماكنت مركز عليها شديد إلا لأكتساب معرفة دولة جديدة وترشيح ناس العمل لى..منها شفت ورلد ديزنى وشلالات نياجارا.وكانت مكسب أضاف لى الكثير من المعرفة عن أمريكا.
ولكن لو رفضوا التأشيرة لازم تراجعهم ثانى بعد فترة محددة وببلغوك بيها تقريباً.
تقديرى وإحترامى للجميع.
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: غباشي)
|
سلام احمد خليل وكل الخبراء الاجانب
الآن الفيزا اصبحت ميسره اكثر من اول بعد موضوع البصمه , موضوع البصمه دا لو رفضتو فى السفاره بقولو ليك اتخارج
زمان الناس كانوا لما ياخدو الفيزا , عادى فى الطياره بشرط الجواز او بعد ينزل يدخل الحمامات ويشرطو ويمشى مكتب الهجره
( يصرخ ) يصرخ دى كمصطلح معروف عند الشباب هنا ومأخوذ من قصيدة (صرخة لاجئ) وبعدها احتمال يدوهو الاقامه وارد
جاء موضوع البصمه دا صعب الشغلانيه على الناس يعنى لو جيت صرختا هنا اول حاجه بعملوها بياخدو بصمتك واكيد
حيلقوها مطابقه لبصمتك الفى السفاره الاخدتا منها الفيزا بودوك سجن المغادره وبسفروك بلدك ذى الترتيب.
هسى الناس لو الواحد اخد الفيزا وجا كسر ركبه هنا مافى زول بسألو يعنى مافى بوليس بلاقى زول فى الشارع بقول ليهو وضعك شنو فى البلد
الا تدخل فى مشكله , لكن المشكله الاكبر انك مابتقدر تشتغل , زمان الناس عادى بشتغلو وهم ماعندهم وضع فى البلد
هسى لو ما كان عندك اقامه او جواز بتاع البلد مافى زول بشغلك لانو بغرموهو عشره الف جنيه على كل راس شغال معاهو بدون وضع رسمى فى البلد
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: خضر الطيب)
|
سلام صلاح عبد الله ..
Quote: نصيحة محمد إبراهيم دي ما تقع واطة، شكلو القصة دي خابرها تمام..
يلا يا ناس الخرطوم، من بكرة نظموا صفوفكم قدام السفارة الأمريكية.. |
محمد ابراهيم كلامو صاح .. واحد من البورداب هنا بعد افتتاح السفارة توكل على الله وقدم طلبو عبر النيت وحدد مواعيد . في يوم المواعيد شال كل المستندات (لو الجواز بي مهنة رجل اعمال بتتسهل طوالي) ومشى السفارة وقابل المسئول معاهو مترجم صومالي أداهو المستندات وسألوهو سؤالين تلاتة ودفع 400 جنيه تقريبا وسلموهو التأشيرة بعد كم يوم ..
بس يا صلاح أنا أمريكا دي ما بدورا أنا ساكي تأشيرة دخول لي دوحتكم دي وما لاقيها .. معقولة ياخ ..!!
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: خضر الطيب)
|
تحياتى
اولا شكرى العميق للفزعة والمعلومات المدهشة لى شخصيا رغم خبرتى المباشرة فى العمل مع الامريكان زاتهم !!!
المدهش فى الموضوع الأتى:
صديقى يعمل فى وظيفة ممتازة وجوازه ملىء بالتاشيرات والاقامات الاوربية والاسيوية !!!
يحمل درجة الدكتوراة من احدى الجامعات الغربية!!!
ممكن يقدم ببساطة ضمانان مالية تصل المليون دولار براحة !!!ضمانات من شركة كبيره معروفة فى الخليج حيث يعمل
لديه دعوات كثيره من شركات ومنظمات لحضور مؤتمرات ومن المثير للدهشة دعوات من القسم التجارى للسفارة الامريكية نفسها لحضور معارض ومناسبات !!!
اين تكمن المعضلة اذا !!!
سبب الرفض (شبهة ) ارهابية
هكذا تقول الماده سبب الرفض (a) (3) )b)
212
كسرة:
لغات القشرة يانزار ( موجوده ) لكن انا افتكرت حبيبنا عندو مشكلة ولذلك كتبت ليهو بنفس اللغة !!!فى زول بيقشر بالانجليزى !!!ياود حلتنا !!!
الزول ماعندو اى علاقة بالارهاب من اى ناحية ,,,
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: احمد خليل)
|
| Quote: نجرب والله طريقتك دي ؟؟ |
هوووووي يا ودالقاضي تجرب شنو ، إنت قايل مريم دي كتبت رسالتها بالعربي واللا شنو ..
تعال اقيف معانا بي جاي بس
قال نجرب قال ، وكمان بي حليفتها..
| Quote: بس يا صلاح أنا أمريكا دي ما بدورا أنا ساكي تأشيرة دخول لي دوحتكم دي وما لاقيها .. معقولة ياخ ..!! |
بالله يا ناذر ده كلام ده!!
ياخ يقولوا ليك بيتزا ، بيتزاااااا، تقول قُراصّة !!
---
فايز ولدنا ، رمضان كريم ياخ..
| |
|
|
|
|
|
|
|
|
 Re: عندما ترفض السفارة الامريكية منحك التاشيرة!!! (Re: Salah Abdulla)
|
Quote: هوووووي يا ودالقاضي تجرب شنو ، إنت قايل مريم دي كتبت رسالتها بالعربي واللا شنو ..
تعال اقيف معانا بي جاي بس
قال نجرب قال ، وكمان بي حليفتها.. |
دي عيبى قعدت في الواطة معاكم في القسم العربي ..
ياصلاح والله العظيم وانا صايم انا بسمع اللغة الانجليزية والفرنسية والايطاليا بجانب العربي والبيجاوية ..
لكن قاعد معاكم هنا تواضع طمعاً في رفعة الله فمن تواضع الله رفعه ...
بعدين انجليزي الشتم ده ساهل لو ماعندنا انجليزي بنجيب من القنوات العربية ناس (عليك اللعنة ) ديك وبالخط العريض في راس الخطاب وتووووف..
ياصلاح كل سنة وانت طيب ورمضان كريم ..
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: فايزودالقاضي)
|
| Quote: ياصلاح والله العظيم وانا صايم انا بسمع اللغة الانجليزية والفرنسية والايطاليا بجانب العربي والبيجاوية .. |
الاخو سلامات ورمضان كريم
الا الاخو قلت لى نظرك 6/6 اقصد سمعك 6/6 يا ربي سماعتك دي نوع فريد فيها المترجم الاممى...انشاء الله بتفهم برضو ما يكون سمعا ساى
-------------------------------------------------
تخريمة: الواحد قاصد يقصر الزمن ساى يا ود القاضى
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: مريم بنت الحسين)
|
| Quote: وقلت ليهم انكم انتو ما عندكم احترام لمؤسساتكم زاتها، وانا داعياني جامعة بريطانية وانتو ناس عنصريين وانتو حراميه (طبعا التذكرة راحت في غضب الله والمؤتمر راح)... وقلت ليهم انه اصلا طريقتكم غلط والامريكان احسن منكم |
| Quote: البريطانيين حرامية! وعلى العليهم مديين الشغل لشركة تسلميها ورقك وجوازك وبس! ما عندك اي تواصل مباشر مع السفارة. اوطبعا ما بعملوا انترفيو، تاني شي ممكن تقدمي لفيزا multiple entry لمدة خمسة سنين وتدفعي قروشها، يقوموا يدوك multiple entry لمدة ستة شهور وياكلوا الفرق، او ما يدوك خالص... ولو عايزه تعترضي ساي يطنشوك! |
يا بنت الحسين سلامات ورمضان كريم.. يا اختاه نسيتى انك تعلمت عندنا...وبعد ده كلوا... اكيد الجامعة دعتك من غير ولدك لانها ليس لها مصلحة فى حضور ولدك.. اذا كان معك حد يرعاه اثناء المؤتمر لكنت اخذتي الفيزا من البداية والله اعلم..
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: Elfatih Abuelhia)
|
سلام للجميع
| Quote: غايته احترمته نظام الأمريكان، البريطانيين حرامية! |
حرام والله عليك يا مريم البريطانيين ديل اكتر ناس بتاعين حق......الامريكان ديل بارانويد ساى و بعرف لى ناس كميه رفضو ليهم وورقم تامى!
| Quote: ، تاني شي ممكن تقدمي لفيزا multiple entry لمدة خمسة سنين وتدفعي قروشها، يقوموا يدوك multiple entry لمدة ستة شهور وياكلوا الفرق، او ما يدوك خالص... ولو عايزه تعترضي ساي يطنشوك! |
ايه رايك العكس بحصل كتير.......بعرف لى كم نفر قدّمو لى 6 شهور و دفعو حق ال 6 شهور بس و ادّوهم خمسه سنين و بعضهم عشرة سنين
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: smart_ana2001)
|
ممثل التاج البريطاني وصل ... ... اهلا يا امين...
انا البريطانيين كانوا اصحابي، ياخ انا عشت اول سنين حياتي في مانشستر ولزمن قريب عامله فيها البت بتضطهد الامريكان عشان بقايا مجرمين والكلام ده كلّه... لكن كلامي الجديد ده كلام تجربة... زميلتي قدمت ليهم تأشيرة خمسة سنين ودفعت، ادوها ستة شهور، ولا كلمة اعتذار او تبرير ما وصلتها، ولا حتى الباقي ما رجّعوا... اها، دي سرقة ولا ما سرقة! حسي في داعي، دايرين تدونا خمسة سنين ادونا ما دايرين رجعوا لينا الباقي! .. شوف سمارت دي، بي ظرافة كده ادوها الفيزا... اتونست مع الزول المحترم الفهم اسباب سفرها، وطوالي اداها الفيزا... البريطانيين ولا بدوك فرصة تتكلم زاتو، خاتين ليهم شركة contractor ماسكينها هنود... تسلمهم الورق وبعد فترة يجوا يدوك جوازك ومعاه رفض بدون اسباب منطقية... وكمان لو ما انا صاحية ليهم، كانوا اكلوني ساي... السبب الخلاهم يتراجعوا عن رفضهم انه اي سبب كتبوه كان ما حقيقي... الموظف بتاعهم كذّب وقال انه انا ما مرفقه اوراق معيّنة في طلبي وانا ما خليت شي.. غايته انا اصلو ما بتغالط في ورق، عندي هوس عديل كده انه اوراقي تكون مكتملة لما اقدّم لي حاجه... يعني تقديم ما مؤسس اصلي ما بسويه.. والشي كان ما تابعته اصله وفصله ما بمشي فيه.....
نهائي ما حتقنعني...
اخونا الفاتح ازيك | Quote: يا بنت الحسين سلامات ورمضان كريم.. يا اختاه نسيتى انك تعلمت عندنا...وبعد ده كلوا... اكيد الجامعة دعتك من غير ولدك لانها ليس لها مصلحة فى حضور ولدك.. اذا كان معك حد يرعاه اثناء المؤتمر لكنت اخذتي الفيزا من البداية والله اعلم.. |
يعني يا الفاتح يا اخوي، الواحده فينا يا تقعد مع اولادها يا ما تسيبهم وتمشي!... الجامعة عندها facilities بتدعم وجود الاطفال بما في ذلك الchildcare وانواع سكن مخصصة لأسر فيها اطفال... عادي الواحدة الماشه دراسة full-time بتاخد اولادها معاها، وانا كان ولدي عمره تلاته سنين وقتها، صعب يبيت بعيد عنّي... انا بسبب القصة دي اضطريت مشيت امريكا في اربعة ايام، منهم يومين في الطريق، والله جيت بيتي بصحى بالليل أهضرب لاني بحس بي الtake off والlanding من كترته ما ركبته طيارات لووووول.... نفس المأساة حصلت لما مشيت بريطانيا وتميت بالظبط أربعة ايام، ووقتها كمان كنت حامل... !
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: مريم بنت الحسين)
|
| Quote: ممثل التاج البريطاني وصل ... ... اهلا يا امين.. |
امين حاف كدا من غير لورد او سير :)
Quote: انا البريطانيين كانوا اصحابي، ياخ انا عشت اول سنين حياتي في مانشستر ولزمن قريب عامله فيها البت بتضطهد الامريكان عشان بقايا مجرمين والكلام ده كلّه... لكن كلامي الجديد ده كلام تجربة... زميلتي قدمت ليهم تأشيرة خمسة سنين ودفعت، ادوها ستة شهور، ولا كلمة اعتذار او تبرير ما وصلتها، ولا حتى الباقي ما رجّعوا... اها، دي سرقة ولا ما سرقة! حسي في داعي، دايرين تدونا خمسة سنين ادونا ما دايرين رجعوا لينا الباقي! .. شوف سمارت دي، بي ظرافة كده ادوها الفيزا... اتونست مع الزول المحترم الفهم اسباب سفرها، وطوالي اداها الفيزا... البريطانيين ولا بدوك فرصة تتكلم زاتو، خاتين ليهم شركة contractor ماسكينها هنود... تسلمهم الورق وبعد فترة يجوا يدوك جوازك ومعاه رفض بدون اسباب منطقية... وكمان لو ما انا صاحية ليهم، كانوا اكلوني ساي... السبب الخلاهم يتراجعوا عن رفضهم انه اي سبب كتبوه كان ما حقيقي... الموظف بتاعهم كذّب وقال انه انا ما مرفقه اوراق معيّنة في طلبي وانا ما خليت شي.. غايته انا اصلو ما بتغالط في ورق، عندي هوس عديل كده انه اوراقي تكون مكتملة لما اقدّم لي حاجه... يعني تقديم ما مؤسس اصلي ما بسويه.. والشي كان ما تابعته اصله وفصله ما بمشي فيه.....
|
دا احتمال فى السعوديه لكن فى السودان صدقينى الوضع مختلف تماماً.... تعرفى بعد 9/11 الامريكان بقو بارانويد شديد ب الزات مع الطلاب...كميّه من الطلاب ما جدّدو ليهم الفيز و حولو ل بريطانيا وبدو من 0(ما بحسبو ليهم سنين امريكا فى معظم الاحوال)
International student mobility in the first decade of the 21st century has been transformed by two major external events, 9/11 and the recession of 2008.[11] The 9/11 forced US to tighten visa requirements for students and Australia and the UK cashed in on this opportunity and were successful in absorbing most of the growth in international students. The growth story for Australia and the UK would have continued, but the recession of 2008 exposed two aspects of international student enrollment in these countries—unmanageable high proportion of international students compared to home students and issues of quality raised by the use of aggressive recruitment practices.[12] In 2009, international students represented 21.5% and 15.3% of higher education enrollment in Australia and the UK, compared to less than 4% in the US, according to the OECD.[13]
http://en.wikipedia.org/wiki/International_student
غايتو معليش على التكرار لكن جد بعرف ناس كميه قدمو ل 6 شهور و ادوهم اكتر!
تعرفى عندى صاحبة الوالده (حفظها الله) زمان ابو يدّوها فيزا اشان تزور بتها فى انجلترا وهى قاعده فى فرنسا....يلّا لما اتوفت الاميره ديانا فى الحادث داك فتحو الحدود للمعزين و اغتنمت الفرصه و مشت انجلترا و قعدت سنه هناك و لما قررت ترجع السودان سألوها
فى المطار دخلتى البلد كيف؟ لما كلمتهم ب الحقيقه طوالى شالو جوازها و ختمو سنه زياده(بس لانو اتاكدو انها حترجع وهى دى اهم حاجه عايزيين يتأكدو منها)
اما سؤالك بتاع سرقه ولّا لأ ....ما سرقه لأنو لو قرت الشروط فى ورق التقديم حتعرف انو ليهم الحق ب اخيار المده او الرفض
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: Amin Salim)
|
| Quote: خاتين ليهم شركة contractor ماسكينها هنود... تسلمهم الورق وبعد فترة يجوا يدوك جوازك ومعاه رفض بدون اسباب منطقية... وكمان لو ما انا صاحية ليهم، كانوا اكلوني ساي... السبب الخلاهم يتراجعوا عن رفضهم انه اي سبب كتبوه كان ما حقيقي... الموظف بتاعهم كذّب |
الشركة الكونتراكتر دي فيما يعرف بال joint visa center ليس لديهم اي سي في تقدير او تقييم الاوراق كل المطلوب منهم تأكيد اكتمال الاوراق بناء علي استمارة جاهزة من السفارة وإدخال البيانات في الحاسب وإرسال الاوراق للسفارة وهي التي تقييم يعطوك او يرفضوا منحك التأشيرة ولكن الهنود ديل لو لقوك ما ناقش الحته دي بيدوك إحساس او بيفهموك انهم من يقرر في الموضوع ولكن السنتر دة معمول لكسب الوقت ليس الا وأتذكر ان البنت البتستلم الاوراق قالت لي في ورقة ناقصة وحقيقة هي ما ناقصة ولكن مدمجة في مستند اخر فقلت ليها ما عندي ولا بقدر اوفرها في الوقت الحاضر وكل المطلوب منك ترسلي الاوراق السفارة وهم يرفضوا او يقبلوا او يطالبوا بالورقة دي وعاينت لي وقالت أوكي وأنهت الموضوع وجرت ليها شنطة جلد حشرت فيها الاوراق وقالت لي امشي شيل البيانات الحيوية
يعني ما عندهم غير اجر المناوله
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: الزبير صالح الزبير)
|
الزبير ازيك... ما هو انا معترضه على النقطة دي زااااااااااااااااااتها... الامريكان ما مديين شغلهم لأي زول.... ماسكين الحاجات من طقطق للسلام عليكم... بعدين الاوراق ما بالضرورة تدي الواحد الفكرة الصحيحة... في ناس اوراقها مكتملة وممكن يزوغوا وما يرجعوا، وفي ناس اوراقها قد ما تقدر تعكس ليك هم شنو.... فرصة الinterview دي مهمة جداً... البريطانيين رافعين القزاز ومشغلين مكيفاتهم وما شغالين بي زول!
الهنود دي انا كرهتهم عما.. (قصدي بتاعين الشركة)... لانهم عاملين لروحهم أهميات وجايطين ومكاتبهم ضيقه .. وبتاعين محاباة ودهلسه...
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: Amin Salim)
|
Quote: اما سؤالك بتاع سرقه ولّا لأ ....ما سرقه لأنو لو قرت الشروط فى ورق التقديم حتعرف انو ليهم الحق ب اخيار المده او الرفض
|
Sir امين.... ما هي دي السرقة زااااااااااااااتها... اقرا في زول فوق جا هنا كتب قال رسوم التأشيرة عند الامريكان تدفع بعد ما تاخد الفيزا... (انا بصراحة ما متذكره)... مفروض تكون في processing fees، دي براها.... وتكون في رسوم للفيزا حسب مدتها... لكن شغل البرطانيين ده سرقة عيني عينك... قلت ليك ما تقنعني... هم زااااااااااتهم اقتنعوا بي كلامي لما كتبته ليهم واتراجعوا عن قرارهم...
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: حامد محمد حامد)
|
سلام لصاحب الدار والزوار الكرم
بعد الاستاذان
الواحد عايز يضيف شوية لموضوع الأمريكان والاوروبين و تاشيرة الدخول
No 1.
زي ما كلكم عارفين إنو أمريكا دولة قائمة ١٠٠٪ علي الهجرة والمهاجرين وعندهم موسسة/وزارة الهجرة والتجنيس من أكبر الموسسات الامريكية بعد الجيش. لذا عند السفارة الأمريكية أي طلب تاشيرة وحتي لو كان التاشيرات لزيارة يعتبر التمهيدي لاجراء الهجرة والتجنيس لذا يعامل المقدم من هذا المنطلق. كلو موظفي السفارات الامريكية علي علم غير رسمي إنو التاشيرة إذا صرح بها لدخول أمريكا ٨٠٪ من داخلي أمريكا حيكونو بعد خمسة سنوات أمريكان أو علي أقل الحدود ما حيرجعو لبلادهم ذي ال-١١ مليون مهاجر في أمريكا من دون إقامة. لذا المقدمين عندهم من البداية نوعين A. موهلين من الشهادة الثانوية وأعلي (غالبية السودانيين) B. دون الشهادة(ديل ما عندهم مشكلة كبيرة)
No. 2
عند الأمريكان الاوروبيين النوع A. يعامل بمقايس الأمريكان والاوروبين ..... موظف السفارة القدامك يتوقعك تتصرف زيو شخصيا في حالة هو يكون مقدم لتاشيرة لدولة أخري و في انترفيو. يعني ( He will be in your shoes) وعند الامريكان والاوروبين -your first impression is your last impression- في كل مجالات الحياة اليومية الشخص ألما بعرفك وما شافك مرة في حياتو من مظهرك العام و أول تلاتين ثانية بيكون بنا صورة عن شخصيتك عن طريق أدوات علوم الاتصال المختلفة (الخطاب، الممك، الميم، الردهريك .....) وبعدها بحدد يواصل الاتصال معاك أو ما يضيع زمنو معاك........... عشان كدة في حالة تكون مقدم لتاشيرة لدول اوروبية وخاصة لأمريكا أتخيل انك ١٠٠٪ حتقابل موظف حكومي عندو موهلي في الخدمة العامة و موهلي اخر في علوم الاتصال (Communication Science) ....... وظيفتو ينقي ناس معينين لدخول بلدو و هو عارف إنو الناس الماخدين تاشيرة من يدو ٨٠٪ منهم بعد ٥ سنوات حيكونو امريكان زيو .... عشان كدة موظف السفارة بحاول يلاقي القواسم المشتركة بين المقدمين للتاشيرة و الأمريكان أصحاب البلد ( الامريكان الاصولهم اوروبية - نسبة لغالبية موظفي السفارات المكتبين والمعاينين منهم) . ........ وهنا عليك من البداية أن تضع في راسك انك إنت البتحدد إتجاه الانترفيو من البداية و وجهز نفسك نفسيا لتوصل صورة إيجابية عنك حتي تصحي رغبة المواصلة في الطرف الأخر في alinterview والنقاش معاك ....أعرف كونو يسالك (How are you today) ما معنة إنو عايز يعرف حالك....... لكن عندهم الرد بحدد إنت منو ... عايزك تبداء في الخطاب وهو يبداء يكون صورة عنك في زهنو ......... عشان كدة عليك عن تستخدم نفس أدوات الاتصال الهو يستعملها وفي تلاتين ثانية مهمتك إقناعه انك أحسن زول من الأربعين مليون شخص البحاولو يدخلو أمريكا كل سنة. هنا ردك لازم يكون إيجابي.... مثلا رد (، thank you for asking ...... I am doing good) معناها إنت زول مهذب و بتتعامل بgood manner ومنها هو حيرد
you are welcome أو حيسكوت ومن هنا الكرة رجعت ليك وبها تقيس الجو العام وتبداء حاجة ....... لازم سوال ردو يكون إيجابي ساهل وقصير و ما بيحتاج تفكير كتير عشان العقل الباطني يرد من راس اللسان ...ذي I like your tie
or how you like the weather in my city؟ or do you guys have facebook site ...... أو أي حاجة الرد ليها يكون إيجابي (small talk) ومنها بكل رواقه تتدرجو llinterview واكيد حيبدا يسلك سوال ردو حيكون إيجابي .......ود سر العقل الباطني في داخل كل إنسان.
عشان كدة يكون أحسن إنو الواحد يجهز نفسو كويس للمعاينة ويا حبذا لو الواحد مشي قبل الانترفيو بفترة كم مرة للسفارة ويتكلم مع الناس الكان عندهم interview في اليوم و يسالهم عن تجربتهم مع المعاينين (both applicants +/-)حتي الواحد تكون عندو صورة عن الانترفيو و-المعاينين لازم تعرف نوع الأسلة واعمارهم ونوعهم (رجل/مراة) ..... (و لازم تعرف إنو دايما في كل السفارات الأمريكية المعاينين بيكونو علي الاقل اتنين ) وكل يوما بيبدو كل interview بنفس الأسلة بغرض بناء صورة أوليه عن المقدمين و بعد تلاتين ثانية بيكونو عارفين المقدم +/- عشان كدة لو عديت نفسك (العقل الباطني) للمعانين والاسلة alinterview حيمر ذي المبرمج.
تنوية: كلام ذي حرشتو حمرتا ليهو شاكلتو ده كلام ما بفهو ليك بيكون غريب ليهم ....غالبا بترجموهو انك مريض نفسيا ..... المتعلمين عندهم مقايسم مختلفة كتير عن البنشوفو في أفلام الأكشن
be polite، have good manner، be-adabtable, communicate civilized،
put on for interview emotional colors like purple, pink, orange, aprikot, red)
Make a Great First Impression
Put in mind:
Quote: It takes just a quick glance, maybe three seconds, for someone to evaluate you when you meet for the first time. In this short time, the other person forms an opinion about you based on your appearance, your body language, your demeanor, your mannerisms, and how you are dressed.
With every new encounter, you are evaluated and yet another person's impression of you is formed. These first impression can be nearly impossible to reverse or undo, making those first encounters extremely important, for they set the tone for all the relationships that follows.
So, whether they are in your career or social life, it's important to know how to create a good first impression. .
|
Khalidkeba
http://www.i4itsolutions.com
| |
|
|
|
|
|
|
|
|
|
Re: عندما ترفض السفارة الامريكية منحك التاشيرة!!! (Re: خالد كيبا)
|
رفض منح التاشيرة من قبل السفارات الاوربية امر عادى
قدمت انا وزميل لى فى العمل طلب تاشيرة سياحية فى سفارتهم بالخرطوم بتاريخ 16/7/2012م ، قامت الموظفة بقسم التاشيرات فى السفارة بمراجعة كل المستندات المطلوبة (خطاب عمل -اجازة-شهادة مرتب -تامين -حجز فندق بالنرويج-تامين طبى يغطى 50.000 يورو-خطاب بنكى)واكدت على ان جميع المستندت مكتملة، قمنا بدفع الرسوم المقررة للفيزا،وبعد اقل من 24 ساعة اتصلت موظفة السفارة برفض1 طلب التاشيرة ، ذهبنا الى السفارة واستلمنا جوازاتنا وخطاب الرفض ، وجدنا ان رفض منع التاشيرة غير مبرر وواهى فى خطاب زميلى اسباب الرفض هى :
- مقدم الطلب متزوج ولديه اطفال -حاول الاتصال بجهة عملنا ولكن لا يوجد رد فى التلفون-مقدم االطلب ضعيف الانتماء بوطنه -الفيزا من اجل السياحة ولايوجد مرجع لمقدم الطلب او شخص يعرفه فى النرويج-عدم الاقتناع بعودة مقدم الطلب الى بلده قبل انتهاء التاشيرة
اما انا فاسباب الرفض نفسها التى اعطيت لزميلى مع الاختلاف فى انىى غير متزوج وليس لى اطفال .
قمنا بعمل استئناف والى الان وقرابة الشهر لم نتلقى رد .
من الملاحظ بان اسباب رفض التاشيرة فى مجملها اسباب ضعيفة وواهية وكل طالبى التاشيرات تعطى لهم نفس الاسباب وفى اعتقادى الشخصى هى عبارة عن فورم او خطاب معد مسبقا يتم طباعته مع التعديل فى الاسم والتاريخ، ومنح التاشيرة متروك لهوى موظف السفارة وليست هناك اسس ثابته لمنحها وفى اعتقادى ايضاً ان هنالك تلاعب فى بعض الاحيان من موظفى السفارة وبعض سماسرة التاشيرات .
| |
|
|
|
|
|
|
| |
احمد خليل
Mohd Ibrahim
أمين محمد سليمان
smart_ana2001
ناذر محمد الخليفة
Kostawi
فايزودالقاضي
مريم بنت الحسين
الزبير صالح الزبير
بدر الدين احمد موسى
غباشي
الخير محمد عوض
nazar hussien
ismeil abbas
خضر الطيب
Elfatih Abuelhia
Amin Salim
خالد كيبا
عبدالله الامين صالح
فيس بوك
تويتر
انستقرام
يوتيوب
بنتيريست