|
حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 Re: تعالوا شوفوا إفطارنا اليومى على البروش فى قلب نيويورك ( صور) (Re: معاوية المدير)
|
الأخ معاوية المدير،
رمضان كريم يا حبيب.
شكراً على مرورك و شكر آخر لإحضارك صورة الإمام شيخ سراج وهاج.
نعم الإمام هو جزء من نسيج مجتمع (بدإستايل) بل الفضل يرجع له وحده
كونه مؤسس مسجد التقوى العريق فى المنطقة، المسجد الوحيد الذى يرفع
الآذان عبر مكبرات الصوت فى جميع أوقات الصلاة فى أمريكا.
سأعود لأتحدث عن فضل الإمام سراج، و عن أهمية مسجد التقوى و الدور الذى يقوم به
فى ترقية و تنظيم حى (بدإستايل) و جعله واحداً من المراكز الإسلامية المهمة فى المنطقة.
السودانيون يشكلون ضلعاً مهماً فى المنطقة عبر وجودهم الكثيف ومساهمتهم الفاعلة فى النشاط التجارى و فى نشر الثقافة
الإسلامية و السودانية فى الحى، سأخصص بوست منفصل للوجود السودانى فى (بدإستايل) أو شارع فلتون
وعن أنشطتهم، وقد صححنى الأخ جعفر المحامى بأن (الإستور) الذى نقيم عليه إفطارنا
مملوك لأخ سودانى و ليس للبنقالى الذى يعمل كسيوبر فى المحل، لأن الأستور مغلق
ولا يوجد به نشاط تجارى و لذلك نحن نستقله كل سنة فى إقامة إفطارنا اليومى.
| |
 
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: الصادق الزين)
|
تقبل الله صيامكم وقيامكم
وفي ميزان حسناتكم
بس سؤال العصيدة والقراصة في الصحان السفرية دي كيف ,,
إن شاء الله رمضان الجاي يكون عندكم كواري الطلس (رمضان كريم)
وصحانة القراصة الغريقة ,
فعلا تشرفوا ,,
الأخ عمار عبدالله،
شكراً يا حبيب على المرور والتعليق
يا خوى عصيدتنا دى خليك من أمرها ساكت، لو عرفت أخونا عبدالدائم السدرنى بتعب فيها كيف
تدينا فيها أوسكار، عصيدة على الفويل، لكن والله بعض الأيام بتجينا قداحة عديل تصدق ولا تصدق!
صبرك شوية فى الكوتات الجاية من الصور بمرق ليك القداحة.
شكراً كثير.
| |
|
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: فايزودالقاضي)
|
الصادق ...كل وانتم بخير وتقبل الله صيامكم وقيامكم ...
وجمعكم الله في بيت الله الحرام وعلى خير ..
محل الفطور ده مستودع تلاجات ولا مستودع بتوجازات ؟!!!
وقطع شك الناس ديل عمرة وزوغة ..
وأنت طيب يا ودالقاضى..
يا خوى أمريكا دى كلها عمره وزوغة عقودات دت مافى!
لكن ديل أقّلاهم يمتلك فيلا بالمهندسين والله صحى.
شكراً على المرور و كلامك دا حأوديهو لأهلك ناس كسلا فى جرسى القريبة
طبعاً أدروبات يا فايز جعلوا من ولاية جرسى الأمريكية و لاية الشرق حيث يتجمع فيها
كل ناس الشرق: من كسلا و القضارف و حلفا الجديدة و بورتسودان.
| |
|
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: معاوية الأرباب)
|
الصادق الزين
كل سنة وانت طيب وملمومين في الخير دائما
بس عندي سعال انت ياخوي كهربتكم قاطعة ولا شنو
المستودع ده مالوا مضلم كده
والسعال التاني
دي نيويورك بنين ولا شنووووووووو
شكرا للاجابة مقدما
الأخ خالد العطا،
تحياتى..
يا حبيب دا أستور أو دكان يعد فيه ليكون مطعم، حالياً طبعاً
غير مستغل، لكن تم إختيارنا له لأنه يطل على الشارع مباشرة
و المارة تستطيع رؤيتك، يعنى فكرته مثل فكرة الناس الفارشة
على الشارع، كان بالإمكان إقامة الأفطار فى شقة كبيرة أو مطعم
مجهز، و لكن راقتنا فكرة أن نفترش الأرض، خصوصاً ليست هنالك موانع
غير الصندايق الضخمة التى تحتوى على معدات المطعم، و هو ليس بمستودع
كما ذهب ود القاضى، و الإضاءة لغرض تواجدنا حيث أن التجهيز لم يكتمل.
أشكرك على المرور و السؤال.
| |
|
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: الصادق الزين)
|
والله لكن عاد فطور
وين العصيدة وملاح التقلية؟ بين هذه الاصناف؟
بعدين وين بنات الشيخ وموقعهن من هذا الإفطار الرائع! امريكا برضو فيها حواجز والله شنو؟
عيد سعيد يا منصورى و ربنا يتقبل منا الثيام.
بنات الشيخ يا منصورى فى حدقات العيون، لكن هذا الإفطار هو إفطار "ضرى"
تماماً كما نفعل فى السودان حيث خروج الرجال إلى الشارع و إفتراش الأرض
ولمة الجيران و الإقارب و التشريك للماريين فى الطرقات و لم يسعفهم الومن
لإدراك الفطور فى منازلهم.
يعنى الموضوع ما بنات الشيخ، لكن بنات الشيخ هن اللائى أعددن هذا الطعام
الشعبى و ملاح التقلية و العصيدة حاضرين بقوة فى ضرانا هذا يا ودالشيخ
وهو أساس اللمة.
شكراً على المرور.
| |
|
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: الصادق الزين)
|
عثمان "حلال ميت"، قبل بيعه إلى إخوة من جمهورية مالى، ويعود ليستقر بالسودان، بعد 25 سنة من العطاء و الزعامة، حيث أن المكان كان عبارة عن نادى سودانى يتجمع فيه كل السودانيين وهو صاحب طرفة و نكتة حاضرة.
وكالة الحافط للسفر و السياحة وخدمات التحويل، وهى إحدى وكالات الحافظ المنتشرة عبر كل الولايات وهى تحت إدارة الأخ حسن حماد عضو المنبر و الأخ جلال الطيب "ودراوة"
مطعم أخونا جعفر الماحى؟، أحد معالم نيويورك وهو شخص محل إحتفاء الجميع، مشكلتوا بس مريخابى!!!
صالون فلتون للحلاقة لصاحبه "خالد غزال" يظهر فى الصورة و هو منظم حفل الفنان أحمد الصادق بنيويورك
الشكل الخارجى لمسجد التقوى على شارع فلتون وهو الذى أعطى المنطقة خصوصيتها الإسلامية و تميزها.
عطارة زمزم لصاحبها الدكتور يخج عثمان آدم ، المدير الإدارى و الدينمو المحرك لمسجد التقوى وإمام راتب بالمجلس الإسلامى الأمريكى، وهو إحدى إشراقات بلادى وفخرنا فى المهجر.
| |
|
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: الصادق الزين)
|
Quote: حبذا الافطار على برش هو عندي اجمل من دثر ، فولتون يمثل حالة سودانية خالصة بخصوصية المكان والزمان ، تري الناس في بشر أياديهم تغوص في الأقداح وقلوبهم يربط عليها ود مسكون وكرم وحسن فال ، تبدأ كبار الاشياء هكذا ، بعض الناس يأخذ القفاز بفكرة بسيطة وربما دار متواضعة لكن الأمل يكبر والدار الحلم تكبر لو صدق الناس ولم ينتابهم الإحباط .
سلام على أهل فولتن أهل الريادة وإحترام وكل عام والجميع بخير وعلى درب المحبة يكن التلاقي .
سلام الحبيب الصادق . |
الجبيب العزيز فضل الصادق،
كل عام و أنتم بخير
شكراً على المرور و الكلام الموزون
نلتقيك غداً إن شاء الله لتكملة العيد.
| |
|
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: الصادق الزين)
|
الحبيب الاخ الغالي تمر الدسيس
كل عام وأنتم بخير
هذا ديدنكم انتم اصالهأينما زهبتم وأخاء سوداني مزروع في شعبنا في أرض المليون ميل مربع ..مع تحياتي لاهلنا في البيبور ورمبيك واعرج لاهل أويل العزاز....
ودالزين وين قدح ودبنده وملاح ساكن الكاجه ابوزقال واللوبي بالكمبو...
وملاح امزماطه وعيش الدخن ..
وماتنسي أم جنقر..
ونحن نرسل لكم أم حليبين ياوالعم من قيزان الغره.
كل سنه وانتم طيبون.
مودتي
أخوك
شـــــــــــــــــــطة
| |
|
|
|
|
|
|
|
|
Re: تعالوا شوفوا إفطارنا اليومى على البروش فى قلب نيويورك ( صور) (Re: الرشيد محمد الخير)
|
Quote: الحبيب الاخ الغالي تمر الدسيس
كل عام وأنتم بخير
هذا ديدنكم انتم اصالهأينما زهبتم وأخاء سوداني مزروع في شعبنا في أرض المليون ميل مربع ..مع تحياتي لاهلنا في البيبور ورمبيك واعرج لاهل أويل العزاز....
ودالزين وين قدح ودبنده وملاح ساكن الكاجه ابوزقال واللوبي بالكمبو...
وملاح امزماطه وعيش الدخن ..
وماتنسي أم جنقر..
ونحن نرسل لكم أم حليبين ياوالعم من قيزان الغره.
كل سنه وانتم طيبون.
مودتي
أخوك
شـــــــــــــــــــطة |
قريبى أحمد شطة،
عيدك مبارك آزول و الله يخضر ضراعك
ويزيدك من سيدك و يعليك على المابيك
معليش طولت ما رجعت للبوست، أتشغلت بالعيد و بالتحضيرات
لحاجات أخرى، لكن إنت سيد بيت و ما دايرلك مجاملة.
شكراً على سئالك و تحياتى لكل الأهل المعاك.
| |
|
|
|
|
|
|
| |
الصادق الزين
عمار عبدالله عبدالرحمن
Frankly
Elawad
ismeil abbas
معاوية المدير
فايزودالقاضي
معاوية الأرباب
Tragie Mustafa
منصوري
Kostawi
ترهاقا
فضل الصادق
Elfatih Abuelhia
خالد أحمد شطة
فيس بوك
تويتر
انستقرام
يوتيوب
بنتيريست