|
|
|
 Re: مِحن آخر الزمان في الفيس بوك .. عيد ميلاد ود جبرين (Re: haroon diyab)
|
| Quote: الغريبة إنو الليلة ما يوم واحد يناير وحسب علمي إنو ود جبرين ما عندو شهادة ميلاد أصلاً |
فعلا المسألة محيرة يا حبيب نورة!
نأنو حسب كلام الموج الزمن داك مسألة العمر دي تقريبية، وبالسنة ما بالشهر ولا اليوم!
والتقريب يكون بالحوادث العظيمة ونادرة الحدوث لضمان الاكيورسي 
يعني يقولوا ليك فلان إتولد سنة حاج اللمين الله يرحموا زار بيت الله،
سنة التساب،
سنة صكوا العملة
أو سنة مرقوا الإنقليز.. وهكذا
أسمع: ود جبرين دا منو؟
ــــــــــــــــــ
كل سنة وإنتا طيب يا حاج طارق
| |
 
|
|
|
|
|
|
|
 Re: مِحن آخر الزمان في الفيس بوك .. عيد ميلاد ود جبرين (Re: Ashraf el-Halabi)
|
Quote: فعلا المسألة محيرة يا حبيب نورة!
نأنو حسب كلام الموج الزمن داك مسألة العمر دي تقريبية، وبالسنة ما بالشهر ولا اليوم!
والتقريب يكون بالحوادث العظيمة ونادرة الحدوث لضمان الاكيورسي
يعني يقولوا ليك فلان إتولد سنة حاج اللمين الله يرحموا زار بيت الله،
سنة التساب،
سنة صكوا العملة
أو سنة مرقوا الإنقليز.. وهكذا
أسمع: ود جبرين دا منو؟ |
بالظبط يا اشرف
ود جبرين أختلف علماء التأريخ في تحديد تأريخ وصولو إلي هذه الدنيا الما بتدي حريف
بعضهم يرجحون أنه ولد في سنة الجراد فيما يصر البعض أنه ولد في السنة أم محل
غايتو علماء الحفريات أكدوا إنو دي ما خلقة ربنا
والله تعلم :)
| |
|
|
|
|
|
|
|
|
Re: مِحن آخر الزمان في الفيس بوك .. عيد ميلاد ود جبرين (Re: حبيب نورة)
|
ما يشكك في امر عيد ميلاد ود جبرين انه لم يدعو اي من اصدقاءه بسودانيز اونلاين
واكتفي فقط بان ( ينفخ ) له شمعة ميلاده حسناوات الفيسبوك وهذا امر مريب.
يعني يا ود جبريل كان عزمتنا انا وحبيب نورا صحبانك ديل مش كان احسن بالله بدل
ينفخوها ليك حسان الفيسبوك كان ننفخها ليك نحن صحبانك الشمعة دي.
وزيتنا في بيتنا .... لا بنفتنك لا بنجي ندق ليك صالون شماتة هنا 
| |
|
|
|
|
|
|
|
|
|
Re: مِحن آخر الزمان في الفيس بوك .. عيد ميلاد ود جبرين (Re: الخير محمد عوض)
|
Quote: ينفخوها ليك حسان الفيسبوك كان ننفخها ليك نحن صحبانك الشمعة دي.
وزيتنا في بيتنا .... لا بنفتنك لا بنجي ندق ليك صالون شماتة هنا |
والله يا الخير كان جيت للصاح ليه حق
نحن كنا ح ننفخوا نفخو بلا ياخدو
وبعدين عشان ما تقول أنا أتبليت علي الزول ده
دقيقة في صورة حقتو أيام الطفولة لو جاز لنا أن نصف تلك المرحلة بالطفولة
أتفرج وقارن :)
| |
|
|
|
|
|
|
|
|
|
Re: مِحن آخر الزمان في الفيس بوك .. عيد ميلاد ود جبرين (Re: زهير عثمان حمد)
|
الشي الباين لي يا حبيب الا تمشي المغرب دي تشوف المتخ ودجبرين ومعزتو من المغاربة من طنجة
الي الكويرة.
وسمعنا انو استلم شهادة ميلاد تجرح سكين في زيارتوالاخيرة. حتي بطرطشتو يوم استلامها ذهب للقموسيون الطبي
اصلوا كرهتو ابوالقاسم وبعشق صلاح احمد ابراهيم.
تليشة:
الكويرة زي نمولي لمن كان السودان كبير علي قول ابوساندرا
| |
|
|
|
|
|
|
|
|
|
Re: مِحن آخر الزمان في الفيس بوك .. عيد ميلاد ود جبرين (Re: حبيب نورة)
|
با حبيبها ... خالص التحايا ... والشوق كيمان كيمان يا صاحب أكتر من كثبان العتمور ....
شنو الحساده العليك دي يا يس ياخ ... يا عمك خل الزول يحتقل بالعيد الماسي ... بس أوعك تكون حاسدو على البوسه الفي جضومه ديك ,,, ولا يهمك ياطارق .. عقبال السنه الجايه تحتقل بالعيد 101 ... وهاك من حسع البوسه الحاره دي فوق صليعتك دي ...
* خارج النص : يس .. في إفطار بورداب الرياض الأخير كان لنا شرف إقتناء (منغولي) الليلك داك ... حاجه ما تخلص أبداً .. غايتو نهار رمضان قسمنا أنا والمدام قرآن ... ومتاوقه ممعنه في الاستمتاع مع الروايه التريانه بالإبداع والتجلي لامن أم محمد قالت لي صاحبك ده ما أكيد صاحي .. خاصة وإنو عندنا محمد الكبير مصاب بإعاقه نتيجة لخطأ طبي ... قت ليها يا زوله هوي ربنا مقسم الأرزاق .. أداني شوية محاولات شعريه .. وبعض الناس تجلوا في مجالات أخرى لكن المسيخيط ده لمّاها كلها وما فضل ليهو شيتن لي زول ...
هديه لصاخبي طارق ولك وللجميع .. كلم بنيات الجرف .. للمبدع الجميل محمد النصري ...
http://www.youtube.com/watch?feature=player_d...ilpage&v=7dbWdvLecm8
ومنتظرينك في رياض الخير حسب ما بشر به صديقنا الجميل صديق الموج ......
مع خالص حبي الذي تعرف ؛؛؛
| |
|
|
|
|
|
|
|
|
|
Re: مِحن آخر الزمان في الفيس بوك .. عيد ميلاد ود جبرين (Re: إدريس محمد إبراهيم)
|
| Quote: شنو الحساده العليك دي يا يس ياخ ... يا عمك خل الزول يحتقل بالعيد الماسي ... بس أوعك تكون حاسدو على البوسه الفي جضومه ديك ,,, ولا يهمك ياطارق .. عقبال السنه الجايه تحتقل بالعيد 101 ... وهاك من حسع البوسه الحاره دي فوق صليعتك دي ... |
هي يا يابه ود جبرين طاير :) هههههههههههههههه شن طعمو عليك الله
| Quote: خارج النص : يس .. في إفطار بورداب الرياض الأخير كان لنا شرف إقتناء (منغولي) الليلك داك ... حاجه ما تخلص أبداً .. غايتو نهار رمضان قسمنا أنا والمدام قرآن ... ومتاوقه ممعنه في الاستمتاع مع الروايه التريانه بالإبداع والتجلي لامن أم محمد قالت لي صاحبك ده ما أكيد صاحي .. خاصة وإنو عندنا محمد الكبير مصاب بإعاقه نتيجة لخطأ طبي ... قت ليها يا زوله هوي ربنا مقسم الأرزاق .. أداني شوية محاولات شعريه .. وبعض الناس تجلوا في مجالات أخرى لكن المسيخيط ده لمّاها كلها وما فضل ليهو شيتن لي زول ... |
أما بخصوص تغريدك خارج السرب فاا أحب أشكرك جداً علي مجاملتك اللطيفة وأدبك وتواضعك الجم
رواية منغولي حاولت من خلالها الإبحار بعيداً عن المياه الإقليمية لروايتي الأولي الحب من طرف ثالث
وضعت نفسي في تحدّي كبير لأن الشخصية المحورية معقدة وتحتاج للكثير من التروّي وبعد النظر
أتمني أكون أستطعت تقديمها كما يليق .
تحياتي لك والمدام وكل الأسرة
تسلم وشكرن كتيرن
| |
|
|
|
|
|
|
| |
حبيب نورة
محمد حيدر المشرف
على محمد على بشير
haroon diyab
Ashraf el-Halabi
طارق جبريل
حمد عبد الغفار عمر
معاوية المدير
حافظ انقابو
الفاتح ميرغني
الخير محمد عوض
خالد عبد الله محمود
khaleel
Abdlaziz Eisa
فايزودالقاضي
زهير عثمان حمد
الفاضل يسن عثمان
إدريس محمد إبراهيم
فيس بوك
تويتر
انستقرام
يوتيوب
بنتيريست