|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
و قبل رمضان, شاهدت الرئيس يخاطب المسلمين فى مركز مسلمي جنوب السودان, اعتقد دى الاسم و لكن لست متاكد, مطمئنا المسلمين الجنوبين بان الجنوب بلدهم و الدولة دولتهم و الحكومة حكومتهم و هم مثلهم مثل غيرهم من اصحاب المعتقدات الاخرى. و لكن الرئيس حذر من تسلل عناصر سماها مجرمين الى وسطهم و قال الناس البتفجر نفسها و الجهادين ديل ما عندهم دين. طبعا رئيسنا فى كلام الجهادين و الانتحارين دى افتى عديل بدون علم.
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
Quote: طبعا رئيسنا فى كلام الجهادين و الانتحارين دى افتى عديل بدون علم. |
ههههههه
بدون علم كيف يازكريا جوزيف .... الرئيس سلفا دا مش كان عايش فى قلب عش الدبابير مع الكيزان ديل وتيب ..كلاموا دا بعلم ونص وخمسة كمان .
والتحية لحكومة غرب بحر الغزوال لموقفها الأخلاقى والإنسانى بإطعام الفقراء الصائمين وعقبالنا بحكومة تشعر فقط بوجود الفقراء خليك من إطعامهم .
تحياتى
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Elmosley)
|
رئاسة الجمهورية اقامت حفل الافطار السنوى اليوم و تشرفها الرئيس سلفا نفسه. الرئيس شدد على ان الحكومة تعتبر المواطن "هو مواطن" غض النظر عن دينه او معتقده. التعايش السلمى يبدو كان شعار المناسبة و كالعادة قوطع خطاب الرئيس فى اكثر من مرة ب "الله اكبر." الرئيس قال عندنا "قبائل بتلقى البت راجلها مسيحى و هى مسلم و بتلقى الراجل مسلم و البت مسيحية" و قال اننا "ديرين هذه التقاليد تبقى كدى." صحيح هذه تقاليد جنوبية خالصة و قد تكون منحصرة فقط فى الجنوب لان حكاية زواج المسيحى من المسلمة ما عادية فى معظم المجتعات الاسلاميةان لم تكن من المستحيلات حتى فى المجتمعات المنفتحة. الحكاية فيها حرام و حلال و رئيسنا قاعد يفتى ساكت. انا خائف هذا النوع من التسامح يلفت نظر شيوخ الاسلام و يقوموا باصدار الفتاوى و يخربوا بيوت الكثيرين من اهلنا.
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
الرئيس اضاف انو ربنا ما بيفرق بين الناس و الكلام الكعب البيسبب المشاكل بين الناس دى من عمل الناس. تاااانى فتاوى يا ريس? انا غايتو لو رئيسنا تحدث بشكل عام عن مسؤليات الحكومة تجاه المواطن الجنوب و احترام الطبيعية العلمانية للدولة و دوستورها الانتقالى الذى ينص على عدم اتباع الدولة ديانة معينة و اعتبار كلنا سوا امام القانون كان احسن.
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
شكرا اخوتنا في الجنوب
فقد أووا عشرات الآلاف من المسلمين
الذين صاموا رمضان آمنين في رحاب دولة الجنوب
بعد أن وصلوها هربا من قنابل البشير
التي تعقبتهم هم وأسرهم وزرعهم وضرعهم
منهم عمنا حسين بافا
من النيل الأزرق
بعد أن وصل لمعسكر جمام للاجئين من شمال السودان
في مديرية أعالي النيل بجنوب السودان
بعد أن سار 6 أيام من قريته كوكور Kukur
اللهم تقبل صيامة وقيامه .. وأجب دعاءه
الباقر موسى
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
الدولة ستساعد الفقراء من الحجاج ماليا على السفر الى المكة للحج, هكذا فهمت, حيث سيتم التنسيق مع السعودية بحيث بالامكان السفر مباشرة من جوبا الى السعودية. الرئيس قال العدد سيكون قليل هذا العام نسبة للظروف الاقتصادية التى تواجهه البلاد و لكن من المؤكد ان عدد الحجاج سيكون مضاعف العام القادم. على الرغم من اننى ضد استخدام المال العام لمساعدة الناس على اداء طقوسهم الدينية, الا اننى لست ضد مساعدة الاقليات الدينية.
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
الرئيس تحدث عن مشكلة الممتلكات المسلمين و انفجرت القاعة با"الله اكبر" مرة. الرئيس قال انه متابع هذه المسالة مع ولاء الولايات و سيتابع الموضوع حتى كل تعود كل الممتلكات المسلمين لاصحابها. الموضوع دى ما بعرف اى حاجة عنها. ان شاء الله اخونا قير تور او حامد برقو او صلاح المليح ينورونا شوية عن خلفية هذه المشكلة. و اكيد كانوا فاطرين مع الريس الليلة.
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
Quote: سلفا : لسنا ضد المسلمين ولكن الإسلام السياسي جوبا: الخرطوم: السوداني أعلن رئيس دولة الجنوب سلفا كير ميارديت عن منحٍ للمسلمين الجنوبيين لأداء فريضة الحج على نفقة حكومته بالطيران من جوبا الى جدة مباشرة، وأكد لدى مخاطبته الإفطار السنوي لمسلمي الجنوب الذي ينظمه مجلس مسلمي الجنوب والحكومة احترامه لكل الأديان، مشيراً الى أن دولة الجنوب غير دينية ولا تتبنى أي دين وتكفل حرية الممارسة لكافة الأديان وقال :( لسنا ضد حقوق المسلمين ولكن ضد الإسلام السياسي)، وتعهد سلفا بمتابعة أي شكوى من المسلمين إذا تعرضوا لمضايقات ووجه حكام ولايات الجنوب العشرة بأن يكونوا منصفين ويتعاملوا بعدل مع المسلمين في أداء عباداتهم وشعائرهم. من جهته قال نائب رئيس حكومة الجنوب د. ريك مشار إن الإفطار السنوي لمسلمي الجنوب كان يتم بأوامر من الخرطوم ولكن هذا العام أقامته حكومة الجنوب بناء على قناعاتها ومنهجها الخاص. تورد(السوداني) أن الإفطار شهده حضور كبير وكان من ضمن الحضور القيادي السابق بحزب المؤتمر الشعبي عبدالله دينق نيال. |
http://www.alsudani.sd/news/index.php?option=...-18-08-52&Itemid=213
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
أخونا زكريا ، تحياتي
ياخي إما أنا (هنا) غلط ، واللا جيت من مكان غلط !! الخبر ده بالنسبة لي عادي جداً، المكان الأنا جيت منو رغم إنو في السودان لكن، التصرفات دي عادية في ( الديم ) بل وأكثر من ذلك !! المسيحيين عندنا كانوا بيطلعوا صوانيهم في رمضان وفي العيد بيحتفلوا معانا ، وبنمشي نبارك ليهم ونلقى الكعك والحلاوة والبسكويت ، وشفعهم لابسين هدوم العيد !! في أعيادهم بنحتفل معاهم، وفي أعراسهم بنكون في الصفوف الأمامية في الكنيسة .. ياخي في أصحابي ما عرفت دينهم مختلف عن ديني الا بعد ما دخلنا المدرسة كانوا بيطلعوا في حصة الدين ، والأساتذة بيقولوا ليهم العايز يحضر يقعد.. أنا كنت بحضر حصة الدين الإسلامي والمسيحي الإتنين. أستاذ جورج كان مدرس التربية المسيحية، وجارنا في الحلة وهو موجود وحي ومقيم في الإمارات ، خليه يحكي ليكم هو بنفسو.. والله أنا أقعد أحكي ليك هنا لمن أحيرك زاتو .. أقول ليك حاجة يا أبو الزيك، الشغل البيعملوا فيهو الناس ده كللللللو ما شغال معانا، وأؤكد ليك ، ح يجي يوم ( قرييب ) وحترجع البلد واحدة بإرادة السودانيين في السودان الكبير.. وده بيحصل طبعاً بعد زوال الأسباب الأدت للإنفصال (وإنت عارفها طبعاً).. ياخي الدين عمرو ما كان مشكلة في السودان قبل يونيو 89..
كل سنة وإنت طيب ..
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
الرئيس سلفا قال انه قبل اعلان الاستقلال الكثيرين من الشمالين تركوا الجنوب خوفا ان يحدث شئ لهم و قال لم و لن يحدث اى شئ لاننا "ما عندنا اى مشكلة مع اى زول. الرئيس اشار الى امين عكاشة الذى كان حاضر الافطار قائلا "هسى عم عكاشة فى زول ممكن يهبشوا فى البلد دى?" و قام العم عكاشة و نطى فوق و اشهر جواز سفروا. و بدا التكبير الله و اكبر تاااانى.
| |
|
|
|
|
|
|
Re: برافو حكومة ولاية غرب بحرالغزال... الاطعمة للفقراء الصائمين (Re: Zakaria Joseph)
|
أخونا زكريا ، تحياتي
Quote: ياخي إما أنا (هنا) غلط ، واللا جيت من مكان غلط !! الخبر ده بالنسبة لي عادي جداً، المكان الأنا جيت منو رغم إنو في السودان لكن، التصرفات دي عادية في ( الديم ) بل وأكثر من ذلك !! |
يا صلاح عبدالله, و انت فاكرنى ان نزلت البوست لييه? الحكاية زكرتنى بالبلد اللا زمان داك ... لمن كنا بنصوم مع اصحابنا من المسلمين و قبل ما تظهر الجماعة اياها فى النص التانى من التمانينات و تنتج نوعية جديدة من البشر. تحياتى و رمضان كريم.
| |
|
|
|
|
|
|
|