|
|
 المسائل وصلت مرحلة اوعك تقيف في الصف
|
كسر معدل التضخم رقما قياسيا جديدا في تصاعده حيث اعلن الجهاز المركزي للاحصاء ان معدل التضخم لشهر يوليو وصل الى 41.6% مرتفعا من رقم 36% في شهر يونيو
|
|
 
|
|
|
|
|
|
|
 Re: المسائل وصلت مرحلة اوعك تقيف في الصف (Re: محمد إبراهيم علي)
|
صديقي في شهر يوليو المعني هذا كان في اجازة في السودان بيحكي انو ذهب الى سوق السجانة ليشتري سيراميك
اتفق مع الراجل على سعر المتر وهو تقريبا كان 34 جنيه وللعلم هو سال قبل ما يطلع من البيت وقالو ليهو 32 جنيه
شيلك ختك سيد المحل رفض ينزل تعريفة عن سعر 34 جنيه
المهم وافق على السعر والراجل طلع دفتر الفواتير داير يكتب ليهو الفاتورة جاهو واحد اشر ليهو بحركة كدة
طوالي عمك اتوقف وقال ليهو والله السعر اتغير واسي المتر بقى 38 جنيه
جن جنون صديقي وقال ليهو لكن نحنا اتفقنا سيد المحل قال ليهو لو كنت كتبت ليك الفاتورة كنت التزمت بسعري القلتو ليك لكن بدون الفاتورة ما في التزام
واحسن ليك بدل الكلام الكتير تشتري اسي لانو لو انتظرت شوية يمكن يزيد تاني
واضطر صديقي للشراء بالسعر الجديد
يعني فرقة بتاعة دقائق بس
انعل ابو ده تضخم ده
| |
|
|
|
|
|
|
|
|
|
Re: المسائل وصلت مرحلة اوعك تقيف في الصف (Re: محمد إبراهيم علي)
|
ازيك يا كبك
ركضان كريم وكل عاط وانتم بخير
| Quote: انعل ابو ده تضخم ده |
يا سيدى دا ما تضخم لسسب بسيط وهو لان الدولةلا تتبع اى منهج علمى فى ادارة اقتصاد البلد
مثلا يسعون فى تخفيض القوة الشرائية للعملة الوطنية وفى نفس الوقت يستهدفون خفض الاسعار
ما تحدثت عنة ليس تضخم وانما هو جشع تجار وغياب هيبة الدولة وتقاعسها عن اداء دورها تجاة مواطنيها
مع مودتى
| |
|
|
|
|
|
|
|
|
Re: المسائل وصلت مرحلة اوعك تقيف في الصف (Re: abas)
|
ازيك يا كبك ورمضان كريم والعيد مبارك عليك (بعد ده ماطالبني تلفون لوووول)
قبل يومين كنا في جلسة جميلة وجات سيرتك يا خي دانت ذكريات رهيبة
وبرضو كلها كانت متركزة على الوضع ايام التضخم الاول بتاع التسعينات في الثورة ح 13 والدروشاب والدرش الصاح
تعرف البلد دي قاعدة ام فكو ساي وماشة بكرامة البليلة والحكومة كل يوم تصحي الصباح زيها وزي اي عامل يومية من البقعدو في شارع الله منتظرين رزق اليوم
ادعت انها طبقت اجراءات اقتصادية عشان تعالج عجر الميزانية وكل العملتو ان رحلت العجر من جيبها هي لجيب المواطن ونست انو جيب المواطن اصلا فاضي
فالحصل انو الكورة ارتدت اليها ومصرجة كمان والحارس بتاعهم احوص
الحاصل ده خارج ما يعرف بعلم الاقتصاد الحديث ولا يشبه اقتصاد ما قبل التاريخ
يعني نحن في مرحلة ما قبل الدولة وبعد ابونا ادم مباشرة
والمواطن حيرجع يعتمد على اقتصاد الجمع والالتقاط
بتذكر زمان اخونا عماد خليفة باع ليهو عربية فلوكسواجن مقابل عدد من شوالات الفحم وكراسي واستيريو الكلام ده كان ايام التسعينات
دلوقت لو حاولت تعمل بالنظرية دي مش حتعرف لانو المرحلة دي اتخطيناها (للوراء اقصد)
الله يكون في العون بس
| |
|
|
|
|
|
|
|
|
|
Re: المسائل وصلت مرحلة اوعك تقيف في الصف (Re: محمد إبراهيم علي)
|
سلام يا هندسة
رمضان كريم
زى ما قال قسم الحاصل ده ما تضخم لانو ببساطة التضخم مصطلح اقتصادى ليه معادلة وشروط
والحاصل عندنا مافيهو معادلة ولامتغيرات للمعادلة ذاتو غير انها الفوضى والفوضى فقط
كنت فى السودان ومن جزار لاخر يجاوره يختلف سعر اللحم وكذلك الخضار
زمان كان عندنا دكتور فى الكلية اسمو شريف الدشونى توفى الله يرحمه قال من الظلم ان تطبق قوانين الاقتصاد على الاقتصاد السودانى لانو يعتبر جزيرة معزولة
فمثلا الدولار بره منخفض عندنا مرتفع والعكس صحيح والبترول بره منخفض وعندنا مرتفع وهكذا
انها الفوضى يا صاحبى
| |
|
|
|
|
|
|
|
|
|
Re: المسائل وصلت مرحلة اوعك تقيف في الصف (Re: عادل عبدالعزيز عبد الرحيم)
|
الباشمهندس محمد ابراهيم علي ومتداخليه الكرام
السلام عليكم وكل عام وانتم بخير
كدأبك باشمهندس لا تفتأ تأتي بما يستفز مشاعري فيجرني جرا للتعليق في امر كدت استسلم لليأس في فهمه ناهيك عن المساهمة في تحليله . في معرض رده علي حديثك وصف الاخ الحاردلو ما يجري في السودان بانه ليس تضخما وسبب ذلك فيما اوجزه في إن | Quote: الدولةلا تتبع اى منهج علمى فى ادارة اقتصاد البلد مثلا يسعون فى تخفيض القوة الشرائية للعملة الوطنية وفى نفس الوقت يستهدفون خفض الاسعار |
وقد امن الاخ عادل عبد العزيز علي ذلك بقولة | Quote: الحاصل ده ما تضخم لانو ببساطة التضخم مصطلح اقتصادى ليه معادلة وشروط والحاصل عندنا مافيهو معادلة ولامتغيرات للمعادلة ذاتو غير انها الفوضى والفوضى فقط |
وفي تقديري إن نظرة صديقيك الاستاذين الحردلو وعادل صدقتا وهما اقرب ما يمكن ان يقال لوصف حالة التردي والعشوائية التي آل اليهما الاقتصاد والسياسة السودانيين . وانا شخصيا كلما تمعنت فيهما كلما وجدت ان الطرق التي تدارات بهما الصق بمكونات وافتراضيات ما يمسي بنظرية الفوضي Chaos Theory والتي تقوم علي مجموعة من ديناميكيات متحركة تبدي سلوكا عشوائيا ظاهره اقرب الي مما يسمي بسلوك الفراشة Butterfly behaviour. و كلما حاولت وضع افتراضات لاتباعها في دراسة وتحليل النظم الخفية التي تدار بها اقتصاديات وسياسات هذا البلد وما يتبعها من انفلات في تقييم وتقنين اوجة الصرف وما يتبع ذلك من تأثير حركة الدومينو Domino Effect التي تنتج عن ذلك ومن ثم وقع العبء كله علي الحلقة الاضعف وهي المواطن الذي لا حول له ولا قوة
و باءت محاولاتي المستميته لاستنباط الاسس والقواعد التي يعتمد عليها متخذي القرار ومنظريهم بالفشل لتطور مجريات الامر بشكل مخالف للاطر التي وضعتها تطورا تباعديا لا يتكرر فادخل في متاهات لا ترتكز علي مقومات علمية او حتي نمطية يمكن استقراء الكيفية التي يتحرك بها الاقتصاد السوداني صعودا او هبوطا . والمحصلة النهائية التي وصلت اليها إن سلوكيات الدولة وغياب الفهم السليم لإدارة البلاد فرض عليها العمل علي اساس (رزق اليوم باليوم) او ربما الاستسلام للمفهوم العام من (اصرف مافي الجيب يأتيك ما بالغيب ) . بالتالي لن يستقيم لي ولا لمخططي استراتيجيات النظام علي افتراض ان هناك من يخطط لاستراتيجيات قصيرة او متوسطة المدي وضع اسس علمية يمكن عليها بناء اتخاذ القرار بمنهجية يمكن ان تخرج هذا البلد من التردي الذي وقع فيه
ولكم ودي
محمد مصطفي مجذوب
| |
|
|
|
|
|
|
| |
محمد إبراهيم علي
قسم السيد الحاردلو
عباس محمود
abas
عادل عبدالعزيز عبد الرحيم
محمد مصطفي مجذوب
مرتضى احمد عبد القادر
فيس بوك
تويتر
انستقرام
يوتيوب
بنتيريست