|
|
|
 Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: omer osman)
|
عشان كده ياريكاردو موضوع سانيه ده ما بتحمل اى تنظير زي
نظريتك بتاعت الكورة الاخيرة في مدرب بقعد هداف الدوري (كلتشي) في الكنبة
واى تنظير في موضوع سانيه ده بنلحق غنم زهرة 
وسانيه ده علاجو عندي الكمدة بالرمدة ...
سانيه داير ليهو باك سجن او في رواية اخري باك حكومة موية ما تمر منو
طيب سانيه حركتو كتيرة وبمرق بره الخط وبجيك راجع عشان كده لو شغلت الباكات
بمراقبة سانيه ممكن عادي اى واحد من مداح الهلال ناس سادومبا وديل يجيب فيك القون
طيب الحل شنو ؟ الحل سعيد السعودي قول لي ليييييييييه :
| |
  
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: omer osman)
|
سعيد السعودي ماشاء الله طويل ونشيط وفي العسكرية بقولوا النشاط بغطي علي الغلط
والطول بنفعو في انو بشيل من اعلي نقطة (دي بتعجب خليل) ونجح قبل كده مرات في
حكاية المراقبة دي ......
ونصيحتي لي سعيد السعودي خت الود سانيه ده في صدرك وما يستلم اصلو وما ينط فوق
وعليك بشد فنلتو لي تحت بي حرفنة ما تمسك لي في الشورت ممكن يمصلو ليك في يدك عااادي
واليومين دي ابعد من الحلومر والعصيدة وركز في المنقة والجوافة والجكن تاني العوجة ما بتجينا
| |
|
|
|
|
|
|
|
|
 Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: صبري طه)
|
| Quote: بمراقبة سانيه ممكن عادي اى واحد من مداح الهلال ناس سادومبا وديل يجيب فيك القون |
والله يا جنابو حالتك تحنن ..
رمضان دخل العضم واللا شنو ..؟
الزول دا براهو في اي كورة عندو قون .. او قونيين .. شفت كيف ..؟
غايتو يوم طمنطاشر .. اتسحر بدري وخش ليك في حبتين فاليوم .. وكان صحوك الفطور اعمل ميت ..
يوم تسعطاشر دا يوما اسود عليكم ..
سانية .. وسادومبا وايكانغا ..؟
دا حالتو الطاهر حماد وكاريكا ومهند لسة بسخنو
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: tmbis)
|
Quote: والله يا جنابو حالتك تحنن ..
رمضان دخل العضم واللا شنو ..؟
الزول دا براهو في اي كورة عندو قون .. او قونيين .. شفت كيف ..؟
غايتو يوم طمنطاشر .. اتسحر بدري وخش ليك في حبتين فاليوم .. وكان صحوك الفطور اعمل ميت ..
يوم تسعطاشر دا يوما اسود عليكم ..
سانية .. وسادومبا وايكانغا ..؟
دا حالتو الطاهر حماد وكاريكا ومهند لسة بسخنو |
هههههههههههههههههه .........
وووين ياعمك انت قايل دي الرابطة كوستي ده المريخ
صاحبك ده يخش نضيف ويطلع نضيف بس ريكاردو يسمع نصيحتي دي
غير كده انا من اسه يوم تسعطاشر ده حاجز في العناية المكثفة
ولابخاف من سانيه ولا بخاف من سانيه
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: tmbis)
|
يا عمك سلام قبل مباراة كاس الدهب الاول رئيس نادي المريخ وقتها محمد الياس وهو رجل عزيز وجار في حي المظاهر رسل مراسيله لسنار اها قام الفكي بعد الذي منه طلب منه لستة وصور لاعبي الهلال
قام دكتور فكي راجع الصور وركز علي صورة الدحيش اللي شافها في الطشت اياه .. سأله محمد الياس من سر التر كيز علي صورة الدحيش رد الفكي شايفه ممحن!!!!
وكانت المباراة التاريخية والتي فاز فيها الهلال 2 لصفر واحرز الاهداف الدحيش
شايفك مركز علي صورة سانية!!!!
حبتين سانية بعد السحور ورمضان كريم
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: omer osman)
|
| Quote: واليومين دي ابعد من الحلومر والعصيدة وركز في المنقة والجوافة والجكنتاني العوجة ما بتجينا |
لكن مااااااااا ضريتو الراجل !!
جكن ؟؟
ياخي ده بسيح الركب
وبنسيكـ الدرب
وبروحو عليكـ أسامي الناس
ويخلخل المفاصل
ويؤثر على الروح الرومانسية
وعييييييييييييييييكـ
أديكـ النجيضة
قول وااااااااااااااااي 
_____________________
والله يا عمر يا صديقي إشتهينا ونسة الكورة ومكاواته
ياخي سانيه شنو وكوفار شنو
تغلبو ، نتغلب بقى ما فارق بالمررررررررررة
البلد راحت يا حليلة
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: عمران حسن صالح)
|
يا عمر رمضان كريم
ياخي المريخ ليهو زمن ما قامتلو قومة، حليل المريخ الكان بخوّف، وفي الذاكرة حيوية وقوة خطوط المريخ أيام كمال عبدالغني وجمال أبوعنجة وبدرالدين بخيت والحريف سكسك، وقبلهم جيل العمالقة ناس كما عبدالوهاب، بالله من الحكم يصفر بداية المباراة الناس دي تجري ما يوقفهم إلا العشا والنوم، كان حَمار في حَمار(بفتح الحاء لو التشكيل ما ظهر) نار منقد، وبيني وبينك المريخ مما بقى مستودع الفاضي بتاع الهلال (مشاطيب الهلال من المدرب وأنت نازل) بقة عبارة عن مواسير، ناس مزمل أبوالقاسم يقولو كلاتشي ولدنا وجمال الوالي يشيل ويجيب في الفاضي.
شيلو جمال الوالي برة، ودكوها ووزعوا من أول وجديد يمكن تعيدوا ماضي الذكريات.
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: نادر)
|
| Quote: أيام كمال عبدالغني وجمال أبوعنجة وبدرالدين بخيت والحريف سكسك، وقبلهم جيل العمالقة ناس كما عبدالوهاب، بالله من الحكم يصفر بداية المباراة الناس دي تجري ما يوقفهم إلا العشا والنوم، كان حَمار في حَمار(بفتح الحاء لو التشكيل ما ظهر) نار منقد |
مالك يانادر عاوز تقلب علينا المواجع ...
زمان المريخ يانادر كان زي ما قال القرقور لي امو كان شفتيني
مودني على الصاج ما تقنعي مني اصلو ... ونحن اصلو ما كنا بنقنع
من المريخ حتى ولو الدقيقة 40 في الشوط التاني اسه بقينا من الشوط الاول نقنع
Quote: شيلو جمال الوالي برة، ودكوها ووزعوا من أول وجديد يمكن تعيدوا ماضي الذكريات.
|
قبل كم يوم فتحت لي بوست بنفس المعني ده
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: عمران حسن صالح)
|
Quote: لكن مااااااااا ضريتو الراجل !!
جكن ؟؟
ياخي ده بسيح الركب
وبنسيكـ الدرب
وبروحو عليكـ أسامي الناس
ويخلخل المفاصل
ويؤثر على الروح الرومانسية
وعييييييييييييييييكـ
|
هههههههههههههههه ..........
ياعمران تتذكر كورة المريخ والاهلي المصري بتاعت الجبل الاخضر
اها كان معانا عسكري في المباحث قريب (حبني) مدافع المريخ وقتها
قمت سالتك ليك العسكري المعانا ده قلت ليهو اها قريبك ده جاهز ؟
قال لي يازول قريبي عامل برنامج كارب للكورة دي !!
انا قلت ياربي بكون بجري الصباح ويتمرن براهو والا البرنامج ده شنو ؟
اها البرنامج بتاعو شنو ؟
والله ياجنابو (حبني) مدور برنامج بتاع (حلبة + طحنية) تقيلة جدا
وطبعا معروف باقي القصة والبرنامج ده ودانا وووووين
Quote: والله يا عمر يا صديقي إشتهينا ونسة الكورة ومكاواته
ياخي سانيه شنو وكوفار شنو
تغلبو ، نتغلب بقى ما فارق بالمررررررررررة
البلد راحت يا حليلة |
والدنيا بقت عدم والفرح من غير نغم
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: د. ياسر عبد القادر)
|
المشكلة يا جنابو مش القوون الجابو بالراس ..
المشكلة في شكل القون زاتو كان كيف ..؟
..
لاحظ لي تشكيلة الزول دا في الهوا جسمو كان عامل كيف .. شوف تحول الراس وميلان الجسم واستقبالو للكورة .. الطريقة الاستقبل بيها الكورة دي وضرب بيها الكورة بي راسو .. زادت من قوة اندفاع الكورة وقدر يحدد الزاوية المعاكسة لي الدعيع .. وذكرتني بالضبط هدف إدير دي اسيس البرازيلي في مرمى رينات داساييف حارس الاتحاد السوفيتي 1982 الحارس الخطير جدا .. لما رفع راسو لقى الكورة جوه الكيس ..
حسع دي طبعا الدعيع كان بلقط فيها زي داساييف . .لكن مع الشبال بتاع سانييه دا لما رفع راسو لقى الكورة جوه الكيس .. في حته عجيبة زاتووو
..
عليك الله شوف القون الاخير دا .. عامل كيف
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: وليد محمد المبارك)
|
طيب يا جنابو نديك المفيد
الحسابات بين دفاع المريخ كله وسانية خسرانة معانا ودي حقيقة
ما عشان سانيه متميز ولكن لان ما يتميز فيه هو نقطة الضعف الرئيسية لجميع مدافعي المريخ
كلهم دون فرز
فلا باسكال او نجم الدين او موسى الزومة او بله جابر .. البرازيلي لسع ما عارفين مويتو
ما شفنا باسكال ولو بالغلط يوم بطلع كورة معكوسة ركز على معكوسة براسه
وقون دروغبا في كاس افريقيا في السودان يكشف ضعف نجم الدين الواضح في هذه الناحية
اما موسى الزومة فلا اعتقد ان لدية راس اساسا لاستخدامه
ونجم الدين لا مجال للجوز بالراس فبالتالي لا مجال لاجادته العاب الراس
طيب الحل شنو ؟
الحل في قطع التموين
وانا بقول ليك ان لعب هذه مصطفى احتمال هزيمتنا 90% والـ 10% لتصاريف المجنونة
وفي حال لعب هيثم حا يضربنا سادومبا ما سانيه
ولو المدرب بتاع الهلال اتجنن وما لعب هيثم بتبقى الاحتمالات متساوية في النتيجة
وبتكبر فرصة المريخ ان سيطر على الاتين فهم مصدر الخطورة
كاريكا و مهند الطاهر
والسبب لانهم الوحدين في الهلال الذين يمكنهم تمويل سانية بكرات محسنة يمكنه استخدامها بصورة سليمة
وفي ظني كاريكا هو الخطر الداهم على المريخ
فهو يجيد الامرين تمويل سانة او التسجيل هو نفسه .. وهذا ما يفتقده سادمبا فسادومبا يجيد التسجيل ولا يجيد الصناعة الا صدفة والصدفة ما محسوبة
وفي غياب هيثم سادومبا عبارة عن برميل فاضي
اهما حاجة طريقة لعب الهلال قد تكون خطر عليه لو احسن ريكاردو التصرف
فالهلال يلعب هذه الايام بطرريقة 3 3 1 3
ولديه هجوم ضارب
اما وسطه فتعبان تعب الموت خصوصا عمر بخيت
ودفاعه ضعيف جدا واضعفه المدرب زيادة بانقاصه فرد لحساب الهجوم
والاطراف ضعيفة يغطيها المدرب بكاريكا الذي ينزل لطرف وبمهند الطاهر الذي يلعب مقلوب حتى يتمكن من العكسيات المقلوب والخطرة او التسديد المباشر
عليه منطقة الاطراف في الهلال هي الاضعف فيه واقصد بالاطراف الاطراف في الملعب المتاخر ( الدفاع ) عند الهلال
ولو فطن ريكاردو لهذا سيضع الهلال تحت ضغط طيلة زمن المبارة مثل المبارة الاخيرة النشلونا فيها .. وفيها لم يستطيع الهلال التقدم الا في مرة واحدة وبزكاء من الولد الحريف والزكي بشة
قد يحرز الهلال الهلال اهدافا .. لكن شباكة الهلال مستباحة ويمكن ان تلجها اهداف اكثرمن التي يحرزها
مفروض ريكاردو يلعب مهاجو زاتو .. وده الحل الوحيد لقطع الامداد المريح من سانيه
الهلال اصبح فريق مكرش
زي الزول البتمرن حديد غلط
صدروا واسع وعضلات كتافينه ويدينه قوية
لكن كرعينو رقاق وغير متجانسة مع جسدة
هسع الهلال هجومو كاسح ودفاعو وحراسة مرماه قاعدة في السهلة
كنت اتمنى ان يلعب هذه المباراة الحضري .. فهو في المكوس افضل من اكرم وهذه مباراة عكسيات
لكن اكرم ذاتو اتطور في المكسة مؤخرا .. واتمنى ان يستمر في تقديم نفس مستوياته
حراسة المرمي في الهلال قاعدة في السهلة .. اي شوت مركز في التلات خشبات بتدخل الا حظ ساي
ويمكن هنا يكون لقلق والعجب الصغير دور
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: عبدالكريم الامين احمد)
|
Quote: وجنابو بالتاكيد قاصد حقوق التوظيف الاسفيري كعنوان في بوست وحق اطلاق الامر في شكل وردة(سلسلة)
ولو في زول سبق فيها خالك كيكي فله منا بالتاكيد سلام تعظيم وحق الريادة..
|
بالضبط كده ياكيكي هذا ما قصدته .......
سنة 89 والدنيا حر ورمضان ونحن خريجين جدااااااااد
واحد دفعتنا قال لي عسكري زهجااااااااااان كده انتباه يازول ..
العسكري قال ليهو (انتباه بتاع فنيلتك) ههههههههههه
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: وليد محمد المبارك)
|
الحسابات بين دفاع المريخ كله وسانية خسرانة معانا ودي حقيقة
ما عشان سانيه متميز ولكن لان ما يتميز فيه هو نقطة الضعف الرئيسية لجميع مدافعي المريخ
>>>>>>>>>>>>>>>>>>>>>>>>>>>
وده ياوليد الخلاني افكر في خيار (سعيد السعودي)
بشيل بالرأس كويس جداً .....
الهلال اصبح فريق مكرش
زي الزول البتمرن حديد غلط
صدروا واسع وعضلات كتافينه ويدينه قوية
لكن كرعينو رقاق وغير متجانسة مع جسدة
هههههههههههههههه دي قلبت فيها الهوبا ياوليد
لكن كلام سليم 100%
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: omer osman)
|
عليه منطقة الاطراف في الهلال هي الاضعف فيه واقصد بالاطراف الاطراف في الملعب المتاخر ( الدفاع ) عند الهلال
ولو فطن ريكاردو لهذا سيضع الهلال تحت ضغط طيلة زمن المبارة مثل المبارة الاخيرة النشلونا فيها .. وفيها لم يستطيع الهلال التقدم الا في مرة واحدة وبزكاء من الولد الحريف والزكي بشة
**************************************
يا جنابو كلام الكوتش وليد الفوق دا 100%
ياخي ما كنا خايفين مالك عاوز تخوفنا!!
| |
|
|
|
|
|
|
|
|
|
Re: سانيه بتاع فنيلتك ياغارزيتو (سلسلة فنيلتك حمرة وشرارة) (Re: الحاج حمد الحاج)
|
العزيز جنابو عمر وضيوفه الكرام
أما قبل:
عشان حديث الكورة ما ينسينا المعتقلين،خصوصاً زملاء البورد، فإننا نحيهم ونشد علي أيديهم ونؤمن علي مطالبهم العادلة بالحياة الكريمة للمواطن السوداني-والتوزيع العادل للسلطة والثروة،،وإيقاف كافة أشكال إنتهاك حقوق الإنسان. ونجدد مطالبتنا بإطلاق سراحهم الفوري دون قيد أو شرط،،وأكرر إدانتنا لهذا النظام المتجبر وإصراره علي الإنفراد بالسلطة وإنتهاك حقوق الإنسان وإنتهاج التعذيب لقمع المعتقلين السياسيين،،،
أما بعد:
احيي بوستك خفيف الظل،،،وحقيقة الأمر أن هلال مريخ هي غير مضمونة النتائج علي الإطلاق. كهلالابي أؤمن علي حديث وليد(بأن الهلال كرعينو زائقة زي كرعين واحد ما داير أجيب إسمو). وأزيد أنني حتي الآن لم أطمئن علي أداء الهلال فهناك بطء واضح،،،ولجوء الي إرجاع الكرة للخلف في أحيان كثيرة وتراجع مستوي بعض اللعيبة. وحقيقة أنني من أنصار النتيجة مع العرض،،فالنتيجة من غير العرض المقنع لا تأتي بالكأس،،،،
ظاهر الأمر أن الهلال أفضل،،لكن هلال-مريخ غير مضمونة نهائياً،،والمرة الفاتت خشينا علي أساس ان الهلال مغلوب مغلوب فإذا به يخرج فائز بعدف بشة الشهير....
المهم دايرين نشوف عرض جيد الي جيد جداً،،وبعدين نتكلم عن النتيجة
مع التقدير للجميع
| |
|
|
|
|
|
|
| |
omer osman
ناصر جبريل
tmbis
عمر الفاروق عبد الله الشيخ
عمران حسن صالح
7abib_alkul
khaleel
Ashraf el-Halabi
عبدالكريم الامين احمد
إدريس البدري
الحاج حمد الحاج
mekki
الامين موسى البشاري
فيس بوك
تويتر
انستقرام
يوتيوب
بنتيريست