|
|
 العيد متين ؟ السبت 19 ولا الاحد 20 اغسطس , مهم جداً
|
عشان يوم الجمعة 18 اخر يوم عمل فى الاسبوع لو الواحد داير يحجز صالة او مكان للصلاة والمعايدة
يعنى ما ممكن تتحدد ياتو يوم من هسه من غير الرؤية عشان نقدر نحجز المكان من بدرى
لو انتظرنا لحدى مساء الجمعة معناتو الا الويكيند البعديهو
بعدين للناس الشغالين فى الويكيند الواحد لو داير ياخد اذن او اجازة ياخد ياتو يوم؟ السبت ولا الاحد؟
يعنى فى اجهزة حديثة والعلم متطور ما ممكن نستعين بها على الاقل فى الاحتمال الارجح بعدين لو دايرين تثبتوها بالرؤيه فليكن
يعنى شوية فليكسبوليتى يا علماء الدين ما بالضرورة تجتمعوا وتعاينو فى السماء ظهر ما ظهر
ولا كلامى ده ما صاح؟
غايتو للاحتياط كده استغفر الله والله يهدينى واللهم انى صائم
|
|
  
|
|
|
|
|
|
|
 Re: العيد متين ؟ السبت 19 ولا الاحد 20 اغسطس , مهم جداً (Re: محمد زكريا)
|
طيب الارجح والاحتمال الاكبر انه العيد يكون متين؟
يعنى السنة دى رمضان كم؟ 29 ولا 30 يوم
واسئلتى دى من اجل عمل خير ياريت لو القى مساعدة عشان نتوكل ونحجز يوم السبت او الاحد قبل الزمن ما يضايقنا
وطبعاً ده اكيد حال كل السودانيين فى الشتات دايرين يعرفو زيي لكن ناس الداخل برضو ايدكم معانا
| |
|
|
|
|
|
|
|
|
|
Re: العيد متين ؟ السبت 19 ولا الاحد 20 اغسطس , مهم جداً (Re: ismeil abbas)
|
Quote: ismeil abbas
ألأخ/محمد كل عام وأنتم بخير.
العيد بأذن الله والغالب ألأرجح حسب تقويم أم القرى ألأحد 19أغسطس ...
وشعبان المرة دى كان 29يوم ما أعتقد رمضان يكون 29يوم..يعنى بأذن الله مكملين رمضان 30يوم والعيد ألأحد إن شاء الله.
تحياتى وكل عام وانت والجميع بخير.. |
الاخ اسماعيل عباس كل سنة وانت طيب
وشكراً على المساعدة كلامك يطمئن
| |
|
|
|
|
|
|
|
|
|
Re: العيد متين ؟ السبت 19 ولا الاحد 20 اغسطس , مهم جداً (Re: محمد زكريا)
|
سلام يا محمد زكريا
كل عام وأنتم بخير
يا خوي ما تخليهو يجي زي ما يجي
في ناس بيكونوا معيدين في طائرات ومطارات من إنتظار وشحن عفش ورحلات لساعات طويلة
ولحد الآن ما عارفين حيكونوا صايمين ولا حيكون عيد ولا حيصلوا فاطرين ولا حيفطروا جواً ؟؟؟
والأجهزة طبعاً موجودة وحددوها بيها أول أيام رمضان كمان
بس المشكلة ما بيححدوا ليك إلا في قبل يوم يعني التحديد دايماً بيكون بعد غياب الشمس
| |
|
|
|
|
|
|
|
|
|
Re: العيد متين ؟ السبت 19 ولا الاحد 20 اغسطس , مهم جداً (Re: Asim Fageary)
|
Quote: ألأخ/محمد كل عام وأنتم بخير.
العيد بأذن الله والغالب ألأرجح حسب تقويم أم القرى ألأحد 19أغسطس ...
وشعبان المرة دى كان 29يوم ما أعتقد رمضان يكون 29يوم..يعنى بأذن الله مكملين رمضان 30يوم والعيد ألأحد إن شاء الله.
تحياتى وكل عام وانت والجميع بخير.. |
الأخ محمد زكريا ـ كل عام وأنت بخير ـ
أضيف لكلام الأخ إسماعيل عباس ـ أن العيد كما أشار سيكون الأحد 19 أغسطس ـ مع تأكيد أن طيلة السنوات الأخيرة ما يرد بقويم أم القرى يعمل به بالسعودية ـ من حيث بداية رمضان ـ عيد الفطر ـ غرة ذو الحجة
| |
|
|
|
|
|
|
|
|
|
Re: العيد متين ؟ السبت 19 ولا الاحد 20 اغسطس , مهم جداً (Re: فايزودالقاضي)
|
Quote: فايزودالقاضي
ماقالوا النرويج بتحتمر الاديان وكده !!
مفروض اصلا يجهزو ساحة او حديقة كبيرة لصلاة عيد المسلمين
هو في شنو من الاسلام في اروبا غير العبادات دي .
تحياتي محمد ..
ا |
يا حليلك يا ود القاضى رمضان زغلل عيونك فى الكيبور بتحتمر؟؟؟
كنت بتحلم بتحمير لحمة محمرة ولا جدادة يا ربى؟ هههههههههههههههههه
بعدين لو قلنا الحروف جنب بعض نقول مافوكّا حاجة لكن حرف القاف فى الصف الاول على اليسار والميم فى الصف التانى على اليمين؟ هههههههه
والله دى تسفاى فى اولبياد لندن 2012 ما سبقك فيها ههههههههه
المهم انحنا فهمناها وعذرناك بما انك من غير الناطقين بها
بعدين يجهزوا ساحة او حديقة دى قلبت فيها الهوبة ولا بتاعة الاكروبات الصينية
تعرف هنا الجو لو استمر ساعتين بدون تغير ومرقت شوية شمساية الناس بتمشى البحر على طول تقول نصلى فى الصقيعة
والله مافى اى احتقار اديان والمساجد كل خمسه عاملين ليهم مسجد مسجد الفلانين ومسجد العلانين وكمان الدولة تشيل وتدعمهم
ناس اذكياء وما دايرين وجع راس مع اسلاميين ولا غيرهم كل زول ياخد راحتوا وبدعموهم كمان
----------------
Quote:
معانا زميل جاى عمرة من عندكم بعرفك..
اسمه احمد محمد على من كسلا ..
وبقول النرويج احسن بريطاني |
ولو برضو نحاول نفهم الداير تقولو هههههههه
يعنى كيف يكون زميل معاكم وجاى من عندنا للعمرة يعنى ما ليهو مده طويلة ؟ هههه
بتذكر واحد بالاسم ده كنّا بنقول ليهو احمد بائع العطور اكيد ده هو صح؟
اما الجمله الاخيرة ده والله دايره ليها مترجم عديييييييييييييل ههههه
النرويج احسن من بريطانيا ولا الزول النرويجى احسن من البريطانى ولا شنو المقصود؟ هههه
تعرف يا ود القاضى ده واحد زميل معانا فى المنبر هو اللى طلب منّى اشتغلك شديد كده فبالله سامحنى يا صديق
لكن بالجد خش العضم مش كده برضو هههههه
| |
|
|
|
|
|
|
|
|
|
Re: العيد متين ؟ السبت 19 ولا الاحد 20 اغسطس , مهم جداً (Re: محمد علي البصير)
|
Quote: محمد علي البصير
الأخ محمد زكريا ـ كل عام وأنت بخير ـ
أضيف لكلام الأخ إسماعيل عباس ـ أن العيد كما أشار سيكون الأحد 19 أغسطس ـ مع تأكيد أن طيلة السنوات الأخيرة ما يرد بقويم أم القرى يعمل به بالسعودية ـ من حيث بداية رمضان ـ عيد الفطر ـ غرة ذو الحجة
|
العزيز محمد على البصير
عيدكم مبارك
ان اقتنعت تماماً وناس ام القرى نحن معاهم تب
وتسلم يا حبيب مع الشكر على المرور
| |
|
|
|
|
|
|
|
|
|
Re: العيد متين ؟ السبت 19 ولا الاحد 20 اغسطس , مهم جداً (Re: Asim Fageary)
|
Quote: Asim Fageary
سلام يا محمد زكريا
كل عام وأنتم بخير
يا خوي ما تخليهو يجي زي ما يجي
في ناس بيكونوا معيدين في طائرات ومطارات من إنتظار وشحن عفش ورحلات لساعات طويلة
ولحد الآن ما عارفين حيكونوا صايمين ولا حيكون عيد ولا حيصلوا فاطرين ولا حيفطروا جواً ؟؟؟
والأجهزة طبعاً موجودة وحددوها بيها أول أيام رمضان كمان
بس المشكلة ما بيححدوا ليك إلا في قبل يوم يعني التحديد دايماً بيكون بعد غياب الشمس |
العزيز عاصم فقيرى كل عام وانتم بخير
والله الناس البتكابس مع العفش والتذاكر والطيارات ديل اسعد ناس فى الدنيا وياريت لو نلقى جزء بس من المنظر القلتوا ده
ياخ دى ناس ماشه تعيد مع اهلها فى كل عيد ونحنا ده العيد العشرين ما باركنا لام ولا لابو ولا لى جار
ربنا يجمعنا مع الاهل فى العيد الجاى يا رب
عشان كده فى الغربة البعيدة دى وفى بلد الصقيع بنحاول نلتقى فى العيد ونتدفى ببعض ذكريات العيد وسط الاهل والحبايب
ياخ مالك علنا تتور النايم
وشكراً على الحضور يا رائع
| |
|
|
|
|
|
|
|
|
|
Re: العيد متين ؟ السبت 19 ولا الاحد 20 اغسطس , مهم جداً (Re: محمد زكريا)
|
Quote:
يا اخ ما تقرض على الاحد ده
اها مؤمن - بريطانيا جاييكم فى العيد ده
تحياتى وتصوم وتفطر على خير |
الاخ الفنان الراقى ابراهيم عبدالحليم كل سنة وانتو طيبين
تعرف ده كله عشان نحجز صالة للصلاة والمعايده يوم العيد اما تحديد يوم لبرنامج حفل العيد ده براهو كوم تانى وبرضو حجز صالة وساوند واكل وهدايا اطفال ووووو
مخططين ان الحفل يكون الاول من سبتبمبر ان شاءالله ولو انه احتمال اكون فى المانيا بخصوص برنامج حفل تكريمى فى برلين لم يؤكد بعد
يعنى احتمال نتلاقى هناك
تعرف مؤمن فى دبى واكد استعداده على الحضور لو لقينا تذاكر من دبى اوسلو والعكس وما زال البحث جارياً
وشكراً على المرور
| |
|
|
|
|
|
|
| |
محمد زكريا
معاوية عبيد الصائم
ismeil abbas
Asim Fageary
محمد علي البصير
فايزودالقاضي
إبراهيم عبد الحليم
فيس بوك
تويتر
انستقرام
يوتيوب
بنتيريست