|
|
|
 Re: النجيضة: أكتر من 25 دولار للبرميل (Re: Yassir Tayfour)
|
ياسر
الكلام الما قالوا باقان منشور في الموقع
وتعالوا نحسبها
متوسط الرسوم الاجمالية للبرميل حسب الاتفاق حوالي 10 دولار
يلا ضيف ليها 3 بليون و28 مليون دولار تدفع في خلال 1000 يوم هي عمر الاتفاق
ودي حسب الاتفاق ما ليها اي علاقة بكمية التصدير
الجنوب في احسن الاحوال ولو حصل استقرار شامل لن يتجاوز متوسط انتاجه 200 الف برميل في اليوم
يلا اقسم، ح تلقى النتيجة 15.14 دولار للبرميل
تجمعها يا صاحبي للـ 10 دولار، تبقى النتيجة 25.14 دولار ينطح دولار
| |
 
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
الحاصل دا غريب جدا وبذكرني الاعلام الرياضي في السودان ومحاولات التخدير و ايهام الجمهور انو الامور تمام وفي صالح التيم
باقان بقى لي كانو مزمل ابو القاسم بكتب عن التسجيلات وهو يشيل و يلتق و يوحي بانهم منتصرين كونهم دفعوا تسعة دولار بدل الحداشر الضغطوهم الامريكان فيها
و محاولته لإظهار المساعدة للسودان كانها شفقة منه قال عشان ما ينهار السودان , لا بالله من محنتك عليهم يعني
مجبور عليها رغم محاولتك اظهارها كانها ثمن لأبيي و ترسيم الحدود
ومن ناحية تانية انت يا شفيع عايز تاكلنا حنك
المساعدات دي العايز تدخلها بالقوة في حساب البراميل قال ليك لن تدفع لو ما سويتو مسألة ابيي و ترسيم الحدود و عديل كدا قال ليك ضمان حرية حركة مواطنبهم و بضائعهم
يعني عشان تدخلها في حسابك قد تخسر ابيي و عالم الله تاني شنو كمان ؟
| |
|
|
|
|
|
|
|
|
Re: النجيضة: أكتر من 25 دولار للبرميل (Re: محمد البشرى الخضر)
|
Quote: ومن ناحية تانية انت يا شفيع عايز تاكلنا حنك
المساعدات دي العايز تدخلها بالقوة في حساب البراميل قال ليك لن تدفع لو ما سويتو مسألة ابيي و ترسيم الحدود و عديل كدا قال ليك ضمان حرية حركة مواطنبهم و بضائعهم |
شكراً يا أبوحتوت، الشفيع الضلالي داير يخدر المساكين، ناس سير سير يا بشير ؛)
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: محمد المسلمي)
|
| Quote: ومن ناحية تانية انت يا شفيع عايز تاكلنا حنك |
مافي حنك ولا حاجة يا ود البشرى
ارجع لي للموقع وشوف في اي علاقة للـ 3 بليون بي اي ابيي او خلافه
حتى الوفد المفاوض سماها transitional financial assistance (TFA) ولم يربطها بابيي او خلافه
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: محمد البشرى الخضر)
|
Quote: تدفع في خلال 1000 يوم هي عمر الاتفاق
ودي حسب الاتفاق ما ليها اي علاقة بكمية التصدير |
طيب ليها علاقة بشنو ؟
اقول ولا تفول انت ؟
وليه استخقاق المبلغ مربوط بفترة زمنية طــــــــــــويلة ؟
الاجابة : لانه يخضع لتقديرات المانح (دولة جنوب السودان ) ومدي التزام الممنوح (جمهورية السودان )
بشروط الدولة المانحة !!!!!!!
الشروط معروفه ... يعني دولة الجنوب حسمت قضايا الحدود بجزة النفط ... ورمت للانقاذ عضم بعيد (ثلاث سنوات )
كان اكلوا بخنقهم .... وكان ابوهو بموتوا جوع وهبات جماهيرية .... هناك حسابات ياالشفيع لاتستوعبها الالة الحاسبه
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
أخونا الشفيع
لا أشك أبداً في مقدراتك في الرياضيات و لكن مقدرات التدقيسية لا ترقى لمستوى فارة
اولاً يا عزيزي مبلغ 3 بليون و28 هو المبلغ المخصص كتعويض للسودان عن خسائره في النفط و هذا البند كان حاضراً كمقترح منذ وقت مبكر في بداية المفاوضات و كان السودان يطالب بجانب ها المبلغ الملياري على أن يكون رسم العبور 36$ للبرميل شاملة تكاليف الضخ عبر الأنبوب..
ثانياً و عشان تصحح معلوماتك إنتاج جنوب السودان من البترول كان 350 الف برميل يومياً قبل إيقاف ضخ النفط.. يلا أقسم 3 بليون و28 على 1000 يوم (عمر الإتفاق) ثم أقسم الناتج على 350000.. تجد أن مبلغ التعويض لو قسمته على عدد البراميل العابرة حيكون 9.37$ للبرميل .. يعني حتى بحسابك المجلبط دا بكون سعر العبور 19.37$
عموماً يالشفيع ياخي المسألة ليست مسألة تشفي ولا هي مسألة شماتة في حكومتي جنوب السودان و السودان و أتمنى أن يستفيد شعب البلدين الجارتين بخيرات اراضيهما
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Hafiz Bashir)
|
| Quote: إنتاج جنوب السودان من البترول كان 350 الف برميل يومياً قبل إيقاف ضخ النفط |
دي احلام يا حافظ
وصدقني ناس الحكومة اشطر من كده بي كتيييير
والله الـ200 الف دي كتبتها وبتفاؤل زايد
عداد الالف يوم ح يبدأمباشرة من بدء الانتاج
أؤكد ليك انه في السنة الاولى لن يزيد الانتاج على 100 الف برميل
حالة عدم الاستقرار في الجنوب لن تتيح له زيادة الانتاج
وجيش تحرير جنوب السودان "الآن" يسيطر على ربع مواقع الانتاج، وقابل للزيادة
راجع الارقام يا حافظ، وتأكد ان فيها الكثير من التفاؤل
ناس الحكومة لعبوها بذكاء شديد لامن فصلوا الـ 3 بليون بالانتاج
تحياتي
وصدقني ليس بها شماتة او تشفي، ولكن رد على البعض
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Hafiz Bashir)
|
بالاضافة الي ماقاله الاخ حافظ اعلاه وما قاله الاخ محمد البشرى ........ولا داعي للتكرار .........لكنك يالشفيع يبدو انك عاوز تقنع ناسك وتقنع نفسك بانكم ما قدمتو اي تنازل ولا اي انبطاح .......البشير قاله بالحرف الواحد لن نسمح لبترول الجنوب بالمرور من السودان طول ما كانت تحكم "الحشرة " الشعبية ........طيب ده بالواضح كدة تنازل ولا لا؟
ثانياً لو سلمنا بان الجنوب قد قدم تنازل ،فهل اشترط البشير تمرير البترول شريطة ان يتنازل الجنوب عن سعر ترحيل البترول ؟ بل هو قالها بالواضح حتي لو منحونا نصف الصادر زي ما كان زمان .........
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: ibrahim alnimma)
|
طيب يا ابراهيم ما كان تجيب سلفاكير
موش قال ما ح يتفاوض مع الانقاذ وح يعمل على اسقاطها ويسلم البشير للجنائية؟؟؟؟؟
دي السياسة يا ابراهيم!!!!
و لك ولغيرك نقول يا ابراهيم
أن موتوا بغيظكم
كل مراهناتكم فشلت
وممكن احسب ليك من واحد لي عشرة
بداية من "قرنق" وانتهاءاً بي "أبو"
| |
|
|
|
|
|
|
|
|
 Re: النجيضة: أكتر من 25 دولار للبرميل (Re: الشفيع وراق عبد الرحمن)
|
| Quote: ناس الحكومة لعبوها بذكاء شديد لامن فصلوا الـ 3 بليون بالانتاج |
الشفيع ...
لو تمّ دفع هذا المبلغ الآن (يعني باقي الليل دة) والذي سمّي مساعدات وليس سعر برميل ... ولنفترض دفعته أمريكا عديل كدة كتبرع منها لفض الاشتباك ...
ما هو سعر تمرير برميل البترول صباح الغد ؟
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
بعد التحية، الشفيع قال:(الجنوب في احسن الاحوال ولو حصل استقرار شامل لن يتجاوز متوسط انتاجه 200 الف برميل في اليوم)
لو كنت مع الاعلاميين او المفاوضين لقلت عكس ذلك تماما (الجنوب في اسوأ الاحوال لن يقل متوسط انتاجه عن 350 الف برميل يوميا)
اليست مصلحة السودان في في تصدير الكميات الكبيرة من بترول الجنوب؟
المهم لماذا لم يعلن الوفد المفاوض هذا الانتصار في مؤتمر صحفي.؟
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
Quote: To arrive at this deal South Sudan only had to make minor concessions. The
Government of Sudan was demanding pipeline tariffs and terminal fees of $25, but
under the deal RSS will be paying $8.4 and $6.5 for GNPOC and Petrodar
respectively. This is only $1 more per barrel, than RSS had previously offered.
Sudan demanded $6 in transit fees, but under the agreed upon deal RSS will only
pays $1 per barrel in transit fees for both pipelines. The positions of Sudan and
South Sudan, and the agreed deal are summarized in the following tables: |
أنا ما عارف الكلام الفوق ده واضح للناس ومعاهو مرفق الجدول ويبدو أن هنالك إلتباس حدث في ذهنية الزميل الشفيع لذا أسمحوا لي أتوسع في الشرح.
في تعريفة النقل عبر خط الأنابيب (Transportation Fee) طلبت الحكومة السودانية والمشار إليها في الجدول ب (Sudan position) مبلغ 25 دولار للبرميل وقدمت حكومة الجنوب والمشار إليها ب (RSS) مبلغ 5.50 دولار للبرميل
وبعد المفاوضات أتفق الطرفان على مبلغ 6.50 دولار للبرميل. هذا بخصوص نقل النفط فقط عبر خط أنابيب البترول.
نأتي الآن إلى رسوم العبور يعني Transit Fee لأن هذا الخط يمر عبر دولة السودان فمن حقها فرض رسوم عبور وبالفعل إقترحت الحكومة السودانية مبلغ 6.00 دولار للبرميل الواحد .. وإقترحت حكومة الجنوب مبلغ 63 سنتآ للبرميل إي أقل من دولار ولكن بعد المفاوضات إتفق الجانبان على مبلغ دولار واحد للبرميل كرسوم عبور.
طيب نجي لرسوم المعالجات وتم الإشارة إليها بال Processing Fee وهي رسوم فنية تتعلق بمعالجة الخام قبل التصدير فلقد قدمت الحكومة السودانية مبلغ
5.00 دولار للبرميل وقدمت حكومة الجنوب 1.07 دولار حيث إتفق الجانبان على مبلغ 1.60 دولار للبرميل .
بناءآ عليه تصبح تكلفة برميل البترول من بانتيو إلى بورتسودان كاللآتي:
6.50 + 1.00 + 1.07 = 9.10 دولار للبرميل. وهي التكلفة الأقرب إلى عرض حكومة الجنوب والذي كان مقدرآ ب 7.20 دولار في مقابل عرض الحكومة السودانية البالغ 36.00 دولار.
إنتهينا من دي يا الشفيع تعال نجي نشوف الجدول التاني .. وده بخصوص منطقة إنتاج محددة تم الإشارة لها ب Block 3 and 7 وأشار الإتفاق إلى أن 80% من بترول الجنوب من هذه المنطقة وبنفس الطريقة أعلاها تم تقسيم الجدول .. كان عرض حكومة السودان 36 دولار وقدمت حكومة الجنوب 9.16 دولار وتوصل الجانبان إلى تكلفة 11.00 دولار للبرميل ..
يعني حكومة السودان في أقصى تكلفة لها من بترول منطقة مربع 3 ومربع 7 حيكون 11 دولار أنا ماعارف ال25 دولار بتاعة الشفيع دي جات من وين.. الشفيع
أخوي أوعى تقول لي قريت الثانوي في بيت الأمانة.. تحياتي وتقبل الله صيامنا.
Petrodar transports the oil from blocks 3 and 7, which produce around 80% of
South Sudan’s oil. The RSS negotiation team strategically ensured that it obtained
بالمناسبة الإتفاق ده يسري لمدة 3 سنوات ونصف حيث بعدها يحق لحكومة الجنوب تعديل الأسعار.
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: عادل نجيلة)
|
مرحب استاذ/عادل نجيلة
| Quote: أنا ماعارف ال25 دولار بتاعة الشفيع دي جات من وين. |
لك ولمن هم مثلك قلنا في بداية البوست:
| Quote: والما بعرف حساب يقول عووووق |
وجبنا ليك الحسبة كاااملة
Quote: وتعالوا نحسبها
متوسط الرسوم الاجمالية للبرميل حسب الاتفاق حوالي 10 دولار
يلا ضيف ليها 3 بليون و28 مليون دولار تدفع في خلال 1000 يوم هي عمر الاتفاق
ودي حسب الاتفاق ما ليها اي علاقة بكمية التصدير
الجنوب في احسن الاحوال ولو حصل استقرار شامل لن يتجاوز متوسط انتاجه 200 الف برميل في اليوم
يلا اقسم، ح تلقى النتيجة 15.14 دولار للبرميل
تجمعها يا صاحبي للـ 10 دولار، تبقى النتيجة 25.14 دولار ينطح دولار |
وما تكون مشى فيك كلام باقان انه الـ3 بليون هبة ومنحة من دولة اقرب تصنيف لها انها اقرب للعدو؟؟؟؟؟؟؟
دي مفاوضات وعصر يا عادل
مافيها منح ولا هبات
عقود واتفاقيات
يسموها زي ما يسموها
في الاخير دولارات بتتكب وتندفع بغض النظر عن التسمية
| Quote: لو تمّ دفع هذا المبلغ الآن (يعني باقي الليل دة) والذي سمّي مساعدات وليس سعر برميل |
اخونا صبري
يسموهو مساعدات، منحة، جزية، فرنبة
هو في الاخير رسوم بترول
و لولا البترول ما دفع
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Zakaria Joseph)
|
Quote: طيب يا ابراهيم ما كان تجيب سلفاكير
موش قال ما ح يتفاوض مع الانقاذ وح يعمل على اسقاطها ويسلم البشير للجنائية؟؟؟؟؟ |
ومالي انا ومال سلفاكير.........حتي لو سلفاكير تنازل لمؤتمر الوطني وقدم تنازلات تحت الضغط الامريكي او الغربي .........لكن زولك ده مش قال مافي زول بلوي ليهو يدو؟ ولا كمان عاوز تاكلنا حنك من نوع اسرائيل برضها بتعمل كدة عشان كدة نحن لسنا استثناء؟
يازول زولك قال Quote: وقال البشير مرتديا الزي العسكري أثناء حفل أعقب إعلان الجيش السوداني استعادة هجليج من سيطرة جيش جنوب السودان،
"لا نريد رسوما من بترول الجنوب ولن نفتح أنابيب البترول، وبترول الجنوب لن يمر عبر أراضينا الطاهرة حتى لا يذهب دولار واحد إلى هؤلاء المجرمين". |
بعدين انت قايل دي السياسة دي بتحلك؟ انت فاكر الساسة دي كذب ؟ لا ياخوي السياسة اخلاق ومواقف ...........هذا بالاضافة الي انكم تقولون في ادبكم السياسي انكم تتقربون الي الله بالسياسة .....اها ياخوي انتو بتتقربو لله بالكذب والنفاق ؟
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
| Quote: وقدم تنازلات تحت الضغط الامريكي او الغربي |
ومنو القال ليك انو سلفا قدم تنازلاته تحت الضغط الامريكي؟
ومصلحة الامريكان شنو مع الانقاذ البتخليهم يضغطوا عليهو؟
قالوا ليهو اقفل البلف اسبوعيين والجماعة ح يسقطوا هوا
(دي بالمناسبة المراهنة رقم 8)
ولامن الشغلة جرت شهرين وتلاتة وعشرة، مشى ليهم، قالو ليهو يا زول دبر حالك
وفعلا مافي زول لوى ليهو يدو، واهو انت بتقول انو سلفا هو القدم تنازلات
يا ابراهيم
قارن بين 65 سنت و25 دولار، وح تعرف منو الاتنازل
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Zakaria Joseph)
|
يا الشفيع حساباتك دي بتدخل وزير المالية في ورطةكبيرة , بكرة قواعدكم وجيوش المستشلرين حيطالبوكم بحقهم
وإنهاء التقشفات , أحسن تصارحوهم .
عموما القول ما قال به المانحون الجنوبيون .
سؤال : كم يدخل خزينة البشير بعد خصم مستحقات الشركات الصينية والهندية ؟
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: ibrahim alnimma)
|
لشفيع وراق:
Quote:
محمد سليمان
عرفناك ساقط "سياسة"، كمان انت ساقط رياضيات؟؟؟؟؟؟
عنونت البوست بي "دولار واحد"
وفي النص قعدت تنطط وتجيب ارقام من هنا وهناك
الواضح والواضح جدا جدا ان حكومة الجنوب انبرشت انبراشة كبيرة وتاريخية
من خلا البيان الجنوبي فقط ممكن اثبت ليك التدهور الحصل لي لسعر دولة الجنوب
الخرطوم بدأت بي 36 ووصلت لي اكتر من 25 دولار للبرميل
وحكومة الجنوب بدأت بي 65 سنت ووصلت لي اكتر من 25 دولار للبرميل
هسة الانبرش منو؟؟؟؟؟
طبعا ح تغالط زي باقان الما قدر يبرر لي شعبه مدى الانبراشة الحصلت
يلا جيب ورقة وقلم وتعال نحسبها ليك
متوسط الرسوم الاجمالية للبرميل حسب الاتفاق حوالي 10 دولار "متفقين ولّ لا؟"
يلا ضيف ليها 3 بليون و28 مليون دولار تدفع في خلال 1000 يوم هي عمر الاتفاق
ودي حسب الاتفاق يا شاطر ما ليها اي علاقة بكمية التصدير، فهمت؟
الجنوب في احسن الاحوال ولو حصل استقرار شامل لن يتجاوز متوسط انتاجه 200 الف برميل في اليوم
يلا اقسم
ح تلقى النتيجة 15.14 دولار للبرميل
تجمعها يا صاحبي للـ 10 دولار، تبقى النتيجة 25.14 دولار ينطح دولار
بحسبوها كده يا صاحبي
|
أوكي ...
تعال نخت الكورة واطا و بالمنطق و عمليّا حأطلّع كلامك ده ليس سوي دعاية رخيصة للإستهلاك المحلي و صرف جماهير السودان عن النفق المظلم الذي تواجهونه ... و كيف برع باقان أموم في طاولة المفاضة علي هزيمة فريقكم التفاوضي.
أولا: هذا الإتفاق ليس بالنسبة أو بمقايضة السعر ببرميل بترول حقيقي كما ظللتم تطالبون به . و قد أجبركم فريق التفاوض الجنوبي علي قبول أسعار بالدولار و ليس بالمقايضة. فقطع عليكم الطريق من الإستفادة من صعود سعر البرميل عالميّا (و كلنا ندرك التوتر في الخليج و إحتمال نشوب الحرب ضد إيران وحينها ستطير أسعار البترول الي السماء ) ... في حالة صعود أسعار البرميل النفطي عالميّا ... سيكون بترول من أماكن مثل الجنوب في عز الطلب ... لو صعد سعر البرميل الي مثلا 180 دولار للبترول .. سيكون نصيبكم 9 دولارات فقط ... لو هبط سعر البرميل الي 60 دولارا .. بالطبع سيكون نصيبكم هو 9 دولارا أيضا. لكن الحيلة أنه بصعود سعر البرميل الي مبالغ عالية ... سيمكن الجنوب من خفض ضخ براميل البترول في اليوم ... تزداد أرباح الجنوب .. بينما يتنااقص دخلكم من الرسوم .. لأنه مرتبط بعدد البراميل التي يضخّها الجنوب.
ثانيا: لا تحسب سعر ترحيل ب 11 دولار .. فلقد أوضح باقان أن أغلب بترول الجنوب سيضخ من مناطق أعالي النيل ... بترودار .. بسعر 9 دولارات (في الغالب سيمتنع الجنوب عن ترحيل البترول من المنطقة الأخري) .
ثالثا: مبلغ ال 3.2 مليار دولار .. و التي قسّمتها أنت الي 1000 يوم .. و بالتالي سيكون هذا المبلغ بواقع برميل النفط المرّحل يساوي 15.14 دولارا .... علي مهلك !!
إن بدأ ضخ البترول الجنوبي غدا بأنبوب بترودار ... سوف لن ترون غير مبلغ 9 دولار للبرميل ..... لأن مبلغ ال 3.2 مليار دولار هو جزء من Package ... من ضمنها أبيي و أشياء أخري (ترسيم الحدود و حسم تبعية مناطق أخري) ... و الجنوبيون يريدون حسم مسألة أبيي بنهاية هذا العام .... و مناطق أخري ربما تؤول مرجعية البت فيها الي محمكمة العدل الدولية..... و الحريات الأربعة و الجنسية و عيييييك !!
في هذا الأثناء أنتم مجبرون علي تنفيذ الإتفاقية .. و ترون بترول الجنوب يمر عبر أنبوبكم و يقبض الجنوب الثمن كاملا . .. و لا يعطيكم غير 9 دولار للبرميل و خشمكم ملح ملح .... و أنتم عينكم في الفرق ( يمكن 120 دولار للبرميل للجنوب) ..... و ما تقدروا تعملوا حاجة .. لأن هذه الغتفاقيات ستكون محمية بالبند السابع ...
رابعا: الزمن في غير صالحكم ..... لأن إدارة أوباما ربما لن تكون هناك لتضغط علي الجنوبيين ليكونوا اكثر مرونة ... بل إن جاء رومني .. تلم قصة أخري.
شايف يا الشفيع ... المسألة ليست لعب بالأرقام و رياضيات و .....
المسألة أنكم تقفون أمام الجميع في أضعف حال لكم ...... و كل يوم يمر .. يزداد حالكم سوءا .. فتقبلون مضطرين البوم ما رفضتموه بالأمس ..... و الجنوبيون أثبتوا أنهم أكثر حصافة و فهلوة في التفاوض .. و سقوكم من نفس الكأس التي تسقونها للآخرين ...
بصراحة .. أنا لا أري تطبيق قريب لهذه الإتفاقية و أي إتفاقية أخري .....
المجتمع الدولي يريد كلفتة الامور ....
و الجنوبيون قالوها لهم .. لن نجامل في مواردنا الوطنية .....
و أنت قد جاق بكم مكركم السئ ...
و ما حتلقوها حتي بصوفها .. عشان تاكلوها !!
من مداخلة هنا:
فضيييحة .. حكومة البشير تقبل بدولار واحد للبرميل - تصريح رسمي
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Mohamed Suleiman)
|
مرات يالشفيع بتفتكر انك لما تمثل عدم الفهم ، بكون في مصلحتك وفي دي انت واهم ساي ........
يالشفيع انا قلت ليك فلنفترض انو سلفاكير اتنازل ، انا شغلتي شنو في سلفاكير ؟ انا بقول ليك زولك القال Quote: وقال البشير مرتديا الزي العسكري أثناء حفل أعقب إعلان الجيش السوداني استعادة هجليج من سيطرة جيش جنوب السودان،
"لا نريد رسوما من بترول الجنوب ولن نفتح أنابيب البترول، وبترول الجنوب لن يمر عبر أراضينا الطاهرة حتى لا يذهب دولار واحد إلى هؤلاء المجرمين".
|
ليه لحس كلامو ده ؟
تقوم تقول لي ما سلفاكير برضو اتنازل وبطيخ ؟ انا بعدين بسأل سلفاكير ليه اتنازل لكن ورينا انت ليه زولك ده اتنازل من كلامو ؟ تقوم تقول لي دي السياسة قلنا ليك السياسة لا تعني الكذب مطلقاً لا سيما وانتو بتتقربو بيها لله ..............
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
نقيف شوية ونرحب بي اخونا محمد سليمان
كلامك الكتير الكبيتو يا محمد لم يفعل غير اثبات صحة كل كلمة انا كتبتها هنا
صحيح الاسعار غير مرتبطة باسعار البترول، وده في مصلحة حكومتنا، يعني ترتب ميزانيتها على مزاجها، حتى لو زي ما افترضت انت انو دق الدلجة ووصل لي 60 دولار
| Quote: لأن مبلغ ال 3.2 مليار دولار هو جزء من Package ... من ضمنها أبيي و أشياء أخري (ترسيم الحدود و حسم تبعية مناطق أخري) |
كلامك هنا لم يقل به احد
وموقع فريق التفاوض الجنوبي سماها "مساعدات" ولم يربطها بابيي او خلافه
وهي يا محمد مرتبطة ارتباط وثيق بعبور البترول
ولو بتلاحظ ح يتم تسديدها في نفس الفترة (1000 يوم)
وانت لسه في احلامك ومراهنتك على الرؤساء الامريكيين، ح يجي رومني وغيره ولن تتغير النتيجة
Quote: بصراحة .. أنا لا أري تطبيق قريب لهذه الإتفاقية و أي إتفاقية أخري .....
المجتمع الدولي يريد كلفتة الامور .... |
يعني بعد اقل من ساعتين من فتحك للبوست وتهليلك للاتفاقية وانها انتصار ليس بعده انتصار للجنوبيين
تراها الان "كلفتة" من المجتمع الدولي؟؟؟؟؟؟
تحياتي
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
| Quote: مرات يالشفيع بتفتكر انك لما تمثل عدم الفهم ، بكون في مصلحتك وفي دي انت واهم ساي ........ |
دي ما ياها السياسة ذاتها يا ابراهيم
وهمي خليهو
وخلي القارئ هو من يحكم
ولا تقفز به للنتائج
هسة يا ابراهيم
تفتكر راي الشعب ح يكون شنو في الاتفاق؟
انا بقول ليك
لامن البشير حلف طلاق وقال مافي جالون ح يمر من هنا، كان بيعبر عن نبض الشارع
وهسه لامن وافق على الاتفاقية كان برضو بيعبر عن نبض الشارع
ولو هسه مرقت الشارع وقبضت ليك عشرة من طرف ساي وسألتهم، تسعة منهم ح يقولوا ليك نفس كلامي ده، والعاشر اما ما فاهم الحاصل شنو او شيوعي 
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
الشفيع ياخي قالوا كترة التكرار بتعلم الشطار.. الظاهر عليك ما فهمت الكلام الفوق او فهمتو و عملت رايح
مسألة دفع حكومة جنوب السودان مبلغ من المال كتعويض او مساعدة او سميها ما تشاء للسودان دي موجودة من بداية المفاوضات و لم يكن عليها خلاف كبير.. فقبل بداية المفاوضات وافقت حكومة جوبا علي مقترح الإتحاد الأفريقي بدفع مبلغ 2.6 مليار دولار كتعويض للخرطوم.. والخلاف الأساسي بين الخرطوم و جوبا كان حول رسوم عبور نفط الجنوب .. حيث إقترحت جوبا مبلغ 0.69$ للبرميل على خط بيترودار و 0.63$ دولار للبرميل على خط جنبوك إضافة إلى رسوم المعالجة وخدمات الميناء بينما تمسكت الخرطوم بمجمل 36$ للبرميل
الجديد الي عادت به الخرطوم بعد المفاوضات إن إرتفعت ال 0.63 و ال 0.69 إلى 9.1$ و 11.0$ شاملة رسوم المعالجة وخدمات الميناء
إرتفعت قبمة المساعدات التي ستقدمها حكومة جنوب السودان للسودان من مبلغ 2.6 مليار دولار إلى مبلغ 3.2 مليار دولار
و قد أجرت صحيفة الشرق الأوسط لقاءً مع باقان أموم كبير مفاوضي دولة جنوب السودان نشرته في عددها الصادر يوم 22 فبراير 2012.. تجده على الرابط
http://www.aawsat.com/details.asp?section=4&a...664772&issueno=12139
| Quote: أكد الرئيس سلفا كير، مرارا وتكرارا، أننا سنكون جارا للسودان وعلى استعداد لتقديم مساعدة له للخروج من أزمته الاقتصادية؛ لذلك وافقنا على مقترح فريق الاتحاد الأفريقي بتقديم ما قيمته 2.6 مليار دولار لهم، وأضفنا إليه إعفاء ديوننا على الخرطوم بما يقدر بـ2.8 مليار دولار |
و هذا ما قالته آن ايتو نائبة الأمين العام للحركة الشعبية لتحرير السودان في مؤتمر صحفي في جوبا في بداية شهر مارس
| Quote: إن جنوب السودان يأمل في إحراز تقدم بشأن قضايا نفطية في القمة. وأضافت أن جوبا تعرض دفع 2.6 مليار دولار للخرطوم بالإضافة لرسوم عبور ومنحة لخط أنابيب مقابل السماح بتصدير النفط عبر السودان. وقالت للصحفيين في جوبا “اعتقد أنه (البشير) سيكون مهتما بالمجيء لأنني لا أعتقد أن أحدا في العالم يريد أن يحارب طول الوقت”. وتابعت “نحن مستعدون للقيام بعدد من الأمور. اعتقد أن هذه فرصة عظيمة جدا. ما لا يمكنني قوله هو هل ستكون الخرطوم منطقية بما يكفي”. وذكرت أن جوبا لن توقع اتفاقا نفطيا بأي ثمن وما زالت ترفض اقتراح السودان بتحصيل رسوم تصل إلى 36 دولارا للبرميل. وعرض جنوب السودان دفع دولار واحد عن البرميل. |
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
| Quote: و ما تقدروا تعملوا حاجة .. لأن هذه الغتفاقيات ستكون محمية بالبند السابع ... |
انتو بس امسكوا لى فى البند السابع والبند العشرين
وناسين انو السودان دا ملان بترول وحتماً يأتى اليوم الذى تتمكن فيه الانقاذ من استخراجه ووقتها يمكن يحرم الجنوب من استخدام خطوط الشمال مرة واحدة
اها انتو اليوم داك ماعاملين ليهو حساب ووقتها بصلكم العندنا زاتو حانديهو الحبشة
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: حسن حماد محمد)
|
| Quote: حتماً يأتى اليوم الذى تتمكن فيه الانقاذ من استخراجه ووقتها يمكن يحرم الجنوب من استخدام خطوط الشمال مرة واحدة |
ههههههههههههههههههه
الشفيع ياخي جيب تبروقتك مع صاحبك حسن حماد دا و شيلوا فاتحة كاربة قولوا اللهم ارزق السودان بترولاً كتيراً كيةً في الجنوبين الإتفاسلو علينا ببترولهم ديل
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Hafiz Bashir)
|
| Quote: مسألة دفع حكومة جنوب السودان مبلغ من المال كتعويض او مساعدة او سميها ما تشاء للسودان دي موجودة من بداية المفاوضات و لم يكن عليها خلاف كبير |
يا حافظ
الله يهدينا ويهديك
عليك الله قول كلام يخش العقل ياخي
المبلغ ده مقابل شنو؟؟؟؟؟؟
هدية؟
لي الله ساي؟؟؟
يا جماعة فكروا بي عقلكم
الجنوب لي قبل شهرين بحارب فيكم
حرب وقتل وموت ودمار
فجأة كده يقرر يساعدكم وبدون مقابل؟
| Quote: إن جنوب السودان يأمل في إحراز تقدم بشأن قضايا نفطية في القمة. وأضافت أن جوبا تعرض دفع 2.6 مليار دولار للخرطوم بالإضافة لرسوم عبور ومنحة لخط أنابيب مقابل السماح بتصدير النفط عبر السودان |
وعليك الله اقرأ كلامك الجبته برااك ده:
جوبا تعرض:
1/ دفع 2.6 مليار دولار للخرطوم
2/ بالإضافة لرسوم عبور
3/ ومنحة لخط أنابيب
مقابل
1/ السماح بتصدير النفط عبر السودان
ده كلامك زاااتو بس قسمناهو ليسهل هضمه يا حافظ
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
| Quote: فجأة كده يقرر يساعدكم وبدون مقابل؟ |
أبداً ما فجأة بل تقدمت حكومة الجنوب بهذا العرض قبل بداية مفاوضات أديس و هو لم يكن محل تفاوض خلال جولات المفاوضات في أديس
مفاوضات أديس كانت حول رسوم عبور النفط للبرميل.. أما الحزمة المليارية دي فلم تكن جزو من المفاوضات
و ما أظن أجيك تاني لأني ما بحب الورجغة و ختاماً أقول ليك
علي نحت القوافي من مقاطعها وما علي إذا لم تفهم البقر
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Hafiz Bashir)
|
| Quote: مسألة دفع حكومة جنوب السودان مبلغ من المال كتعويض او مساعدة او سميها ما تشاء للسودان دي موجودة من بداية المفاوضات و لم يكن عليها خلاف كبير |
الشفيع.
ما زكره الأخ حافظ صحيحا. موضوع المساعدات المالية من دولة الجنوب الى دولة الشمال موجودة، وهي أحدى ترتيبات الأنفصال.
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: إدريس البدري)
|
| Quote: وما علي إذا لم تفهم البقر |
حافظ يا حبيب
الاساءات مافي داعي ليها ياخي ونحنا في رمضان
| Quote: و ما أظن أجيك تاني لأني ما بحب الورجغة |
اذا تم افحامك وغلبك المنطق انسحب من سكات
| Quote: أبداً ما فجأة بل تقدمت حكومة الجنوب بهذا العرض قبل بداية مفاوضات أديس |
وسؤالنا ما زال قائم
علي اي اساس تم تقديم العرض؟
حنية؟
لي الله ساي؟
شفقة؟
ولّ بعض عصر وهرس؟
Cc لي اخونا دينق
الـ3 بليون جزء من اتفاقية نقل البترول، وليس لها اي مبرر اخر
| Quote: ما زكره الأخ حافظ صحيحا. موضوع المساعدات المالية من دولة الجنوب الى دولة الشمال موجودة، وهي أحدى ترتيبات الأنفصال. |
ده كلام فاضي
انتو انفصلتو خلاس، ولو بي يدكم نموت ونحرق وما يفضل فينا نفاخ النار، مساعدات شنو؟
ده عصر يا دينق
| Quote: لقد طالبت حكومة الخرطوم بمبلغ 7 بليون دولار في الماضي كمساعدة لها، ولكن حكومة دولة جنوب السودان أقترحت 2 بليون دولار فقط. |
من يساعد من يا دينق؟
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Zakaria Joseph)
|
الشفيع ياخوي أنا عقلية افحمتك و أفحمتني و غلبتك و غلبتني دي ما قاعدة تقسم معاي و تجاوزتها من زمن بعيد و إن شاء الله إنت كمان تقدر تعدي المرحلة دي
ثانياً لم أقصد إساءتك و أعتذر لك إن كان قد مسك من حديثي إساءة .. أنا لا أشك مطلقاً في مقدراتك الذهنية و لكن لا يروقني منهجك في الكوار.. نحن نكتب هنا و ليس بالضرورة أن تتفق معي و ليس بالضرورة أن أقنعك بوجه نظري.. فأما الزبد فيذهب جفاءا واما ما ينفع الناس فيمكث فى الارض .. و لعزيزك القارئ عقل و كل شاة معلقة من عصبتها
إنا تداخلت معك في هذا البوست 3 مرات .. و أنت ترد على غيري و تعنون ردك بإسمي
Quote: علي اي اساس تم تقديم العرض؟
حنية؟
لي الله ساي؟
شفقة؟
ولّ بعض عصر وهرس؟ |
العرض يا عزيزي اقترحه الإتحاد الإفريقي و وافقت عليه حكومة جنوب السودان قبل بدء المفاوضات في أديس.. يعني العصر و الهرس في أديس أبابا لم يكن حول هذا المبلغ
في رأيي أن ربط دفع مبلغ المساعدات بعبور النفط يأتي في مصلحة جنوب السودان و كان من الممكن أن يسعى وفد حكومة السودان لأن يلزم حكومة جنوب السودان بدفع هذا المبلغ غض النظر عن ترحيل النفط عبر السودان او لا
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Hafiz Bashir)
|
اقبل اعتذارك يا حافظ ويبقى الود
| Quote: العرض يا عزيزي اقترحه الإتحاد الإفريقي و وافقت عليه حكومة جنوب السودان قبل بدء المفاوضات في أديس.. يعني العصر و الهرس في أديس أبابا لم يكن حول هذا المبلغا |
العرض يا حافظ تم تقديمه والتوقيع عليه في اطار نقل البترول
| Quote: و كان من الممكن أن يسعى وفد حكومة السودان لأن يلزم حكومة جنوب السودان بدفع هذا المبلغ غض النظر عن ترحيل النفط عبر السودان او ل |
كيف يلزمها يا حافظ؟ وفي اي اطار؟ وتحت اي بند؟
جنوب السودان اصبح دولة مستقلة، ولا يوجد ما يلزمه بمساعدة السودان
عشان تثبت كلامك ده يا حافظ، جيب لينا نص في اتفاقية نيفاشا يلزم حكومة الجنوب بدفع مبلغ 3 بليون دولار للسودان تعويض عن الانفصال؟
ما عندك نص، ما عندك موضوع
وحتى لو دار كلام، ما هي الية تنفيذه؟ كيف تضغط على حكومة الجنوب لاجبارها على تنفيذه؟
الركة كووولها في نقل البترول
هي الكرت الوحيد الممكن تضغط بيهو
وضغطت، ونجحت
والعالم بقت تجقلب
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
تحياتي للكاتب وضيوفه.
سؤالي للشفيع:
كسوداني أتمنى كل خير لبلادي ومواطنيها وابحث دائماً عن مصلحة وطني.
لكن ما أراه من واقع الاتفاق يخالف عنوانك المبشر. ويبدو أن حكومة الجنوب تحسن لف الحبل حول عنق الشمال ...
ما رأيك بتجرد وصراحة دون تأثر بالانتماء الحزبي أو الولاء السياسي
شكراً
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الصادق اسماعيل)
|
| Quote: ويبدو أن حكومة الجنوب تحسن لف الحبل حول عنق الشمال ... |
وضح يا هاني
من يلف الحبل حول من؟
الجنوب يعتمد اعتماد كلي على الشمال
حتى ربط الجرجير بنصدرها ليهم
وفشلوا في تصدير جالون بترول واحد الا عن طريقنا
من يلف الحبل حول من؟
ويا الصادق
لا تكن كالحمار يحمل اسفارا
الملصق لا يقول "كل" الرواية
احسب وحلل وناقش
تحياتي
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
Quote: ويا الصادق
لا تكن كالحمار يحمل اسفارا
الملصق لا يقول "كل" الرواية
احسب وحلل وناقش
تحياتي |
بالنسبة لشخص مثلك يريد أن يخدع فالملصق لا يقول ولكن لشخصٍ يريد الحقيقة فالحقيقة ما قاله الملصق.
وباقي الحسبة حنشوفها في التنازل عن ابيي وحاجات تانية مانعاني.
إنتا داير تأكل الناس حنك لكن نحن حنقول ليهم الملصق دا، والملصق بيتكلم عن الموقف التفاوضي بين الطرفين.
قصة التلاتة مليار ونصف مدفوعة تمن لأرض السودان، وإنتا عارف وأنا عارف
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
كويس يالشفيع إنك المرة دي قريت حتى رديت
نقطتي الأساسية يا الشفيع إنو حكومة جنوب السودان قبلت بدفع هذا المبلغ تحت مسمى المساعدات المالية الإنتقالية قبل بدء المفاوضات الحالية في أديس أبابا .. يعني الزعط و المعط الكان مدور في أديس دا ما حقق تقدم في الحتة دي للسودان إلا بمقدار الفرق بين 2.6 و 3.028 مليار دولار في مقابل تنازل حكومة السودان عن سعر عبور النفط من 36 إلى 10 دولار للبرميل .. كونك إنت شخصياً تقسم المبلغ على عدد البراميل و تطلع سعر عبور البرميل 25$ و القصة دي تبسطك دا ما بيضرني أنا في شي و من حقك تنبسط و دا شي بيسعدني جداً إنك تكون مبسوط.. بس إدعاء بطولات في غير معترك دا ما بيعجبني ليك.. و محاولة إنك تغشنا بحقايق زايفة دا غير مقبول لدينا
النقطة الثانية أن حكومة جنوب السودان قبلت بدفع هذذا المبلغ مقابل حزمة كاملة من الإتفاقات التي تمهد الطريق للتعايش السلمي بين البلدين الجارتين.. و هو مبلغ مستحق للسودان مقابل فقدانه لإحتياطي النفط بسبب الإنفصال.. و حقيقة و قبل بداية المفاوضات بزمن كان المبلغ المقترح هو 8.2 مليار دولار تشمل مساهمة جنوب السودان في تسديد ديون السودان.. سكتت مفاوضات أديس عن مساهمة جنوب السودان في تسديد ديون السودان و لا أدري إن كانت حكومة السودان ستعيد فتح ها الملف ام ستسكت عنه .. سألتني كيف السودان يقدر يلزم جنوب السودان بدفع المساعدات و آلية التنفيذ شنو.. إنت موش قلت جماعتك ديل شطار؟ و موش قلت جنوب السودان بيعتمد على السودان حتى في ربطة الجرجير؟ .. يلا الشطارة في التفاوض بتجي هنا.. ربط طريقة دفع المساعدات بعبور النفط نقطة تسجل في صالح وفد جنوب السودان .. فالمساعدة ستدفع كجزء من حزمة في مقابل تسوية الخلافات الأخرى العالقة و التي ستكون بعد التوقيع عليها محمية بالقانون الدولي و لكين طريقة الدفع و جدولته ستكون مربوطة بضمان إستمرارية عبور النفط
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Hafiz Bashir)
|
| Quote: نقطتي الأساسية يا الشفيع إنو حكومة جنوب السودان قبلت بدفع هذا المبلغ تحت مسمى المساعدات المالية الإنتقالية قبل بدء المفاوضات الحالية في أديس أبابا .. |
نقطتك الاساسية يا حافظ يا اخوي بنيتها على اي اساس؟
وليه هي قبلت؟
وعلى اي اساس قبلت؟
والجبرها شنو عشان تقبل؟
وشنو البيلزمها انها تقدم مساعدات لدولة عدوة وهناك حالة حرب معلنة بيناتهم؟
وهل كانت ستقدمها دون ان يكون هناك اتفاق للبترول؟
| Quote: و هو مبلغ مستحق للسودان مقابل فقدانه لإحتياطي النفط بسبب الإنفصال |
الاستحقاق ده ثابت وين يا حافظ؟
هل كان من شروط نيفاشا ان يدفع الجنوب مبلغ 3 بليون؟
| Quote: سألتني كيف السودان يقدر يلزم جنوب السودان بدفع المساعدات و آلية التنفيذ شنو |
سؤالي ليك استنكاري
ما دام هي "مساعدات"، كيف يتم الالزام بها؟
| Quote: ربط طريقة دفع المساعدات بعبور النفط نقطة تسجل في صالح وفد جنوب السودان |
كدي اشرح لينا دي
مقروءة مع دي
| Quote: فالمساعدة ستدفع كجزء من حزمة في مقابل تسوية الخلافات الأخرى |
في مكان اخر قلت:
باقان حلف بالطلاق ما يزيد الـ10 دولارات للبرميل ولا سنت، بس ما عنده مانع يقدم منحة 15 دولار لكل برميل
الكلام والله اوضح من الشمس يا حافظ
تتعدد التسميات والسعر واحد
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
| Quote: نقطتك الاساسية يا حافظ يا اخوي بنيتها على اي اساس؟ |
الإقتباس الفوق من كلام باقان الجبتو أنا ليك دا يا الشفيع نشرتو الشرق الأوسط في 22 فبراير 2012.. و أقرا التاريخ دا كويس
نقطتي الأساسية يالشفيع بنيتها على متابعتي لمجريات الأحداث من زماااان و لأنك إنت ما متابع أنا جبت ليك فوق الدليل على كلامي و النشرتو الشرق الأوسط و غيرها قبل بداية المفاوضات.. و قبلت ليه دي يالشفيع قلتها ليك لمن فترت لكين نقولها ليك تاني: قبلت بدفع المبلغ كجزء من مستحقات لتسوية مجموعة من القضايا المترتبة على الإنفصال و التي من بينها قضية النفط
مشكلتك يا الشفيع إنك حتى و لا تحمل أسفارا ذاتو
Quote: كدي اشرح لينا دي
مقروءة مع دي |
ما دايرة شرح يالشفيع ياخي و برضو نحاول نشرح ليك عسى و لعل بس إنت ساعدنا شوية بالجكة
دي مقروءة مع دي يالشفيع زي لما أديك قروش مقابل تديني بيت و طريقة الدفع بالأقساط و كمان أربط ليك دفع أقساط البيت بإني أجر منك عربيتك أشغلها تاكسي و من عايد التاكسي ادفع ليك أيجار العربية و أقساط البيت
كدا كيف معاك؟ هسه في داعي لكدا؟
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Hafiz Bashir)
|
الأخ الشفيع
تحياتي
بحسب ما ذكرته ياالشفيع فانه بعد إلإنتهاء من دفع الثلاثة مليارات ونصف سيعود
سعر تمرير البترول لعشرة دولار للبرميل .
وعلى كل حال حتى لو واصلوا فى دفع الخمسة وعشرين دولار
اين كلام البشير بأنوا تاني مافي بترول بمر بالشمال حتى لو ادونا نصفه
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: معاوية محمد الحسن)
|
الأخ الشفيع وراق،
لو إنني كنت من مؤيدي هذه الحكومة، والعياذ بالله والشر بره وبعيد،
لكرست فكرة ان رسوم عبور بترول الجنوب هي 5 دولارات فقط.
تقول لي ليه،
عشان الشعب السوداني الجيعان والمنكوي بكل موبقات النظام الدكتاتوري المفلس في كل الضروب،
ما يجي بكرة ويحسابنا على 25 دولار.
فحتى أن كان رقم 25 هذا الخيالي، صحيح، فإننا في المؤتمر الوطني لن نجد فرصة للمارسة الفساد إذا كشفنا عن الرقم الحقيقي.
وحيث أن الفساد أحد مؤهلات تولي الوظائف العامة، فإن الأمر لن يستقيم.
طبعا، لست من الغباء بحيث أتجاهل فوائد تهويل المبلغ وتضخيمه، أعني فائدة تخدير الشعب السوداني للنجاة من غضبته الراهنة.
لكن بعد وقت قصير جدا، ستنكشف خدعة التخدير ويفك البنج، ويومها سيقول الكذاب يا ليتني كنت ترابي.
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Albino Akoon Ibrahim Akoon)
|
| Quote: قبلت بدفع المبلغ كجزء من مستحقات لتسوية مجموعة من القضايا المترتبة على الإنفصال و التي من بينها قضية النفط |
يعني لامن نعصرك تقوم تجيب ليك كلام خارم بارم لا في السما ولا في الواطة وتختمه بي قضية النفط
حافظ يا اخوي
اقوللك
يا زول عوس عواستك
انا شخصيا عتقتك في سبيل الله، وما ح اخسر فيك اي مداخلة في الموضوع ده
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Albino Akoon Ibrahim Akoon)
|
Quote: بحسب ما ذكرته ياالشفيع فانه بعد إلإنتهاء من دفع الثلاثة مليارات ونصف سيعود
سعر تمرير البترول لعشرة دولار للبرميل . |
مرحب معاوية
لا، غير صحيح
المبلغ يسدد في 1000 يوم
عقد البترول مدته 1000 يوم
اذا بعد الانتهاء من دفع الـ3 بليون لن يكون هناك عقد تمرير ساري، ويلزم التفاوض من اول جديد
عشان كده قلنا الـ3 بليون مرتبطة ارتباط وثيق بترحيل البترول والمسميات فقط هي من فرقها
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
Quote: الشفيع يا اخوي:
المنطق فيهو كم نون?
بي نظرك اتنين:
ن ن
بيزاويتي:
ت.
نـنـ.
يعني :26/26=1.
جاوب علي السؤال دا:
جنا جداد الفرخة (السيوسيوة) ولا البيضة?
انساك من المسميات يا عبقري زمانك!!!
منحة ام رسوم عبور!!!!!!!!! |
هذا ردي واسمي البينو اكون>>
فمن اين لك باكينو!!!!!
ود الباوقة اساء الي بذلك قبل فترة, فمن انت لتكرر
لغته لتي اعبتبه عليه رغم صمت الجميع???
| |
|
|
|
|
|
|
|
|
 Re: النجيضة: أكتر من 25 دولار للبرميل (Re: Hafiz Bashir)
|
ود الباوقة?
بلاش استهبال!!
انت ياهاك ودالباوقة ..
وبالله بطل الرندوق والكلام الفارغ.
اكينو.
يكينك.
والكين.
انت قبل كدا قلت نفس المصطلح, وبصراحة انا وبعد
تكرارك لنفس المصطلح, فلا اعتقد ان هناك فرق بين ود الباوقة
والشفيع.
وبا اهل المنبر اشهدوا لو الحكاية رندوق وقلة ادب فاعلم ياودالباوقة الشفيع انو نفس انا اقدر ان اسئ لكم باسوا منها, ويابكري ابوبكر لا تلمني
عندئذ.
قلة ادب .
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: Albino Akoon Ibrahim Akoon)
|
البيان التالي يكشف كذب وإفتراء المدعو الشفيع في نهار رمضان :
بيان صحفي من سفارة جمهورية جنوب السودان بالقاهرة حول الإتفاق النفطي بين جوبا والخرطوم
تود سفارة جمهورية جنوب السودان بجمهورية مصر العربية أن توضح للرأي العام حقائق وتفاصيل التفاهم الذي توصلت إليه دولتا جنوب السودان والسودان حول رسوم تصدير النفط عبر الأخيرة، فقد حرصت حكومة جنوب السودان من خلال الإتفاق على تأمين مصالح شعبها حيث أنها أصرت خلال المفاوضات على تدفق نفطها عبر السودان مقابل رسوم عبور مقبولة.
ولأجل التوصل لهذا الإتفاق كان على حكومة جنوب السودان أن تقدم تنازلات طفيفة، إذ كانت حكومة السودان تطالب برسوم نقل تقدر بـ(25) دولار، إلا أنه من خلال الإتفاق ستدفع حكومة جنوب السودان (8.4) دولار و(6.5) دولار لشركتي النيل الكبرى لعمليات البترول (GNPOC) وبترودار على التوالي، وهذا العرض يزيد بدولار واحد مقابل البرميل عن العرض الذي سبق أن قدمته حكومة جنوب السودان، حيث كانت تطالب حكومة السودان بأن تدفع لشركة بترودار (25) دولار كرسوم للنقل و(6) دولارات كرسوم للعبور و(5) دولارات كرسوم المعالجة وهو ما جملته (36) دولار، بينما طالبت حكومة جنوب السودان بأن تدفع لشركة بترودار (5.50) دولار كرسوم نقل و(0.63) دولار كرسوم عبور و(1.07) كرسوم معالجة وهو ما جملته (7.20) دولار، فيما تم التوصل في الإتفاق الأخير على أن تدفع لشركة بترودار (6.50) دولار كرسوم للنقل و(واحد) دولار كرسوم للعبور و(1.60) كرسوم للمعالجة وهو ما جملته (9.10) دولار.
وكانت حكومة السودان تطالب بأن تدفع لشركة النيل الكبرى لعمليات البترول (GNPOC) (25) دولار كرسوم للنقل و(6) دولارات كرسوم للعبور و(5) دولارات كرسوم للمعالجة وهو ما جملته (36) دولار، بينما كانت حكومة جنوب السودان تطالب بأن تدفع تدفع لشركة النيل الكبرى لعمليات البترول (GNPOC) (7.40) دولار كرسوم للنقل و(0.69) دولار كرسوم للعبور و(1.07) كرسوم للمعالجة وهو ما جملته (9.16) دولار، فيما تم التوصل في الإتفاق الأخير على أن تدفع لشركة النيل الكبرى لعمليات البترول (GNPOC) (8.40) دولار كرسوم للنقل و(واحد) دولار كرسوم للعبور و(1.60) كرسوم للمعالجة وهو ما جملته (11) دولار.
علماً بأن شركة بترودار تقوم بنقل النفط من مربعي (3و7) الذي يقدر إنتاجه بنحو 80% من إجمالي نفط جنوب السودان، وقد حرص فريق حكومة جنوب السودان المفاوض على أن تتحصل على أقل رسوم لنقل النفط تقدر بـ(9.10) دولار.
وسيستمر العمل بهذه الرسوم المتفق عليها لفترة ثلاث سنوات ونصف على أن يتفاوض الطرفان على معدلات رسوم أقل إذا رغب جنوب السودان في مواصلة تصدير نفطه عبر السودان في نهاية فترة الثلاث سنوات ونصف، حيث أنه لن يتم رفع قيمة هذه الرسوم، وقد قررت حكومة جنوب السودان بناء خط أنابيب بديل سيتم التصدير من خلاله في نهاية الفترة.
وعرضت حكومة جنوب السودان على السودان مبلغ (3.028) بليون دولار كمساعدة مالية إنتقالية مباشرة خلال فترة ثلاث سنوات ونصف، وهو ما يعادل نحو ثلث عجز السودان الناتج عن فقدانه لنفط جنوب السودان، وهذه المساعدة المالية منفصلة عن رسوم النقل بخط الأنابيب.
وأوضحت الإتفاقية بجلاء أن جنوب السودان سيدفع هذه المساعدة مرة واحدة فقط خلال ثلاث سنوات ونصف وفي وقت مبكر إن إختار ذلك وبعدها ستنتهي تلك المساعدات، على أن أن تتحمل حكومة السودان صعوباتها المالية لوحدها، وتأتي هذه المساعدات كجزء من حزمة شاملة وضعت لكي تؤمن السلام والأمن وإحترام الوحدة الإقليمية والتعاون بين الطرفين.
سيعود فريق جنوب السودان المفاوض الى إثيوبيا لوضع اللمسات الأخيرة لهذا الإتفاق النفطي وإنهاء إتفاقات إضافية تعالج القضايا الأمنية المعلقة والمناطق المتنازع عليها والوضع النهائي لمنطقة أبيي إضافة الى مواضيع أخرى متعلقة بالجنسية والمواطنة، وأكدت حكومة جنوب السودان أن المحصلة النهائية ستكون إتفاقية سلمية شاملة تؤمن المصالح الثنائية لكلا الدولتين.
سفارة جمهورية جنوب السودان بالقاهرة
الثلاثاء الموافق 7 أغسطس 2012م
| |
|
|
|
|
|
|
|
|
|
Re: النجيضة: أكتر من 25 دولار للبرميل (Re: الشفيع وراق عبد الرحمن)
|
الشفيع ياخي إنت قريت كلام مشار دا كويس ولا بس بتشيل و تلصق ساي؟
Quote:
Last but not least, where is our “stolen” oil of which we heard a lot in the last few months? Surely, the delegation did not get that oil back.
|
Quote:
he added, will also lose $4.97 billion of debt relief which Khartoum owed South Sudan, but is now pardoned per the agreement.
|
يعني هسه إنت فرحان بكلام مشار البيتهم فيهو السودان بسرقة ما قيمته 4.97 مليار دولار عشان بس تثبت لنفسك إنو السودان دقس جنوب السودان و فرض عليهو رسوم عالية لعبور البترول؟؟ !!
ياخي أنا موش قلت ليك إنت حتى و لا تحمل أسفارا و ماشي امفكو سااااي؟ !
| |
|
|
|
|
|
|
| |
الشفيع وراق عبد الرحمن
Yassir Tayfour
محمد البشرى الخضر
محمد المسلمي
MAHJOOP ALI
Hafiz Bashir
عبدالكريم الامين احمد
ibrahim alnimma
Zakaria Joseph
معاوية الأرباب
Mohamed Suleiman
حسن حماد محمد
Deng
الصادق اسماعيل
إدريس البدري
Hani Arabi Mohamed
معاوية محمد الحسن
Albino Akoon Ibrahim Akoon
حامد بدوي بشير
salah almaleeh
محمد حيدر المشرف
فيس بوك
تويتر
انستقرام
يوتيوب
بنتيريست