|
|
 زمن والله ,...
|
حيث خمسطاشر يوم من رمضان .. و سخانه من بلد ومطره وغرق في بلاد تانيه
موت وصلاه غايب في مكان .. فطور جماعي في مكان مختلف خالص
اولمبياد وواحد ماخد عشرين ميداليه .. وقاره كامله
ما قادره تاخد ليها ميداليه..
وحيث انو عندي كوته كبيره جدا من البوستات اللي ما كتبتها .. وما كتبت فيها
وكميه من الرودو والمتابعات الحارقاني ليها اكتر من سنه ..
ومن باب التاخير الكان واللي حيكون في الردود الفاتت والجايه..
بنحييكم وبنقول ليكم مشتاقون ..
وراجعين كان النفسيات ساعدت
دا حالتو ما دخل العضم لسه
:)
|
|
  
|
|
|
|
|
|
|
 Re: زمن والله ,... (Re: 3mk-Tango)
|
عودا حميدا يا عمنا تنقو رغم الوجع البارك
بركة في العودة يا خوي ، يا حليلك والله وفعلا زمن !!!
رمضان كريم وكل سنة وإنت وكل العقاب طيبين وسالمين وتامين
ربنا يفرجها بركة الشهر الفضيل على اهلنا جميعا ويخلصنا وطاعون الإنقاذ
حبابك والله
| |
|
|
|
|
|
|
|
|
 Re: زمن والله ,... (Re: اسماء الجنيد)
|
كل الشكر للأصحاب القدام والجدد المرو من هنا
سوما العزيزه زمن والله فعلا الواحد بقي لمن يعاين لي تاريخ التسجيل
هنا دا لمن يخاف .. حليل زمن الباللتك وايام جميله
زمن ناس فلاي وينج والخوااض وسوميتا وزوله وسنارك وبشار وكل الناس الجميلين ..
الله يديك العافيه ورمضانك كريم
| |
|
|
|
|
|
|
|
|
|
Re: زمن والله ,... (Re: طارق جبريل)
|
.
إنت ليك سنة بس يا خالد
تصدق أنا من 2008 ما عتبت بي جاي إلا في رمضان دا . ومستغرب لقيت حسابي شغال و مستغرب أكتر إني إتذكرت باسووردي
و الله فعلا زمن .. و مشتاقين ... و خلينا في هذه الأيام المباركة نترحم علي روح أخونا وفقيدنا الغالي / خالد الحاج - دي حال الدنيا
ألف مرحب بيك
.
| |
|
|
|
|
|
|
|
|
|
Re: زمن والله ,... (Re: خالد الأيوبي)
|
قبل دقايق جيت داخلة هنا ورحبت بيك يا عمك تنقو وقلت ربنا يجعل لينا من الطيب نصيب ....يعني بقصد مداخلاتك وعلقت على اسمك والشخصية العظيمة السميت بيها روحك وقلت ليك ان شا الله شايل اسمها (أي الشخصية)
لمن لفيت وجيت تاني ، لقيت المداخلة مافي ...اها دا يقولو عليهو شنو؟؟ الشواطين دحين ما مربطة؟؟؟ المهم كان في زول شاف مداخلة بهذا المعنى في بوست تاني ...يبلغ السلطات ....
تحياتنا يا عمك تنقو ...وبالمرة يا خالد الأيوبي
(دايرة اقول لخالد الايوب ده حاجة في أضانو لو سمح عمك تنقو ( ما قدرت أساهم الأيام الفاتت دي ..لأسباب ذكرها لا يمت للمنبر بأى صلة) ...أرجو التفهم...
| |
|
|
|
|
|
|
|
|
|
Re: زمن والله ,... (Re: نادر)
|
نادر
والله عارف اي حاجة وما اتغيرت ولا نسيت الناس لكن جري الوحوش
-- بالمناسبه بتاعه الالحان والفنانين البنحبهم ويفارقو ومن ايام المرحوم
ولي وردي .. دا مشروع بوست عاوز ليهو تفكيك علي كلام المفككاتيه :)
سلام للعائله الكريمه ..
| |
|
|
|
|
|
|
|
|
|
Re: زمن والله ,... (Re: 3mk-Tango)
|
بت الشيخ كل سنه وانتي طيبه يا حبوبه و يا ( حبوبه برضو )
تنطبق عليك الوصف والاسم ....
----
ابراهيم عبدالحليم ... تسلم اوب خليل ورمضان كريم ...
-----
حافظ والله ما تخاف اخوك محافظ انقطع عن الكتابه لكن ما غبت ولا يوم
من المطالعه هنا .. يعني لفه لفتين حول الملعب وبنمشي مع الجيل الجديد
وبيني وبينك وبالجنبه كدا الجيل الجديد كيسو فاضي ..
ياخ ايام البورد بورد بوست واحد تقعد فيهو تلاته يوم
اسه وحاتك يوم واحد تقرا البورد بي ارشيفو ولو سالوك بعد
ربع ساعه ما تتذكر منو ولاح حاجة الا من رحم ربك طبعا
وخير مثال علي ذلك في بوست لي ابكر ادم اسماعيل اسمو المستعلواتيه
دا ليهو اكتر من 7 سنه امكن لي اسه بتذكر منو مقاطع وحوار ..
----
الصادق يا صادق شكرا علي النغم الجميل
احترام ... -
-----
مريوم تحيات الف واكوام اكوام ورمضان كريم عليكم ....
-----
اسامة والله شوق كتير يا راجل يابركه
----
طارق جبريك الحمد لله النفس طالع ونازل وكل الود
-----
يا سلام يا خالد الايوبي
تعرف انا اول حاجة عملتها رسلت لي بكري قلت ليهو شد لي كلمه مرور
وقلت احاول بي كلمه قديمه كنت بدخل بيهااول كلمه مرور دقيتا ظبطت يعني نفس الشي حصل معاك
يظهر اننا زي اللون الاصفر حق البورد دا .. تجي مواقع وتمشي لكن
نحن واقفين عند اللون الاصفر حق بكري دا ....
الف رحمه ونور علي حبيبنا خالد الحاج
انه حزن صعب تجاوزه ... ندعو له بالرحمه والمغفره ولنا بالصبر
علي فقده
----
تماضر ست الكل ... من خمسطاشر يوم قمتي تكتبي في بوستات مختلفه :)
كان غلبك فكي الله ما امر بالهلاك .... دا كلام واحد صاحبنا اول يوم في رمضان
الساعه عشره صباحا ضرب الفول عادي وضرب ليهو كوز مويه .. يازول مالك
فاطر ؟ قال والله رمضان السنه دي صعب والله ما امر بالهلاك
اها صدقا لي كلامي الفوق عن البوستتات الما بتتنسي بوست عرايس النيل
رغم الجدل والحوار السخن لكن كان فيهو نقله لي الناس ولي نوعيه التفكير
وتجهيزهم عشان يستقبلو فهم جديد وطريقه عرض جديده من جيل جديد
احترامي ليك وعمك تنقو زول اصيل واتعلمنا منو كتير في الصبيان
| |
|
|
|
|
|
|
|
|
|
Re: زمن والله ,... (Re: singawi)
|
| Quote: (دايرة اقول لخالد الايوب ده حاجة في أضانو لو سمح عمك تنقو ( ما قدرت أساهم الأيام الفاتت دي ..لأسباب ذكرها لا يمت للمنبر بأى صلة) |
ولا يمت لي رمضان (بصلة) ؟؟ .... ما يهمك يا تماضر ياخ
يا عمك تنقو .... مشيت ناس عكود ... بسألوا منك !
.
| |
|
|
|
|
|
|
| |
اسماء الجنيد
james
سلمى الشيخ سلامة
إبراهيم عبد الحليم
حافظ انقابو
الصادق اسماعيل
مريم بنت الحسين
أسامة عبد الجليل
طارق جبريل
خالد الأيوبي
Tumadir
mohamed elshiekh
قيقراوي
معتصم دفع الله
فيس بوك
تويتر
انستقرام
يوتيوب
بنتيريست