|
|
|
 Re: اهم رباطى فى المنبر (تاريخ) (Re: معاوية عبيد الصائم)
|
| Quote: أقبض الرباطي من الفيسبوك . |
| Quote: شكرا احمد محمد بشير لجلب صورة هذا الرباطى |
كدي نسأل باقي الأعضاء في البورد هنا هل التطفل على الناس في صحفاتهم في الفيس بوك وجلب صورهم للموقع هنا للتشهير بيهم شيئ قانوني وأخلاقي
غايتو كنت قايل أنه صفحات الفيس بوك دي مواقع خاصه ليها حرمتها وخصوصيتها زي البيوت وعلينا احترامها حتى لو صاحبها دقس وما عمل ليها حماية
إن شاء الله يكون مباح انه الزول يمشي يتطفل يجيب صور من صحفة الفيس بوك بتاعت الناس هنا عادي عشان الواحد يهجم يجيب للمناضلين ديل بلاوي وفضايح
| |
 
|
|
|
|
|
|
|
|
Re: اهم رباطى فى المنبر (تاريخ) (Re: عبدالعزيز حسين عبدالرحيم)
|
طبعا معاوية ما بتسأل لكن السؤال لأحمد بشير
انت يا أحمد شلت عدتك ومشيت الفيس بووك و جزمت ان الزول رباطي بناء على شنو؟ انو ما اتداخل في الربع الفات غير مرة واحدة ولا حسب كلام معاوية ؟
اها النكلمك بخصوص كلام معاوية دا جا من وين
معاوية قرا مداخلة عصام هنا Re: إعتذار وتوضيح بالاصالة عن نفسي وبالنيابة عن بورداب الخرطوم
وعلى ضوءها بنى سيناريوهاتو القدامك دي و تمّاها ما تيّسر من موية وبهارات و بسط يدّو شوية
ما بنلومو ياهو معاوية وياها طريقتو
لكن انت يابا مالك؟
ما سمعت بـ ( فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)
| |
|
|
|
|
|
|
|
|
Re: اهم رباطى فى المنبر (تاريخ) (Re: محمد البشرى الخضر)
|
Quote: ما سمعت بـ ( فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)
|
ود البشرى رمضان كريم
ياخوى البائن والمثبت .الحصل فيهو شنو ؟
تانيا ..هم كـــلاب الامن ديل .بسلموا المعتقل
او المعتقلة شهادة تعذيب وشكر ومرفق معها
سيرة ذاتية للرباطى وللا كيف
يا ود البشرى المذكور تلميذ مطيع للفاسد
القاتل اسامة عبد الله منذ الجامعة ..
وشيل الصبر
رمضان كريم تانى
| |
|
|
|
|
|
|
|
|
 Re: اهم رباطى فى المنبر (تاريخ) (Re: محمد البشرى الخضر)
|
Quote: هذا المقطع من المقال غير دقيق علي الاطلاق فقد سكنت مع اسامه في غرفه واحده في سنتنا الاولي بكليه الهندسه في العام 83-84 واسامه لم يكن يعرف كل افراد الغرفه جيدا (كنا سته نسكن في غرفه واحده) ناهيك عن ان يعرف كل طلاب الجامعه. ورغم انني لا اعرف كيفيه التنظيم الداخلي للاتجاه الاسلامي الا انني اشك كثيرا في انه كان امير التنظيم (او ايا كان المسمي الاداري لرثيس التنظيم) قد يكون احد القيادات العليا في التنظيم ولكنه اشك في ذلك ايضا. بعدها تعثر اسامه اكاديميا ولم يواصل معنا الدراسهل>لك ايضا اشك في ان له وضعا تنظيما قياديا وهو ليس طالب نظامي بالجامعه بل اكاد اجزم ان زميل المنبر ناصر احمد المطصفي كان له وضع قيادي في التنظيم اكثر من اسامه
|
| |
|
|
|
|
|
|
|
|
|
Re: اهم رباطى فى المنبر (تاريخ) (Re: ahmed haneen)
|
يا جماعة زول يجاوبني
هل ممكن عادي الزول يمشي الفيس بوك يلقط صور يجي يرشها هنا وينشكر عليها كمان زي ما حاصل في البوست دا ؟
عاصم يا فرده
| Quote: ما تكون سافرت خارج المملكة تاني من غير ما تدينا خبر؟ |
الظاهر عليه لسه ما جا ماشايف البوستات بقت ظريفه ومرتبه كيف
| |
|
|
|
|
|
|
|
|
|
Re: اهم رباطى فى المنبر (تاريخ) (Re: عبدالعزيز حسين عبدالرحيم)
|
عبدالعزيز ..سلامات ..
| Quote: هل ممكن عادي الزول يمشي الفيس بوك يلقط صور يجي يرشها هنا وينشكر عليها كمان زي ما حاصل في البوست دا ؟ |
الفيس بوك ده غرفة نوم خاصة ياعزو ؟!ّ
ماهي زيها زي سودانيز زي اى موقع مكشوحة في الاسافير وكل واحد بنزل فيها بارادته ..
ياعزو لو هو فعلا مجرم والاتهام ثابت عليه فليس عادي بل واجب وفرض عين يجيبوا صورته وكمان مفروض توزع في كل المنابر لكن ده بعد اثبات هذه التهم عليه ..
فايز/ ذيل شيوعي
| |
|
|
|
|
|
|
|
|
 Re: اهم رباطى فى المنبر (تاريخ) (Re: Asim Fageary)
|
Quote: ما تكون سافرت خارج المملكة تاني من غير ما تدينا خبر؟
|
اووووو صديقنا ود فقيرى
يازول قاعد لكن اكان لى فرقة عندى نية زيارة ام الطيور وربنا يسهل
شنو كرتونة حليب ساااااااااى ما وقعت فى عينك
| |
|
|
|
|
|
|
|
|
|
Re: اهم رباطى فى المنبر (تاريخ) (Re: amir jabir)
|
معاوية عبيد حورب لانه يسبب قلق شديد للاجهزة الامنية وكبار المسؤليين في الدولة
ويتصيد حهاز الامن واعوانه الذين يدرون والذين لايدرون الاخطاء للتخلص من وجود معاوية
ولم يحدث ان اتي معاوية بخبر للفساد في هذا الموقع الا وتم اثباته ولو بعد حين بل انه يكون بمثابة
خيط للصحفيين وجهات كسيرة لتقصي الحقائق
غيابه يفسح مجالا لتوقف حركة كشف الفساد
| |
|
|
|
|
|
|
|
|
|
Re: اهم رباطى فى المنبر (تاريخ) (Re: abdelrahim abayazid)
|
يا عبد الرحيم سلامات
و اظنك مناضلا تسعى لإحقاق الحق وإعادة السليب منه و خرجت رفضا للظلم و حرّمته على نفسك وميزانك الأخلاقي متسق ومكيالك واحد - أو مفروض كدا
هذا ما كتبه معاوياكم لي
إذا كنت ترى ان ايقافه او تحديد عدد مداخلاته بسبب بهتانه وكذبه و افتراءه محاربة له و تصيّد من جهاز الأمن - الدارين و الما دارين - و أعوانه لأخطائه
طيب ادينا حكمك العادل البتشوفه يستحقه على ما كسبت يداه
| |
|
|
|
|
|
|
|
|
|
Re: اهم رباطى فى المنبر (تاريخ) (Re: قاسم المهداوى)
|
Quote: يا عبد الرحيم سلامات
و اظنك مناضلا تسعى لإحقاق الحق وإعادة السليب منه و خرجت رفضا للظلم و حرّمته على نفسك وميزانك الأخلاقي متسق ومكيالك واحد - أو مفروض كدا
هذا ما كتبه معاوياكم لي |
الاخ محمد البشري
سلامات
انه معاوية عبيد الصايم وليس معاويانا
لا اظنني مناضلا بل اسعي ان انال شرف النضال بالوقوف في صف شعبنا
وصف المستضعفيين وصفوف اهلي الذين يعانون تحت وطاة الانظمة الدكتاتورية
والوقوف ايصا مع حقوق الانسان في كل مكان في العالم.
في اول مداخلة لي في موضوع معاوية اعتذرت لك بعد ان ادنت سلوكه
في نقل الصراع الي صراع شخصي واعني الصراع العام هنا والذي اعتبر
ان المشاركين في نقاشات المنبر يجب ان يعملوا من اجل ذلك حتي نخرج من
دائرة الخاص الي العام في شتي المجالات ونحترم خصوصيات الغير
ولا نتعدي الحدود وان لاتكون الحرية نار حارقة بل تكون نور يضئ الطريق
ولا ادري ماذا يستفيد الناس او بالاحري تستفيد انت من حظر معاوية عبيد
دعه للناس يقيموه فالناس خرجت مع محمود الكذاب مرتين وفي التالتة هجم عليه النمر
ولم يخرج احد وراح ضحية كذبه
لاتقراء له لاتناقشه او لماذا كنت تفعل ذلك؟
عموما اعلم تماما ان القرار لصاحب الموقع وبالتاكيد هو له نظرته
| |
|
|
|
|
|
|
|
|
|
Re: اهم رباطى فى المنبر (تاريخ) (Re: abdelrahim abayazid)
|
تاني يا عبد الرحيم عايز تحصر القصة في مسألة خاص وعام و تتجاوز بكل بساطة حتة الكذب و البهتان
اعلم تماما ان الدور البحاول البعض وضع معاوية فيه يستلزم سلامة مصداقيته و بعدها تماما عن شبهة الكذب
عشان كدا الكثيرين عملوا رايحين و القليل الادان تحدث عن صراع شخصي وخصوصيات وما الى ذلك
انا لم استفد من ايقافه بل عايزه يرجع يكتب عشان اعريه و ابيّن كذبه وإلى ذلك الحين سأعري و أبيّن خلل معايير البعض و تعدد مكاييلهم
وجهت لك الحديث لأن ما كتبته يوحي بمؤامرة ضده من الأمن و استهداف له
في حين كما ترى اوقف فقط لسفهه و جرأته على الكذب و البهتان
وسؤالك عن لماذا كنت افعل ذاك ها تعني لماذا تداخلت معه ؟ إن كان ما فهمته صحيح فلمطالبته بايقاف اطلاق الاكاذيب وايراد دلائل على اتهاماته للآخرين التي استمرأ و استسهل اطلاقها كيفما اوحى له خياله
و شجّعه سكوتنا عليه و تطبيل البعض له
| |
|
|
|
|
|
|
|
|
|
Re: اهم رباطى فى المنبر (تاريخ) (Re: محمد البشرى الخضر)
|
يا محمد البشري
تاني وتالت ورابع
البشير وزمرته من قادة المؤتمر الوطني اكبر كذابين عرفناهم في هذا السودان
اوقف كذبهم لانهم يدخلون بيوتنا غصبا وعنوة افضحهم
انت وضعت نفسك في خانة من يقييم مكاييل الناس وخلل معايرهم كما ذكرت
فامضي فيما ذهبت
لكن لن تغيير فيهم شئ لان المسطرة التي تقييس بها ربما تناسبك انت فقط
ويختلف معك فيها الكثيرون
انت تري ان معاوية عبيد كاذبا
ياحي تعال جيب دليلك علي انه كاذب
والحجة بالحجة فيما يطرح
والناس تقييم
اصلا الامنجية بتامروا علي معاوية وعلي كل من يحاول فضح النظام
وهم ما ناكرين الكلام ده وده شغلهم وقاعدين في المنبر ده عشان يعملوا كده
وهم الان مبسوطين جدا لانهم ماعندهم ما ينفي ما يذكر معاوية هنا
انت عندك جيب وتعال ناقشه
لا احد يحاول وضع معاوية عبيد في وضع وهو انسان عاقل بكامل اهليته
وتاريخه في منازلة الدكتاتوريات ليس بجديد
منذ دكتاتورية نميري
معاوية عبيد ليس سفيها وارجو ان لاتسيء له
ليس هناك اقذر مما يقوم به من كتب معاوية حوله هذا البوست
احسبه انت تطبيل وانا اراه غير ذلك
| |
|
|
|
|
|
|
|
|
|
Re: اهم رباطى فى المنبر (تاريخ) (Re: abdelrahim abayazid)
|
Quote:
طبعا معاوية ما بتسأل لكن السؤال لأحمد بشير
انت يا أحمد شلت عدتك ومشيت الفيس بووك و جزمت ان الزول رباطي بناء على شنو؟ انو ما اتداخل في الربع الفات غير مرة واحدة ولا حسب كلام معاوية ؟
اها النكلمك بخصوص كلام معاوية دا جا من وين
معاوية قرا مداخلة عصام هنا Re: إعتذار وتوضيح بالاصالة عن نفسي وبالنيابة عن بورداب الخرطوم
وعلى ضوءها بنى سيناريوهاتو القدامك دي و تمّاها ما تيّسر من موية وبهارات و بسط يدّو شوية
ما بنلومو ياهو معاوية وياها طريقتو
لكن انت يابا مالك؟
ما سمعت بـ ( فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ) |
حارجع لمداخلتك دي لما تجي
| |
|
|
|
|
|
|
|
|
|
Re: اهم رباطى فى المنبر (تاريخ) (Re: محمد البشرى الخضر)
|
Quote: في اول مداخلة لي في موضوع معاوية اعتذرت لك بعد ان ادنت سلوكه
في نقل الصراع الي صراع شخصي واعني الصراع العام هنا والذي اعتبر
ان المشاركين في نقاشات المنبر يجب ان يعملوا من اجل ذلك حتي نخرج من
دائرة الخاص الي العام في شتي المجالات ونحترم خصوصيات الغير
ولا نتعدي الحدود وان لاتكون الحرية نار حارقة بل تكون نور يضئ الطريق |
سلامات يا عبد الرحيم
ما عارف هل إنت قاصد الكلام الكتبته دا ولا أنا فهمي تعبان ولا الحاصل شنو؟ المشكلة ما في إنه معاوية تطرق لخصوصيات محمد أو غيره المشكلة في إنه معاوية لمن اختلف مع محمد طوالي نجر ليه كذبة بوهم إنه عايز ينتهي منه ويسكته ودا بيصيب معاوية نفسه في مقتل لأنه إذا كان دا أسلوبه في التعامل في المنبر الحيخلي الناس يصدقوا باقي الأخبار الجابها شنو؟ بعدين حكاية إنه الواحد يكذب ويفتري علي وأكون أنا المطالب بإثبات براءتي دي أصلا ما حاجة منطقية. يعني هسع أنا عشان كلامك دا ما عجبني أقول ليك زي ما معاوية قال لي إنك راجل ناقص وباطل وأنا أعرف عنك الكثير المثير وأمشي أنوم وإنت تكون مطالب بإثبات العكس؟ ياخي قول كلام غير دا. لو كان هناك فائدة واحدة لكل هذا السقوط يا عبد الرحيم فهي أن نعرف فعلا أن هذا الغول الكيزاني لم ينزل علينا من السماء وأن ندعوه صباح مساء ألا يسلط علينا هذا الوجه الآخر من العملة الكيزانية.
| |
|
|
|
|
|
|
|
|
|
Re: اهم رباطى فى المنبر (تاريخ) (Re: Elawad)
|
يا العوض يا عزيزي
مشكلة معاوياهم و مشكلتهم معاه انهم صنعوا منه إله عجوة و رمزا للثورة و عاشوا وهم طوربيد و رمح محاربة فساد وهلم خزعبلات
فمسألة مصداقيته مهمة جدا وفي بيان هزالها و ضعفها ضرب للوهم عشان كدا مهم حصر الموضوع و بيانه كأنه شكله بين اتنين استجاب احدهما للاستفزاز و تعدى الخاص للعام و بس خلاص
ببساطة شديدة
لكن ما في واحد ح يتناول ليك المسألة من زاوية الكذب و البهتان لا بل ح تلاقي الزي عبد الرحيم يقول ليك انت اثبت براءتك من البهتان او انت جيب دليلك
للدرجة التخليك تشك هل نتحدث نفس اللغة و هل نفهم نفس المعايير !!
| |
|
|
|
|
|
|
|
|
|
Re: اهم رباطى فى المنبر (تاريخ) (Re: Elawad)
|
الاخ العوض
سلامات وتحايا
الكلام الكتبتو ده مقروء مع مداخلة سابقة في بوست اخر وجهتها للاخ محمد البشري
Quote:
بعدين حكاية إنه الواحد يكذب ويفتري علي وأكون أنا المطالب بإثبات براءتي دي أصلا ما حاجة منطقية. يعني هسع أنا عشان كلامك دا ما عجبني أقول ليك زي ما معاوية قال لي إنك راجل ناقص وباطل وأنا أعرف عنك الكثير المثير وأمشي أنوم وإنت تكون مطالب بإثبات العكس؟ ياخي قول كلام غير دا. لو كان هناك فائدة واحدة لكل هذا السقوط يا عبد الرحيم فهي أن نعرف فعلا أن هذا الغول الكيزاني لم ينزل علينا من السماء وأن ندعوه صباح مساء ألا يسلط علينا هذا الوجه الآخر من العملة الكيزانية. |
ابدا يالعوض
لا اتفق مع هكذا اسلوب ولا اويده
ولم اطالب الاخ محمد البشري باثبات براءته بل ادنت السلوك واعتذرت له في بوست اخر
الاخ محمد البشري يري انه مدافعا عن الناس ويحاول ان يسكت كل الكذابين وله معايير
يقييس بها الامور
| |
|
|
|
|
|
|
|
|
|
Re: اهم رباطى فى المنبر (تاريخ) (Re: محمد البشرى الخضر)
|
الاخ محمد البشري
تاني انا لا اتفق مع الاخ معاوية عبيد في ما ذكر لك وفي اي موضوع شخصي يطرحه هنا ( شخصي دي يعني موضوع ما عندو علاقة بالهم العام)
حول مداخلتك في البوست ده يا محمد البشري
انا بسالك من دليلك لان هنا معاوية اتي بالخبر( حول موضوع الشخص المعني في البوست)
مع العلم ان الشخص موجود في المنبر ولم تاتيه شجاعة للدفاع عن نفسه
ولا حتي اهل النظام لكن انت اتيت ومدافعا ومستخدم اية قرانية كمان لتطفي شي من الحتميىة والقدسية.
| |
|
|
|
|
|
|
|
|
|
Re: اهم رباطى فى المنبر (تاريخ) (Re: abdelrahim abayazid)
|
طيب يا عبد الرحيم امشي معاك واحدة واحدة
دا كلامي Quote: طبعا معاوية ما بتسأل لكن السؤال لأحمد بشير
انت يا أحمد شلت عدتك ومشيت الفيس بووك و جزمت ان الزول رباطي بناء على شنو؟ انو ما اتداخل في الربع الفات غير مرة واحدة ولا حسب كلام معاوية ؟
اها النكلمك بخصوص كلام معاوية دا جا من وين
معاوية قرا مداخلة عصام هنا Re: إعتذار وتوضيح بالاصالة عن نفسي وبالنيابة عن بورداب الخرطوم
وعلى ضوءها بنى سيناريوهاتو القدامك دي و تمّاها ما تيّسر من موية وبهارات و بسط يدّو شوية
ما بنلومو ياهو معاوية وياها طريقتو
لكن انت يابا مالك؟
ما سمعت بـ ( فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ) |
و هو سؤال موجه لأحمد بشير على ماذا استند في جزمه ان ناصر رباطي و فرد في الأمن ؟ و السؤال دا موجه ليك انت وسائر من تداخل في ا لبوست
يا عبد الرحيم القاعدة بتقول البينة على من ادعى دا المنطق و العقل و التفكير السوي السليم بقول كدا
معاوية عندي كاذب ما لم يورد دليل على ادعاءاته
و في البوست دا ما جاب - ولا في غير البوست دا - دليل واحد على صدقه
فبالتالي القارئ - ذو العقل - لا يجب ان يحكم مالم ير دليل او اثبات مقنع ,ودا فحوى سؤالي لأحمد بشير
و الآية ليست لإضفاء القداسة أو الحتمية لكن دي اوامر الله للمسلمين وواضحة جدا لا لبس فيها "تبينوا" هل عندك رأي فيها ؟
فالخلاصة انا لست المطالب بإيراد دليل على كذب الإدعاء, المطالب بذلك هو صاحب الإدعاء
اتمنى تكون الإجابة كافية
طيب بدوري اسألك يا عبد الرحيم
عرفنا رفضك للشخصي طيب رايك شنو بالنسبة للكذب؟ لا غبار عليه اذا كان في سبيل الثورة مثلا؟
وأيا كان رايك في الكذب و الكاذبين هل هو نفسه بالنسبة للكل ولاّ يختلف حسب موقع الكاذب من النضال ؟
| |
|
|
|
|
|
|
|
|
|
Re: اهم رباطى فى المنبر (تاريخ) (Re: ناصر المحسى)
|
يا محمد البشري
سلام
انت مش قلت معاوية ده كذاب وانت عاوز تضعوا من الكذابين بمقياسك انت وتقيمك فليكن لك ذلك
انت لا زلت الان تدافع عن شخص وتنفي تهمة عنه وهو يمتلك حق الرد وما عاوز يرد حتي ولو لم يكن يملك عضوية؟
اسال نفسك لماذا؟
ليس لدي رائ في الاية الكريمة لكن لدي راي في متي تطرح وعندما تسخدم الايات كسلاح مبطن كما حاولت استخدامها انت الان
واهو نحن بنتبين اذا كان الامر غير واضحا
لست مع الكذب ابدا
ومسالة الخاص والعام عشان ما تتلاك
ضد تناول حياة البشر العاديين والتي ليس لديها علاقة بالعمل العام في المنابر والاعلام مما يسئ لهم ويضر باسرهم
والعاديين لاتشمل رموز النظام واعوانهم والمجرمين الذي سياعدون علي جرائم التعذيب والاغتصاب وانتهاك الحقوق
وحتي هولاء بالاثبات
والخزي والعار لكل من يصمت عل الجرائم جهاز الامن والمخابرات السوداني وسلطة الانقاذ
| |
|
|
|
|
|
|
|
|
|
Re: اهم رباطى فى المنبر (تاريخ) (Re: abdelrahim abayazid)
|
و عليكم السلام يا عبد الرحيم
يا عزيزي رجاء اقرأ حديثي بقلب وعقل مفتوحين بدون انطباعات او احكام مسبقة
انا قلت ان معاوية كاذب - وهو كذلك - طالما لم يثبت ادعاءاته و اكررها تاني معاوية - واي شخص -ي بإدعاء ما عليه ان يثبت ادعاءاته أو فهو كاذب. ذاتس إت
لا اعتقد اننا نختلف حول هذه النقطة - هل نختلف ؟
وحديثي في البوست دا ليس دفاعا عن ناصر أو غيره بل هاجمت النهج و الاسلوب , و رفضت فكرة ان علينا تصديق كل ما يقال من غير دليل فقط لأن القائل محسوب مناضل و من قيل فيه محسوب على المعسكر الآخر
وأن نكون مجرد إمعات أو إضينات نلغي عقولنا و نكتفي بهز الروس ونسير خلف اي دلوكة كدا سمبلا ساكت
ودا كان فحوى حديثي الموجه لأحمد بشير
و مرة تانية لا اعتقد اننا نختلف على هذه النقطة
و بالنسبة للآية الكريمة ليه الحساسية دي و اعتبرت استخدامها من باب السلاح والتهديد
زي ما الناس بتستدعي الحكم و الأمثال و الأقوال المأثورة لتدعيم حديثها انا ذكرت الآية لأن كلامي الموجه لأحمد بشير لن أعبر عنه بأفضل مما فعل المولى عز وجل
اخيرا .. حمدا لله ع السلامة
شيلتني هم يا عبد الرحيم :)
مسالة الخاص و العام خلاص انساها ما دام مزعجاك كدا و طالما قلت انك ضد الكذب فدا يكفي
و الخزي و العار دي ما توسعها بدل حصرتها على جرائم الإنقاذ و الأمن
خليها على اطلاقها كدا الخزي و العار لمن يصمت على الجرائم - كل الجرائم سواء من الإنقاذ أو معارضيها
الكذب باهو الكذب و الظلم ياهو الظلم وكان للإغتصاب و القتل و السجون بعض المعارضين الذين يصفقون للكذب و يمجدون الخوض في الاعراض وغيرها فرقهم من الإنقاذ السلطة بس ما أكتر
يوم التتبدل الكراسي ح نشوف منهم الاسوأ من الإنقاذ
| |
|
|
|
|
|
|
|
|
|
Re: اهم رباطى فى المنبر (تاريخ) (Re: ABUHUSSEIN)
|
Quote:
Quote: لست مع الكذب ابدا
اخيرا .. حمدا لله ع السلامة
شيلتني هم يا عبد الرحيم :) |
تعرف يا محمد البشري
ما فهمتك اعلاه او دعني اتجاهل فهمك عمدا
عشان يكون في ارضية نمشي عليه الي الامام
الخلاف حول المعيار والمعايير حيكون موجود الي ابد الابدين
بس بيبقي الاحسن والذي يقود الي الاحسن ان الناس تحترم بعضها كبشر
وان اي انسان له راي وله طريقة تفكير ويبقي ده الاساس
بعد داك بيبقي البقاء للاصلح عملا وفكرا
| |
|
|
|
|
|
|
|
|
|
Re: اهم رباطى فى المنبر (تاريخ) (Re: abdelrahim abayazid)
|
لا يا عبد الرحيم لا تتجاهل فهم كلامي عمدا من حقك علي تسألني و من واجبي أن أوضح ليك
من بداية الموضوع دا وانا مستغرب - وقلت ليك الكلام دا - في اصرارك على الحديث عن تعدي على الخصوصية فقط دون اشارتك لمسألة الكذب كأنها مسألة عادية ومقبولة ويمكن تجاهلها
وإحسان ظني بك خلاني اسألك واعيد و أكرر اكتر من مرة
كان ممكن اسفهك و اتجاهل كلامك كما البعض اعلاه لكن كنت على شبه يقين من انك ح تقول انت ضد الكذب
ونعم اختلاف تقييم الحاجات و فهمها وتقديرها موجود بين الناس ودي سنة الحياة
لكن في ثوابت و حد ادنى و اشياء متعارف عليها لا يمكن يختلف عليها الأسوياء
| |
|
|
|
|
|
|
|
|
 Re: اهم رباطى فى المنبر (تاريخ) (Re: محمد البشرى الخضر)
|
| Quote: من بداية الموضوع دا وانا مستغرب - وقلت ليك الكلام دا - في اصرارك على الحديث عن تعدي على الخصوصية فقط |
طلعت زول ساكت يا ود البشرى .....
إنت قايل تعبوا دا كلو لي شنو .....؟؟؟
دا مهمتوا إخارج صاحبوا من المستنقع الوقع فيه ...
بطل حسن الظن دا في مشاكل بالحجم دا ...
| |
|
|
|
|
|
|
| |
معاوية عبيد الصائم
احمد محمد بشير
محمد البشرى الخضر
Asim Fageary
Abdlaziz Eisa
ahmed haneen
فايزودالقاضي
abdelrahim abayazid
Deng
amir jabir
قاسم المهداوى
ناصر المحسى
Elawad
الطيب رحمه قريمان
ABUHUSSEIN
فيس بوك
تويتر
انستقرام
يوتيوب
بنتيريست