|
|
 قصتي مع شرطي النظام العام
|
المقصود بيهو واحد من بتاعين الشرطة الوزعتن محلية
الخرطوم في برندات السوق العربي نهاية التسعينيات
الواحد منهن يجي من صباح الرحمن ويشيل كرسي "ليبي" من أقرب كفتريا
ويتكل جم أقرب ركيزة ... وتعال شوف
الشاي ملح والأورنيش بتاع البوت ملح والعضة ملح
عمدة راسو عديل
.
.
.
حا نجي للقصة ما تضايقو
|
|
 
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
الكلام دا بالضبط سنة 1998
السكن كان داخلية الجامعة
تقطع شارع الجامعة وتجي راجع
وبما إننا في الداخلية ... مفلسين
أغلى حاجة كانت في الجامعة الخشاف
الشرامة يشيلو الزرارة الببيعوها شاي في كفتريا الميدان الغربي "الشعبي"
ويمشو بيها علوم .. نفس الزرارة بتجيب خشاف 3 أضعاف الشاي .....
ديل ناس تانين أنا ما فيهن
المهم أنا في السوق الشعبي جاني طاير صديقي أسعد عدلان جنا العمدة عدلان من السوكي
قالي دايرك تمشي معاي السوق المحلي ونجي دقة سريعة
قمنا واريتنا لا قمنا ولا مشينا اليوم داك
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
طبعاً أي مشوار زي دا الموافقة عليهو
بتجي دقة سريعة لأنو سيد المشوار بكون
مدبر حق المرقة والمواصلات وبكون فيها
كباية عرديب من على ابراهيم في الدرب
_ بس بشرط ما يكون في ركن نقاش يندك_
وقلنا بسم الله وعلى السوق العربي
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
قعدنا نورنش وأنا بالي في الشبط
في كمساري الحافلة بناعتو جات داخلة الصف في الموقف بتاع بحري
بالمناسبة موقف بحري أقرب صف لي رواكيب الأورنيس الفي نهايتن كانت في المكتبة
أها الكمساري تلب من الحافلة وشوت "بالغلط" بتاع الأورنيش في ضهرو
يقوم الشافع بتاع الأرونيش إندرع في الكمساري ياااا الله ويامين
فكيناك يا الشافع من الكمساري لامن غمتولو شي
لملمنا أطرافنا وقمنا ... عليك يالسوق المحلي .. وقبال ما نركب الحافلة فيها كباية عصير
في الكافتريا الناصية بتاعة موقف الصحافة ...
لكن يعمينا فيها كباية العصير لي يوم اليلي تجري غادي
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
كباية العصير كانت دايرا تبقالنا بي سبب رجعة
أسعد دقا فيها جرسة قال ما كانت في الاتفاق المهم ما نضمنا كتير
وقفنا
جم عمارة الأوقاف داقين الحنك مع شلة ماشين على الجامعة
وأنا وصاحبي سقنا الجماعة ونسة وجريناها
وفي عز الفقلصة والقندفة العلينا يجي بتاع الأورنيش القبييييل طاير
قال دايرنا شهود ومعاهو بتاع شرطة
أتاريك يا الشافع أمش إندرع للكمساري في رقبتو قالو كسرتلي الباغة القاعد أشيل
فوقا الحاجات حقتي وفي عز الحجة جاهن بتاع كبسولة النظام العام الجم ابوجنزير ديك
الشافع ما عندو حلل غيرنا... قالو عندي شهود .. ياهندييييك ما مشو بعيد
وتعال يا جرجرة نتقطر ونمشي مع بناع الشرطة
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
دخلنا الكبسولة الضيقة ديك
بتاع الشرطة المعانا فتحت خشمو ردالو الرغيب أول
"ياخي إنت مالقيت إلا الشافع بتاع المشاكل دا تجيبو لي"
مالك آجنا إتا قبيل ما فكيناك من واحد في الشماشة كان جا يلحقك أمات طه
أها مالك ؟ وبدون ما يتنظر الرد قبل علينا نحنا
أها وإتو مالكن
ينط العسكري: ديل شهود بتاع الأورنيش
في واحد بارينا من بدري أنا زاتي كنت متحير فيهو
الزول أتاريهو جاء وقف ورانا ... وكتين العسكري قال ديل شهود بتاع الأورنيش
إتفقع من الضحك لامن الرغيب أول قال زحو كدي أها دا شنو البضحك دا منو كمان واحد من شهود الكمساري؟
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
زحينا للرغيب أول شان يشوف
الزول قام زح من الباب إضارا منو مرق وراهو ماقدر فرزو من الناس
الجايين داخلين بين الكبسولة والسور بتاع المحلية
وجانا راجع .. قال للعسكري إتا آخوي جايبلي مجانين؟
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
العسكري: يا جنابو الناس ديل بتاع الاورنيش قال شهود على الحاصل
الرغيب أول: ياخ هو أنا عرفت الحاصل
العسكري: أنا قبيل ما وريتك ليهو وقلت أمشو جيبوهن
الرغيب أول عاين فيني وقال
"إنتو شفتو الكمساري ضرب الزول دا"
أنا قتلو لا
وجنو طار كيف يعني ما شفتو؟
ماشفتو عديل
طيب هو قال انتو كنتو قاعدين لامن الكمساري ضربو
صاح
طيب ماشفتو كيف؟
ماهو شوف يا سعادتك؟
سعادتو شنو يازول إتا شايفني مركب دبابير؟
كدي زح كدي يا حاجة وينو الشاي
"الشاي طبعاً مولينا"
قول ياخينا ... نشوف شنو؟
الزول دا جا متلب من الحافلة وشات الزول دا بالغلط
الزول منو؟
بتاع الأورنيش دا
أها يالكمساري وينو الكمساري ياعسكري
العسكري: الكمساري طلع فردة يا سعادتك؟
تعالو أقعدو بي جاي
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
ههههههههههههه
غايتو الختيتا وقبلك اخوك المذيع ( محي الدين )
بقيتو ناس ............ شكيتكم لعمر حسين عبدالماجد
غايتو شيلوا شيلتكم معا
تحياتي ومودتي
وأكتب لي ياغالي الحروف
| |
|
|
|
|
|
|
|
|
Re: قصتي مع شرطي النظام العام (Re: خالد علي محجوب المنسي)
|
Quote: غايتو الختيتا وقبلك اخوك المذيع ( محي الدين )
بقيتو ناس ............ شكيتكم لعمر حسين عبدالماجد
غايتو شيلوا شيلتكم معا
تحياتي ومودتي
وأكتب لي ياغالي الحروف |
قالوا المسطول قاعد في ضل العصر
ولدو جاهو قالو إتا أيابا العنكبوت دي ياها الشبشة؟
قالو أيي بلحيل
الولد سكت أبوهو قالو ,, مالا؟
قالو درسونا ياها الليلة في المدرسة
شن قالولكن فيها؟
هي أيابا بتبيض ولا بتلد؟
أبوهو قالو هي الشبشة فاضية من الجري كدي التقيف حتا نعرفا
دحين ياخوي محي الدين اليرك من السفر الكتير بعدين نعرف
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
Quote: أبوهو قالو هي الشبشة فاضية من الجري كدي التقيف حتا نعرفا
دحين ياخوي محي الدين اليرك من السفر الكتير بعدين نعرف |
وفي الاسفار الدعاء مستجاب
علي الأقل قول لي أدعو لنا
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
دايرين يقعدونا طبعاً عشان ننتظر الكمساري الشاكنو
الطلع فردة بالحافلة ... ونحن طبعاً دقينا جرس وعملنا خوتة
مش مستعجلين وماشين المحلي
الغريب في الموضوع صاحبي يهرج قال أنا السبب في دا كلو
حجتو إنو أنا الناديت الشلة ووقفتا معاهن جم مجمع الأوقاف
الرغيب أول لا تعرفو معانا لا تفهم إنو ضدنا مرة يقول للعسكري الناس ديل
ذنبهم شنو ويرجع يقول إنتو وراكن شنو بلا ال س ع ل ق ة واللف في الفاضي
وكتين عملنالو هواء زهج ولما ليك في جنسو مخلوق معاهو طردوا
لملمنا أطرافنا وبقينا مارقين ... وين موقف الصحافة زلط . السوق المحلي...
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
من قدام الرغيب أول وعدييييل على موقف الصحافة زلط
عمارة الدهب يمين ويسار في بعمارة
تقدم شوية تاني بتجي عمارة يسار .. هني في العمارة دي دخلنا بالبرندات
أو بالأحرى كنا ناويين ندخل بالبرندات
أسعد جاء بي برا ومشى على بتاع العصير الفي الناصية
وأنا جايي داخل بالبرندة في بتاع شرطة حاكر في كريسنا القبيييل جبنا سيرتو متذكرنها؟
الكرسي الليبي....
الزول دا كان قاعد ومادي رجليهو في كرسي تاني
لامن أن جيت قربت منو وطلبت منو يدلي كراعو شان أنا أمر مافي درب غيرو
إلا ألف بيهنااااااااااااااااااااااااك
أبا يشيل كراعو وما طولت كتير
إعتبرت كراعو مافي وجيت ماشي فااااايت
لاهو ولا الكرسي ولا الكرسي التاني وأنا في دربي مااااشي
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
ومشيت فييي دربي
كنو مافي شي
ورااامي بالي وراي
عيني لي العسكري يمشي على لامن
قرب إتلفت عليهو واتقبقبنا واتلاوينا
وأنا بالي للزرارة
دحين ماقالو زارة العسكري بي 6 شهور سجن؟
الجماعة دخلو واسطو وصاحبي أسعد عدلان قايد الجودية
العسكري حلف بي دينو وأيمانو إلا أمشي معاهو
وين؟
بسط الأمن الشامل القبيييييل مرقنا منو
| |
|
|
|
|
|
|
|
|
|
Re: قصتي مع شرطي النظام العام (Re: جلال جبريل)
|
نفضك نفضك اتلملمنا وبقينا ماشين
ولا هو راجعين على بسط الأمن الشامل
عسكرينا المسنوح يجر السلام للرغيب أول القبييييل دل "السلام عليكم يا جنابو"
نان الرغيب أول رد السلام؟ ولاااا جاب خبر السلام
عاين لينا محتار في الناس ديل الكانو قبل شوية
هني بدون أي مشكلة مجرد ناس جابن بتاع أورنيش شهود
وهسي يجو مجرجرين في مشكلة مع واحد بتاع شرطة
أول جملة قالا سألني:
أها خير... في شنو يا خينا مالكن تاني جيتوني صادين؟ الكمساري جاء؟
نط العسكري رد عليهو
الزول دا يا جنابو أنا قاعد في البرندة جاء ماشي كأني
ما موجود .. شاتني وفات لامن لحقتو قبقبني من الكاكي
أيواااااا يعني إنتو عاملين فيها مفتحين تجوني في اليوم مرتين وكمان
بتبرزو عضلات على بتاع الشرطة في محل خدمتو
تعالو بي جاي وينو بتاع البطاقة دي .. جلال؟ نعم
ياخي إنت الزول دا مالك معاهو الزول دا؟
مالي ومالو أنا الزول هسي كلامو دا منطقي أشوتو كيف يعني وبدون سبب
أها سوالك شنو.. هو ختالي كراعو داير يرميني وأنا شتها؟
يرميك ليه؟ أسألو هو
هني العسكري داير يمرق نظام إنو سلم واحدة من حالات الشغب وفايت
محل بسد الخدمة وكدا
أنا راجع ياجنابو
راجع وين يا عسكري تعال
فهمنا مشكلتك الجبتها دي شني شاتني وشتو دي؟
آي يا جنابو الزول دا بتاع طوابير
| |
|
|
|
|
|
|
| |
جلال جبريل
الطيب رحمه قريمان
خضر الطيب
خالد علي محجوب المنسي
فيس بوك
تويتر
انستقرام
يوتيوب
بنتيريست