|
ما عجبتني الحركة يا الســـــر قدور ..
|
نادر مات .. ووجعنا كلنا .. وجعنا شديد .. في يوم موت نادر الضيق الجاني احبطني لدرجة شملت كل ممتلكاتي .. انا قاعد في البلد دي بسـوي في شنو .. ولمتين الغربة .. و الحكومة دي حلها شنو .. و ليه الناس بقت عواليق كدا .. و تذكرت انه الحزن يختص بموت نادر بصعوبة .. و جاني احباط عام .. يوم يومين .. و بعد ما خفت كمية صـور الحادث البنشرها اصدقائي علي الفيس بوك تناسيت الموضوع و رجعت حليمة لعاداتها القديمة .. لكن النفس مكسـورة
.. ..
عودة برنامج اغاني .. عودة ذكريات فقدان نادر .. ما كنا محتاجين يا السـر قدور للمســرحية بتاعت البكا دي .. نعلم انهم تجاوزا المحنة ذينا .. استجلاب الدموع تاني قدام الكاميرا حركة بايخة .. الدموع بتاعت المكياج دي و الهدوم السودا .. ما حقتنا ..
.. ..
عموما الحركة ما عجبتني ..
|
|
|
|
|
|
|
|
Re: ما عجبتني الحركة يا الســـــر قدور .. (Re: humida)
|
صح والله كانت شينة وسيئة الاخراج ... عموماً استدعاء الدموع وشحذ المخزون من حزن لإظهاره امام الناس منظر ما بشبهنا وقد تلقى بالشخص في دائرة التزلف ومسابقة لا داعي لها لاختبار منو الموجوع اكتر من التاني مشاهد كنا في غنى عن متابعتها والادهى من دا انو المناحة ستستمر لليوم ولا ادري هل سيكون البرنامج على هذا النحو وهل سيواصلو بعد هذه البداية الحزينة البرنامج على النسق الذي احبه الناس واعتقد ان توقيت حركة لمسة الوفاء للمرحوم نادر لو ادخرت للايام الاخيرة لكان افضل من الاستهلال بها ... غايتو صعبوها على روحم وعلى الناس شديد
| |
|
|
|
|
|
|
Re: ما عجبتني الحركة يا الســـــر قدور .. (Re: walid taha)
|
أهل السودان لا يحبون الحزن والبكاء المتلفز .... أها يعني الجماعة ديل طوالي يجو خاشين : السادة لونو خمري قلبي حبه الحزن مُشاركة البكاء الذي تم لا بد له أن يتم لتستمر باقي الحلقات دون بكاء وإلا فليتذكر كل واحد منا تواجد أخوته وأصحابه حوله وتأثير الدموع عليه بعد ساعة واحدة فقط من موت عزيز جداً عليه ؟؟
| |
|
|
|
|
|
|
Re: ما عجبتني الحركة يا الســـــر قدور .. (Re: Elmosley)
|
حميدة تحياتي لكـ ولكل المتداخلين.. ورمضانكم يتباركـ..
اعتقد انو مهما حزنا ومهما حزن الشعب على نادر وافتقده..فلن يفتقده احد أكثر من زملاؤه الفنانين..وخاصة القروب اللي معاهو في اغاني واغاني..
عموما ياحميده الحلقة دي تم تسجيلها بعد وفاة نادر بأيام قليلة ..لذلك التأثر بدا واضحا.. وحكاية الميكـ اب لأنو الحلقة اصلا كانت حلقة تسجيل والناس انهارت في الاستديو..
هذا تفسيري ..
| |
|
|
|
|
|
|
Re: ما عجبتني الحركة يا الســـــر قدور .. (Re: Elmosley)
|
رحم الله الفنان النادر نادر خضر وجعل مسواه الجنة .. رمضان كريم على الجميع وكل عام وانتم بخير اخي حميده .. اما بخصوص حلقة اغاني اغاني فانا اتفق مع راي استاذي يوسف الموصلي لان كل من عرف نادر لا يستطيع ان يمنع دموعه من النزول عند ذكر سيرته وهذا وضح جليا في هذه الحلقة وفعلا كان الكل حزين ويجتر ذكرياته مع نادر لذا نزلت دموع الجميع في موقف غير ارادي وهذا شي لا يمكن التحكم فيه فوالله الحزن لا زال يمتلكني عليه حتى هذه اللحظة كان وفاته حصلت يوم امس وفعلا نادر يستحق ان تفرد له مساحات لذكر سيرته العطرة ولكن لا نستطيع ان نمنع احد من ان يزرف الدمع عليه مهما حصل ولا اعتقد ان الحلقة كانت تمثيلية او نوع من البكاء المفبرك بل اعتقد انه اذا اراد السر قدور ان يتناسى ويتجاوز سيرة نادر وحاول ان يبدأ في التسجيل لبكت كل الحضور وما كان باستطاعته تسجيل حلقة في جو عادي ولباظت الحلقة اساسا ولكن انا اعتقد انه منح الحضور فرصة لك يعبر عن حزنه على نادر لكي يتجاوزو هذه الاحزان ويستعدو للتسجيل في جو عادي للمرة القادمة وهذا رايي الخاص .. ولكم التحية والتقدير وسيظل نادر خالدا فينا ما حيينا ..
تحياتي : ياسر العيلفون
| |
|
|
|
|
|
|
Re: ما عجبتني الحركة يا الســـــر قدور .. (Re: humida)
|
تحياتي وسلامات حميدة وضيوفه
هى تجربة جديدة تجربة جديدة على البرنامج وعلى الناس برنامج ناجح جذب جمهوراً عريضاً لمدة ست سنوات تشاء المشيئة الإلهية أن يخطف الموت فجأة أحد أهم أبطال هذا البرنامج لنا زملاء في هذا المنبر أعلنوا بعد الوفاة المأساوية مقاطعتهم لهذا البرنامج ( جنابو عمر عثمان مثالاً ) في ظني لم يكن من الممكن أن يأتي نفس الزملاء ونفس العازفين ويغنون وكأن شيئاً لم يحدث لم يتطرق لمخيلتي أبداً أن أحد هؤلاء الباكين والباكيات كان يفتعل البكاء بل كان جلهم يغالبه مالى أذهب بعيداً أنا البعيد عنهم مكاناً وقرباً من نادر خضر ... وجدتني أبكي بمثل حرقتهم
في ظني أن إدارة البرنامج قد أحسنت الصنع وهى تخصص حلقتين للمشاركين في البرنامج وللمشاهدين لتنفيس كمية الحزن ( المعتمل أصلاً ) في الصدور وبعدها يستمر البرنامج الله تعالى وحده هو الحي الدائم
____________________
في سهرة قناة النيل الأزرق بالأمس غنى شاب إسمه ( عمر التقانة ) أغنية للمرحوم نادر خضر بنفس طريقة نادر ... للمفارقة الشاب شديد الشبه بنادر هيئة وصوتاً وطريقة أداء و ( استايل لبس ) خيم على الصالة الكبيرة صمت مهيب ركزت الكاميرا على الحضور كان البكاء قاسماً مشتركاً بين الرجال والنساء
____________________
فقدان الأصدقاء جمرة تظل في الفؤاد أبداً كاوية يزيد ضرامها أى مناسبة تفتح أصغر نافذة لتذكر الأشياء المشتركة بيننا وبينهم
| |
|
|
|
|
|
|
Re: ما عجبتني الحركة يا الســـــر قدور .. (Re: عاطف عمر)
|
رمضان كريم لكل الزملاء .. .. العام الماضي وقبلها كان للمرحوم نادر حضور قوي في حلقات اغاني واغاني وامتدت العلاقة بين نادر والزملاء في البرنامج فكان لابد في حلقات هذا العام بدونه ان تكون هنالك اشارات لحزن في النفوس حتي وان زالت هذه الاحزان مع الزمن فمكان نادر في الحلقة شاغر والحزن كبير في النفوس فكان لابد للبرنامج ان يتوقف ولو لحلقة تقديـرا له ولزكريات تركها المرحوم للمشاهد .. الرحمة والمغفرة له والتقدير للهرم الفني السر قدور وكتيبة البرنامج ..
| |
|
|
|
|
|
|
Re: ما عجبتني الحركة يا الســـــر قدور .. (Re: baha eassa)
|
ازيكم يا شباب .. نهاركم سعيد .. و الله هو الشعور الما كويس دا ما برتقى انه تغلط الناس دي .. بس مسألة الاستعداد لكي نحزن دي شوية فيها مبالغة .. و خصوصا اللبس الاسود و الكحل الزائد من البنات .. انا كنت بتمنى انه الحلقات السجلها نادر تتعرض ذي ما هي مع شريط يوضح زمن تسجيل الحلقات و يستمر الموسم كما هو ..
.. ..
| |
|
|
|
|
|
|
Re: ما عجبتني الحركة يا الســـــر قدور .. (Re: humida)
|
شخصيا بكيت واتعبرت بكا شديد والله بكا شديييييد ودا ماعنده اى علاقة بى انى كنت لابسه شنو ومسرحة كيف... ولانى فى حياتى ما تكحلت فدا ما بعرفوا ليك ... الحلقة كانت مؤثرة .. وافتقاد نادر فى وقت التسجيل كانت لحظة لايمكن لاى بنى ادم تجاوزها شخصيا لم احس باى افتعال لى بكا اى زول فى الاستديو دموع حمودى دموع بقية العازفين دموع اصدقاء العمر دى محطة كانت صعبة وحتى لو كانت مباشر وما قديمة انا بفهم لحظة الاحساس دا ... محاكمة الضماير والنوايا والقلوب بانو دا كان مفتعل دى كتيرة والله كتيرة يا حميدة ... بالعكس الناس ديل قاوموا مقاومة كبيرة عشان يبدو الثبات وغلبهم ذى ما غلبنا كلنا ... انا افتكر انها حلقة حاول الجميع التماسك فيها ولكن الفقد كان افدح والحزن اكبر من ان يحتمل .... لنادر الرحمة ولاصدقاء عمره الصبر والسلوان ...
ــــــــــــــــــــــــ بطلوا شناف ومحاكمات فى اى شى ,,, الموضوع انو السودانيين وحسب الكلشر بتاعتهم بخجلوا من الحزن والدموع ... بخجلوا الواحده دى ودى مشاعر انسانية سالبة ,, يعنى لو كان نادر عرس فى اليوم داك والحلقة كانت خصصت للفرحة والاحتفال ما كان فى زول جا استنكر مظاهر الفرح وقال مفتعلة .....
| |
|
|
|
|
|
|
Re: ما عجبتني الحركة يا الســـــر قدور .. (Re: دينا خالد)
|
شخصيا بكيت واتعبرت بكا شديد والله بكا شديييييد الحلقة كانت مؤثرة .. وافتقاد نادر فى وقت التسجيل كانت لحظة لايمكن لاى بنى ادم تجاوزها شخصيا لم احس باى افتعال لى بكا اى زول فى الاستديو دموع حمودى دموع بقية العازفين دموع اصدقاء العمر دى محطة كانت صعبة وحتى لو كانت مباشر وما قديمة انا بفهم لحظة الاحساس دا ... محاكمة الضماير والنوايا والقلوب بانو دا كان مفتعل دى كتيرة والله كتيرة يا حميدة ... بالعكس الناس ديل قاوموا مقاومة كبيرة عشان يبدو الثبات وغلبهم ذى ما غلبنا كلنا ... انا افتكر انها حلقة حاول الجميع التماسك فيها ولكن الفقد كان افدح والحزن اكبر من ان يحتمل .... لنادر الرحمة
------------------------- Thanks Ya deyna This is exactly what happened to me I could not continue to listen And I cried a lot
| |
|
|
|
|
|
|
|