|
كتب الكاتب الفاتح جبرا المتوفرة بمعرض الدوحة
|
|
 Re: قالوا كندا فيها مجاعة....النصري ما خلى اكل للعالمين (Re: مريم بنت الحسين)
|
غايتو يا اسمارت الحالة صعبة
لو صبر القاتل لمات المقتول,,,,
والله يا اسمارت اليوم قررت الحم (من لحام ستالين) مع بوست اللوزرس لكن
لمن جيت البيت بين الدوامين كان عندى زمن يكفى لبوست واحد فقط ..
يا اعمل البوست الجديد الما عنده موضوع,,
او ارفع بوست اللوزرس واتكسر فيهو,,,
قررت اعمل البوست الجديد على اساس الويكند عندى زمن كفاية ارفع بوست اللوزرس
لانه فى كلام كتير محتاج يتقال وتقارير ليس لها نهاية مفروض تتقدم ...
لمن مشيت الشغل بعد ربع ساعة من عمل البوست الجديد دخلت البورد من خلال الجوال
الذى لا يقرا عربى (عربى لكن الحروف غير ملصقة مع بعض وتحتاج لبعض الاجتهاد للقراءة)
لقيت البوست ده لكن للاسف ما بقدر ارد من الجوال ,,,,,
المهم رمضان ده فرصة رهيبة لتحقيق المستحيل ....
التفاصيل بهناك
| |
  
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: مريم بنت الحسين)
|
ويين يا مريم
انا رسميا عدو لكل منتجات Apple خاصة ال iPHone
بالرغم من تلفونى سامسونق قالاكسى s ما بقرا عربى لكن
والله مبسوط منه اربع وعشرين قيراط .....
بالرغم من التقارير كلها مفروض تترفع فى البوست التانى لكن
هنا ومن هذا المنطلق اود ان اعلن للملا ان هذا الرمضان ولاول
مرة حيخلو تماما من السكريات ...
مافى عصير او حلومر او اى تحلية مافى رز بلبن (سحورى المفضل)
مافى سكر فى الشاى...
موية بس ...
امبارح اول يوم نجحت بامتياز ....فطرت بفول بالجبنة والطعمية وسلطة طماطم
وهى الوجبة الوحيدة ....
لمن جعت بعد اربع ساعات جبت لى زى خمسة كيلو كريز(او كرز) cherries
وقعدت اكل لمن شبعت ... شربت شاى مسيخ بلبن ونمت على كده....
اليوم حاكرر نفس التجربة ....بس ما عارف بديل الكرز شنو!!!
الدنيا عندنا صيف والسوبرماركت فيهو اى فواكه على وجه الارض...
مفكر امشى محل الفيتناميين واشترى قشطة فواكه
عروس الفواكه " القشـطـة" صور..حكايات..استمتاع
| |
|
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: lana mahdi)
|
الايام دى يا لنا فى موسم التسجيلات...
مفكرين نشطب ناس قدام ونسجل ناس جداد....
اول زول مرشح للشطب هو غباشى وبعده محمد الحاج....
فى ناس expired زى الهادى وامير ....
يكون مكسب كبير لو كنت احد نجوم التسجيلات الجديدة ....
خاصة وانك لك خبرة علمية فى الطبيخ ......
بالنسبة لمقترحاتكك
العصيدة جنى وجنها واظن انها وجبة تدل على بساطة مكتشفها...
جاب دقيق اضاف موية وختاهو فى النار ....
مافى اجتهاد....
اما الكسرة فهى دليل على عبقرية المطبخ السودانى...
عملية التخمير لوحدها دليل على صبر المكتشف وطولة باله
فى اختراع شئ جديد.....
اما الذى اخترع الحلومر فهو قائمة احدى عباقرة الدنيا العشرة....
رغم ذلك انا محارب كل العصاير ....موية بس ...
ملاح النعيمية ..طعمه جبـــان وليست له هوية....
| |
|
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: النصرى أمين)
|
انا بشجّع لنوية تجي تشترك معانا...
Go losers..
اما تفسيرك لعدم اعجابك بالعصيدة يا النصري نوهائي ما سمعته زيه قبل كده... بالغته فيه... الغريبة في شكل من العصيدة تقريبا في كل مطبخ... منها بي دقيق الذرة فيما يعرف بالبولينتا عند الايطاليين.. وفي منها بي دقيق القمح .... وفي منها بي الoats.. اسمها بالانجليزي Porridge... وهي غالبا اكل الفقراء لبساطة مكوناتها زي ما قلت انت
اما الكسره، وبعد ما حيرتني وما عرفته اعمل ليها شنو، بقيت بفتش في طرق تخليني اقدر اعملها غير طريقتنا التقليدية... وكنت عايزه اخترع لي شي يساعد في القصة دي، بس سبته الموضوع... بتكون شفته فيديو زي ديل قبل كده...
| |
|
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: مريم بنت الحسين)
|
غايتو يا مريم ..العصيدة دى من وانا عمرى 3 سنوات ما بحبها....
باكلها مرات لكن مافى اعجاب متبادل .....
الكسرة والقراصة والحلو مر دى اكتشافات سودانية نباهى بها الامم .....
فى رمضان العداء تجاه العصيدة يزيد وما بلجا ليها الا لمن اصطكا.....
انا تقريبا السودانى الوحيد الذى يفضل ان يفطر بفول بدلا عن العصيدة
ممكن اكل الملاح براهو though
| |
|
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: النصرى أمين)
|
سلام يغشاك يالنصرى
والله حبيت ادخل بس عشان احل مشكلة العربية فى تلفونك
كان عندى نفس المشكلة...
اعتقد انك لسه فى Gingerbread 2.3 ولو داير تحل المشكلة اعمل upgrade ل
Ice Cream Sandwich 4.4
والطريقة ساهلة جدا وتجدها فى الانترنت....
انا من مريدى الاندرويد ولن اتعامل مع غيره
رمضان كريم لك وكل الناس
| |
|
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: النصرى أمين)
|
رمضان كريم يا جماعة
| Quote: اول زول مرشح للشطب هو غباشى |
إني صائم ... إني صائم & very busy
| Quote: عارفه لسانه طويل ومنتظر فيك فرصةززز |
إني صائم ... إني صائم & very busy
See you after Iftar, for those who are joining us for the first time, I have many things to say about Elnasry and his gang
Catch you very soon
| |
|
|
|
|
|
|
|
|
 Re: قالوا كندا فيها مجاعة....النصري ما خلى اكل للعالمين (Re: غباشي)
|
النصري كل سنة وإنت طيب
تصومو وتفطروا على خير
غايتو أنا ماصديقة رمضان بالمرة
ياخ دا أكتر شهر باكل فيهو
والسنة دي عزمت والعزم لله
لازم أعمل ريجيم مع الصيام
لكن اليومين ديل بيقولو الحكاية بايظة
وماهتنفع
بالمناسبة صومي السنة دي برعاية سمارتي وصديقة أخرى
عشان كدا لازم أبيض وشهن
_______
ماي تارقت 90 باوند
ومسجلة معاكم هنا وهناك بإذن الله
| |
|
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: Rawia)
|
اول شي،،،،،هووووي يا ناس الاندرويد، اطلعوا بره.
That said
اذيك يا النصري ؟ اعترف، ذدتا كم رطل؟؟؟
نرحب بالضيوف اصحاب البيت لنا و راوية.
مريوم، شفتي النصري و غباشي و استهوانهم لينا؟؟
واحد حايم بالبوستات و ما مهببنا. و التاني قال ما فاضي. اها الدكتوراة دي بتخلص هسي.
راوية يا جماعة ح ترفع راسي السنة دي.
بمناسبة العصيدة و الكسرة و الحلو مر و القراصة. اظن ان العصيده و القراصة في راس القائمة.
و اما ملاح النعيمية ده فمن نعم الله علينا. عندي انا بعد المال و البنون و دش بموية حارة طوالي.
| |
|
|
|
|
|
|
|
|
|
Re: قالوا كندا فيها مجاعة....النصري ما خلى اكل للعالمين (Re: smart_ana2001)
|
الف مرحب بيك يا رواية...
ولو طلب عضويتك اجازته الجمعية العمومية حنشرع فورا فى شطب
اللاعب غباشى والاحتياطى دائما محمد الحاج.....
فى رمضان فى وهمة بتدخل فى الناس اسمها محاربة العطش ....
الزول يكون عطشان اليوم كله ولمن يجى وقت الفطور يشرب ليهو
شوال بتاع سكر.....
انا اكتشفت ان العطش هو العطش واستطعت تجاوز الزلعة التى تصيب
الناس عقب اذان المغرب ....موية بس .....بس على شرط ما تكون باردة
شديد .....يعنى تكون زى موية الزير....برودة لطيفة تخلى الزول
يقرطع الكباية ....
بالنسبة للاكل فى رمضان تكمن المشكلة فى الوجبة الثانية (السحور) ودى
معظم ال damage بحصل فيها ..يعنى انا لغاية رمضان الفات كنت بشترى
احسن نوع بتاع رز بلبن فى الدنيا اسمه كوزى شاك
كنت باكل باسطة وبشرب شاى ببسكويت ...
السجك لا يغيب يوما واحدا عن صينية الافطار..
كنت سايط الدنيا بعود
السنة دى الامر اختلف تماما...
زلعة مافى....
موية الزير هى مشروبى الاول طوال اليوم ...
مافى اى تحليات من اى نوع...
مافى بسكويت مع الشاى
مافى سكر فى الشاى
مافى اى عصاير حتى لو كانت طبيعية....
بالرغم من الحاجات دى تبدو وكاننى اعاقب نفسى
الا اننى اشعر بان هذا هو الوضع الطبيعى وما عداه هو الشاذ افقيا
كدى تعالى بهناك فللحديث بقية
| |
|
|
|
|
|
|
| |
smart_ana2001
مريم بنت الحسين
lana mahdi
طارق الجبلابى
غباشي
Rawia
فيس بوك
تويتر
انستقرام
يوتيوب
بنتيريست