|
|
|
 Re: رمضان في الدول العربية الصائم والفاطر وغير المسلم كلو زي الصائم (Re: النذير حجازي)
|
سلامات يا نذير و رمضان كريم
ده كلام كتبته رمضان قبل الفات
في الدول العربية و معظم الدول الاسلامية و مع بداية شهر الصوم تتكاثف جهود الناس
و الاجهزة الرسمية في مراقبة الناس و التأكد من التزامهم بالصوم فتغلق المطاعم و محلات
المشروبات و يتعرض من يجاهر بالافطار للويل و الثبور و ربما الاعتقال و المحاكمة.
و من المعروف أن الله سبحانه و تعالى عندما فرض الصوم منح غير القادرين من المرضى
و كبار السن و كل من لا يطيق الصوم رخصة بالافطار ، و من المعلوم أن هناك الملايين من غير
المسلمين يعيشون في كنف الدول ذات الاغلبية المسلمة و هم مجبرون على ترك الأكل و الشرب
في نهار رمضان علنا على الأقل فاذا ما اراد الواحد منهم أن يأكل أو يشرب فليس امامه
إلا أن يفعل ذلك خفية هذا إن وجد ما ياكله أو يشربه اصلا.
الحجة الاساسية في هذا السلوك هي الا يؤذي المفطرون مشاعر الصائمين ، طيب يا ناس امريكا
و كندا و هولندا و بريطانيا و هلمجرا كيف تحسون عندما ترون الناس من حولكم بين آكل و شارب؟
و هل منظر الناس و هم مفطرين يؤذي مشاعركم؟؟
و ما هو هذا الأذى الذي يلحق بالمشاعر المرهفة؟؟
افيدونا حتى نعلم إن كانت حجة الناس هنا valid or not.
الصائمون في العالم الغربي..مشاعركم كيف لما تشوفوا الناس الفاطرين؟؟
| |
  
|
|
|
|
|
|
|
 Re: رمضان في الدول العربية الصائم والفاطر وغير المسلم كلو زي الصائم (Re: محمد البشرى الخضر)
|
يا نزير أنا قعدت في السعودية 7 سنوات ما لاقاني كلامك دا..
اول حاجة كل المحلات الكبيرةبتكون فاتحة..بندا والعثيم والتميمي وغيرها وفيها سكشن للأكل الجاهز يعني لو جالد ممكن عادي تشتري أكلك
وفي المستشفي تلات أرباع الاسطاف أجانب ..وحاتك زول شغال بينا مافي..اكل وشراب وسجاير عاااادي
وكان جنبنا يا مال الشام شغال طول النهار..مرات بنطلب ديلفري..غايتو أنا ما عرفت انت قاصد شنو بالظبط
| |
|
|
|
|
|
|
|
|
|
Re: رمضان في الدول العربية الصائم والفاطر وغير المسلم كلو زي الصائم (Re: رشا سالم)
|
Quote: وفي المستشفي تلات أرباع الاسطاف أجانب ..وحاتك زول شغال بينا مافي..اكل وشراب وسجاير عاااادي
وكان جنبنا يا مال الشام شغال طول النهار |
سلامات يا دكتورة
انا قعدت في السعودية 12 سنة المجاهرة بالافطار جريمة و في حق الاجانب تعرضهم للترحيل بعد تنفيذ العقوبة.
زي الاجانب الشغالين معاكم و بياكلوا و بيدخنوا الشي الساتر عليهم هو ظرافتكم فقط لا اكتر و لو اي زول اتصل بالهيئة
كانوا جو جاريين و وروا الجماعة ديل شغلهم. الفليبيين و غيرهم معانا في الشغل برضو كانوا بياكلوا و بشربوا
قدامنا نحن زملائهم ما قدام المرضى و لا علنا لأنو الفعل ده ببساطة جريمة.
ياخي السعودية بجبروا فيها الناس على الصلاة تقول لي الصيام على كيفك!
| |
|
|
|
|
|
|
|
|
|
Re: رمضان في الدول العربية الصائم والفاطر وغير المسلم كلو زي الصائم (Re: سيف النصر محي الدين)
|
سلام يا ود البشرى، يا ود البشرى فرنسا ما مقياس وأنا شخصياً بكره الأوروبيين جداً
وما عندي معاهم علاقة، كلام زي دا ما بحصل في أمريكا، الدنيا ح تقوم وما ح تقعد
أمريكاً فعلاً بلاد الحريات، وأي زول بياخد حريته بالكامل، وبعدين العرب ديل بتجرسوا
من منع الحجاب في فرنسا مالهم؟! وهم يمارسون أبشع أنواع الدكتاتورية.
سلام يا د. سيف ولا فض فوك، يا د. سيف حقو تألف كتاب تسميهو:
الكلام العجاب في بلاد الإعراب هاهاها، لكن بيني وبينك كدا يا د. سيف
السعودية دي فيها حريات أنا ما شفتها في أمريكا، مثلاً في أمريكا
ممنوع تسوق العربية وإنت سكران بصادروا منك رخصتك وعربيتك، لكن في
السعودية في الحدود ما بين السعودية والبحرين (مدينة الخبر) الناس
بتكون مسنسنة عادي وسايقة عرباتها ومافي زول بقول ليهم تلت التلاتة
كام، لكن الويل ويلهم لو شالوا معاهم سنة من البحرين ودخلوها السعودية.
سلام يا د. رشوية يا رشا أنا لمن أجي أجلد رمضان بسافر أمريكا علشان أجلدو
فيها هناك هاهاها والسعودية دي عشت فيها خمس سنوات ورمضان دائماً باخدوا
فيها إجازة.
| |
|
|
|
|
|
|
| |
النذير حجازي
بدر الدين احمد موسى
سيف النصر محي الدين
محمد البشرى الخضر
رشا سالم
محمد حيدر المشرف
Zakaria Joseph
فيس بوك
تويتر
انستقرام
يوتيوب
بنتيريست