باقة من أحرف الشكر والثناء الجزيل لكم أنتم ، أحبتي بالدوحة ..

Quote: من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه..

Quote: البَلَدْ اِنْ عِمِرْ سَبَبْ العَمَارْ مِنْ تَاجَا نَادَانِى المُنَادى وكُنْتَ مِنْ حُجَاجَا الابراج كأنَها قايمه فوق سِجَاجَه والازهار مَفَتَحَّه عَادْلَه ليهَا مَزَاجَه

Quote: عشان خاطر الزول السمح البستاهل كل السمح

Quote: كيف حالك .. عساك طيب والعيال والاهل عامّة ومشتاقين والله بالحيل نبارك لك رمضان .. وتصوم وتفطر على خير ( كنت عاوز اسألك عن العنكوليب ..؟! لكن نخليك فى جو الدوحة ..دا ..شويّة ) وكمان بالجد رفعت ليك صورتى الزمااان .. عشان نشوفك اتذكرت الشكل دا ايامك اللى فى كوستى أم ..لا ..؟؟؟؟ اياّم مش كدا ؟ وبعدين نجيك بالحديثة

Quote: سن وفادتكم، لهذا الرجل السمح، يا سودانيي وسودانيات قطر، كان حديث المدينة في مسقط، فما أجمل أن يكون للسودان طعمه المعروف أنّى وطئت أقدامنا..ألسنتنا تلهج لكم بجزيل الشكر ولسان الحال يشدو مع الراحل المقيم، عاشق السودان الأجمل-الحردلو-: أجيك يا مبتدا التاريخ وياخبر اللي كانو قبيل لأنك ديمة كنت معاي مسولت بي نهار في ليل ودايماً كنت ليا أصيل ولاك براني لاني عميل ودايماً كنت بيا كبير لاك هين ولاني قليل.. أهلك ديل هم أهلي البشيلو الشيلة فوق الشيل وانت أبي وانت أخوي وانت الهولي ما هول زول ويبقى بكم السودان يا سودانيي وسودانيات قطر، مهرجاناً للكرم السوداني الذي أسّه وأسيسه حضارة نوبية أفريقية عربية منذ استوى بعنخي على صهوة العز فرفع راياته خفاقةً إلى عروش الشمس بسؤدد أباداماكي الاستبراك.. ومنذ استنطق رماة الحدق نبالهم ذوداً عن الأرض والعرض،

Quote: وحليل ايامن البدرية ياخى قدّمنا ليك الدعوة انت وابو كدوك .. اخونا نادر بس ما عارف قصتكم شنو يعنى زيارة ترفيهية بالجد الونسات كوووووم المهم فكّر وكمان اخونا الفوق داك

(عدل بواسطة أنور سيد ابراهيم on 07-19-2012, 10:49 AM)

Quote: الله يحفظكم والله دا دعاء من قلبى ويجمعنى بكم وانتم بخير وفى اتم صحّة ..

(عدل بواسطة الطيب شيقوق on 07-19-2012, 11:16 AM)

Quote: بس كنا عاوزنك تصوم معانا رمضان

Quote: اها ، البيت ده أنت وصاحبك حسن طه عبرتوه من باب المجلس لغاية ما توغلتم في الدواخل وخرجتم من باب ثاني وريني شفت كم زول في تلك المساحة؟ ووقفت سالمت وطايبت من؟ عايز تملحنا في ناسنا ؟

Quote: والشكر ايضا للذين التقيتهم في وجبة العشاء بمطعم فينيسيا وهم :

Quote: دا بلد خيراتو غير وانسانو غير يا اسحق اخوى

Quote: من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه.. اجزل الشكر عبركم لكل الاخوة والاخوات ممن التقيتهم من البورداب وغيرهم من الذين ما توانوا في زيارتي ومشاركتنا الافراح فكانت لحفاوتهم وحسن ترحابهم ابلغ الاثر في النفس . شكراً أقولها بأحرفها الأربعة ، وهي جهد المقل ، لكم جميعا ولكل من هاتف مرحبا من الاخوة والاخوات . أزكى التحايا وأجملها..وأنداها وأطيبها..أرسلها لكم بكل ود وإخلاص..

Quote: يا شيقوق حمدلله علي السلامة,, وأكيد محاضرتك كانت قيمة ومفيدة.. وشكرا لأهل الدوحة الزملاء وغيرهم علي حسن استقبالهم وكرمهم الفياض..

Quote: وانتا زاتك غير غير انك مسنوح

Quote: ما بقصروا اهل الدوحة واياها المحرية فيهم ولكن حديثك يا ودشيقوق خلانا نشتهي شوفة الناس ديل التحية لك وعبرك لبورداب الدوحة نفر نفر :)

Quote: ياخي ما قلت ليك سبب مشينا هو عدم وجود مكان لقدم في منزلكم العامر في ذاك اليوم الجميل

Quote: والله السيجار قصبة بس حول

Quote: مافي صور لناس قطر ؟ ان شاء الله وضاحة من العدم ..

Quote: هلا هلا يا مولانا شقيت البندر، واتوهطت زين وبقيت تبخ بخ في السيجار الهافاني زي صدام . زي ما قالوا أهلك العرب " شقة البندر تفتيحة"

Quote: بعدين الزول دا كان لف جاي وللا جاي أمسحوها لينا في طرفنا..