|
باقة من أحرف الشكر والثناء الجزيل لكم أنتم ، أحبتي بالدوحة ..
|
من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه..
اجزل الشكر عبركم لكل الاخوة والاخوات ممن التقيتهم من البورداب وغيرهم من الذين ما توانوا في زيارتي ومشاركتنا الافراح فكانت لحفاوتهم وحسن ترحابهم ابلغ الاثر في النفس .
شكراً أقولها بأحرفها الأربعة ، وهي جهد المقل ، لكم جميعا ولكل من هاتف مرحبا من الاخوة والاخوات . أزكى التحايا وأجملها..وأنداها وأطيبها..أرسلها لكم بكل ود وإخلاص..
|
|
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: الطيب شيقوق)
|
Quote: من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه.. |
شكرا أهلنا واحبابنا بالدوحة
فلسان الطيب شيقوق يلهج بالشكر منذ عودته من قطر
حدثني عنكم وعن حفاوتكم
هذه هي اصالة وكرم السودانيين حيثما حلوا
لكم كل الود
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: Ahmed al Qurashi)
|
اخي الدكتور احمد القرشي
Quote: فلسان الطيب شيقوق يلهج بالشكر منذ عودته من قطر
حدثني عنكم وعن حفاوتكم
هذه هي اصالة وكرم السودانيين حيثما حلوا |
شكرا لكلماتك الطيبة وللحقيقة فقد غمرتني الفرحة وانا التقي بزملاء وزميلات في المهنة تخرجنا من الجامعة وتفرقت بنا السبل منذ عقود وآخرين يعود الفضل للتعرف بهم (إسفيريا) لأخينا بكري ابو بكر في منتداه( سودانيز اونلاين) .
كانت البداية دعوة كريمة من رابطة القانونيين بالدوحة ، بواسطة الاخت الفاضلة / المستشارة القانونية مها على رجب - سكرتيرة شؤون المهنة بالرابطة ، لتكون المحاضرة (القوانين المنظمة لأسواق المال والتعامل في الأسهم) إنطلاقة لنشاط الدورة الجديدة للرابطة .
المكان: نادي المدينة التعليمية - مؤسسة قطر للتربية والعلوم وتنمية المجتمع . التاريخ: السبت الموافق 14/7/2012.
الزمان: الساعة السابعة مساء.
نواصل
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: الطيب شيقوق)
|
قررت السفر يوم الخميس اى قبل يومين من المحاضرة ليتسنى لي مقابلة اكبر عدد من الاصدقاء القانونيين وغيرهم من الاخوة الاسفيريين .
لدى وصولي مطار الدوحة كان في استقبالي إخوتي حسن طه المستشار القانوني والدكتور عبد الصادق كمال الدين اخصائي الباطنية بمستشفى الشيخ حمد و الاخ عماد الشبلي المصور في احدى الصحف القطرية الذى تكرم بعمل صور تذكارية لنا جميعا في صقيعة مطار الدوحة .
نواصل
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: الطيب شيقوق)
|
تـسـتـاااااااااهـل .. وتـسـتاااااااهـل .. والله كـل خـيـر
أخوى الرايح منّى كيف حالك .. عساك طيب والعيال والاهل عامّة
ومشتاقين والله بالحيل
نبارك لك رمضان .. وتصوم وتفطر على خير
( كنت عاوز اسألك عن العنكوليب ..؟! لكن نخليك فى جو الدوحة ..دا ..شويّة )
وكمان بالجد رفعت ليك صورتى الزمااان .. عشان نشوفك اتذكرت الشكل دا ايامك
اللى فى كوستى أم ..لا ..؟؟؟؟ اياّم مش كدا ؟
وبعدين نجيك بالحديثة
سلام كتيييييير والله وشوق اكثر
كامل مودّتى
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: أنور سيد ابراهيم)
|
يا سلالالالالالام يا انور ادهم الزول السمح
Quote: كيف حالك .. عساك طيب والعيال والاهل عامّة
ومشتاقين والله بالحيل
نبارك لك رمضان .. وتصوم وتفطر على خير
( كنت عاوز اسألك عن العنكوليب ..؟! لكن نخليك فى جو الدوحة ..دا ..شويّة )
وكمان بالجد رفعت ليك صورتى الزمااان .. عشان نشوفك اتذكرت الشكل دا ايامك
اللى فى كوستى أم ..لا ..؟؟؟؟ اياّم مش كدا ؟
وبعدين نجيك بالحديثة |
شكرا يا صديقي والله تذكرتك كويس يا وجيه
بس اوع تكون تغيرت تضاريس وشك بعوامل الزمن والاغتراب ؟
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: الطيب شيقوق)
|
حQuote: سن وفادتكم، لهذا الرجل السمح، يا سودانيي وسودانيات قطر، كان حديث المدينة في مسقط، فما أجمل أن يكون للسودان طعمه المعروف أنّى وطئت أقدامنا..ألسنتنا تلهج لكم بجزيل الشكر ولسان الحال يشدو مع الراحل المقيم، عاشق السودان الأجمل-الحردلو-: أجيك يا مبتدا التاريخ وياخبر اللي كانو قبيل لأنك ديمة كنت معاي مسولت بي نهار في ليل ودايماً كنت ليا أصيل ولاك براني لاني عميل ودايماً كنت بيا كبير لاك هين ولاني قليل.. أهلك ديل هم أهلي البشيلو الشيلة فوق الشيل وانت أبي وانت أخوي وانت الهولي ما هول زول
ويبقى بكم السودان يا سودانيي وسودانيات قطر، مهرجاناً للكرم السوداني الذي أسّه وأسيسه حضارة نوبية أفريقية عربية منذ استوى بعنخي على صهوة العز فرفع راياته خفاقةً إلى عروش الشمس بسؤدد أباداماكي الاستبراك.. ومنذ استنطق رماة الحدق نبالهم ذوداً عن الأرض والعرض، |
تسلم صديقي الزاكي وانت ترسم احرفا من نور في حق هولاء السمحين
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: عماد الشبلي)
|
سَاقَتْنِى الظروف ياربى وين خَاتَانِى؟؟ غَمْدَّتَ وْصِحِيِتْ فى الدوحه زول صَحَّانِى جَنَّه بَلاَ نِهُوًرْ وقِطَافَا نَاضِجْ ودَانِى تَسْلَمِى يا(قطر) ويِسْلَمْ معاك اَل ثانى
يا أخواني شوفوا الدنيا كيف كاوياني دودت بي بعيد وحرمتني من شوفة خلاني قالوا الحي مصيرو يلاقي بعد الفراق والهجران إلهي الكريم ألطف بالوطن واجمع شمل الأخوان
ياك يا حبيبنا محل الحفاوة والإحترام والتقدير أينما حللت، والأمو عافية ورضيانة عليهو بتنعدل عليهو محل ما يقبل
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: الطيب شيقوق)
|
الشكر لهولاء
الاستقبال في المطار
مولانا حسن طه - الله لا جاب يوم شكره د. الصادق كمال عماد الشبلي
والشكر ايضا للذين التقيتهم في وجبة العشاء بمطعم فينيسيا وهم :
حاتم الفاضل احمد بكري حسن طه سيف الدولة حمدنا الله عباس صديق مها علي رجب محاسن زين العابدين عفاف حامد هويدا حسن فوزي عمر عوني طه الزين
وللاخوة الذين التقيتهم في منزل الاخ بشير معاذ
حسن طه بدرالدين الامير
وللذين التقيتهم في منزل سيف الدولة حمدنا الله عبد القادر
حسن طه حاتم الفاضل بروف احمد سكنجة سيف الدولة
عميق امتناني لكل الذين شاركونا حفل الوداع بمنزل بدرالدين الامير وهم :
عبدالرحمن مدنى سيف الدولة حمدنا عبدالقادر بشيرمعاذ حسن طه برف سكنجة عبدالحليم صديق ايمن الطيب كمال سالم حمزة بلول عماد الشبلى عبدالمنعم الفكي توشارى الفتى السيرلانكى
وبمنزل ابوساندرا
بمنزل عادل سالم
عادل سالم موسي الامير محمد سالم عمر سعد وآخرون
الشكر للاستاذ محمد السني دفع الله والاستاذة احلام وهبي وطفلهما الوجيه سامي محمد السنى دفع الله حفظه الله
الشكر لهولاء الذى اسهموا بمداخلاتهم في المحاضرة :
احمد بكري - ادار اللمحاضرة بطريقة متميزة الهادي هباني - كانت له مشاركات عن الاوراق المالية افادتنا جميعا محمد احمد طه حاتم الفاضل - له دور بارز في التنظيم والاعداد عمر عوني مها علي رجب - اهتمام ومتابعة لانجاح اول نشاط للرابطة في دورتها الجديدة عفاف حامد - مشاركة نجلاء قرافي طارق ابوشوك محمد خير عباس صديق كمال سالم ابو قصيصة دكين واخرون والشكر للاخ معتز القريش لزيارته لي بمنزل ود البوب
الشكر موصول للذين هاتفوني مرحبين وهم
دكتور محمد المشرف
الاخ خليل
والاخ كيكي
والاستاذ طارق محمد الحسن
واخيرا شكري لاخي وابن عمي الاستاذ ابراهيم بابكر احمد وافراد اسرته
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: أبو ساندرا)
|
Quote: اها ، البيت ده أنت وصاحبك حسن طه عبرتوه من باب المجلس لغاية ما توغلتم في الدواخل وخرجتم من باب ثاني وريني شفت كم زول في تلك المساحة؟ ووقفت سالمت وطايبت من؟ عايز تملحنا في ناسنا ؟ |
ياخ اخي البيت متروس في كل اركانه بالاحباب وهم مبتهجون و يكفينا شفناك وشفنا المدام هاشة وباشة بزيارتنا وكمان بناتك الراقيات ربنا يحفظن .
بس وين اللقطات الاخدناها معاكم ؟
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: عماد الشبلي)
|
الأخ الكريم / مولانا ود شيقوق الأخوان الكرام السلام عليكم ورحمة الله وبركاته رمضان كريم وكل عام وأنتم بخير ما شاء الله وتبارك الله، الناس ديل كلهم يا مولانا لاقيتهم في يومين، أكان كدي يا خوي تلك البيوت الكريمة التي سارعت وشرعت أبوابها لاستقبالكم كانت " مدفوسة دفس" . " و"الدفس" يا مولانا" أعلى درجة من "الترس" وأصدق تعبيرا على كثرة محبيكم ومريديكم، أدام الله محبة الناس لكم ومحبتكم لهم. صادق الود
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: إسحاق بله الأمين)
|
ود البلة
رمضان كريم
Quote: ما شاء الله وتبارك الله، الناس ديل كلهم يا مولانا لاقيتهم في يومين، أكان كدي يا خوي تلك البيوت الكريمة التي سارعت وشرعت أبوابها لاستقبالكم كانت " مدفوسة دفس" . " و"الدفس" يا مولانا" أعلى درجة من "الترس" وأصدق تعبيرا على كثرة محبيكم ومريديكم، أدام الله محبة الناس لكم ومحبتكم لهم. |
يا هو دا السودان يا اسحاق اخوى
دا بلد خيراتو غير وانسانو غير يا اسحق اخوى
عفوا عزيزي ، عد بذاكرتك الى السودان وانسان السودان ما قبل نميري والانقاذ - هو نحن الان - بجزء من ملامحه - في بلاد الاغتراب رغم ما تلقيه الابتلاءات الداخلية من ظلال سالبه على تواصلنا نحن السودانيين بعضنا بعضا خارج ربوعه
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: عماد الشبلي)
|
Quote: من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه..
اجزل الشكر عبركم لكل الاخوة والاخوات ممن التقيتهم من البورداب وغيرهم من الذين ما توانوا في زيارتي ومشاركتنا الافراح فكانت لحفاوتهم وحسن ترحابهم ابلغ الاثر في النفس .
شكراً أقولها بأحرفها الأربعة ، وهي جهد المقل ، لكم جميعا ولكل من هاتف مرحبا من الاخوة والاخوات . أزكى التحايا وأجملها..وأنداها وأطيبها..أرسلها لكم بكل ود وإخلاص.. |
يا شيقوق حمدلله علي السلامة,, وأكيد محاضرتك كانت قيمة ومفيدة..
وشكرا لأهل الدوحة الزملاء وغيرهم علي حسن استقبالهم وكرمهم الفياض..
رمضان كريم ليكم كلكم..
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: الطيب شيقوق)
|
التحايا لأهل الدوحة شبابا و شبابا.. رجالا ونساءا .. يا مولانا حسن .. صاحبك دسَّ مني السفره دي واتصل بي بخجل من داخل الطائرة قال لي أنا ماشي الدوحه .. إي ورب الكعبة ، إتصل بي وهو على المدرج.. تأنيب الضمير لازمه في الدوحة فاتصل بي من هاتفك قائلا : بالله أسمع أغنية بعد إيه .. بعد انتهاء الأغنية قال لي داير شنو من الدوحه؟ قلت ليهو الحاجه الوحيده العايزا من الدوحه إنك ما ترجع منها لمسقط.
بعدين الزول دا كان لف جاي وللا جاي أمسحوها لينا في طرفنا..
| |
|
|
|
|
|
|
Re: باقة من أحرف الشكر والثناء الجزيل لكم أنتم ، أحبتي بالدوحة .. (Re: عماد الشبلي)
|
استاذ محمد المرتضي
اولا مبارك عليكم الشهر الفضيل
وتصوموا وتفطروا علي خير
ياخي المسنوح دا ( واسمحوا لي المرة دي اناديه بالمسنوح بدل اسم الدلع شيقا )
كان شابكني : ما تستغرب لو لقيت محمد المرتضي هسه واقف قدامك
محمد المرتضي اتوقع منو اي شئ
ممكن طوالي علي المطار ويجي
وهكذا ....
وبعد دا كلو ... حتي كلام ما يكلمك ... الا من المدرج
هسه باقي ليك التلفون بيحلو
ومشكلتو انو الاغنية كانت : بعد ايه
يعني لم يوفق فيها
ومع ذلك
كان بودنا ان تكون معنا وايام جميلة كانت بوجود ........ شيقا ........ المسنوح
| |
|
|
|
|
|
|
|