ياشباب رائكم فى الكلام ده شنو

Quote: نتائج الحراك تتعاظم رويدا رويدا وسط الاغلبية الصامتة : ------------------ قبل شويه حصل موقف ظريف ممكن الناس تشوفو عادي ومايركزو معاهو لكن بدل على انو الناس بقت مابنخاف من اي حاجه الناس روحا مكركره وزهجانه موقف الشهداء من الساعه 8 مافي مواصلات لاحافله لا ركشه لابص والي والناس واقفه نسوان ورجال كبار وصغار زي الساعه 10 جا بص الوالي السواق ماشي يقرش المواطنين وقفوهو وتحديداً الناس الماشه الجرافه بكل ذوق قالو ليهو شيل الناس ديل قام قلُ ادبو طبعا قليل ادب زي الوالي المشغلو ... الناس طوالي قفلو الشارع وستين يمين ياتشيلنا يانقعد للصباح ومافارقه بعد شويه الناس كترت وجا دفار مكافحة الشغب ومعاهم نقيب حاولو ارعبو الناس ويخلو البص يمشي والناس واقفه ابو يمشو الضابط لقى مافي طريقة لانو لو ضرب بمبان الشغله بتجوط في النهايه دفر الباب وركب الناس البص طبعا بشيل 40 شيلوهو 80 دايرين يتخارجو باي طريقه والرجاله الاكتر من كده الناس بعد ماركبت قالو للسواق عشان قلة ادبك مابنديك وبنركب مجان البص ده الوالي مشتريهو من قروشنا ومحل ماداير تدودينا ودينا طوالي ----------- Ahmed Abd Alraoof