|
|
 وصفات لاطباق رمضانية من عش الغراب
|
في اطار النفرة القومية لتوطين زراعة عش الغراب (ود الوِردة) وتغيير العادات الغذائية للسودانيين وتحويلهم من اللحوم الحيوانية الى مصادر بروتينية نباتية لا تضر بهم والاهم انها لا تضر بالحكومة
الدعوة موجهة للمهتمين والمختصين من عضوات البورد و العزابة المخضرمين للمساعدة في تقديم وصفات لوجبات رمضانية لعش السجم ده
|
|
 
|
|
|
|
|
|
|
 Re: وصفات لاطباق رمضانية من عش الغراب (Re: محمد إبراهيم علي)
|
ياهندسة تحياتي والبنية الأمورة مبروكة
وبالله ما تغامر تأكلها ملاح ود الوردة ( الر) مكسورة شديد ...
بالمناسبة لي سنين خلت لم أرى هذه النبتة تزين حدب وخيران حلتنا والقرى المجاورة؟ أها أهلنا ديل يلقوه وين ؟
شوف لينا بدائل ممكنة ومتاحة أرجوكم يا أهل الغذاء والتغذية
الشفيع ابراهيم
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: شمس الدين ساتى)
|
الشفيع
بارك الله فيك وحفظ الله اسرتك
ود الوردة الكان بقوم بروس عندنا في الجزيرة جايبين ليهو خبراء يعلمونا كيف نزرعو
وقال شنو عايزين يخلوهو بديل للحمة
اها نحن دايرين نساعدهم باقي رمضان ده شهر لحمة ورحمة
الله يبارك فيك يا ود ساتي وفي اسرتك
مسيخ ما مسيخ الحكومة قالت ليكم استعدو لووووول
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: معاوية المدير)
|
يا ود احيمر
نقول اطباق رمضانية للغبش تقول لي بالبيض لووووول
ما عندك وصفة ليهو مع البامية ولا الخدرا ولا الدامرقة
وكمان قالو ممكن يتعمل منو ملاح مرس خطير جدا
يا والمدير
الحكومة مفروض تعمل حملة اعلانية ضخمة عن ود الوردة ده
وعن تاثير البروتينات فيهو التي تتفوق على الفياغرا
بكرة تلقى البلد كلها عنده وردة
المصريين قال ليك بعد صيام خمسة عقود عن اللحوم الحمراء عايزين لحمتنا دي
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: محمد إبراهيم علي)
|
شوربة عش الغراب
المكونات
22 كراع جدادة
6 كرعين ديك مسلم .ديك رومى لا
وقية ملح حجر
كليو طماطم خمرانة
بصل ان وجد
حبة فلفل اخضر مكتوب عليها بالخط الواضح كلمة (لحمة)
نص جردل موية من الماسورة مباشرة
ثم تتجه نحو الكانون الما هين ..
زمن الحلة .حسب التوقيت بتاع القعدة
طريقة الاستعمال
ممكن تسالوا الاخصائى زهير حمد والله اعلم
اها ياهندسة لازم يوم السماية يكون فى سلطة غراب بالجبنة
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: معاوية عبيد الصائم)
|
يا طوربيد وصفاتك تقولا لناس ما متقشفين
انا تضامنا مع الحكومة اجلت سماية البت الى ان تحل الضائقة الاقتصادية
وعليه السماية حتكون في 13-7-2014 مش الحكومة قالت الموضوع ده حدو 2014
بعدين كرعين جداد وين في القهبونة في البلد دي ياخي الكـــــــلاب بقت نباتية وبتاكل نجيلة بس
| |
|
|
|
|
|
|
|
|
 Re: وصفات لاطباق رمضانية من عش الغراب (Re: محمد إبراهيم علي)
|
Quote: يوجد نوعين من الفطر: فطر سام وفطر صالح للأكل.
|
يا أستاذ محمد أظن دايرين يقصروا أجل من تبقى من الشعب الفضل
بالفطر السام دا  .. نحنا لا حا نفرز سام من صالح وبالتالي حسب
الخطة B بتاعت الحيكومة ناويين علينا متى ما نجح المشروع 
فالحذر الجماعة ديل ما بعملوا شئ كويس أصلو من أجل مواطن
فعلآ مسيخ وسنيح زيهم غايتو لحدي ما يجوك الخبيرات ناس لنا ومريومة:
بتعمل شوربة وجميل مع البيتزا. لكن تجربة شخصية أكلتو مرتين مع بيتزا
عاملاها براي، المرتين عمل لي وجع مصارين تاني ما أكلتو  .. ههه
لو كانت تبقت لدينا عقول نيرة تفكر : الدجاج يجب أن يكون بديلآ للحوم.
لا لا ما جداد المتعافي
البنية الكنداكة مبروكة تتربى في عزكم .. تحياتي لك
.
| |
|
|
|
|
|
|
|
|
 Re: وصفات لاطباق رمضانية من عش الغراب (Re: Hadeer Alzain)
|
الوردة الأنا عارفاها وردة المورودة لاكين ولدها دة يطرشني ما سمعتا بيهو غير أسة^__^
Quote: المطلوب واحد وصفة لملاح تقلية باستخدام ود الوردة بدلا من لحم البقر
|
نبدأ الوصفة:
يتم حش الوردة إلى حشاشات صغيرة لضمان شبهها باللحم المجفف المبودر المستخدم في عمل ملاح التقلية
تتبع الخطوات إلى حين نضج الملاح
وبس
سوري يمكن استخدام العصيدة أو القراصة 8 بوصة(:(:(:
| |
|
|
|
|
|
|
|
|
Re: وصفات لاطباق رمضانية من عش الغراب (Re: lana mahdi)
|
Quote: أكلتو مرتين مع بيتزا
عاملاها براي، المرتين عمل لي وجع مصارين تاني ما أكلتو |
وقعت في السام يا هدير. بس الله مرقك.
والله صحي.
لو بي يتعمل سخينة حبابو عشرة، لو ما بيتعمل سخينة
هادي طرفنا منو. يعني حا نجيب جداد وبيتزا من
وين نعمل بيهن إبن الوِردة دا ؟؟؟
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: معاوية المدير)
|
Quote:
ووصف لى صديقى الهندى طريقة طبخه ففعلت ما قاله لى . لكن برضو
كان مسيخ.
|
والله يا شمس الدين تقعد تباري لي في الهنود ديل يضيعوك كلو كلو!
مرة عزموني ملاح ليف .. اي والله الليف الوااااحد داك!
ما فضل ليهم الا يجيبوا التحلية صابونة لوكس (ابو تلاتة ريال ونص ديك)
----
ابو البنية .. ياخي جعلها الله من بنات الوطن الصالحات ..
سمعت بي (الفَقَع)!؟
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: معاوية المدير)
|
Quote: وقعت في السام يا هدير. بس الله مرقك.
والله صحي.
|
والله يا ود المدير دا حالتو ما لقطتو من البراري ساي ..
إشتريتو من محل مضمون مكيس ومغلف. الكلام دا ليهو سنين
لكن لحدي يوم الليلة من أشوفو ساي في المحل بجيني وجع معدة
قال مشروم قال!
عليك الله مشاريع الدواجن التجارية الشغال بيها كل العالم
دي مالا عيبا لي!!! .. وأهو منها اللصوص يستفيدوا ويفيدوا
بدل القروش (حقتنا) مجمدة ومخزنة في دبي وماليزيا والصين !!
تسلم أخوي ..
.
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: humida)
|
يا هدير خلي نيتك بيضا وابعدي من نظرية المؤامرة دي لوووول
الحكومة دي احن على شعبها من الذئب على قطيع الغنم
دايره توريكم البروتين النباتي الما بيجيب قاوت وكلسترول ده
بعدين في حالة يتسمم نص الشعب الفضل حيعيش النص التاني في بحبوحة يعني بدل دخلك يكون 1800 دولار يبقى 3600 واهو مكسب
نطالب بمريومة عايزين وصفة كاربة لملاح تقلية بالمشروم ده
الله يجيب سناء خالد واميرة الشيخ
| |
|
|
|
|
|
|
|
|
 Re: وصفات لاطباق رمضانية من عش الغراب (Re: محمد إبراهيم علي)
|
Quote: يا هدير خلي نيتك بيضا وابعدي من نظرية المؤامرة دي لوووول
الحكومة دي احن على شعبها من الذئب على قطيع الغنم
|
يا ود ابراهيم دا زاااتو الكنتا خايفة منو
طيب عشان ما نتهم بتقويض الأمن القومي ونتهم بمؤامرات خارجية
تحاك ضد الوطن من الخارج في هذه المرحلة الحرجة من عمر الوطن
ولحدي ما تجي الشيف الكبير مريومة .. نديكم لرمضان وصفة شوربة
المشروم (فريش أو معلب) بالدقيق .. وهي سودانية وحقيقي والله جميلة
جدآ ومغذية. لكن ما زلت عند موقفي من المشروم كموقفي من الرئيس.
المقادير:
بصلة مقطعة قطعا صغيرة.
3 ملاعق دقيق.
3 ملاعق زبدة.
ربع كيلو مشروم.
كوب كريمة.
ملح وفلفل.
5 أكواب شوربة فراخ.
أوراق بقدونس للتزيين.
طريقة العمل :
أضغط هنا .. أو قوقل الموضوع
http://www.hayah.cc/forum/t56161.html
.
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: Hadeer Alzain)
|
يا هندزة...كيفك ومبروك المولودة..جعلها الله من بنات الوطن الصالحات ونفع بها أهلها والإنسانية جمعاء...
بالنسبة للفطر...
يُمنع منعاً باتاً إسراف البعض في إيراد المسميات المحلية بتاعتنا هنا دا...
يعني بالعربي ... ما يجي واحد يقول لينا السجم دا في حلتنا إسمو..هناي الــواطاة...
أو أياً كان اسمه...لوووووووووووووووولز..
أوعكم...أهو كلمناكم..
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: Mahmoud Mustafa Mahmoud)
|
يا لنا
| Quote: لوردة الأنا عارفاها وردة المورودة لاكين ولدها دة يطرشني ما سمعتا بيهو |
في الجزيرة ما عندنا ليهو اسم غير ده ومعظمه بيقوم بروس ساي وما في زول مهببو
اليوم الحكومة فكرت ثم قدرت فقتلت كيف قدرت وطلعت لينا بالوهم ده
وعايزة تسوقو بديل للحمة عشان يودوها لمصر واهلنا ياكلو المخروب ده
فقلنا نساعد عزيزي المواطن بوصفات لرمضان وما بعد رمضان
وشكرا للوصفة بتاعة تقلية المشروم
هل ممكن نعمل ضلع مشروم اصلو العيد قرب والاعراس بتكتر؟
| |
|
|
|
|
|
|
|
|
|
Re: وصفات لاطباق رمضانية من عش الغراب (Re: محمد إبراهيم علي)
|
يا ود المدير
يا ما تترقو شوية الحكومة دايرة تنقلكم نقلة حضارية وجايبة ليكم خبراء اجانب دايرين تفضحونا معاهم بالاكلات العجيبة دي لووول
لكن على حسب خبير هندي في البقالة التحت : قال ليك سخينة ما ممكن لكن فيهو ملاح قاورمة تاكل الصحن وراهو
ـــــــــــــــــــــــــــــــــــــ
لناس الشهادة العربية (حمودي ومن لف لفه) واولاد الخرطوم 2 (الزمان) : القاورمة هي ملاح البصل - بصل بس وكمان ما مقطع مع موية وملح
| |
|
|
|
|
|
|
| |
محمد إبراهيم علي
شمس الدين ساتى
معاوية المدير
معاوية عبيد الصائم
Hadeer Alzain
lana mahdi
قيقراوي
humida
Mahmoud Mustafa Mahmoud
الصادق اسماعيل
فيس بوك
تويتر
انستقرام
يوتيوب
بنتيريست