|
|
|
 Re: غلفا .. وشايلا موسها تطهر (Re: Asim Fageary)
|
المهم يا وليد
كامل تضامننا مع كل المعتقلين
ونتضامن مع كل مسلوبي حق التعبير والحرية في العالم
وأولاً ننادي بفك اسر المعتقلين السودانيين نساء ورجالاً وأطفالاً (كما قد بلغنا أن الأطفال أيضاً يعتقلون في بلادي)
| |
 
|
|
|
|
|
|
|
|
Re: غلفا .. وشايلا موسها تطهر (Re: بدر الدين احمد موسى)
|
| Quote: ياخ فكوهن بصلوا بيوتهن ملح |
بل سيصلن الى بيوتهن من حر مالهن يا وليد ....
المافى شنو ؟
وانت قايل المصرية خلتو ؟ ولا نفع فيها ؟
فى اول تصريح قالت ان مرسى اب ويخاف على ابناءه !
شفت المطاعنة دى كيف ؟
ــــــــــــــــــــــــــــــ
ودا الفرق بين ان يكون عندك رئيس منتخب
ورئيس وصل السلطة جربندية ساى !
ليكن الله يا بناتنا
| |
|
|
|
|
|
|
|
|
Re: غلفا .. وشايلا موسها تطهر (Re: دينا خالد)
|
مرحب دينا صحبتي
Quote: وانت قايل المصرية خلتو ؟ ولا نفع فيها ؟
فى اول تصريح قالت ان مرسى اب ويخاف على ابناءه !
شفت المطاعنة دى كيف ؟ |
بصراحة انا لا اضمن مواقف المصريين ولا اثق فيهم
ناس مصلجيه وناكري جميل
يلعبون لصالح اوراقهم فقط ومن اجل ذلك يفعلون اي شي ... ثم يتنكرون لكل جميل مع اول ملف
هسع عليك المطاعنه بتاعت السيد الناشطة دي
مطاعنه حقت زول محترم
هو الناس دي بتبقا نشطاء ساي كده !!!
_________________
يا دينا رئيس منتخب او غير منتخب الطاغية هو الطاغية
هتلر ده ما جابتو صناديق الاقتراع وغيره كثيرين
ما يفعل في الصين الان يوازي ما يفعل في دارفور .. لكن البقدر يقوم بغم منو
وكذلك روسيا
ناس الامارات وناس قطر ديل
جو بياتو صندوق ؟
ما ياهم ديل شايلين مواطنيهم على كفوف الراحة
نعم للدمقراطية حسنات وهي تشكل خط امان وضامن
لكنها ليست كل الضمانات وما هي الحل السحري لطغيان الانسان
عاوزه مساعدات تانية يا صحبتنا
| |
|
|
|
|
|
|
|
|
|
غلفاء ووو (Re: البشير دفع الله)
|
يا وليد يمكن الريس ما عارف انه في ناس معتقلين ؟!
كل شئ وارد ...
________
يا دينا ، كلام شيماء حاااااار وموجع للناس البحسوا
| |
|
|
|
|
|
|
|
|
|
Re: غلفاء ووو (Re: العوض المسلمي)
|
Quote: يا وليد لو بقيت على مثل شجرة الدليب كان أحسن
المثل الخاتيهو عنوان للبوست شين ياخي |
الشين مليص السراويل بعد الاعتقال يافقيرى
| |
|
|
|
|
|
|
|
|
|
Re: غلفاء ووو (Re: عصام علي أحمد)
|
| Quote: الشين مليص السراويل بعد الاعتقال يافقيرى |
عصام إزيك
أيوة عشان نقول الكلام داك شين
لازم كمان نقول دا شين
الزين ما بفسل .. والفسل ما بزين
والجنس الرخيص .. ما بنفعه التحسين
والدخل البطون .. ما بتقطعه السكين
__________
ما عاوزينهم يخلوا الخطاب الفج جزء من ثقافتنا
عشان كدا لازم نقيف شوية قبل ما ندخل معاهم في الخوض
| |
|
|
|
|
|
|
|
|
|
Re: غلفاء ووو (Re: Asim Fageary)
|
فى اول تصريح قالت ان مرسى اب ويخاف على ابناءه !
شفت المطاعنة دى كيف ؟
----------------------------------------------------------
فرق ضخم ، وتأملي الإتنين مفروض يكونو أولاد كار واحد
الشاهد ان هناك غختلاف كبير بين حركات الإسلام السياسي في مصر و تونس
وبتوعنا المالامين في إسلام ولا لافقين مع إنسانية
اللهم غايتو إلا القرضاوي ، البيشبههم
| |
|
|
|
|
|
|
|
|
|
Re: غلفاء ووو (Re: أبو ساندرا)
|
Quote: فرق ضخم ، وتأملي الإتنين مفروض يكونو أولاد كار واحد
|
يا ابو ساندرا
ياخ انت بره الشبكه
المطاعنه المقصوده هنا انو رئيسنا بلا ذريه
ولا علاقه له بالكار السياسي الذي يجمعه بمرسي
| |
|
|
|
|
|
|
|
|
|
Re: غلفاء ووو (Re: العوض المسلمي)
|
Quote: يا وليد يمكن الريس ما عارف انه في ناس معتقلين ؟!
كل شئ وارد ... |
معقولة
واين هو عمر بن البشير
من عمر بين الخطاب حين قال
لو عترت بغله في العراق
!!!!!!!!!!!!!!!!!!!!!!!
كدي وريني يالعوض ممكن يكون عند الرئيس شنو اه من حريت نساء السودان
يعني هو حاكم السودان لي شنو ؟ وكت ما ععارف انو نسوانو معتقلات
وفكى المصرية دي كيف ..
وهي قبضوها ليه وعشان شنو ؟
ده كله الرئيس ما عارفو !!!!!
تبقى مصيبة
تحياتي
| |
|
|
|
|
|
|
|
|
 Re: غلفا .. وشايلا موسها تطهر (Re: وليد محمد المبارك)
|
يا شيخ وليد حاولت ابلع حكاية ارجل من جلدها لأنو التعبير يحمل نبرة أفضلية الرجل عن المراة في مقامها....
والحمد لله هي الان خارج قبضة الجلاد ...
لكن حكاية غلفا دي أنا ما قدرت أبتلعها لان المثل من حيث تحتسب يؤمن على اهمية الختان وهو فعل اقبح مما تتصور
يا اخي الكريم دبل الاكشن بتاعك دا مهين للمرأة وللرجال قبل ان يكون مهينا لأعلام الانقاذ ......
خليك حريص .... خليك سوداني
| |
|
|
|
|
|
|
|
|
|
Re: غلفا .. وشايلا موسها تطهر (Re: Dr Salah Al Bander)
|
نستاذن الاحباب الفوق نرد على الاستاذ البندر
مرحب استاذ صلاح البندر
لا افضلية للرجل على المراة او العكس
وضد الختان
هذا هو موقفي الشخصي
ارجل من جلادها رسالة الى جلادها بما يفهمه ويغيظه
غلفا وشايلا موسى تطهر رسالة الى المعنين وتغيظهم
خالص الموده
| |
|
|
|
|
|
|
|
|
|
Re: غلفا .. وشايلا موسها تطهر (Re: وليد محمد المبارك)
|
Quote: يا وليد لو بقيت على مثل شجرة الدليب كان أحسن
المثل الخاتيهو عنوان للبوست شين ياخي
وبعدين القصة دي خلوها زمان
إنت لسع فاكر ؟ |
يا وليد
يعني لو كنت رديت علي قبيل
ما كان جاك صلاح البندر بهذا العتاب
لكن إنت جليتني والآن ترد على صلاح البندر
وموقفه نفس موقفي من المثل المذكور
ممكن تبرر إذا أردت أن ترد علي طبعاً
ومن حقك تجليني برضو
!
| |
|
|
|
|
|
|
|
|
|
Re: غلفا .. وشايلا موسها تطهر (Re: وليد محمد المبارك)
|
Quote: مرحب عاصم
المثل مثل سوداني شائع ومفهوم ومعبر
لا فيه اساءة ولا تنابذ
تحياتي |
يبدو أن ردك يا وليد كان بعد فترة طويلة من إنزالي لردي على البوست
لأني كنت أراجع البوست بمجرد وجود مداخلة جديدة منك
على العموم ولا يهمك
هو المثل بينطبق بس دايماً الواحد بيحاول يتجنب الأمثال البيكون فيها تضارب في الرؤى
| |
|
|
|
|
|
|
|
|
|
Re: غلفا .. وشايلا موسها تطهر (Re: Asim Fageary)
|
ابدا يا عاصم
انا اساسا ما رديت على اي زول
اول زول رديت عليه كان صلاح البندر لاسباب خاصة وده كان بعد استئذان كل من كتب مداخلة قبله
ثم بعد ذلك اصبحت ارد على المداخلات بالترتيب
تحياتي
| |
|
|
|
|
|
|
|
|
|
Re: غلفا .. وشايلا موسها تطهر (Re: Asim Fageary)
|
| Quote: ولا يختلف كثيرين من اهل المنبر عن الرئيس |
لا حولااااااااااااا
هي حصلت تشبهونا كمان بالراجل دهـ ؟
نحن لسه مندهشين من شيماء دي جابوا ليها طائرة خاصة على حسابنا ليه وبقية المعتقلات ديل يا ربي نشوف مرسي يتوسط لينا ول كيف !!!
| |
|
|
|
|
|
|
|
|
 Re: غلفا .. وشايلا موسها تطهر (Re: وليد محمد المبارك)
|
ودي اول مرة للانبطاح لمصر يا وليد؟
حلايب ..
والاراضي الوزعوها للمصرين ..
والبقر .. ونصف الشعب يموت جوعاً في الاطراف .. وجوة الخرطوم ذاااتا!!
---------
ياخ والله بقيت اشك اننا استقلينا ذاتو ..
عاش مرسي ملك مصر و السودان
عاش!!!
| |
|
|
|
|
|
|
|
|
|
Re: غلفا .. وشايلا موسها تطهر (Re: وليد محمد المبارك)
|
سلام عليك يا وليد وزوارك
من يهن يسهل الهوان عليه, اصبحنا هينين وهوينين لاننا سمحنا لحكومة يقودها كذاب وعدد معتبر من المنافقين واللصوص بحكمنا (23سنة)
... فماذ نتوقع ممن كانت هذه صفاتهم...
من كانت فيه اية واحدة من ايات النفاق فلا امل يرجى منه .
حكاية احترام الناس وإطلاق الحريات وسيادة القانون وووو دي حاجات يمكن ان تطلب من حكومة محترمة جاءت للسطلة بقناعةالشعب واختياره الحر مش زي حكومة البشير المتخمة بكل افاق وفاجر ولص ...
شيماء عادل فرصة جاءتهم على طبق من ذهب فاسثمروها مع اخوان مصر ...
حرائرنا المعتقلات وكل المعتقلين لا نصير لهن/ لهم الا وقفة قوية لتنظيم انفسنا لاقتلاع هذه الطغمة ومحاسبتهم جميعا على كل ما اغترفوا من جرائم : سرقة اموال البلاد والعباد .. اهانة الشعب السوداني بصورة لم تحدث حتى في عهد الاستعمار...
بالله يا وليد في اهانة اكتر من كلام شيماء الصحفية دي :( الدكتور محمد مرسي بيفتكر انو كرامة المصريين دي خط احمر)...يعني مجرد اعتقالها فيه اهانة لكرامتها فكيف بمن يعتقل ويساء اليه اساءة لا توصف ومازال رهن الاعتقال من النساء والرجال والشباب ...
والله من يهن يسهل الهوان عليه
| |
|
|
|
|
|
|
|
|
|
Re: غلفا .. وشايلا موسها تطهر (Re: وليد محمد المبارك)
|
وليد أخوي.
لو اقتنعت معاي انو الحكومة دي ما وطنية. وربما هي أقرب لحكومة تنوب محتلاً مصرياً في إدارة البلد. كنت حتعيد صياغة فهمك لحاجات كتيرة حاصلة في البلد وكان بقت ليك واضحة.
===================================================
اها إنتَ تدعو لختان الإناث يا رجل ؟ :) متى سندعو لمحاربة العادات الضارة والدخيلة ؟
| |
|
|
|
|
|
|
|
|
|
Re: غلفا .. وشايلا موسها تطهر (Re: وليد محمد المبارك)
|
Quote: انا احارب ختان الاناث فعلا وليس كتابة في المنبر
ثلاث بنات جميلات اليت على نفسي ان اسلمهن الى ازواجهن كما خلقهن ربهن
وانا حاميهن مخط دفاعهن ضد معتقد اقرب النساء اليهن |
وليد يازولآ نجيض,
يسلمو ليك, وتسلم ليهن...
ياأخى الشباب المكربين الزيكم ديل المفروض هم يكونو أصحاب الحق فى علو الصوت ,
وسيكون لكم فى هذا الوطن موضع قدم ...
لى قدام ياشباب
| |
|
|
|
|
|
|
|
|
|
Re: غلفا .. وشايلا موسها تطهر (Re: الجيلى أحمد)
|
تعرف يا وليد انا شفت بوستك ده وفي الاول كنت عايز اعمل مداخلة بخصوص موضوع الختان ده بعدين قلت ممكن يحرف البوست لانو الموضوع بتاع البوست ماعندي جديد اقولو فيهو
لكن كلامك ده Quote: انا احارب ختان الاناث فعلا وليس كتابة في المنبر
ثلاث بنات جميلات اليت على نفسي ان اسلمهن الى ازواجهن كما خلقهن ربهن
وانا حاميهن مخط دفاعهن ضد معتقد اقرب النساء اليهن |
خلاني اخش
ايام كنا اطباء امتياز في مدينة الابيض الجميلة كنا بنعمل ندوات تثقيفية ومن ضمنها عن الخفاض الفرعوني كنا محتاجبن لناس يقولو زي كلامك القوي الانت قلتو ده والله ما لقينا زول يقولو
مليون ترليون لايك يا وليد وربنا يحفظ ليك زهراتك ديل
| |
|
|
|
|
|
|
|
|
|
Re: غلفا .. وشايلا موسها تطهر (Re: جمال الباقر)
|
مرحب جمال الباقر
هذا موضوع مبدئي عندي لا مجال فيه لاي رائي اخر
هؤلاء بناتي وانا المسئول عنهن .. ادير شئون منزلي بدمغراطية الا في هذا الامر كنت فيه دكتاتورا وغلبت رائي الاوحد على رائي المجموعة
لا اذكر اني اختلفت مع والدتي خلاف جزريا ورفضع الخضوع لرائيها حتى غضبت مني الا في هذا الامر
ولا اذكر اني لوحت لزوجتي المصون بكرت الطلاق .. الا لانها فتحت موضوع الطهور ده وعندما اختلفنا قالت لي مازحة :
ساتركك تذهب الى العمل وسافل ما يجب فعله
فقلت ليها عند إذن ساطلقك لا محالة
وكانت مشكلة ايضا بيني وبيننها فترة من الزمن وحردي وزعل
هذا امر محسوم غير قابل للنقاش .. حتى لا يزايد علينا المزايدون
| |
|
|
|
|
|
|
| |
وليد محمد المبارك
بدر الدين احمد موسى
aydaroos
Asim Fageary
دينا خالد
عبداللطيف خليل محمد على
البشير دفع الله
العوض المسلمي
عصام علي أحمد
أبو ساندرا
Omar Bob
Dr Salah Al Bander
احمد محمد بشير
الفاتح شلبي
قيقراوي
mekki
إسماعيل حسن
Hani Arabi Mohamed
الصادق اسماعيل
الجيلى أحمد
جمال الباقر
فيس بوك
تويتر
انستقرام
يوتيوب
بنتيريست