|
|
|
 Re: الزاد الما كفي ناس البيت .. يحرم علي الكيزان !! (Re: حبيب نورة)
|
وعلي صعيدٍ آخر
لا تؤخذوا السكاري بما يقولون !
حكمة عبثية يهتزّ ( ضنبها ) في لاوعيي حين أنصب شراك الوعي بغتةً لأسأل :
ويحكم كيف تحكمون ؟؟
سؤال محرج مش كده ؟
طيب سيبكم من الشراك التي أنصبها ( بحرفنة ) وخليكم في سجم رمادكم الخلاكم مجرّد فيران في مذبحة ( كَدَسة ) جعانة !
وقبل ما ( أتّلحكم ) بوابل من سؤالاتي ، ما تجوا تسعلوني !!
إنت منو ؟ وبرنامجك شنو ؟؟
وفجأةً كده ( مطر العِينة ومطرة الجمعة الجامعة والدعوة الجامعة ) تنصب من رذاذ تساؤلاتكم .
ياخ ده شنو ؟ وده جنسو شنو ؟
الراوي علي لسان الشعب يردّد :
( كتمو نفسو الهوا وينو )
ومن ثم يسدل الستار عن مسرحيةٍ بنت غلفــاء ( حسب قاموسي المحلي البدائي لتبادل الشتائم التي كنت أظن أنها بذيئة ) .
هوي !!
نحن وهم واللا شكلنا كده ؟
طيب شنو ؟؟
الناس ديل أحرقوهم بي جزلين وريحونا منهم .
شفتوا كيف ؟؟ ( وقد لاتفوت علي فطنة القرئ " إن وُجِد " أن الناس ديل رويانين نفط )
يعني الموضوع بإختصار
قشة كبريت !!!
مجرد عود ثقاب يا سادتي أعتقد أنه يقدر علي إفتضاح حقيقة العفة المزعومة !
أقولُ قولي هذا وأخشي من ( البعد كوستي ) .... وحياة ديني وإيماني خايف إنو الشغلانة تحتاج لترقيع وما إلي ذلك من عظائم الأمور .
وشكلنا ح نلجأ إلي المنتج الصيني قطع شك !!
وعشان ما نعمل غمرانين ( وهذا ما أخشاه بطبيعة الحال ) الحيكومة دي يا جدعان محتاجة بالضبط لغشاء بكّارة آخر .. والله جد .
وبحكم خبرتي ( أنصح بالإتجاه نحو سور الصين العظيم ) .
لا أنصحكم بتفويض أمركم إلي الفوقاني ( قالها وهو يشير إلي فاطر السموات والأرض ) ولكن أنصحكم بعود ثقاب !
فقط !!
والله يكرم السامعين قال سيدنا ود الرضي عليه السلام في نبؤته الغير مرسلة من إلهٍ ما ( عاد لا حول لا قوة ) وربما كان يشير إلي ( البعد كوستي )
ربما !
يا أخواننا الناس ديل يختونا بس ، رأيكم شنو ؟؟
شييييت يا مان
طلعتوا ديننا
او في الحقيقة خليتوا لينا باقي دين سنلعنكم بما بتقي من آياته فقط لنثبت لكم بأننا ما زلنا مسلمين
برغم لادينية هذا الإسلام الذي تتشدقون بإعتناقه
وهو في حقيقته
لا يشبهكم .
قٌبحتم .
زقاق
الله ذااااااتو يوم القيامة ح يسألكم :
من أنتم؟؟؟
| |
  
|
|
|
|
|
|
|
 Re: الزاد الما كفي ناس البيت .. يحرم علي الكيزان !! (Re: حبيب نورة)
|
يا حبيب ..
كيفِنَك؟ ويا ريتك طيب؟
Quote: ومع ذلك أعتقد إنو ربنا ما محتاج لي زول يصلي ليه كتير، بل يحتاج لشخص يؤمن به أكثر .
كلهن خمس صلوات ممكن نأديهم آلياً بدون الشعور بقداسة الإنتماء لرب .
مجرد أداء واجب لا أكثر
|
أولاً أعتقد أنك مؤمن.. لأن المؤمن لا يكذب.
ثانياً أتفق معك أن ربنا لا يحتاج للزول يصلي له كثير أو قليل،
ولكن الزول محتاج إنو يصلي لربنا.مع الشعور بالقداسة ..
الإشكالية في أن الصلاة أصبحت لدى البعض جزءاً من ( عِدة الشُغل)!!!!!!!!!!
كمـا اللحية.. وعلامة الصلاة التي يمكن ( تصنيعها) في سوق ليبيا!!!!!
| |
|
|
|
|
|
|
|
|
|
Re: الزاد الما كفي ناس البيت .. يحرم علي الكيزان !! (Re: حبيب نورة)
|
Quote:
صلى قبل ان يصلى عليك
الله يهدينا ويهديك
الصلاة صلة بين العبد وربه
ارجو الا تقطع الصلاة الطيبة
تحياتى |
صلي قبل ان يُصلى عليك .. وقع ليك و الا نعيدو ليك 
---------------------------------
والله ناس جميلين و صادقين في النصيحة ... والاهم انهم ما كفروك ..
تعرف يا حبيبها ....
أنا نسيت موضوع البوست شنو
برجع اعمل اعد و اجيك تاني
| |
|
|
|
|
|
|
|
|
|
Re: الزاد الما كفي ناس البيت .. يحرم علي الكيزان !! (Re: حبيب نورة)
|
Quote:
أبو حميد
أنا شخصياً ما قاعد أصلي
لكن حاسي إنو في نقاط تلاقٍ يمكنا يستثمرا واحد فينا لصالح الآخر
ومع ذلك أعتقد إنو ربنا ما محتاج لي زول يصلي ليه كتير، بل يحتاج لشخص يؤمن به أكثر .
كلهن خمس صلوات ممكن نأديهم آلياً بدون الشعور بقداسة الإنتماء لرب .
مجرد أداء واجب لا أكثر
الفرق يكمن في الإيمان بقيمة علوية تنظم حياتنا في أسفلِ سافلين .
بس كده !!
وبعيد عنك، أنا زهجان شوية كده
والتعديل إضطراي تقريباً كده |
يا حبيبا!
لي كم يوم ما قدرت افهم ردك الفوق ده
اشرح يا حبيب الله يرضا عليك
هل ازعجتك بي مداخلتي في بوستك ده ؟؟
انا جيت رديت عليك بابيات شعر تغنى بيها زول انت بتعزوا
ومعنى الابيات انه نحن غربا حتى في بلدنا مع بني كوز ديل.
:)
| |
|
|
|
|
|
|
|
|
|
Re: الزاد الما كفي ناس البيت .. يحرم علي الكيزان !! (Re: احمد محمد بشير)
|
| Quote: وقد لاتفوت علي فطنة القرئ " إن وُجِد " |
موجودين كتاااار يا حبيب نورة ما بنخلي نقطة حبر منك تجي عابرة من غير نجمركا (تربية كيزان يا زلمة ههههه)يعني خليك تفتيحة ما تاخد راحتك للطيش دوس فرملتك في بت الغلفاء و بعدين البذاءة بقت عندها معيار لو الصول بتاع بكري عمل ليك نقط ********* كدي معناها انت قليل أدب شديد لكن لو عبرت زي الغلفاء دي معناها انت حلاتك.
| |
|
|
|
|
|
|
|
|
 Re: الزاد الما كفي ناس البيت .. يحرم علي الكيزان !! (Re: mutwakil toum)
|
Quote: موجودين كتاااار يا حبيب نورة ما بنخلي نقطة حبر منك تجي عابرة من غير نجمركا (تربية كيزان يا زلمة ههههه)يعني خليك تفتيحة ما تاخد راحتك للطيش دوس فرملتك في بت الغلفاء و بعدين البذاءة بقت عندها معيار لو الصول بتاع بكري عمل ليك نقط ********* كدي معناها انت قليل أدب شديد لكن لو عبرت زي الغلفاء دي معناها انت حلاتك.
|
هههههههههههههههههه
متوكل توم
كيفنك وأخبارك وصحتك ووليداتك
ورمضانك كريم
والله عجبتني حكاية الفرمالة في بت الغلفاء دي ووقع لي كلامك
حاضر يا فندم
سمعنا وأطعنا
| |
|
|
|
|
|
|
|
|
|
Re: الزاد الما كفي ناس البيت .. يحرم علي الكيزان !! (Re: احمد محمد بشير)
|
Quote: يا حبيبا!
لي كم يوم ما قدرت افهم ردك الفوق ده
اشرح يا حبيب الله يرضا عليك
هل ازعجتك بي مداخلتي في بوستك ده ؟؟ |
الحبيب أحمد محمد بشير
كيف حالك ورمضان كريم
لا يا صديق لم تزعجني بتاتاً
بالعكس سعيد بمداخلتك
ولكن يبدو أن المود السئ هو الذي جعلك تتعرض لبعض النيران الصديقة . ربما
الموضوع كلو أنا كنت في حالة تنفيس وقلق هائل تصادف مع ردي عليك
ومعليش لو حسيت بشعور ما لطيف تجاه ما كتبت
تسلم شديد
| |
|
|
|
|
|
|
| |
حبيب نورة
Hassan Makkawi
حسن حماد محمد
احمد محمد بشير
ياسر عبدالكريم محمد
عثمان رضوان
Nader Abu Kadouk
احمد العربي
Hani Arabi Mohamed
رشا احمد
الفاتح ميرغني
فيس بوك
تويتر
انستقرام
يوتيوب
بنتيريست