|
|
 *** شن نسو مع كاروهات بكري ؟؟؟ ***
|
عقدتنا يا بكري ياخ , والله صحي
ياخ راجع برمجة مقص رقابتك ده
ناس تكتب كلام يشيب له الولدان في المهد ويصيب البني آدم من شذاذ الآفاق وغيرهم بي طمة قد تصل القمة والله صحي
ورغم ده قاعده مصوفنة في حوشك ومكتبتك بي غادي , وناس المساككة باليننا بيها كل مرة ناكتنها ومارضين بيها القرآء
وكلمات تجي عفو الخاطر في النقاش بين الأصدقاء
وبعض التعبير عن الغضب من شاكلة جبــــــان التي تعبر عن سخطنا من منسوبي الكيزان تقص رقبتها الضحى الأعلى
وتختها لينا وصمة عار في جبين البوست
تخلي الواحد يتحسس روحو , يا ربي كتبت شنو وسويت شنو ؟
دحين يابا راجع مقص الرقابة العندك ده وكلمو في اضانو ما يقصقص من طرف ويرص لينا كاروهاتو الكرهنا بيها الكارهوات زاتا ، والله صحي
|
|
 
|
|
|
|
|
|
|
 Re: *** شن نسو مع كاروهات بكري ؟؟؟ *** (Re: lana mahdi)
|
Quote: كاروهات ...شنو يا بت الجنيد
دي عاملة زي مزلقانات السكك الحديديه \
عقدتنا جد جد
|
محمد ود المجذوب حبابك يابا
قلت لي فلنكات عديييييل لوووووووووووولز
المزلقانات ماني متذكراها والله صحي
علا الفلنكات بالحييييل بخبرها وخسوسا لامن ترصهن فوق بعض قريبات من كاروهات بكري دي
باقيلي بكري ده زمان كان في سكة حديد عطبرة والله صحي
تسلم يا خوي على المرور وكلنا نطالب بكري بتعديل قانون المرور
| |
|
|
|
|
|
|
|
|
|
Re: *** شن نسو مع كاروهات بكري ؟؟؟ *** (Re: اسماء الجنيد)
|
| Quote: غايتو لامن أكتب كلمة بريئة وأجي ألاقيها كاروهات بتحرج جنس إحراج وبتعقد جنس عقد في الدنيا دي هههههههههه |
يا لنا ولكم تصدقي بالله كتبت البوست ده بعدما شفت طرف توبي السادة وسمح بي غادي ملصوقة فيه كاروهات بكري والله صحي
بخصوص كلمة لكم ما متذكرة حكيت ليك نكتة الإسم ده ولا لا؟
صاحبتي عاجبها إسم لنا شديييد زي كده والله صحي
قررت تسمي باكورتها البنية الحليونة لنا
الحبوبة نوهاااااااائي ما قادرة تستوعب إنه لنا إسم بنية وجميل جدا
قالت ليها يعني نناغمها كيف ؟ هي اللتكم إتو ولامن تقولوا لنا عارفنها حقتكم
لكن نحن نناغمها لنا ؟ ولا نقولها لكم ؟؟؟ لووووووووووووووووووولز
| |
|
|
|
|
|
|
|
|
 Re: *** شن نسو مع كاروهات بكري ؟؟؟ *** (Re: ABUHUSSEIN)
|
Quote: شوفي يا أسماء
أنا تعبت معاك أعلم فيك و برضو مافيش أي فايدة
تعالي أكتبي لينا هنا الإتشلخ ليك شنو علشان نتفاهم
و أبو صلعة دا زاتو أنا بفتش لي لي سبب معاه علشان أرشو
و أخيراً إزيك |
يا ابو حسين بشيشك يا حاج
رمضان بدور يقوم بيك قبال يومو ولا شنو ؟
كر عليك يا سمو حبيبتي من نقة الصيام والله صحي
بعدين يا ابو حسين هو داب شخبيت ؟ والله ابو صلعة ده يات ما اكتب لي كلام القاهو مشخوت متل صريف القضارف والله صحي
اها ارجع تاني امسح واكسح وادرش وبجيبو حي لكن والله صحي
اصلح الكتابة واقش الكاروهات بي طرف هدمي العاجـــــــــبني
يعني هسه كلمة عااااااااااااااااااااااجبـــــني دي إلا نديها خرطومية حرف حتى بكري يعتقها
مستغربة اماني العجب صاحبتي قدرت كيف تصمد امام هجوم بكري بي إسم ابوها عمنا العجــــب ؟
| |
|
|
|
|
|
|
|
|
|
Re: *** شن نسو مع كاروهات بكري ؟؟؟ *** (Re: اسماء الجنيد)
|
Quote:
لوووووب على قول دينا خالد ......:)
غايتو يا سوما الله يجازيكى على العملتى فى مصارينى .. |
أمونة يا حبيبة قسانا حبابك يا خية
تعرفي يا امونة انا كان بي مرادي بكري الكاروهات البشختنا بيها في البوستات
نشختا ليهو في صلعتو زي التاتو , لامن يأمن والناس تقول الزول ده كان في بيوت الأشباح ولا شنو ؟ كع
| |
|
|
|
|
|
|
|
|
 Re: *** شن نسو مع كاروهات بكري ؟؟؟ *** (Re: اسماء الجنيد)
|
Quote: اصلح الكتابة واقش الكاروهات بي طرف هدمي العاجـــــــــبني
يعني هسه كلمة عااااااااااااااااااااااجبـــــني دي إلا نديها خرطومية حرف حتى بكري يعتقها |
خلي بالك معاي يا سوما
العاجبني ما عليها حرج.... إنما الحرج في عاجـباني و لو كتبتيها زي ما هي بدون أي مط للحروف
و النشرح كان نكسب فيك الأجر و أخونا بكري يستفيد
عاجـبـاني تحتوي على كلمة جـبـان و دي المقصودة بالشلوخ و هي في نص الكلمة
أخونا بكري الله إديهو العافية في الملف اللي فيه الكلمات المفروض تتشلخ واضع كلمة جـبـان
علشان كدا لو كتبتي أجـبان حا تلقي أ فقط و الباقي شلوخ الحل شنو ....؟؟؟
الحل أخونا بكري إقوم إدخل مسافة قبل و بعد كلمة جـبان في ملف الكلمات اللي مفروض تتشلخ
علشان لو ظهرت كلمة جـبان لوحدها تتشلخ و لو ظهرت في وسط الكلمة أو ملتصق بيها أي حرف قبلها أو بعدها ما تتشلخ
و بي نفس الطريقة دي كل الكلمات المحتاجة لي شلوخ مفروض تكون في مسافة قبلها و بعدها
أتمنى إنكم تكونو إستفدتو من الدرس دا و أخونا أبو صلعة إكون كلامي وقع ليه علشان إعدل الكلمات
و بي كدا نسوان البورد ديل ما إتعقدن لم تتشلخ ليهم كلمات
تحياتي و إحترامي
| |
|
|
|
|
|
|
|
|
|
Re: *** شن نسو مع كاروهات بكري ؟؟؟ *** (Re: ABUHUSSEIN)
|
Quote: أخونا بكري إقوم إدخل مسافة قبل و بعد كلمة جـبان في ملف الكلمات اللي مفروض تتشلخ
علشان لو ظهرت كلمة جـبان لوحدها تتشلخ و لو ظهرت في وسط الكلمة أو ملتصق بيها أي حرف قبلها أو بعدها ما تتشلخ
و بي نفس الطريقة دي كل الكلمات المحتاجة لي شلوخ مفروض تكون في مسافة قبلها و بعدها |
المحيرني يا أبوحسين هـو فلان دا زاتو مشلخنو مالو؟.. وكأنو الكلمات المحظورة دي فقط تستخدم في الشتم.. يعني الله يكرمكم كان داير أعمل لي بحث عن الكلاب وأنشرو هنا بكري بعدموا لي نفاخ النار.. يا بكري الله يرضى عليك ياخي أي حاجة في الدنيا عندها منافعها ومضارها.. يعني العربات كل يوم بتعمل حوادث وبتكتل الناس لكن ما ح يخطر في بال أي حكومة ولا حكومتنا نحنا حتى إنها تحظر استخدام العربات لأنها بتعمل حوادث أو في ناس بستغلوها لإرتكاب مختلف الجرايم.. لكن بتعمل القوانين البتعاقب المخطئ والمجرم.. من ناحية تانية.. والكلام لسة لبكري أهو شايف كل الناس تقريباً عرفوا طريقة للمخارجة من الشلوخ دي (يا حليل حبوباتنا وأماتنا الما عرفن يزوغن منها).. فبالله عليك ألغي الحاجة دي لأنها غير بتستهلك باندودث وزمن وطاقة أكتر ما منها فايدة.. بالمناسبة حتى عمليات التحوير لبعض الكلمات برضو ما ناجحة إن لم تكن ساذجة.. وللتوضيح أقول شاركت في بوست طريف للبروف محمد عبدالله الريح عن التخسـيس.. ولامن عملت بريفيو لقيت كل كلمة تخـسيس حولها لي لحرف تاء ولصّق فيها (إنسان رخيص!!) معقولة يا معلم؟؟.. سلامات يا سوما..وأبوحسين.. وبكري زاتو!..
| |
|
|
|
|
|
|
|
|
|
Re: *** شن نسو مع كاروهات بكري ؟؟؟ *** (Re: Isa)
|
| Quote: المحيرني يا أبوحسين هـو فلان دا زاتو مشلخنو مالو؟ |
أخونا عيسى سلام
و الله بكري معزور ... ياخ مع الشلوخ دي برضو الإساءات ما شاء الله مالية البورد
يعني على سبيل المثال أول أمس عنوان بوست إجيب ضغط و سكري
و أمس مداخلتين بس فيهم إساءات و الله الواحد إخجل إقول هي شنو ...
يعني لو خلوهم على راحتهم البورد دا في دقائق ببقى أدبخانة بس
و طبعاً الطبيعي إنو البورد ما تكون فيه إساءة لو الناس إلتزمت بالإحترام و حسن الخلق
و بي كدا ما محتاجين لي شلوخ....
تحياتي و إحترامي
| |
|
|
|
|
|
|
|
|
|
Re: *** شن نسو مع كاروهات بكري ؟؟؟ *** (Re: ABUHUSSEIN)
|
Quote: بعدين يا ابو حسين هو داب شخبيت ؟ والله ابو صلعة ده يات ما اكتب لي كلام القاهو مشخوت متل صريف القضارف والله صحي
اها ارجع تاني امسح واكسح وادرش وبجيبو حي لكن والله صحي
اصلح الكتابة واقش الكاروهات بي طرف هدمي العاجـــــــــبني
يعني هسه كلمة عااااااااااااااااااااااجبـــــني دي إلا نديها خرطومية حرف حتى بكري يعتقها
مستغربة اماني العجب صاحبتي قدرت كيف تصمد امام هجوم بكري بي إسم ابوها عمنا العجــــب ؟ |
سوما الحبيبة إجازي محنك..
أضحك الله لك سناً دائماً ..
وجعني بالحيل في قلبي توبك
القشيتي بيهو الكاروهات !
دمت واسرتك بالف خير ..
| |
|
|
|
|
|
|
|
|
Re: *** شن نسو مع كاروهات بكري ؟؟؟ *** (Re: اسماء الجنيد)
|
{وَلَوْ شِئْنَا لَرَفَعْنَاهُ بِهَا وَلَـكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ ال ###### إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ذَّلِكَ مَثَلُ الْقَوْمِ الَّذِينَ كَذَّبُواْ بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ}
ياسوما عمك دا بشخت القرآن ذات نفسو،،
يابكري عليك بكلام ابوحسين واعمل مسافة قبل وبعد الكلمة
المراد فلترتها حتى لا يقتلعها المقص من نصف كلمة زي
كلمة (حامية ا########س) (حامية ال وطيس)
وبعدين نرجو ان اي كلمة وردت في القرءان تستثنى
من الرقابة ككللب فهي ليست دايما سيئة
| |
|
|
|
|
|
|
| |
اسماء الجنيد
محمد مصطفي مجذوب
lana mahdi
ABUHUSSEIN
AMNA MUKHTAR
Amani Al Ajab
د.محمد بابكر
فيس بوك
تويتر
انستقرام
يوتيوب
بنتيريست