خرجت علينا جيوش الفبركة بقصة مها زين العابدين وحاولت ان تقول: مها، ربة منزل، والدة لطالبة بجامعة الخرطوم، سمعت بالاحداث الاخيرة، ذهبت مع احدى صاحباتها لاصطحاب بناتهم للبيت، فجأة تعرض لها البوليس والرباطة بالضرب مما سبب لها جروحاً واذى
القصة الحقيقية: مها زين العابدين، هي الناشطة السياسية المعروفة باسم مها الزين تنتمي للحزب الشيوعي ذهبت للجامعة ضمن الحشد الشيوعي كلنا يعلم الحمى التي وقع فيها الشيوعيون والعلمانيون هذه الايام وبعد ان اصبح مسجد الانصار نقطة تحرك المظاهرات يظنون ان الثورة قد "نضجت" ويحاولون تغيير "الميدان" من مسجد الانصار الى جامعة الخرطوم لذا، حشدوا ما شاء لهم من الحشود لافتعال مظاهرات بالجامعة ولو كنت الحكومة لاغلقت الجامعة، اصلاً باقي اسبوع على الاجازة المهم ذهبت لحشد المظاهرات ولم تذهب لابنتها هذا اولا ثانياً الرواية تقول انه اصابها حجر بالخطأ، من الطلاب، ولا يمكن الجذم باي الروايتين
07-12-2012, 03:40 PM
Adil Isaac Adil Isaac
تاريخ التسجيل: 12-02-2003
مجموع المشاركات: 4105
Quote: الرواية تقول انه اصابها حجر بالخطأ، من الطلاب، ولا يمكن الجذم باي الروايتين
اولا ياالشفيع المشكلة شنو تكون ضمن حشد المتظاهرين ؟ هي مواطنة سودانية بغض النظر عن انها شيوعيه او كوزة تعاني كما يعاني اى مواطن من هذا النظام ومن الحياة الاقتصادية وكونها خرجت لتعبر عن موقفها من هذه الحياة فده من حقها ولايعني خروجها انها تستحق الضرب ابداً .. ثانيا لو كان الامر كمان تقول بأن حجراً اصابها عن طريق الخطأ فده يعني احتمالين : -اما انها كانت تقف مع الشرطة وليس مع الحشد فاصابها الحجر عن طريق الخطأ من الطلاب لانها بجانب الشرطة . - او انها كانت ضمن الحشد - كما تقول - واصابها الحجر من جهة غير الطلاب . او يكون ضربوها الطير الابابيل !!!!
تحياتي ،،
07-12-2012, 04:00 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
البوست لنفي الرواية الدايرة في المنبر واتأكيد ان ما يحدث في الجامعة من خارجها طلاب الجامعة موجودين في قاعاتهم ومعاملهم الشيوعيين جاءوا بافراد من خارج الجامعة والقصد هو سحب البساط من ثوار مسجد الانصار
07-12-2012, 04:09 PM
osama fadlalla osama fadlalla
تاريخ التسجيل: 04-26-2010
مجموع المشاركات: 857
Quote: البوست لنفي الرواية الدايرة في المنبر واتأكيد ان ما يحدث في الجامعة من خارجها طلاب الجامعة موجودين في قاعاتهم ومعاملهم الشيوعيين جاءوا بافراد من خارج الجامعة والقصد هو سحب البساط من ثوار مسجد الانصار
تمام ماشيين كويس ....
وبختنا كمان طلعنا سودانيين.
ده اخر كلام
07-12-2012, 04:21 PM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
Quote: واتأكيد ان ما يحدث في الجامعة من خارجها طلاب الجامعة موجودين في قاعاتهم ومعاملهم
سبحان الله بالأمس فقط 20 طالب مصاب تم نقلهم لمستشفى الشرطة وحدها منهم إبن أخي الطالب بالجامعة والذي ضرب ضرباً مبرحاً على الرأس والأكتاف والظهر حتى فقد وعيه شخصياً تحدث هاتفياً معه في وقت متأخر من الليل وحكى لي تفاصيل إعتداء الشرطة والرباطة وكذلك تحدثت مع والديه...
ممكن تراجع مصادرك عن عدد المصابين الذين نقلوا لمستشفى الشرطة أمس الأربعاء 12/7 لأنك بالتأكيد ح تكضبني..... طبعاً إسم الطالب لن أذكره لسلامته وسلامة أهله لأن أوغادكم ممكن يمشوا يعتقلوهم وينكلوا بيهم وأنت عارف كويس نوعية الرباطة وأخلاقهم...
شكرا يا الشفيع دي فرصة للتعريف بالأستاذة مها زين العابدين
التحية لها ونسأل الله لها عاجل الشفاء فقد كانت دائما مدافعة عن حقوق المرأة السودانية والإنسان السوداني. وهذه قصة قديمة يذكرها الجميع "قضية الصحفية لبنى أحمد حسين"
قالت الصحافية السودانية لبنى أحمد حسين إنها اتـُهمت بارتداء لباس غير لائق وأنها معرضة لحكم باربعين جلدة في حال تمت ادانتها بهذه التهمة. وتم توقيف لبنى احمد الحسين التي تكتب في صحيفة الصحافة اليسارية وتعمل ايضا مع بعثة الامم المتحدة في السودان، الاسبوع الماضي في الخرطوم واتُهمت بان طريقة لباسها تتنافى مع قواعد النظام العام في البلاد. وقامت لبنى بتوزيع 500 بطاقة على شخصيات إعلامية ومن حقوق الإنسان والمجتمع المدني لحضور عقوبة جلدها "40 جلدة" ؛ وذلك كبادرة احتجاجية في حال تم الحكم عليها.
وللمزيد حول الموضوع معنا من العاصمة السودانية الخرطوم السيدة مهى زين العابدين الناشطة الحقوقية والمدافعة عن حقوق المرأة..
07-12-2012, 05:02 PM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
Quote: ذهبت للجامعة ضمن الحشد الشيوعي كلنا يعلم الحمى التي وقع فيها الشيوعيون والعلمانيون هذه الايام وبعد ان اصبح مسجد الانصار نقطة تحرك المظاهرات يظنون ان الثورة قد "نضجت"
الجهل فعلا مصيبة ... طيب ما ام ما عندها بت في الجامعة مشت مخصوص عشان تظاهر وعشان تعبر عن سخطها وغضبها تنضرب والله يالشرطة البدافعوا عنكم بجرموكم
07-12-2012, 05:34 PM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
محاسن زين العابدين، ربما تكون اخت او قريبة مها زين العابدين، او اسم على اسم
Quote: ما عندها بت في الجامعة مشت مخصوص عشان تظاهر وعشان تعبر عن سخطها وغضبها تنضرب
وكويس جدا جدا جبتو السي في حقتها ود بيثبت دجلكم وتمثيلكم عايزين تظهروها كإمرأة ربة منزل مسكينة مشت تسوق بتها من المظاهرات وهنا الرواية بتفرق كتير ناشطة سياسية شيوعية ماسكاهم الهلا هلا ماشين يلحقوا السوق ويختفوا الثورة التي "قيل" انها "نضجت" قبل ان يقطف ثمارها الانصار مشت تحرض الطلاب ضربتها طوبة في راسها نقول ليها ، معليش، واسفين ================ وللمعلومية طلاب جامعة الخرطوم، عمرهم ما سمحوا لجهة خارج الجامعة بقيادتهم بكربوا شغلهم مظبوط ولامن تنجض لا حكومة ولا جيش بقدر عليهم تذكروا انتفاضة ابريل اغلاق الجامعة لم يقعد اتحاد الدقير من قيادة الانتفاضة
07-12-2012, 06:19 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
Quote: وكويس جدا جدا جبتو السي في حقتها ود بيثبت دجلكم وتمثيلكم
ياسبحان الله . يازول انت قايل نفسك بتتكلم مع كيزان ولا تجار دين, انت بتتكلم مع ناس نضاف ومافيهم زول حرامي ذي اولياء نعمتك. انت النخوة والشهامة الموجودة في السوداني بالفطرة معاندك. الله يشفيك.
07-12-2012, 08:00 PM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
والله الذي لا إله إلا هو ومن حلف بي الله ما خلا شيء على قول حبوباتنا القصة انا سمعتها امس القريبة دي هنا في اوربا من جيران السيدة مها وبالحرف الواحد قالوا لي وهم زعلانين لدرجة البكاء إنه الوالدة مشت بس تجيب بتها من الجامعة ولما شافت العصي والضرب القدامها من عصابة الأمن للطلبة وصريخ الطالبات الحائم هسه في الفديوهات هي شافتو وسمعتو وكانت في قلب الحدث دخلت بي قلب الأم تفتش لي بتها لموا فيها إتنين خبت في كل جسمها لما وقعت اغمى عليها وإنت شايف صورتها الهنا في البورد دي بعدما وصلوها البمستشفى ، وما زالت تشكي من جراحها ومغستها تشق لأنه ما متوقعة شفع في سن اولادها يعاملوها زي البهيمة !!! اتقوا الله يا بشر ، مأساة الوالدة مها واحدة من المئات الما بلقوا فرصة يتصوروا ولا يصلوا للإعلام
رأيك شنو في الطالبة حليمة الفقعوا عينها ؟ اها العين دي تمثيل ؟ ولا الطالبة دي مشت تتفرج وجاتها وقيعة من السماء فقعت عينها ؟؟؟ فقعتوا مرارتنا يعلم الله ,,, ربنا ينتقم من اي كوز افاك طبال ومن أي منافق يحاول يخبي الحقيقة بي إسلوب خداع وإستهبال ربنا يفتهم فيما بينهم ويجعل كيدهم في نحرهم ربنا يورينا فيكم يوم بركة قبائل رمضان والأيام المباركة يمهل ولا يهمل
07-12-2012, 07:53 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
انا لله يا الشفيع ياخي من ربوني وربوك يا الشفيع نهائيا ما حرضونا على ضرب النساء تكون شيوعية تكون جبهة تكون كوزة دة ابدا ما مبرر لضرب أي امرأة كيفما كانت الظلم ظلمات يا حبيب والقهر لا يولد الا الانفجار
تليشة: اتصلت على خالتي لأطمئن عليها قالت لي حرفيا: يا طارق يا ولدي نحن نجضنا هنا مع حيكومة السجم دي شوفلي اغتراب ياخي
تم الباقي براك
07-12-2012, 08:12 PM
ibrahim alnimma ibrahim alnimma
تاريخ التسجيل: 03-28-2008
مجموع المشاركات: 5197
Quote: في تالت ورابع يا فايز واحد جدع حجر كبير وما وصل او حجر "صرج" او او ضربوها الشيوعيين مخسوس او او او اصلاً ما اضربت ولا حاجة وده معجون طماطم
المعني ان هذه جميعاً احتمالات تفكر في صياغتها لتخرجك من حرج التايد المطلق للانقاذ .............والله يالشفيع حالتك ميؤس منها .......وده بصراحة تفكير بتاع التواء وبؤس سياسي غير مسبوق وغير اخلاقي .......يمكنك ان تختار طريق الصمت ......يقول مارتن لوثر ان حديث الاعداء لا يضر ......ولكن صمت الاخيار اكثر ضرراً .......فهل انت فعلاً عدواً للشعب لهذه الدرجة ؟؟؟؟؟؟؟؟؟ اللهم طولك ياروح
07-12-2012, 08:26 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
Quote: فقعتوا مرارتنا يعلم الله ,,, ربنا ينتقم من اي كوز افاك طبال ومن أي منافق يحاول يخبي الحقيقة بي إسلوب خداع وإستهبال ربنا يفتهم فيما بينهم ويجعل كيدهم في نحرهم ربنا يورينا فيكم يوم بركة قبائل رمضان والأيام المباركة
يا الشفيع
والله أول مرة أشوف أسماء الجنيد زعلانة كدا.. يازول دا دليل كافى بأنك خلاص مسألة الخطوط الحمراء زاتا إنت فتها.
07-12-2012, 08:50 PM
Abdelmoniem ALHAJ Abdelmoniem ALHAJ
تاريخ التسجيل: 07-30-2007
مجموع المشاركات: 550
Quote: الرواية تقول انه اصابها حجر بالخطأ، من الطلاب، ولا يمكن الجذم باي الروايتين
يالشفيع مادام هي روا ية ولا يمكن الجزم بها ,,,يعني إنت ما متأكد منها وأكيد إنك ما متأكد لأنك مقيم في الرياض (اللهم إلا تكون في إجازة)...هل في داعي لأنك تفتح بوست للتقليل أو فلنقل لتتفه فيه حدث كبير كهذا....وهو إصابة سيدة سودانية و أكرر سودانية....شيوعية ولا ماعندها دين ذاتو...
ياخي الصورة المنشورة للسيدة ودمائها إذا ماهزت فيك أي حاجة....تكون أكيد ما طبيعي
Quote: عايزين تظهروها كإمرأة ربة منزل مسكينة مشت تسوق بتها من المظاهرات وهنا الرواية بتفرق كتير ناشطة سياسية شيوعية ماسكاهم الهلا هلا ماشين يلحقوا السوق
التفسير الامني والبوليسي للاشياء...نفس اللغة والاسلوب بتاع ضباط ألامن في التحقيق. والله نفسه. هنا مابياكل ياكوز يا تعبان.هنا حيث تسقط كل اوراق التوت. لو مافاهمني قول عشان افهمك زيادة ياغبيان.
07-12-2012, 10:04 PM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
يا جماعة الخير انا هنا بقول حقائق وحقائق فقط والساكت عن الحق شيطان اخرس والحقيقة دايما مرة زي الحنظل الداير الكلام البعجب يمشي لي بوستات صلاح جادات هناك ح يقول ليهو العجب
ما خارج الخرطوم كوووله سقط في يد الجبهة الثورية والخرطوم انتفضت بالكامل وخرجت ضد الانقاذ الجيش يحاصر جامعة الخرطوم بالدبابات والمدرعات الثقيلة والراجمات وكما معاها صورة دبابة ماااكنة
د.ياسر الرواية بتقول، وأكدتها اسماء الجنيد، وهي صادقة عندي دون حليفة
Quote: مها، ربة منزل، والدة لطالبة بجامعة الخرطوم، سمعت بالاحداث الاخيرة، ذهبت مع احدى صاحباتها لاصطحاب بناتهم للبيت، فجأة تعرض لها البوليس والرباطة بالضرب مما سبب لها جروحاً واذى
وهو كذب مها مشت عشان تحرض الطلاب مها ما مشت عشان تسوق بتها مها ليست ربة بيت عادية مها ناشطة سياسية ومعارضة وهنا بتفرق كتير
07-12-2012, 10:26 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: الرواية تقول انه اصابها حجر بالخطأ، من الطلاب، ولا يمكن الجذم باي الروايتين
الشفيع وراق
تحياتي ،،، طيب ياخ وقت أنت عارف لا يمكن الجزم بأي من الروايتين الورجغة في شنو؟ غايتو ما عارفك ح تقعد تدافع عن قضية خسرانه كدا لمتين يا الشفيع ياخ ناس الجلد والرأس ساكتين وما قالوا بغم عليكـ الله أكل عيشك ساااي في السعودية وأسكت يا رعاك الله
Quote: في تالت ورابع يا فايز واحد جدع حجر كبير وما وصل او حجر "صرج" او او ضربوها الشيوعيين مخسوس او او او اصلاً ما اضربت ولا حاجة وده معجون طماطم
يعني دحين ما نسيت ليك احتمال تاني؟
احتمال يا الشفيع يكون واحد جدع الحجر دا اها الحجر دا لا صرّج ولا حاجة مها دي براااها وبكامل قواها العقلية قامت قفزت وأدت ليك الحجر دا روسية عشان تجيب قون في الانقاذ مش برضو احتمال ولا شنو؟! .. ..
__ الجزم دي عليك الله صلحها ياخ لأنها شينة زي دفاعك عن الباطل دا .... والله صحي
07-12-2012, 10:33 PM
محاسن زين العابدين محاسن زين العابدين
تاريخ التسجيل: 02-21-2008
مجموع المشاركات: 1440
ألم تلاحظ يا الشفيع أنك أصبحت وحيدا كالأجرب تدافع عن هذا النظام الساقط!!!! لم يترك هذا النظام البئيس لأنصارة الحقيقيين والمرتزقة فرصة للدفاع عنه فصاروا يتساقطون كحبات المسبحة أو يتوارون خجلا في هذا المكان لأن مخزون الانسانية لديهم لم ينفذ كله.
فتحسس انسانيتك اذا تبقى منها شيئا!!!!!
07-12-2012, 11:04 PM
محمد ميرغني شاطر محمد ميرغني شاطر
تاريخ التسجيل: 06-28-2011
مجموع المشاركات: 289
Quote: ألم تلاحظ يا الشفيع أنك أصبحت وحيدا كالأجرب تدافع عن هذا النظام الساقط!!!! لم يترك هذا النظام البئيس لأنصارة الحقيقيين والمرتزقة فرصة للدفاع عنه فصاروا يتساقطون كحبات المسبحة أو يتوارون خجلا في هذا المكان لأن مخزون الانسانية لديهم لم ينفذ كله.
فتحسس انسانيتك اذا تبقى منها شيئا!!!!!
عله يفهم هذا التيس الاجرب
07-13-2012, 08:44 AM
الشفيع وراق عبد الرحمن الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الشفيع وراق عبد الرحمن
Adil Isaac
حمد عبد الغفار عمر
فايزودالقاضي
osama fadlalla
Al-Shaygi
Yasir Elsharif
أمجد الزين
هشام عباس
محمد عادل
isam elzein
سيف النصر محي الدين
ناصر المحسى
خضر الطيب
محاسن زين العابدين
حبيب نورة
معتصم ود الجمام
Yassir Tayfour
حواء سليمان ابراهيم
نجلاء سيد أحمد
اسماء الجنيد
طارق جبريل
ibrahim alnimma
الامين موسى البشاري
Imad Khalifa
محمد ميرغني شاطر
عزالدين محمد عثمان
Osama Mohammed
خالد العبيد
مريم الطيب
فيس بوك
تويتر
انستقرام
يوتيوب
بنتيريست