|
|
 يا ثوار هسع الكوز دا تسو ليه شنو
|
حاج عطا كوز بي دقن مولود في حي شعبي كان قبل الأنقاذ ببيع خضار هسع عنده شركة مقاولات كبيرة بتنفذ اعمال للحكومة وبنى بيته أربعه طوابق وعنده اربعه نسوان وكمية من الفارهات يؤم المصلين يوم الجمعه في المسجد ويلقى الخطبه وعنده حلقة تجويد يغشاها كبار الحي وصغارهم ويتواصل مع أرحامه وأصدقائه يساعد المحتاجين وسهمه الاعلى في أي مناسبه يرأس اللجنة الشعبية في الحي يعقد القران وبالليل يجي يهز في العريس في الحفله وتلقاه مع الناس البحفروا القبر في حالة الوفاة وينزل الجثمان ويدعوا للمرحوم قاعد في الحله
لنفترض الجمعه الفاتت قامت ثورة شذاذ الافاق وخلاس المعارضه استلمت الحكومة وبقى فاروق أبوعيسى الرئيس والصادق المهدي رئيس وزراء وبدأت ملاحقة الفلول المعارضين اعتبروه فلول وسدنه نظام بائد
من البقدر يتجرأ يهوب ناحية بيت الزول دا
تطلعوا منه حق الشعب كيف
بالرجاله مافي راجل بقدر يهوب ناحية بيته
بالقانون ياهو ديك القسم وديك المحكمة يجيب ليكم اوراق ما تخرش عقود سليمة ويجيب ليكم محامين يفتح في البهبشه بلاغ تشويه ويدخله السجن ومنو البقدر يقاضيه ولا يحاسبه زاتو منو ؟
تقولوا ديمقراطية يترشح نائب ويفوز ويقعد في برلمانكم
تسووا شنو ؟
-------------
البوست دا عن خاطره لمناضل ######## حاول يستغل الثورة للأساءة لشخص فاضل وهب نفسه لخدمة الناس بماله ووقته بوصمه بالكوز الحرامي في موقع حينا الأجتماعي بدون سبب سوى حقد
|
|
 
|
|
|
|
|
|
|
|
Re: يا ثوار هسع الكوز دا تسو ليه شنو (Re: سيف النصر محي الدين)
|
مرحب سيف
Quote: ما اظن في زول كبير على القانون .
لو الزول ده ثروته فيها شبهة فساد يشيل شيلتو بس و لو ماله مكتسب بالحلال و بعرق الجبين يرقد قفا.
ما اعتقد انو الرجالة عندها دور كبير في المسألة دي يا عبد العزيز |
ياهو دا القانون وداك القسم
منو البتجرأ يمشي يفتح فيه بلاغ ولا يتكلم معاه
الزول دا لسه في حلقة تلاوته ومواصلاته وشركته شغاله رغم انه خلى مقاولات الحكومة لكن شغال شغله الخاص يبني ويبيع ويأجر
لو دخل القسم سعادة العقيد رئيس القسم يجري يسلم عليه بحرارة (كوز زيه) العساكر كلهم فرحانين بقدومه (داهن سيرهم) يشرب قهوته في مكتب وكيل النيابه ويتونس معاه ويتخارج
شباب متحمسين جو كوركو قدام بيته طلعوا ليهم قرابيه وجيرانه طقطقوهم لمن عرفوا حاجه وودهم القسم عمك عطا جا عفى عنهم وخارجهم 
منو يا سيف البقدر يقول خليك من يثبت أنه فاسد ؟ رشح لي زول ؟
| |
|
|
|
|
|
|
|
|
|
Re: يا ثوار هسع الكوز دا تسو ليه شنو (Re: عبدالعزيز حسين عبدالرحيم)
|
| Quote: حاج عطا كوز بي دقن مولود في حي شعبي كان قبل الأنقاذ ببيع خضار هسع عنده شركة مقاولات كبيرة بتنفذ اعمال للحكومة وبنى بيته أربعه طوابق وعنده اربعه نسوان وكمية من الفارهات |
عبدالعزيز سلامات:
وانت تربط غني الزول بانو كوز وبانه كان فقير (تفكير واقعي) ، تفتكر انو العمل في مكتب مقاولات في عهد الانقاذ بورثك هذا الثراء؟ اجاباتك مهمة ، تفتكر انو الموضوع لا علاقة له بانو كوز؟| Quote: يؤم المصلين يوم الجمعه في المسجد ويلقى الخطبه وعنده حلقة تجويد يغشاها كبار الحي وصغارهم ويتواصل مع أرحامه وأصدقائه يساعد المحتاجين وسهمه الاعلى في أي مناسبه يرأس اللجنة الشعبية في الحي يعقد القران وبالليل يجي يهز في العريس في الحفله وتلقاه مع الناس البحفروا القبر في حالة الوفاة وينزل الجثمان ويدعوا للمرحوم قاعد في الحله |
حكاية انو بقرأ القران وبصلي وبيواصل ارحامه دي كلها ما جديدة علي السودانين .......لكن كونك توصف بيها الراجل اظنك تقصد انها تشفع ليهو ........ياخوي دي ان كان صادقاً فهي ثوابها عند الله مش من حق المواطن يثوبوا..........وكان كاذب فيها برضو عقابها عند الله ........لكن حكاية انو سهمه الاعلي في اي مناسبة ، دي الكيزان بعلموها لانها بفتكروها بتزيل الغبن الاجتماعي وبتساعد في تسويق الشخص اجتماعياً .....لكن ياخوي الناس كاشفة الموجة كويس ، وانو الحاجات الزي عندهم بند ليها عديل كدة ..........Quote: بالقانون ياهو ديك القسم وديك المحكمة يجيب ليكم اوراق ما تخرش عقود سليمة ويجيب ليكم محامين يفتح في البهبشه بلاغ تشويه ويدخله السجن ومنو البقدر يقاضيه ولا يحاسبه زاتو منو ؟
|
نعم بالقانون ......من اين لك هذا ؟؟ والقانون اذا لم يدينه عادي يتوكل علي الله ..........لكن اذا القانون ادانو انت بتعمل شنو خليك مننا نحن؟وطبعاً ده برضو سؤال مهم عليك تجاوبه .......اذا القانون ادانو انت بتحزن عشان انو بصلي وبقرا القران وسهمو الاعلي في اي مناسبة ؟
انا شخصياً مع استراداد اموال الشعب بالقانون اكرر بالقانون ؟؟؟؟؟؟
Quote: تقولوا ديمقراطية يترشح نائب ويفوز ويقعد في برلمانكم
تسووا شنو ؟ |
يازول يتشرح شنو ؟؟؟؟؟علي الايمان البلد تضيق عليه قال يترشح ......الا يكون بتقصد يتشرشح ........انت فاكر المواطن ضعيف للدجة دي .....كدي شوف كمية الكره البواجه الكيزان ديل بعد سقوط النظام .......وهم عارفين الحكاية دي عشان كدة بقاتلو بطريقة عجيبة زي ما شايفهم لكن مافي كبير علي الشعب .........ورغم ذلك اذا نجح في الترشيح ثم الفوز انا ماعندي اي مانع ..
| |
|
|
|
|
|
|
|
|
|
Re: يا ثوار هسع الكوز دا تسو ليه شنو (Re: ibrahim alnimma)
|
| Quote: لو دخل القسم سعادة العقيد رئيس القسم يجري يسلم عليه بحرارة (كوز زيه) العساكر كلهم فرحانين بقدومه (داهن سيرهم) يشرب قهوته في مكتب وكيل النيابه ويتونس معاه ويتخارج |
لما يجي القانون ياخوي جنس زي ده مافي .......اتونس معاه ويشرب القهوة وكوز زيو دي مافي الوقت داك ، لان الدولة ستصبح دولة قانون مش دولة حزب ..........عشان كدة اسقاط النظام مهم .....
تفتكر الزول الكتل عوضية داك بقدر يتخارج ؟ ولا القتل علي فضل وطلاب العيلفون والاغتصب صفية والقتلو الناس في دارفور واغتصبو ديل بلقو طريق يتخارجو بحجة انهم بقرو القران؟
| |
|
|
|
|
|
|
|
|
|
Re: يا ثوار هسع الكوز دا تسو ليه شنو (Re: ibrahim alnimma)
|
إبراهيم النعمه ياخ عليك الله ما تزهجني البوست دا عنده فهم محدد أنت حا تملاه لي بغو فارغ ساي
الزول دا كوز وعضو فعال في المؤتمر الوطني وبطبل ليه وأي زول عارفه أنه اغتني بفضل علاقاته بقيادات المؤتمر الوطني أنت دا إبراهيم النعمه الشيوعي حا تسوي ليه شنو
دا شنو دا مافي غير الشيوعيين يجوني يعني عشان قلت فاروق أبوعيسى رئيس الناس ديل صدقوا ولا شنو ما نهزر تاني ولا شنو ؟
| |
|
|
|
|
|
|
| |
سيف النصر محي الدين
ibrahim alnimma
فيس بوك
تويتر
انستقرام
يوتيوب
بنتيريست