|
|
|
 Re: تحروا عنها في العشرة الاواخر من كل شهر .. في امر الثورة (Re: Omar Bob)
|
مرحب عمر بوب
يسال منك الخير
احمد الله اني لست معتقلا ولت مهددا
والحرية لجميع المعتقلين والامان للمهددين
شرف الاعتقال هذا لم انله .. فانا دون ذلك يا صديقي
ما انا بمناضل حتى اعقل
لعل الحكومة تقول .. دعوه فهو نكره 
ما منعني عن المنبر الحجب فالمنبر محجوب من السودان وانا ادخله الان بكاسر
ثم البحث عن الرزوق
ثم الدراسة
اما في امر الثور
فوالحمد لله
استنشق بنبانها كل جمعة
واركض في حواري ودنوباوي وحي العمده هربا من العسس
| |
  
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: Frankly)
|
يا كمال
تحياتي
هذا شعار اقبله من شخص قاعد متحكر معانا في الواطة دي
استدان حتى يشتري ملابس العام الدراسي الجديد لابنائه
واستدان حتى يتمكن من توصيل ابنايه اليوم الى مدارسة في يومهم الاول
لكن اي زول بطنو شبعانه زيك كده وضارب لحوم وخيرات الالمان
واطفاله ياتيهم الترحيل للمدرسة في معاده .. وان عجر هو عن سداد القيمة تاتيه اعانه من الدولة
لا اقبله منه
الان الشعار هو
وطن يجوعني ويملا بطون الاخرين
هو وطنهم هم وليس وطني
كيف معاك الشعار ده ؟
____________
خالص التحايا يا فرانكلي
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: Frankly)
|
مافي زعل يا فرانكلي
انت الما تزعل
| Quote: لكن الناس بتفدي أرواحها فداءً للأوطان ما بالك بالبطون |
مافي شك
لكن هذا الامر يقوله شخص ضايق الحارة زي كده
ان اجوع فليست مشكلة كبيرة
لكن ان يجوع ابنائي .. فتبا للجميع
لن تفهم يا فرانكلي ... فانت في وادي ونحن في اخر
مثلك مثل الذي نجروا شعار جمعة لحس الكوع شعارا للثورة
بلا لحس الكوع بلا وهمة معاهم
مع الموده
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: وليد محمد المبارك)
|
| Quote: حسب المعطيات .. اتيه لا محالة .. الا ان وجدت الحكومة بترول في مربعاتها الجديدة |
حتى ولو وجدت الاستكشاف وتقدير الاحتياطات يحتاج الى زمن مابين 18-24 شهر لا الحكومة عندها البتشتري بيهو الزمن ده ولا الشعب فضل فيهو حيل لملاواة كضب الكيزان ده
الحركة الشعبية لا تستطيع القبول بالسعر الذي يعرضه الشمال ولعبة عض الاصابع شكلها عاصرة على الشمال اكتر
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: محمد البشرى الخضر)
|
يا وليد .. سلامات
صدقت في ما قلت ..
على الناس الا يستعجلوا امر الثورة فهي قادمة .. قادمة
وزي ما قلت الشعارات المتعلقة باوضاع المعيشة وحال المواطنين هي التي ستحرك الناس.
اما الزينا نحنا ديل القاعدين بره ويدنا في الباردة، أحسن شىء نعمله اننا ندعم ما يراه الناس على
الارض، لا ان نقترح عليهم شعارات او نحدد لهم اتجاهات او حتى مواعيد للخروج
الى الشارع كما يفعل البعض.
والاهم ان يتوحد الناس بكل احزابهم وتوجهاتهم "دون عزل لاحد" خلف مطالب الشارع ، لا ان يعيقوا
تحركهم بانقساماتهم ومعاركهم الصغيرة والبائسة.
يحسن الناس هنا صنعا، لو انهم تركوا لعبة التصنيفات والاقصاء السخيفة التي يمارسونها ضد بعضهم.
ويحسنون صنعا ايضا، لو أصغوا الى صوت الشعب وما يطلبه منهم في هذه المرحلة.
لك مودتي
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: حسن البشاري)
|
الاخ وليد سلام
Quote: استدان حتى يشتري ملابس العام الدراسي الجديد لابنائه
واستدان حتى يتمكن من توصيل ابنايه اليوم الى مدارسة في يومهم الاول |
ما قلت اعلاه برضوا بعتبر ترف بالنسبة للكم مليون العايشين في الخرطوم بس000 لانو الزول البقي يلقي البدينوا ده معناها في الايام دي ذو حظوا000 ناهيك عن باقي السودان00 اما امر الثورة ياوليد انا الشائفوا الان انو اولاد و شباب الاحزاب مجتهدين جدا في بس الحماس وسط الناس و لكن التجاوب معاهم ضعيف من عامة الشعب 0000و حسب ما اراي كل ما الايام مشت كلما فتر الحماس يعني ما اتوقع بعد العيد تاني تكون في مظاهرات الجمعة او غيرها 000اعتقد ان الحكومة قافلة على 10 الف برميل جديدة من النفط دخلت في الايام الفاتت تحل ليها شئ من مشكلة الدولار
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: مدثر صديق)
|
الجمرة تحرق الواطيها يا قريبي. وغبنك كبير يا وليد حيث يبدو ذلك جلياً في كلامك.
توقفتُ كثيراً حول خواطرك وهمومك وتيقنتُ بأن صبر الناس في السودان قد نفذ وأن امر الثورة يمكن رؤيته في العشر الأواخر من كل شهر وهذا يدل على خواء الجيوب؛ حيث لا تكفي المرتبات لمقابلة الإحتياجات الأساسية. وأضيف أيضاً لما اوردته يا عزيزي بأن الظلم والقهر والإستبداد والغطرسة والفساد ايضا من الأسباب المساعدة أيضاً في تعجيل الثورة في السودان فقد بلغ السيل الزبى...
نحن في الخارج نحس بالآم أهلنا بالداخل ونحزن لحزنهم أشد الحزن والله على ما أقول شهيد...
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: وليد محمد المبارك)
|
وليد
| Quote: لو الاتنين ديل معاك ستفهمني تماما |
و مؤجر كمان 0000و فاهكم كويس 000 بس عاوز اقول انو السودانيين بالجد و بدون تحيز اصحاب تجربة اكبر اللبيين و المصريين في السياسية و تجارب اكتر من بقية شعوب المنطقة 000 و عارفيين انها لو جاططت الصومال حايكون بالنسبة لينا رحمة 000انت براك شائف المنبر ده مثلا كل يغني على ليلاه000 وبرضوا انت اكيد بتوافقني انوا التجاوب مع المظاهرات ضعيف و ماشي متراجع كمان 0000 شفوا مظاهرات الليلة في جامعة الخرطوم والله حتى ناشطين سياسين من الطلاب ما طلعوا 00000
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: مدثر صديق)
|
لكين يا وليد خلونا نكون واقعييين شوية .
ما تنسوا انه رمضان جااااااي وحا يهدي الناس شوية .
صيام وكده الا مظاهرات ليلية اوكي .
انا بشوف انه اضراب العمال و الاطباء وغيرهم هو الحاينجح الثورة .
الانقاذ نظام فاسد وواجب على اي سوداني شريف طرد هؤلاء الحرامية
وبعدها ما مشكلة حا نحمي الثورة من الاحزاب و انتهازيتهم
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: وليد محمد المبارك)
|
| Quote: واخبرك سر لم تفهموه يا ناشطين .. الثورة في السودان ثورة جياع .. وليست ثورة رفاهية |
لذلك فهي لا تشبه ثورات الربيع العربي.
سلآمات يا وليد.
إقترحنا الجمعة الجاية يسموها جمعة السخينة.
أضف إلي كل ما ذكرت يا وليد أنّ البلد أصبحت تحكمها عصابة وليست حكومة.
حتي حزب المؤتمر الوطني ما أصبح حاكم، وإنفضّ أعضاءه من حول هذه الفئة
الباغية. ضاق الحال بالشعب، والفئة المسيطرة علي الأمر لن تستطيع أن تقدم له
ما يسد الرمق، وكل يوم سوف ينفضّ من حولها من كانوا يقدمون لها يد العون
حتي تصبح يوم وقد وقعت في يد الشعب. هذه الفئة ليس لها مفر، وحتي القوات
النظامية ستنحاز إلي الشعب الذي هي جزء منه يصيبها ما يصيبه.
الشِرزمة الحاكمة ليس لها مفر، والمسألة مسألة زمن كما ذكرت.
مودتي...
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: وليد محمد المبارك)
|
يا وليد حيرتونا معاكم
نحن في ترطيبتنا دي عايزين الأكيدة
وظائف الدولة دي بدوها للكيزان بس ولا معاهم ناس تانيين
والتانيين ديل كم في المية
يعني لو الحكومة وكل الوظائف كما يقال في أيد الكيزان الح يضرب ليكم ديل كيزان الترابي؟؟؟
حكاية اضراب مدني حكاية بايظة
كلهم كيزان
حكاية تحرك الجيش إلى جانب الشعب حكاية بايظة
كلهم كيزان
حكاية عمال سكة حديد برضو بايظة
كلهم كيزان
بعدين ما تفتكر لو قامت ثورة نجحت وسلم السودان وإنسان السودان
أنّ الماهية ح تبقى بالدولار ولا اليورو والبنزين بقرش والسكر بلاش والايجار السنة بعشرة قروش
المشكلة يا وليد في موارد الدولة ودي فيها عجز كبير سواء جاءت ثورة أو بقي الكيزان
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: Frankly)
|
| Quote: المشكلة يا وليد في موارد الدولة ودي فيها عجز كبير سواء جاءت ثورة أو بقي الكيزان |
وموارد الدولة فيها عجز ليه
طالما انهم ما قادين يديروها بالموارد دي
او انهم يخلقوا موارد جديده
مفروض يخلوها لزول غيرهم يعرف يسوي موارد للدولة
23 سنة حكم وتقول لي موارد الدولة فيها عجز
وياتو دولة دي .. انها السودان
اكبر دولة في افريقيا
مساحات شاسعة للزراعة
ثروة حيوانية مهولة
ثروة مائية مهولة
دايرين شنو يعني الله ينزل ليهم قروش من السماء ؟!
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: وليد محمد المبارك)
|
| Quote: الجرائد من منتصف هذا الاسبوع الجريده بي 2 جنيه |
دي بسيطة يا وليد
الجريدة مفروض سعرها يكون صفر يعني بالمجان
بالجد كدا
يعني الصحيفة تتحصل على إيرادتاها من الإعلانات زي ما المحطات الفضائية الشروق والنيل الازرق وغيرها تتحصل على ايرادتها من الإعلانات
المهم أنّ مجلس الصحافة والمطبوعات أو اياً كان اسمه أن يعمل على قسمة اعلانات الدولة بالتساوي على الصحف
لأنّ اعلانات الدولة هي من أعلى الإعلانات دخلاً
والباقي البقاء للأكثر قرّاءاً والأكثر تلبية لرغبات القرّاء
يعني ما ضروري يكون عندنا 200 جريدة
بعدين الجرائد الإلكترونية ماشة في تسابق مع الجرايد الورقية التي اغلبها لا يحدث موقعه إلا مرة في اليوم
ولو عملوها صاح ممكن الجريدة الإلكترونية تكون مرود مالي ممتاز للإعلانات
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: وليد محمد المبارك)
|
تعرف يا شفت كلامك دا صاح للأسف
الإحتجاجات الأخيرة سببها الجوع و الفلس و انعدام الأمل في وجود حلول ناجعة أو حتى السعي لها
و المؤسف أكتر انو الحكومة بيدها تنهيها لو قدرت تحلحل مشاكلها الاقتصادية
أو حتى لو أبدت نية جادة لحلها ممكن تنطلي الحكاية على الشعب و الناس ترضى من الغنيمة بالإياب
أو على الأقل سيتراجع كل من ليست له غبينة أو لا يملك الوعي الكافي بالغبائن و المظالم الارتكبوها في غيره
وسيبقى على الساحة قلة من المنظمين و شباب قرفنا وغيرهم وح تستفردبيهم الحكومة وتعود اسطوانات ديل اولاد صعاليك و شيوعيين ومش عارف ايه
ويرجع الناس يخشوا الكورة عادي و يهججوا في حفلاتهم و ينشغلوا بمعايشهم
ح تقول لي الحكومة كيف تحل مشاكلها في شهرين تلاتة
الحلول في بس عايزة تنازلات جامدة و يمكن تغيير جلد ووجوه - ووجوه دي اعني بها وجوه كبيرة و سمينة قد تصل حتى البشير نفسه بضمانات أو بدون
والكيزان ديل عودونا لا حدود لإنتهازيتهم و ميكافيليتهم
و الببيع شيخو عادي ممكن يسلّم رئيسو و السيناريو اليمني في الأفق وعنده من يسوّقه
دا غير بعض القرارات الممكن تخم الناس اعلان حافز عيد هنا أو بدل شنو ما عارف هناك
دعم ترحيل للطلاب توفير سلعة ما - السكر مثلا - و المتاجرة بيها كأنهم دعموها المهم اي شي يحسس الناس انو الحكومة استجابت لإحتجاجاتهم
أما فعلا لو حصل البتتكلم عنو يا وليد والروح بلغت الحلقوم و الكيزان خلوها تصل المرحلة دي
فدا يكون يا غباء منهم يا كمان قنعوا منها وعايزين يتخارجوا ودايرنها تجي من غيرهم
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: معاذ حسن)
|
Quote: وطن يجوعني ويملا بطون الاخرين
هو وطنهم هم وليس وطني |
إنها ثورة لإسترداد الوطن من الحرامية
الذين شبعوا وجوعوا الناس
لكم الله يا وليد وناس السودان جميعا
الواطين الجمرة وداسين عليها كمان
لا أحد يعدلكم
لا أحد يثور نيابة عنكم
الوطن وطنكم وستستردونهم من مخالب الديكتاتورية
وسنهني جميعا بوطن خير ديمقراطي
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: Nasr)
|
Quote:
ان اجوع فليست مشكلة كبيرة
لكن ان يجوع ابنائي .. فتبا للجميع |
وليد ازيك .. والله العبارة دي قوووية شديد ... تباً لـ الجميــع .. و تباً لأهلي إن جاع طفلي .. أي حاجة ممكن الواحد يتحملها إلا الأطفال .. إلا الأطفال
قبل شوية كنت بحضر في أخبار المجاعة في الصومال ... الأمهات يحملن أطفالهن عظام و رب الكعبة ..منظر مميت ..منظر قاسي .. 
منتظرين فعلاً دور طلاب المدارس والمعلمين .. فهم لهم دور مؤثر و فعّال في جميع الأصعدة ...
| |
|
|
|
|
|
|
|
|
 Re: تحروا عنها في العشرة الاواخر من كل شهر .. في امر الثورة (Re: وليد محمد المبارك)
|
تحياتى اخى وليد ،،
Quote: واخبركم سرا لم تفهموه يا ناشطين .. الثورة في السودان ثورة جياع .. وليست ثورة رفاهية
السياسة رفااهية بالنسبة لهذا الشعب .. الان هو يبحث عن قوت يومه
ولان قوت يومه اصبح امرا عسير سيثور لاجله وليس لاجل شي غيره |
قد يختلف معك الكثيرون بان الشعب السودانى لم يخرج لانه جاع ( ما مرقنا عشان بنزين مرقنا عشان نزيل تجار الدين ) رغم ايمانى العميق بان الشعوب قد تصبر الى ان يصلها الاذى فى اللحم الحى وهو الجوع الذى اشرت اليه.. وصدقت بان السياسة عند الجياع هى قمة الرفاهية فلم يعد غالبية الناس يهتمون كثيرا لمن يحكم وكيف يحكم وانما قضيتهم ان من يحكم يجب ان لايفشل فى تامين ابسط اساسيات الحياة الضرورية .. وهاهم الكيزان يحكمون البلد طوال 23 عاما هى عمر النبوة رغم المصائب الكبرى التى حدثت طوال هذه الفترة الطويلة .. ولم نر حراكا للشارع مثل ما هو حادث اليوم رغم بطئه وانحساره وعدم اشتماله لكل الاصقاع .. ياترى اين الشعب !! ولماذا لم ينتفض مثلما انتفض من قبل وازاح اعتى الديكتاريات !! هذه اسئلة صعبه احترنا فى ان نجد لها اجابة شافية.. ام اى المقولتين ستصدق ( الشعب جعان لكنه ...)..ام ان ( الشعب جسور لكنه صبور).. ام انه الهدوء الذى يسبق العاصفة ..
| |
|
|
|
|
|
|
|
|
|
Re: تحروا عنها في العشرة الاواخر من كل شهر .. في امر الثورة (Re: خالد العبيد)
|
Quote: مرحب علي محمد خير
الاختلاف حق مكفول للجميع .. والثورة نهر جارف ... فيها من يخرج للونسة وفيها من يخرج لبطنه .. وفيها من يخرج للشهرة وفها وفيها
لكن لكل نهر عرق هو اساس تياره |
شكرا ياوليد في الحقيقة عجبتني هذه الكلمات الجميلة ..........والتي كثيرا ما اتناولها .........بان اهداف من يخرج للثورة ، كثيرة ومتعددة ، فهناك من يخرج للنزهة وهناك من يخرج للفرجة وهناك من يخرج ليبيع سجائر وصعوط وهناك من يخرج بسبب الغبن السياسي وهناك من يخرج لاجل الغبن الشخصي وهناك من يخرج لاجل لقمة العيش وهناك من يخرج مجاملة وهناك من يخرج عشان يكيس وهناك من يخرج رجالة كدة مع الناس .......ومنهم من يخرج حماية لاولاد الحارة او بناتها . وهناك النشال واللص والمسطول .
ولكن الشي المهم ان الثورة تحركها دواعي سياسية طالما هي تحركت ضد منظومة سياسية ويتم دراستها من وجهة نظر سياسية واقتصادية واجتماعية .......ومن جهة الطرف الاخر يصورها بانها غضبة ضد زيادة الاسعار وبالتالي يقلل من اهميتها السياسية بغية التصفية .....واعداؤها لا يكتفون بهذه النعوت بل يصفون قادتها بالمخربين وشذاذ الافاق ........وهناك المغالين الذين يمضغون السنتهم ساعة الحديث عن الجوع ....ليقولو لنا بان الجوع لا يحرك الا البطيني .....فلماذا اذن لا يجعون منسوبي النظام مثل الشعب؟ وهل مسالة الجوع الذي نتشر والمرض والجهل والفقر والبطالة ليست قضايا وطنية ؟ هل هذه قضايا لا تحل سياسياً ؟ هي قضايا سياسية خليقتها تتم سياسياً والقضاء عليها يتم سياسياً
| |
|
|
|
|
|
|
| |
وليد محمد المبارك
Frankly
Omar Bob
داليا الكباشى
محمد إبراهيم علي
محمد البشرى الخضر
اساسي
ناصر احمد الامين
حسن البشاري
مدثر صديق
احمد محمد بشير
معاوية المدير
مهيرة
معاذ حسن
Nasr
رشا احمد
العوض المسلمي
عصام علي أحمد
Hani Arabi Mohamed
خالد العبيد
ibrahim alnimma
فيس بوك
تويتر
انستقرام
يوتيوب
بنتيريست