|
|
 مخاوف الكِتابة في سودانيــز أون لاين
|
(1)
مما لا شك فيه أن سودانيز أون لاين هي الوسيط الإسفيري الأوسع إنتشاراً
بين كُتاب المنبر و العالم الخارجي
في كافة النواحي
باتت سودانيز أون لاين محط أنظار السودان عامة لما تُمثله من دور
هام يربط الناس بقضايا و هموم الوطن
|
|
 
|
|
|
|
|
|
|
 Re: مخاوف الكِتابة في سودانيــز أون لاين (Re: محمد الجيلى)
|
محمد الجيلي
يسعد صباحك
بخير و الله و نعمة عساك بألف خير
صدقت و الله بالمُمارسة الأمور بتبقى أحسن
و الواحد كل ما ليهو يوم عن يوم بشعر براحة أكبر من اليوم القبلو
لغاية ما يتعود تماماً على الكتابة
حقيقي شكراً و الله على المُساندة
و تشرّف البوست
تحيّاتي و عميق امتناني
كل الود و الإحترام
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
(2)
عُضوية سودانيز أون لاين
كانت و لا زالت رغبةً للكثير من الأقلام التي تلوّن حبرها بمُختلف الإهتمامات
و لكلٍ منها مزاجٌ يختلِفُ عن الآخر في مكانٍ واحد
حتى أن العُضوية أصبحت في نظرهم كنزاً لا يقدرُ بثمن و هي كذلك بكل تأكيد
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
مرحبا هالة الاقرع
زيما قالوا ليكي اكتبي واكتبي واكتبي
احنا كنا لا نعرف الكتابة
وفجأة بقينا سياسيين بعد الدخول في سودانيز اونلاين
وظلت متابعاتنا لمناهضة سدود كجبار ودال في سودانيز اونلاين
ظلت صحن الفطور اليومي وبطلنا الجرايد التي على شاكلة الخرطوم
----------
تخريمة : بالمناسبة انتي اخت هجو الاقرع ؟؟؟؟؟ هههه ايوا؟؟؟ ماشاء الله يعني امبراطورية (هاء)
يعطيكم الف عافية
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
(3)
بعضً القُرّاء تمنى في أوقاتٍ بعينها أن يمتلكها
حتى يُعبّر عن ما يجيش في نفسه من إنفعالات
و تختلف الإنفعالات بطبيعة الموضوع و بطبيعة إهتمامات المُتابع لما يُطرح في السّاحة
و لسانُ حالِ البعض يقول :( و الله لو عندي عضوية كان ولّعت الدُنيا )
و رُبما تفاعل القُرّاء بصورة كبيرة جداً تدفعُهم
للبحث في ملفات الأعضاء المُتداخلين بحثاً عن وسيلة لتوصيل آرائهم
عبر المنبر
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
لمن قريت العنوان إفتكرت الموضوع زي الموضوع الكتبو لينا بكري هنا وقال إنو في واحد فصلوهو من عمله عشان كتب في سودانيز أونلاين لكنني وجدت أن الأمر مختلف حيث أنه وبحسب فهمي المحدود خلصت إلى أن الخوف نابع من الكتابة في منتدي عام فيها عباقرة وفطاحله وجهابزة وناس ساااكت زي العبد لله. بمعني آخر نقدر نقول ان الكاتب أو من ينوي الكتابة في المنتدي محتاج لي شوية شجاعه أدبية وكده بالرغم من أن الجميع بيكتبوا متمترسين خلف كيبورداتهم (جمع لوحة مفاتيح) سرحت كحالي دائما وقلت يا ربي هسي لو الناس دي كانت قاعدة كلها face to face زي ما بيقولو وكل واحد يعتلي منصة ويقوم يتكلم بدل ما يكتب وطاخ ينط التاني ويرد عليهو والتالت وهلم نقه دا بالنسبة للأعضاء البيكونو قادرين على ضبط أعصابهم في ردودهم وموضوعاتهم ومداخلاتهم (يعني ناس حوار موضوعي) أو من يتأدبوا بأدب الحوار لكين في ناس يمكن أن يكونوا ناس طقش أكثر من كونهم ناس حوار (زي الحوار الغلب شيخو حتى وإن سلخ شيخ ساق شيخ بعد دواس وعراك) أها ديل في الحته بتاعت المسرح والناس كلها مع بعض بيكون رد فعلهم عنيف ربما يصل حد أم دلدوم وفي أحسن الأحوال البصق على وجه المنافس أو قذفه بكرسي ولو تدخل شمشار أو بعض الأجاويد للحجازه وفض المنازعات طرااااخ تقع الضربة على الوسيط ليبعد مهمهماً وشاتماً للطرفين ومردداً إن شاء الله تعدموا نفاخ النار وصحيح "أن الحاجز ليهو عكاز".
سودانيز أونلاين منبر يضم كوكبة وصفوة من الكتاب والشعراء والأدباء والساسة يعني مختلف طبقات المجتمع وفي ذات الوقت يضم المتردية والنطيحة والسابلة والدهماء والغوغاء حتى تكتمل صورة الشارع السوداني سايبيريا.
يتم طرح الكثير من الموضوعات والمناولات والمعالجات هنا وشخصياً لا أدري بالنتائج التي تترتب على مثل هذه الأطروحات هل تصل إلى حل أم يصل بها الأمر إلى قاع المنبر ومن ثم الأرشفة.
ما نحتاج إليه بشدة وتحتاج إليه كل منظمات العمل المدني هو فهم ثقافة العمل الطوعي وقبل هذا وذاك زرع الثقة بينك وبين الآخر المختلف وتغليب المصلحة العامة ، يعني مرات كده بفتكر تراجي بكل ما كتبته هنا مقدم في جهاز الأمن فرع تورونتو أو سيف مساعد على مسئول رفيع في المخابرات وما ود الباوقة إلا معارض يتدثر بثوب المؤتمر الوطني.
| |
|
|
|
|
|
|
|
|
Re: مخاوف الكِتابة في سودانيــز أون لاين (Re: almulaomar)
|
almulaomar
أسعد الله أوقاتك بالخير
مُداخلة قيّمة جداً لخصّت النقاط الهامة
| Quote: وبحسب فهمي المحدود خلصت إلى أن الخوف نابع من الكتابة في منتدي عام فيها عباقرة وفطاحله وجهابزة وناس ساااكت زي العبد لله. بمعني آخر نقدر نقول ان الكاتب أو من ينوي الكتابة في المنتدي محتاج لي شوية شجاعه أدبية وكده بالرغم من أن الجميع بيكتبوا متمترسين خلف كيبورداتهم |
على العكس تماماً فهمك طيّب جداً
و فعلاً أن تمتلك الشجاعة الأدبيّة يعني أن تمتلك شخصيّة تستطيع أن تكون قيمة مؤثرة في المجتمع الذي تأتي إليه
| Quote: سرحت كحالي دائما وقلت يا ربي هسي لو الناس دي كانت قاعدة كلها face to face زي ما بيقولو وكل واحد يعتلي منصة ويقوم يتكلم بدل ما يكتب وطاخ ينط التاني ويرد عليهو والتالت وهلم نقه دا بالنسبة للأعضاء البيكونو قادرين على ضبط أعصابهم في ردودهم وموضوعاتهم ومداخلاتهم (يعني ناس حوار موضوعي) أو من يتأدبوا بأدب الحوار لكين في ناس يمكن أن يكونوا ناس طقش أكثر من كونهم ناس حوار |
و الله فعلاً حقيقي مرات بفكّر بنفس الطريقة و بقول لو كُنّا مكان واحد هل يا تُرى حيكون في بعض المُصادمات زي ما بيحصل
في المُنتديات و هل يا تُرى حيكون في ضبط نفس في التعامل و لا ما خلف الكيبورد شئ مُختلف
| Quote: يتم طرح الكثير من الموضوعات والمناولات والمعالجات هنا وشخصياً لا أدري بالنتائج التي تترتب على مثل هذه الأطروحات هل تصل إلى حل أم يصل بها الأمر إلى قاع المنبر ومن ثم الأرشفة. |
سؤال منطقي جداً و يحتاج للإجابة ممن تمرّسوا على الكتابة و خاضوا العديد من التجارب في هذا المنبر
| Quote: ما نحتاج إليه بشدة وتحتاج إليه كل منظمات العمل المدني هو فهم ثقافة العمل الطوعي وقبل هذا وذاك زرع الثقة بينك وبين الآخر المختلف وتغليب المصلحة العامة ، |
أحييك و بِشدّة و لا تعليق و بالجد لخصت كلام كتير فيهو شرح للكلام العايزه أكمل بيهو البوست
تحيّاتي و عميق إمتناني
كل الود و الإحترام
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
(4)
ما يدور في سودانيز أون لاين بات حديثاً شيّقاً خارج المنبر للقُرّاء
في بعض الجلسات حينما يأتي الدور لتناول بعض الأمواضيع السيّاسيّة
فلكلِ منهم كابت معين إما أن يكرهه أو أن يتشوق لكتاباته و ردوده
التي تُشعر القارئ بأن الكاتب قد أشفى ما بنفسه من غليل
في الموضوع المطروح أو في بعض الكُتاب شخصيّاً
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
(5)
حديثةُ العهد بهذا المنبر كعضوة و كمُتابعة
إلا في بعض الأحوال التي كنت أُتابع فيها سودانيز أون لاين
تكونت في مُخيلتي بعض الأفكار التي منعتني حتى
من التّفكير حينها في السّعي لنيل عضوية المنبر
و من هُنا سأبدأ الحديث في أمرِ المخاوف
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
هالة
سلام
بصراحة كدا عمك بدأ يحس بتانيب ضمير شديييييييد لان الوقت البصرفو في سودانيز حتى اثناء ساعات الدوام اكتر من زمن العمل نفسو
وثانيا يا بتي بقيت لما اكون منهمك في الردود على بوستاتي ما بحب يجيني ضيف وكان جاني بتظاهر ليهو بالترحيب لكن جواى يغلي شديد منتظر متين يفوت منى واتلهم سودانيز
ثالثا علاقتي بناس سودانيز اغنتني من كل العلاقات الاجتماعية العادية
ثالثا في المناسبات افراحا او اتراحا عمك ما بحب يجلس جنب حد الا يكون بوردابي
اوع خالي هجو صار كدا؟
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: الطيب شيقوق)
|
التلب الطيب الشيقوق أو (عمو شيقا)
(نظام عرفت معنى التلب باللجوء إلى وسيلة الإستعانة بالحاج)
| Quote: وثانيا يا بتي بقيت لما اكون منهمك في الردود على بوستاتي ما بحب يجيني ضيف وكان جاني بتظاهر ليهو بالترحيب لكن جواى يغلي شديد منتظر متين يفوت منى واتلهم سودانيز |
حكاية صعبة في وقت أصعب
غايتو أبوي سودانيز عنده إدماااااااااااااااااااااااااااااااااااااان و قالها لي
لو إتعودتي حتبقي مُدمنه و بقضي فيها وقت كبير
و مع ناسها كان على التلفون أو الإسكايب أو الماسنجر
لدرجة مرات بنسمع صوتو عاااااااااااالي و بيتونس و يضحك
و يناقش
بتسألني الوالدة
أبوك مع منو ؟؟
مع سودانيز يا أمي بالتأكيد
مرات أبوي بكون قاعد و مندمج لدرجة تخش و تمرق أخواني يلعبوا
و يتشاكلوا و ما يحس بيهم إلا لو حصل ضرب بأدوات (ذات الاصوات)
و تعالت الصيحات فوق مستوى السمع الطبيعي
الباقي يتمو هو لأنه ما خفي كان أعظم
و الله عموماً يا عمي الطيب الواحد بحس بالبورداب حتى على
مستوى الكثير من المنتديات بقوا ليهو أهل
لأنو إحتكاكهم بيه ممكن يكون طوال اليوم حتى لو ما في مداخلات
قراءة بس تكفي
مرات شهر ما بكتب حرف لكن بكون مستمتعة بالمتابعة لدرجة ممكن أخش كزائر
عشان ما أحس إني حضور بلا توقيع
صباح الخيرات
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
ازيك يا غاليه اولا
انا دخلت عالم النت من 97
ايام كنت فى الجامعه والاى سى كيو والام سى ار
بحسه عممممممممممر
رهبة التعامل الاولى بتكون دوما صعبه فى عالم ما بتعرفى خفاياه ومخاطره
كانك ماشيه فى شارع ضلمه
وبصراحه عالم النت كل مدى بيختلف بشكل افظع واصعب
اتذكر بداية سودانيزاونلاين لمن حصلت مشكله فى موقع سودانت اللى يعتبر اقدم منتدى سودانى فى النت ومنها تم انشقاق الاعضاء بينهم
بحس الاختلاف بينهم ان سودانيز طابعه سياسى لمن فايت الحد
سودانت طابعه جنونى لمن فايت الحد
يعنى الخرف البيحصل فى سودانت مستحيل يحصل فى سودانيز
بحس لمن بدخل هنا ان الانفاس مكتومه كان فى شخصيه مهمه قاعده بتعاين وبتراقب ولو اى زول رمش حتتبظ عينه
رهبه ما عارفه ايجابيه ام سلبيه
له اكيد الاسبقيه فى الاخبار يعنى لو زول سمع شمار كارثه لو دخل سودانيز بيعرف تفاصيلها بشتى الصور والطرق والحكاوى والانتماءات
لكن كتر السياسه وخصوصا مع كثر الاطراف المتنازعه هنا بيثير جو من التنشنه وعدم الارتياح بشكل فظيع
انا مرات برد فى مواضيع بقراها بفهمى البسيط ولمن اقرى الردود بتخخخخخخخخلع ان الموضوع فيه موضوع تانى
ولا عشان دا انتمائه السياسى كيف التانيين يجو يطاعنوا فيه بطريقه جارحه
ليه اختلافنا ما يكون محاط بالاحترام فى الحديث مهما حصل
بقيت ما بحب ادخل زاتو المواضيع السياسيه عشان حرقت الدم دى بغض النظر عن الانتماءات والتصنيفات
واخيرا بقيت بخاف من اخويه الكبير لقيته متابع بشده سودانيز اونلاين
ههههههههههههههههههههههههههههههههههههههههههه
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: رانيه محمد الشيخ)
|
سلام هاله
سودانيز اون لاين هى الان ربما تمثل الشارع السودانى بمختلف افكاره واعراقه وسحنه
ومحنه وفرحه وترحه ,,, والنضوج الفكرى للاعضاء قد يرتفع الى درجات عاليه جدا ,,,
وفى المقابل يرتفع العنف اللفظى احيانا الى درجه (تخليك تكب الزوووغه وتشتت ) من البوستات الملتهبه,,
المخاوف تبدو من اتجاهات عده ,,, كما ان الخوف قد يتضاعف اذا علمت ان الحرف سيسافر من هنا الى اكبر قاعدة قراء ومتابعين ,,,,لكنها مخاوف قد تزول عندما تجد نفسك قد تواءمت مع تلك الطريقه التى تميز سودانيز اون لاين وحدها دون غيرها من المواقع الاسفيريه ,,,وتتعرف هذا ( الراندوك )الخاص بالافكار المنطلقه دون حدووود
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: أيمن التوم حسن)
|
أيمن التوم حسن
و عليكم السلام و رحمة الله تعالى و بركاته
أسعد الله أوقاتك بالخير
ممتاز جداً و هي فعلاً كذلك
و شعور العضو بأنه في أكبر قاعدة جماهيرية كما تفضلت يجعله
يفكر ألف مرة قبل أن يكتب حرفاً واحداً
و ما يزيد من خوف الكاتب الجديد كحالتي و و ضعي البوستات الملتهبة التي
تجعلني أتصور في بعض الأحيان أن يحدث
في أحد المواضيع التي أقوم بطرحها على قلتها نوع من تلك
الإلتهابات المُفاجئة و الغير متوقعة
أو أن أتداخل في موضوع معين لشعوري بأهمية الموضوع
فأُفاجأ بانقلاب علي و على رأيي من بعدي
فهي كما قلت من تجعل البعض (يكبون الزوغة)
و كما تفضلت فإن التعودية على سودانيز أون لاين تحديداً
لمن هم مثلي ستجعلهم أكثر إنفتاحاً و راحة في مُقبل الأيام
شكراً جميلاً و كثيراً على التلخيص القيّم جداً
تحياتي و عميق تقديري
كل الود و الإحترام
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: رانيه محمد الشيخ)
|
و زي ما قلتي بتحسي إنك ماشة في شارع مُظلم ما حتفهمي الطريق فيه
إلا تفهمي المداخل و المخارج و تعرفي قواعد السلامة و المرور
Quote:
بحس الاختلاف بينهم ان سودانيز طابعه سياسى لمن فايت الحد
|
أي و الله يا رانيا و ده الجاية في الكلام عليه رغم إنه المنبر العام في الحقيقة
Quote: بحس لمن بدخل هنا ان الانفاس مكتومه كان فى شخصيه مهمه قاعده بتعاين وبتراقب ولو اى زول رمش حتتبظ عينه
رهبه ما عارفه ايجابيه ام سلبيه
له اكيد الاسبقيه فى الاخبار يعنى لو زول سمع شمار كارثه لو دخل سودانيز بيعرف تفاصيلها بشتى الصور والطرق والحكاوى والانتماءات
لكن كتر السياسه وخصوصا مع كثر الاطراف المتنازعه هنا بيثير جو من التنشنه وعدم الارتياح بشكل فظيع |
و الله صدقتي يا رانيا نفس إحساسي خصوصي لما كنت بخش كزائر
بس كتمة النفس بحسها فيني وحدي في البداية يمكن من الخوف و أنا بطبعي مُسالمة
جداً و ما بحب أدخل في مشاكل إلا تكون مُحتاجة حسم و بتتعلق بي
ليه اختلافنا ما يكون محاط بالاحترام فى الحديث مهما حصل
و ده واحد من الأسباب البتزرع الخوف في نفوس ناس كتيرة
ممكن تمنع نفسها من إبداء آراء قيّمة و محورية لأنو بتضع في بالها إنو الحوار حيكون شخصي
ما موضوعي
| Quote: واخيرا بقيت بخاف من اخويه الكبير لقيته متابع بشده سودانيز اونلاين |
ههههههههههههههههههههههههههه و ارح نعمل لينا راكوبة بي ورا المنبر العام
شكراً جميلاً يا رانيا على المداخلة المثمتعة جداً يا حبيبة
حقيقي و الله إنبسطتا كتير بكلامك
عميق تقديري و إمتناني
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: عبدالعزيز الفاضلابى)
|
Quote: حديثةُ العهد بهذا المنبر كعضوة و كمُتابعة
إلا في بعض الأحوال التي كنت أُتابع فيها سودانيز أون لاين
تكونت في مُخيلتي بعض الأفكار التي منعتني حتى
من التّفكير حينها في السّعي لنيل عضوية المنبر
و من هُنا سأبدأ الحديث في أمرِ المخاوف |
الأخت هالة الأقرع
تحياتي
حينما تمتطي صهوة قلمك وتلبس درع مدادك لتقتل أفكارك علي صفحات المنبر وحينها تحيط بك جنود المخاوف حينما تقرا لأحد الافذاد ترتجف أوصالك ويرتد إليك صوت الدواخل زاجرا كيف تكتب مع وولاء العمالقة , وأحيانا أخري يصرخ فيك صوت العقل حينما تقرءا الغث من الكلام و بذاءته فتحيط جبك جيوش المجتمع و أعرافه لتكبل بنات أفكار في محطة الذات
اكتبي كيفما اتفق عن افكارك محترمة ذاتك
| |
|
|
|
|
|
|
|
|
 Re: مخاوف الكِتابة في سودانيــز أون لاين (Re: يوسف السماني يوسف)
|
Quote: حينما تمتطي صهوة قلمك وتلبس درع مدادك لتقتل أفكارك علي صفحات المنبر وحينها تحيط بك جنود المخاوف حينما تقرا لأحد الافذاد ترتجف أوصالك ويرتد إليك صوت الدواخل زاجرا كيف تكتب مع وولاء العمالقة , وأحيانا أخري يصرخ فيك صوت العقل حينما تقرءا الغث من الكلام و بذاءته فتحيط جبك جيوش المجتمع و أعرافه لتكبل بنات أفكار في محطة الذات
|
يوسف يا عمكـ .. ياخ بقيت شفيف لحدي
ما الواحد شايف التلتمية ريال الجوه محفظتكـ!!
| |
|
|
|
|
|
|
|
|
 Re: مخاوف الكِتابة في سودانيــز أون لاين (Re: محمد عبد الماجد الصايم)
|
Quote: يا هلول .. مخاوف شنو ياخ!
والله نحن البورض دا قاعدين فيهو ناس ونسة بس!
لا فيها مخاوف ولا ملاوز
ترشّ البتلاقيهو قدامكـ وتمرق ضريـ ـساتكـ وتتخارج!!
بورض عبارة عن راشّي ومرشوش!
دي كمان دايرالا مخاوف!! |
أحييك يا ود الصايم الرش و مرقة الضريسات دي ما في أحلى منها
و تبقى العلاقة (راشّي و مرشوش)
لا خوف لا لا رهبة لا فتّيش كلام 
مش بقولوا أضرب الهم بالفرح
| |
|
|
|
|
|
|
|
|
 Re: مخاوف الكِتابة في سودانيــز أون لاين (Re: محمد عبد الماجد الصايم)
|
سلامات يا هاله ..
الكتابة في سودانيزاونلاين ساهلة جدا .. وفي نفس الوقت اصعب من الصعوبة ذاتــه ..
ساهلة بمعنى :
ممكن تكتبي فيما تجيدنه .. ويكون ليك خط واضح وتلتزمي بيهو تجاهك وتجاه المتلقي .. وعندك ملكة القراية الجيدة والتوقعات لما سيحدث في المنطقة الدخلتي فيها .. دا الجانب الايجابي في مسالة الكتابة وبضمن ليك إنو ليك عددية من المتابعين لفكرك ووجهة نظرك ..
ساهلة بمعنى برضو إنك تركبي ليك موجـه راكبه الكثيرين هنـا وهي اسرع طريق للشهرة حال أن كان الكاتب ينشدها .. بمعنى تصطادي في مياه معينة .. تكتبي خبر مستفز .. ودا الجانب السلبي الممكن برضو يصنع نجم في المنبر ..
..
صعبة بمعنى :
كانت الكتابة هنـا صعبة بالمعنى الحقيقي .. اي نوعية كتابة كانت لها متخصصين هنا بحجم ضخم جدا .. الكتابة الادبية لها نقادهـا بعضهم رافع القزاز وبعضهم كان متواضع لدرجة أنو استفاد منهم الكتير جدا من خلال القراءات النقدية الجميلة وتجيهم ليك بشكل سليم .. فكان لما الواحد يكتب بيضع في بالو الناس المتخصصة الممكن تقرا ليهو ودي كانت بمثابة رعـب حقيقي .. تلاشت هذه الفكرة الآن .. واصبح للاسف كلما يكتب وفي غياب التخصصية يسمى بالاديب .. أو يفترض في نفسه ذلك ..
كان للسياسة خبراء وعلماء .. مجرد ان تحاول أن تكتب فيها لابد وأن تتمكن من كلها فنياتها الممكنة والحوامة في دبلوماسيتها .. اصبح الآن من السهل جدا أن تصبح سياسي .. وسياسي محنك تكتب وتحلل .. وتشطح ..
...
مجموعة ما يطلقون عليهم الضحكونجية أو من لف لفهم .. هم اسهل من استسهل الكتابة في البورد .. لسهولة الحركة عندهم .. وللحقيقة من ابرع الناس في الكتابة .. ومن اجدرهم في القراءة والتحليل .. بالرغم من صعوبة الكتابة في خطهم للبعض ..
اخيرا .. الكلمة في أي مكان كالرصاصة كما يقولون لو طلعت من الصعب رجوعه .. ربما تطيش وربما تصيب ..
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: tmbis)
|
Tmbis
و عليكم السلام و رحمة الله
صباح الخيرات عليك و أوقاتك عافية
Quote:
ساهلة بمعنى :
ممكن تكتبي فيما تجيدنه .. ويكون ليك خط واضح وتلتزمي بيهو تجاهك وتجاه المتلقي .. وعندك ملكة القراية الجيدة والتوقعات لما سيحدث في المنطقة الدخلتي فيها .. دا الجانب الايجابي في مسالة الكتابة وبضمن ليك إنو ليك عددية من المتابعين لفكرك ووجهة نظرك ..
ساهلة بمعنى برضو إنك تركبي ليك موجـه راكبه الكثيرين هنـا وهي اسرع طريق للشهرة حال أن كان الكاتب ينشدها .. بمعنى تصطادي في مياه معينة .. تكتبي خبر مستفز .. ودا الجانب السلبي الممكن برضو يصنع نجم في المنبر
|
مقارنة ممتازة جداً في نطاق الكتابة السهلة و بالتأكيد السبب الأساسي فيها نفسيّة و شخصيّة الكاتب
و فهمه للأمور لكن حقيقي أسوا أنواع الشهرة إنو الواحد يستخدم طريقة المواضيع المُثيرة و الما فيها فائدة لا للمُتلقي و لا للكاتب سوى الشُهرة البحسها زائفة و بفضل إنه أكون غير معروفة بتاتاً و لا أنشهر بطريقة زي دي
إلا من خلال الكتابة في الحق وبالمنطق السليم في كل مجال
أما الشُهرة الإيجابية اللي ذكرتها في منبر زي سودانيز أون لاين بعتقد إنها جميلة جداً خصوصاً
لما تتنوع المجالات على الأقل بتشعر إنو المنبر فيه حركة ثانية ما مُقتصرة على السياسة و سبحان الله
إهتمامات الناس ما واحد و إن غلب طابع واحد و أصبح شبه عمومي
و أعتقد الشُهرة العفوية بتصنع الإنسان بمعنى إنو الإنسان لو خت في بالو بس إني عاوز أبقى كاتب مشهور
و بس دي ممكن بدل تساعده تتخصم عليه إلا لو فهم إنو للقلم إحترام
و للقضية البيكتب ليها إحترام و لنفسه كذلك إحترام و للقارئ هنا طبيعي جداً بيكون مُميز و بيكسب إحترام بيخليه معروف
للجميع
Quote: صعبة بمعنى :
كانت الكتابة هنـا صعبة بالمعنى الحقيقي .. اي نوعية كتابة كانت لها متخصصين هنا بحجم ضخم جدا .. الكتابة الادبية لها نقادهـا بعضهم رافع القزاز وبعضهم كان متواضع لدرجة أنو استفاد منهم الكتير جدا من خلال القراءات النقدية الجميلة وتجيهم ليك بشكل سليم .. فكان لما الواحد يكتب بيضع في بالو الناس المتخصصة الممكن تقرا ليهو ودي كانت بمثابة رعـب حقيقي .. تلاشت هذه الفكرة الآن .. واصبح للاسف كلما يكتب وفي غياب التخصصية يسمى بالاديب .. أو يفترض في نفسه ذلك . |
فعلاً و الله يا تمبس و ده البخلي الواحد بيفكر مية مرة إذا كان
من الناس البتكتب كتابة في الأدب
في إنه يعرض تجاربه أو لا و إذا عرضها موقع كتابته من كتابة العمالقة شنو
و هل حيجد دعم و هل حيلاقي تجاهل و هو في عز الحوجة للراي
و هل فعلاً حيلاقي نقد بناء و لا هدّام خصوصي إذا كان في بدايته
أما عن التخصصية فالزمن بالمنتديات إختلف و بقت الحكاية سهلة جداً في عرض الكتابات و بالتأكيد دي ميزة
بتخلي الواحد يطلع على كتابات قيّمة و غير قيّمة في نفس الوقت و بتدي نوع من الفائدة
لو الشخص عرف زي ما بقولوا ( من أيت تؤكل الكتف)
شخصيّاً لقب أديب ما بيقنعني في أي شخص يُقال عنه أديب إلا بمواصفات مُعينة و
بحرفيه عالية في الكتابة
بس حقيقي برضو في فهم خاطئ في نُقطة التوجيه دي من حتى الكاتب بيفتكر إنو أي توجيه أحياناً
بينقص من قيمته و من قيمة كتابته و برضو كذلك في قصور أحياناً من بعض المختصين و زي ما قلت رافعين القزاز أو بينتقدوا
بتعالي حبتين و أتمنى إنه إذا كانت
و كانت فعل ماضي تكون الآن كمان عشان الناس تستفيد
و الكاتب يبدي إستعداده لقبول الملاحظات
و الناقد يكون أمين جداً
Quote: كان للسياسة خبراء وعلماء .. مجرد ان تحاول أن تكتب فيها لابد وأن تتمكن من كلها فنياتها الممكنة والحوامة في دبلوماسيتها .. اصبح الآن من السهل جدا أن تصبح سياسي .. وسياسي محنك تكتب وتحلل .. وتشطح ..
... |
دي بالذات نقطة كبيرة و بحس مرات إنها مُمكن تكون (خراب بيوت) أي و الله
أو بمعنى اصح خراب مفاهيم و ضياع حقائق و فتن ما ليها أول و لا تالي
و بالجد السياسة دي أنا فيها (0) بس برضو الواحد بيحس بإنو في آراء سياسية بعض مرات
الناس ماشة فيها عكس التيار بدون فهم
| Quote: مجموعة ما يطلقون عليهم الضحكونجية أو من لف لفهم .. هم اسهل من استسهل الكتابة في البورد .. لسهولة الحركة عندهم .. وللحقيقة من ابرع الناس في الكتابة .. ومن اجدرهم في القراءة والتحليل .. بالرغم من صعوبة الكتابة في خطهم للبعض .. |
لا تعليق
و دي الحقيقة
أشكرك جزيل الشكر على المداخلة الرائعة أخي تمبس
تقديري و عميق إمتناني
كل الود و الإحترام
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: يوسف السماني يوسف)
|
الأخ يوسف السّماني يوسف
و كل تحيّاتي و أسعد الله صباحك
الكتابة في سودانيز أون لاين دون المُنتديات الأُخرى
تختلف في حسبتها و هي نتيجة لحديثك
| Quote: حينما تمتطي صهوة قلمك وتلبس درع مدادك لتقتل أفكارك علي صفحات المنبر وحينها تحيط بك جنود المخاوف حينما تقرا لأحد الافذاد ترتجف أوصالك ويرتد إليك صوت الدواخل زاجرا كيف تكتب مع وولاء العمالقة , وأحيانا أخري يصرخ فيك صوت العقل حينما تقرءا الغث من الكلام و بذاءته فتحيط جبك جيوش المجتمع و أعرافه لتكبل بنات أفكار في محطة الذات |
أعجبني تلخيص الأمر في
| Quote: اكتبي كيفما اتفق عن افكارك محترمة ذاتك |
إحترام الذّات في كل مكان شيءٌ لا يُقدر بثمن
شكراً جميلاً على المُداخلة القيّمة
تقديري و عميق امتناني
كل الود و الإحترام
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: عبدالعزيز الفاضلابى)
|
شيخ العرب الفاضلابي
و عليكم السلااااااااااااااااااام و رحمة الله و بركاته
حبابك و الله و شرفت البوست كتير و الله
و كلام (عمو شيقا) زي ما قال لي في بوست من يومين
بباريهو تب لأنو كلامه بيقع فوق جرح
طبعاً أنا شفت الدامر و بمشيها كتيييييييييييير لكن ما حصل شفت سوق السبت
بسأل الوالد أصلو بس يصحى عن سوق السبت
تحيّة و سلام صباحي يجدك بكل الخير
كل الود و التقدير و الإحترام
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: أبوبكر عبد القادر العاقب)
|
الأخ أبو بكر عبد القادر العاقب
اسعد الله أوقاتك بالخير و الرضا
و تحيّاتي بحجم جمال الكون و اتساعه
كم هو جميل أن نجني الثمرة الحقيقة من وراء الإنضمام
ألا و هي الإستفادة
و كما يُقال إن كان الكلام من فضة فإن السكوت من ذهب
و في المنابر قلّة الردود قد تتفوق على كثرة الردود
فكثيراً ما نجد أن بعض الأعضاء قد تجاوزت مشاركاتهم حاجز ال5000 مُشاركة
إلا أن ال 5000 مُشاركة قد تحتوي على 50 مُشاركة مفيدة لا غير !!!
أن تُفيد و لو بالقدر القليل فائدة عظيمة تُحسب فالقيمة
في معنى المشاركات و ليس في عدد المُشاركات و أكيدةٌ
بأن الجمال هو ما تفضلت به هنا من حديث طيب
أشكرك الشكر الجزيل على حضورك الطيب جداً
مع أطيب التحايا
عميق تقديري و امتناني
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
(6)
والدي كان دائم الحديث معي عن ما يدور
في سودانيز أون لاين و كان دائماً ما يطلب مني
قراءة الكثير من المواضيع حتى أتمكن من الإستفادة
في إختلاف الآراء و طريقة طرح المواضيع
و للإلمام بما يدور في الساحة من أحداث توثّقها سودانيز أون لاين
كما في وسائل الإعلام
أخبرني كثيراً بأنه يود إحضاري إلى هنا
و سيسعى لنيل عضويتي إلا أنّ الخوف حينها
كان يمنعني من الموافقة على رأيه
قال لي يوماً :
الكتابة في سودانيز أون لاين بتعلمك حاجات كتيرة
أخير ليك من تحصري نفسك في المنتديات العادية و تخليك مع
ناس يسلمووووووووو للرد و شكراً للمرور
إلا أن الخوف قد يعمي عيون العقل أحياناً
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
مرات كتيرة بمش الجمعية واقول كلام سياسي لامن ناس الكوشتينة يعاينوا لي
ويقولوا يا زمراوي جبت الكلام دا من وين
اقول ليهم والله جبتو من سودانيزاونلاين
فهذا يكفي بأن يقوم عمنا الكبير يقوم يقول للشباب
هوووي زمراوي دا لمن يجيب كلام صدقوه خاصة كلاموا البجيبوا من سودانيزاونلاين
(كسير تلج يابكري صح؟؟)
سودانيزاونلاين تلقى الخبر في ساعتها ومن ثم تبحث عنه في الفضائيات
ويا حيلك تلقاها في جرائد الدولة المدغمسة
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: Zomrawi Alweli)
|
هالة
تحياتي و تقديري
أرجو أن تقرئي هذا المقال :
***
آلهة المنابر... ماسكو القوارير
صلاح بن عيّاد
العدد 28 - حزيران 2010
الحكاية وردت في كتب «تفسير الطبري» و«تفسير ابن كثير» والحاتمي، وفي أكثر من مرجع ديني، أن موسى أراد أن يعرف إذا ما كان الإله ينام، فسأل الملائكة عن ذلك، فما كانت الإجابة سوى اختبار يتمثّل في الآتي: على موسى أن يُمسك قارورتَين، واحدة في اليمنى والأخرى في اليسرى ثمّ يحاول أن يبقى مستيقظاً ما استطاع، حاول موسى ذلك لكنه سرعان ما غفا فسقطت القارورتان من يدَيه وكُسرتا، ولذلك عرف الإجابة: لو نام الإله لانكسر كل شيء. القارورتان هما استعارتان للأرض والسماء. أما القارورة المذكورة هنا لغة فهي تلك «الحوجلة» الصغيرة الواسعة الرأس - ربّما - كما ورد ذلك في كتاب «الصحاح في اللغة» للجوهري أو كما يقول الشاعر (بيتان نوردهما لإمتاع القارئ لا غير):
«ومدامة حمراء في قارورة
زرقاء تحملها يدٌ بيضاءُ
والراح شمس والحباب كواكب
والكفّ قطب والإناء سماءُ».
ليست الآلهة وحدها من لا تنام. وليست وحدها من تمسك بالقوارير، هناك نوع آخر من المتألّهين الذين يسهرون على قوارير شخصيّة من على المنابر الثقافية والإعلامية العربية. إنهم لا ينامون يتربّصون الكترونياً بما يُنشر من مواد وتعليقات. لا تنكسر قواريرهم ولا تتساقط إلا بتلك الغفوة الأبديّة... لكنها تنكسر في النهاية.
المحرّرون الثقافيون يتشبهون ها هنا بالآلهة. آلهة لها سدنتها والمؤمنون بها، عبدتها والكافرون أيضاً. بعيداً سيشبهون شيوخ القبيلة. معنى ذلك أن موالين يُنشر لهم وصعاليكَ يعيشون وينامون في العراء. ثمّ سيشبه منبرهم قصر الخليفة أين لا ينجو سوى المادح، أما كاتبو الأغراض الأخرى فسوف ينوحون مع الحمامة في الزنازين. وستشبه منابرهم الثقافية المنابر الدينية في إصدارها للفتوى تلو الأخرى وللحكم تلو الآخر، اسألوا كتّابنا العرب ستجد من هو مغضوب عليه في ذاك المنبر أو ذاك، ومعنى هذا أن حـبره قـد أُبيح كما يُباح الدم. لهم في ذاك المنبر مآربهم ومنه «يهشّون على غنمهم» الشخصيّ. سوف تعرف من المنبر (الالكتروني خاصة) سكنات المحرّر - وآه لو يتحرّر - وحركاته، حركات تخصّ أحياناً أسفاره وباراته وفي أيّ بلاد هو وإلى أين سيتوجّه. وستعرف من المنبر ذاك مع من التقى منذ ليلة وبمن يلتقي غداً. الأمر يحتاج إلى نوع من الذكاء ودقّة القراءة لا غير.
في ذاك المنبر لا تُنشر مادّتك الأولى (ولو كنت اسماً محترماً ومعروفاً، ولا أقصد نفسي طبعاً)، تقول قد يكون العيب في المادّة، ولا تُنشر الثانية والثالثة... أنت إذاً مغضوب عليك. لأنك من بين أشياء أخرى كتبتَ ذات مرّة متناغماً مع عدوّ المحرّر! وفي ذاك المنبر لا يُنشر تعليقك، وكلّ التعليقات المنشورة تعليقات متملّقة ومسبّحة باسم المحرّر - ماسك القارورتَين - أنت لا تتملّق ولست تابعاً، أنت موضوعيّ لذلك ستتآكل نيرانك وسترتطم موادّك الحارّة بفيروسات الحاسوب وستذوي أغصانك.
من على ذاك المنبر يطلّ الربّ بقارورتَيه يطلق الحقيقة و«الصحيح» - هذه العبارة نضعها بين مزدوجتَين لأنها وردت في مقالة نشرها صاحب منبر في منبره، وهو يتحدّث عن الصحيح المطلق! - تكاد تصرخ في مكانك وتكاد تأخذك رعدة غياب النبل وتكاد تتهشّم كلمة إثر أخرى. ما للمحرّر الثقافيّ لا يستفيد من كلّ الكتابات الإنسانية التي تصله؟ لماذا هو المكتوب بالخطّ العريض في المكان الأقرب إلى العين؟ لماذا لا ينشر سوى لأسماء دون أخرى من ساحة دون أخرى؟ أنت لا تصدّق طبعاً ما يُحكى... أنت خائف من تصديق ذلك، لأنّ الثقافة رحبة وأجمل من أن تتحمّل ما تسمعه من المحنّكين.
سيبرق كل ما يصدر له من كتب، وسيوفّر لذلك كلّ ما استطاع من الأساليب الجديدة المتوافرة لأن يصل كتابه إلى أصقاع الدنيا. الخبر سيمرّ مكتوباً في تلك السطور التي توهمك بأهمّية الأمر. سيلمع الخبر وسيغطي على الأخبار الأخرى كلّها.
ماذا عندما تفتح جريدة في ورقها، أو على النت، فتجد كلمة «لا صدور» للركن الثقافيّ؟ ماذا حلّ بماسك القارورتَين؟ هل نام؟ وهل انكسرت قارورتاه؟ أمّا في المغرب من الوطن العربي (ولست متأكّداً من وجودها في الشق الآخر) فستجد سنَّة اسمها «عطلة الملحق الثقافي»، لن تقرأ مقالة ما وأنت على مشارف البحر الأبيض المتوسّط. هناك تعارض ما بين الموجة المقبلة على قدمَيك وبين مقالة أو قصيدة تصف تلك الموجة. ربّما لأن المحرّر الثقافي اختار عطلة الصيف واعتقدَ أن الكتّاب لا يكتبون في الصيف. الكتابة عناء. والمحرّر الثقافي بلا نائب ذلك أنه لا يستطيع تسليم قارورتَيه إلى غيره.
من على ذاك المنبر يقود خيطاً دقيقاً، ضجّة إن شاء أو خصومة، عداوة دعنا نقول ذلك. من على المنبر ذاك يصوغ اللعبة وقوانينها، وهي لعبة لم تكن يوماً عادلة ولا في مستوى الفضاء الرحب الذي تمنحه الثقافة للمشتغل عليها وفيها. ومن ذاك المنبر يتربّص بالمنابر الجديدة، كأن قارورتَيه لا تكفيانه فيطمح إلى مسك أكثر من ذلك. يطمح إلى مسك القارورة في معناها المطلق.
بين تلك المنابر تناغُم. ذاك يخدم ذاك. وذاك يذكر ذاك. الأمر يشبه الشيء المحلّق الذي يتجاوزك ويتجاوز ساحتك الثقافية الصعبة.
بين تلك المنابر خصومة ستُورَّث، سينقلها الجيل إلى الجيل كالخرافة الطفوليّة. أرباب يملكون كلّ الملائكة المعروفة، لهم من ينفخ في الصُّور ومن يقبض الأرواح ومن ينقل الوحي... إلخ. لا ندري إن كنّا هنا مبالغين قليلاً، لكن ما الذي يدفعنا إلى كتابة مثل هذا الكلام؟ إنها الحرقة، إنه التمزّق الذي ننعم به كل صباح ما إن فتحنا صفحاتنا المبجّلة (favoris) التي تحتوي على كل الصحف والمجلات اليومية والأسبوعية والشهرية الورقية أو الالكترونية. الأمر يزداد وضوحاً إذا كانت صفحاتنا المبجّلة تحتوي على الصحف العربية والأجنبية سنسقط لا محالة في نوع من المقارنة لا مجال للحديث فيه الآن. ليس لديك الحق في مناقشة أولئك، فهم على منابرهم وأنت في ركنك الضائع. هم أب وأنت ابن، ولم يسمح لك الجوّ العام ولا النسق أن تغادر العائلة في سن الثامنة عشرة. إنهم يحشرونك في سجن الجيل والزمن والبلد. إنهم لا ينتبهون سوى إلى الجعجعة المحيطة بهم.
هذا مشهدنا الثقافي ونحن من نكوّن نقاطه المتحرّكة وتفصيلاته، نحن المسؤولون عنه. تبّاً... كأني أكتب خطبة وداع رغم نعومة أظفاري، ورغم ألا علاقة لي بالخُطَب، لذلك أوقف هذه المادّة هنا.
سأعود
مع تحياتي
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: ابو جهينة)
|
هالة
جييت احييك على هذه المهنية العالية في ادارة هذا البوست المتميز
فضل بس نكلم بكري عشان يدي your mam عضوية عشان تدمنوا سودانيز كووووووووولكم تاني علا تعتمدوا على طعام home delivery
توقيع عمك التلب
ود شيقوق
الفاضلابي
اول مرة تفتح عينك صاح وتشوف صاح وتقول مسنوووووووح
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: Zomrawi Alweli)
|
زمراوي
بالمناسبة دي هي الحقيقة هسى أنا كتير لما بحكي في حاجات معينة مع أمي
بقول ليها قريتو في سودانيز و حصل و حصل و حصل
و من بعدها بشوف الحاصل بره يعني حقيقي بقت شرارة الخبر الأُولى
عشان كده لا بُد من المصداقية
غايتو شعرت من حديثك إني مُمكن في يوم يكون لي رأي سياسي
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
هالةالأقرع .... كل سنة وانتي طيبة
طبعا أخوك برلوم جديد ... وجد البوست ممتاز وهام .. وعلاقتى مع سودانيزاونلاين منذ سنوات ..كنت مجرد زائر فقط .. وكل تلك الغترة كنت أقرأ للعديد من الاقلام الجيدة .. وكان ظني عن سودانيزاون لاين هو منبر سياسي فقط ... ولكن مع مرور الوقت ... باتت سودانيراون لاين رقم ضخم ...فى عوالم النت ... مؤثر وله فوائد عظيمه ... من خلال الطرح ... وتناولة للعديد من قضايا الهامه .وأعجني الجانب الأجتماعي والتواصل الحميم ... بين الأعضاء ... والاهتمام بقضاياالوطن .
لكّْ التحايا وكل الأماني.
الامام الكيمني.
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: الامام الكيمني)
|
هالة مرحبتين
نحن هنا نمثل السودان الحقيفي وليس كالصحف المنمطة على شاكلة واحدة (مجموعة من المقموعين تكتب تحت سياط الإنقاذ العنصرية مثلا)
لذا تبرز فيه كل الطافح ولا تقدر المعارضة على حجبه ولا تقوى الحيكوة على إلغائه!!!
دمتي بخير متى ما كنت وطنية محضة
تصدقي وتؤمني يا هالة أختي
بوستك برضو يعتبر من الجديد المثير
فلك التحية
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: آدم صيام)
|
هاله سلام
ولاخونا الذي في دخان والاسرة
| Quote: مخاوف الكِتابة في سودانيــز أون لاين |
عارفه انا ومصداقا لكلامك ده
احيانا بكتب بوست واعمل ليهو مشاهدة
زي خرتمية مرة وبعد داك اخاف انزله....!!!!
وكم من المداخلات احذفه قبل النشر ....
عارفه من شنو....؟
من عنوانك الفوق ده....!!!!
تحياتي
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: haroon diyab)
|
سلااااااااااااااااااام للجمييييييييييييييييع
بالجد متأسفة جداً جداً كنت شهرين فاقدة هوية التكنولوجيا لغاية جهازي رجع
يوم كده أجيكم برواقة بعد يكون يوم الشغل رايق
بالجد و الله محرجة منكم جميعاً بس لنا عودة إن شاء الله
كونوا بكل الجمال
تحياتي و إحترامي
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: نوفل عبد الرحيم حسن)
|
Quote: حكاية صعبة في وقت أصعب
غايتو أبوي سودانيز عنده إدماااااااااااااااااااااااااااااااااااااان و قالها لي
لو إتعودتي حتبقي مُدمنه و بقضي فيها وقت كبير
و مع ناسها كان على التلفون أو الإسكايب أو الماسنجر
لدرجة مرات بنسمع صوتو عاااااااااااالي و بيتونس و يضحك
و يناقش
بتسألني الوالدة
أبوك مع منو ؟؟
مع سودانيز يا أمي بالتأكيد
مرات أبوي بكون قاعد و مندمج لدرجة تخش و تمرق أخواني يلعبوا
و يتشاكلوا و ما يحس بيهم إلا لو حصل ضرب بأدوات (ذات الاصوات)
و تعالت الصيحات فوق مستوى السمع الطبيعي
الباقي يتمو هو لأنه ما خفي كان أعظم
و الله عموماً يا عمي الطيب الواحد بحس بالبورداب حتى على
مستوى الكثير من المنتديات بقوا ليهو أهل
لأنو إحتكاكهم بيه ممكن يكون طوال اليوم حتى لو ما في مداخلات
قراءة بس تكفي
|
هالة الاقرع
عيد سعيد
تعرفي صديقي تحكي زوجته عن علاقته بسودانيز اون لاين
قالت شايفه زوجها طالع ونازل وطالع ونازل
ويقول
والله الليله يا انا يا هم
والله ما اخليهم اولاد الايه
وهرولت لزوجها تساله
مالك يا راااجل
قالها ديل العفن ديل
اتنين مختلف معاهما
اه الزوجه قالت والله راجلي ده ما نصيح
الله يقطع سودانيز واقطع اليوم الجابا
لزوم رفع البوست لهذه التداعيات
وعيد سعيد
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: Sabri Elshareef)
|
الأستاذة بنت الاستاذh3
رمضان كريم وعيدكما مبارك
موضوع موفق جدا ... الكتابه في سودانيز أونلاين ذي العيشه جوه السودان .. فيها المعاناة وفيها الجوانب المشرقة المضيئة ... إنه يعكس السودان كما هو ... سياسيا توجد كل الألوان ... فكريا توجد كل التخصصات ...إجتماعيا توجد كل الطبقات ... كل شيء في السودان من الابره لغاية برج الفاتح موجود في سودانيز أونلاين ... المثقف والمتثوقف والجاهل ... إنه السودان بكل تناقضاته ... وكما يعيش الفرد في السودان يعيش في سودانيز أونلاين ... فيكتب فيما يوافق إهتماماته وما يتيح له التعبير بحرية كاملة ..
وسودانيز أونلاين برغم ما فيه من مشاكسات إلا أنه يعتبر منبر العلاقات الترابطية بامتياز ... فكلمة بوردابي وحدت بين مختلف القبائل والاتجاهات الجغرافية والسياسية لتنصهر في كلمة بوردابي وستحسينها بمجرد أن تلتقي أحدهم .. تتلاشى كل نقاط الخلاف وتحسين بأنك أمام أقرب الناس إليك
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: هالة الأقرع)
|
يَا أَيُّهَا الَّذِينَ آمَنُواْ كُونُواْ قَوَّامِينَ بِالْقِسْطِ شُهَدَاء لِلَّهِ وَلَوْ عَلَى أَنفُسِكُمْ أَوِ الْوَالِدَيْنِ وَالأَقْرَبِينَ إِن يَكُنْ غَنِيًّا أَوْ فَقِيرًا فَاللَّهُ أَوْلَى بِهِمَا فَلاَ تَتَّبِعُواْ الْهَوَى أَن تَعْدِلُواْ وَإِن تَلْوُواْ أَوْ تُعْرِضُواْ فَإِنَّ اللَّهَ كَانَ بِمَا تَعْمَلُونَ خَبِيرًا (النساء 135)
اكتر حاجة بتخوّف هي الكلمة نفسها ... لا القراء ولا الأعضاء ولا نقد الناقدين ولا تقريع "القرع" ... يوازي رهبة أمانة الكلمة نفسها ...
فإيّاك وإياك وحذاراك أن تفصحي عن رأيك ... خصوصاً لو كان رأياً أميناً منصفا ....
... المهم ....
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: عزالدين عباس الفحل)
|
الكتابة ذاتها يا هالة
إبنة شرعية للخوف
فمن لا يخشى إطلاق الحروف
من صميم إنسانيته
فإنه لا محالة
سترتد عليه لعنتها
فتوخي الدقة في اختيارها
بخوف حذر لا يجعلك تترددين
في إظهار ما ترينه
وفي الوقت عينه
بحرص أشد على عدم الإيلام
فالحرف قتال قتال قتال
محبتي واحترامي
| |
|
|
|
|
|
|
|
|
|
Re: مخاوف الكِتابة في سودانيــز أون لاين (Re: طارق جبريل)
|
مخاوف الكِتابة في سودانيــز أون لاين
سلام لصاحبة البوست و ضيوفها
دي مخاوف مازالت مباريني ,, و عشان الواحد يتأقلم داير ليه زمن ,, خاصة لو بقي الواحد عندو حضور زهني فى الخطابه و ما عندو فى الكتابه
بس حقيقي الواحد بستفيد كتير من تجارب الاخرين
مرات كان دخلت المنبر ولقيت عمك الموج و قيقراوي و ود الصائم و سامية و منال و تاج السر و خدر و ود ادم الحسن الواحد شوية بشيل نفس و بقول الحمدلله ههههههههههههههه
علي اي حال بجي يوم بتزول المخاوف
مع فائق احترامي
اسعاد برلومه كتابه
| |
|
|
|
|
|
|
| |
هالة الأقرع
محمد الجيلى
Zomrawi Alweli
almulaomar
الطيب شيقوق
أيمن التوم حسن
أبوبكر عبد القادر العاقب
عبدالعزيز الفاضلابى
يوسف السماني يوسف
محمد عبد الماجد الصايم
tmbis
ابو جهينة
munswor almophtah
الامام الكيمني
آدم صيام
haroon diyab
نوفل عبد الرحيم حسن
عبدالدين سلامه
تبارك شيخ الدين جبريل
عزالدين عباس الفحل
بله محمد الفاضل
محمد قسم الله محمد
طارق جبريل
اسعاد محمدانى
فيس بوك
تويتر
انستقرام
يوتيوب
بنتيريست