|
Re: طعـ100 وما شابه ذلـk لعناية (اسمك موجود) (Re: منال)
|
مرحب ام اضان
Quote: مع انى مافاضيه لكن جانى شمار قالو اضانى فى البوست |
اضانك اساسية قبل الطعمية
Quote: بالمناسبة دى عايزه اهدى الصحن ده للعزيز زهير عثمان حمد بدل الجداده المانجضت |
بما اني ما باكل جداد فاطمئني جدادك العامل ذي الطوب البلوك دا ^ـــ^ ح يصل زهير
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حافظ انقابو)
|
مثلا يجيك الود حبيب نورة حالق تفتو .. تقول ليه :
راسم نفسك : يعني حالق جديد
وحاة الله الكلمة دي قالا لي ود اخوي صغير ما قدرت افهما منو مشيت لود الجيران سالتو (يعني شنو راسم نفسك؟؟) قال لي يا عمك يعني انت ما (قانش الحنك؟؟)
راسم نفسك يعني حالق
____ شفت كيف اللغة
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حافظ انقابو)
|
سلام صديقى حافظ انقابو تحياتى لك ولضيوفك الاماجد
ياخ يوم دخل نت كافى لقيت معلق لستة طويلة عن الرندوك وشرحها قلت ليه دا شنو ؟
قال لى دى الكلمات المستعملة هنا من رواد المقهى لو لقيت فرصة بصور ليك اللستة
_____________________
لو انت جديت البوست دا مهم
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: نجلاء سيد أحمد)
|
اختي وصديقتي جدا نجلاء اشكر لك مرورك الانيق
Quote: ياخ يوم دخل نت كافى لقيت معلق لستة طويلة عن الرندوك وشرحها قلت ليه دا شنو ؟
قال لى دى الكلمات المستعملة هنا من رواد المقهى لو لقيت فرصة بصور ليك اللستة
|
يا سلام عليك ... الصورة او الفيديو عز الطلب ربنا يقدرك تجيبيها لينا
تسلمي كتير تحياتي لك والابناء
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حافظ انقابو)
|
انقابو ،،، بن طلحة قال للوهم مدخلة الـينا موجة ،،، ودم ،،،،،،،،، وطين ما الفرق بين الصمت والحجر المذهب بين النرد والجرس الحزين قلـنا هواءءءءءء بااااااااااااااااااارد !!!!
نحن على شط الابيض المتوسط وعجاج البحر ،،، (حضرت ولم تجدنا ) شكرا عميقا حضورك الانيق ،،، مع انى لا اعلم ولكن لمن كل هذا الجمال ؟؟؟؟ هنالك صحن لم ينضج بعد ؟؟؟؟
قاسم المهداوى
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: مها عبد الله)
|
بت رفاعة
Quote: حددَ بنات رفاعة كتار فى المنبر دا |
الحرامي في راسو ريشة اااااااااااي هو دا
انشاء الله تكوني بتسمعي تامر حسني
Quote: وينك يا صديق ، أخبارك مقطوعة ومعليش حالة مرضية مفاجئة ألزمتني السرير والكي بورد ، الطعمية دى مالها كلها زيت كدا ؟ |
الف سلامة ليك انشاء الله بدالك والله الشوق كتير يا صديقة افتقدتك والله
ابقي اظهري وباني
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: هويدا شرف الدين)
|
هدهد
Quote: هوي يا منال ناس الشجره يبروا يا اختي من المصطلحات دي ناس الشجره الراقيين مالك عاوزنا نغلط معاك من الصباح ، بعدين صحن الكوارع مبالغه اصلا ما بسألك بالله ما تجيبي صوره بعد النجاض |
ديل اسياد الشي داااااااااااااااتو
ياخي قولي دستور سلمي او ايي حاجة الاتكيت وما ادراك ما الاتكيت بعدين اسمك في القائمة اساسي جنس الناس البخشو شمال ديل ^-^
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حافظ انقابو)
|
اعتذر للجميع عن تاخر الرد نسبة لحادثة السرقة التي تعرض لها (لابتوب + موبايل) وسط العاصمة الخرطوم امس
لكن لا باس
______ من هنا بقول للحرامي انشاء تدخل عليك بالساحق والماحق والبلا المتلاحق او كما قالت حبوبتي
مافي زول يقرنا لي بحبوبة صلاح غريبة ^-^
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: مها عبد الله)
|
انقابو كفنك؟
(نجاضة)+(شطة)...... مصطلحات من السبعينات من القرن الفايت مع رفيقاتها:-
" شطة بس...و.. منقة مص" لاهل المدن
"حول يا ام ضرع".... لاهل البادية والريف..والذي تحول مع تكنلوجيا صناعة الالبان الي"لبن"
ثم....
"تيتي... صاحبة الحمام الذي يعُض ولا يرحم"
والقائمة تطول لولا لائحة بكري التي لا ترفع راسا الا مع كديستي!
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: سجيمان)
|
صديقي جدا د. عادل
Quote: (نجاضة)+(شطة)...... مصطلحات من السبعينات من القرن الفايت مع رفيقاتها:- " شطة بس...و.. منقة مص" لاهل المدن
"حول يا ام ضرع".... لاهل البادية والريف..والذي تحول مع تكنلوجيا صناعة الالبان الي"لبن"
|
يا عم انا جيل الفينات ساي المهم خميتا جبتها ليكم واهو افتيت فيها انت وعمت الفائدة
Quote: ثم....
"تيتي... صاحبة الحمام الذي يعُض ولا يرحم"
والقائمة تطول لولا لائحة بكري التي لا ترفع راسا الا مع كديستي! |
وحااااااااااتك يا دكتور البوست دا انا محتاجو جدا ما تسوي ليك عملة تخورو وحاة العشرة البيينا ... بعزمك باية جبنة وما تخرمج ^-^
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: مها عبد الله)
|
بت رفاعة
Quote: موضوع لغة الراندوك موضوع مهم بالتحديد لشتات المنتشرين خارج الوطن يجمعوا فى ( الشرتيت ) |
اي قلنا نخت اخواننا المغتربين في الصورة عشان لما يجو البلد دي يكونوا ناقشين الحنك
Quote: يُقال فى لغة الراندوك زول ضهب ، زول مظلات ، الترجمة لمظلات يا بتاع الراندوك أنقابو طعمية |
تصدقي ما عرفت المعنى ؟؟؟
يحول الرد لـ ناس الديم ^-^
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حبيب نورة)
|
حبيب الكل
كدا جرحت سمعتي ياخ انا صحفي . ما تقول علي كدا
Quote: هسه أنا كاتبني في اللستة دي لي شنو مثلاً ؟ |
لانك باختصاااااااااااار ( منقطا)
Quote: حبيب نورا كاتب وروائي وقاص وعمدة بورداب الأمارات والخليج وآسيا |
يوم داك انا قت ليك ما تاكل طحنية صلاح غريبة اها شفت كيف بقتك انتهازي .. وافتراضي ذاتو ^-^
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حبيب نورة)
|
Quote: يا شميش
هسه أنا كاتبني في اللستة دي لي شنو مثلاً ؟
بشتنة يا إنت
غايتو الواحد الا يجيك الليل وآخرو
والله أوريك يمينات لمن تفهم حاجة
حبيب نورا كاتب وروائي وقاص وعمدة بورداب الأمارات والخليج وآسيا |
يا سلااام ياخ بموت فى البوستات المهبسكة دى شديد يا يس ( يس ) يعنى ياسين او حبيب واحدة فى الكمنجات ( حقوق الطبع والتاليف والنشر محفوظة ) انقابو جابو او جاك او ما جاك وكل الطرق تؤدى الى فنزويلا ( جزر الكاريبى ورقصة الجامايكا ) احى عمده بورداب جامايكا ذاتو
قاسم
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حافظ انقابو)
|
كمنجة ،، جكسوية البت الحديقه ،،،المجنترة وايضا وزن الريشة ( الخفيفه ) جمكسين ؟؟؟؟ دى ما لاقى ليها تفاسير هبسكة ،، هبالة مضاف اليها سبهللية مضاف اليها كاف فى الفاضى ( تبقى هبسكة ) خارج النص ،، التوقيع : صحفى وكاتب واعلامى ومهبسكاتى وعيييييك
gasi
| |
|
|
|
|
|
|
Re: طعـ100 وما شابه ذلـk لعناية (اسمك موجود) (Re: حافظ انقابو)
|
يا انقابو مساء الصباح وزركشة طيف القوس والوان قزح السناريو دا منقول ولا ثابت ولا متغير ذى جانا الهواء جانا كدا اذ يقال هنالك عدم موضوعية وتداعيات الازمة الاقتصادية والركوض الضارب الموية والكهرباء فى فصل هذا الصيف من العام القرب ينصرم دا ولا كــــــــــيف ؟؟؟
قاسم خارج النص حابب ارفع البوست وارمى السلام
| |
|
|
|
|
|
|
|