|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
ولتكن البداية بالصديقة الجديدة رقيّة وراق!
والأفضلية لها بما أنها تجاور سـ  ـتّ الحبايب ..
والقريب من قلب ستّ الحبايب جوّه قلوبنا نحن!
رُبما ـ أو هكذا أزعم ـ أنني أكتب اسم رقية ورّاق لأول مرة في هذا البورض
ويبدو أن الأسافير تصنع في بعض الأحيان جدرانا (عازلة) يصُعب معها إيصال
المشاعر أو الوقوف على حقيقة الشخص الآخر بسهولة أو وضعه المنزلة المستحقّة
داخل القلب .. وهذا ما قد حدث لي مع بعض الشخصيات .. رقيّة وراق واحدة منهم!!
| |
  
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
بيد أن الانتقال من مرحلة (استغلاق)* القلب أو جزء منه إلى الانفتاح
على مصراعيه لم يُكلّف سوى مكالمة مجانية عبر (الآيباد) بيني تاج رأسنا
سـت الحبايب في بـراري كـندا ـ أو هكذا يدّعون ـ ليأتيني السؤال مباغتا:
* إنت يا ولدي بتعرف الناس السمحة دي من وين؟
ـ منو يا أمي .. أنا في كـندا دي ما بعرف غير أب تفة!
ودا زولا لا سمح ولا شيتين .. لا خلقة لا أخلاق!
(طبعا عملت ميّت بموضوع عبد الله الحبيب والخواجية ناتاشا صحبتو)!!
* لا لا .. الليلة قابلت لي زولة مبالغة .. وقالت بتعرفكـ!!
ـ يا حجة هوي!! مالكـ دايرة تجيبي لينا الهوا؟
* والله بالجد .. الزولة دي مبالغة .. ليه ما عرّفتني عليها من زمان؟
ـ هيا أمي .. أنا زاتي ما بعرفا كويس!!
(الشخصية المقصودة في هذه المكالمة هي رقيّة وراق)!!
نكتفي بهذا القدر
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
البرقية الثانية: إلى رجاء العباسي!!
يجدها بألف خير ..
قبل خمس سنوات تزيد أو تنقص ـ الزهامير عامل شغلو كويس ـ طرحت
العزيزة (راجا) سؤال مشترك لمحمد الصايم ولمحمد البشرى:
إنتو قاعدين تتابعو البورض دا كيف؟ وعارفين أيّ حاجة فيهو كيف؟
إجابة محمد البشرى ما متذكرا والله
لكن متذكر كويس إني قلت ليها أنا حافظ البورض دا
من أول نقطة .. لحدي آخر مداخلة فيهو!!
والزمن داكـ فعلا الأمر دا كان حاصل وكنا أنا وود البشرى دا باكات
تُرهب أي مهاجم حريف أو داير يتحرفن!! من سوركتي لآمنة كريم لحدي عباس الجاكـ
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: حمد عبد الغفار عمر)
|
الاخ حمد سلامات
Quote: انا قبل كدا في بوست قلت البورد دا زي الجامعة
من تكمل خمسة سنين تاني إلا تجي الكافتيريا تشرب عصير وتعيد ذكرياتك وتتوكل
سلام ليك وللمحتفى بهن |
والله صحى
_____________________
يا ود البشرى الايام دى فى هكر حايم
كدى اتبن و د الصايم ده
بشوف الكلام كبار كبار كدى
________________________
تحياتى لمن الجنة تحت اقدامها
والاخوات العزيزات رقية و رجاء...وراوية
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: طارق جبريل)
|
| Quote: ـ منو يا أمي .. أنا في كـندا دي ما بعرف غير أب تفة! |
التحايا للأخوات رقية و رجاء. لكن الفيك اتعرفت يا ود الصايم... تنكرنا عديل كدا! سلامنا للوالدة و تحت الخدمة في أي وقت و لو هي في جهات ناس ياسر طيفور معناها هي لا في براري كندا لا حاجة. لو حبت تزور براري كندا الجد والله تشرفنا و نشيلها في راسنا قبل بيوتنا... دي دعوة جادة للزيارة. و حأرسل ليك تلفوني و رسل لي تلفونها.
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: تماضر الخنساء حمزه)
|
Quote: بالله متذكر الناس دي وصّفت بيوتا كيفن!!
قاسم مهداوي قال أنا هسسيي قاعد في الحدود!!
ولّ عمكـ حسين ملاسي في سوركتي قيت (هي روعة نُصاح)!! |
غايتو أنا متذكرة حاجه واحده ، محمد الصائم رمي ليك كم واحد جوووووه الخور بتاع الصحافة ، الدايشين ما بعرفوا يوصفوا طششتهم لغاية ما وصلوا شارع مدني وعييييييييك لغاية رفاعة
التحية للعزيزات رقية وراق وكاتبتي المفضلة رجاء العباسي أفتقد كتاباتها 
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: محمد البشرى الخضر)
|
منى خوجلي !!
منى خوجلي عديل كدا !! ما بصدق
كيفك ياخي ومشتاقين عساك بخير و كل الأسرة
يا سهام ياهو حموودي ما اتهكّر ولا حاجة
يا حموودي
يا سلام ياخ ذكّرتنا ايام بيتكم بي وين يا عينيا و اكبر عمة لبسوها بورداب الإمتداد في تاريخم
و آخر ملاسي و يا سلام على مفرق هشام آدم الخاص وياحليل بوست الإبتزاز وشيل الحال هههههههههههه
وسليكة و وود الجيران و الأسابيع و إيييييييك زمن
لكن برضو ما قلت لي
عباس الجاك دا منو ؟
( )
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: محمد البشرى الخضر)
|
سلام يا محمد
انا من عشاق هذه الرارات
رقية ورجاء
لا استطيع ابدا ان ارد نيابة عن رقية
الا انني اشعر تماما انو رقية ملفوفة في حزن عميق
رقية بتحب محمد وردي لدرجة الولهان
وبتحب محمد الحسن سالم حميد لدرجة ما تقدر تتخيلها ابدا
لمن كنا في بداية الشباب " هسه في نهايتو " !!
رقية كانت بجانب الدراسة تعمل في شركة الخرطوم للتجارة
وغالبا ما اغشاها في المكتب لتبادل كتب او دس الميدان في يدها!
ولانها في غاية الرقة واللطافة يطلق عليها رقية الرقية
صديقنا وزميل لينا جنوبي ينطقها " ركية الركيكة "
اكثر ما يجمعني بها كنا الاتنين القشة ام روح .. ضعاف وخفاف كما النسمي
انا لسه في محلي لا زدت ولا نقصت .. لكن رقية زودتها كتير !!
اخر مرة اتصلت بي حميد من سيدني سألني :
رقيي كيف ؟
كان يقصد رقية زوجتي .. لكني تذكرت بالطبع رقية وراق
وهم جميعا بني شايق حنينين وشعرا
وانا جعلتي ساي !!
بالجد مثلك مشتاقين لهذه الركيكة
وعدتناان تزورنا في استراليا ولسه في انتظارك يارقيي
اما صديقتي العزيزة رجاء
التقيتها في قاهرة المعز
انسانة بمعنى الكلمة
دعتنا لمنزلهم وتعرفنا على الاسرة وكم احبننا الام الحنون الحاجة علوية
واكلنا من يدها مائدة كاملة الدسم
رغم ادعاءات رجاء المغرضة انها شاركت في الاعداد
لكن هيهات من يصدقها !
كما تعرفنا على سارة الجميلة
شاركت في هذا البورد ايام قليلة وفزت !! اين هي الان ؟
ظهر معدن رجاء الاصلي ايام كان حبينا عاصم الحزين مريض
رجاء كانت خلية نحل تتحرك بنشاط وهمة
كانت امين المال والبوصلة لكل اتجاهات الاطباء ومعامل الفحص
وكانت الطبيبة والناصحة والممرضة لعاصم
بالجد لو لا وجود رجاء بيننا تلك الايام كان عاصم اتلحس !!
التحية ليهم الاتنين
-------------
اخرين دي ممكن احشر فيها نفرين لو سمحت
- صديقي المعفن محمد مدني
يار يتو يجي
- والاستاذة اميرة الشيخ
يا اميرة ده رمضان التالت ولسه منتظر الحلو مر !!
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: خالد العبيد)
|
يا سلالالالالالالالالالالام ياخ يا ود الصايم
رجاء العباسي روح مضمخة بالجمال كانت الدفء الذي يسور حضرة كل عضو جديد بالمنبر في سنواته الأولي
ولكنها تأذت مثلها مثل ماجدات عاد عطائهن نقمة عليهن
فكان الإبتعاد محاولة لصون ما تبقي من معزة
لا توجد حصانات بأي موقع من المواقع الحوارية أو الإجتماعية الأسفيرية السودانية
لأي فتاة...فهنالك الكثير من الوسائل الإنسان رخيصة لإلجامهن
بالإساءات اللفظية النتنة وبالدبلجات العفنة وبالتهكيرات الفتنة
لا ألوم أي أخت وزميلة تقرر إعتزال المشاركة في أي موقع إسفيري
رقية وراق أديبة أريبة لكنها مقلة
أتمني أن أري لها أعمال منشورة
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: Sinnary)
|
Quote: انا من عشاق هذه الرارات
رقية ورجاء
لا استطيع ابدا ان ارد نيابة عن رقية
الا انني اشعر تماما انو رقية ملفوفة في حزن عميق
رقية بتحب محمد وردي لدرجة الولهان
وبتحب محمد الحسن سالم حميد لدرجة ما تقدر تتخيلها ابدا
لمن كنا في بداية الشباب " هسه في نهايتو " !!
رقية كانت بجانب الدراسة تعمل في شركة الخرطوم للتجارة
وغالبا ما اغشاها في المكتب لتبادل كتب او دس الميدان في يدها!
ولانها في غاية الرقة واللطافة يطلق عليها رقية الرقية
صديقنا وزميل لينا جنوبي ينطقها " ركية الركيكة "
اكثر ما يجمعني بها كنا الاتنين القشة ام روح .. ضعاف وخفاف كما النسمي
انا لسه في محلي لا زدت ولا نقصت .. لكن رقية زودتها كتير !!
اخر مرة اتصلت بي حميد من سيدني سألني :
رقيي كيف ؟
كان يقصد رقية زوجتي .. لكني تذكرت بالطبع رقية وراق
وهم جميعا بني شايق حنينين وشعرا
وانا جعلتي ساي !!
بالجد مثلك مشتاقين لهذه الركيكة
وعدتناان تزورنا في استراليا ولسه في انتظارك يارقيي
اما صديقتي العزيزة رجاء
التقيتها في قاهرة المعز
انسانة بمعنى الكلمة
دعتنا لمنزلهم وتعرفنا على الاسرة وكم احبننا الام الحنون الحاجة علوية
واكلنا من يدها مائدة كاملة الدسم
رغم ادعاءات رجاء المغرضة انها شاركت في الاعداد
لكن هيهات من يصدقها !
كما تعرفنا على سارة الجميلة
شاركت في هذا البورد ايام قليلة وفزت !! اين هي الان ؟
ظهر معدن رجاء الاصلي ايام كان حبينا عاصم الحزين مريض
رجاء كانت خلية نحل تتحرك بنشاط وهمة
كانت امين المال والبوصلة لكل اتجاهات الاطباء ومعامل الفحص
وكانت الطبيبة والناصحة والممرضة لعاصم
بالجد لو لا وجود رجاء بيننا تلك الايام كان عاصم اتلحس !!
التحية ليهم الاتنين |
شفتا يا جنا فتهيه، التي كنت تظنها ببراري كندا، بحسن نية منك، لامن صحكك العوض!، كت بقولبلي في مداخله عن [الفلانتين] ديل!!
بلا ألقالك أخينا الذي في البلاد التي [خُت أي شي يناسبك، عدا النرجيله!] قد تغديك بي كانجروٍ عظيم!،اخونا في كُل سمح، خالد العبيد..
الشاهد،
الاقتباس الفوق..
أعغاني من أنضم كتير في بنات [أستاذي] العباسي وأنا تلميذ ثانوي في مدني [ضواحي] حنتوب..، رجا وهدى والفعوصه ساره، وبالطبع: رايوه..
..
من جيهة بت الوراريق رقيي، يمين الله البارح عزموني جلاب وسعاد غدي، الونسي بعداك مشت لامن جابتلها ذكريات، عووك، علي عبدالقيوم، عبدالله ابراهيم، وردي وعثمان حسين.. أها جلاب جاب النكته، وكانت ذكية جداً من رقيه..
.
.
.
محمد الصايم،
البكان دا سمِحْ خلاس ياخ..
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
| Quote: غايتو أنا متذكرة حاجه واحده ، محمد الصائم رمي ليك كم واحد جوووووه الخور بتاع الصحافة ، الدايشين ما بعرفوا يوصفوا طششتهم لغاية ما وصلوا شارع مدني وعييييييييك لغاية رفاعة |
الصفيحة مها ..
ياخ ناس الامتداد ديل غايتو أنا حنيّت عليهم!
بالله البوست كلو بقى يفتش بيت ناس آمنة لحدي ما إنعام حيمورة
جات كتلت ليهم الدش في يدهم!!
بعدين أخوكـ (مغّاس) كبير
فترة طويلة بجري ليهو في بوستيهم وأكوركـ: آمنة وين يا جماعة؟
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
Quote: اخرين دي ممكن احشر فيها نفرين لو سمحت
- صديقي المعفن محمد مدني
يار يتو يجي
- والاستاذة اميرة الشيخ
يا اميرة ده رمضان التالت ولسه منتظر الحلو مر !! |
حبيبنا خالد العبيد في نواحي أستراليا!
ياخ أحشر أي زول .. وتعال إنت زاتكـ أقعد معانا هنا!
المحبة تمتد إلى رقية ورجاء
ما لقيناهم .. لكن زي ما بقولو القلوب شواهد ..
والجواب باين من عنوانو!!
بالنسبة لأميرة الشيكـ
مكانها مازال ـ وسيظل ـ شاغرا حتى عودتها الميمونة!!
وقريبا بإذن الله!!
_
ياخ الواحد لمن يكون جادي بتعصر عشان يمرق الكلام
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
| Quote: لا ألوم أي أخت وزميلة تقرر إعتزال المشاركة في أي موقع إسفيري |
سناري يا حبيبنا .. أخباركـ ياخ
وأهو استفدنا كتير من تكتيكات ديكارت ولّ اسمو منو داكـ
بالنسبة لنقطة اللوم دي .. كلامكـ سليم .. وما سليم برضو!
قول لي كييييف؟
فعلا يوجد أخوات عزيزات تعرضن لأنواع غير طبيعية من الاستفزازات
وأحيانا الشتائم والاتهامات المباشرة وغير المباشرة
لكن كمان الابتعاد عمره ما ح يكون الحل ..
بالعكس .. احتمال دي تكون روح انهزامية ساي!!
نودهنّ معنا هنا ..
والشعار يا جبل ما يهزّكـ ريح!!
حبابكـ ياخ تاني!!
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
تحياتي وسلامات يا صايمنا
بيّن مولانا محمد المرتضى حامد ( كرامة ) كبيرة بإرجاعه للملكة منى خوجلي.... حتى كدنا أن ( ناخد الطريق ) منه
الآن جاء دورك يا ( شيخنا ) بيّن كرامة ورجع لينا رقية ورجاء
عندما يكون الحديث عن رجاء العباسي فإن الحياد عندي ينتهي...
فهى المحبة والصفاء
وهى الصداقة والإخاء
وهى الفهم الرزين
وهى الشقاوة الجميلة
__________________
- ياخوي مالو كلامك بقى كبار كبار كدا.....؟؟
- صحي عباس الجاك دا منو ؟؟؟
- نسيت إيمان صالح ؟؟؟ كانت مهاجم خطير أيام كنت إنت الباك
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: عاطف عمر)
|
عاطف عمر
بيّن مولانا محمد المرتضى حامد ( كرامة ) كبيرة بإرجاعه للملكة منى خوجلي.... حتى كدنا أن ( ناخد الطريق ) منه
الآن جاء دورك يا ( شيخنا ) بيّن كرامة ورجع لينا رقية ورجاء
-------------------------------------------------------------------------------
وانا عايزك انت تكون لي ( شيخي ) وترجع لي ( زولي )
بريد زولي
تحيات عطرات ل منى خوجلي ، ورقية الراقية واديبة ،
و :عندما يكون الحديث عن رجاء العباسي فإن الحياد عندي ينتهي...
فهى المحبة والصفاء
وهى الصداقة والإخاء
وهى الفهم الرزين
وهى الشقاوة الجميلة
اما حمد والديبة فشكيتم لي صاحب الشكية
من حكاية ( الطيار مراد ) ديك بقيت شاميهم
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: Yassir Tayfour)
|
Quote: - ياخوي مالو كلامك بقى كبار كبار كدا.....؟؟
- صحي عباس الجاك دا منو ؟؟؟
- نسيت إيمان صالح ؟؟؟ كانت مهاجم خطير أيام كنت إنت الباك |
عاطف عمر يا حبيبنا .. شايفكـ جاي مذاكر كويس!!
فيما يختص بالكلام الكبار كُبار فدي حالة مرات
كـدا بتجي للواحد لمن يكون عندو (تضخّم في الذات)!!
عباس الجاكـ تمت الإجابة عليه عاليه!!
أما فيما يخص إيمان صالح
فـ ديششششششششششششاكـ .. اتذكرتها من وين
بعدين ياهو الكرامة بانت!
رقية ورجاء .. وكمان منى خوجلي!!
شفت إزااااي
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: أبو ساندرا)
|
Quote: وانا عايزك انت تكون لي ( شيخي ) وترجع لي ( زولي )
بريد زولي
تحيات عطرات ل منى خوجلي ، ورقية الراقية واديبة ، |
Quote: اما حمد والديبة فشكيتم لي صاحب الشكية
من حكاية ( الطيار مراد ) ديك بقيت شاميهم |
بركوتة يا بركوتة يا حبيبنا
إن شاء الله أتنطر*** كان فهمت حاجة
قلت أصبر شوية يجي زول يساعدنا على الفهم
جانا ود البشرى جهجه باكاتنا
وعلى عدم الفهم العلى أشعرني أنى طاشي شبكة كمان
لكن للضمان كدا نردد بصوت عالي
معاً لعودة ( زول ) بركوتة
ويا حمد والديبة الشكية لى الله حاااارة
أحسن ليكم إتصلحوا مع بركوتة
______________
بالجد كدا
***أتنطر
يعني شنو ؟؟
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: عاطف عمر)
|
رقية الراقية وأديبة
بالرغم من أني تواجدت معها في المنبر لفترة قصيرة من الزمن
لكن صعب الواحد ما يلحظ جمال الكلمة والروح
راقية هادئة وأديبة فعلا
ورجاء العباسي أعرفها لفترة أطول
كانت "الدفعة" التانية أو التالتة من تاء التأنيث في المنتدى
من سنوات طويلة لا أصادفها هنا .. الظاهر بنتعاقب – والذي هو من التعاقب والعقاب أيضا...
السلام نوصله لهما عبر هذا البوست يا محمد الصائم
ولك ألف شكر..
والتحية لزوار البوست
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: rummana)
|
ود الصايم مرحبا بك فى عالم جميل
اخييييرا نفدت بى جلدك وعملت صداقات فى محلات طال استغلاقها عليك ؟؟
على كل عجبنا ليك . فان تاتى متاخرا احسن مما تعمل فيها رايح !!
ياخ بالجد انت دخلت عالم جميل رجاء غنية عن التعريف فالكل
يعرف قلمها الناصع وضحكتها الجميلة لى وقت قريب
لكن الاستغلقت علينا هى ه\ه الرقية ..
لكم لفتنى قلمها وبحثت عنها من قبل
الغريبة خزنت ليها لينكات عشان اقراها بهدوء والله ما اراد
ايه رايكم تشاركونى ؟
بعد وفاة وردى اذكر انو بكرى نكت ليها بوست كتبتو اظن فى 2003
عزيزي محمد وردي : كل الود
زمن المشاركين لو الواحد زعلك بتمشى تكلم لى اهلو ....
لكن هسه ناس ود الصايم ديل يلمو فيهم وين ؟؟ لوووووووووب
ميته من الضحك والله ....
ــــــــــــــــــــــــــ
ود الصايم !!
ماهو انت كويس ناس ود البشرى ديل بقولوا عليك
كدا لييييه ؟؟؟
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: rummana)
|
مناحةُ الصقيعِ
- كعادتها- كانت الشوارعُ
هذا الصباحُ ثلجيةً
وبياضُها الشاسعُ
كان يقطعُ
خميرةَ الدفءِ من عجينةِ الطقسِ الغريبِ
في برودةِ الدربِ الطويلِ
ولانهائيةِ شكلِ الغيابِ
فاجأني ظمأٌ عظيمٌ
لقطرةٍ من رحيقِ البلادِ
وتوقٌ للرحيلِ
هدّأتُ من إيقاعِ مِشيتي العجول
وهتفْتُ ملءَ الساحةِ الجليديةِ:
ووبٌ ياناسُ عليَّ
وألفُ سجمٍ يُسربلُ فمي
الثلجُ كالني والرمادُ
أرخيْتُ ألآذانَ وانتظرتُ
ماردَّ فجيعتي أحدٌ
لا جارُنا تلّبَ الحائطَ
ولا أهلٌ غيبوني في الصدورِ
حد إنقطاعِ الأنفاسِ
عادتْ يداي تسْتدفئانِ بالجيوبِ
وقالت دمعةٌ قبل أن تتجمّد
يا غريبة الدارِ
ما أعظمَ خسارتُكْ !
تورنتو / كندا
شتاء 1993
اذا اردت ان تتعرف على رقية فاقرا لها
مناحةُ الصقيعِ
ـــــــــــــــــــــــــــــــ
وقالت دمعةٌ قبل أن تتجمّد
يا غريبة الدارِ
ما أعظمَ خسارتُكْ !
شفت ياود الصايم الشايقية دى حنينة كيف؟
شفتها عاشت التلج دا كيف ؟
امك مرا شوافه شديد ... صحى ام ود الصايم ....
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: rummana)
|
وكتبت رقية فى 2003
اليوم الأول
اتخذت قراري ، لن أمر بالشوارع الضيقة ، سأعبر أكثر شوارع الخرطوم اتساعا ، عبرت شارع الجامعة ومنه الى النيل ، مررت بحديقة كبيرة رقد في ركن منها متشرد صغير وهو يهرش رأسه بشدة ، تأملته بتضامن صامت. قطع الصمت جدل صاخب لشخصين يتحدثان عن صفقة سيارة ، احتميت باحدى أشجار الشارع القوية حتى مرا
اليوم الثاني
خرجت صباحا وأنا ممتلئة بشئ يتزايد مع كل خطوة من خطواتي ويدعوني للآخرين. في هذا اليوم كنت أكثر من التمعن في السحنات المقلوبة لوجوه المارين والمارات.
اليوم الثالث
لم تقدني قدماي لشارع جانبي قط ، كانتا ( تنهبان ) الشوارع الرئيسية نهبا ، عند تقاطع كبري النيل الأزرق مع شارع الجامعة رأيت جموع المتظاهرين الهادرة ، فكرت وأنا أنضم ، وجرعات الهتاف الحار تسري في جسدي فتعافيه: لهذا كنت أشعر بهذا الكائن الخرافي يتمدد في صدري يكاد يكتم أنفاسي ، كنت امرأة غاضبة ، تبحث عن غاضبين وغاضبات ، ليشكلوا بالآلاف ، حنجرة الهتاف الجماعية.
مارس 1985 ( يوميات )
حالة.. مظاهرة
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: rummana)
|
وبى المداخلة دى خلاص بكون اشركتكم معاى فى كل قراءاتى لرقية
واثنى اى كلمة قالتها الوالدة ... لقيتها عينها نجيضة والله يا صايم
وفعلا والداك
جسور
رقية وراق
العيد .. في بلاد العجائب!
طفقت أجد في أثر العيد هذا العام بعد أن فاتني يومه الأول لتوعك صحي . كنت تحوطت لأمر مهاتفة السودان منذ الوقفة تجنبا لمشكلة انشغال الخطوط يوم العيد ، ولكني أعدت محاولة الاتصال مرات وكرات في صبيحة العيد دون جدوى فأضفت لنفسي احباطا على زكام. لبس الصغار ملابس العيد ورافقوني لزيارات خاطفة للجيران المعيدين والمعيدات وغالبيتهم من السودانيين ، وبعد عودتنا واصلت المعايدات الهاتفية والاليكترونية وهتفت بالأطفال ليشتركوا في بعضها بمحادثة الأصدقاء والصديقات رغبة في استمرار مناخ عيدوي بالمنزل فأطاعوني مرة مرتين ثم تملصوا مني بالاعتذار واغلاق أبواب الغرف بلطف ، أعرف أن أنفاس الصعداء تتعالى خلفه ، فيما يتصاعد شوقي لمناخ عيد حقيقي في السودان ولا ينطفئ ، التقانة وحدها لا تروي . جبت أرجاء المسكن الصغير دون هدف ، لا أريد العيد مجزءا في خطوط التليفونات وأزرارالحواسب ، أريده قطعة واحدة ، مثل الكعكة البلدية ، بطعم وملمس ونكهة . كنت أريد أن أتذكر ، وكانت الذاكرة تعاندني ، والصور تتفلت حالما أضع يدي عليها . فجأة لانت قلاع الذاكرة وانفتحت ، وعلى هدي شاراتها أبصرت غرفة مريحة ينام فيها الزمان والمكان تنتظر التفاتتي، وهي تعبق بالتيمان والصندل والند ودوا الكعك والصلوات والضراعات ، الزمان يوم الوقفة والمكان منزلنا بالوطن ، سمعت وقع خطى أمي وشقيقاتي وبنات أختي وشعرت بحركتهن الدائبة في أرجاء المسكن الكبير ، وأبصرت وجوههن المتعبة المستبشرة ، وأصابعهن المعيدة ، تلمس كل ركن ، فتغسل وتكنس وتلمع كل ما يغسل ويكنس ويلمع في البيت وكأني بالعيد يتابع عناءهن المحتفل فلا ينبثق الا بعد أن تكتمل ذات الطقوس . رأيت صواني الكعك والبسكويت ، وشعرت بلذعة الشاي مع نصف البسكويتة المستطيلة المخططة المغموسة فيه ، يحرق نصفها اللسان ويسقط نصفهاالآخر في قاع الكوب ، ليغلظ قوام جرعة الشاي الأخيرة ويطيب.رايت بقايا السكرالمطحون الناعم على الملابس بعد قضم الكعكة بين صفي الاسنان الامامية ورايت شرائط العيد الملونة على الضفائر الملمعة بالدهان المنزلي. شقيقاي ومعهما ابن أختي مشغولان بأمر الملابس ، حذاء بخطأ في المقاس يتطلب ارجاعا ، ليه ما قستوا الحاجات دي من بدري يا اخوانا ، حضر عمي وحضر خالي وسيأتيان في الغد صحبة شقيقي وابن أختي بعد صلاة العيد ووصل الرحم القريب والجيران.
كنت في يوم الوقفة أحدد لنفسي مهمة بعينها وأنجزها باتقان يمنحني شرعية اختلاس وقت لمطالعة الكنوز التي تخرج بها للسطح حملات التنظيف الجبارة وكلما استشعرت في الأفق احتجاجا استبقته بالتذكير بالمهمة التي أنجزتها . ولكن من قال ان عمل ذاك اليوم يعرف المهام المحددة؟ كنت أقول ان الاعمال تخترع اختراعا في البيت حتى لو انتهت ، وكنت أدلل على ذلك بالاحوال التي يكون فيها وقفتان لو لم تثبت رؤية الهلال، اذ لا تقل الوقفة الزائفة عملا وتعبا عن الحقيقية . لو كان هناك أطفال ، كنت آتي جريا الى مكان أمي عندما أسمعها تقول ، بلهجتها التي لم تجفف الخرطوم قطرة من رحيقها:
_ ووب علي رقيي!
الووب لا يعني الا انني قد ضربت في مقتل . الووب يعني ان صفحة من كتاب أو مجلة قد مزقت او انتزعت من مكانها، أو أن طعاما أو شرابا قد دلق عليها. آتي ركضا ، ولم أك كثيرة البكاء ، ولكني كنت أنتحب ، كمحروقة حشا ، بالأيام على كتبي لو أصابها مكروه. كنت أعيش مع كل كتاب حياة خاصة منفصلة . ما رأيت كتاب " الجريمة والعقاب " ، الا وتذوقت طعم الفول السوداني والعسل في لساني. فقد أكملته وأنا أفوت الوجبات البيتية تباعا ، وأستعيض عنها بالسندوتش العجول .كنت أظن أن هذا التوليف العجيب بين الخبز والفول والعسل من اختراعي ، رغبة في اختصار الوجبات وتوفير الوقت لوجبة المطالعة الشهية . بعد سنوات وسفرات ، عرفت انه سندوتش محبوب جدا كوجبة افطار أو وجبة خفيفة عند الفرنجة ، مع تبديل العسل الى مربى الفواكه أحيانا ، ولكن الفول السوداني هو الأصل ، شوف بالله!
خبز دافئ أو حار ، أحمر اللون ، أرافق شقيقي أحيانا لاحضاره من ( طابونة ) الشعبية . رغيفة مستديرة ، أو مستطيلة ، بحواف تترك آثار رقاقها البني على ملابسي وأنا ألتهم الكتاب معها ، مائدة عظيمة للجسم والروح.
في ركن أضاءته شمس ظهيرة لونتها ملابس العيد وأوراق الحلوى اللامعة المتناثرة ، رأيت مقعدي الذي صنعته لنفسي من أربع قطع من طوب أحمر ، جلست فوقه ، يوم عيد ، في سوق الشعبية ، قرب بائع يبيع مشروبا أحمر اللون ، لعله الكركدي أو الفراولة، من قدر المونيوم كبيرة ولامعة، من النوع الذي يحفظ فوق أسطح ( فضيات ) المطابخ ، ولا يستخدم الا في المناسبات المنزلية الكبيرة . ، وكانت هناك ابنة البائع ، في مثل سني، تساعده في البيع . كنت أصطحب شقيقتي التوأم فنزور عمي وأسرته بالشعبية ، ثم ينطلق جمعنا الصغير نحو الأراجيح التي كانت تحتل مساحة كبيرة قرب السوق . كانت الابنة مستقرة في مكان واحد بحكم مشاركتها أبيها في مهمته، عكس حركة بقية الأطفال ، وكان يستقر فوق مائدة بيعهما كتاب في حجم ( الألغاز) الذائعة الصيت في أيام طفولتنا . طلبت من الصديقة الجديدة أن أرى الكتاب ، الملون الصفحات ، المغلق الغلافين على جوعي لالتهامه ، صفحة صفحة ، وكلمة كلمة . وافقت بأريحية ، وخلال دقائق كان مقعدي جاهزا .أكتفيت من مهمة مراقبة الجمع الأسري الذي كنت أكبر من فيه ، بسماع الأصوات من بعيد، أسمع ضحك التومات وصياحهن وهن يطرن عاليا في أرجوحة بمقعدين ، يستلم صاحبها ثمن التأرجح ، ويدفع سلالسلها الحديدية بيديه ، ويعلن عنها ، كل هذا في وقت واحد . كانت صيغة الاعلان المرحة تتصاعد تدريجيا : الجو .. الجااو .. الجاااااووووو!
كانت العيدية غير المتوقعة التي نفحتني اياها ابنة با ئع العصير هي كتاب ( أليس في بلاد العجائب ). ناس تصغر وتكبر في لمح البصر ، بحيرة الدموع التي عرفت ، بعد سنوات طويلة ، ان الانسان يمكن أن يسبح فيها فعلا ويعبر الى شواطئ أخرى . أوراق الكتشينة تتحول الى شخصيات حية ، جنود يحرسون شيئا بالسيوف ، الأرنب المتوتر ينظر في ساعته وآخر أهميات ، يذكرني بأحد المعارف ، كان يرد على دعوة تناول الشاي بعبارة : ما بقدر ، أنا في حالة سباق مع الزمن ! وكانت( قندفته ) المكرورة تغيظني حينها ، ولكن الأرنب لا يغيظني ، فسباقه مع الزمن كان يشبه سباقي لأستكمل مطالعة الكتاب المستعار، وأحداثه تتابع حيوية ، مشوقة وكذا ضجة العيد في الساحة الخفاقة .
هادم ملذات ، لا أتذكر ان كان شخصا أوحدثا ، دفع بالطفلة لاستعادة كتابها مني قبل وصولي نهاية القصة ، أي حزن وأي خيبة أمل.
لو قرأت كل النسخ ، العربية والانجليزية ، لو اعتصرت كتبها ، باحجامها الصغيرة تلك ، بين يدي ، حتى سالت حروفها ماء ، ما روى ذلك ظمأي . أريد تلك النسخة ، وأنا أجلس فوق مقعد الطوب القاسي ، قرب بائع العصير الأحمر وابنته ، أريد تلك الظهيرة الملونة في ميدان الشعبية الكبير الضاج ، أريد العيد الذي صارت أليس وعجائبها خلفية مجنونة الخيال له ، هكذا هتفت بالذاكرة ، ملء الشوق والحنين ، فهيأت لي غرفة ، بسطت ملاءاتها الملونة فوق أسرة الأشجان، وعطرت نسائمها برائحة الأهل والأحباب . غرفة أدفأتها تلك الظهيرة العيدية، بسوق الشعبية ، وأدخرتها الأعماق على مدى الأعوام ، لصباح عيد في مهجر بعيد ، وسداد ثغر!
العيد..في بلاد العجائب!
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: محمد عبد الماجد الصايم)
|
أهليييين وسهلين ود الصايم يا ملك وجارتكم الجديدة الراقية رقية وكل ضيوفك الأحباب و.... عزيز بشاشا القارئ
من شويتين جاتني رسالة في الفايس بوك يا قول صديقنا غريبة من زولا عزيز نبهني لبوست في المنبر.
جيت عملت بحث بإسم الصديق. قلبت المنبر ده بيت بيت، شارع شارع، زنقة زنقة ما لقيته. أها مشيت للحضور. لقيت صاحبي زاتو مافي. جيت راجعة بهنا ولقيت إسمي مكتوب.. ومع رقية كمان.. يا للسعد
هسع الساعة واحدة وعشرة دقايق ص (ماضي ساعة ودرجين على قول أهلنا التوانسة).. خلي الصباح يصبح وأجيكم برواقة لو ربنا مد في الأجل..
ميرسي على البرقية الحلوة.. بيني وبينك وبين ود البشرى. الكلام الكبار ده خلعني أنا زاتي
تحاياي
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: Raja)
|
العزيز ود الصائم
العزيزات والأعزاء الماليات والمالين البوست جمال وعذوبة،
تحايا ومحبة وشوق
أول شي خلوني أسلم هنا على الوالدة الحبيبة فتحية وصدقوا أهلنا لما قالوا القلوب شواهد. الله يحفظا ويمتعنا بوجودها الحاني وسطنا .اتشرفت وسعدت بلقاء الوالدة الغالية في الاسابيع الماضية واتكلمنا من القلب , حتى برطمانيات ود الصايم الاشتكى منها في بوست الحبيبة تيسير عووضة!ياخ سودانيز اون لاين دي دنيالايجب التفريط فيها أبداوالوالدة اتكلمت باعزاز عن اصدقاء ود الصايم فيها. تهاني أخت ود الصايم أخت
عزيزة معاناواولادنا وبناتنا في مركز رياضة واحد وبرضو معلومة انها اختك يا محمد زادت الرابط . الوالدة جيتا خدرا علي مدينتنا وجات معاها مناسبات مفرحة ، غايتو تهاني مع الصغاروأنا خالتي فتحية يقينا فردددد.
الله يديها العافية والبوست دا على شرفاوانتوليكم المعزة العارفنهاعندي ليكموويا رجوية أنا أسعد والله بجمعتنا دي وبالحيل فاقداك.
دينا خالد أخف وألطف دم ياخ، عندي معاك كلام وتقدير كبير. ما نسيت رمانة ولا كتاباتهاأبدا.جاية لباقي الجمال دا ياخي.
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: رقية وراق)
|
تحياتي للجميع
| Quote: يا سلام ياخ ذكّرتنا ايام بيتكم بي وين يا عينيا و اكبر عمة لبسوها بورداب الإمتداد في تاريخم |
هاهاهاهاهاهاها و الله كانت أيام ياخ ,
و للا النفير العام الاتعمل لجمع الـ ليركس بتاعت أغاني مصطفى سيد أحمد قبل ما ينكشف المستور
ده غير صور البروفايلات الاتغيرت و الناس الاتكسرت ......
ياخ و الله البورد ده بالجد فيهو تحف و بالجد ارشيفو زاااااخر
غايتو ربنا يكملنا بالستر و العافية
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: دينا خالد)
|
ود الصايم ازيك وكل المعاك تحايا صادقات
رقية وراك وما ادراك مارقية عوالم عجيبة واديبة هادئة
وحنينة لاقيتها فى جامعة القاهرة الفرع منذ زمن بعيد
مؤمنة مناضلة حقيقية اتذكر معها المنتدى الادبى
وحميد (ربنا يرحمه ) وشقل
ومحمد مدنى وعادل عبد الرحمن وسلوى سعيد وامانى الجندرية
ياخى فتحت طاقة ذكريات حبيبة للقلب
رجاء عرفتنى بها الاسافير ولم التقيها لكن احس بانى اعرفها منذ اعوام بعيدة
بنات بلدى ديل برفعوا الراس ياخى
خالتى فتحية (امك عينها مبالغة الله يخليها ليك
يا ناس اعملوا لينا حملة ارجاع لى ناس كتاااار للبورد عشان نسعد بيهم
ود الصايم شكرا كتييييييييير ياخى
| |
|
|
|
|
|
|
|
|
 Re: برقيّات .. إلى: رقـيّة وراق ورجاء العباسي .. وآخرين!! (Re: حاتم الياس)
|
يا "حبيبو البورض"
التحايا عبرك موصولة لصديقاتك القدامى ولصديقاتك الجدد ، وأخص هنا رقية ورجاء
وسيزدان البورد "حتمآ" بإطلالتهن ، وستعود للمنبر روعته القديمة ديك وألقه المندثر.
وسلامات كتيرة لأمنا أمك ..
-
صاح والله بقيت مسخف شديد ، أظن من صاحبت المثقفين
والمثقفات ديل، لمممن بوستاتك بقت مرفوعة في العلالي!!
-
يا حاتم الياس المسقف "وبدون إقتباسات" بقيت تجليها كدا مالك؟
صاحبت غير المسقفين ولا شنو؟!! أعد القراءة ثم أعد!
التحايا لكم أجمعين
_
.
| |
|
|
|
|
|
|
|
|
|
Re: برقيّات .. إلى: رقـيّة وراق ورجاء العباسي .. وآخرين!! (Re: صلاح عباس فقير)
|
سلام يا ود الصائم
ياخى تعبت من الخور ارجو ان توصل هذه الرساله للزول الفى بالى وبالك
الرساله هى (cgZbQ1EXDekT85Lj6/n8WOaUlheGFM+EJidgP3bGxIZazJ7MtgFFwfwg
KQzi7HOLNvYs9LblzWLETHxJ78LOZF+CYRaH6BzAm
7KIQD7gu/FX0SfS9NFBNcOixVPdYx/J3fieB8Pj+v3AtpbWVgFFhqkz
pJvUZjAM5dN2HpP9CpQSLopETmqW5joP/qXuUdBFpckgYPFwp0V8oas
Wp3bBt+ZlGrmp39TiAPYWDkp/RCvbQaQB/laVVsAdtXj913K5/
ObBmAXe0/PoDMTeCaJnwFotehIF6L4/qI8
ipscs4xAyt0byuHFaJJsWPuoI6Y5YX2srw2N69szXoSc6jS0s8A==)XXX من الشمال لليمين
ومن غير فط سطور
و يحذف ال تلاته X فى النهايه معاها القوسين
التعديل اشان الرساله فتلت البوست و اشان البورد بتعامل ب غرابه مع الانجليزى و العلامات
اما المفتاح رسّل لى ايميلك فى الخاص اشان تصلو المعلومه وقوول ليهو على الرغم من محتوى الرساله يفضى لينا جزو من وكتو
(عدل بواسطة Amin Salim on 06-06-2012, 04:49 AM)
(عدل بواسطة Amin Salim on 06-06-2012, 05:10 AM)
(عدل بواسطة Amin Salim on 06-06-2012, 05:14 AM)
(عدل بواسطة Amin Salim on 06-06-2012, 05:36 AM)
(عدل بواسطة Amin Salim on 06-06-2012, 05:37 AM)
(عدل بواسطة Amin Salim on 06-06-2012, 05:40 AM)
| |
|
|
|
|
|
|
| |
محمد عبد الماجد الصايم
ABUHUSSEIN
حافظ انقابو
محمد البشرى الخضر
حمد عبد الغفار عمر
Muna Khugali
محمد كابيلا
Siham Elmugammar
بشير دفع الله
محمد عبدالرحمن
طارق جبريل
Elawad
مها عبد الله
smart_ana2001
خالد العبيد
Sinnary
محمد عبدالرحمن محمد
حبيب نورة
عاطف عمر
أبو ساندرا
Yassir Tayfour
rummana
ابو جهينة
دينا خالد
قيقراوي
عبد المنعم سيد احمد
Raja
غباشي
ناذر محمد الخليفة
حاتم الياس
Hadeer Alzain
محمد سنى دفع الله
Amin Salim
جعفر محي الدين
فيس بوك
تويتر
انستقرام
يوتيوب
بنتيريست