Quote: تحياتي للجميع وتمنياتي لهم بحياة سعيدة وبنجاح الأبناء. ربنا يعين (س) وييسر لها ما هو أصلح. استفسار: هل ثقافة ضرب الزوجة منتشرة في السودان؟ على حسب علمي ونطاق معرفتي تغيب هذه الثقافة بشكل شبه كامل . طبعاً السودان واسع وكبير وثقافاته مختلفة. هل يفيدنا أحدكم بإجا بة؟
Re: مُشكلة حقيقية : زواج الأبناء والبنات .. في بلاد الشتات ! المداخلة كتبها الأخ الكريم هاني.. ولعلي أستطيع أن أدعو بالنيابة عنه الاخوة والأخوات الاعضاء للنقاش خاصة عضوات "لا لقهر النساء" والاخوة القانونيين ممن عملوا بمحاكم السودان أو لا زالوا يعملون..
09-02-2012, 10:26 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
علي ما أعتقد ثقافة ضرب الزوجات دي عندنا كمجتمع سوداني تكاد تكون معدومة لو قسناها بباقي شعوب المنطقة التي حولنا ، مع أني لم أعش التجربة لكن من وجهت نظري وبالدارجي أي رجل يضرب زوجتة ما راجل . نعم الحياة الزوجية لا تخلو من المشاكل والمناكفات لكن لو أستعصي علي الحل زي ما تزوجتها معززة مكرمة من منزل أبيها أرجعها معززة مكرمة . ، لكن ضرب الزوجات ليس من شئم الرجال.
09-02-2012, 11:46 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
ممكن نقول إنو السودان ما فيهو ما يمكن تسميته بثقافة ضرب الزوجات إذا إعتبرنا إنو كلمة ثقافة هنا قاصدين بيها عادات وسلوك منطقة جغرافية بعينها، يعني أنا ما سمعت أو شفت تنميط بيشير لإنو رجال المنطقة/القبيلة المعينة دي قاعدين يدقوا نسوانهم ..
لكن أقول ليك كلام غريب جداً !
ثقافة ضرب الزوجات عندنا ما بتنسب للجغرافيا بقدر ما بتنسب للأجيال .. أجيال السبعينات والتمنينات - بغض النظر عن إنتمائهم العرقي أو الجغرافي - منتشرة بينهم ثقافة ضرب الزوجات بشكل أكبر مقارنة بالأجيال التي سبقتهم أجيال آبائنا وأعمامنا الكبار كلامي دا نتيجة أو محصلة خلصت ليها بعد ملاحظة ومعايشة وإفادات واقعية من خالي شقيق أمي محامي ومعايش لقضايا الأحوال الشخصية وهو قبل ما يكون خالي صديق حميم لي وكتير جداً إتشاركنا النقاشات والآراء حول الموضوع دا تحديداً وغيرو من القضايا البتمس وضع المرأة القانوني والشرعي
نسبة كبيرة جداً من قضايا الطلاق السبب الرئيسي فيها الإعتداء الجسدي على الزوجة أو العنف المنزلي إن جازت التسمية ونسبة كبيرة جداً جداً من الأزواج المشتكى عليهم ديل من أجيال الفترة القلتها فوق دي ..
ما محتاجين طبعاً نقول شنو سبب الردة الحضارية الحصلت للمجتمع السوداني ..
09-02-2012, 12:33 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلامات رمانة و شنو المواضيع الغم دي و الدنيا اول شهر
طيب يا تيسير انتي قلتيها : نسبة كبيرة من قضايا الطلاق سببها الضرب, يعني المراة ترفض الضرب و القضاء يعتبره احد الاسباب التي تبيح الحكم بالطلاق يعني الضرب في حد ذاته غير مقبول - حتى مع انتشاره وتزايده - ويعتبر حدث شاذ و معيب للراجل لو ارتكبه وللمراة لو قبلت بيه سمعتي بقصة المصرية البتحمي جاراتها النوم كل يوم بسبب الصراخ و العويل من جراء ضرب زوجها لها لما قالوا يتلموا ويمشوا يتكلموا معاها قالت ليهم "جوزي و بأدبني فيها و انتو مال اهاليكو!" ديل عندهم ممكن نقول الضرب ثقافة و شي مقبول
09-02-2012, 01:49 PM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3565
واجابتك -جات في جرح - حيث كنت أفكر مثلك (وإن كان في إطار مختلف بعيد عن الضرب) حول جزئية الأجيال. أظن ان الجيل الذي نشأ بعد الاستقلال بفترة قصيرة أو حضر آخر أيام المستعمر له ضلع في كثير من المشاكل الاجتماعية والاقتصادية والسياسية. ما رأيك؟
09-02-2012, 12:23 PM
rummana rummana
تاريخ التسجيل: 02-05-2002
مجموع المشاركات: 3537
Quote: علي ما أعتقد ثقافة ضرب الزوجات دي عندنا كمجتمع سوداني تكاد تكون معدومة لو قسناها بباقي شعوب المنطقة التي حولنا ، مع أني لم أعش التجربة لكن من وجهت نظري وبالدارجي أي رجل يضرب زوجتة ما راجل . نعم الحياة الزوجية لا تخلو من المشاكل والمناكفات لكن لو أستعصي علي الحل زي ما تزوجتها معززة مكرمة من منزل أبيها أرجعها معززة مكرمة . ، لكن ضرب الزوجات ليس من شئم الرجال.
عادل الباهي عبدالرازق سلامات شكرا على الرأي هذا ما أسمعه وأقرأه من الرجل السوداني.. البضرب زوجته ما راجل... لكن مرات الكلام شي والواقع شي تاني لذلك دعوت القانونيين وعضوات لا لقهر النساء للمشاركة... هل يعتبر الرجل السوداني "الكف" ضرب ولا بس حاجة على خفيف قابلة للنسيان والتجاوز ولا تصلح لادخالها من ضمن ما يسمى بالعنف المنزلي .. السؤال طرح في البوست المذكور بعد أن ذكرت فيه أحدى السيدات بأن زوجها ضربها كف... سؤال مهم جدا ...هل تحكي النساء اللاتي تعرضن للضرب "بأي صورة كانت" عن تجاربهن للآخرين...؟ أم يسكتن عليها من باب سترة الحال...؟ أو ربما خجلا من أنهن تعرضن للضرب ، خاصة لو كن لا زلن متزوجات من نفس الزوج؟ وهل يستطيع الزوج أن يقول أمام الغير إنه ضرب زوجته؟
09-02-2012, 12:28 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: ممكن نقول إنو السودان ما فيهو ما يمكن تسميته بثقافة ضرب الزوجات إذا إعتبرنا إنو كلمة ثقافة هنا قاصدين بيها عادات وسلوك منطقة جغرافية بعينها، يعني أنا ما سمعت أو شفت تنميط بيشير لإنو رجال المنطقة/القبيلة المعينة دي قاعدين يدقوا نسوانهم .. لكن أقول ليك كلام غريب جداً ! ثقافة ضرب الزوجات عندنا ما بتنسب للجغرافيا بقدر ما بتنسب للأجيال .. أجيال السبعينات والتمنينات - بغض النظر عن إنتمائهم العرقي أو الجغرافي - منتشرة بينهم ثقافة ضرب الزوجات بشكل أكبر مقارنة بالأجيال التي سبقتهم أجيال آبائنا وأعمامنا الكبار
الأخت تيسير سلامات مداخلتك فيها كلام مهم عندي عليه تعليق.. بجيك بعدين برواقة.. شكرا لك على المشاركة
09-02-2012, 12:39 PM
rummana rummana
تاريخ التسجيل: 02-05-2002
مجموع المشاركات: 3537
تحياتى (شعوب السودان ) مختلف فيها وضع المرأة تماما..وبالتالى نظرة المجتمع فى التعامل مابين الجنسين!!!بعض المجتمعات يتم فيها التعامل مع المرأة ككائن (مطيع)!!! طالما ان السلوك موجود فمن الخطأ التعميم والهروب الى الدين للتسويف !!! هل يوجد فى بعض شعوب السودان من يقبل ضرب المرأة !!! الهروب للأمثلة الشعبية احيانا مريح جدا فى مثل هذه الحالات!! kofi
09-02-2012, 12:51 PM
Hisham Ibrahim Hisham Ibrahim
تاريخ التسجيل: 02-19-2006
مجموع المشاركات: 3540
عن ضرب الزوجات صعب يكون عند شعوب السودان ثقافة بالشكل ده للمكانة والاحترام البتتمتع بي المرأة في مجتمعات السودان المختلفة , غايتو ده الشي العرفناهوا
***
معاملة ما فيها ضرب بس غريبة شديد قبل مدة لاقتني والدنيا قبائل عيد كنا في سوبر ماركت بشتري مع زوجتى إحتياجاتنا لفت نظري سوداني ( في سن نضج ... ما صغير ) مع كده فجأة وبخ زوجتوا وبصوت عالي وكأنها وأحدة من عيالوا, الكويس انها طلعت زولة عاقلة هدتوا ولمت الحكاية سريع , حسب كلاموا السمعتوا غصب عني لانوا كنا قراب ولانوا بتكلم بصوت مرتفع السبب لزعلتوا دي (( هائف )) للحد البعيد وما بستدعي الهيجة ورفع الصوت ..... الحيرني حتى لو دي معاملتوا وطريقتوا أبسط قواعد الذوق مفروض يكون بفرق بين التصرف في بيتهم من التصرف في المحل العام ...
كلنا في غربة ومشاكلنا كتيرة وضغوطنا كبيرة وده بخلى الناس تتعامل بضيق , غايتو ده العذّر الختيتوا في بالى لتصرف الزول ده .. غايتو ربنا يعين أسرتوا لو ده أسلوبوا العادي في التعامل
تنقلت في مدن كثيرة جدا بحكم عمل الوالد ولم ار اواسمع قط زوجة يضربها زوجها ولكن في الآونة الاخيرة سمعت قض والغريبة والضحايا في قمة التعليم وجهة نظري في جيل امهاتنا اخوانهم والذكور في العائلة يشكلون حماية كبيرة لمن يليهم من النسا ء الان صارت المرأة مستقلة والاسرة لا تعيش جماعيا صار الرجال ينفردون بالنساء خاصة في الغربة غالبيةمن سمعت بحالتهم عادة الرجل من متعاطي الخمور وتبقى المرأة مع جلادها لانها لا تريد ان تعود الىالسودان يجب ان نربي في بناتنا الاعتداد بالذات ونعلمهن وندعمهن حتى لا يعشن كضحايا صامتات مأحزن هذا اي رجل يضرب زوجته يحتاج الى علاج
09-02-2012, 02:16 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
تحياتي للجميع قصة حدثت في الشهور الماضية وكنت شاهدا عليها (س) فتاة سودانية في كامل سودانيتها تزوجت من زميل دراسة والاثنان أطباء الزوج كان رجلا غيور جدا ولا يحتمل أن تنظر زوجته أو تتحدث أو تبتسم لأي رجل ثاتي مهما كان شكل علاقته بها من الأسرة .. من العمل أو من أي جهة أخرى ,, وذلك ليس لقناعات دينيه من الزوج بل .. كدا بس .. رجالة وحمرة عين تحملت الفتاة المسكينة عاما كاملا من الضرب والإهانة اليومية وهنا أعني الضرب المبرح .. المؤذي لم تضع رأسها يوما على وسادة النوم وإلا بللتها الدموع .. لم تستطع أخبار والدتها أو والدها لأنهما مغتربين بأحدى دول الخليج وهي أكبر الأبناء والبنات في أسرتها الصغيرة .. لا أخ تلجأ إليه ولا أخت تسر لها بحاالها ولم تشأ في نفس الوقت أن تزيد من مرارات الغربة لأمها وأبيها أحتملت عاما كاملا لا لشئ ولكن لجذوة أمل في أن ينصلح الحال ويعود يوما كما عرفته ذلك الشاب المهذب الخجول في رأس السنة الماضية .. وهي مناسبة يحتفل فيها معظم سكان العاصمة بالخروج والسهر مساء لم يتخلى هذا الزوج عن عادته في ضرب وإهانة (س) طلبت منه أن يخرجا سويا كبقية خلق الله ولو حتى لشارع النيل .. رفض كما هو متوقع .. ولكن استأذنت منه أن تخرج مع خالتها (شقيقة امها) وبناتها فقط وافق الزوج على مضض وذهب بنفسه وأوصلها بيت خالتها في أركويت .. بعد الواحدة ليلا أتصل بها هاتفيا وأخبرها بأنه عائد ليرجعها .. وافقت وبالفعل عاد بها للمنزل .. وهنا كانت رحلتها الى الجحيم .. ومع الجحيم هيمسلف في طريق العودة للمنزل لم تتوقف أسئلة الزوج عن الاسئلة ذات الطابع التشكيكي لاقيتو منو ؟؟ أها وفي كم زول شاغلك في الشارع وليه مشيتو الحتة الفلانية تحديدا ؟؟ لقيتي زول بتعرفيهو هناك ..و و و و وهي كلها اسئلة في غاية الاستفزاز والتشكيك ثم تحولت الاسئلة الي لطم وركل في الوجه والبطن وأعلى الصدر ومحل ما تجي تجي وكل هذا وهي تصرخ بأعلى صوتها مستنجدة بأي أحد .. في تلك الساعة من الليل كانت سيارة الزوج تسير في شارع الزراعات وهو شارع يربط بين الحاج يوسف ومناطق الدروشاب والسامرات ... في العادة لا يكون الشارع مزحوما بالعربات وتحديدا في هذه الساعة من الليل بعد أن أشبعها لطما وركلا وألفاظ نابية ما كان منه إلا فتح باب عربته وألقى بها في ذلك المكان الموحش
وجدها سائق أمجاد بالصدفة ملقية هناك لا تقوى حتى على الوقوف على قدميها وبشيء من شهامة - عبثا نقرنها بالسودانين - أخذها لأقرب مستشفى هناك
09-02-2012, 03:37 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا محمد دي قصة غاية في الغرابة و الشذوذ لا يمكن ابدا اخذها كقاعدة الوم بطلة القصة و الوم اي امراة تصبر دقيقة واحدة على اي اهانة حتى لو لفظية فقط يمكن للحياة تستمر بدون حب - العشرة بتؤدي الغرض - لكن مستحيل استمرارها بدون احترام
09-02-2012, 03:41 PM
Afraa Sanad Afraa Sanad
تاريخ التسجيل: 05-18-2009
مجموع المشاركات: 1751
Quote: ثقافة ضرب الزوجات عندنا ما بتنسب للجغرافيا بقدر ما بتنسب للأجيال .. أجيال السبعينات والتمنينات - بغض النظر عن إنتمائهم العرقي أو الجغرافي - منتشرة بينهم ثقافة ضرب الزوجات بشكل أكبر مقارنة بالأجيال التي سبقتهم أجيال آبائنا وأعمامنا الكبار كلامي دا نتيجة أو محصلة خلصت ليها بعد ملاحظة ومعايشة وإفادات واقعية من خالي شقيق أمي محامي ومعايش لقضايا الأحوال الشخصية وهو قبل ما يكون خالي صديق حميم لي وكتير جداً إتشاركنا النقاشات والآراء حول الموضوع دا تحديداً وغيرو من القضايا البتمس وضع المرأة القانوني والشرعي
نسبة كبيرة جداً من قضايا الطلاق السبب الرئيسي فيها الإعتداء الجسدي على الزوجة أو العنف المنزلي إن جازت التسمية ونسبة كبيرة جداً جداً من الأزواج المشتكى عليهم ديل من أجيال الفترة القلتها فوق دي ..
ما محتاجين طبعاً نقول شنو سبب الردة الحضارية الحصلت للمجتمع السوداني ..
الاستاذة تيسير اشارة الي جزئية مهمه جداً فيما يخص ثقافة ضرب الزوجات المروبطه بالجيل ,,, و اعتقد هنا مربط الفرس . هنالك نقطه اخري اتمني افادتي فيها فيما يخص الصوره و الهويات المختلفة للمرأة السودانية و مدي تاثرها بثقافة الضرب . مشكورة الاخت رمانه و ضيوفها تحياتي
يوجد ضرب الزوجات, خفيف و مبرح, قديما و حاضرا ان كان هناك من يرمى زوجته بماء النار الحارق المميت: فالضرب حينئذ رشة عطر او رفيف اقحوانة على الخد او الشعر المشكلة ليست فى الضرب وحده المشكلة فى صمت المضروبات المطبق الامر الذى يحرمها من عون الاخرين, و يستديم عنف الزوج عليها حيث يامن من يراجعه او يرد له الصاع الزوجة المعتدى عليها تصمت لاسباب عديدة: املا فى (انصلاح) حال الزوج الفقر و عدم وجود من يعين ان طلبت الطلاق, خصوصا ان الازواج الضاربين يتخلون اول ما يتخلون عن الاطفال وصمة الطلاق المعروفة فى مجتمعنا تقبل المجتمع و لو فى حدود ضيقة لفكرة اساءة معاملة المراة كجق (مكتسب) للذكور
امر اخر: هل الضرب وحده هو الاساءة الوحيدة التى تلحق بالمراة ام هناك ضروب اخرى من العنف فى مرارة الضرب و ربما اشد؟
09-02-2012, 05:06 PM
rummana rummana
تاريخ التسجيل: 02-05-2002
مجموع المشاركات: 3537
محمد البشرى محمد أبو العزائم أبو الريش أحمد خليل Hisham Ibrahim عبد الناصر الخطيب د. نجاة محمود Hani Arabi Mohamed ناذر محمد الخليفة محمد عمر جبريل Afraa Sanad اسعاد محمداني... سلام وشكرا على القراءة والمشاركة..
الأخ هاني لك التحية
Quote: واتابع معك الاجابات واستأذنك في أن أشارك معك في الحوار والتعليق على بعض المشاركات.
ده كلام!! البوست مشاع للجميع بدون استئذانات...خد راحتك للنهاية..!
القراء الكرام شاركونا بآراءكم وربما تجاربكم...هذا الموضوع مهم ومن المواضيع التي فيما يبدو لي البعض مغيب عن حقيقتها وحجمها في المجتمع السوداني خاصة في الوقت الراهن... ومع التوجه "الحضاري" الاسلامي للدولة والمجتمع..! البعض يقول أن من يعتدي على زوجته مريض... لعل هناك وجوه أخرى للمشكلة غير "المرض".. [email protected]
09-02-2012, 05:47 PM
rummana rummana
تاريخ التسجيل: 02-05-2002
مجموع المشاركات: 3537
الأخت تيسير جيل السبعينات والثمانينات تميز بالانفتاح والافكار الجريئة والتفوق الاكاديمي "النسائي".. في أوائل التمنيات أو أواخر السبعينات كان عدد البنات الدخلوا كلية الطب في جامعة الخرطوم أكبر من عدد الاولاد... وإزداد بصورة ملحوظة عدد البنات في كليات زي الهندسات (وكانت شبه محتكرة للطلبة الذكور) وكلية طب الاسنان والقانون...وزاد عددهن في قوائم أوائل الشهادة....وعددهن كموظفات ومهنيات .. اعداد كبيرة منهم سافروا للدراسة بالخارج في مصر والعراق وسوريا والمغرب ودول اوروبا الشرقية...(يؤسفني أن اقول ان ده كان يسمى جيل مايو) .. تميزت تلك الحقبة بخصوبة فكرية ثقافية وربما سياسية كما بدأت الحملات ضد الكثير من العادات والتقاليد المجتمعية كغلاء المهور وعادات الزواج الأخرى التي تتميز بالاسراف في الصرف، وحصر التصاهر داخل العائلة أو القبيلة /المدينة أو الاقليم .. وبدأت محاربة الخفاض الفرعوني بصوت عالي...وكثر سفر المرأة في مجال العمل بالاضافة للدراسة... يعني باختصار صار عند المرأة السودانية رصيد من الأفكار والتجارب المتنوعة المتراكمة كانت نتيجته استقلالية كبيرة في الرأي واحساس بضرورة التعبير عن هذه الاستقلالية.. ومن ضمنها كيفية ادارة المؤسسة الزوجية.. إذا نساء هذا الجيل معتدات بأنفسهن بشخصياتهن وآرائهن .. (يعني زي ما قال أحدهم بغيظ :لازم يكون عندهن رأي في الصغيرة والكبيرة)... احساسهن بالندية عال... ورغم إنه في المقابل نفس الجيل من الذكور كان متعايش ومتجانس مع شخصية المرأة المعتدة بنفسها بصورة جميلة (في الغالب).. لكن يبدو أن التعايش اليومي في البيت مع زوجة بتلك المواصفات يصبح مرهق جدا بالنسبة للأزواج...لان كثير من الرجال لا يطيقوا أن تتم مناقشتهم في كل شيء أوأن تتدخل زوجاتهم في كل ما يفعلوا أو يخططوا... لأنهم بحكم التنشأة وموروثات مجتمعنا السوداني ، الرجل هو قائد الاسرة بدون منازع أمام الله والمجتمع..!! والمشاركة الصارخة في القيادة بالضرورة تؤدي في النهاية لمواجهة ومشاكل قد تصل إلى الطلاق الفعلي أو الطلاق "بالنوايا" وهوتعبير استخدمه الاخوان في البوست الأصلي.. إذا أضفنا للندية وعدم رغبة الزوجة في التنازل عن رأيها أو تجنبها للمواجهات "العنيفة" ومن جهة الزوج الضيق من تلك الندية مشكلة زي شراب الخمور أو الضغوط الحياتية (وأحيانا بزيادة الغربة).. سنجد أن الضرب يمكن أن يحدث: ضرب مبرح، كف، دفع، جذب، شد ملابس مرة أو مرات... كلها في النهاية تصرفات تحسب من ضمن العنف أو الاعتداء الجسدي... فيما يبدو أن هذا الجيل رغم تميزه اتخلقت معاه مشاكل متعددة ... حتى مشاكل شباب اليوم برأيي لهم يد فيها .. والله أعلم
لا اجد التسمية بجيل مايو مناسبة. فضباط مايو كانوا حفنة عساكر لم يكن يهمهم الا دوام حكمهم و لم يكونوا يتدخلون كثيرا فى كل شئون المجتمع التى لا صلة لها بالسياسة (لم يكن عندهم وهم مثل وهم الانقاذ باعادة صياغة الناس) و فى اللحظة التى حاولوا التدخل فى شئون المجتمع بعد قوانين سبتمبر لم يمهلهم الاجل طويلا
09-02-2012, 06:09 PM
rummana rummana
تاريخ التسجيل: 02-05-2002
مجموع المشاركات: 3537
Quote: سلامات رمانة و شنو المواضيع الغم دي و الدنيا اول شهر
محمد البشري...ماكان في مشكلة يعني لو كتبته أول أمبارح؟
Quote: طيب يا تيسير انتي قلتيها : نسبة كبيرة من قضايا الطلاق سببها الضرب, يعني المراة ترفض الضرب و القضاء يعتبره احد الاسباب التي تبيح الحكم بالطلاق يعني الضرب في حد ذاته غير مقبول - حتى مع انتشاره وتزايده - ويعتبر حدث شاذ و معيب للراجل لو ارتكبه وللمراة لو قبلت بيه سمعتي بقصة المصرية البتحمي جاراتها النوم كل يوم بسبب الصراخ و العويل من جراء ضرب زوجها لها لما قالوا يتلموا ويمشوا يتكلموا معاها قالت ليهم "جوزي و بأدبني فيها و انتو مال اهاليكو!" ديل عندهم ممكن نقول الضرب ثقافة و شي مقبول
خلاص ما ثقافة.... لكن ما عايزنها تتحول إلى ثقافة... إذا عدد حالات الطلاق (في المحاكم) وهي عمليا لا تشكل إلا نسبة ضئيلة من الطلاقات خارج المحاكم - بسبب الاعتداءات الجسدية في زيادة ملحوظة...فده مؤشر يصلح في الاتجاهين: رفض المرأة للعنف وتأكيدها على حقها في "التسريح" ولو بأمر المحكمة...أو ازدياد الحالات بصورة أصبحت تشكل عبء على الموروث السوداني الخالي من ثقافة الضرب! (حسب رأي البعض) المصريين ديل مرات بحن عليهم من رأينا فيهم..! القال منو ضرب الزوجة ثقافة عندهم؟ ذكرتني مقطع كده بجيبوه في الام بي سي من مسلسل: واحدة بتقول للتانية الراجل مش تناقشيه لكن تلاعبيه أو كما قالت... شديدات المصريات يا عزيزي بعرفوا تمام كيف يتصرفوا ..:).. أما بناتنا، فالواحدة إما تسكت أو تناقش وتواجه وهي مطمئنة إنها يا إما مسنودة بحماية الأهل أو بموروث يرفض ضرب الزوجات..!
09-02-2012, 06:57 PM
rummana rummana
تاريخ التسجيل: 02-05-2002
مجموع المشاركات: 3537
Quote: شعوب السودان ) مختلف فيها وضع المرأة تماما..وبالتالى نظرة المجتمع فى التعامل مابين الجنسين!!!بعض المجتمعات يتم فيها التعامل مع المرأة ككائن (مطيع)!!! طالما ان السلوك موجود فمن الخطأ التعميم والهروب الى الدين للتسويف !!! هل يوجد فى بعض شعوب السودان من يقبل ضرب المرأة !!! الهروب للأمثلة الشعبية احيانا مريح جدا فى مثل هذه الحالات!!
تحياتي أحمد خليل (كوفي) مداخلتك دي عايزة تفصيل مش؟ اذا لم تخني الذاكرة، في سنة ما واحدة من المحاكم في غرب السودان قررت رفض تطليق الزوجة بناءا على طلبها المعتمد على الضرر بسبب الضرب.. الرفض سببه أن ضرب الزوجة في بيئتها كان شيء عادي ولا يشكل سبب للتطليق! هل يمكن أن يتم تطبيق القانون (أو عدم تطبيقه) حسب البيئات المختلفة في البلد الواحد؟ أقول هذا من الذاكرة التي علاها الوهن لكن .. هذه قضية ضرب أخرى ..هل كانت هي ذاتها .. لا أدري http://sudaneselaws.com/modules.php?name=Precedents&get=82-13
سلام الاخت رمانة والمتداخلين الكرام عموما فى السودان ضرب المرأة سواء كانت زوجة او خلافه عيب وعيب كبير كمان وبطبيعة الحال الامر لا يخلو وحتى ما هو موجود منها وما ذكره البعض قليل جدا وتظل استثناءات تؤكد القاعدة ان لا وجود لهذه الظاهرة فى السودان. وتحضرنى حكاية حكاها لى احد الاصدقاء اردنى الجنسية ورجل قانونى بالدوحة انهم كانوا بصدد دراسة عن حالات الطلاق واسبابها المهم دراسة...بحث وكانوا يأخذون بالجاليات كل جالية لوحدها فقال لى بالحرف تصدق انو الجالية السودانية ولا حالة وااااحدة ما حصلناها . طبعا مبالغة انو ولا حالة ولكن كان ردى له اننا كباقى الشعوب نتزوج ونطلق لكن الطلاق لا يتم فى الغربة ودى افتكر معروفة للكل ترجع بلدها معززة مكرمة. وحكينا القصة دى لييييه ؟؟؟ عشان نعرف قيمة المرأة السودانية
09-02-2012, 07:24 PM
Dania Elmaki Dania Elmaki
تاريخ التسجيل: 08-16-2007
مجموع المشاركات: 1503
صديقتي كانت تتعرض لضرب مبرح من زوجها. كانت يتيمه الاب و امها انسانه بسيطه. عندها اطفال و سكتت سنوات طويله عشان ما عندها مكان تمشيه و اولادها حيعيشوا من و:ين. يوم ضربها ضرب مبرح و كانت في المطبخ بتعمل اكل و اتااخرت. رفعت راسها لقت صحانة الصيني قريبه منها ولا شعوريا بقت تتناول صحن صحن و علي نافوخه عدل. بعد الصحن الرابع لقت نافورة دم و دخلت في هستيريا كسرت الصحانه كلها في راسه و هو من الخلعه كان واقف مذهول. لمن وقع شالت اولادها و جرت بهدوم البيت. رفض يطلقها و رفض يصرف علا اولاده و الغريبه القاضي عنفها جدا و انها مرا ما مربيه فتحت للراجل راسه و لسع في انتظار الطلاق.
09-02-2012, 10:25 PM
Dr Salah Al Bander Dr Salah Al Bander
تاريخ التسجيل: 11-17-2006
مجموع المشاركات: 3086
اعرف في بريطانيا شيوعي ومتصدر للفارغة والمليانة كان يضرب زوجته بانتظام وذلك ايمانا بتوجيهات صورة "النور" حسب تصريحاته ....
الرفيق ينتمي الى فصيلة "الطاووس" .... ويقرض الشعر ... خاصة في نعي القيادات ... ويتصدر المجالس .... لذلك لم استغرب عندما تم طرده مؤخرا .... من بيت الزوجية !! ولكن لسبب اخر لا يتعلق بالضرب للزوجة !!! الغريب شنو .... والمستحيل شنو ..... ..... ...... ....... بعد دا ببقى الكلام عن اي مواطن تاني ما عندو معنى .....
09-02-2012, 10:29 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
معاذ الفحل Dania Elmaki Dr. Salah Al Bander مرحبا بكم وبمداخلاتكم
Quote: زي ما شلتها من بيت اهلها محترمه معززه مكرمه ............ ترجعها محترمه معززه مكرمه ...... دي الرجاله الجد ...........
ثقافه الضرب دي معدومه وما بتشبهنا ولا حقتنا ....... ومافي شيء بخليهو يضربها غير نقص عندو هو فيالمنطق والاخلاق والصفات الحميده ...
تحياتيHisham Ibrahim بالضبط كده.. الـ بالاحمر ده أهم شيء.. الواحد لما ما يكون عنده منطق فليصمت وياخد بعضه وينصرف لشأن آخر...والغضب هو أحسن بيئة اغتيال للمنطق تعرف يا أخي ندعي بأننا "نضرب" أطفالنا بدافع التربية وفي 98% من حالات الضرب نضربهم بدافع الغضب... وتقريبا لا يوجد بيت في السودان لا يضرب فيه الوالدان أو احدهما أطفالهم... وبيتهيأ لي أول غلطة بنعملها هي ضربنا للأبناء لأننا بنغرس فيهم فكرة أن الضرب وسيلة مشروعة في التعامل الاسري...
09-03-2012, 04:06 AM
rummana rummana
تاريخ التسجيل: 02-05-2002
مجموع المشاركات: 3537
Quote: معاملة ما فيها ضرب بس غريبة شديد قبل مدة لاقتني والدنيا قبائل عيد كنا في سوبر ماركت بشتري مع زوجتى إحتياجاتنا لفت نظري سوداني ( في سن نضج ... ما صغير ) مع كده فجأة وبخ زوجتوا وبصوت عالي وكأنها وأحدة من عيالوا, الكويس انها طلعت زولة عاقلة هدتوا ولمت الحكاية سريع , حسب كلاموا السمعتوا غصب عني لانوا كنا قراب ولانوا بتكلم بصوت مرتفع السبب لزعلتوا دي (( هائف )) للحد البعيد وما بستدعي الهيجة ورفع الصوت ..... الحيرني حتى لو دي معاملتوا وطريقتوا أبسط قواعد الذوق مفروض يكون بفرق بين التصرف في بيتهم من التصرف في المحل العام ...
كلنا في غربة ومشاكلنا كتيرة وضغوطنا كبيرة وده بخلى الناس تتعامل بضيق , غايتو ده العذّر الختيتوا في بالى لتصرف الزول ده .. غايتو ربنا يعين أسرتوا لو ده أسلوبوا العادي في التعامل
عبد الناصر الخطيب سلامات – الموقف الشاهدته للأسف أنا شاهدت زيه بين عريس وعروسه (يعني لسه ليهم أيام مما بدوا مشوار العسل) .. نهرة كده فوق العادة قدام سير الشنط في المطار وقدام جمهور المسافرين..ببساطة العروس تجاهلت النهرة كأن لم تحصل... يوم كده في زيارة شاهدت زوج يهزيء زوجته أمام أهلها مع أنه كان يسكن معاهم في البيت.. كوراك ونهير وبرضو موضوع لا يسوى ..أنا شفت الموضوع فيه قلة احترام مش للزوجة بس بل للكبار الكانوا شايفين وسامعين بنتهم بتتهزأ في عقر دارهم...لما حكيت الموقف ده لواحدة صاحبتي ضحكت علي ولسان حالها يقول : يا بت انت هبلة ولا شنو؟...تعرف شنو شكلي أنا عشت في شرنقة وأول ما طلعت منها لم أكف عن الاندهاش فينا نحن السودانيين لليوم...:) الأخ عبد الناصر... عند بعض جيراننا العرب نحن مشهورين بالدم الحار والنفس القصير... صاح ولا مو صاح؟ يعني عصبيين ونكديين.. وأحيانا نفتقد الاتكيت في التعامل مع الآخرين فلذلك امكن ما مفروض نندهش لما نشوف زي التصرف ده بين زوج وزوجته في الاماكن العامة...بالله شوف في المطارات الامهات ديل بصرخوا في عيالهم كيف..؟
09-03-2012, 04:31 AM
rummana rummana
تاريخ التسجيل: 02-05-2002
مجموع المشاركات: 3537
Quote: تنقلت في مدن كثيرة جدا بحكم عمل الوالد ولم ار اواسمع قط زوجة يضربها زوجها ولكن في الآونة الاخيرة سمعت قض والغريبة والضحايا في قمة التعليم وجهة نظري في جيل امهاتنا اخوانهم والذكور في العائلة يشكلون حماية كبيرة لمن يليهم من النسا ء الان صارت المرأة مستقلة والاسرة لا تعيش جماعيا صار الرجال ينفردون بالنساء خاصة في الغربة غالبيةمن سمعت بحالتهم عادة الرجل من متعاطي الخمور وتبقى المرأة مع جلادها لانها لا تريد ان تعود الىالسودان يجب ان نربي في بناتنا الاعتداد بالذات ونعلمهن وندعمهن حتى لا يعشن كضحايا صامتات مأحزن هذا اي رجل يضرب زوجته يحتاج الى علاج
د. نجاة محمود تحية طيبة النساء زمان كانوا (هديات رضيات) ..أبو فلان ده مستحيل يردوا عليه أو يعارضوه في شي... في الحالة دي لا يضرب الزوجة إلا شخص في حالة عدم اتزان بسبب تعاطي الخمور والمسكرات...أو يكون سيء الاخلاق "خلقة" بدرجة تجعل سلوكه شاذ ومنكور من الجميع. لا تنسى أن النساء كن كتومات ومتربيات على أن ما يحدث في بيت الزوجية لا يخرج منه... واتفق معك انه زمان كان في احترام للكبار والأصهار وكانت المرأة بتحس بالحماية من الجميع خاصة أهلها الذكور أول ما المرأة صارت تاخد وتدي وترد وتجادل اصبح التعامل معاها يشكل تحدي (تشالنج) على الجيل الاتربى على يدي هؤلاء الهديات ورضيات .. ماهو التعامل في اطار الديمقراطية وحرية التعبير عايز امكانيات تسامح كبيرة وسعة أفق..! لو لاحظت في البوست الأصلي السيدة الحكت عن تجربة زواجها ذكرت إنه امها قالت ليها "أصبري الرجال اصلهم كده.... الراجل عاوز صبر. بطلي الفلهمه العوراء و شيل البطاريه في القمرا" ...الظاهر والله أعلم انه في امهات كتار بيؤمنوا إن الرجال متوقع منهم "الكعوبية" وانه الزوجة ما عليها إلا الصبر والبحث عن منافذ للسلوان إن تيسر..
السؤال هو :هل البدائل فعلا أسوأ من البقاء مع الزوج الذي يعتدي عليهن جسديا؟ هل يحق للزوج لو رفع يده على زوجته أن تسامحه وتنسى على اعتبار إنها كبوة "وتزول"؟ وما هو الضمان انها ما تتكرر؟
09-03-2012, 04:44 AM
rummana rummana
تاريخ التسجيل: 02-05-2002
مجموع المشاركات: 3537
Quote: حدثت في الشهور الماضية وكنت شاهدا عليها (س) فتاة سودانية في كامل سودانيتها تزوجت من زميل دراسة والاثنان أطباء الزوج كان رجلا غيور جدا ولا يحتمل أن تنظر زوجته أو تتحدث أو تبتسم لأي رجل ثاتي مهما كان شكل علاقته بها من الأسرة .. من العمل أو من أي جهة أخرى ,, وذلك ليس لقناعات دينيه من الزوج بل .. كدا بس .. رجالة وحمرة عين تحملت الفتاة المسكينة عاما كاملا من الضرب والإهانة اليومية وهنا أعني الضرب المبرح .. المؤذي لم تضع رأسها يوما على وسادة النوم وإلا بللتها الدموع .. لم تستطع أخبار والدتها أو والدها لأنهما مغتربين بأحدى دول الخليج وهي أكبر الأبناء والبنات في أسرتها الصغيرة .. لا أخ تلجأ إليه ولا أخت تسر لها بحاالها ولم تشأ في نفس الوقت أن تزيد من مرارات الغربة لأمها وأبيها أحتملت عاما كاملا لا لشئ ولكن لجذوة أمل في أن ينصلح الحال ويعود يوما كما عرفته ذلك الشاب المهذب الخجول في رأس السنة الماضية .. وهي مناسبة يحتفل فيها معظم سكان العاصمة بالخروج والسهر مساء لم يتخلى هذا الزوج عن عادته في ضرب وإهانة (س) طلبت منه أن يخرجا سويا كبقية خلق الله ولو حتى لشارع النيل .. رفض كما هو متوقع .. ولكن استأذنت منه أن تخرج مع خالتها (شقيقة امها) وبناتها فقط وافق الزوج على مضض وذهب بنفسه وأوصلها بيت خالتها في أركويت .. بعد الواحدة ليلا أتصل بها هاتفيا وأخبرها بأنه عائد ليرجعها .. وافقت وبالفعل عاد بها للمنزل .. وهنا كانت رحلتها الى الجحيم .. ومع الجحيم هيمسلف في طريق العودة للمنزل لم تتوقف أسئلة الزوج عن الاسئلة ذات الطابع التشكيكي لاقيتو منو ؟؟ أها وفي كم زول شاغلك في الشارع وليه مشيتو الحتة الفلانية تحديدا ؟؟ لقيتي زول بتعرفيهو هناك ..و و و و وهي كلها اسئلة في غاية الاستفزاز والتشكيك ثم تحولت الاسئلة الي لطم وركل في الوجه والبطن وأعلى الصدر ومحل ما تجي تجي وكل هذا وهي تصرخ بأعلى صوتها مستنجدة بأي أحد .. في تلك الساعة من الليل كانت سيارة الزوج تسير في شارع الزراعات وهو شارع يربط بين الحاج يوسف ومناطق الدروشاب والسامرات ... في العادة لا يكون الشارع مزحوما بالعربات وتحديدا في هذه الساعة من الليل بعد أن أشبعها لطما وركلا وألفاظ نابية ما كان منه إلا فتح باب عربته وألقى بها في ذلك المكان الموحش
وجدها سائق أمجاد بالصدفة ملقية هناك لا تقوى حتى على الوقوف على قدميها وبشيء من شهامة - عبثا نقرنها بالسودانين - أخذها لأقرب مستشفى هناك
محمد عمر جبريل تحياتي: دي واحدة من أحزن القصص القريتها... يقال الغيرة عمياء...عمى شنو البتهموا بيه الغيرة يا أخي... الزوج ده فعلا محتاج لعلاج ربنا يكون في عونها وعونه...
09-03-2012, 05:35 AM
rummana rummana
تاريخ التسجيل: 02-05-2002
مجموع المشاركات: 3537
Quote: سلام يا وضاحة... في الاسلام الضرب وسيلة لتأديب المرأة الناشز يعني لا يحرم الزوجة بل يجعلها أكثر طاعة... والله أعلم
Afraa Sanad ووضاحة الواضحة زي نور الشمس ده موضوع كبير شديد وشائك والنقاش حوله ما أظن ح يجي يوم وينتهي .. والناس لا ح تقدر تنكر ضرب الزوجة في الاسلام ولا تقره..! للاسف بعض المتعلمين المثقفين بعد المشروع الحضاري.. أصبح عادي الواحد ما ينزعج لما يسمع رجل ضرب زوجته على اعتبار ان الدين بقول ليه أدب زوجتك الناشز بالضرب (يعني الـ غير مطيعة).. بل بتلقيهم بدافعوا كمان عن ضرب الزوجة بحجة إنه شيء حلاااال.. تماما زي ما أصبح موضوع الزواج التاني في زمن التوجه الاسلامي (المشروع الحضاري) عادي عند الناس بل ومشجع كمان - تابعي بوست الزواج للمرة الثانية في الهيلتون - رغم إنه العريس عامل مقلب في الناس :) تيسير عووضة... الملاحظ إنه الزواج الثاني ظاهرة انتشرت ابتداءا بواسطة نفس الجيلين /السبعينات والتمانينات ..!
09-03-2012, 05:56 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: ووضاحة الواضحة زي نور الشمس ده موضوع كبير شديد وشائك والنقاش حوله ما أظن ح يجي يوم وينتهي .. والناس لا ح تقدر تنكر ضرب الزوجة في الاسلام ولا تقره..!
رمانة..حبابك يا صديقة.. و حباب الصديقات و الأصدقاء هنا..
الضرب هين..لكن كعبة ثقافة (المرا بيدقوها باختها)..و هذا اظرط من الكف..!!! هي (أي ضرب الزوجات) لسيت ثقافة..لكنها ظاهرة في طريقها الى الإندثار في المجتمع السوداني (يعني بعض الشئ)..
مثلا في مجتمعات البقارة (عارف ناس كتيرة زايغة من الحتة دي)..الظاهرة موجودة..خصوصا في الفرقان وسط شيوع الأمية و قلة خبرات التمدن و الإتيكيت و الذي منو..! من النماذج الشفتها..في بعض الأحيان بتكون الحكاية معكوسة.. يعني الزوجات هن من يضربن الأزواج ضرب غرائب الإبل..(و الله صحي و شفت كتير الحكاية دي..).. في محيط اسرتنا.. نماذج كتيرة..لزيجات يكون طرفها خارج الأسرة..و طوالي قريباتي ضرب من طرف..!
احكيك بعض الطرائف.. في سنة 1997 قريبتي بت عمي لزم (كانت تسكن السامراب).. اتزوجها واحد قريبنا من بعيد..يوم النقة حصلت..و جينا لقيناها ليك خانقة الراجل لمن عيونو قربت تطلع..اول ما فكيناها منو قال لينا شيلوا بتكم و امشوا بيها..و السبب كان غريب للغاية..لأنو لقتو بيضرب في زوجتو التانية.. فقامت حاولت تحجزهم قام ضربها كف.. فقامت قبقبتو و قالت للتانية يللا اضربيهو..و التانية خافت.. فقامت قريبتي تمت الموضوع براها..!
الثانية عمتي لزم .. شقيقة ابي الصغرى..و وكانت متزوجة ود عمها..و كانوا في الجنوب في ملكال..و جوا راجعين عن طريق الباخرة الى كوستي.. اها في السكة..و في الباخرة قاموا اتناقشوا..حق الله بق الله.. قدام الخلق عمي ضربها كف..قامت شالتو و رمتو ليك في البحر..و الظريفة نطت وارهو و انقذتو من الغرق.. و لمن الناس اشتغلوها و قالوا ليها وكت بيفرق معاك قدر ده جدعتيهو في البحر و تاني لحقيتهو ليه؟.. قال ليهم لحقتو عشان ابوي ما يخسر فيهو بقر الدية..!!!!
عمي تقدمي جدا..و زول ظريف.. لكن كان عندو تعريجة كده بيفهمها براهو..و هو مصر انو الناس تتزوج في نطاق الأسرة..قلت ليهو الفهم شنو؟.. قال ياخي عرقكم ده ما بنقدر..!!..قلت ليه كيف..؟.. قال اي واحدة اتزوجها غريب كل يوم تقعد تلبع فيهو زي الشافع الصغير..!
و الأخيرة مرتبطة بحكاية التعليم و اكتساب خبرات ثقافية مختلفة.. فهو عمي برضك..و الراجل امي..و زمن الناس كان بتغترب في العراق.. جا الخرطوم و قال ماشي يغترب مع الناس..ده يا رمانة.. لو شاف موتر ماشي في الشارع يقول بالله شوف الشيوعي النعيل ده.. ياخي حاجة مبالغة.. اها مشى العراق و جا راجع.. و قمنا مشينا نصلي الجمعة في مسجد الحارة..و الإمام التعتر ليهو كان ماسك ليهو خطبة و بيشتم في الدكتورة حنان عشراوي..ايام كانت طالعة في الكفر (بالمناسبة المسجد في واحدة من حارات امبدة)..اها نفس عمي الكان بيفتكر الموتر شيوعي.. يشيل و يعاين..و لمن فاض بيهو قام مشى على الإمام عدل و قال ليهو يا زول تاني ما تتكلم في دكتورة حنان (بنفس العبارة)..و كن بي صلاتك قوم صلي بالناس ديل..!!!
يعني ناسنا الهناك ديل لو قدرنا نمرقهم شويه .. ممكن يعرفوا حاجة و سلوكهم يتغير..! من اكثر شعوب السودان التي تنعدم فيها هذه الظاهرة.. هي شعوب جبال النوبة..و اتحدث عن اهل الريف.. حيث حظوظ التعليم قليلة..و دي دايرة جكة براها..! و اكتر شعوب السودان التي تكثر فيها ظاهرة ضرب النساء.. هي المجتمعات التي تدعى العروبة و الإسلام معا..!
كبر
- ــــــــــــــــ - يا اشناب المنبر هوي ما تخافوا ..و الداير يناسبنا حبابو عشرة..!
09-03-2012, 07:12 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
شكرا يا رمانه وبوست مهم جدا ويا ريت الناس كلها تكون امينه زي محمد النور كبر وتقدر تقول الحاصل ويا كبر عافيه منهن نسوانكم اخذن حقهن وحقن جيرانهن(ههههههههههههههههههههههه) وغايتو الرمت راجلها في النيل ورجعت انقذته وشرحت السبب انها مستخسره بقر ابوها ديه فيه بالغت! (هههههههههههههههههههههه)جنس بوليغ(ههههههههههههههههه)الا كيفتني في حناني ذاته!
ادي النسوان يا بلاش(هههههههههههههههههههه)
Quote: رمانة..حبابك يا صديقة.. و حباب الصديقات و الأصدقاء هنا..
الضرب هين..لكن كعبة ثقافة (المرا بيدقوها باختها)..و هذا اظرط من الكف..!!! هي (أي ضرب الزوجات) لسيت ثقافة..لكنها ظاهرة في طريقها الى الإندثار في المجتمع السوداني (يعني بعض الشئ)..
مثلا في مجتمعات البقارة (عارف ناس كتيرة زايغة من الحتة دي)..الظاهرة موجودة..خصوصا في الفرقان وسط شيوع الأمية و قلة خبرات التمدن و الإتيكيت و الذي منو..! من النماذج الشفتها..في بعض الأحيان بتكون الحكاية معكوسة.. يعني الزوجات هن من يضربن الأزواج ضرب غرائب الإبل..(و الله صحي و شفت كتير الحكاية دي..).. في محيط اسرتنا.. نماذج كتيرة..لزيجات يكون طرفها خارج الأسرة..و طوالي قريباتي ضرب من طرف..!
احكيك بعض الطرائف.. في سنة 1997 قريبتي بت عمي لزم (كانت تسكن السامراب).. اتزوجها واحد قريبنا من بعيد..يوم النقة حصلت..و جينا لقيناها ليك خانقة الراجل لمن عيونو قربت تطلع..اول ما فكيناها منو قال لينا شيلوا بتكم و امشوا بيها..و السبب كان غريب للغاية..لأنو لقتو بيضرب في زوجتو التانية.. فقامت حاولت تحجزهم قام ضربها كف.. فقامت قبقبتو و قالت للتانية يللا اضربيهو..و التانية خافت.. فقامت قريبتي تمت الموضوع براها..!
الثانية عمتي لزم .. شقيقة ابي الصغرى..و وكانت متزوجة ود عمها..و كانوا في الجنوب في ملكال..و جوا راجعين عن طريق الباخرة الى كوستي.. اها في السكة..و في الباخرة قاموا اتناقشوا..حق الله بق الله.. قدام الخلق عمي ضربها كف..قامت شالتو و رمتو ليك في البحر..و الظريفة نطت وارهو و انقذتو من الغرق.. و لمن الناس اشتغلوها و قالوا ليها وكت بيفرق معاك قدر ده جدعتيهو في البحر و تاني لحقيتهو ليه؟.. قال ليهم لحقتو عشان ابوي ما يخسر فيهو بقر الدية..!!!!
عمي تقدمي جدا..و زول ظريف.. لكن كان عندو تعريجة كده بيفهمها براهو..و هو مصر انو الناس تتزوج في نطاق الأسرة..قلت ليهو الفهم شنو؟.. قال ياخي عرقكم ده ما بنقدر..!!..قلت ليه كيف..؟.. قال اي واحدة اتزوجها غريب كل يوم تقعد تلبع فيهو زي الشافع الصغير..!
و الأخيرة مرتبطة بحكاية التعليم و اكتساب خبرات ثقافية مختلفة.. فهو عمي برضك..و الراجل امي..و زمن الناس كان بتغترب في العراق.. جا الخرطوم و قال ماشي يغترب مع الناس..ده يا رمانة.. لو شاف موتر ماشي في الشارع يقول بالله شوف الشيوعي النعيل ده.. ياخي حاجة مبالغة.. اها مشى العراق و جا راجع.. و قمنا مشينا نصلي الجمعة في مسجد الحارة..و الإمام التعتر ليهو كان ماسك ليهو خطبة و بيشتم في الدكتورة حنان عشراوي..ايام كانت طالعة في الكفر (بالمناسبة المسجد في واحدة من حارات امبدة)..اها نفس عمي الكان بيفتكر الموتر شيوعي.. يشيل و يعاين..و لمن فاض بيهو قام مشى على الإمام عدل و قال ليهو يا زول تاني ما تتكلم في دكتورة حنان (بنفس العبارة)..و كن بي صلاتك قوم صلي بالناس ديل..!!!
يعني ناسنا الهناك ديل لو قدرنا نمرقهم شويه .. ممكن يعرفوا حاجة و سلوكهم يتغير..! من اكثر شعوب السودان التي تنعدم فيها هذه الظاهرة.. هي شعوب جبال النوبة..و اتحدث عن اهل الريف.. حيث حظوظ التعليم قليلة..و دي دايرة جكة براها..! و اكتر شعوب السودان التي تكثر فيها ظاهرة ضرب النساء.. هي المجتمعات التي تدعى العروبة و الإسلام معا..!
كبر
- ــــــــــــــــ - يا اشناب المنبر هوي ما تخافوا ..و الداير يناسبنا حبابو عشرة..!
غايتو يا كبر يجازي محنك وقفن حال قريباتك ولسه تقول العايز يناسبنا حبابه عشره(هههههههههههههههه) انت قايل الناس دي بقاره؟!(ههههههههههههههههههه)وحاتك وليدات المدن ديل يكونوا من قراية كلامك ده ساي قلوبهم رجفت(ههههههههه)
09-03-2012, 09:24 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
طيب يا رمانه وزوار بوستها وقرائه وقارئاته للاسف شهادتي كناشطه في قضايا الانسان وكقانونيه وكخريجه علم اجتماع وبتعرف تتابع الاحصاءات جيدا وتقرأ ما بين السطور وفوقها وتحتها ضرب النساء منتشر جدا في مجتمعات سودانيه كثيره!
هنالك شعوب فعلا ثقافتها المحليه ترفض ضرب النساء نهائيا وهو حد التحريم وهم(اهلنا البجا) الوحيدين الذين تحرم اشعارهم وادبياتهم وتقوم الحروب بينهم لو ضرت امرأه بل وتقديرا للمرأه فهي الوحيده التي يمكنها ان توقف الحروب.
غير كده الامر يخضع لدرجات التمدن و التحضر. واذا قسمنا مجمتمعنا لريف وحضر كما يفعل علماء الاجتماع فالريف اشد عنفا تجاه النساء من المدن.
واذا قسمنا الريف نفسه لرعاة ومزارعين الرعاة اشد عنفا مع نسائهن من المزارعين!
وكأن قسوة الحياة تنعكس عىل طرق التعبير عن الغضب وغيرها.
الدول العربيه صحيح اشد عنفا منا و الدول الافريقيه ايضا. و الآسيوين المسلمين ايضا اكثر عنفا منا.
لكن كل هذه الارقام لا يجب ان تجعلنا نتساهل تجاه الظاهره ام لا نحلم بتحجيمها. واتفق مع كبر في انه اذا اخذ جنوب كردفان كمنطقه فان النوبه اقل عنفا من البقاره نجد هذا له علاقه فعلا بمدى الاستقرار لذا ان ارجعته لتقسمية(رعاة ومزارعين) لانه لو اخذنا مقياس الاسلام عروبيه سنجد الامر مختلف في جنوب السودان فالاستوائين كمزارعين فعلا هم اقل عنفا من الرعاة الدينكا والنوير مع نسائهم مثلا. يبقى مدى الاستقرار يؤثر فعلا.
في دارفور نفس الامر المزراعين مثلا من قبائل (الفور/التنجر/التاما/المساليت...الخ) اقل عنفا مثلا عن قبائل الاباله و البقاره مع نسائهم!وهكذا
وللاسف النساء ضحايا العنف هن ايضا اشد عنفا كما اثبت (كبر) مع غيرهم من البشر.
_________________________ الغريبه حاولت الكتابه قبال ربما 6 سنوات بهذا المنبر في يوم المرأه وحاولت ان اكتب عن العنف ضد النساء في دارفور (كمماراسه مستمره ومقبوله اجتماعيا) للاسف اتصلت بي دارفوريات وطلبن مني ان اكف عن تناول الامر باعتبار (لاصوت يعلو فوق صوت المعركه) واستجبت لهن ولكني اخطأت باستجابتي لاني صمت عن وقاع مخزي.....خوفا من اي تنميط لي...وتحساسا الا افرض قيمي المدينه على الريفيات...ولكن صمتي لم يمنع جرائم كثيره وقعت بحق نساء لم يظلمن الا لانهن نساء واكيد ساكتب يوما ما بطريقه اشمل واعمق من كتابتي هنا اليوم عن شهادتي التاريخيه حول ما اعرفه عن العنف ضد النساء بدارفور.قبل الحرب واثنائها.
09-03-2012, 09:37 AM
احمد خليل احمد خليل
تاريخ التسجيل: 08-11-2009
مجموع المشاركات: 531
داخل الزريبة ، قبالة منزلنا ، كان يسكن مالك العربجي وزوجته سعادة في مسكن يتكون من قطية وراكوبة. يعود مالك مساءً . وما أن يطلق حصانه عن الكارو ويربطه داخل الزريبة يبدأ بضرب زوجته سعادة بسوطه فتصيح تلك طالبة النجدة "ياعم شيخ حسن ، ياعم مرغني ألحقوني !!! كتلني كتلني كتلني!! يخرج شيخ حسن ومرغني أفندي وينهران مالك ويهددانه ..... فيتركها!!!! وبعدها بقليل ، ينطلقان في الغناء بصوتين منسجمين في غاية العذوبة!!! فيخرج لهما شيخ حسن ومرغني أفندي يطلبان منهما الهدوء !!! وفي اليوم التالي ، تتكرر نفس القصة . كان ذلك في زمان بعيد حينها لم اكن قد دخلت المدرسة. وفجأة اختفوا جميعاً مالك وسعادة والعربة الكارو، عن حينا بل عن المدينة كلها. هذا كل ما أعرفه عن ضرب النسوان في بلاد السودان. تحياتي
داخل الزريبة ، قبالة منزلنا ، كان يسكن مالك العربجي وزوجته سعادة في مسكن يتكون من قطية وراكوبة. يعود مالك مساءً . وما أن يطلق حصانه عن الكارو ويربطه داخل الزريبة يبدأ بضرب زوجته سعادة بسوطه فتصيح تلك طالبة النجدة "ياعم شيخ حسن ، ياعم مرغني ألحقوني !!! كتلني كتلني كتلني!! يخرج شيخ حسن ومرغني أفندي وينهران مالك ويهددانه ..... فيتركها!!!! وبعدها بقليل ، ينطلقان في الغناء بصوتين منسجمين في غاية العذوبة!!! فيخرج لهما شيخ حسن ومرغني أفندي يطلبان منهما الهدوء !!! وفي اليوم التالي ، تتكرر نفس القصة . كان ذلك في زمان بعيد حينها لم اكن قد دخلت المدرسة. وفجأة اختفوا جميعاً مالك وسعادة والعربة الكارو، عن حينا بل عن المدينة كلها. هذا كل ما أعرفه عن ضرب النسوان في بلاد السودان. تحياتي
الأخوة والاخوات كبر تراجي أحمد العمار dardiri satti مرحبا بكم
كبر يا صديق والله أمتع مداخلة قريتها الأيام دي.. شكرا وحأرجع ليها ، لكن كده أرعبت وضاحة..! هي حتلاقيه من الزوج ولا من أخواته :) يعني لو في بقاري ناوي يتقدم ليها مع خوفها الشديد ده خليت فرصه زيرو :)
Quote: هنالك نقطه اخري اتمني افادتي فيها فيما يخص الصوره و الهويات المختلفة للمرأة السودانية و مدي تاثرها بثقافة الضرب .
الأخت اسعاد حمداني تحياتي أمكن ما فهمت النقطة كويس لكن لو بتقصدي بالاختلاف الانتماء القبلي أو الاقليمي.. حتلقى اجابات في مداخلات كبر وتراجي وأحمد خليل.. شكرا ليك
09-03-2012, 02:04 PM
rummana rummana
تاريخ التسجيل: 02-05-2002
مجموع المشاركات: 3537
Quote: يوجد ضرب الزوجات, خفيف و مبرح, قديما و حاضرا ان كان هناك من يرمى زوجته بماء النار الحارق المميت: فالضرب حينئذ رشة عطر او رفيف اقحوانة على الخد او الشعر المشكلة ليست فى الضرب وحده المشكلة فى صمت المضروبات المطبق الامر الذى يحرمها من عون الاخرين, و يستديم عنف الزوج عليها حيث يامن من يراجعه او يرد له الصاع الزوجة المعتدى عليها تصمت لاسباب عديدة: املا فى (انصلاح) حال الزوج الفقر و عدم وجود من يعين ان طلبت الطلاق, خصوصا ان الازواج الضاربين يتخلون اول ما يتخلون عن الاطفال وصمة الطلاق المعروفة فى مجتمعنا تقبل المجتمع و لو فى حدود ضيقة لفكرة اساءة معاملة المراة كجق (مكتسب) للذكور
امر اخر: هل الضرب وحده هو الاساءة الوحيدة التى تلحق بالمراة ام هناك ضروب اخرى من العنف فى مرارة الضرب و ربما اشد؟
الأخ عوض محمد أحمد تحياتي أقررت بوجود هذه الممارسة وتحدثت عن صمت الزوجة وذكرت أسبابه وتساءلت إن كان الضرب هو العنف الوحيد الذي تواجهه المرأة..أقول لك فيما يتعلق بالمؤسسة الزوجية هناك عنف لفظي يتفاوت بين الكثرة والندرة بين الازواج ولا تستثنى المرأة منه...وفي رأيي هو بداية أي اعتداء جسدي بين الطرفين - شملنا النساء في الاعتداء الجسدي بعد مداخلة كبر... وفيما عدا ذلك تعرضت المرأة السودانية لجميع صنوف الاساءات والعنف بدرجات متفاوتة واسوأها على الاطلاق الاغتصاب والذي كثر في السنوات الاخيرة طبعا بسبب الحروب والمناوشات بين الحكومات والحركات المعارضة وقبلها وبعدها بسبب الخلافات القبلية...
Quote: لا اجد التسمية بجيل مايو مناسبة. فضباط مايو كانوا حفنة عساكر لم يكن يهمهم الا دوام حكمهم و لم يكونوا يتدخلون كثيرا فى كل شئون المجتمع التى لا صلة لها بالسياسة (لم يكن عندهم وهم مثل وهم الانقاذ باعادة صياغة الناس) و فى اللحظة التى حاولوا التدخل فى شئون المجتمع بعد قوانين سبتمبر لم يمهلهم الاجل طويلا
جيل مايو تسمية معروفة طبعا ...وأستغرب كتير نفيك لأي تأثير "لمايو" على المجتمع.. مش ياها الدولة الشمولية ذاتها... أظن الانقاذ ذاتها من بنات أفكار مايو..! وأول خطوة في منزلق الانحدار الاخلاقي في السودان بدأ في عهد مايو... شكرا ليك على المشاركة
09-03-2012, 02:50 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
عارفة يا رمانة المشكلة في بوستك ده إنو حكي القصص فيهو ساهل ..والتأثر بي القصة المحكية بيكون كبيير وممكن يدي إنطباع ما كويس عن الحياة الزوجية ويعمم التجربة .. حسب فهمي لي كلمة ثقافة الفي العنوان إنو مفروض تكون دي الحاجة الغالبة والسائدة ..لكن لو في حالات تم ذكرها كقصص فردية فصعب إنو نقوم نعملا ثقافة ..لكن يبدو ده ما الحاصل وإنو مقابل أي قصة تتحكي في البوستد ده نحن بيجينا إحساس إنو القصة دي بتحصل لي الاف النساء تاني ..ودي خطورة الموضوع هنا.. في نقطة تانية مهمة شديد في رأيي ما عارف تطرقتو ليها ولا لأ ..وهي إنو ثقافة ضرب الزوجات دي ممكن تكون ثقافة بضرب الزوجة بي اللسان ..ما بقول عنف لفظيلكن المهم كلام حااار للمرأة بيكون أفضل وأحسن منو لو ضربتها .. انا عارف إنو سودانيز أون لاين ده ما بيمثل السودان ولا السودانيين وعن نفسي ما باخد بيهو كمعيار لي السلوك السوداني العام لكن بشوف إنو في عدد مقدر من الأعضاء نساء ورجال ووغالبهم متزوجين او كانوا متزوجين ..ما أظن فيهم زول كان بيضرب زوجته ولو وجد فنااادر..وده نوعا ما ممكن ناخدو كوضع لعدم الإنتشار كثقافة .. عارفة يا رمانة أسوأ شي في الدنيا دي إنك تضرب إمرأة.. ده أسسسسوأ شي في الدنيا على الإطلاق..
في نظري يصعب تناول ظاهرة او حدث كضرب الزوجة بعيدا عن ثقافة الضرب في السودان عموما، البيضرب زوجته ده انسان طلع من بيئة فيها الضرب كوسيلة عقاب لحد ما مقبولة، مثلا ضرب الاخوة الصغار المحتاجين تاديب او الاخوات الما بيسمعن الكلام او ولد الجيران قليل الادب، او الضرب عند الشجار او ضرب الاساتذة في المدارس للطلبة و العكس او او او
من ذكر انه الضرب مرتبط بجيل معين او احقاب معينة، لا تنسو انه الكلام ده برضه مرتبط بازدياد دقة الاحصائيات كلما تقدم الزمن، يعني قد يكون ليس لازدياد الظاهره نفسها و لكن لانه الناس طبعها تغير و بدل ما تسكت او تمشي بيت ابوها بعد الزعل، ممكن تمشي البوليس حاليا. الدراسة و التحليل ضرورين.
موضوع شائك و يستحق وقفة . و يا كبر مداخلتك عن عمتك سمحة بالحيل، اريتها عمة السرور يا يمة، لووول
09-04-2012, 09:02 AM
rummana rummana
تاريخ التسجيل: 02-05-2002
مجموع المشاركات: 3537
الأعزاء عمر الفاروق ، رحاب خليفة لكم التحية ومرحبا بآراءكم.. ---
Quote: عموما فى السودان ضرب المرأة سواء كانت زوجة او خلافه عيب وعيب كبير كمان وبطبيعة الحال الامر لا يخلو وحتى ما هو موجود منها وما ذكره البعض قليل جدا وتظل استثناءات تؤكد القاعدة ان لا وجود لهذه الظاهرة فى السودان.وتحضرنى حكاية حكاها لى احد الاصدقاء اردنى الجنسية ورجل قانونى بالدوحة انهم كانوا بصدد دراسة عن حالات الطلاق واسبابها المهم دراسة...بحث وكانوا يأخذون بالجاليات كل جالية لوحدها فقال لى بالحرف تصدق انو الجالية السودانية ولا حالة وااااحدة ما حصلناها . طبعا مبالغة انو ولا حالة ولكن كان ردى له اننا كباقى الشعوب نتزوج ونطلق لكن الطلاق لا يتم فى الغربة ودى افتكر معروفة للكل ترجع بلدها معززة مكرمة. وحكينا القصة دى لييييه ؟؟؟ عشان نعرف قيمة المرأة السودانية
الأخ معاذ الفحل سلامات: حنظل سعيدين لان لا يكون هناك وجود لهذه الممارسة ونأمل ألا يكذبنا الواقع! الممارسة موجودة وقصصها مسموعة.. وفيما يبدو أنها ثقافة عند بعض القبائل (وهي قابلة للتغيير) بينما يكون ضرب الزوجة إن وجد عند قبائل أخرى الاستثناء للقاعدة. ده شيء عرفناه لحد الآن في هذا البوست.. بالنسبة لكلامك عن حالات الطلاق في دول الاغتراب، ياخ ما كفاكم حالات دبيل الزوجات :) .. هسه سمعت ليك بسوداني أميريكي عنده زوجة في السودان وواحدة في اميريكا؟
Quote: صديقتي كانت تتعرض لضرب مبرح من زوجها. كانت يتيمه الاب و امها انسانه بسيطه. عندها اطفال و سكتت سنوات طويله عشان ما عندها مكان تمشيه و اولادها حيعيشوا من و:ين. يوم ضربها ضرب مبرح و كانت في المطبخ بتعمل اكل و اتااخرت. رفعت راسها لقت صحانة الصيني قريبه منها ولا شعوريا بقت تتناول صحن صحن و علي نافوخه عدل. بعد الصحن الرابع لقت نافورة دم و دخلت في هستيريا كسرت الصحانه كلها في راسه و هو من الخلعه كان واقف مذهول. لمن وقع شالت اولادها و جرت بهدوم البيت. رفض يطلقها و رفض يصرف علا اولاده و الغريبه القاضي عنفها جدا و انها مرا ما مربيه فتحت للراجل راسه و لسع في انتظار الطلاق
الأخت Dania Elmaki تحياتي.. الله يكون في عون صديقتك ... حقيقة كان ممكن لو ما ربنا سلم إنها تتسبب في مقتل الرجل ويبقى صبرها على الزوج السنوات الطويلة من دون معنى لا بالنسبة ليها ولا لاولادها.. بعدين تأملي حتى بعد كل الحصل ليه برضو رفض يطلقها...! فعلا العلاج النفسي غالي لكن إمكن يفيد أشخاص زي ديل ويضمن ليهم حياة مستقرة في المستقبل... ليه وزارة الرعاية الاجتماعية مثلا ما تتيح للناس فرصة العلاج حتى ولو برسوم رمزية كجزء من مساهمتها في صحة المجتمع؟ في انتظار عودتك.. ---
بالنسبة للأخ اسماعيل المحجوب عنده راي حتى في أن يتم مناقشة الموضوع في البورد ووضع رأيه ببساطة كالآتي:
Quote: يازولة الحاجة دي في مجتمعنا قليلة شديد واحتمال تكون معدومة في المدن الكبيرة
شكرا لك على المشاركة بالرأي..
09-04-2012, 09:26 AM
rummana rummana
تاريخ التسجيل: 02-05-2002
مجموع المشاركات: 3537
Quote: اعرف في بريطانيا شيوعي ومتصدر للفارغة والمليانة كان يضرب زوجته بانتظام وذلك ايمانا بتوجيهات صورة "النور" حسب تصريحاته .... الرفيق ينتمي الى فصيلة "الطاووس" .... ويقرض الشعر ... خاصة في نعي القيادات ... ويتصدر المجالس .... لذلك لم استغرب عندما تم طرده مؤخرا .... من بيت الزوجية !! ولكن لسبب اخر لا يتعلق بالضرب للزوجة !!! الغريب شنو .... والمستحيل شنو ..... ..... ...... ....... بعد دا ببقى الكلام عن اي مواطن تاني ما عندو معنى .....
الأخ Dr. Salah Albander شكرا لك على المشاركة أمثلة زي دي موجودة... أنا برضو للاسف في جرابي بعض القصص.. الغريب فعلا تسمع إن زوج مد يده على زوجته بدعوى انها قلت أدبها وتستحق التأديب ويتحجج كمان بحقه في التأديب (شرعا)...وهو يشكوى من شح شديد فيه...وهل يستطيع فاقد الشيء أن يعطيه..؟
09-04-2012, 09:46 AM
rummana rummana
تاريخ التسجيل: 02-05-2002
مجموع المشاركات: 3537
الأخ أحمد العمار الصورة بدون شك رائعة ومعبرة.. عايزة أختها في البروفايل :) _____
وضاحة: يا عزيزتي لا تخافي... "الدينا" دي مليانة سودانيين يتختوا على الجرح يبرا.. ح تلقيهم في أي بلد موجودين.. إنت بس خلي عيونك مفتحات :) . ملحوظة: ما تشتغلي بكلام عمر الفاروق .. حتلقيه من النوع المذكور في المداخلة دي .. وبكون النوع الحيعمل مع زوجته زي صاحب الصورة أعلاه..
09-04-2012, 09:52 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: وضاحة ماله هاملة ولا ماعندها اهل هى بت واحدة واخوانة يسدوا عين الشمس وما بستحملوا تمساها نسمة
ياخ ديأسباب كافية جدا جدا لي إك تقعدي كده تاني 17 سنة لي قدام .. بعدين نسمة شنو دي ياختي البتمسك .. إنتي قايلة النسمات دي هاااملة ومطلوقة ساااي كده ؟ إنتي يا دووبك قولي ما تمسك رعدة ..كتاحة .. كده يعني ..
تخريمة : بعد معلومة الأخوان البيسدو عين الشمس دي فهذه اخر مداخلة لي مع المدعوة وضاحة ..
09-04-2012, 03:36 PM
Egbal Elmardi Egbal Elmardi
تاريخ التسجيل: 04-08-2007
مجموع المشاركات: 1148
حقيقه بوست مهم جداً يا رمانه وبما أننا من العالم الثالث....مسألة الإحصائيات دي عندنا فيها مشكله عويصه... حتي بعد ما نتفلهم ونحاول نعمل إحصائيه بنختار الموضوع الغلط ذي.... القبيله في أُرنيك السكر يعنى حاجه تمحنّ... الضرب فعلاً كان ما حاجة متفشيه في مجتمعات المدن.... لكن فعلاً بدأ ينتشر بإزدياد التعليم وسط النساء زي ما قال واد أو واحده من الناس السبقونى.... والمرأه دخلت مجلات العمل وبقت تعول نفسها وأُسرتها ووالديها وأخواتها واخوانها...
ولأنو الموضوع فيهو عوامل كثيره مشربكه...بيبقي معالجتو لازم تتم بتأنى.... في زميل كان بعبر عن قناعتو الشخصيه بشكل هزلي وبقول أنا ما بعرس زميله عشان حكاية ....أعتقد وأفتكر (عشان لو في زول واحد بفتكر في البيت دا ...بكون هو أنا....)
والمداخله بتاعت دكتور البندر عن إنو في شيوعي ضرب زوجتو... الحاله ما مقتصره علي الشيوعيين بس.... لكن لأننا بتعتقد بأن الشيوعيين ناس مستنيريين...ومع المرأه وبدافعو عن حقوق المضطهدين... بنستنكر منهم السلوك ده أكثر من غيرهم... لكن في النهايه هم بشر عندهم نفس أمراض مجتمعهم...وما ممكن نحكم عليهم ككتله واحده... لأنو التعميم ما علمي ولأنو الموضوع مخجل للمرأه المعتده بذاتها ما ممكن تكورك ألحقونى...كتلني.... والغاشي والماشي يعرف.... حتي أهلها في أغلب المرات ما بتكلمهم... لأنو ثقافة إنها البت تختار زوجها لسه جديده ...في أول مطب...الأسره بتحاول ترجع بالزمن القهري... ولأن البنت بتخاف من نوع الجمل الزي ( ما ياهو ده عريسك الجبتيهو...) (عزل إيدك ) بتستحمل... والضرب هو ما الخطوه الأولي...الضرب بتسبقو خطوات.... أولها عزل البنت عن محيطها...والمنهو بتستمد قوتها... صاحبتك ده ما عا########ي... ولا لما تجي الصاحبه...يديها تعليق سغيل في كل زياره عشان تاني ما تجي...أو لو جات ما تحس بالراحه أهلك ديل شنو كل يوم ناطين علينا... وكانو مشو زياره قدام الناس آخر ظرافه...وفي العربيه يبتدي النقد لأي حاجه عملتها عشان تفقد ثقتها بنفسها و تشك في تصرفاتها والناس تقول داك يا الزول البحب زوجتو...وهي تحت تحت مهريه.... وكل ما تتعود علي خطوه تجي الخطوة البعدا...أشد قسوه..وإيلام... عشان لما يجي الضرب هي بتكون فاقده الثقه في نفسها وقد تعتقد بأنها هي الجابتو لنفسها
Quote: هسه سمعت ليك بسوداني أميريكي عنده زوجة في السودان وواحدة في اميريكا؟
سمعت وشفتا...لأنو معظمهم بتزوجو علي الطريقه الإسلاميه وما بكنو مسجلين في كشوفات القيد الأمريكيه على إنهم أزواج... وكمان النقول ليك كثير منهم متزوجين لأمريكيات سود مسلمات... وأقنعوهم بأنو الراجل بدل يخون زوجتو مع عدد من النساء أحسن دى واحده....وبعلمها...والجن التعرفو...وشر البليه ما يضحك
09-04-2012, 07:33 PM
هجو الأقرع هجو الأقرع
تاريخ التسجيل: 07-19-2006
مجموع المشاركات: 9070
الأعزاء Egbal Elmardi هجو الأقرع حبابكم عشرة وشكرا للمداخلات... _____
الأخ كبر أشكرك كتير على المداخلة التي تميزت بالطرافة والمعلومة المفيدة.. تعرف الكيفني شنو في قريباتك ديل؟ اللياقة البدنية :) ما شاء الله وربنا يبارك.. في السباحة والعاب القوى بيكون عندهم فرصة احتراف.... والله بتكلم جد!
إذن منك عرفنا إن عند البقارة وبعض القبائل العربية الأخرى يوجد ما يمكن أن نسميه "ثقافة" ضرب الزوجة/الزوج .. ولو انها قابلة للتغيير بتغير البيئة أو بتوفر فرص التعليم.. غايتو قبل ما استمر أحب أقول أني صادفت من البقارة رجال في غاية التهذيب والذوق والرقي... يعني لو طلع إنهم مخبيين ثقافة زي دي جواهم حأكون اتخذلت فيهم شديد :)... برضو نتلمس العذر ولو بتحفظ للقاضي القال إنه الضرب شيء عادي في بيئة المدعية ولم يحكم لها بالطلاق... عشان زمان أنا كنت زعلانة منو شديد.. هسه الكلام ده مش بعمل لينا لخبطة كده شوية في تطبيق القانون؟ فالنفرض أنا من بيئة الضرب فيها موجود.. ليه مفروض أقبله على نفسي؟ وشنو يعني ضرر لا يليق بأمثالها ...؟ مش أي ضرب يعتبر ضررلا يليق بالزوجة...الزوج لو مد يده على الزوجة حيسبب ليها ضرر نفسي دائم .. ما فيش حد بينضرب ويستحلى الضرب أو ما يأثر فيه ...اللهم إلا الجماعة بتاعين البطان أهل وضاحة ديل ...:)
يا كبر ياخ أنا شايفة التوجه الاسلامي للدولة مع وجود آية الضرب وبنود قانون الاحوال الشخصية خاصة المتعلقة بالطاعة فتحت فرص غير مرغوب فيها للتعامل العنيف في الحياة الزوجية رغم فرضية المودة والرحمة وخلت المتضررات في عوجة كبيرة... والسبب ذاته الخلاني أفتح البوست معرفتي بحالات كتيرة في السنوات الأخيرة .. كلها من أشخاص متعلمين وتقدر تقول مرتاحين ماديا .. وزوجاتهم كذلك متعلمات ولا يشكوا من أي ادمان خمور أو مخدرات... السبب البخليهم يتصرفوا بالطريقة دي شنو هو المحيرني....
09-04-2012, 09:05 PM
rummana rummana
تاريخ التسجيل: 02-05-2002
مجموع المشاركات: 3537
Quote: طيب يا رمانه وزوار بوستها وقرائه وقارئاته للاسف شهادتي كناشطه في قضايا الانسان وكقانونيه وكخريجه علم اجتماع وبتعرف تتابع الاحصاءات جيدا وتقرأ ما بين السطور وفوقها وتحتها ضرب النساء منتشر جدا في مجتمعات سودانيه كثيره! هنالك شعوب فعلا ثقافتها المحليه ترفض ضرب النساء نهائيا وهو حد التحريم وهم(اهلنا البجا) الوحيدين الذين تحرم اشعارهم وادبياتهم وتقوم الحروب بينهم لو ضرت امرأه بل وتقديرا للمرأه فهي الوحيده التي يمكنها ان توقف الحروب.
غير كده الامر يخضع لدرجات التمدن و التحضر. واذا قسمنا مجمتمعنا لريف وحضر كما يفعل علماء الاجتماع فالريف اشد عنفا تجاه النساء من المدن. واذا قسمنا الريف نفسه لرعاة ومزارعين الرعاة اشد عنفا مع نسائهن من المزارعين! وكأن قسوة الحياة تنعكس عىل طرق التعبير عن الغضب وغيرها. الدول العربيه صحيح اشد عنفا منا و الدول الافريقيه ايضا. و الآسيوين المسلمين ايضا اكثر عنفا منا.
لكن كل هذه الارقام لا يجب ان تجعلنا نتساهل تجاه الظاهره ام لا نحلم بتحجيمها. واتفق مع كبر في انه اذا اخذ جنوب كردفان كمنطقه فان النوبه اقل عنفا من البقاره نجد هذا له علاقه فعلا بمدى الاستقرار لذا ان ارجعته لتقسمية(رعاة ومزارعين) لانه لو اخذنا مقياس الاسلام عروبيه سنجد الامر مختلف في جنوب السودان فالاستوائين كمزارعين فعلا هم اقل عنفا من الرعاة الدينكا والنوير مع نسائهم مثلا. يبقى مدى الاستقرار يؤثر فعلا. في دارفور نفس الامر المزراعين مثلا من قبائل (الفور/التنجر/التاما/المساليت...الخ) اقل عنفا مثلا عن قبائل الاباله و البقاره مع نسائهم!وهكذا وللاسف النساء ضحايا العنف هن ايضا اشد عنفا كما اثبت (كبر) مع غيرهم من البشر
الأخت تراجي..مداخلتك مهمة لانها بتشير لانه عندنا في السودان ثقافتين في ضرب الزوجة: واحدة تبيح الضرب والثانية تحرم الضرب ...وفي الغالب في واحدة تالتة ربما تستنكر ولكن لا تحرم... كلام الاخ أحمد خليل صاح لما قال : لا يجب التعميم في قضايا الثقافة والظواهر الاجتماعية عند شعوب السودان.. عند البجا كما تفضلتي ضرب الزوجة في حكم الكبيرة.... يعني الناس البقولوا ما في سوداني بضرب زوجته بكون بتكلم عن نفسه وقرايبينه وجيرانه بس ولا علم له بما يدور في كل بقاع السودان.. أشجعك على كتابة البوست عن العنف ضد المرأة في دارفور... امكن البعض يشوفوه موضوع غم لكن لازم نعرف أسبابه وطرق علاجه عشان نقضي عليه ونرتاح من الغم..
09-04-2012, 09:07 PM
rummana rummana
تاريخ التسجيل: 02-05-2002
مجموع المشاركات: 3537
Quote: داخل الزريبة ، قبالة منزلنا ، كان يسكن مالك العربجي وزوجته سعادة في مسكن يتكون من قطية وراكوبة. يعود مالك مساءً . وما أن يطلق حصانه عن الكارو ويربطه داخل الزريبة يبدأ بضرب زوجته سعادة بسوطه فتصيح تلك طالبة النجدة “ياعم شيخ حسن ، ياعم مرغني ألحقوني !!! كتلني كتلني كتلني!! يخرج شيخ حسن ومرغني أفندي وينهران مالك ويهددانه ….. فيتركها!!!! وبعدها بقليل ، ينطلقان في الغناء بصوتين منسجمين في غاية العذوبة!!! فيخرج لهما شيخ حسن ومرغني أفندي يطلبان منهما الهدوء !!! وفي اليوم التالي ، تتكرر نفس القصة . كان ذلك في زمان بعيد حينها لم اكن قد دخلت المدرسة. وفجأة اختفوا جميعاً مالك وسعادة والعربة الكارو، عن حينا بل عن المدينة كلها. هذا كل ما أعرفه عن ضرب النسوان في بلاد السودان.
ديرديري ساتي سلامات: ان شاء ما يكون كتلها فعلا... غايتو لو ما كتلها أكيد وكما واضح كتل قلبها..!
09-04-2012, 09:31 PM
rummana rummana
تاريخ التسجيل: 02-05-2002
مجموع المشاركات: 3537
Quote: عارفة يا رمانة المشكلة في بوستك ده إنو حكي القصص فيهو ساهل ..والتأثر بي القصة المحكية بيكون كبيير وممكن يدي إنطباع ما كويس عن الحياة الزوجية ويعمم التجربة .. حسب فهمي لي كلمة ثقافة الفي العنوان إنو مفروض تكون دي الحاجة الغالبة والسائدة ..لكن لو في حالات تم ذكرها كقصص فردية فصعب إنو نقوم نعملا ثقافة ..لكن يبدو ده ما الحاصل وإنو مقابل أي قصة تتحكي في البوستد ده نحن بيجينا إحساس إنو القصة دي بتحصل لي الاف النساء تاني ..ودي خطورة الموضوع هنا.. في نقطة تانية مهمة شديد في رأيي ما عارف تطرقتو ليها ولا لأ ..وهي إنو ثقافة ضرب الزوجات دي ممكن تكون ثقافة بضرب الزوجة بي اللسان ..ما بقول عنف لفظيلكن المهم كلام حااار للمرأة بيكون أفضل وأحسن منو لو ضربتها .. انا عارف إنو سودانيز أون لاين ده ما بيمثل السودان ولا السودانيين وعن نفسي ما باخد بيهو كمعيار لي السلوك السوداني العام لكن بشوف إنو في عدد مقدر من الأعضاء نساء ورجال ووغالبهم متزوجين او كانوا متزوجين ..ما أظن فيهم زول كان بيضرب زوجته ولو وجد فنااادر..وده نوعا ما ممكن ناخدو كوضع لعدم الإنتشار كثقافة .. عارفة يا رمانة أسوأ شي في الدنيا دي إنك تضرب إمرأة.. ده أسسسسوأ شي في الدنيا على الإطلاق..
الأخ عمر الفاروق... أنا أتمنى إنه حتى لو عندنا ثقافة اسمها ضرب الزوجات.. تنتهي خالص من مجتمعاتنا.. المفروض ننظر للممارسة دي زي أهلنا البجا... كمان لو في حالات حاصلة لازم نواجها عشان ما تصبح ظاهرة .. الفكرة مش في الادانة بس.. بل الاهم معرفة الاسباب وايجاد الحلول ليها...يا عمر الفاروق أنا بشوف أي اعتداء جسدي من الزوج حتى لو كان "دفع" هو علامة خطيرة وأذى شديد للمرأة والحياة الزوجية...أنا هنا ما بتكلم على ضرب مبرح أنا بتكلم على أي تصرف عنيف... المجتمع ما حيتعامل مع التصرف العنيف الأنا بقصده كشي مرفوض...بس المجتمع ما حيقدر يضمن للزوجة إن التصرف ده ما حيتكرر ويتطور لتصرفات أكثر عنفا... كمان ما ننسى إن الحاجات دي بتورث للابناء... يعني الابن البشوف أبوه بتصرف بعنف مع أمه .. حيعملها في المستقبل حتى لو كرهها واستنكرها في حينها....
09-04-2012, 09:44 PM
rummana rummana
تاريخ التسجيل: 02-05-2002
مجموع المشاركات: 3537
Quote: في نظري يصعب تناول ظاهرة او حدث كضرب الزوجة بعيدا عن ثقافة الضرب في السودان عموما، البيضرب زوجته ده انسان طلع من بيئة فيها الضرب كوسيلة عقاب لحد ما مقبولة، مثلا ضرب الاخوة الصغار المحتاجين تاديب او الاخوات الما بيسمعن الكلام او ولد الجيران قليل الادب، او الضرب عند الشجار او ضرب الاساتذة في المدارس للطلبة و العكس او او او
من ذكر انه الضرب مرتبط بجيل معين او احقاب معينة، لا تنسو انه الكلام ده برضه مرتبط بازدياد دقة الاحصائيات كلما تقدم الزمن، يعني قد يكون ليس لازدياد الظاهره نفسها و لكن لانه الناس طبعها تغير و بدل ما تسكت او تمشي بيت ابوها بعد الزعل، ممكن تمشي البوليس حاليا. الدراسة و التحليل ضرورين.
موضوع شائك و يستحق وقفة
سلامات رحاب خليفة .. وأوافق! نحن البنجيبوا لروحنا لأننا بنربي أبناءنا على الضرب والتعنيف..
بس السودانية ما لم يتكرر الضرب ويخرج عن نطاق تحملها ما حتمشي البوليس.. وحتى لو اشتكت للأهل أو طلبت الطلاق حتظل بعيدة عن موضوع البوليس والمحاكم... القضايا المعروضة في المحاكم بتدي لمحة بس عن الحاصل في المجتمع لكن مستحيل تعكس الواقع كما هو أو حتى قريب ليه.. وبعدين في الغالب الأعم ما فيش حد بيعرف موضوع الضرب ده إلا هي وهو وأحياناالابناء وأقرب الأقربين..
الاخت رمانه سلام عاطر لك وللمتداخلين والمتابعين حسب علمي ليس هناك ما يمكن وصفه بثقافة ضرب الزوجات في السودان، لأن الامر لم يصل بعد إلى هذا الحد الذي يمكن وصفه هكذا. أما احتمال وجود من يضرب زوجته من السودانيين فهذا موجود بكل تأكيد، والدليل الحالات التي ذكرها الأخوان والأخوات في هذا البوست. المرأة عامة تتعرض لأنواع متعددة من التجاوز سواء زوجة أو أخت أو ابنه، وليس من شيم السودانيين عامة ضرب النساء أو الميل إليه. سلوك الضرب أو الحالات التي يكون فيها هذا السلوك ليس قاصرا على مجتمع او منطقة أو فئة من النساء وإنما هو سلوك شخصي موجود في كل هذه التصنيفات ولكنه يظل هو الشاذ وليس الغالب. الشعب السوداني الآن أصبح أكثر انفتاحا من ذي قبل وذلك بسبب التعليم والهجرة والتمدن وتوفر مزيد من الفرص أمام المرأة وكذلك انتشار الفضائيات حتى في الأصقاع النائية وفي الريف أدى إلى وجود نوع من الوعي إلى حد ما ساهم في توسيع هذا الانفتاح. الموضوع شيق ولدى حوار جميل مع بنتي ذات الثماني سنوات لو وافقت بطلعكم عليه
مع خالص مودتي
09-05-2012, 07:36 AM
othman mohmmadien othman mohmmadien
تاريخ التسجيل: 12-13-2002
مجموع المشاركات: 4732
لقيت طفلة في عامها الثاني مصرعها ركلاً وضرباً بيد والدها بإحدى قرى الضعين بولاية شرق دارفور وحسب إفادات المقربين فإن شجاراً نشب بين والدي الطفلة قام على إثره الأب بضرب زوجته باللكمات والركل بالأرجل، وفي تلك الأثناء كانت الزوجة تحمل طفلتها ذات العامين ورغم ذلك كان الزوج في قمة هياجه ولم يراع لطفلته التي كانت في أحضان والدتها وظل يسدد الضربات لزوجته بالأقدام والأيدي إلا أن تلك الركلات أصابت الطفلة لترديها قتيلة في الحال جراء إصابات متفرقة بجسدها ورأسها ليتم القبض على الأب حيث دون في مواجهته بلاغ تحت المادة 130 ق ج وأقر الأب بارتكابه للجريمة وقال إنه لم يكن يقصد أن يضرب طفلته ولكنه كان يقصد ضرب والدتها لتأديبها. وقال إنه كان في حالة هياج وثورة أفقدته القدرة على التمييز.
09-05-2012, 08:51 AM
ولياب ولياب
تاريخ التسجيل: 02-14-2002
مجموع المشاركات: 3785
موضوعك حيوي ومن صميم المشاكل الاجتماعية العامة حول العالم ولكن يخصنا ما يجري في بيوتنا وأحياءنا وقرانا ومدننا والسودان ، ومن وجهة نظري يبدو أن ثقافة ضرب الزوجات لها أوجه عديدة ومرت بمراحل مختلفة حسب تطور المجتمع متزامناً مع الحداثة في الحياة والتطور الثقافي والتكنولجي ، حيث أنه في السابق كان الجهل منتشراً وثقافة ضرب الزوجات كانت عادية بالرقم من عدم إنتشارها عند الغالبية ، وقد عشت في قرية بها حوالي 300 منزل بها قرابة الـ 350 أسرة وكنا نسمع عن شخص واحد فقط يضرب زوجته وبإستمرار وبأقل الأسباب ، ومن المرجح أن ذلك الشخص كان مريضاً لأنني شخصيا أعتبر من يضرب زوجته بأستمرار ولأقل وأتفه الأسباب أنه مريض وليس به ذرة من الرجولة ، إذ كيف لرجل أن يضرب زوجته كما يضرب الدواب والأسواء ضربها أمام أطفالها ، وقد يضرب الرجل زوجته في لحظة غضب ضربة واحدة عابرة ولهذا يمكن أن نجد العذر للرجل ولكن مع عدم الاستحباب معاودة الضرب مرة أخرى ، آملين من الرجل ضبط النفس ، لأن المرأة مخلوقة ضعيفة ورقيقة ، وإن قامت للإنتقام من الرجل فمن الصعب إيقافها أو تهدئتها
ومن الطرائف التي سمعتها عن المرأة في تفضيلها للضرب عن الضرة أن رجلاً كان يضرب زوجته فمر عليه شخص فقال له لا يضرب الزوجة هكذا يا الرجل بل بل أضربها بزواجك من أخرى ، فقالت الزوجة لا تسمع كلامه بل إستمر في ضربي
09-05-2012, 05:50 PM
rummana rummana
تاريخ التسجيل: 02-05-2002
مجموع المشاركات: 3537
الأعزاء فضل الله خاطر(رجاءا أشركنا في حوارك مع ابنتك..) othman mohmmadien ولياب مرحبا بكم وبمداخلاتكم ---
Quote: حقيقه بوست مهم جداً يا رمانه وبما أننا من العالم الثالث....مسألة الإحصائيات دي عندنا فيها مشكله عويصه... حتي بعد ما نتفلهم ونحاول نعمل إحصائيه بنختار الموضوع الغلط ذي.... القبيله في أُرنيك السكر يعنى حاجه تمحنّ... الضرب فعلاً كان ما حاجة متفشيه في مجتمعات المدن.... لكن فعلاً بدأ ينتشر بإزدياد التعليم وسط النساء زي ما قال واد أو واحده من الناس السبقونى.... والمرأه دخلت مجلات العمل وبقت تعول نفسها وأُسرتها ووالديها وأخواتها واخوانها...
ولأنو الموضوع فيهو عوامل كثيره مشربكه...بيبقي معالجتو لازم تتم بتأنى.... في زميل كان بعبر عن قناعتو الشخصيه بشكل هزلي وبقول أنا ما بعرس زميله عشان حكاية ....أعتقد وأفتكر (عشان لو في زول واحد بفتكر في البيت دا ...بكون هو أنا....)
والمداخله بتاعت دكتور البندر عن إنو في شيوعي ضرب زوجتو... الحاله ما مقتصره علي الشيوعيين بس.... لكن لأننا بتعتقد بأن الشيوعيين ناس مستنيريين...ومع المرأه وبدافعو عن حقوق المضطهدين... بنستنكر منهم السلوك ده أكثر من غيرهم... لكن في النهايه هم بشر عندهم نفس أمراض مجتمعهم...وما ممكن نحكم عليهم ككتله واحده... لأنو التعميم ما علمي ولأنو الموضوع مخجل للمرأه المعتده بذاتها ما ممكن تكورك ألحقونى...كتلني.... والغاشي والماشي يعرف.... حتي أهلها في أغلب المرات ما بتكلمهم... هلها في أغلب المرات ما بتكلمهم... لأنو ثقافة إنها البت تختار زوجها لسه جديده ...في أول مطب...الأسره بتحاول ترجع بالزمن القهري... ولأن البنت بتخاف من نوع الجمل الزي ( ما ياهو ده عريسك الجبتيهو...) (عزل إيدك ) بتستحمل... والضرب هو ما الخطوه الأولي...الضرب بتسبقو خطوات.... أولها عزل البنت عن محيطها...والمنهو بتستمد قوتها... صاحبتك ده ما عا########ي... ولا لما تجي الصاحبه...يديها تعليق سغيل في كل زياره عشان تاني ما تجي...أو لو جات ما تحس بالراحه أهلك ديل شنو كل يوم ناطين علينا... وكانو مشو زياره قدام الناس آخر ظرافه...وفي العربيه يبتدي النقد لأي حاجه عملتها عشان تفقد ثقتها بنفسها و تشك في تصرفاتها والناس تقول داك يا الزول البحب زوجتو...وهي تحت تحت مهريه.... وكل ما تتعود علي خطوه تجي الخطوة البعدا...أشد قسوه..وإيلام... عشان لما يجي الضرب هي بتكون فاقده الثقه في نفسها وقد تعتقد بأنها هي الجابتو لنفسها
Egbal Elmardi ... شكرا على المداخلة والرأي .... بتفق معاك في معظم ما ذكرتيه بما في ذلك وجود سوداني أميريكي متزوج من اتنين :) واحدة في اميريكا والتانية في كندا ..فكأنه لم يكتف باحدى الحسنيين فجمع بين الاختين الشماليتين...
اقبال: هي الاستنارة دي لو ما نفعت صاحبها وخلته انسان متحضر تبقى استنارة على أي أساس؟ تحياتي لك..
مجرد ملاحظة على احوال الاسرة السودانية المعاصرة فقد صارت الامهات و خصوصا العاملات و المتعلمات اشد قسوة على الابناء من الاباء بل صار الاطفال يحتمون بالاب كملاذ من قسوة الامهات (زعيقا و ضربا و حرمانا من المصروف و اللعب)
09-05-2012, 11:11 PM
رشا احمد رشا احمد
تاريخ التسجيل: 09-18-2010
مجموع المشاركات: 694
Quote: ...فهذه قصتي باختصار يا سيدتي .أنا سيدة جامعية وزوجي قريبي ويحمل درجات علمية رفيعة وله وظيفة مرموقة وقد عمل في السودان وخارج السودان. رغم ذلك لم يمنع نفسه من صفعي أحيانا عندما نتشاجر أو نختلف و أحيانا في اتفه الاسباب. كررها خلال حياتنا الزوجية ربما عشرة مرات وتجاوزت عن ذلك في كل مرة ليس خوفا من الطلاق ولا الفقر ولا اي من الاسباب التي ذكرها البعض في البوست بل لاني رجحت صفاته الايجابية على تصرفاته السلبية وأيضا لاني لم أحتمل أن يعرف ابناؤه وبناته بتصرفاته هذه حتى كبر الاولاد وتزوج بعضهم. ورغم أنه بلغ الرابعة والستين من العمر فعلها مرة أخرى وكان سبب الشجار في موضوع تــافه للغاية ولم احتمل هذه المرة. الآن الكل يعرف ما امتنعت عن ذكره لاحد. الآن يعرفون ان الرجل المحترم صاحب المركز المرموق يضرب زوجته. لم أعد بحاجة له ولا للتستر عليه وطلبت الطلاق. أهلي وأهله استنكروا ذلك بسبب عمرنا نعم استنكروا طلب الطلاق أكثر من الضرب نفسه. الآن أنا مطلقة في الثامنة والخمسين من عمري ولا أندم على طلاقي لكني لا أحس بالحرية بل بالغصة والألم...
09-06-2012, 08:09 AM
rummana rummana
تاريخ التسجيل: 02-05-2002
مجموع المشاركات: 3537
Quote: للاسف هنالك ضرب تتعرض له النساء مقبول و لا يلام فاعله فى اغلب الاحيان ، ضرب الاخ الكبير للبنات فى البيت و كذلك ضرب الاباء و الاعمام و الاقارب للمراة التى يشتكى منها زوجها كان جزء من هذا فى الماضى ، لكن فى الريف و القرى ، تضرب المرأة لاتفه الاسباب.
الأخ هجو الأقرع سلامات .. بيتهيأ لي نحن بنحتاج لنشر ثقافة جديدة في السودان اسمها ثقافة محاربة الضرب وتصغير الآخرين خصوصا أقرب الأقربين ونبدلها بثقافة استخدام المنطق والحجة وسعة الافق وبس.. بمنهج يدرس في المدارس .. وبمحاسبة قانونية إذا الناس لو ما التزموا بيها... والله جد ..زي ما في الدول الغربية...الضرب ساهل لكن المنطق صعب
09-06-2012, 08:13 AM
rummana rummana
تاريخ التسجيل: 02-05-2002
مجموع المشاركات: 3537
Quote: حسب علمي ليس هناك ما يمكن وصفه بثقافة ضرب الزوجات في السودان، لأن الامر لم يصل بعد إلى هذا الحد الذي يمكن وصفه هكذا. أما احتمال وجود من يضرب زوجته من السودانيين فهذا موجود بكل تأكيد، والدليل الحالات التي ذكرها الأخوان والأخوات في هذا البوست. المرأة عامة تتعرض لأنواع متعددة من التجاوز سواء زوجة أو أخت أو ابنه، وليس من شيم السودانيين عامة ضرب النساء أو الميل إليه. سلوك الضرب أو الحالات التي يكون فيها هذا السلوك ليس قاصرا على مجتمع او منطقة أو فئة من النساء وإنما هو سلوك شخصي موجود في كل هذه التصنيفات ولكنه يظل هو الشاذ وليس الغالب. الشعب السوداني الآن أصبح أكثر انفتاحا من ذي قبل وذلك بسبب التعليم والهجرة والتمدن وتوفر مزيد من الفرص أمام المرأة وكذلك انتشار الفضائيات حتى في الأصقاع النائية وفي الريف أدى إلى وجود نوع من الوعي إلى حد ما ساهم في توسيع هذا الانفتاح. الموضوع شيق ولدى حوار جميل مع بنتي ذات الثماني سنوات لو وافقت بطلعكم عليه
الاخ فضل الله خاطر: إذا انت مع القائلين بعدم وجود ثقافة ضرب زوجات نهائيا في السودان - نرجو أن يكون ما نسمعه الآن من قصص شدة وتزول...! ونتمنى انه بنتك تكون وافقت على نشر الحوار :) تحياتي لك ولها
09-06-2012, 08:16 AM
rummana rummana
تاريخ التسجيل: 02-05-2002
مجموع المشاركات: 3537
Quote: لقيت طفلة في عامها الثاني مصرعها ركلاً وضرباً بيد والدها بإحدى قرى الضعين بولاية شرق دارفور وحسب إفادات المقربين فإن شجاراً نشب بين والدي الطفلة قام على إثره الأب بضرب زوجته باللكمات والركل بالأرجل، وفي تلك الأثناء كانت الزوجة تحمل طفلتها ذات العامين ورغم ذلك كان الزوج في قمة هياجه ولم يراع لطفلته التي كانت في أحضان والدتها وظل يسدد الضربات لزوجته بالأقدام والأيدي إلا أن تلك الركلات أصابت الطفلة لترديها قتيلة في الحال جراء إصابات متفرقة بجسدها ورأسها ليتم القبض على الأب حيث دون في مواجهته بلاغ تحت المادة 130 ق ج وأقر الأب بارتكابه للجريمة وقال إنه لم يكن يقصد أن يضرب طفلته ولكنه كان يقصد ضرب والدتها لتأديبها. وقال إنه كان في حالة هياج وثورة أفقدته القدرة على التمييز.
قصة أخرى محزنة جدا... يالله كيف حيقدر يسامح نفسه...تخيل، ضرب وركل ولكمات ..(للتأديب).. وكأنما هي تور مش انسان شكرا أخي عثمان محمدين على المشاركة
09-06-2012, 08:29 AM
rummana rummana
تاريخ التسجيل: 02-05-2002
مجموع المشاركات: 3537
Quote: موضوعك حيوي ومن صميم المشاكل الاجتماعية العامة حول العالم ولكن يخصنا ما يجري في بيوتنا وأحياءنا وقرانا ومدننا والسودان ، ومن وجهة نظري يبدو أن ثقافة ضرب الزوجات لها أوجه عديدة ومرت بمراحل مختلفة حسب تطور المجتمع متزامناً مع الحداثة في الحياة والتطور الثقافي والتكنولجي ، حيث أنه في السابق كان الجهل منتشراً وثقافة ضرب الزوجات كانت عادية بالرقم من عدم إنتشارها عند الغالبية ، وقد عشت في قرية بها حوالي 300 منزل بها قرابة الـ 350 أسرة وكنا نسمع عن شخص واحد فقط يضرب زوجته وبإستمرار وبأقل الأسباب ، ومن المرجح أن ذلك الشخص كان مريضاً لأنني شخصيا أعتبر من يضرب زوجته بأستمرار ولأقل وأتفه الأسباب أنه مريض وليس به ذرة من الرجولة ، إذ كيف لرجل أن يضرب زوجته كما يضرب الدواب والأسواء ضربها أمام أطفالها ، وقد يضرب الرجل زوجته في لحظة غضب ضربة واحدة عابرة ولهذا يمكن أن نجد العذر للرجل ولكن مع عدم الاستحباب معاودة الضرب مرة أخرى ، آملين من الرجل ضبط النفس ، لأن المرأة مخلوقة ضعيفة ورقيقة ، وإن قامت للإنتقام من الرجل فمن الصعب إيقافها أو تهدئتها
الأخ ولياب سلامات هل هناك عنف يمكن التسامح معه... يعني أي نوع من الاعتداء الجسدي ممكن الزوجة تتعامل معاه كشيء عابر أو كبوة تضعها وراء ظهرها..؟ بعدين الضمان شنو إن الفعل ما يتكرر...؟ طيب لو الغضب ده كان من جانب الزوجة والضرب جا من جهتها هل حيسامح الزوج برضو ويفوتها ليها؟
Quote: ومن الطرائف التي سمعتها عن المرأة في تفضيلها للضرب عن الضرة أن رجلاً كان يضرب زوجته فمر عليه شخص فقال له لا يضرب الزوجة هكذا يا الرجل بل بل أضربها بزواجك من أخرى ، فقالت الزوجة لا تسمع كلامه بل إستمر في ضربي
غايتو بيكون فات عليها انه لو اتزوج عليها حتحصل على نصف كميةالاذى فقط...! ماهي الشراكة مش في كل الاحوال سيئة..!
شكرا رمانة وضيوفك على خيط هام يقع تحت بند المسكوت عنه..الانكار والنفي..
اتفق مع القائلين بان ثقافة ضرب الزوجات هي امتداد لثقافة العنف الرسمية في الدولة ومؤشر للامراض التي باتت تنهش في قيمنا ونسجنا الاجتماعي..
وازيد.. ان الموضوع لا يهدد قيم الاحترام المودة والرحمة فقط بل يهدد حياة المرأة بالدرجة الاولى.. باختصار يا ناس هو موضوع سلامة وحياة او موت يجب ان يؤخذ بمنتهى الجدية والصرامة من قبل الاسرة والمجتمع وقبلهم الجهاز القضائي والسلطات ان كان فيها خير يرجى..
_____ سلام جاك صديقي كبر.. افحمتنا والله..
09-06-2012, 04:39 PM
rummana rummana
تاريخ التسجيل: 02-05-2002
مجموع المشاركات: 3537
Quote: مجرد ملاحظة على احوال الاسرة السودانية المعاصرة فقد صارت الامهات و خصوصا العاملات و المتعلمات اشد قسوة على الابناء من الاباء بل صار الاطفال يحتمون بالاب كملاذ من قسوة الامهات (زعيقا و ضربا و حرمانا من المصروف و اللعب)
الأخ عوض محمد أحمد أعتقد السبب هو أنه الوالدين في الوقت الحالي "أكثر انخراطا "في حياة أبناؤهم من زمان ولذلك ممكن يكون هسه في احتكاك أكثر بينهم مما كان في الماضي بسبب العلاقة اللصيقة. ضغوط الحياة (على الرغم من أنها ما مفروض تكون عذر) بتخلي الناس أقل صبرا وأكثر عرضة للتهيج والعصبية. الأمهات دائما أقرب وأكثر مشاركة في حياة أطفالهم من الآباء، بينما الآباء محتفظين بمسافة بينهم وبين الأبناء بحيث انه ما بتكون في مواجهات كثيرة بينهم...وتظل الامهات في نظر "العيال" هن الدانة (القذيفة) ويظل الاب هو الوسادة التي يسقط عليها المقذوف..! بالاضافة لكده تربية الابناء هسه أصعب من زمان نظرا "للثقافة الشديدة حقتهم" :) ياخ ديل يقيفوا للواحد في حلقه المنطق ذاته بيتعب معاهم ..الحمد لله الذي سخر لهم التكنلوجيا وما كانوا لولاها مقرنين..! نرجع ونقول لازم نبذل مجهود شوية لتأسيس ثقافة الحجة والمنطلق وسعة الأفق...
09-06-2012, 04:42 PM
rummana rummana
تاريخ التسجيل: 02-05-2002
مجموع المشاركات: 3537
Quote: شكرا رمانة وضيوفك على خيط هام يقع تحت بند المسكوت عنه..الانكار والنفي..
اتفق مع القائلين بان ثقافة ضرب الزوجات هي امتداد لثقافة العنف الرسمية في الدولة ومؤشر للامراض التي باتت تنهش في قيمنا ونسجنا الاجتماعي..
وازيد.. ان الموضوع لا يهدد قيم الاحترام المودة والرحمة فقط بل يهدد حياة المرأة بالدرجة الاولى.. باختصار يا ناس هو موضوع سلامة وحياة او موت يجب ان يؤخذ بمنتهى الجدية والصرامة من قبل الاسرة والمجتمع وقبلهم الجهاز القضائي والسلطات ان كان فيها خير يرجى..
يا هلا بنجوان وشكرا على حضورك والمشاركة الرأي .. المتأخرة... إنت المذنب هالي بقرب ليك شنو؟ مشتاقين لمداخلاتك ... :)
09-06-2012, 05:53 PM
Egbal Elmardi Egbal Elmardi
تاريخ التسجيل: 04-08-2007
مجموع المشاركات: 1148
Egbal Elmardi ... شكرا على المداخلة والرأي .... بتفق معاك في معظم ما ذكرتيه بما في ذلك وجود سوداني أميريكي متزوج من اتنين :) واحدة في اميريكا والتانية في كندا ..فكأنه لم يكتف باحدى الحسنيين فجمع بين الاختين الشماليتين...
اقبال: هي الاستنارة دي لو ما نفعت صاحبها وخلته انسان متحضر تبقى استنارة على أي أساس؟ تحياتي لك..
سلامات يا رمانه مره ثانيه
ما هم دايماً المستنيرين الزي ديل الواحد بتكون إستارتو إستنارة تنظير... والعجب كان في مكرفون.... لكن لما يشخش البيت ويقفل الباب...مابتعرفي كان ده هو.... ولا جدو...
09-06-2012, 06:17 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
الصديقات و الأصدقاء هنا ..حبابكم جميعا.. كتر خير الصديقات: تراجي ، رمانة ، رحاب ، نجوان.. و كتر خير الصديق احمد خليل..
سوف اعود في مرة ثانية لو ربنا مد في العمر.. و عشان نمرق على بر (يعني احتمال لي قدام الموضوع يجيب ليهو حملة عريضة لإصلاح القانون و كده).. يا رمانة حكاية ثقافة دي أنا كنت زايغ منها.. و شايفك مصرة عليها..و اصرارك صحيح.. يعني القصة مش ظاهرة و بس..و انما ثقافة لدرجة ان القانون السائد (مثل قانون الأحوال الشخصية) اتبناها و قنن ليها.. هنا في بعض الأمور ممكن ناخدها في الإعتبار لنقد القانون: اولا: المعيار.. و القانون عندو نقة كتيرة في حكاية المعيار الذاتي و المعيار الموضوعي.. يعني في القانون الجنائي بيستخدم كتير معيار موضوعي و بيشمل أي انسان غض النظر عن النوع ، الدين ، الثقافة.. الخ.. و قوانين اخرى مثل قانون الأحوال الشخصية.. بيستخدم معيار ذاتي (حكاية امثالها)..و في حكاية التطليق للضرر استخدم نفس الفكرة و هي السائدة في القانون.. يعني لو طلبت التطليق للضرب.. المحكمة بتقوم بتعاين لثقافة المضروبة.. و بيئتها: هل الضرب شائع ام لأ.. فان كان شايع المحكمة ح تقول ليها مافي تطليق..! ثانيا: في قرار المحكمة (رمانة ارفقت الرابط فوق)..المحكمة العليا قالت بالتفريق بين الضرب..و اجازته اذا كان دفاعا عن النفس (و هنا مافي مشكلة.. لأنو المرأة ممكن تضرب دفاعا عن النفس)..و لكن المشكلة في اجازة ضرب الزوج لزوجته بغرض التأديب..و اشتراط ان يكون غير مبرح..و الإشتراط لا يهم لأن المحكمة العليا ايدت الضرب ولا ينفع الإستثناء..و هنا تبدو اللخبطة الجد يا رمانة.. لأن مجرد الضرب هو فعل محرم قانونا بموجب القانون الجنائي و يعتبر جريمة.. يعني لو حدثت الواقعة.. و الزوجة قامت فتحت بلاغ جنائي و اثبتت الضرب في حقها و و صدر حكم لصالحها.. فهذا بديهة بيعني انها ممكن تشيل الحكم ده و تمشي لمحكمة الأحوال الشخصية و تطلب التطليق و سوف يحدث تبعا ( الحركة دي عملتها مرتين في تجربتي في المحاماة في السودان..و نجحت)..والمطلوب مناهضة فكرة اباحة ضربها للتأديب دي.. ثالثا: مقاومة القانون ممكن تستند على مبدأ اصولي يفيد بان الإسلام يصلح لكل زمان و مكان.. فان سبق ووقف الإسلام مع ضرب الزوجة لمعطيات اجتماعية و ثقافية و معايير قيم معينة.. فالآن هذه الظروف انتفت تماما..اليوم المرأة اصبحت متعلمة و عاملة و مشاركة في الحياة العامة (يعني فكرة الإستقلال الإقتصادي و هي مبرر ضرب التأديب في فهمي لأنو زمان كانت تابعة اقتصادي )..و هنا ممكن ناخد من مبادئ الإسلام الأخرى و نترك حكاية (ضرب التأديب)..!!
اذا اصر المجتمع و القانون على حكاية (الضرب غير المبرح للتأديب).. فانا مع ان تكون مساواة تامة.. يعني يسمحوا للمرأة أن تضرب زوجها للتأديب (مش بشر و ممكن يغلط كمان؟!!)..
المهم هذا ما يسمح به الزمن الآن..و سوف اتابع..
و دمتم.. كبر
09-07-2012, 12:07 PM
rummana rummana
تاريخ التسجيل: 02-05-2002
مجموع المشاركات: 3537
smart_ana2001 وان شاء الله تكوني دايما طيبة شكرا ليك ونجوان على هذا البوست... (أنا كنت وين سنة 2010 دي؟) بوست ممتاز .. وأنا شفت بعض الحلقات من برنامج قناة النيل الأزرق زمان.. حأرجع بعد ما أخلص قراءة البوست..
Quote: يعني لو الزوجة /لطمته/ وطعنت في رجولته ظلما وبهتانا لتغيظه/ وطعنت في شرف اهله/ وجهرت بخسته/ ووضاعة اصله/ وعقله/ وامه/ واخواته/ في لحظة شجار وغضب فليس من الواقعية ان نقول ان ضربها لم يكن مبررا كلام ميت !! ففي هذه الحالة فان الضرب والطلاق معا مبرران تماما وفي محلهما
(الفواصل من عندي) غايتو كلام خطير خلاص!
09-07-2012, 01:04 PM
فتحي عباس نقد فتحي عباس نقد
تاريخ التسجيل: 08-21-2012
مجموع المشاركات: 632
الأخت رمانه والمتداخلين انا يا دوب ادوني الباسوورد وما تم الشهر أم البنات قاعدة تتابع احياناً بأكتب في شنو وداخل ياتو بوستات تقوم تلقاني داخل البوست ده ؟ لذا سأنفذ بجلدي وبرجع ليكم،، لكن من المكتب؟؟؟؟؟ إحتمال مستقبلاً افتح بوست هل يوجد في السودان مايمكن تسميته بثقافة ضرب الأزواج؟ ههههههه
09-09-2012, 09:41 AM
rummana rummana
تاريخ التسجيل: 02-05-2002
مجموع المشاركات: 3537
Quote: الأخت رمانه والمتداخلين انا يا دوب ادوني الباسوورد وما تم الشهر أم البنات قاعدة تتابع احياناً بأكتب في شنو وداخل ياتو بوستات تقوم تلقاني داخل البوست ده ؟ لذا سأنفذ بجلدي وبرجع ليكم،، لكن من المكتب؟؟؟؟؟ إحتمال مستقبلاً افتح بوست هل يوجد في السودان مايمكن تسميته بثقافة ضرب الأزواج؟ ههههههه
فتحي عباس نقد البرلوم أولا يا هلا بيك وبمشاركات في المنتدى .. وتانيا حياك الله وحيا ست بيتك أم البنات في البوست... أكيد هي لما تلقاك هنا حتعرف إنك هنا من باب رفض أي ثقافة أو ظاهرة أو حتى حالات فردية للضرب سواء كان ضرب زوجة أو زوج ما تكتب من المكتب بل أرجع لينا من البيت عشان تجيب معاك رأيها هي كمان.. بهمنا كتير.. تحياتي
09-09-2012, 10:20 AM
ابوحراز ابوحراز
تاريخ التسجيل: 06-27-2002
مجموع المشاركات: 5545
شفت عنوان البوست أخت رمانة وقلت ياربي دي كاميرا خفية وللا شنو ؟؟؟؟ إنتي الظاهر عليك زولة قديمة جداً بالله إنتي من زمن ضرب الأزواج لزوجاتهم !!!! الشايفهم الآن والله كلهم راقدين { رز } وبعضهم لاصق في قعر { الحلة } حكيت ليكم مرة جدنا جاء وجد ضيوف في الديوان والساعة ثلاثة وزول واحد جاب ليهم غداء مافي والبيوت ماشاء الله زمان كتيرة جدا الحوش الواحد فيه 20 اسرة المهم هذا الرجل بدا من باب الحوش وبالعكاز المضبب كسر شديد لاخلا راجل ولا مرة حتى نحن صغار العكاكيز وجدت طريقها الينا والله الزول دا يوم مات جرينا بيهو جري للمقابر !!! اها بعد نص ساعة عشرين صينية في الديوان والله غلبوا مائدة سيدنا موسى 20 صفر من وين جات الصواني 00 الله ورسوله اعلم !!! واقسم بالله لولا هذا الجد كان في نسوان يكونن بايرات لحد اليوم لأنه حينما يقول ابوحراز لست النفر ينتهي الكلام هنا لايعرف ليك حب ولارومانسية ولافيس بوك !!! ولو عملت فيها متفلسف وقلت التوافق وما أدراك ما التوافق يقول ليك التوافق بيجي بعدين ياحيوان !!! يعني انت تكون بتحب هيفاء وهبي تلقى نفسك بقدرة قادر زوجوك فيفي عبدو !!!! وليس امامك اي خيار الا تطفيء الأنور وتقبل على الحيطة وتستغفر !!!! ورغم كل هذه الاحتياطات بعد يومين تجدها بدأت تستفرغ قال ايه 00 قال حامل قال !!! واذا حدث ذلك تاني لادفاع مدني ولامطافيء ولا حتى حرس الصيد مايفكوك منها تعيش معاك 65 سنة !!!
اعرف ثلاثة نافذين 00 قال الأكثر نفوذا قال !!! والله لديهم شخصيات عجيبة جدا ومؤثرة ونافذة في العمل والشارع والنادي ولكن في البيت صفر والله الثلاثة يورقون { الخدرة } وفي مرة من المرات ذهبت برفقة حرمي المصون ووجدنا الراجل بالعراقي ويورق في الخدرة بمزاج وقالت لي ست النفر والله انا اتحرجت جدا وحينما وصلنا بيتنا سألتني سؤال غريب جدا يا ابوهشام إنت النسوان الرجالهم بورقوا الخدرة ديل نسوانهم ديل بيعملن ليهم شنو ؟؟؟ غايتو انا عطست ومرقت منها أملأ اسطوانة الغاز !!!
احد أبناء الحي اعرفه ولكنه يسكن بعيد من بيتنا وجدت هذا المعتوه يبكي ليس في بيت البكاء ولكن في المقابر جيت اشيل معاه الفاتحة فذكر لي انه ليس لديه ميت ولكن زوجته { خلعته بالمحكمة } !! فقلت له ولماذا لاتجعر في البيت فالناس الذين تبكي بجوارهم الان نصفهم ماتوا مطلقين !!!
يارمانة 00 انتهى هذا الزمن نحن بننفزر لأقل شيء وتغيرت المعادلة تماما الآن هناك سطوة قوية من بعض الجنس الناعم والله كل يوم الواحد لمن يجي ينوم يحمد ربه إنو ماجاهو صحن طاير !!!
قال ضرب الزوجات قال
09-09-2012, 12:55 PM
rummana rummana
تاريخ التسجيل: 02-05-2002
مجموع المشاركات: 3537
هاهاهاها.. أبو حراز لك تحياتي مداخلة خفيفة الظل كالمعتاد ... عندي عليها تعليق حأجيها بعدين وفي الاثناء هاك قزقز برأي أحد الاخوان في البوست الارفقته سمارت أثناء مناقشته للأخوات في ذات الموضوع وحتعرف إنه مافي كاميرا خفية في الموضوع:
Quote: فالقضية حينما يتم تناولها كمعطى عام فانه يتم النظر اليها ورصدها وتحديد الموقف منها بناء على اسس موضوعية لا تنحو فقط نحو الذاتي من نوع ( كان علي انا دي غايتو موافقة ) يعني رأيك دا ذاتي غنائي مش موضوعي ومن الصعب اعتباره موقف كل النساء شايفك كوركت ليهن بفوق وما قصرن ، لبسن تيابن وجنك : آآآآآآي صاااح !!! ياخوانا لكن ما العنف مستمر ومع ذلك النسوان قاعداااات في بيوتن ما عشان الوليدات وبس وانما عشان حاجات تانية زي: - السترة اخير من كلام الناس - بيتي ولا بيوت الناس - خايفة من شماتة النسوان - عزة المراة في بيتي ياختي !! - وما بنقدر على فراق الرجال - وواحدة تقول ليك طاعة الراجل اجر - وواحدة تقول الوحدة شيطان الخ - والبتقول بصبر امكن ربنا يصلحو واسباب كتييييرة تانية تجعل خيار النساء في النهاية هو البقاء في البيت رغم العنف ( وما بقدر اقول انهن غلطانات او ماعندهن كرامة وعزة نفس ولا قليلات وعي لأن مبرراتن دي ايضا لا تخلو من الحكمة والوعي بشروط المجتمع وقيمه وظروفه ) لاحظي انا ما اتكلمت عن المشكلة الاقتصادية ولا احتمال كونها بلا بيت عائلة تلجأ له او يتيمة ولا عن اجبار ابوها ليها الخ بل اتكلمت عن رضاها فعلا ببيت الزوجية مهما كلف من القابلية للعنف وسلوك الزوج السكرجي الخ
Quote: شفت عنوان البوست أخت رمانة وقلت ياربي دي كاميرا خفية وللا شنو ؟؟؟؟ إنتي الظاهر عليك زولة قديمة جداً بالله إنتي من زمن ضرب الأزواج لزوجاتهم !!!! الشايفهم الآن والله كلهم راقدين { رز } وبعضهم لاصق في قعر { الحلة } حكيت ليكم مرة جدنا جاء وجد ضيوف في الديوان والساعة ثلاثة وزول واحد جاب ليهم غداء مافي والبيوت ماشاء الله زمان كتيرة جدا الحوش الواحد فيه 20 اسرة المهم هذا الرجل بدا من باب الحوش وبالعكاز المضبب كسر شديد لاخلا راجل ولا مرة حتى نحن صغار العكاكيز وجدت طريقها الينا والله الزول دا يوم مات جرينا بيهو جري للمقابر !!! اها بعد نص ساعة عشرين صينية في الديوان والله غلبوا مائدة سيدنا موسى 20 صفر من وين جات الصواني 00 الله ورسوله اعلم !!! واقسم بالله لولا هذا الجد كان في نسوان يكونن بايرات لحد اليوم لأنه حينما يقول ابوحراز لست النفر ينتهي الكلام هنا لايعرف ليك حب ولارومانسية ولافيس بوك !!! ولو عملت فيها متفلسف وقلت التوافق وما أدراك ما التوافق يقول ليك التوافق بيجي بعدين ياحيوان !!! يعني انت تكون بتحب هيفاء وهبي تلقى نفسك بقدرة قادر زوجوك فيفي عبدو !!!! وليس امامك اي خيار الا تطفيء الأنور وتقبل على الحيطة وتستغفر !!!! ورغم كل هذه الاحتياطات بعد يومين تجدها بدأت تستفرغ قال ايه 00 قال حامل قال !!! واذا حدث ذلك تاني لادفاع مدني ولامطافيء ولا حتى حرس الصيد مايفكوك منها تعيش معاك 65 سنة !!!
اعرف ثلاثة نافذين 00 قال الأكثر نفوذا قال !!! والله لديهم شخصيات عجيبة جدا ومؤثرة ونافذة في العمل والشارع والنادي ولكن في البيت صفر والله الثلاثة يورقون { الخدرة } وفي مرة من المرات ذهبت برفقة حرمي المصون ووجدنا الراجل بالعراقي ويورق في الخدرة بمزاج وقالت لي ست النفر والله انا اتحرجت جدا وحينما وصلنا بيتنا سألتني سؤال غريب جدا يا ابوهشام إنت النسوان الرجالهم بورقوا الخدرة ديل نسوانهم ديل بيعملن ليهم شنو ؟؟؟ غايتو انا عطست ومرقت منها أملأ اسطوانة الغاز !!!
احد أبناء الحي اعرفه ولكنه يسكن بعيد من بيتنا وجدت هذا المعتوه يبكي ليس في بيت البكاء ولكن في المقابر جيت اشيل معاه الفاتحة فذكر لي انه ليس لديه ميت ولكن زوجته { خلعته بالمحكمة } !! فقلت له ولماذا لاتجعر في البيت فالناس الذين تبكي بجوارهم الان نصفهم ماتوا مطلقين !!!
يارمانة 00 انتهى هذا الزمن نحن بننفزر لأقل شيء وتغيرت المعادلة تماما الآن هناك سطوة قوية من بعض الجنس الناعم والله كل يوم الواحد لمن يجي ينوم يحمد ربه إنو ماجاهو صحن طاير !!!
الأخ أبوحراز المداخلة المقتبسة أعلاه بالاضافة للاقتباس في مداخلة سابقة كلها لنفس الشخص... ورغم اني قديمة جدا لكن الضرب لا زال موجود لانه طريقتنا في التعامل لما نعجز عن استخدام المنطق ونفشل في التصرف السليم عند الغضب (ادارة الغضب) .. ومداخلات الأخ تدلل على صحة الكلام ده.. الاستاذ صاحب المداخلة عبر عن رأي مجموعة معتبرة من الرجال السودانيين متعلمين وغير متعلمين... إنه ضرب الزوج لزوجته مبرر إذا جهرت بخسته أو أهانت أخواته أو ذكرت وضاعة أصله ..إلخ ، يعني قالت كلام بلسانها... والواضح إنه الرأي هنا إنها بتستحق الضرب لان نوع الكلام القالته بلسانها عبارة عن "حقارة" لسعادته بينما لو في المقابل هو قال نفس الاشياء عنها وعن أهلها مافيش راجل حيجي يقول دي حقارة بيستاهل الزوج عليها الضرب (من الزوجة) .. يا أبو حراز ياخي الضرب بقى مقنن (في قانون الاحوال الشخصية) عشان العايز يضرب زوجته يضرب براحته بحجة التأديب... جدك ما مات..هسه لو واحدة في البنات طلعت من البيت لابسة بنطلون براحة ممكن ينوب عن جدك أي شخص لا يسوى ويلقى عليها القبص وتحاكم وتجلد (تضرب).. نحن ما اتخلينا عن الضرب أبدا بل ازددنا تمسك بيه..
شايفاك قلت الرجال بقوا "راقدين رز" وبعضهم كمان "لاصق في قعر الحلة" .. ومنهم من "يورق الخدرة"... وفي مكان آخر وصف أحدهم الآخر بأنه شايل الشنطة لزوجته ويؤمر فيطيع أو كما قال... يا أخي ما فيها حاجة... المشكلة يكون في ناس لسه بفتكروا الحاجات دي بيعملها الراجل من باب الخضوع والذلة أو سيطرة زوجته عليه .. مش من باب الحب والرضى عن الزوجة... مش الانسان لما يكون سعيد ومرتاح بكون مستعد يريح ويسعد ويعبر عن احساسه ده بأي صورة حتى لو ما"ارضت" الرجال الآخرين..؟ طيب ماهي الزوجة بتشتغل وتصرف على البيت والعيال "وتدفع مصاريف دراسة الاولاد" ومرات بتغترب وتهاجر برضو عشان تساهم في الصرف وتساعد الزوج ...مش دي ما عادت منكورة أو مستنكرة؟
09-10-2012, 06:58 AM
صلاح هاشم السعيد صلاح هاشم السعيد
تاريخ التسجيل: 07-03-2008
مجموع المشاركات: 987
Rummana هذا البوست يستحق تماماً الانتقال إلى الربع الثالث .. لجرأة الفكرة ـ وجرأة التناول ـ وأراك أدرت الحوار بصورة جيدة ـ أي أنك نظرت إلى الإشكال بواقعية .. دون شعارات أو إدعاء.. سأحاول أن أشارك ولو بالقليل في هذا الموضوع .. "حقيقة الأمر : كنت قد بدأت "فكرة" الكتابة في بوست ـ زواج الابناء بالخارج ـ أرجو أن تسمحي لي بالمواصلة هنا ، وأن يسمح لي الأخوة الذين أثروا هذا الملف بمداخلات فعلية وتحليلية تستحق الاشادة والانتباه ..
09-10-2012, 12:51 PM
rummana rummana
تاريخ التسجيل: 02-05-2002
مجموع المشاركات: 3537
Quote: Rummana هذا البوست يستحق تماماً الانتقال إلى الربع الثالث .. لجرأة الفكرة ـ وجرأة التناول ـ وأراك أدرت الحوار بصورة جيدة ـ أي أنك نظرت إلى الإشكال بواقعية .. دون شعارات أو إدعاء.. سأحاول أن أشارك ولو بالقليل في هذا الموضوع .. "حقيقة الأمر : كنت قد بدأت "فكرة" الكتابة في بوست ـ زواج الابناء بالخارج ـ أرجو أن تسمحي لي بالمواصلة هنا ، وأن يسمح لي الأخوة الذين أثروا هذا الملف بمداخلات فعلية وتحليلية تستحق الاشادة والانتباه ..
الأخ صلاح هاشم السعيد سلامات.. المفروض والكنت ناوية أعمله هو نقل مداخلتك هناك برضو لكن كنت أنتظر أن تتابع الفكرة...فقد لمحت إلى ان ضرب الزوجة جزء من تراثنا ومسموح به لدرجة تبرع أهل العروسة بالسوط للعريس في ليلة الدخلة (قديماً .. كان الدخلة عادة ما تتم في بيت العروس .. وأهلها أنفسهم يضعون السوط في غرفة العريس .. ولو لاحظتي قول الشاعرة: السيرة لى عجبى *** ايمة السيرة لى الدخرى شايل سوطو لى ادبى *** فاتح الشنطة لى طلبى والسؤال لماذا قالت الشاعرة قولتها..؟؟ ولماذا يضع أهل العروس "السوط" في غرفة العريس.!!..) شكرا لحضورك وأرجوك المواصلة وحدثنا عن هذا التراث الذي لم اسمع به في حياتي، مع تحياتي
Quote: إبنتي: "نحن" اباؤكم: ربما كنا أميون في القراءة، نتداعى إلى تزويرنا "قبلكم" بانطباعات تصلح "دائماً" في لغة التعميم على كل فرح أو لحظة إنعتاق أو الأصح .. كل ما يخصنا أو يسترنا.. على كل حال سأحاول أن لا أبددني بالتذمر من فصاحة هذا الجيل ... ربما بعضكم ينجو.. أو ينحو إلى ابتكار علاقات جديدة.. وأعترف أن الحوار بيننا "صعب" وغير متجانس ـ بافتراضكم جيل يضعنا "دائماً" في موقع "الملحقية" المتخلفة، وحتى القمعية المتطرفة ـ إلا إذا ما انصاعت رؤانا واندمجت في النظرة الاختزالية لاحساس الدونية ـ والذي احسبه يستلبكم "تماماً" في مواجهة الثقافات الأخرى ـ علماً بأنها رؤية "اعتباطية" بافتراضها لوجود منظومات ثقافية متخلفة من "بيئات متخلفة"، في مواجهة مجتمعات متقدمة تكنولوجيا واقتصادياً ـ لها الحق أن تصف مجتمعات أخرى اقل نمواً بالتخلف والانحطاط. وحقيقة الأمر.. أو الأصح حسب رؤيتي ـ هذه النظرة المرتبطة بقوة العلم قاصرة لأنها تلغي الذاكرة وتحتفي "فقط" بالظواهر المتجددة، وقاصرة لأنها تستبعد الهوية وأنساقاً ثقافية متوارثة ذات منظومة قيّمية جمالية وأخلاقية وروحية كضرورة عند التعامل مع تعقيدات الحياة الواقعية وعند الإجابة على أسئلة الوجود الكلية. أقول : ((لم تنجز الثقافات عبثاً..)). عموماً أعتقد أن حالة "التفكير" وكذا الطرق والقنوات التي نظمت حوارنا، كانت خاضعة لعوامل خارجة عن الثقافة أو الأمكنة التي نظمت تراكيبنا في "خصوصية" كل منا ـ أظنني "اليوم سأفضحني".
الأخت رمانه والمتداخلين جيتكم مره ثانية (ولكن من المكتب) دي زدتها أنا من عندي وليست حقيقة فأنا أكتب من كل مكان وزوجتي الحمدلله رب العالمين لو تحدثت عنها فلن يكفي هذا البوست للوفاء لما قدمته لي ولبناتي وما زالت تقدمه تجاهنا.
بالنسبة لتسمية ثقافة أعتقد بأن البعض يراها غير ذلك وأنت قصدت ما أمرنا به رسول الله (ص) هذه الثقافة رأيت بعضها بأم عيني ومرة من المرات سكنت في عماره وجاري كان سوداني هذا الشخص عندما نره نهاراً كأنه ملك قمة الأدب وقليل الكلام وصلواته الخمس ولكن في منتصف الليل أحياناً ما تأتينا زوجته مستنجده من ضربه المبرح بعد ذهابه للفندق ليلا أو لبعض أصدقاء الليل وتتصورون لديه أولاد وبنات صغار وتقول لي أنا عايشه معاه لأن أهلي ما كانوا راضين وتخلوا عني، فما كان مني إلا أن هربت من تلك العمارة بعد شهر... فلم أعرف هل هذه نفسيات عند الرجل أم ماذا يفسرها الدكاتره البورداب. البعض أيضاً يراها ثقافه ويستمر في ضرب زوجته في أقل الأسباب؟ فرسولنا الكريم قال إذا تمادت الزوجه في فعل مكرر منها ولم يكن صحيحاً.. أقصد.. إحتمال الزوج يرى شيء بدر من زوجته خطأ وهذا حسب تفكيره هو، مع العلم بأن هذا الفعل من الزوجه قد يكون صحيح عندها وعند عامة الناس، ولكن حسب تفكيره هذا يتمادى في ضربها.
هنالك زوجات يعملون ويصرفون على البيت والزوج لا يكون قادراً على إيجاد وظيفة أو أي سبب آخر وهذا السبب جعل بعضهم وحتى لو كانت زوجته قد أخطأت في حقه أو حق الغير وفي وجوده تجده لا يبادر بتصحيح ذلك لأنها هي من تصرف عليه. (وهذه أيضاً واقعة حقيقية ورأيتها عن قرب) وراجع ليكم بإذن الله
09-11-2012, 02:24 AM
Nagat Sid Ahmed Elshiekh Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: يارمانة 00 انتهى هذا الزمن نحن بننفزر لأقل شيء وتغيرت المعادلة تماما الآن هناك سطوة قوية من بعض الجنس الناعم والله كل يوم الواحد لمن يجي ينوم يحمد ربه إنو ماجاهو صحن طاير !!!
قال ضرب الزوجات قال
هههه ابوحراز والله مداخلة خفيفة الظل ، كلامك دا معناه بعد كم سنة ح تتقلب الآية ... بوست موفق جدآ العزيزة رمانة.
الاخت العزيزة رمانة سلام لك وللمتداخلين عدنا مرة أخرى لهذا البوست ولكن حتى الآ ن لم احصل على أذن من بنتي ذات الثماني سنوات لطرح الحوار الذي جرى معها وطالما لم تأذن فمافي طريقة لطرحه دون إذنها (شفتي الاحترام دا لحدي وين). الموضوع المطروح يا رمانة هو في غاية الحيوية ومن صميم القضايا التي تواجه الأسر السودانية ومهما الناس أحيانا تجمل الصورة تظل هناك صور موجودة عن الذي نتحدث عنه . ضرب النساء في الازمان القديمة موجود في مناطق متعددة من السودان ولكن الآن هذه الظاهرة انحسرت لحد بعيد وهذا لا يعني أنها غير موجودة ولكن هناك عوامل عديدة ساهمت في ذلك، من بينها التعليم والتمدن وغير ذلك فضلا عن زيادة الوعي بشكل عام. ولكن في نفس الوقت زاد العنف بأشكال مختلفة ضد المرأة وإذا ما تجاوزنا هذا فإن هناك عنف أيضا ممارس من طرف المرأة ضد الرجل فتجدي مثلا خطوط تلفونات ساخنة في العديد من البلدان للتبليغ ضد هذا العنف، واحدة للنساء ضد الرجال والاخرى للرجال ضد النساء. وعندنا هنا في هذه البقاع من العالم مسألة الخط الساخن دي عادية ومن فترة لأخرى تنشر نتائج تحقيقات وتقارير عنها. الحوار في هذا الجانب متعدد ولعل الكثير من الأخوة المتداخلين وخاصة القانونيين هم أكثر الناس تأهيلا للحديث في مثل هذه الأمور لطبيعة المهنة التي تجعلهم يتوفرون على الكثير من الأسرار والقضايا ذات الصلة. مرة أخرى تحياتي لك وللمتداخلين والمتابعين من خارج البورد.
Quote: اذا اصر المجتمع و القانون على حكاية (الضرب غير المبرح للتأديب).. فانا مع ان تكون مساواة تامة.. يعني يسمحوا للمرأة أن تضرب زوجها للتأديب (مش بشر و ممكن يغلط كمان؟!!)..
المهم هذا ما يسمح به الزمن الآن..و سوف اتابع..
و دمتم.. كبر
صديقي العزيز كبر تحياتي قصة الضرب غير المبرح دي فيها كلام كتير في الزمن الحالي دا وأحيانا هناك أزواج يحتاجوا تأديب لأنهم متعسفين أكثر من اللازم والغريبة بيلقوا البشجعهم سواء من البيئة أو من ناس أحيانا متعلمين. تحياتي للأسرة
09-11-2012, 07:37 AM
rummana rummana
تاريخ التسجيل: 02-05-2002
مجموع المشاركات: 3537
Quote: بالنسبة لتسمية ثقافة أعتقد بأن البعض يراها غير ذلك وأنت قصدت ما أمرنا به رسول الله (ص) هذه الثقافة رأيت بعضها بأم عيني ومرة من المرات سكنت في عماره وجاري كان سوداني هذا الشخص عندما نره نهاراً كأنه ملك قمة الأدب وقليل الكلام وصلواته الخمس ولكن في منتصف الليل أحياناً ما تأتينا زوجته مستنجده من ضربه المبرح بعد ذهابه للفندق ليلا أو لبعض أصدقاء الليل وتتصورون لديه أولاد وبنات صغار وتقول لي أنا عايشه معاه لأن أهلي ما كانوا راضين وتخلوا عني، فما كان مني إلا أن هربت من تلك العمارة بعد شهر... فلم أعرف هل هذه نفسيات عند الرجل أم ماذا يفسرها الدكاتره البورداب. البعض أيضاً يراها ثقافه ويستمر في ضرب زوجته في أقل الأسباب؟ فرسولنا الكريم قال إذا تمادت الزوجه في فعل مكرر منها ولم يكن صحيحاً.. أقصد.. إحتمال الزوج يرى شيء بدر من زوجته خطأ وهذا حسب تفكيره هو، مع العلم بأن هذا الفعل من الزوجه قد يكون صحيح عندها وعند عامة الناس، ولكن حسب تفكيره هذا يتمادى في ضربها.
هنالك زوجات يعملون ويصرفون على البيت والزوج لا يكون قادراً على إيجاد وظيفة أو أي سبب آخر وهذا السبب جعل بعضهم وحتى لو كانت زوجته قد أخطأت في حقه أو حق الغير وفي وجوده تجده لا يبادر بتصحيح ذلك لأنها هي من تصرف عليه. (وهذه أيضاً واقعة حقيقية ورأيتها عن قرب) وراجع ليكم بإذن الله
فتحي يا برلوم تحياتي مرة تاني.. أنا قريت مداخلتك أكثر من مرة خوفا من اني أكون أخطأت في فهمها .. فإن فعلت نرجو العفو.. يا أخي الكريم قدوتنا الحبيب المصطفى لم يأمر بضرب الزوجة ولم يضرب زوجاته رغم كثرة عددهن واختلاف أعمارهن ولجوء بعضهن لحيل نسائية (وأقول نسائية بتحفظ) تسببت في الضيق للرسول عليه الصلاة والسلام حتى نزلت في ذلك آيات بسورة التحريم ويمكنك المتابعة هنا: http://www.islamweb.net/newlibrary/display_bo...g=1&bk_no=50&ID=4870 بل يقال ان الرسول عليه السلام لما جاء اخوان احدى النساء المسلمات يشكون أن زوجها ضربها أمر ليها بالقصاص وده معناه إنه تعامل مع ضربها كجريمة ...ثم بعد ذلك نزلت الآيات التي تتحدث عن نشوز الزوجة وخيارات التعامل معاه . رغم ذلك لم يضرب الرسول زوجة ولا أي شخص آخر بل قال ما أكرمهن إلا كريم وما أهانهن إلا لئيم* وأوصى المسلمين بالنساء خيرا في خطبة الوداع .. وموضوع الضرب المذكور في الآية ذاته فيه كلام كتير متى يكون وكيف يكون ولمن يكون..... الأخ فتحي مهما صدر من زوجة أو زوج المفروض الناس تقدر تتعامل معاه بالمنطق واللسان مش بالضرب... يعني ما مفروض يكون في مبرر ليه أبدا... يا أخي كيف اقدر أتعامل مع طفلي بالمنطق والحكمة بعيدا عن الاعتداء الجسدي إذا زوجي بيتعامل معاي أنا الكبيرة بالضرب؟ وصرف الزوجة على البيت أو عدمه ما مفروض يكون ليه أي دخل في معاملة الازواج مع بعضهم البعض ... ما في أي داعي لفوقية الرجل على المرأة (فوقية توجب التأديب).. ياخ مادام الزوجة غير مؤدبة هو في الاساس الجبروا شنو يتزوجها؟ (شفت المفروضات دي قدر شنو :)) ---- * قالوا الالباني قال الحديث ده موضوع ... غايتو موضوع ولا مرفوع أنا شايفاه كلام عقل ...!!
09-11-2012, 07:44 AM
rummana rummana
تاريخ التسجيل: 02-05-2002
مجموع المشاركات: 3537
الأخت نجاة سيد أحمد الشيخ أنا عارفة موضوع الضرب ده بتزعلك سيرته... شايفة في البوست ده وبوست نجوان طلع إنه القصة احتمال تكون ثقافة موجودة في بعض مجتمعاتنا وبرضو ممكن الضرب يكون مبرر..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
rummana
عادل الباهي عبدالرازق
تيسير عووضة
محمد البشرى الخضر
Hani Arabi Mohamed
وضاحة
محمد أبوالعزائم أبوالريش
Hisham Ibrahim
ناذر محمد الخليفة
محمد عمر جبريل
Afraa Sanad
اسعاد محمدانى
Dania Elmaki
Dr Salah Al Bander
Kabar
Tragie Mustafa
عمر الفاروق
Rihab Khalifa
Egbal Elmardi
هجو الأقرع
othman mohmmadien
ولياب
رشا احمد
نجوان
smart_ana2001
فتحي عباس نقد
ابوحراز
صلاح هاشم السعيد
Nagat Sid Ahmed Elshiekh
فيس بوك
تويتر
انستقرام
يوتيوب
بنتيريست