|
Re: المريخ يطوي ملف الممتاز ....يوجد عواء ذئاب (Re: محمد البشرى الخضر)
|
أي والله خطفتها من خشمي يا ود البشري
محمود عز الدين دا تخصص في المريخ
Quote: يا دكتور مدرب الرابطة كان ماسك الأمل يوم رشوهم في استادهن الراجل اتخصص فيهم خلي بالك |
والمصيبة إنو الرابطة تقدمت والمريخ هو اللي تعادل....يعني الجماعة يحمدوا ربهم ...جات سليمة...نقطة ما بطالة...والله مهزلة و ملطشة
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: احمد حامد صالح)
|
أوووو صديقنا أحمد بتاع مالي...بالله إنت صفوة...حرام عليك ...بالله الاقمار يجوك لحدي عندك في باماكو...وما تقلب...
Quote: الله يخارجنا من ريكاردو
ده ما ينفع راعى غنم فى احراش الامزون |
ريكاردو مين يا بوحميد....دا إستلم أفضل تيم للهلال...وغتس حجرو...مشكلتكم الشخصيات والاموال جهولة الهوية وكذلك الارزقية العاملين فيها مرشدين ليكم ديل من عشر سنين....كفاية فوقوا...
تحياتي
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: فايزودالقاضي)
|
Quote: الله يخارجنا من ريكاردو |
يا مان ما تحملوا علي ريكاردو شديد ريكاردو دا ابقي ليكم حارس والا ابقي ليكم مدافع والا مهاجم عليك الله أتأمل في التشكيلة دي أكرم _ باسكال _ ليما _ نجم _ بله _ الزومه _قلق _ السعودي _ الباشا _ رمضان _ كلتشي وصدق البرير عندما قال لا يوجد لاعب في المريخ يستحق ان يلعب في الهلال يعني اتخيل السعودي دا مثلا في خانته في الهلال عمر بخيت علاء الدين يوسف نزار حامد علي اليمين احتياطي ما اخارج معانا شوف احسن ليك السنة دي تشجع كرة السلة احتمال تمشي معاكم شوية
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: 7abib_alkul)
|
حبيب كل الهلاليين
Quote: أكرم _ باسكال _ ليما _ نجم _ بله _ الزومه _قلق _ السعودي _ الباشا _ رمضان _ كلتشي |
دا كلو كوم.....وبلة دا كوم براهو
يعني لو ناس المريخ ديل قنعو من الطرف اليمين دا تماما وخلوهو فاضي مش كان أحسن...
أما الزومة دا لحدي الان محتار في بشة الخلاهو قدامو في خط مرمي الهلال....جاب قوون كيف في أكرم
وأجمل تعليق كان للحضري قال: قايبين لي واحد إسمو زوما...دا مابيفهمش أي حاقة في كرة القدم...
وقال: ولا بلا (بكسر الباء يقصد بلة)...(بلا )...دا حكاية....
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: د. ياسر عبد القادر)
|
إنتو ناس المريخ ديل بيلفوا ويدوروا مالهم: مرة المشكلة المدرب...ومرة الحضري...ومرة اللاعبين....واحد كدا يدق صدره ويمرق الحقيقة مافي.....
يا جماعة كل الناس دي تغيرت...إلا الراس....خليكم شجعان مرة واحدة و غيروا الراس
صدقوني تغيير جمال الوالي دا هو الحل الوحيد لكل جماهير المريخ......الراجل دا هو النحس الوحيد في المريخ
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: د. ياسر عبد القادر)
|
مسختوا علينا الدوري ذاتو
و الله مسخو عديل.
زمان المريخ كان قوي و كان دوري العاصمة ما بنضمن أبدا أبدا للهلال او المريخ لحد ما تجي الموردة الماخمج تدق فيهم مسمارها المعهود.
الأن قبل خرتمية مباراة يتحسم الدوري للهلال.
للأسف أنو عافية الكرة السودانية ما بترجع إلا لمن الهلال يكون قوي و كذلك المريخ. زمان تلقى الدحيش ماسك الوسط يوزع في الكور تقول الهلال ملك المبارة يقطعوها تمشي لكمال عبد الوهاب يعزف بيها أجمل الالحان تحلف تقول المريخ هو سيد المبارة. الأن المريخ محروم من خدمات الكشافية بتاعبنو بسبب السماسرة. الكشافية ممكن يمشوا ينكتو ليهو لاعب زي المرحوم المبدع سامي عز الدين يهزم سيد البلد في اول لقاء له بعد شطب الفريق كلو. و لكن الأن صحافة الإرتزاق هي المهيمنة على المريخ لذلك سوف يحصدون البور كل عام.
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: عمار يس النور)
|
الاخ عمار
والله الدوري ...لو ماشلت يدك من قلبك بعد ما الحكم يصفر معلنا نهاية أخر مباراة في الدوري....دا ما دوري ذاتو...والله أنا هلالابي بالميلاد ولو الهلال اتهزم من المريخ كنت بحرد الرضاعة ذاتو...لكن كنت بتكيف من سامي عز الدين و من جمال ابوعنجة...وسكسك...ناس قلوبها حارة ذاتو
Quote: الأن المريخ محروم من خدمات الكشافية بتاعبنو |
ياخ الليلة المريخ جايب ليهو برازيلي كدا التقول جايبو من الصين...الكشاف الجابو دا اظنو بطاريتو محروقة...
جماعتك بقو يعزلوا قي لاعبي نادي الهلال وكل مرة...معز ولدنا...مهند ولدنا...سادومبا ولدنا...أمبارح لاعب جديد للهلال اسمو سانية...جاب هاتريك...بكرة من الصباح حتسمع ..سانية ولدنا
انها حقا نهاية حزينة لنادي اسمو المريخ
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: د. ياسر عبد القادر)
|
سلامات د. ياسر قبل الماتش بيوم كتب مشجع مريخي بدرجة كاتب عمود رياضي:
Quote: الرابطة أو (الذئاب) انهزم بثلاثية حارقة من هلال الساحل في آخر مباراة أتمنى اليوم أن يتحرك قليلاً، فالمريخ في أشد الحاجة لتجربة إعدادية قوية. |
اها إن شاء الله الجماعة إتحركوا (قليلا)
كدا فرصة المريخ في الحصول على كاس (الكوكو) أكبر من الهلال لأنو ما عندو أي شي يشغلو عن الكوكو
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: Ashraf el-Halabi)
|
العزيز دكتور ياسر
لك التحايا النواضر و رمضان كريم
الجماعة ديل الله يكون فى عونهم فى كل مرة يقولوا ليك هم أفضل من يتعاقد مع اللاعبين و ما زالوا يرددون مقولة عرابهم مزمل بأن الكاش يقلل النقاش و عند بداية الموسم لا نحس بالكاش و لا نسمع نقاش
حدى يصحى هارون يا جماعة
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: Ashraf el-Halabi)
|
أشرف سلامات
Quote: قبل الماتش بيوم كتب مشجع مريخي بدرجة كاتب عمود رياضي: |
هذه هي العلة الحقيقية....حتي الادارة عندهم تتأثر بما يكتب هؤلاء المشجعين....وفي النهاية هم مشجعين لكن العتب علي الادارة..
Quote: كدا فرصة المريخ في الحصول على كاس (الكوكو) أكبر من الهلال لأنو ما عندو أي شي يشغلو عن الكوكو |
بالعكس...الهلال الان ماعندو شي يشغله عن الكونفدرالية...وهؤلاء أصلا تأهلوا بيالطيف...أخاف يفضحونا هناك
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: khaleel)
|
خلو سلامات
Quote: وسيبنا من حكاية المحلي دا
لقد شبعنا منه |
لا بالله خلينا نستمتع شوية بالابداع دا....الجماعة من الصباح قايمين في حكاية إنهم طووا ملف الممتاز و عايزين كأس الكونفدرالية....
شوف بالله تيم بكل أساسييه ماقادر يفوز علي الرابطة كوستي ...يفكر في الكونفدرالية....تعرف يا خلي دا بيذكرني بي كلام الصادق المهدي...غلفا وشايلة موسها تطهر (-:
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: د. ياسر عبد القادر)
|
Quote: صدقوني تغيير جمال الوالي دا هو الحل الوحيد لكل جماهير المريخ......الراجل دا هو النحس الوحيد في المريخ |
ليس هو النحس الوحيد للمريخ .. نحس المريخ ناتج من العلاقة الحميمة بين جمال الوالي ومزمل ابو القاسم عضو البورد والصحفي الفاشل المتملق.! وهذه الثنائية في رائي هي مصدر الاخفاق الملازم للمريخ. تصدق يا دكتور انا بحب مزمل ده وبتفاءل بيهو ! كونه اكثر من يقدم خدمات مجانية للهلال سنوياً ، بتخديره الفعال للمريخاب جمهوراً وادارةً ولاعبين.! ياخ ده عامل فيها مدرب وحكم واداري وخبير قانوني بقوانين الفيفا ، هل تذكر قضية الاعارات في دوري ابطال افريقيا عام 2009 والشكاوي وتحريضه للفرق لشكوي الهلال ،، وكيف شغل المريخ من التركيز في الميدان الي التركيز في مطاردة موظفين الكاف ورؤساء بعض الاندية النيجرية.! وتذكر كيف حل المريخ طيشاً للمجموعتين بجدارة ؟! وكان الفريق الوحيد الذي لم ينتصر في دوري المجموعات .. وكانت حصيلته ثلاث نقاط في ست مباريات.!
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: MOHAMED EL-BEELI)
|
محمد البيلي سلامات
.. Quote: نحس المريخ ناتج من العلاقة الحميمة بين جمال الوالي ومزمل ابو القاسم عضو البورد والصحفي الفاشل المتملق.! وهذه الثنائية في رائي هي مصدر الاخفاق الملازم للمريخ. |
الثنائي دا إن شاء الله لا يفوت لايموت.....فوتان الجماعة ديل يعتبر كارثة علي الهلال...عشان كدا إحنا أكثر الناس المستفيدين من بيع الوهم للعالم المخدرة دي
تسلم
| |
|
|
|
|
|
|
Re: المريخ يطوي ملف الممتاز ....يوجد عواء ذئاب (Re: تاج السر محمد حامد)
|
الاخ الاكبر والاستاذ الصحفي القدير: تاج السر
Quote: معقوله بس تكون هلالابى !!
أكاد لا أصدق |
ليييه يا تاج....ألا تعلم أن 90% من أبناء حينا هلالاب
كدي أسأل بت جيرانا.....لك ولها وللابناء التحية..
Quote: أتركها ..
الى حين أنتهاء الممتاز ..
وبعدين لينا كلام |
..
قصدك الممتاز الجايي ...لأنو دا إنتهي
الله يلزمنا و إياكم الصبر
تحياتي
| |
|
|
|
|
|
|
|